فیصل آباد(عثمان صادق) فیصل آباد ڈویلپمنٹ اتھارٹی کے زیر اہتمام ایف ڈی اے سٹی میں مختلف رقبہ جات کے رہائشی وکمرشل پلاٹس کی فروخت کیلئے کھلے عام نیلامی منعقد ہوئی جس میں بڑی تعداد میں بولی دھندگان نے شرکت کی اور پلاٹس کی خریداری کے لئے بولی میں گہری دلچسپی کا مظاہرہ کیا۔ نیلامی کے پہلے دن 5 کروڑ 80 لاکھ روپے کے گیارہ پلاٹس فروخت ہوئے۔ عوامی۔سہولت کے لئے بقایا پلاٹس کی نیلامی منگل 21 ستمبر کو بھی منعقد ہوگی۔ڈائریکٹر جنرل ایف ڈی اے ڈاکٹر فیصل عظیم نے خصوصی طور پر بولی کے عمل کا جائزہ لیا جبکہ نیلام کمیٹی کے اراکین ڈائریکٹر اسٹیٹ مینجمنٹ سہیل مقصود پنوں، ممبر گورننگ باڈی ایف ڈی اے میاں یاسر انور، پراجیکٹ ڈائریکٹر حبیب الرحمن، اسسٹنٹ ڈائریکٹر قمر شہزاد ودیگرنے نیلام عام کی نگرانی کی۔ ڈائریکٹر جنرل نے نیلامی کی تقریب سے خطاب کرتے ہوئے بولی دھندگان کا خیر مقدم کیااور کہاکہ بولی کے عمل کو صاف شفاف اور منظم رکھنے کیلئے تمام تر ضروری اقدامات کئے گئے ہیں اس ضمن میں مروجہ پالیسی اور قواعد و ضوابط کو مدنظررکھاگیاہے۔ انہوں نے بتایاکہ ہاؤسنگ کے شعبہ میں ایف ڈی اے سٹی ایک بہترین اور باوقار رہائشی منصوبہ ہے جو اب تیزی سے ترقی کی جانب گامزن ہے۔انہوں نے بتایاکہ بجلی کی فراہمی کیلئے تین فیڈر ز فنکشنل ہوگئے ہیں جبکہ بقایاکام اوردیگر ترقیاتی منصوبوں کی تکمیل کیلئے پیش رفت جاری ہے۔ انہوں نے بتایاکہ سکیورٹی سسٹم کو مضبوط بنانے کیلئے چاردیواری کی تعمیر کے علاوہ پولیس چوکی کاقیام عمل میں لایاجارہاہے جبکہ ڈویژنل پبلک سکول کے قیام کا منصوبے پر بھی کام جاری ہے۔انہوں نے بتایاکہ کمرشل ایریا کو بارونق بنانے کیلئے دیگر اقدامات کے علاوہ مشہور برانڈز کی مختلف کمپنیزسے بھی بات چیت کی جارہی ہے۔ انہوں نے کہاکہ ایف ڈی اے سٹی میں تمام تر بنیادی سہولیات فراہم کی جارہی ہیں اور اس ہاؤسنگ سکیم میں سرمایہ کاری کا یہ بہترین موقع ہے کیونکہ ایف ڈی اے کے بارے میں عام تاثر بہت بہتر ہوا ہے اور قدر وقیمت میں بتدریج اضافہ سے الاٹیز /مالکان اب پلاٹس کی فروخت میں دلچسپی نہیں رکھتے جبکہ خریدار پلاٹس کے متلاشی ہیں۔ انہوں نے یقین دلایا کہ پلاٹس کی فروخت سے حاصل ہونے والے فنڈز ایف ڈی اے سٹی کی مزید ڈویلپمنٹ پر ہی خرچ کئے جائینگے۔
Category: فیصل آباد
آر پی او فیصل آبادعمران محمود کی طرف سے آر پی او آفس میں اردل روم کا انعقاد
آر پی او فیصل آبادعمران محمود کی طرف سے آر پی او آفس میں اردل روم کا انعقاد۔پولیس افسران کوکر پشن اور اختیارات کے ناجائز استعمال کی صورت میں کڑے محکمانہ احتساب کا سامنا کرناہو گا۔
تفصیلات:
(شان رسول نماٸندہ باغی ٹی وی سے)
آرپی او فیصل آبادعمران محمود نے کانفرنس روم آر پی او آفس میں اردل روم کا انعقاد کیا۔اردل روم کے دوران08پولیس افسران چارج شیٹ شوکاز نوٹسزو کی سماعت کے سلسلہ میں پیش ہو ئے۔دوران سماعت آرپی او فیصل آباد عمران محمودنے انسپکٹر ریاض الدین،SIجاوید اقبال،SIرائے محمد فاروق،SIریاض شاہد،ASIطاہر محمودکی چارج شیٹز کو فائل کر نے جبکہ SIریا ض شاہد TASIولید حسین اور کنسٹیبل خلیل احمد کو سزاء سنشور کے احکامات جاری کر دیے۔
اس موقع پر آرپی او فیصل آباد نے اظہار خیال کر تے ہو ئے کہا کہ محکمہ میں سزا اور جزاء کا عمل ہر صورت جاری رکھا جائے گا۔اچھی پروفارمنس کا مظاہرہ کر نے والے پولیس افسران انعامات کے حقدار ہو نگے جبکہ کرپشن اور اختیارات کا ناجائز استعمال کر نے والے پولیس افسران کوکڑے محکمانہ احتساب کا سامنا کر نا ہو گا۔
آر پی او فیصل آباد عمران محمود کا ضلع چینوٹ کا دورہ
آر پی او فیصل آباد عمران محمود کا ضلع چینوٹ کا دورہ ڈی پی او آفس میں کرائم میٹنگ،یادگارشہداء پر حاضری ٹی ایم اے گراؤنڈچینوٹ میں کھلی کچہری کا انعقاد۔تھا نہ چناب نگر اور تھا نہ کانڈیوال کی انفارمل انسپکشن۔
تفصیلات:
(شان رسول نُماٸندہ باغی ٹی وی سے)ریجنل پو لیس آ فیسر فیصل آباد عمران محمود نے ضلع چینوٹ کا دورہ کیا،ڈی پی آفس پہنچنے پر ڈی پی او چینوٹ بلال ظفر نے انکا استقبال کیا اور پولیس کے چاق و چوبند دستے نے سلامی دی۔
بعد ازاں ڈی پی او آفس میں زیر صدارت آر پی او فیصل آباد عمر ان محمود کرائم میٹنگ کا انعقاد ہوا جس میں ڈی پی او چینوٹ بلال ظفر،ایس ڈی پی اوز اور ایس ایچ اوز ضلع چینوٹ نے شرکت کی۔
دوران میٹنگ سنگین مقدمات کے چالان، نامکمل چالان،زیر تفتیش مقدمات کاتفصیلی جائزہ لیا گیا۔
ریجنل پولیس آفیسر فیصل آباد نے احکامات جاری کرتے ہوئے کہاکہ افسران زیر تفتیش مقدمات کو یکسو کرنے کیلئے اپنا مثبت کردار ادا کریں۔
تفتیشی افسران مقدمات کو یکسو یا خارج کرنے کیلئے انصاف اور میرٹ کو ترجیح دیں۔ نیشنل ایکشن پلان کے تحت قوانین پر عمل درآمد کر وایا جائے اپنی پیشہ ورانہ مہارت کو بروئے کار لاتے ہوئے جدید خطوط پر تفتیش مکمل کی جائے تاکہ جرائم کے خاتمہ میں مدد ملے۔ ریکارڈ کو کمپیوٹرائزڈ کرنے کے ساتھ ساتھ مینول بھی ترتیب دیا جائے۔
بعد ازاں آرپی او فیصل آباد عمران محمود نے شہدا پولیس کو خراج تحسین پیش کر نے کے لیے یادگار شہداء پر حاضری دی اور پھولوں کی چادر چڑھائی۔
اس موقع پراظہار خیال کر تے ہو ئے کہا کہ میں پولیس کے ایسے شیردل جوانوں کو خراج تحسین پیش کرتا ہوں جنہوں نے اپنی جانیں وطن کے دفاع اور جرائم پیشہ عناصر کے خاتمہ کے لئے قربان کر دیں اور اپنے لہو سے ایثار و قربانی کی روشن مثال قائم کی۔قوم کے کل کی خاطر اپنا آج قربان کر دینے والے یہ عظیم فرزند ہمارے محسن ہیں۔
بعد ازاں آر پی او فیصل آبادعمران محمود نے انسپکٹر جنرل آف پولیس پنجاب کے وژن کے مطابق TMAگراؤنڈ چینوٹ کھلی کچہری کا انعقاد کیا۔اس موقع پر ڈی پی اوچینوٹ بلا ل ظفر انکے ہمراہ تھے۔متعلقہ دیہہ کے لوگوں نے انفرادی اور اجتماعی طور پر آر پی او فیصل آباد کو اپنی شکایات اور مسائل سے آگاہ کیا۔آر پی او فیصل آباد نے موقع پر ہی انکے حل کیلئے احکامات جاری کیے۔اس موقع پر آر پی او فیصل آباد نے کہا کہ عوام کی جان و مال کا تحفظ جرائم کا خاتمہ اور امن و امان کا قیام پولیس کے اولین فرائض میں شامل ہے۔
لوگوں کی شکایات اور مسائل کے حل کیلئے تمام ممکنہ اقدامات کریں گے۔لوگوں کو انکی دہلیز پر انصاف کی فراہمی کیلئے کوئی کسر اٹھا نہ رکھی جائیگی۔سروس ڈلیوری کے عمل کو بہتر بنانے کیلئے اقدامات جاری ہیں انشااللہ مثبت نتائج برآمد ہونگے۔
معاشرتی برائیوں کا خاتمہ معاشرے میں جرائم کے خاتمہ کیلئے کلیدی اہمیت رکھتا ہے۔سول سوسائٹی معاشرتی برائیوں کے خاتمہ کیلئے پولیس کا ساتھ دے۔
ٍبعد ازاں آرپی او فیصل آباد عمران محمود نے بسلسلہ انفا ر مل انسپکشن تھا نہ چناب نگراورتھا نہ کانڈیوال کا دورہ کیا۔تھانہ جات پہنچنے پر انہوں نے تھانوں کی صفائی ستھرائی،عمارت،فر نٹ ڈیسک مال خانہ، تھانہ کی حوالات اور بند ملزمان کی تفصیل کو چیک کیا۔ رجسٹر ہائے تھانہ جات کی جانچ پڑتال کی۔
انہوں نے احکامات جاری کرتے ہوئے کہا کہ منشیات فروشوں، جواء کے اڈوں اور ناجائز اسلحہ رکھنے والوں کے خلاف مقدمات کا اندراج عمل میں لایا جائے۔ مجرمان اشتہاری اور عدالتی مفروران کی گرفتاری کیلئے ٹیمیں تشکیل دی جائیں تاکہ جرائم کی شرح میں کمی واقع ہو۔انہوں نے احکامات جاری کرتے ہوئے کہا کہ مقدمات کی تفتیش ہر صورت میرٹ پر کی جائیگی اورانصاف کی فراہمی کو ہر صورت یقینی بنایا جائیگا۔
ساتھی کے ہمراہ 16 سالہ لڑکی کو مبینہ زیادتی کا نشانہ بنانے والا پولیس کانسٹیبل گرفتار
فیصل آباد: کانسٹیبل کا ساتھی کے ہمراہ 16سالہ لڑکی سے مبینہ زیادتی کا واقعہ سامنے آگیا۔
باغی ٹی وی : تفصیلات کے مطابق پنجاب کے شہر فیصل آباد میں بس سٹینڈ میں پولیس کانسٹیبل نے ساتھی کے ہمراہ 16 سالہ لڑکی کو جنسی زیادتی کا نشانہ بناڈالا واقعہ کی خبر ملنے پر پولیس نے دونوں ملزمان کو گرفتار کرلیا۔
باخبر ذرائع کے مطابق پولیس حکا م نے بتایا کہ غفران نامی ملزم نے اپنے دوست ہو ٹل مینجر تنویر کے ساتھ مل کر لڑکی کو مبینہ زیادتی کا نشانہ بنایا ہے دونوں ملزمان کو گرفتا ر کرکے تھانہ سول لائنز میں متاثرہ لڑکی کی مدعیت میں واقعے کا مقدمہ درج کر لیا گیا ہے جبکہ ملزمان سے تفتیش کا آغاز بھی کردیا ہے۔
واضح رہے کہ اس سے قبل لاہور میں بھی رکشہ سوار خواتین کو نازیبان اشارے کرنے والے ملزم کو گرفتار کیا گیا ہے ملزم کے خلاف مقدمہ درج کرکے تفتیش کا آغاز کر دیا ہے۔
واضح رہے کہ آئی جی پنجاب انعام غنی نے خواتین کو ہراساں کرنے والے ملزمان کے خلاف سخت کارروائی کے احکامات جاری کر رکھے ہیں جبکہ پنجاب پولیس کی جانب سے خواتین کے لئے ایک سیفٹی ایپ بھی متعارف کرائی گئی ہے خواتین ایمرجنسی صورتحال میں ایپ میں خصوصی بٹن دبا کر پولیس کی مدد حاصل کر سکیں گی اور اس کے علاوہ فون کال اور میسج کے ذریعے بھی خواتین دیگر معاملوں میں رہنمائی حاصل کر سکتی ہیں-
موٹر سائیکل چوری کرنے والا گینگ گرفتار
تھانہ چک جھمرہ کے علاقہ کچاجھمرہ میں سرچ آپریشن سرچ آپریشن کے دوران پولیسں پارٹی پر فائرنگ
ٕتھانہ چک جھمرہ کے علاقہ کچاجھمرہ میں سرچ آپریشن
تفصیلات :
(شان رسول نُماٸندہ باغی ٹی وی)
سرچ آپریشن کے دوران پولیسں پارٹی پر فائرنگ
پولیس نے دوہرے قتل کے ملزمان گرفتارکرنے کیلئے کچا جھمرہ میں چھاپہ مارا تھا
ملزمان کی فائرنگ سے کانسٹیبل حق نواز گولی
لگنے سے زخمیسٹی پولیس آفیسر ڈاکٹر محمد عابدخان نے علاقہ بھر میں سرچ آپریشن کا حکم دیا
شاہ گروپ اور رجوکہ گروپ کے ممبران کے خلاف آپریشن کیا گیا
پولیس ٹیموں نے گھر گھر تلاشی کے دوران بھاری تعداد میں اسلحہ برآمد کرلیا
برآمد شدہ اسلحہ ناجائز ہونے پر متعدد افراد کو گرفتاربھی کیا گیا
گرفتارشدگان کے خلاف قانونی کارروائی کاآغاز کردیا گیا
سٹی پولیس آفیسر ڈاکٹر محمد عابد خان نے واقعہ کا نوٹس لیتے ہوئے موقعہ کا دورہ کیا
سٹی پولیس آفیسر نے شر پسند عناصر کے خلاف بلا تفریق کارروائی کا حکم دیا
فیصل آباد میں قانون کی بالادستی کے لیے پولیس ہمہ وقت تیار ہے:سی پی او
قانون شکنی پر سخت کارروائی کی جائے گی
:سٹی پولیس آفیسر ڈاکٹر محمد عابد خانآر پی او فیصل آبادعمران محمود کی میڈیا نمائندگان سے ملاقات-
آر پی او فیصل آبادعمران محمود کی میڈیا نمائندگان سے ملاقات۔میڈیا کا مثبت
کردار،معاشرتی استحکام و ترقی میں بنیادی کردار ادا کرتا ہے۔
تفصیلات
(شان رسول نُماٸندہ باغی ٹی وی )
عمران محمودریجنل پولیس آ فیسر فیصل آبادنے اپنے آفس کے کمیٹی روم میں میڈیا نمائندگان سے ملاقات کی۔اس موقع پر انہوں نے میڈیا نمائندگان کے تعمیری اور مثبت کردار کو سراہااور کہا کہ میڈیا کا مثبت اور غیر جانبدار کردار معاشرتی ترقی و استحکام کا ضامن ہوتا ہے۔میڈیا معاشرے کی آنکھ ہے۔عوام الناس کو موجود ہ حا لات و واقعات سے آگاہ رکھنا اور انکی حقائق تک رسائی میڈیا کی دن رات مسلسل کا وشوں کی وجہ سے ہی ممکن ہوتی ہے۔
انہوں نے امید ظاہر کی کہ آنے والے وقت میں میڈیا کے تعاون سے حالات کو پر امن اور نقص امن سے پاک رکھنے کی ہر ممکن کو شش کی جائیگی تاکہ نہ صرف ریجن فیصل آباد کو کرائم فری بنایا جاسکے بلکہ لوگوں کو در پیش مسائل کا ازالہ کیا جا سکے جس سے معاشرتی برائیوں کا قلع قمع کرنے میں بھی مدد ملے گی۔اس موقع پر میڈیا نمائندگان نے باہمی دلچسپی کے امور پر تبادلہ خیال کرتے ہوئے اپنے تعاون کی مکمل یقین دہانی کروائی۔
آر پی او فیصل آبادعمران محمود نے کمیٹی روم میں علماء اکرام کے وفد کے ساتھ میٹنگ کی۔
آر پی او فیصل آبادعمران محمود نے کمیٹی روم میں علماء اکرام کے وفد کے ساتھ میٹنگ۔ بین المسالک ہم آہنگی کے قیام کے لیے علماء اکرام کا کردار لائق تحسین ہے۔
تفیصلات :(شان رسول نُماٸندہ باغی ٹی وی سے )
امروز آرپی اوفیصل آبادعمران محمود سے ڈویژنل امن کمیٹی کے وفد نے کمیٹی روم آرپی او آفس میں ملاقات کی۔
وفد میں مفتی ضیاء مد نی ۲۔مولانا یوسف انور،۳۔پیر فیض رسول۴۔عاشق حسین رضوی۵۔مولانا عبد الرشید مد نی ۶۔مولانا سلیم الرحمن نے شرکت کی دوران میٹنگ امن و امان کے قیام،بین المسالک ہم آہنگی اور معاشرہ میں ایثار اور رواداری کو پروان چڑھا نے جیسے امور زیر بحث آئے۔وفد میں شامل علماء اکرام نے آرپی او فیصل آباد کو یقین دلایا کہ وہ امن و امان کے قیام کے لیے مثبت کر دار ادا کر تے رہیں گے اور ہر سطح پر انتظامیہ کے ساتھ مکمل تعاون جاری رکھیں گے۔
اس موقع پر آرپی او فیصل آبادعمران محمود نے اظہار خیا ل کر تے ہو ئے کہا کہ اسلام امن،محبت اور ایثار کا پیغام دیتا ہے اور معاشرہ میں بین المسالک ہم آہنگی کے قیام کے لیے علماء اکرام نے ہمیشہ کلیدی کردار ادا کیا ہے۔
پر امن فضاء قائم رکھنے کے لیے انتظامیہ،پولیس،علما اکرام اور عوامی نمائندے ایک پیج پر ہیں جو کہ انتہائی خوش آئند ہے۔انہوں نے علما ء اکرام کے تعاون اور یک جہتی پر ان کا شکریہ ادا کیا۔ملاقات کے آخر میں ملک پاکستان کے امن و امان اور سربلندی کے لیے دعاکی گئی۔
نواز شریف کے ساتھ بیٹھنے والے بھی ان جیسے حال میں پہنچ گئے شہباز گل
وزیر اعظم عمران خان کے معاون خصوصی شہباز گل نے کہا کہ نواز شریف کے ساتھ بیٹھنے والے بھی ان جیسے حال میں پہنچ گئے-
باغی ٹی وی : تفصیلات کے مطابق فیصل آباد میں پریس کانفرنس کرتے ہوئے شہباز گل نے نام لئے بغیر افغانستان کے صدر اشرف غنی کی جانب اشارہ کرتے ہوئے کہا کہ نواز شریف کے ستارے گردش میں ہیں ، جو بھی ان کے ساتھ بیٹھا ہے اس کا نصیب بھی نواز شریف کی طرح کا ہو گیا، یہ بھی اپنے وطن سے فرار ہوئے وہ بھی فرار ہوئے ، اور جاتے جاتے ان کی طرح عوام کی دولت ساتھ لے گئے ۔
امریکی ویکسین فائزر کے مقابلے میں آسٹرازینیکا ویکسین بہترین قرار
شہباز گل نے کہا کہ نواز شیرف نے ملک دشمن عناصر سے ملاقات کی ، ملک دشمن تقریر کیں ، مسلم لیگ ن پنجاب سے سکڑ کر اندرون پنجاب کی پارٹی بنی مگر ہم نے فیصل آباد میں کلین سویپ کیا جس کے بعد اب یہ جی ٹی روڈ کی پارٹی بن کر رہ گئی ہے ، فضل الرحمان کی سیاسی حیثیت صرف چھ سیٹوں کی ہے وہ نیشنل پالیسی پر کیا پلان دیں گے ۔
کورونا کی چوتھی لہر: ایس اوپیز کے اطلاق کا دائرہ کار 27شہروں تک بڑھا دیا گیا
وزیر اعظم کے معاون خصوصی نے کہا کہ عمران خان سودا کرنے والا نہیں ورنہ فضل الرحمان میرے ساتھ دائیں یا بائیں بیٹھ کر آج ن لیگ اور پیپلزپارٹی کو برا بھلا کہہ رہے ہوتے ، ہمیں تانگا پارٹی کہنے والے آج مانگے تانگے کے بن چکے ہیں ، ایک طرف فضل الرحمان کہتے ہیں کہ پیپلزپارٹی نےمیری کمر میں چھرا گھونپا ، دوسری طرف ان ہی کی بنائی پی ڈی ایم کے صدر ہیں ۔
شہباز گل نے مزید کہا کہ پی ڈی ایم پیپلزپارٹی نے بنائی ، نام بھی انہوں نے ہی تجویز کیا ، ان کے بغیر ہی پی ڈی ایم کے جلسے ہو رہے ہیں اور کراچی میں جا کر جلسہ کیا جا رہا ہے حالانکہ کراچی میں تو پیپلزپارٹی کی حکومت ہے ، کیا آپ پیپلزپارٹی کے خلاف ہی پی ڈی ایم کے جلسے کر رہے ہیں ؟۔
شہباز گل کا کہنا تھا کہ ان لوگوں کو لگتا ہے کہ پیپلزپارٹی کی حکومت سے ڈیل ہو چکی ہے ، میں واضح کر دوں کہ عمران خان سے جیل جانے کی رسید مل سکتی ہے مگر کسی کو ڈیل نہیں مل سکتی-
آئی ایس پی آر نے یوم دفاع اور شہدا سے متعلق خصوصی پرومو جاری کر دیا
آر پی اوفیصل آبادعمران محمودکے ساتھ چیمبر آف کامرس کے وفد کی میٹنگ
آر پی اوفیصل آبادعمران محمودکے ساتھ چیمبر آف کامرس کے وفد کی میٹنگ فیصل آباد میں امن و امان کے قیام کے لیے صنعتکاروں کا کردارقابل تعریف ہے (آرپی او)
تفصیلات:
(شان رسول نُماٸندہ باغی ٹی وی)
امروز کمیٹی روم آرپی او آفس میں آرپی او فیصل آباد عمران محمود کیساتھ چیمبر آف کامرس کے وفد نے ملاقات کی۔وفد میں ایوب اسلم منج (وائس پریڈیزڈنٹ)راؤ سکندر اعظم سابقہ صدر،محمد اسلم بھلی سٹی صدر تاجران، حاجی عابد صاحب (سپریم انجمن تاجران منٹگمری بازار)جمیل فخری (صدر انجمن تاجران ڈسٹرکٹ چینوٹ) موجود تھے۔آرپی او فیصل آباد نے امن وامان کے قیام کے لیے صنعتکاروں کے کردار کی تعریف کی انہوں نے اس موقع پر اظہار خیال کر تے ہو ئے کہا کہ فیصل آباد کے صنعتکاروں کو درپیش مسائل کو ہر سطح پر ترجیحی بنیادوں پرحل کیا جائے گااور بزنس کمیونٹی کے لیے پر امن فضاء کی فراہمی اولین ترجیح ہے۔چیمبر آف کامرس کے و فد نے آرپی او فیصل آباد کو اپنے بھرپور تعاون کی یقین دہانی کر وائی اور اس عزم کا اظہار کیا کہ چیمبر آف کامرس پر امن فیصل آباد کے لیے پولیس کے شانہ بشانہ کام کرتا رہے گا۔
فیصل آباد میں بیک وقت ایک لاکھ پودے لگاکر عالمی ریکارڈ قائم کیا گیا ہے
فیصل آباد(27اگست 2021)وزیراعظم کے ٹین بلین ٹری منصوبہ کے تحت ضلعی انتظامیہ کے زیر اہتمام ضلع فیصل آباد میں بیک وقت ایک لاکھ پودے لگاکر عالمی ریکارڈ قائم کیا گیا ہے۔
تحصیل سٹی وصدر میں 20 ہزار،تحصیل جڑانوالہ،سمندری،تاندلیانوالہ اور چک جھمرہ میں 16/16 ہزار پودے لگائے گئے۔کلیم شہید پارک نڑوالا روڈ میں منعقدہ تقریب میں صوبائی وزیر کالونیر وکلچر میاں خیال احمد کاسترو،ڈویژنل کمشنر ثاقب منان،ڈپٹی کمشنر محمد علی،ارکان اسمبلی شیخ خرم شہزاد،لطیف نذر،ایڈیشنل ڈپٹی کمشنرز محمد خالد،عفیفہ شاجیہ،اسسٹنٹ کمشنرز سید ایوب بخاری،عمر مقبول،سی ای اوایجوکیشن علی احمد سیان،ماہر تعلیم اختر بٹ،انچارج کنٹرول روم محمد صادق اور دیگر افسران نے طالب علموں کے ہمراہ ایک ہی وقت میں پودے لگائے جبکہ تحصیل سطح پر اسسٹنٹ کمشنرز فیصل سلطان،نعمان علی،محمد زبیراور محمد حیدر نے بھی سکولوں کے بچوں کے ہمراہ شجرکاری کی جسے کلیم شہید پارک سے سکرین پر براہ راست دکھایا گیا۔
صوبائی وزیر نے وزیراعظم پاکستان عمران خان کے کلین گرین پروگرام کے تحت ایک وقت میں ایک لاکھ پودا لگانے پر ضلعی انتظامیہ کی کاوشوں کو سراہا اور کہا کہ شجرکاری وقت کی شدید ترین ضرورت ہے۔ڈویژنل کمشنر نے وسیع شجرکاری مہم کو سراہا اور کہا کہ ڈپٹی کمشنر محمد علی نے فیصل آباد تعیناتی کے آخری روز بھی ریکارڈ قائم کراکر ضلع کا نام روشن کیا ہے۔
انہوں نے طالب علموں سے کہا کہ وہ لگائے جانے والے پودوں کی نشوونما کی بھی ذمہ داری اٹھائیں تاکہ کل کو یہ پودے شجربن کر انہیں سایہ اور ماحول کو درپیش چیلنجز کا مقابلہ کرسکیں۔ڈپٹی کمشنر نے کہاکہ آج فیصل آباد میں فرائض کی انجام دہی کے آخری روز ریکارڈ قائم کراکر خوشی محسوس ہورہی ہے۔انہوں نے کہا کہ فیصل آباد وہ پہلا ضلع ہے جس کی تمام تحصیلوں میں ایک ہی وقت میں شجرکاری کا آغاز کیاگیا۔
انہوں نے شجرکاری مہم اور بیک وقت ایک لاکھ پودے لگانے میں اسسٹنٹ کمشنرز،ایجوکیشن اتھارٹی اور دیگر معاون اداروں کی کاوشوں کو سراہااور کہا کہ کلین گرین پروگرام پر اسی جذبے سے عملدرآمد جاری رکھا جائے۔شجرکاری تقریبات کے دوران قومی ترانہ بجایا گیا اور طالب علموں نے جوش وجذبے سے پودے لگائے۔
