Baaghi TV

Category: فیصل آباد

  • تھانہ چک جھمرہ کے علاقہ کچاجھمرہ میں سرچ آپریشن سرچ آپریشن کے دوران پولیسں پارٹی پر فائرنگ

    تھانہ چک جھمرہ کے علاقہ کچاجھمرہ میں سرچ آپریشن سرچ آپریشن کے دوران پولیسں پارٹی پر فائرنگ

    ٕتھانہ چک جھمرہ کے علاقہ کچاجھمرہ میں سرچ آپریشن

    تفصیلات :

    (شان رسول نُماٸندہ باغی ٹی وی)

    سرچ آپریشن کے دوران پولیسں پارٹی پر فائرنگ

    پولیس نے دوہرے قتل کے ملزمان گرفتارکرنے کیلئے کچا جھمرہ میں چھاپہ مارا تھا

    ملزمان کی فائرنگ سے کانسٹیبل حق نواز گولی
    لگنے سے زخمی

    سٹی پولیس آفیسر ڈاکٹر محمد عابدخان نے علاقہ بھر میں سرچ آپریشن کا حکم دیا

    شاہ گروپ اور رجوکہ گروپ کے ممبران کے خلاف آپریشن کیا گیا

    پولیس ٹیموں نے گھر گھر تلاشی کے دوران بھاری تعداد میں اسلحہ برآمد کرلیا

    برآمد شدہ اسلحہ ناجائز ہونے پر متعدد افراد کو گرفتاربھی کیا گیا

    گرفتارشدگان کے خلاف قانونی کارروائی کاآغاز کردیا گیا

    سٹی پولیس آفیسر ڈاکٹر محمد عابد خان نے واقعہ کا نوٹس لیتے ہوئے موقعہ کا دورہ کیا

    سٹی پولیس آفیسر نے شر پسند عناصر کے خلاف بلا تفریق کارروائی کا حکم دیا

    فیصل آباد میں قانون کی بالادستی کے لیے پولیس ہمہ وقت تیار ہے:سی پی او

    قانون شکنی پر سخت کارروائی کی جائے گی
    :سٹی پولیس آفیسر ڈاکٹر محمد عابد خان

  • آر پی او فیصل آبادعمران محمود کی میڈیا نمائندگان سے ملاقات-

    آر پی او فیصل آبادعمران محمود کی میڈیا نمائندگان سے ملاقات-

    آر پی او فیصل آبادعمران محمود کی میڈیا نمائندگان سے ملاقات۔میڈیا کا مثبت

    کردار،معاشرتی استحکام و ترقی میں بنیادی کردار ادا کرتا ہے۔

    تفصیلات

    (شان رسول نُماٸندہ باغی ٹی وی )

    عمران محمودریجنل پولیس آ فیسر فیصل آبادنے اپنے آفس کے کمیٹی روم میں میڈیا نمائندگان سے ملاقات کی۔اس موقع پر انہوں نے میڈیا نمائندگان کے تعمیری اور مثبت کردار کو سراہااور کہا کہ میڈیا کا مثبت اور غیر جانبدار کردار معاشرتی ترقی و استحکام کا ضامن ہوتا ہے۔میڈیا معاشرے کی آنکھ ہے۔عوام الناس کو موجود ہ حا لات و واقعات سے آگاہ رکھنا اور انکی حقائق تک رسائی میڈیا کی دن رات مسلسل کا وشوں کی وجہ سے ہی ممکن ہوتی ہے۔

    انہوں نے امید ظاہر کی کہ آنے والے وقت میں میڈیا کے تعاون سے حالات کو پر امن اور نقص امن سے پاک رکھنے کی ہر ممکن کو شش کی جائیگی تاکہ نہ صرف ریجن فیصل آباد کو کرائم فری بنایا جاسکے بلکہ لوگوں کو در پیش مسائل کا ازالہ کیا جا سکے جس سے معاشرتی برائیوں کا قلع قمع کرنے میں بھی مدد ملے گی۔اس موقع پر میڈیا نمائندگان نے باہمی دلچسپی کے امور پر تبادلہ خیال کرتے ہوئے اپنے تعاون کی مکمل یقین دہانی کروائی۔

  • آر پی او فیصل آبادعمران محمود نے کمیٹی روم میں علماء اکرام کے وفد کے ساتھ میٹنگ کی۔

    آر پی او فیصل آبادعمران محمود نے کمیٹی روم میں علماء اکرام کے وفد کے ساتھ میٹنگ کی۔

    آر پی او فیصل آبادعمران محمود نے کمیٹی روم میں علماء اکرام کے وفد کے ساتھ میٹنگ۔ بین المسالک ہم آہنگی کے قیام کے لیے علماء اکرام کا کردار لائق تحسین ہے۔

    تفیصلات :(شان رسول نُماٸندہ باغی ٹی وی سے )

    امروز آرپی اوفیصل آبادعمران محمود سے ڈویژنل امن کمیٹی کے وفد نے کمیٹی روم آرپی او آفس میں ملاقات کی۔

    وفد میں مفتی ضیاء مد نی ۲۔مولانا یوسف انور،۳۔پیر فیض رسول۴۔عاشق حسین رضوی۵۔مولانا عبد الرشید مد نی ۶۔مولانا سلیم الرحمن نے شرکت کی دوران میٹنگ امن و امان کے قیام،بین المسالک ہم آہنگی اور معاشرہ میں ایثار اور رواداری کو پروان چڑھا نے جیسے امور زیر بحث آئے۔وفد میں شامل علماء اکرام نے آرپی او فیصل آباد کو یقین دلایا کہ وہ امن و امان کے قیام کے لیے مثبت کر دار ادا کر تے رہیں گے اور ہر سطح پر انتظامیہ کے ساتھ مکمل تعاون جاری رکھیں گے۔

    اس موقع پر آرپی او فیصل آبادعمران محمود نے اظہار خیا ل کر تے ہو ئے کہا کہ اسلام امن،محبت اور ایثار کا پیغام دیتا ہے اور معاشرہ میں بین المسالک ہم آہنگی کے قیام کے لیے علماء اکرام نے ہمیشہ کلیدی کردار ادا کیا ہے۔

    پر امن فضاء قائم رکھنے کے لیے انتظامیہ،پولیس،علما اکرام اور عوامی نمائندے ایک پیج پر ہیں جو کہ انتہائی خوش آئند ہے۔انہوں نے علما ء اکرام کے تعاون اور یک جہتی پر ان کا شکریہ ادا کیا۔ملاقات کے آخر میں ملک پاکستان کے امن و امان اور سربلندی کے لیے دعاکی گئی۔

  • نواز شریف کے ساتھ بیٹھنے والے بھی ان جیسے حال میں پہنچ گئے شہباز گل

    نواز شریف کے ساتھ بیٹھنے والے بھی ان جیسے حال میں پہنچ گئے شہباز گل

    وزیر اعظم عمران خان کے معاون خصوصی شہباز گل نے کہا کہ نواز شریف کے ساتھ بیٹھنے والے بھی ان جیسے حال میں پہنچ گئے-

    باغی ٹی وی : تفصیلات کے مطابق فیصل آباد میں پریس کانفرنس کرتے ہوئے شہباز گل نے نام لئے بغیر افغانستان کے صدر اشرف غنی کی جانب اشارہ کرتے ہوئے کہا کہ نواز شریف کے ستارے گردش میں ہیں ، جو بھی ان کے ساتھ بیٹھا ہے اس کا نصیب بھی نواز شریف کی طرح کا ہو گیا، یہ بھی اپنے وطن سے فرار ہوئے وہ بھی فرار ہوئے ، اور جاتے جاتے ان کی طرح عوام کی دولت ساتھ لے گئے ۔

    امریکی ویکسین فائزر کے مقابلے میں آسٹرازینیکا ویکسین بہترین قرار

    شہباز گل نے کہا کہ نواز شیرف نے ملک دشمن عناصر سے ملاقات کی ، ملک دشمن تقریر کیں ، مسلم لیگ ن پنجاب سے سکڑ کر اندرون پنجاب کی پارٹی بنی مگر ہم نے فیصل آباد میں کلین سویپ کیا جس کے بعد اب یہ جی ٹی روڈ کی پارٹی بن کر رہ گئی ہے ، فضل الرحمان کی سیاسی حیثیت صرف چھ سیٹوں کی ہے وہ نیشنل پالیسی پر کیا پلان دیں گے ۔

    کورونا کی چوتھی لہر: ایس اوپیز کے اطلاق کا دائرہ کار 27شہروں تک بڑھا دیا گیا

    وزیر اعظم کے معاون خصوصی نے کہا کہ عمران خان سودا کرنے والا نہیں ورنہ فضل الرحمان میرے ساتھ دائیں یا بائیں بیٹھ کر آج ن لیگ اور پیپلزپارٹی کو برا بھلا کہہ رہے ہوتے ، ہمیں تانگا پارٹی کہنے والے آج مانگے تانگے کے بن چکے ہیں ، ایک طرف فضل الرحمان کہتے ہیں کہ پیپلزپارٹی نےمیری کمر میں چھرا گھونپا ، دوسری طرف ان ہی کی بنائی پی ڈی ایم کے صدر ہیں ۔

    شہباز گل نے مزید کہا کہ پی ڈی ایم پیپلزپارٹی نے بنائی ، نام بھی انہوں نے ہی تجویز کیا ، ان کے بغیر ہی پی ڈی ایم کے جلسے ہو رہے ہیں اور کراچی میں جا کر جلسہ کیا جا رہا ہے حالانکہ کراچی میں تو پیپلزپارٹی کی حکومت ہے ، کیا آپ پیپلزپارٹی کے خلاف ہی پی ڈی ایم کے جلسے کر رہے ہیں ؟۔

    شہباز گل کا کہنا تھا کہ ان لوگوں کو لگتا ہے کہ پیپلزپارٹی کی حکومت سے ڈیل ہو چکی ہے ، میں واضح کر دوں کہ عمران خان سے جیل جانے کی رسید مل سکتی ہے مگر کسی کو ڈیل نہیں مل سکتی-

    آئی ایس پی آر نے یوم دفاع اور شہدا سے متعلق خصوصی پرومو جاری کر دیا

  • آر پی اوفیصل آبادعمران محمودکے ساتھ چیمبر آف کامرس کے وفد کی میٹنگ

    آر پی اوفیصل آبادعمران محمودکے ساتھ چیمبر آف کامرس کے وفد کی میٹنگ

    آر پی اوفیصل آبادعمران محمودکے ساتھ چیمبر آف کامرس کے وفد کی میٹنگ فیصل آباد میں امن و امان کے قیام کے لیے صنعتکاروں کا کردارقابل تعریف ہے (آرپی او)

    تفصیلات:

    (شان رسول نُماٸندہ باغی ٹی وی)
    امروز کمیٹی روم آرپی او آفس میں آرپی او فیصل آباد عمران محمود کیساتھ چیمبر آف کامرس کے وفد نے ملاقات کی۔وفد میں ایوب اسلم منج (وائس پریڈیزڈنٹ)راؤ سکندر اعظم سابقہ صدر،محمد اسلم بھلی سٹی صدر تاجران، حاجی عابد صاحب (سپریم انجمن تاجران منٹگمری بازار)جمیل فخری (صدر انجمن تاجران ڈسٹرکٹ چینوٹ) موجود تھے۔

    آرپی او فیصل آباد نے امن وامان کے قیام کے لیے صنعتکاروں کے کردار کی تعریف کی انہوں نے اس موقع پر اظہار خیال کر تے ہو ئے کہا کہ فیصل آباد کے صنعتکاروں کو درپیش مسائل کو ہر سطح پر ترجیحی بنیادوں پرحل کیا جائے گااور بزنس کمیونٹی کے لیے پر امن فضاء کی فراہمی اولین ترجیح ہے۔چیمبر آف کامرس کے و فد نے آرپی او فیصل آباد کو اپنے بھرپور تعاون کی یقین دہانی کر وائی اور اس عزم کا اظہار کیا کہ چیمبر آف کامرس پر امن فیصل آباد کے لیے پولیس کے شانہ بشانہ کام کرتا رہے گا۔

  • فیصل آباد میں بیک وقت ایک لاکھ پودے لگاکر عالمی ریکارڈ قائم کیا گیا ہے

    فیصل آباد میں بیک وقت ایک لاکھ پودے لگاکر عالمی ریکارڈ قائم کیا گیا ہے

    فیصل آباد(27اگست 2021)وزیراعظم کے ٹین بلین ٹری منصوبہ کے تحت ضلعی انتظامیہ کے زیر اہتمام ضلع فیصل آباد میں بیک وقت ایک لاکھ پودے لگاکر عالمی ریکارڈ قائم کیا گیا ہے۔

    تحصیل سٹی وصدر میں 20 ہزار،تحصیل جڑانوالہ،سمندری،تاندلیانوالہ اور چک جھمرہ میں 16/16 ہزار پودے لگائے گئے۔کلیم شہید پارک نڑوالا روڈ میں منعقدہ تقریب میں صوبائی وزیر کالونیر وکلچر میاں خیال احمد کاسترو،ڈویژنل کمشنر ثاقب منان،ڈپٹی کمشنر محمد علی،ارکان اسمبلی شیخ خرم شہزاد،لطیف نذر،ایڈیشنل ڈپٹی کمشنرز محمد خالد،عفیفہ شاجیہ،اسسٹنٹ کمشنرز سید ایوب بخاری،عمر مقبول،سی ای اوایجوکیشن علی احمد سیان،ماہر تعلیم اختر بٹ،انچارج کنٹرول روم محمد صادق اور دیگر افسران نے طالب علموں کے ہمراہ ایک ہی وقت میں پودے لگائے جبکہ تحصیل سطح پر اسسٹنٹ کمشنرز فیصل سلطان،نعمان علی،محمد زبیراور محمد حیدر نے بھی سکولوں کے بچوں کے ہمراہ شجرکاری کی جسے کلیم شہید پارک سے سکرین پر براہ راست دکھایا گیا۔

    صوبائی وزیر نے وزیراعظم پاکستان عمران خان کے کلین گرین پروگرام کے تحت ایک وقت میں ایک لاکھ پودا لگانے پر ضلعی انتظامیہ کی کاوشوں کو سراہا اور کہا کہ شجرکاری وقت کی شدید ترین ضرورت ہے۔ڈویژنل کمشنر نے وسیع شجرکاری مہم کو سراہا اور کہا کہ ڈپٹی کمشنر محمد علی نے فیصل آباد تعیناتی کے آخری روز بھی ریکارڈ قائم کراکر ضلع کا نام روشن کیا ہے۔

    انہوں نے طالب علموں سے کہا کہ وہ لگائے جانے والے پودوں کی نشوونما کی بھی ذمہ داری اٹھائیں تاکہ کل کو یہ پودے شجربن کر انہیں سایہ اور ماحول کو درپیش چیلنجز کا مقابلہ کرسکیں۔ڈپٹی کمشنر نے کہاکہ آج فیصل آباد میں فرائض کی انجام دہی کے آخری روز ریکارڈ قائم کراکر خوشی محسوس ہورہی ہے۔انہوں نے کہا کہ فیصل آباد وہ پہلا ضلع ہے جس کی تمام تحصیلوں میں ایک ہی وقت میں شجرکاری کا آغاز کیاگیا۔

    انہوں نے شجرکاری مہم اور بیک وقت ایک لاکھ پودے لگانے میں اسسٹنٹ کمشنرز،ایجوکیشن اتھارٹی اور دیگر معاون اداروں کی کاوشوں کو سراہااور کہا کہ کلین گرین پروگرام پر اسی جذبے سے عملدرآمد جاری رکھا جائے۔شجرکاری تقریبات کے دوران قومی ترانہ بجایا گیا اور طالب علموں نے جوش وجذبے سے پودے لگائے۔

  • فیصل آباد:پولیس کا جرائم پیشہ افراد کے خلاف کریک ڈاؤن،75لیٹر شراب سمیت 4 اشتہاری مجرم گرفتار

    فیصل آباد:پولیس کا جرائم پیشہ افراد کے خلاف کریک ڈاؤن،75لیٹر شراب سمیت 4 اشتہاری مجرم گرفتار

    فیصل آباد پولیس کا گزشتہ روز کے دوران جرائم پیشہ افراد کے خلاف کریک ڈاؤن0.500کلو گرام چرس،75لیٹر شراب،04عدد پسٹل،04مجرمان اشتہاری گرفتار۔

    باغی ٹی وی :سی پی اوفیصل آبادڈاکٹر محمد عابد خان کی ہدایت پر فیصل آبادپولیس نے جرائم پیشہ افراد کے خلاف بھر پور کاروائی جاری رکھتے ہوئے گزشتہ روزکے دوران مجرمان اشتہاریوں کی گرفتاری کیلئے جاری مہم اور منشیات فروشی کی روک تھام کے لیے جاری کریک ڈاؤن کے دوران مجرمان اشتہاریوں کی گرفتاری کیلئے جاری مہم اور منشیات فروشی کی روک تھام کے لیے جاری کریک ڈاؤن کے دوران مجرمان اشتہاریوں کے خلاف کاروائی کرتے ہوئے Aکیٹگیری کے03اور B کیٹگیری کے01مجرم اشتہاریوں کو گرفتار کیا گیا،-

    ناجائز اسلحہ کے خلاف کاروائی عمل میں لاتے ہوئے فیصل آباد پولیس نے04عدد پسٹل قبضہ میں لے کر05مقدمات کا اندراج کیا۔منشیات فروشوں کے خلاف کاروائی کوجاری رکھتے ہوئے0.500کلو گرام چرس اور75لیٹر شراب برآمد کی گئی۔

    تفصیلات کے مطابق تھانہ منصور آباد پولیس نے مختلف جگہوں پر چھاپہ مار کر ملزم سلوانس کو گرفتارکیاجس کے قبضہ سے30لیٹر شراب برآمد کرکے اس کے خلاف مقدمہ نمبر925/21بجرم3/4PHOتھانہ منصور آباد،تھانہ صدر جڑانوالہ پولیس نے مختلف جگہوں پر چھاپہ مار کر ملزم شہزاد کو گرفتارکیاجس کے قبضہ سے22لیٹر شراب برآمد کرکے اس کے خلاف مقدمہ نمبر546/21بجرم3/4PHOتھانہ صدر جڑانوالہ،تھانہ ملت ٹاون پولیس نے مختلف جگہوں پر چھاپہ مار کر ملزم نعمان صادق کو گرفتارکیاجس کے قبضہ سے08لیٹر شراب برآمد کرکے اس کے خلاف مقدمہ نمبر1323/21بجرم3/4PHOتھانہ ملت ٹاون میں درج رجسٹر کرلیاگیااورمنشیات کے کل08مقدمات درج کر کے08ملزمان کو گرفتار کیا گیا۔

    سی پی اوفیصل آباد نے ہدایت کی ہے کہ تفتیش کو میرٹ پر کرتے ہوئے چالان جلد ازجلد عدالت میں بھجوائے جائیں اور پولیس کو جرائم پیشہ افراد کے خلاف کاروائی جاری رکھنے کی ہدایت کی تاکہ فیصل آبا د کو کرائم فری سٹی بنایا جا سکے۔

    سی پی او فیصل آبا د نے تمام ڈویژنل افسران کو ہدایت دی کہ وہ اپنی زیر نگرانی منشیات فروشوں کے خلاف سخت کریک ڈاؤن کو یقینی بنائیں اور پولیس ملازمان دوران گشت مشکوک افراد پر کڑی نظر رکھیں تاکہ منشیات فروشی جیسے گھناؤلے جرم کوپنپنے کا موقع نہ مل سکے۔

  • سی اے اے نے ملک کے تمام اہم ایئرپورٹس پر ریپڈ پی سی آر ٹیسٹ کا آغاز کردیا

    سی اے اے نے ملک کے تمام اہم ایئرپورٹس پر ریپڈ پی سی آر ٹیسٹ کا آغاز کردیا

    سول ایوی ایشن اتھارٹی (سی اے اے) نے ملک کے تمام اہم ایئرپورٹس پر ریپڈ پی سی آر ٹیسٹ کا آغاز کردیا ہے۔

    باغی ٹی وی : تفصیلات کے مطابق متحدہ عرب امارات میں داخلے کے لیے ریپڈ پی سی آر ٹیسٹ کی لازمی شرط عائد کی گئی ہے جس کے بعد سے اسلام آباد، کراچی، لاہور، پشاور، کوئٹہ، ملتان اورفیصل آباد ایئرپورٹس پر ریپڈ پی سی آر ٹیسٹ کا آغازکردیا گیا ہے جس کے بعد پاکستانی مسافروں کو لے کر پروازوں نے متحدہ عرب امارات کے لیے اڑانیں بھرنا شروع کردی ہیں۔

    اعداد و شمار کے مطابق ریپڈ پی سی آر ٹیسٹ کے آغاز سے اب تک وفاقی دارالحکومت اسلام آباد انٹرنیشنل ایئرپورٹ سے دو ہزار 50 مسافر متحدہ عرب امارات کے لیے روانہ ہو چکے ہیں۔

    جناح انٹرنیشنل ائیر پورٹ سے اب تک چھ پروازوں کے ذریعے 1742 مسافروں کی روانگی ہوئی ہے جب کہ ملتان انٹرنیشنل ایئرپورٹ سے اب تک چھ پروازوں کے ذریعے 938 مسافروں کو متحدہ عرب امارات روانہ کیا گیا ہے۔

    لاہورایئرپورٹ سے اب تک 8 پروازوں کے ذریعے 1626 مسافروں کی متحدہ عرب امارات روانگی ہوئی ہے جب کہ باچا خان انٹرنیشنل ائیر پورٹ سے 2561 مسافروں کو لے کر 14 پروازوں نے اڑان بھری ہے۔

    فیصل آباد انٹرنیشنل ائیر پورٹ سے اب تک دو پروازوں کے ذریعے 277 مسافروں کو متحدہ عرب امارات روانہ کیا گیا ہے 18 اگست سے معمول کے مطابق متحدہ عرب امارات کے لیے پروازیں اڑانیں بھریں گی۔

  • پی ڈی ایم ڈبہ فلم، باکس آفس پر ناکام ہوگئی ہے، فرخ حبیب

    پی ڈی ایم ڈبہ فلم، باکس آفس پر ناکام ہوگئی ہے، فرخ حبیب

    وزیر مملکت فرخ حبیب نے کہا ہے کہ ہم صحافت کے ہر شعبے کے استحصال کو روکنے کیلئے اقدامت کررہے ہیں، آپ کو جو استحصال ہے ہر صورت روکا جاسکے، پی ڈی ایم اب ڈبہ فلم بن چکی ہے، یہ فلم باکس آفس پر فیل ہوچکی ہے، ایک راستہ ہے کہ آئندہ آنے والے انتخابات پر تمام جماعتیں نظر رکھیں، انتخابی اصطلاحات پر توجہ دیں.

    فرخ حبیب نے مزید کہا کہ عدم اعتماد، استعفیٰ اور لانگ مارچ ان سے ملک گزر چکا ہے، یہ اس میں ناکام ہوچکے ہیں، اس سے عوام میں پزیرائی حاصل نہیں ہوتی ہے، اپوزیشن ایک دوسرے کی اپوزیشن ہے، اپوزیشن کے اندر کسی قسم کی کوئی جان نہیں ہے، وہ اپنی ذمہ داری نبھائیں، بجائے ہر انتخابات کے بعد دھاندلی کا شور مچانے کے انتخابی اصطلاحات پر فوکس کریں، الیکٹرانک ووٹنگ مشین کے ڈیمو پارلیمنٹ میں تمام ممبران کو دینا شروع کردیے ہیں، ہم چاہتے ہیں کہ پریس کلب، بار اور دیگر ایسوسی ایشن کے انتخابات بھی اسی مشین سے کیے جائیں، اس سے عوام کی اعتماد سازی بھی ہوگی، نوے لاکھ جو بیرون ملک پاکستانی ہیں ان کو بھی ووٹنگ کا حق دیں، دنیا کہ ایک سو بیس مملک میں اپنے بیرون ملک باشندوں‌ کیلئے ووٹنگ کا حق حاصل ہے.

  • علماء کرام صحت مند ماحول، صفائی ستھرائی اور شجرکاری سے متعلق اپنے خطبات میں عوامی شعور اجاگر کریں. چیئرمین ایف ڈی اے/ایم پی اے چوہدری لطیف نذر

    علماء کرام صحت مند ماحول، صفائی ستھرائی اور شجرکاری سے متعلق اپنے خطبات میں عوامی شعور اجاگر کریں. چیئرمین ایف ڈی اے/ایم پی اے چوہدری لطیف نذر

    فیصل آباد(نمائندہ ایف ٹی وی) علماء کرام و آئمہ حضرات صحت مند ماحول اور صفائی برقرار رکھنے سے متعلق عوامی کارواں کی قیادت کریں اور اپنے خطبات میں صفائی ستھرائی اور شجرکاری سے متعلق عوامی شعور اجاگرکریں کیونکہ وہ معاشرے کا بااثر طبقہ ہیں جنکا موثرپیغام معاشرے میں نتیجہ خیر ہوسکتاہے۔یہ بات چیئرمین ایف ڈی اے /ایم پی اے چوہدری لطیف نذر نے اپنے حلقہ پی پی 114کی مساجد کے علماء کرام و آئمہ حضرات کے اجتماع سے خطاب کرتے ہوئے کہی جو میٹروپولٹین میونسپل کارپوریشن میں منعقدہوا۔جس میں ایم ڈی واسا جبار انور،جنرل منیجر آپریشن فیصل آباد ویسٹ مینجمنٹ کمپنی کرنل عماد اقبال گل، ڈائریکٹر پی ایچ اے عبد اللہ نثار چیمہ، تاجر رہنما خواجہ شاہد رزاق سکااوردیگر افسران نے بھی شرکت کی جبکہ تقریب کی نقابت اختر بٹ نے کی۔چیئرمین ایف ڈی اے چوہدری لطیف نذر نے آئمہ کرام کا خیر مقدم کرتے ہوئے کہاکہ یہ تقریب اپنے شہر اور ملک کوصاف ستھرابنانے کے عظیم مقصد کیلئے منعقد کی گئی ہے جسکی کامیابی مذہبی رہنما اپناکلیدی کردار اداکرسکتے ہیں۔ انہوں نے کہاکہ دین اسلام اور وطن عزیز سے محبت کاتقاضا ہے کہ ہرفرد صفائی قائم رکھنے کے معاملے میں مذہبی و اخلاقی ذمہ داریاں کماحقہ ادا کرے اور علماء کرام کی طرف سے صفائی نصف ایمان کے اسلامی اصولوں کو دہرانے سے یہ پیغام پورے ملک میں پھیلے گا اور صحت مندماحول،صاف ہوا اور سرسبز و شادابی کی بدولت معاشرہ بیماریوں سے پاک ہوگا۔ انہوں نے کہاکہ غیر مسلم ممالک صفائی کو بہت زیادہ اہمیت دیتے ہیں لیکن ایمان کا حصہ ہونے کے باوجود ہم بدقسمتی سے گلی محلوں، شاہرات اور اپنے ارد گرد ماحول کو صاف رکھنے کیلئے اپنی انفرادی ذمہ داریوں کا احساس نہیں کرتے اس ضمن میں علماء کرام لوگوں میں وسیع ادراک پیدا کریں تاکہ اسلامی معاشرہ میں صفائی نصف ایمان کی عملی تصویر نظر آئے۔انہوں نے کہاکہ پاکستان لاکھوں قربانیوں کے بعد حاصل کیاگیاہے جسکی تعمیر وترقی، بقاء و سلامتی کیلئے اسے صاف ستھرا اور سرسبز و شاداب بنانے کا پختہ عہد کیاجائے۔ انہوں نے کہاکہ نماز جمعہ کے موقع پر رضاکار پودوں سمیت مساجد کے باہر موجود ہونگے۔ شہری اپنے پودے حاصل کرکے ان کی آبیاری اورنشوونما میں حصہ ڈالیں۔ ایم ڈی واسا جبار انور نے کہاکہ آلودگی اور تعفن سے پاک ماحول کیلئے سیوریج سسٹم میں کوڑا کرکٹ نہ پھینکا جائے۔ انہوں نے کہاکہ مساجد میں سیپٹک (septic)ٹینک اور انڈر گراؤنڈ واٹر ٹینک قائم کرنے سے سیوریج کے بند ہونے یا پانی کی قلت کا مسئلہ ختم ہوسکتاہے اس ضمن میں واسا کی طرف سے ڈیزائن فراہم کیاجارہاہے۔ انہوں نے سیوریج کا نظام کو بحال رکھنے میں عوامی تعاون کی ضرورت پر زور دیا۔جنرل منیجر فیصل آباد ویسٹ مینجمنٹ کمپنی کرنل عماد گل نے شہر کی صفائی کے نظام کی تفصیلات سے آگاہ کرتے ہوئے بتایاکہ دستیاب وسائل میں صفائی کرنے اور کوڑا کرکٹ اٹھانے کے کام کی کامیابی شہریوں کے تعاون کے بغیر ممکن نہیں کیونکہ سینٹری ورکر آٹھ گھنٹے کام کرتاہے جبکہ کوڑا کرکٹ چوبیس گھنٹے پیدا ہوتاہے لہٰذ ا کچرے کو سٹرکوں پر پھینکنے کی بجائے شاپر میں بند کرکے سینٹری ورکرکے حوالے کیاجائے اس سلسلے میں علماء کرام شہریوں کی موثر رہنمائی کرسکتے ہیں۔ تاجر رہنماخواجہ شاہدرزاق سکا نے صفائی اور شجرکاری کے سلسلے میں علماء کرام کے تعاون کے حصول کیلئے تقریب کے انعقاد کوسراہتے ہوئے بتایاکہ انجمن تاجراں کی طرف سے پانچ ہزار پودے لگائے جاچکے ہیں اوروہ مساجد و مدارس کومزیدپودے عطیہ کرسکتے ہیں جبکہ صفائی میں استعمال ہونے والا سامان بھی مہیا کرنے میں تعاون کرینگے۔انہوں نے خلوص نیت اور دیانتداری سے وطن عزیز کی خدمت کرنے پر زوردیا اور کہاکہ حقوق العباد کی ادائیگی میں کوتاہی نہیں ہونی چاہئے۔ اجتماع سے علماء کرام /آئمہ حضرات مفتی عبدالرحمن عابد، قاری عبیدالرحمن، نجیب اللہ طارق، ودیگر نے خطا ب کرتے ہوئے کہاکہ صفائی نصف ایمان اور درخت لگاناصدقہ جاریہ ہے جس پر عمل کیلئے عزم وجذبے کی ضرورت ہے اور محراب ومنبر سے صفائی ستھرائی اور زیادہ سے زیادہ درخت لگانے کی ترغیب دی جائیگی۔ انہوں نے کہاکہ احکام الٰہی ہے کہ اچھاانسان وہ ہے جو دوسروں کو فائدہ پہنچائے لہٰذا ہمیں قرآن و سنت کی تعلیمات کی پیروی کرنی چاہئے جس سے معاشرے کی اصلاح ہوسکتی ہے۔ انہوں نے اپنے بھرپور تعاون کا یقین دلاتے ہوئے کہاکہ صفائی اور شجرکاری کی تحریک ایک بڑا مقصد ہے جسکی کامیابی کیلئے ہرفرد کو اپنی ذمہ داریوں کو پورا کرناچاہئے آخر میں ملک وقوم کی ترقی و خوشحالی اور قومی یکجہتی اور وطن عزیز کی خدمت کے مشن کی تکمیل کی دعا کی گئی۔