پاک چین پاکستان اقتصادی راہداری کے دوسرے مرحلے میں مغربی روٹ سے متعلق اہم فیصلہ کیا گیا ہے،

اجمل خان وزیر نے نواز شریف کے مولانا کو لکھے گئے خط سے متعلق اہم بات کر دی

اسلام آباد ۔ 14 اکتوبر (اے پی پی) پاک چین پاکستان اقتصادی راہداری کے دوسرے مرحلے میں 1270 کلومیٹر طویل شاہراہیں تعمیر کی جائیں گی، راہداری منصوبے کی تکمیل کی راہ میں حائل ہرقسم کی رکاوٹوں کو دور کرنا حکومت کی ترجیحات میں شامل ہے، سی پیک اتھارٹی حکام کے مطابق دوسرے مرحلے میں مغربی روٹ پر کام تیزکرنے کا فیصلہ کیا ہے، شاہراہوں کا یہ ڈھانچہ گلگت سے چترال اور ڈیرہ اسماعیل خان سے ژوب تک تعمیر کیاجائے گا، راہداری منصوبے کی تکمیل کی راہ میں حائل ہرقسم کی رکاوٹ دور کرنا حکومت کی ترجیح ہے،

اچانک ایسا کیا ہوا کہ شہباز نے نواز شریف سے مولانا کی شکایت لگانے کا فیصلہ کر لیا؟ اہم خبر

چین پاکستان اقتصادی راہداری سے روزگار کے مواقع پیدا ہوں گے جبکہ بنیادی ڈھانچے اور معیشت کو فروغ ملے گا، چین، اقتصادی ترقی اور غربت کے خاتمے کے حوالے سے ایک عملی نمونہ ہے،

آزادی مارچ میں یقینی طور پر”ماحول” خراب ہو گا….ایسا کس نے کس کہہ دیا

آزادی مارچ کا آغاز شہر قائد سے…کیا مولانا مزار قائد بھی جائیں گے؟

گلگت۔ (اے پی پی)پاکستان تحریک انصاف گلگت بلتستان کے سیکرٹری اطلاعات اکبر حسین اکبر نے کہا ہے کہ پی ٹی آئی کے سکردو کے کامیاب جلسے سے مخالفین بھوکھلاہٹ کا شکار ہیں،موسم کی خرابی کے باعث وزیراعظم عمران خان کے دورے کے بارے سوشل میڈیا پر منفی پروپیگنڈے کے باوجود جلسہ گاہ میں عوام کا ٹھاٹھیں مارتا سمندر تھا۔ ان خیالات کا اظہار انھوں نے گزشتہ روز ایک بیان میں کیا۔انھوں نیپیپلز پارٹی اور مسلم لیگ ن کی جانب سے وزیراعظم کے دورے کی منسوخی پر میڈیا بیانات کا جواب دیتے ہوئے کہا کہ وزیراعلی اور ان کی پوری کابینہ سکردو میں موجود تھی اور پوری سرکاری مشینری اپنے ارد گرد لگانے کے باوجود تحریک انصاف کا ایسا عظیم الشان جلسہ منعقد کرنا اس بات کی دلیل ہے کہ بلتستان کے عوام نے ان دونوں جماعتوں کو رد کر دیا ہے۔انھوں نے وفاقی وزیر علی امین گنڈاپور کا حوالہ دیتے ہوئے کہا کہ وفاقی وزیر برائے امور کشمیر و گلگت بلتستان کے مطابق وفاق نے تمام صوبوں کے بجٹ میں کٹوتی کی مگر گلگت بلتستان اور آزاد کشمیر کے بجٹ میں نہ صرف کوئی کٹوتی نہیں کی بلکہ گلگت بلتستان کی ترقیاتی منصوبوں کی تکمیل کے لیے اضافی اربوں روپے بھی دیے گئے۔انھوں نے کہا کہ تحریک انصاف کی حکومت الیکشن جیتنے کے لئے نہیں بلکہ گلگت بلتستان کے عوام کی فلاح و بہبود چاہتی ہے۔انھوں نے کہا کہ گلگت بلتستان میں بھی کڑا احتساب ہونے والا ہے اور جس نے عوام کا پیسہ بے رحمی سے لوٹا ہے اس کا پورا حساب لیا جائے گا۔

گلگت۔ (اے پی پی) ڈپٹی سپیکر جعفر اللہ خان نے کہا ہے کہ سوشل میڈیا کے ذریعے شر انگیزی پھیلانے والوں کے خلاف کارروائی کی جائے گی، عوام کا فرض بنتا ہے کہ ایسے شرپسندوں کی نشاندہی کریں جو علاقے کے امن کے دشمن ہیں۔انہوں نے کہا کہ گلگت بلتستان پیس ا نڈکس میں پہلے نمبر پر ہے امن قائم کرنے میں صرف صوبائی حکومت کا ہی نہیں بلکہ اہل علاقہ، علماء اور نوجوانوں کا بھی کردارہے،ان کی وجہ سے گلگت بلتستان میں امن اور خوشحالی ہے۔ محرم الحرام میں امن و امان قائم رکھنے میں بہترین کردار ادا کرنے والے افراد کو تعریفی سرٹیفکیٹ دینے کی تقریب سے خطاب کرتے ہوئے ڈپٹی سپیکر جعفر اللہ خان نے کہا کہ گلگت میں فرقہ واریت کے نقصانات کا سب کو علم ہے فرقہ واریت کی وجہ سے علاقہ پیچھے چلاگیا تھا مگر اب امن کی وجہ سے ترقی کا دوردورہ اور خوشحالی ہے۔ انہوں نے کہاکہ سوشل میڈیا پر کچھ لوگ شر پھیلانے کی کوشش کررہے ہیں، نادیدہ قوتوں کو گلگت بلتستان کا امن ہضم نہیں ہورہا ہے۔جعفر اللہ خان نے کہا کہ گلگت بلتستان میں امن کیلئے انتظامیہ،پولیس،نوجوان محلہ جات کی خدمات کو خراج تحسین پیش کریں،انھوں نے کہا کہ گلگت میں محرم الحرام ماضی کی نسبت زیادہ پرامن گزرا اور اور مستقبل میں مزید پرامن ہوگا۔ڈپٹی سپیکرنے کہا گلگت میں امن قائم کرنے میں مسجد بورڈ کا کردارانتہائی اہم ہے۔

گلگت۔ (اے پی پی) چیف کورٹ گلگت بلتستان نے نیب کو چیف انجینئر گلگت رشید احمد کیخلاف تحقیقات سے روک دیا، آئندہ سماعت میں نیب حکام کو عدالت میں ذاتی حیثیت میں پیش ہونے کا حکم جاری کیا ہے۔ جسٹس ملک حق نواز اور جسٹس علی بیگ پر مشتمل چیف کورٹ کے ڈویژن بینچ نے رشید احمد کی جانب سے دائر توہین عدالت کیس کی سماعت کرنے کے بعد نیب حکام کو چیف انجینئر گلگت رشید احمد کے خلاف تحقیقات جاری رکھنے کے عمل کو عدالت کے سابقہ حکم کی خلاف ورزی قرار دیا اور نیب کے پاس چیف انجینئر کے خلاف شکایات کو باضابطہ تحقیقات میں تبدیل کرنے کے حوالے سے نیب حکام کے فیصلے کو تاحکم ثانی روکنے کے احکامات صادر کیے ہیں۔ عدالت عالیہ نے اس حوالے سے آئندہ سماعت 21اکتوبر کو مقرر کی ہے۔ عدالت نے آئندہ سماعت میں ریجنل ڈائریکٹر نیب اور اسسٹنٹ ڈائریکٹر نیب کو ریکارڈ سمیت طلب کیا ہے۔ عدالت عالیہ چیف کورٹ گلگت بلتستان نے 19اگست 2019ء کو ایک حکم نامے کے ذریعے نیب حکام کو چیف انجینئر رشید احمد کے خلاف باضابطہ تحقیقات سے روکنے کا حکم جاری کیا تھا۔

غذر۔ (اے پی پی) ڈپٹی کمشنر غذر دلدار ملک نے اے پی پی کو بتایا ہے کہ وفاقی حکومت کی جانب سے خصوصی افراد کے 5 کروڑ کا فنڈز مختص کردیا گیا ہے، یہ خطیر رقم خصوصی افراد کی زندگی کو آسان بنانے پر خرچ کیا جائے گا، اس سلسلے میں غذر میں خصوصی افراد کا سروے جاری ہے، اب تک چار سو خصوصی افراد کی لیسٹ بنایا گیا ہے جن میں دو سو کو ڈاکٹروں نے باقاعدہ خصوصی افراد کا سرٹیفکیٹ بھی جاری کر دیا ہے، باقی دو سو افراد کا بھی میڈیکل سرٹیفکیٹ ڈسٹرک ہیڈکوارٹر ہسپتال گلگت سے بہت جلد حاصل کیا جائے گا تاکہ ان خصوصی افراد کو اس اہم منصوبے کے تحت ہنر سکھانے کے علاوہ بنیادی ضرورت کا سامان فراہم کیا جائے۔

گلگت۔ (اے پی پی) سکردو شہر میں 2 خواتین سمیت15 افراد کو کاٹنے والا باولا کتا مار دیا گیا۔ پیر کی شب سکردو میں اس وقت خوف و ہراس پھیل گیا جب ایک پاگل کتے نے ایک درجن سے زیادہ افراد پر حملہ کیا جن میں سے 11 افراد کو ڈسٹرکٹ ہیڈ کوارٹر ہسپتال پہنچا دیا گیا۔ سوشل میڈیا پر اس خبر کے عام ہوتے ہی شہر بھر میں خوف و ہراس پھیل گیا۔ ضلعی انتظامیہ فوری طور پر متحرک ہو گئی اور اسسٹنٹ کمشنر نے بلدیہ کی کتے مار شوٹر ٹیم کو شہر کے مختلف علاقوں کی طرف روانہ کر دیا تاہم مذکورہ پاگل کتا کسی کے ہاتھ نہ لگا۔ رات تقریبا ساڑھے 11 بجے مذکورہ کتا علی آباد کے علاقے میں ایک گھر میں گھسا جہاں اس نے 2 خواتین سمیت 4 افراد کو زخمی کر دیا۔ اسی حملے کے دوران زخمی ہونے والے نوجوان نے بیلچے کے زور دار وار سے اسے ہلاک کر دیا۔ امدادی ٹیموں نے زخمی ہونے والے افراد ڈسٹرکٹ ہیڈ کوارٹر ہسپتال منتقل کر دیا ہے۔

گلگت۔ (اے پی پی) پاکستان تحریک انصاف خواتین ونگ گلگت کی سابق سیکرٹری اطلاعات و سینئر رہنماء نیک پروین نے کہا ہے کہ تحریک انصاف نے گلگت بلتستان میں عملی اقدامات اٹھانے کا سلسلہ شروع کیا ہے جس کہ وجہ سے سابقہ ادوار میں محکمہ ایجوکیشن جیسے مقدس محکمے میں نوکریوں کا جمعہ بازار لگانے والے اور آئی ایس سکیورٹی کے نام پر مال بنانے والوں کو شدید پریشانی کا سامنا ہے کیونکہ ان کو معلوم ہوچکا ہے کہ اب ان کا سابقہ دور لگایا گیا لوٹ مار کا بازار گرم اب بند ہوچکا ہے جس کہ وجہ سے ان کی نیندیں حرام ہوچکی ہیں۔ انہوں نے میڈیا کے نمائندوں سے گفتگو کرتے ہوئے کہا کہ گلگت بلتستان میں خواتین کی مخصوص اسمبلی کی سیٹوں پر خواتین کے حقوق کے لئے سیاست کرنے والوں نے آج تک گلگت بلتستان کی آبادی کی 60 فیصد حصہ خواتین کو کچھ نہیں دیا ہے بلکہ ان کے نام پر سیاست کرکے اپنا مال بنایا ہوا ہے۔انہوں نے کہا کہ ان خواتین سابقہ ممبران و موجودہ اسمبلی ممبران کی خواتین کو ڈرہے کہ اب تحریک انصاف کی حکومت آنے کے بعد ان کی بھی فریال تارپور اور مریم نواز کی طرح گلگت بلتستان میں احتساب ہو اور اس احتساب کے خوف سے اوٹ پٹانگ باتیں کرکے لوگوں کی ہمدردیاں حاصل کرنے کی کوشش کرتے ہیں۔ انہوں نے کہا کہ جب تحریک انصاف کی حکومت گلگت بلتستان میں قائم ہوگی تو سابقہ و موجودہ ادوار میں خواتین کی مخصوص نشستوں پر سیاست کرنے والے اور ممبران اسمبلی بن کر لوٹ مار کرنے والی ممبران اسمبلی کا بھی کڑا احتساب ہوگا جسے فریال تارلپور اور مریم نواز کا ہوا ہے، اسی طرح ان کا بھی کڑا احتساب ہوگا۔ انہوں نے کہا کہ تحریک انصاف کی گلگت بلتستان میں گزشتہ روز والا واٹر منجمنٹ کا پراجیکٹ کا فیز۔ٹو پر عملی کام جب شروع ہوجائے گا، تو گلگت بلتستان کی تقدیر بدل جائے گی۔ یہ منصوبہ تقریباً4ارب سے زیادہ کا ہے جس میں وقتاً فوقتاً اضافہ ہوتا رہے گا، اس سے گلگت بلتستان میں زرعی شعبہ میں انقلاب آئے گی اور بالخصوص خواتین کو گھر بیٹھے عزت سے کمانے کا موقع مل جائے گا۔ انہوں نے کہا کہ اس منصوبے کے تمام فنڈز وفاقی حکومت نے اپنے بجٹ سے دیئے ہیں۔ نیک پروین نے مزید کہا ہے کہ تحریک انصاف میں جہانگیر ترین جیسے قابل ترین اور دور اندیشن لیڈر موجود ہیں جو نہ صرف پاکستان بلکہ پوری دنیا سطح پر جانے جانی والی شخصیات ہیں۔ان کا گلگت بلتستان کا دورہ نیک شگون ثابت ہو گا اور انشاء اللہ وہ گلگت بلتستان کے زمینی حقائق اور یہاں کے وسائل اور مسائل پر عمران خان کو مکمل بریفنگ دینگے جس کے بعد وزیراعظم عمران خان اپنے دورے کے موقع پر گلگت بلتستان کے 20 لاکھ عوام کو تاریخ کا سب سے بڑا پیکج دینے کا اعلان کرینگے۔

گلگت۔ (اے پی پی) ڈسٹر کٹ مجسٹریٹ / ڈپٹی کمشنرگلگت نوید احمد سے ضلع گلگت کے نمبرداران نے ملاقات کی اور انہیں اپنے اپنے علاقے کے مسائل سے آگاہ کیا۔ انہوں نے مطالبہ کیا کہ ہمارے علاقوں میں جاری ترقیاتی سکیموں کو جلد از جلد مکمل کیا جائے۔ جس پر ڈی سی گلگت نے تما م نمبرداران کو یقین دہانی کراتے ہوئے کہا کہ سال2019-20کی تمام ترقیاتی سکیموں بر وقت مکمل کیا گیا ہے۔ اِس حوالے سے ڈی سی گلگت نے ڈی ڈی ایل جی اینڈ آر ڈی اور چیف آفیسر ڈسٹرکٹ کونسل کو ہدایات جاری کرتے ہوئے کہا ہے کہ ترقیاتی سکیموں کی حتمی فہرست تینوں سب ڈویژنوں اسسٹنٹ کمشنرز آفس اور ڈی سی آفس کے نوٹس بورڈز پر آویزاں کریں۔ اس کے علاوہ تمام ترقیاتی سکیموں کے کام جلد سے جلد شروع کئے جائیں گے۔ اِ سکے ساتھ ساتھ آئندہ ہونے والے اجلاس میں ضلع گلگت کے تمام نمبرداران بھی شرکت کرینگے۔ اجلاس میں تمام مسائل زیر بحث لاکر اْن کو بھر وقت پایہ تکمیل تک پہنچایا جائے گااور کمشنر گلگت ڈویڑن عثمان احمد کی زیر صدارت اجلاس منعقد ہوگی۔

سکردو سے راولپنڈی جانے والی بس کو پیش آنے والے حادثہ میں 27 افراد جاں بحق 13 زخمی ہوئے ہیں اس پر پوری پاکستانی قوم غم سے دوچار ہے، اس دوران پاک فوج کی جانب سے فوری ریسکیو آپریشن کیا گیا،

باغی ٹی وی کی رپورٹ کے مطابق ریسکیو آپریشن کے دوران ایف سی این اے کے کمانڈر کی تصاویر بھی منظر عام پر آئی ہیں جن میں وہ زخمیوں کو طبی امداد کی فراہمی میں پیش پیش ہیں، ایک تصویر میں انہوں نے ایک زخمی کا سر اپنی گود میں رکھا ہوا ہے اور طبی امداد فراہم کر رہے ہیں، سوشل میڈیا پر وائرل ہونے والی تصویر میں میجر جنرل ڈاکٹر احسان محمود خان خاص طور پر سانحہ بابو سر ٹاپ کے ریسکیو مشن میں پیش پیش نظر آرہے ہیں اور زندگی اور موت سے لڑتے ایک مسافر کا سر جنرل احسان محمود نے اپنی گود میں رکھا ہوا ہے جس کو جائے حادثہ سے ہسپتال منتقل کیا جارہا ہے،

پاک فوج کے اس کردار پر ٹویٹر، فیس بک اور سوشل میڈیا کے دیگر ذرائع پر زبردست خراج تحسین پیش کیا جارہا ہے، صارفین کا کہنا ہے کہ مصیبتیں آفتیں زلزلے حادثے اور سیلاب میں پاک فوج کے چاک و چوبند جوان سب سے پہلے امداد کے لئے پہنچ ہی جاتے ہیں لیکن اب کے فورس کمانڈر گلگت بلتستان میجر جنرل احسان محمود نے لوگوں کے دل جیت لیے، یہ محبت ہے،خلوص ہے مسیحائی ہے اور پاک فوج کا عوام سے مضبوط رشتے کی عکاس سچائی ہے، ہم پاک فوج سے محبت کرتے ہیں،

میجر جنرل ڈاکٹر احسان محمود خان فورس کمانڈ ناردرن ایریاز گلگت کے کمانڈر ہیں، وہ پاک فوج کے 108 ویں سینئر جنرل ہیں، واضح رہے کہ اتوار کے روز سکردو سے راولپنڈی جانے والی مسافر بس بابو سر ٹاپ پر حادثے کا شکار ہو گئی تھی جس میں پاک فوج 10 جوانوں سمیت 27 افراد جاں بحق ہو گئے تھے، پاک فوج نے ریسکیو آپریشن کرتے ہوئے زخمیوں کو ہیلی کاپٹرز کی مدد سے سی ایم ایچ گلگت منتقل کردیا ہے، افواج پاکستان کی طرف سے فی الفور امدادی سرگرمیوں‌ پر پوری قوم کی طرف سے خراج تحسین پیش کیا جارہا ہے،

گلگت۔ (اے پی پی) گلگت شہر کے مضافاتی علاقے سکوار میں پانی کی طویل بندش کے خلاف خواتین اور مرد وں نے شاہراہ قراقرم پر دھرنا دے دیا اور ہر قسم کی ٹریفک کے لیئے مصروف ترین شاہراہ کو بند کر کے محکمہ واسا کے خلاف شدید نعرے بازی کی۔مظاہرین نے پانی کی بندش کومحکمہ واسا کی غفلت قرار دیتے ہوئے کہا کہ محکمہ واسا کی نا اہلی سے ہم ذہنی مریض بن گئے ہیں جب تک پانی کے حوالے سے یقین دہانی نہیں کرائی جا تی ہے ہم دھرنا ختم نہیں کرینگے خواتین اور مردوں نے سکوار چونگی کے مقام پر کئی گھنٹوں تک احتجاج کیا اور اس دوران محکمہ واسا کو دہائی دیتے رہے۔شاہراہ قراقرم کی بندش کے بدولت مسافروں کو مشکلات کا سامنا کرنا پڑا بعد ازاں ذمہ داران کی جانب سے پانی فراہم کرنے کی یقین دہانی کرانے پر دھرنا ختم کر دیا۔