Category: گوجرانوالہ

گوجرانوالہ ،باغی ٹی وی(نامہ نگارمحمدرمضان نوشاہی) خواتین کے عالمی دن کی مناسبت سے دارالامان میں خصوصی تقریب کا انعقاد کیا گیا، جس کے مہمان خصوصی کمشنر گوجرانوالہ ڈویژن سید نوید حیدر شیرازی تھے۔ تقریب میں ڈائریکٹر سوشل ویلفیئر ارشاد وحید، ڈپٹی ڈائریکٹر سہیل اقبال، سماجی شخصیات اور دیگر معزز مہمان شریک ہوئے۔

اسسٹنٹ ڈائریکٹر دارالامان مس شاہدہ وارث نے مہمانوں کا شکریہ ادا کیا، جبکہ تقریب میں خواتین کے حقوق و فرائض پر روشنی ڈالی گئی۔ کمشنر گوجرانوالہ نے خطاب میں کہا کہ اسلام خواتین کو خصوصی حقوق دیتا ہے اور تعلیم یافتہ مائیں ملک کی ترقی میں اہم کردار ادا کر سکتی ہیں۔

تقریب میں خواتین کے حقوق پر آگاہی سیشن، خطاب اور کیک کاٹنے کی تقریب بھی منعقد ہوئی۔ آخر میں کمشنر نے بہترین کارکردگی پر اسسٹنٹ ڈائریکٹر مس شاہدہ وارث سمیت دیگر کو شیلڈز پیش کیں۔

گوجرانوالہ،باغی ٹی وی(نامہ نگارمحمدرمضان نوشاہی) پولیس لائنز گوجرانوالہ میں شہداء پولیس کی فیملیز کے اعزاز میں افطار ڈنر کا انعقاد کیا گیا، جس میں ریجنل پولیس آفیسر (آر پی او) طیب حفیظ چیمہ، ایس ایس پی آپریشنز رضا تنویر اور دیگر سینئر افسران نے شرکت کی۔

تقریب کا آغاز یادگارِ شہداء پر سلامی سے ہوا، جس کے بعد شجرکاری مہم کا افتتاح شہداء کی فیملیز سے کروایا گیا۔ اس موقع پر پولیس لائن میں شہداء کے ناموں سے منسوب پودے لگائے گئے جبکہ شہداء کے بچوں میں تحائف بھی تقسیم کیے گئے۔

آر پی او نے آئی جی پنجاب کے احکامات کے تحت شہداء کی فیملیز میں پولیس میڈلز اور گفٹ تقسیم کیے اور خطاب کرتے ہوئے کہا کہ "شہداء پولیس کا فخر ہیں، ان کی قربانیاں ناقابل فراموش ہیں۔ ان کے اہل خانہ کی دیکھ بھال ہماری اولین ذمہ داری ہے، کیونکہ ہم سب ایک خاندان کی طرح ہیں۔”

مزید برآں، آر پی او نے ریجن بھر میں شجرکاری مہم کے تحت مزید پودے لگانے کے احکامات جاری کرتے ہوئے کہا کہ درخت نہ صرف ماحول کی بہتری بلکہ قدرتی آفات سے بچاؤ میں بھی اہم کردار ادا کرتے ہیں۔

تقریب کے اختتام پر آر پی او، ایس ایس پی آپریشنز اور دیگر افسران نے شہداء کے اہل خانہ کے ساتھ افطاری کی اور ان کے مسائل بھی سنے۔

گوجرانوالہ ،باغی ٹی وی (نامہ نگار محمد رمضان نوشاہی) ڈپٹی کمشنر گوجرانوالہ نوید احمد نے وزیر اعلیٰ پنجاب مریم نواز شریف کے گڈ گورننس انیشیٹیوز کے تحت ستھرا پنجاب پروگرام کے مختلف منصوبوں کا تفصیلی جائزہ لیا۔ انہوں نے جی ٹی روڈ، چیانوالی ہل ریزارٹ، کامونکی لیڈیز پارک، لائبریری، گرین بیلٹس اور دیگر مقامات کا دورہ کیا۔

چیانوالی میں وزیر اعلیٰ پنجاب کے "پلانٹ فار پاکستان” اور "پلانٹ فار پنجاب” مہم کے تحت شجرکاری مہم جاری ہے۔ چیانوالی ڈمپنگ سائٹ کو جنگل میں تبدیل کرنے کے پہلے مرحلے کا آغاز کر دیا گیا ہے، جہاں جدید واٹر سپرنکلنگ سسٹم کے ذریعے کم پانی میں پودوں کی آبیاری کا نظام نصب کیا گیا ہے۔ ڈپٹی کمشنر نے اس منصوبے کو ماحولیاتی تحفظ اور مستقبل کی نسلوں کے لیے اہم پیش رفت قرار دیا۔

انہوں نے کامونکی میں لیڈیز پارک کے مختلف حصوں کا معائنہ کرتے ہوئے صفائی، پودوں اور گھاس کی دیکھ بھال، واکنگ ٹریک کی حالت کا جائزہ لیا اور بہتری کے لیے ہدایات جاری کیں۔ اس کے علاوہ، قومی شاہراہ پر واقع گرین بیلٹس پر مانومنٹس کی تنصیب، گھاس کی کانٹ چھانٹ اور مزید شجرکاری کے احکامات بھی دیے۔

ڈپٹی کمشنر نے کہا کہ ستھرا پنجاب پروگرام حکومت پنجاب کا ایک انقلابی اقدام ہے جو صفائی کے مسائل کے حل اور شہر کی خوبصورتی میں نمایاں بہتری لائے گا۔ ضلعی انتظامیہ گوجرانوالہ پارکوں کی تزئین و آرائش، گرین بیلٹس کی بحالی اور شہر کی مجموعی خوبصورتی کو یقینی بنانے کے لیے تمام ممکنہ اقدامات کر رہی ہے۔

انہوں نے مزید کہا کہ تجاوزات کے خاتمے، یکساں برینڈنگ اور غیر قانونی گیس ریفلنگ شاپس کے خلاف آپریشن تسلسل سے جاری ہیں، جنہیں ضلعی انتظامیہ خود مانیٹر کر رہی ہے۔ شہریوں سے اپیل کی گئی کہ وہ ستھرا پنجاب پروگرام کو کامیاب بنانے میں ضلعی انتظامیہ کے ساتھ تعاون کریں اور کوڑا کرکٹ مقررہ مقامات پر ڈالیں تاکہ شہر کو صاف ستھرا رکھا جا سکے۔

گوجرانوالہ (نامہ نگار محمد رمضان نوشاہی) کمشنر گوجرانوالہ ڈویژن سید نوید حیدر شیرازی کی زیر صدارت ڈویژنل ڈویلپمنٹ ورکنگ پارٹی کے اجلاس میں ضلع سیالکوٹ، تحصیل ڈسکہ سٹی کی سیوریج اور سڑکوں کی تعمیر و بحالی کے 3 منصوبوں کی منظوری دے دی گئی۔ ان منصوبوں پر مجموعی طور پر 62 کروڑ 92 لاکھ روپے لاگت آئے گی۔

اجلاس میں ڈائریکٹر ڈویلپمنٹ محمد عبدالرؤف، اسسٹنٹ کمشنر ڈسکہ، ہائی ویز اور پبلک ہیلتھ ڈیپارٹمنٹ کے افسران شریک ہوئے، جبکہ ڈپٹی کمشنر سیالکوٹ محمد ذوالقرنین ویڈیو لنک کے ذریعے اجلاس میں شامل رہے۔

منظور شدہ اسکیموں میں اسٹیڈیم روڈ پر سیوریج لائن کی تعمیر کے لیے 12 کروڑ 37 لاکھ، سمبڑیال روڈ فیملی ہسپتال کے سامنے سڑک کی از سر نو تعمیر پر 25 کروڑ 21 لاکھ، جبکہ ڈسکہ سٹی میں شہباز شریف پارک کی تزئین و آرائش کے لیے 25 کروڑ 34 لاکھ روپے مختص کیے گئے ہیں۔

کمشنر نے ڈپٹی کمشنر سیالکوٹ اور متعلقہ محکموں کو منصوبوں کی بروقت تکمیل اور معیاری تعمیراتی سامان کے استعمال کو یقینی بنانے کی ہدایت کی۔ بعد ازاں، کمشنر نوید حیدر شیرازی اور آر پی او طیب حفیظ چیمہ نے صوبائی وزیر صحت خواجہ سلمان رفیق کی زیر صدارت پنجاب کابینہ کمیٹی برائے لاء اینڈ آرڈر کے ویڈیو لنک اجلاس میں بھی شرکت کی۔

گوجرانوالہ ،باغی ٹی وی( نامہ نگار محمد رمضان نوشاہی)گزشتہ روز پولیس لائنز گوجرانوالہ میں شہدائے پولیس کی فیملیز کے اعزاز میں افطار ڈنر کا اہتمام کیا گیا۔ اس تقریب میں ریجنل پولیس آفیسر طیب حفیظ چیمہ، ایس ایس پی آپریشنز رضا تنویر اور دیگر سینئر افسران سمیت شہدائے پولیس کی فیملیز نے شرکت کی۔

تقریب کا آغاز یادگارِ شہداء پر سلامی سے کیا گیا، جس کے بعد شجرکاری مہم کا باقاعدہ آغاز شہداء کے اہل خانہ سے کروایا گیا۔ اس دوران پولیس لائن گوجرانوالہ میں شہداء کے نام سے ان کی فیملیز کے ہاتھوں پودے لگوائے گئے۔ اس کے علاوہ شہداء کے بچوں میں تحائف بھی تقسیم کیے گئے، جبکہ آر پی او اور دیگر افسران نے بھی شجرکاری مہم کے تحت پودے لگائے۔

بعد ازاں، آر پی او طیب حفیظ چیمہ نے آئی جی پنجاب کے احکامات پر شہداء کی فیملیز میں پولیس میڈلز اور گفٹس تقسیم کیے۔ اس موقع پر اپنے خطاب میں انہوں نے کہا کہ شہداء پولیس کے ماتھے کا جھومر ہیں، ان کی قربانیوں کی بدولت پولیس کا مورال بلند ہوا اور قانون کی بالادستی قائم ہوئی۔ انہوں نے مزید کہا کہ شہداء کی قربانیاں ناقابلِ فراموش ہیں، اور پولیس فورس ان کے اہل خانہ کو کسی صورت تنہا نہیں چھوڑے گی۔

ریجنل پولیس آفیسر نے اس موقع پر گوجرانوالہ ریجن میں مزید شجرکاری مہم کے احکامات جاری کیے، اور کہا کہ درخت ہمیں آکسیجن فراہم کرنے کے ساتھ ساتھ ماحولیاتی آلودگی اور قدرتی آفات کے اثرات سے بچاؤ میں مدد دیتے ہیں۔

تقریب کے اختتام پر آر پی او، ایس ایس پی آپریشنز اور دیگر افسران نے شہدائے پولیس کی فیملیز کے ساتھ مل کر افطاری کی اور ان کے مسائل بھی دریافت کیے۔

گوجرانوالہ،باغی ٹی وی( نامہ نگار محمد رمضان نوشاہی)الیکشن کمیشن آف پاکستان خواجہ سراء برادری کے حقوق کے تحفظ اور ان کی انتخابی عمل میں شمولیت کو یقینی بنانے کے لیے سنجیدہ اقدامات کر رہا ہے۔ ان خیالات کا اظہار ڈسٹرکٹ الیکشن کمشنر وزیر آباد عمران ظفر نے ووٹر ایجوکیشن کمیٹی کے اجلاس میں کیا، جس کا مقصد خواجہ سراء برادری کو انتخابی عمل میں فعال شرکت کی ترغیب دینا اور ان کے حقوق کے بارے میں آگاہی فراہم کرنا تھا۔

اجلاس میں ایرش خان (نمائندہ خواجہ سراء برادری) نے اپنے مسائل اور خدشات کا اظہار کیا، خاص طور پر شناختی کارڈ بنوانے کے عمل میں مشکلات پر روشنی ڈالی۔ اس موقع پر الیکشن کمیشن کے نمائندوں نے ان مسائل کے حل کے لیے اقدامات کی یقین دہانی کرائی اور خواجہ سراء برادری کو انتخابی عمل میں بھرپور شرکت کی اہمیت پر زور دیا۔

اس میٹنگ میں آفتاب احمد (الیکشن آفیسر)، مظفر جاوید بھٹی (ڈپٹی ڈائریکٹر لوکل گورنمنٹ)، نازیہ منشاء (ڈپٹی ڈائریکٹر ایجوکیشن)، راحت زمرد اور ارسلان چیمہ نے بھی شرکت کی اور الیکشن کمیشن کی ووٹر ایجوکیشن مہم کو سراہا۔