Category: فیصل آباد

فیصل آباد ضلع بھر میں کورونا ایس اوپیزکی خلاف ورزی پر گذشتہ روزبھرپور کارروائیوں میں مزید 147شاپنگ مالز،9ریسٹورنٹس،5نجی دفاتر،ایک شادی ہال سیل جبکہ3 مسافرگاڑیاں بنداور فیس ماسک نہ پہننے پر197 افرادکے خلاف مقدمہ مقدمات درج اور228۔ افراد کو گرفتاراورایک لاکھ 73ہزارروپے جرمانہ کیا گیا۔ گذشتہ58روزمیں 1987شاپنگ مالز وپلازے،ریسٹورنٹس،شادی ہالز،نجی سکولوں،دفاتراور بس سٹینڈ کو سیل اور30لاکھ 65ہزارروپے کے جرمانے کئے۔

تفصیلات کے مطابق دوران چیکنگ خلاف ورزی پر 1479شاپنگ مالزوپلازے،338 ریسٹورنٹس،45شادی ہالز،113پرائیویٹ سکولز،7نجی دفاتر،ایک بس سٹینڈ، چار کریانہ شاپس کو سیل اور 123مسافر گاڑیوں کو بند کرنے کے علاوہ شاہرات وپبلک مقامات پر بغیر فیس ماسک گھومنے پھرنے والے 778۔سے افراد کو گرفتار کرایا جاچکاہے۔

فیصل آباداسسٹنٹ کمشنر سٹی سید ایوب بخاری نے اے ایس پی تھانہ کوتوالی منزہ کرامت اور میٹرو پولیٹن کارپوریشن کے عملے کے ہمراہ چوک گھنٹہ گھر سے ملحقہ بازاروں و ریگل روڈ کا دورہ کیا اورلاک ڈاؤن و کورونا ایس او پیز کی خلاف ورزیوں پر کارروائیاں کر کے درجنوں افراد کو حراست میں لے لیا ۔

جن کے خلاف مقدمات کے اندراج کے لیے استغاثے بھجوا دیئے گئے۔تفصیلات کے مطابق بازاروں میں افراد سٹالز لگا کر اشیاء فروخت کرنے میں مصروف تھے جو لاک ڈاؤن کی خلاف ورزی اور کورونا وباء کے پھیلاؤ کا بھی موجب تھا جس پرسازوسامان قبضہ میں لینے کے علاوہ موجود افراد کیخلاف قانونی کارروائی بھی عمل میں لائی گئی۔

فیصل آباداسسٹنٹ کمشنر سٹی سید ایوب بخاری نے پولیس کی بھاری نفری کے ہمراہ بسم اللہ چوک مدینہ ٹاؤن کادورہ کرکے لاک ڈاؤن اور کورونا ایس او پیزپر عملدرآمد کا جائزہ لیا

اور ماسک نہ پہننے،سماجی فاصلہ برقرار نہ رکھنے اور ہاف شٹر کھول کر دکانداری میں مصروف 10 افراد کو گرفتار کراکر تھانہ مدینہ ٹاؤن پولیس کے حوالے کرادیا جن کے خلاف مقدمات کے اندراج کے لئے استغاثے بھجوادیئے گئے ہیں۔

فیصل آباد سیکرٹری آرٹی اے ضمیر حسین نے ضلع بھر کے پبلک ٹرانسپورٹ سٹینڈز کا دورہ کیا اور حکومتی ہدایات پر بس سٹینڈ میں لاک ڈاؤن پر عملدرآمد کو چیک کیا۔وہ جنرل بس سٹینڈ،الہلال ٹریولز،فیصل موورز،سٹی ٹرمینل،سبحان بس سروس،خواجہ ٹریولز ودیگربس اڈوں میں گئے۔

اور سٹینڈ سے سروس بند کا جائزہ لیتے ہوئے انچارجز کو تاکید کی کہ مانیٹرنگ کا عمل جاری رکھا جائے اورخلاف ورزی پر بس کو بند اور متعلقہ ٹرانسپورٹر وڈرائیور کو حوالہ پولیس کرادیا جائے گا۔انہوں نے واضح کیا کہ لاک ڈاؤن کی اف ورزی کسی صورت نہیں ہونی چاہیے۔

فیصل آباداسسٹنٹ کمشنرتحصیل صدرعمرمقبول نے اقبال سٹیڈیم میں افطارسے قبل مستحقین میں افطار پیکٹس تقسیم کۓ جن کااہتمام تعلیم فاؤنڈیشن کی طرف سے کیاگیا تھا۔اسسٹنٹ کمشنر نے کہا کہ مستحقین کی ضرورت کاخیال رکھنا فلاحی معاشرے کا طرہ امتیاز ہے۔

انہوں نے بتایا کہ وزیر اعظم پاکستان کے ویژن کے مطابق کوئی بھوکا نہ سوئے پروگرام کے تحت روزانہ دو فوڈ وینز کے ذریعے شہر کے عوامی مقامات پرمستحقین میں افطاری سے قبل کھانا تقسیم کیا جارہا ہے جبکہ جنرل بس سٹینڈ میں قائم پناہ گاہ میں سحر وافطار کے اوقات میں روزانہ 1400 سے زائد افراد کوسروسز فراہم کی جارہی ہیں۔انہوں نے تعلیم فاؤنڈیشن کے فلاحی اقدامات کو سراہا۔

فیصل آبادضلع بھر کے پرائس کنٹرول مجسٹریٹس نے گذشتہ روز اشیائے ضروریہ مہنگے داموں فروخت کرنے پر 61گرانفروشوں کو 84 ہزار300 روپے کے جرمانے کئے جبکہ پرائس کنٹرول ایکٹ کی سنگین خلاف ورزی پر تین دکانداروں کو گرفتار کرکے مقدمات بھی درج کرایا گیا۔

تفصیلات کے مطابق پرائس کنٹرول مجسٹریٹس نے 57مارکیٹوں وبازاروں میں 1307۔انسپکشنز کرکے چینی،آٹا،دالیں،پھل،سبزیاں،گوشت ودیگر اشیائے ضروریہ کی نرخناموں کے مطابق فروخت کو چیک کیا اورزائد قیمت وصول کرنے پر دکانداروں کے خلاف کارروائی کی۔

فیصل آباد ڈائریکٹرجنرل ایف ڈی اے ڈاکٹر فیصل عظیم کی ہدایات پر ایف ڈی اے کی انفورسمنٹ ٹیم نے ہنگامی بنیادوں پر کارروائی کرتے ہوئے کروڑوں روپے مالیت کے سرکاری پلاٹ پر ناجائز قبضہ کی کوشش کوناکام بنا دیا اورملزمان کے خلاف تھانہ جھنگ بازارمیں مقدمہ درج کرادیا گیا۔ملزمان نے عید الفطر کی چھٹیوں سے ناجائز فائدہ اٹھا کر کچی آبادی کوثر آباد میں 18مرلہ کے سرکاری پلاٹ پر غیر قانونی تعمیرات شروع کرکے ناجائز قبضہ کی کوشش کی تھی لیکن بروقت اطلاعات پر قبضہ مافیا کے خلاف فوری کارروائی کرکے قیمتی سرکاری زمین کوواگزار کروالیا گیا۔

تفصیلات کے مطابق پرانی بکر منڈی کے قریب کچی آبادی کوثر آباد میں قیتمی سرکاری پلاٹ پر ناجائز قبضہ سے متعلق بعض خفیہ اطلاعات موصول ہونے پر ڈائریکٹر جنرل ایف ڈی اے نے ایف ڈی اے کی انفورسمنٹ ٹیم کو فوری متحرک کیا اور ناجائزقبضہ کے خلاف کارروائی کے لئے ضلعی انتظامیہ کی معاونت حاصل کی گئی۔ڈائریکٹر اسٹیٹ مینجمنٹ جنید حسن منج،اسٹیٹ آفیسر امتیاز گورایہ اورایف ڈی اے کے دیگر سٹاف نے موقع پر جا کر صورت حال کاجائزہ لیا۔

تو ملزمان محمد اسماعیل سکنہ چک نمبر220کوثر آباد ودیگر نے 18مرلہ کے قیمتی سرکاری پلاٹ پر ناجائز قبضہ کرنے کے لئے اینیٹیں،سیمنٹ،ریت ودیگر تعمیراتی میٹریل جمع کرکے دیوار تعمیر کروانا شروع کررکھی تھی جسے فوری طور پر مسمار کردیا گیا جبکہ ملزمان موقع سے فرار ہونے میں کامیاب ہوگئے جن کے خلاف تھانہ جھنگ بازار میں مقدمہ درج کروادیا گیا ہے۔

چیف ایگزیکٹیو آفیسر فیصل آباد ویسٹ مینجمنٹ کمپنی کاشف رضا اعوان کی خصوصی ہدایت پر عید الفطر کے حوالے سے جامع صفائی پلان تشکیل دیا گیا ہے۔ چاند رات سے عید الفطر کے تیسرے دن تک شہر میں صفائی کی صورتحال کو یقینی بنانے کے لیے آپریشن ڈیپارٹمنٹ کے افسران و ماتحت عملے کی چھٹیاں منسوخ کر دی گئی ہیں جبکہ چاند رات سے ہی شہر میں زیرو ویسٹ آپریشن شروع کر دیا جائے گا۔

جنرل منیجر آپریشن کرنل (ر) عماد اقبال گل نے آپریشن سٹاف کو مشینری کے ساتھ الرٹ رہنے کی ہدایات جاری کر دی ہیں۔ ایف ڈبلیو ایم سی کی ہیلپ لائن 1139 عید کے تینوں دن فعال رہے گی،ہیلپ لائن پر موصول ہونے والی شکایات کا کم سے کم وقت میں ازالہ کیا جائے گا۔آپریشنز پلان کے تحت صفائی عملہ چاند رات سے ہی شہر کے اہم مقامات،بازاروں،چوراہوں اور بالخصوص عید گاہوں پر اپنی ذمہ داریاں سنبھال لے گا ۔

اور عید الفطر کی نماز سے قبل صفائی انتظامات کو حتمی شکل دے گا جس میں شہر کی تمام چھوٹی بڑی مساجد،عید گاہوں،قبرستانوں اور ان سے ملحقہ راستوں کی صفائی کی جائے گی، اسسٹنٹ منیجرز کو مساجد اور عیدگاہوں کی تسلی بخش صفائی کے بعد چیکنگ کی ہدایات جاری کی گئی ہیں۔محکمے کی جانب سے عید سے قبل مساجد کو دھونے اور قبرستانوں میں صفائی کا عمل بھی جاری رہے گا۔عوامی مقامات پر رکھے گئے

کنٹینرز اور کوڑے دانوں کو بروقت خالی کرنے کے انتظامات بھی کئے گئے ہیں۔چیف ایگزیکٹیو آفیسر ایف ڈبلیو ایم سی کاشف اعوان نے شہریوں کو عید الفطر کی مبارکباد دیتے ہوئے نیک تمناؤں کا اظہار کیا ہے اور اپیل کی ہے کہ کورونا وائرس کی وباء کے دوران پہلے سے زیادہ احتیاط کریں۔سڑکوں پر جگہ جگہ ناکارہ ماسک پھینکنے کی بجائے ایف ڈبلیو ایم سی کے کوڑے دانوں کا استعمال کریں تاکہ عید کے پر مسرت موقع پر شہر میں صفائی کی صورتحال کو یقینی بنایا جاسکے۔ شہر ی اپنی شکایات کیلئے ہیلپ لائن 1139 پر کال کریں۔

فیصل آباد ڈپٹی کمشنر محمد علی نے آن لائن فیس بک کچہری لگا کر شہریوں کے براہ راست کمنٹس پرلائیو سٹریمنگ کے ذریعے جوابات دیئے اورضلعی انتظامیہ کے محکموں کی طرف سے شکایات ومسائل پر پیشرفت اورشہریوں کی طرف سے بعض اشیاء ضروریہ کی اوورچارجنگ کی شکایات پراسسٹنٹ کمشنرز اور پرائس کنڑول مجسٹریٹس کو ایکشن لینے کی تاکیدکی۔

ایک گھنٹہ جاری رہنے والی فیس بک کچہری میں 800 سے زائد افراد نے کمنٹس کئے اور ڈپٹی کمشنر نے موقع پر ہی بیشتر مسائل کا ازالہ کرادیا۔ڈپٹی کمشنر نے شہریوں کے ویکسینیشن سنٹرکی تعداد میں اضافہ،پارکنگ، تجاوزات، سٹریٹ لائٹس، قبضہ مافیا، روڈز پیچ ورک، کورونا ایس او پیز پر عملدرآمد سمیت ریونیو سے متعلقہ مسائل سنے اور شہریوں کو یقین دلایا کہ ان کے پیش کردہ مسائل ترجیحی بنیادوں پر حل کئے جائیں گے۔

انہوں نے شہریوں کی طرف سے آن لائن فیس بک کچہری کے اقدام کے خیر مقدم کا شکریہ اداکیا اور بتایا کہ کورونا وباء کی صورتحال کے باعث بعض افراد مسائل کے حل کے لئے دفاتر کا رخ نہیں کررہے جن کی سہولت کے لئے ڈیجیٹل سسٹم کو بروئے کار لایا جارہا ہے اور آن لائن کچہری لگا کر مسائل سننے کا سلسلہ جاری رکھیں گے۔

انہوں نے کہا کہ شہریوں کے مسائل کا حل اولین ترجیح ہے جس کے لئے کوئی دقیقہ فروگزاشت نہیں کیا جائے گا۔انہوں نے شہریوں کی طرف سے فیس بک کچہری لگانے کے اقدام کی تعریف پر فیصل آبادیوں کا شکریہ اداکیا۔ اسسٹنٹ کمشنرصدر عمر مقبول،ڈی ایچ او ڈاکٹر بلال احمد اور دیگرافسران بھی موجود تھے۔