Category: فیصل آباد

فیصل آباد (محمد اویس) حادثہ میں زخمی نوجوان ہسپتال میں زندگی کی بازی ہار گیا، نعش ورثاء کے حوالے، تفصیلات کے مطابق تھانہ منصور آباد کے علاقہ مہندی محلہ گلی نمبر 8 کے رہائشی 35 سالہ وسیم ولد شبیر کو حادثہ میں زخمی ہونے پر الائیڈ ہسپتال داخل کرایاگیا جہاں طبی امداد ملنے سے پہلے ہی الائیڈ ہسپتال میں جان کی بازی ہار گیاہسپتال انتظامیہ نے ضروری کارروائی کے بعد اس کی نعش ورثا کے حوالے کر دی

فیصل آباد (محمد اویس)کپڑوں کے معروف پاکستانی برانڈز نے خواتین کی نئی کلیکشن میں لباس پر مختلف جگہوں پرمبینہ طورپر قرآنی آیات لکھ دیں جس کے بعد معاملہ پولیس کے پاس پہنچنے کی بھی اطلاعات ہیں جبکہ سوشل میڈیا پر بھی بائیکاٹ کرنے کی مہم شروع ہوگئیسوشل میڈیا پر وائرل ایک تصویر میں دیکھا جاسکتا ہے کہ فیصل آباد کے جہانزیب خان نامی شخص نے ایس پی کمپلینٹ سیل کو درخواست دی جس میں موقف اپنایا کہ "اپنا کاروبار کرتا ہوں اور ستائیس نومبر کو خرید فروخت کے سلسلے سٹی امپوریم چین ون روڈ فیصل آباد گیا تو سائل نے وہاں سے لیڈیز سوٹ خرید ا جو اتحاد ٹیکسٹائل کا بنا ہوا تھا گھر پہنچ کر دیکھا تو متذکرہ بالا سوٹ کے ڈیزائن میں بسم اللہ شریف اور کلمہ شریف کنندہ پایا گیا ، واپس سٹی امپوریم مال میں آیا اور وہاں پر موجود عملہ سے بات کی تو انہوں نے کہا کہ ہم اتحاد ٹیکسٹائل کا مال کمیشن پر سیل کرتے ہیں، آپ اتحاد ٹیکسٹائل سے بات کریں ، اتحاد ٹیکسٹائل کی مین شاپ واقع سنٹر پوائنٹ گوجرانوالہ روڈ پر گیا اور وہاں پر موجود منیجر سے بات کی اور بتایا کہ آپ کا ایک سوٹ جو کہ ITTEHAD DIGITAL LINEN FALL 19 جس پر کلمہ شریف اور بسم اللہ شریف تحریر ہیں جو کہ سراسر غلط خلاف شریعت اور خلاف قانون ہے جس پر منیجر سیخ پا ہوگیا اور سائل نے بدتمیزی اور زدوکوب کرنا شروع کردیا اور دھمکیاں دیں۔

فیصل آباد (محمد اویس) آگ کی لپیٹ میں آکر موٹرسائیکل مکینک جھلس گیا تشویشناک حالت میں الائیڈ ہسپتال داخل، تفصیلات کے مطابق 32سالہ اسماعیل ولد محمد حیات ساکن شاہ پور دکان پر موٹرسائیکل ٹھیک کررہا تھا کہ اس دوران موٹرسائیکل سے گرنے والے پیٹرول کو آگ لگ گئی جس کے نتیجہ میں مذکورہ شخص آگ کی لپیٹ میں آکر جھلس گیا جسے طبی امداد کیلئے الائیڈ ہسپتال لے جایا گیا جہاں برن یونٹ میں ڈاکٹرز اس کی جان بچانے کی کوششوں میں مصروف ہیں۔

فیصل آباد (محمد اویس) میں نامعلوم وجوہات پر 15سالہ لڑکے نے گلے میں پھندا لیکر زندگی کا خاتمہ کر لیا، پولیس نے مرگ اتفاقیہ رپٹ درج کر لی، بتایاگیا ہے کہ صدیق نگر گلی نمبر2 میں کارپوریشن میں کام کرنے والے سلیم کا 15سالہ بیٹا مون ہیئرسیلون کا کام کرتا تھا اس کے گھر والے موجود نہیں تھے وہ نامعلوم وجوہات پر گلے میں پھندا لیکر چھت کے پنکھے سے جھول گیا، ورثاء کے کارروائی سے انکار پر پولیس نے نعش حوالے کردی۔

فیصل آباد(محمد اویس)ڈپٹی کمشنر محمد علی نے کہا ہے کہ خصوصی افراد کو قومی ترقی میں شامل رکھنے کے لئے معاشرے کو اپنی ذمہ داریاں پوری کرنی چاہیں تاکہ ان میں احساس محرومی نہ رہے اور وہ ذاتی واجتماعی زندگی کی کامیابی کے لئے اپنا بھرپور کردار ادا کرسکیں۔انہوں نے یہ بات مقامی این جی او”تنظیم اللسان“کے زیراہتمام خصوصی افراد کے عالمی دن کے حوالے سے ”ہماری شمولیت۔منزلیں آسان“کے موضوع پر منعقدہ تقریب سے خطاب کرتے ہوئے کہی۔ایم پی اے فردوس رائے،سوشل ویلفیئر آفیسر کاشف نثار،ڈپٹی ڈائریکٹر سوشل ویلفیئر(ریٹائرڈ)چوہدری سرفراز احمد،صدر تنظیم اللسان ڈاکٹر افتخار احمد،پرنسپل کلثوم افتخار،وائس پرنسپل صبا سعود،خصوصی بچے اور ان کے والدین تقریب میں موجود تھے۔تقریب کے دوران خصوصی بچوں نے خاکے اور ٹیبلو پیش کرکے حب الوطنی کے جذبوں اور خصوصی افراد کے عالمی دن کی اہمیت کی عکاسی کی۔ڈپٹی کمشنر نے متاثرہ سماعت اور دیگر خصوصی بچوں کی پروفارمنس اورصلاحیتوں کو سراہتے ہوئے کہا کہ انہیں تعلیم وتربیت کے وسیع مواقع فراہم کرکے معمول کی زندگی گزارنے کے قابل بنایا جاسکتا ہے جس کے لئے فلاحی اداروں کی خدمات قابل ستائش ہیں جو خصوصی تعلیم میں حکومت کا ہاتھ بٹا رہے ہیں۔انہوں نے کہا کہ حکومت اور ضلعی انتظامیہ خصوصی افراد کی بحالی اور فلاح وبہبود کے متعدد فلاحی منصوبوں پر عمل پیرا ہے تاکہ ان کی بقایاصلاحیتوں کو نکھارکر انہیں کامیاب اور مفید زندگی گزارنے کے قابل بنایا جاسکے۔اس ضمن میں معاشرتی رویوں میں بھی مثبت تبدیلی کی ضرورت ہے۔انہوں نے کہا کہ خصوصی افراد کا عالمی دن منانے کا مقصد مختلف معذوریوں میں مبتلا افراد کی ضروریات کا خیال رکھنے سے متعلق عوامی شعور اجاگر رکھنا ہے۔انہوں نے بتایا کہ ڈپٹی کمشنر کمپلیکس سمیت تمام پبلک اداروں میں خصوصی افراد کی سہولت کے لئے ریمپ،ٹائلٹس اور دیگر درکار تقاضوں کو پورا کرنے کے لئے اقدامات کئے گئے ہیں۔انہوں نے تنظیم اللسان کے زیراہتمام خصوصی بچوں کی تعلیم وتربیت،بحالی اور فلاح وبہبود کے لئے فراہم کی جانے والی گرانقدر خدمات کو خراج تحسین کیا اور کہا کہ ایسی فلاحی سرگرمیوں کے لئے ضلعی انتظامیہ بھرپور معاونت فراہم کرے گی۔ایم پی اے فردوس رائے نے خصوصی بچوں سے پیار ومحبت اور شفقت کا اظہار کرتے ہوئے کہا کہ ایسے بچوں کے والدین کا بوجھ بانٹنے میں بھرپور کردار اداکریں گے۔انہوں نے کہا کہ وزیراعظم عمران خان اور وزیراعلیٰ پنجاب سردار عثمان بزدار معاشرے کے تمام طبقات کی فلاح وبہبود کے لئے کوشاں ہیں جبکہ خصوصی افراد کوکسی صورت نظر انداز نہیں کیا جاسکتا۔انہوں نے تنظیم اللسان کی فلاحی خدمات کو سراہا۔تقریب کے دوران اشاروں کی زبان میں تقریر کرتے ہوئے متاثرہ سماعت خصوصی طالب علم عدنان ریاض نے کہا کہ اگر انہیں وسائل ومواقع فراہم کئے جائیں تو وہ معاشرے پر بوجھ بننے کی بجائے وطن عزیز کی ترقی میں میں اپنا بہترین کردارادا کرسکتے ہیں۔صدر تنظیم اللسان ڈاکٹر افتخار احمد نے مہمانوں کا شکریہ اداکرتے ہوئے خصوصی ا فراد کا عالمی دن منانے کے مقاصد پر روشنی ڈالی اور بتایا کہ دو ہزار کی تعداد میں خصوصی بچوں کو پلے گروپ سے لیکر ماسٹر ڈگری تک تعلیم وتربیت کے مواقع فراہم کرنے کے علاوہ ان کی فنی تربیت اور صحت کی بحالی پر بھی توجہ دی جارہی ہے۔
۔۔۔///۔۔۔

فیصل آباد(محمد اویس)خصوصی افراد کے عالمی دن کے حوالے سے ایک تقریب بدھ 4دسمبر کو 10بجے صبح زرعی یونیورسٹی کے اقبال آڈیٹوریم میں ہوگی۔ڈسٹرکٹ آفیسر سپیشل ایجوکیشن چوہدری عبدالحمید کے مطابق صوبائی وزیر سپیشل ایجوکیشن چوہدری محمد اخلاق مہمان خصوصی جبکہ ڈپٹی کمشنر محمد علی بطور مہمان اعزاز شرکت کریں گے۔تقریب میں ارکان اسمبلی،سرکاری افسران کے علاوہ خصوصی تعلیمی اداروں کے طالب علم بھی موجود ہونگے۔
۔۔۔///۔۔۔