Category: گوجرانوالہ

ہمت ہے تو سلمان شہباز یہ کام کر کے دکھائیں، فردوس عاشق اعوان کا چیلنج
باغی ٹی وی کی رپورٹ کے مطابق وزیراعظم عمران خان کی مشیر برائے اطلاعات ڈاکٹر فردوس عاشق اعوان نے کہا ہے کہ لیگی ترجمانوں نے 18 سوالات کے جواب نہیں دیئے، شہبازشریف18 سوالات کے جواب دیں،جواب نہ دینے کا مطلب آپ کے پاس کچھ نہیں، ماضی میں کیمپ آفسز کو منی لانڈرنگ کا ذریعہ بنایا گیا، منی لانڈرنگ کا پیسہ ٹی ٹیز کے ذریعے باہر بھیجا گیا، قانون کاتقاضاہے کہ مجرم قوم کوجواب دے،

فردوس عاشق اعوان نے مزید کہا کہ ڈھٹائی میں پی ایچ ڈی کرنے والے ہم سے پوچھ رہےہیں،دھیلے کی کرپشن بے نقاب ہوچکی ہے، ماضی میں کیش بوائزکوسرکاری نوکریاں دی گئیں، سلمان شہبازپاکستان آکرعدالتوں میں ہمیں جھوٹاثابت کریں،آصف زرداری کیخلاف متعدد کیسزچل رہے ہیں، جن کے دامن بدبودارہیں وہ عمران خان پرانگلیاں اٹھا رہے ہیں، بلاول سیاسی قد اونچا کرنے کیلئےعمران خان پرالزام لگاتے ہیں،

فردوس عاشق اعوان کا مزید کہنا تھا کہ عمران خان نے چوروں،لٹیروں کونہ چھوڑنے کا وعدہ کیا ہے، ان کےشورسے لگتاہےعمران خان کا وعدہ پورا ہورہا ہے، 1200 ارب کا گردشی قرض،کرنٹ اکاؤنٹ خسارہ ورثے میں ملا، جس کی کرپشن پکڑی جائے اس کازیادہ شورسنائی دیتاہے، نامورکرپشن زدہ چہرے نڈھال نظرآتےہیں، حکومت عوامی مشکلات سے آگاہ ہے، نوجوانوں کوقرضے دینے کاعمل شروع ہو چکا ہے، نوجوان نسل کوبااختیاربنانا چاہتے ہیں،

فردوس عاشق اعوان کا مزید کہنا تھا کہ سزایافتہ خاتون نے والد کےعلاج کیلئے ضمانت لی تھی، سزایافتہ خاتون کا نام ای سی ایل میں شامل ہے، وزارت داخلہ کوای سی ایل سےنام نکالنے کی درخواست نہیں ملی، مریم نوازنےعدالت سے رجوع کیا ہے،چاہتے ہیں سب پرقانون کا یکساں اطلاق ہو، مریم نوازکے بھائی والدکے پاس موجود ہے،عدالت نےآصف زرداری کیس کی ترجیحات طے کرنی ہیں،عدالتی فیصلے کے بعدحکومت لائحہ عمل دے گی،

فردوس عاشق اعوان کا مزید کہنا تھا کہ بلاول بھٹوکو 15 ماہ میں7 منصوبےنصیب ہوئے، 7 منصوبوں کے پیسوں سے15منصوبوں کاافتتاح کیا جاسکتا تھا، بلاول این ایف سی ایوارڈمیں حصہ دینے پرعمران خان کا شکریہ اداکریں، سندھ میں کرپشن روکی جائے تو منصوبے بہتر ہوسکتےہیں، پنجاب حکومت ہرہفتے میگا منصوبوں کاافتتاح کررہی ہے،پنجاب کوجرائم سے پاک کیاجائےگا،

نوشہرہ ورکاں،ملزمان کی کار پر فائرنگ،باپ بیٹے سمیت 4 افراد قتل، وجہ کیا؟ پولیس نے بتا دیا

باغی ٹی وی کی رپورٹ کے مطابق پنجاب کے ضلع گوجرانوالہ کے علاقہ نوشہرہ ورکاں میں افسوسناک واقعہ پیش آیا ہے، پرانی دشمنی پر مخالفین نے فائرنگ کر کے 4 افراد کو قتل کر دیا۔ مقتولین سیشن کورٹ سے پیشی کے بعد واپس گاؤں جا رہے تھے۔ پولیس کے مطابق موٹر سائیکل پر سوار مسلح افراد نے کار پر فائرنگ کی، کار میں سوار چاروں افراد موقع پر ہی جاں بحق ہوگئے، جاں بحق ہونے والوں میں باپ بیٹا بھی شامل ہیں.مقتول اعظم کچھ روز قبل ہی قتل کے مقدمہ میں ضمانت پر رہا ہوا تھا

اطلاع ملنے پر پولیس کی بھاری نفری موقع پر پہنچ گئی اور علاقے میں سرچ آپریشن شروع کر دیا، پولیس نے علاقہ کی ناکہ بندی کروا دی،پولیس کا کہنا ہے کہ جلد ملزمان کو گرفتار کر لیا جائے گا.

وزیراعلیٰ پنجاب عثمان بزدار نے گوجرانوالہ میں 4افراد کے قتل کےواقعے کا نوٹس لے لیا،وزیراعلیٰ عثمان بزدارنے قتل کے واقعہ میں ملوث ملزمان کی جلد گرفتار ی کاحکم دے دیا،وزیراعلیٰ نے ہدایت کی کہ مقتولین کے لواحقین کو انصاف کی فراہمی یقینی بنائی جائے،وزیر اعلیٰ پنجاب سردارعثمان بزدار نے آرپی او گوجرانوالہ سے رپورٹ طلب کر لی

گوجرانوالہ تھانہ سول لائن کے علاقے میں مبینہ طور پر سسرالیوں نے بہو کو آگ لگا دی،پولیس
لڑکی کے اہلخانہ کا کہنا ہے کہ سسرالیوں نے بہو کو پٹرول چھڑک کر آگ لگائی دی، نیلم کو تشویشناک حالت میں اسپتال منتقل کیا گیا لیکن جانبر نہ ہوسکی، پولیس نے نعش کو پوسٹ مارٹم کے لیے مردہ خانے منتقل کردیا ، سول لائن پولیس نے موقع پر پہنچ کر واقعہ کی تحقیقات شروع کر دیں، درخواست ملتے ہی واقعہ کا مقدمہ درج کر لیا جائے گا،پولیس
ہماری بیٹی کو سسرالیوں نے آگ لگا کر قتل کیا ہے،ہمیں انصاف چاہہے، پولیس ہمارے ساتھ نہ تو تعاون کر رہی ہے،اور نہ مقدمہ درج کر رہی ہے،چچا کا موقف

تھانہ سٹی کامونکے کی بدنام زمانہ منشیات فروشوں کے خلاف آپریشن ایک عورت سمیت تین منشیات فروش گرفتار دو کلو سے زائد چرس برآمد
کامونکے ایس ایچ او تھانہ سٹی کامونکے منور حسین للہ نے سٹی پولیس آفسیر ڈاکٹر معین مقصود کی ھدایت پر اور اے ایس پی کامونکے نوشیروان علی کی قیادت میں اپنی ٹیم اے ایس آئی فاروق احمد اور دیگر ملازمین کے ہمراہ بدنام فروشوں کے خلاف ڈرامائی انداز میں آپریشن کرتے ھوئے بدنام زمانہ منشیات فروش ثریا بی بی زوجہ ابراھیم ساکن دربار بھولا پیر سے تیرہ سو بیس گرام چرس ۔
ملزم احسان عرف وڈا کے قبضہ سے تیرا سو ساٹھ گرام چرس اور ملزم کاشف علی ساکن کسوکی روڈسے دو سو بیس گرام چرس برآمد کر لی ھے دوران تفتیش پرلیس نے انکشاف کیا ھے کہ ملزم کاشف علی ثریا بی بی سے چرس خرید کر فروخت کرتا تھا
پولیس نے ملزمان کو گرفتار کر کے مقدمات درج کر لیے ہیں

گوجرانوالہ چوری کی انوکھی واردات
مولانا کیلیے بنائے گئے سپیشل حلوے کا اکلوتا ڈبہ چوری
ایم پی اے منہ تکنے لگے

تفصیلات کے مطابق گوجرانوالہ میں مولانا فضل الرحمان کے آزادی مارچ کے استقبال کے لیے شیخوپورہ بس سٹاپ پر مسلم لیگ ن کی طرف سے استقبالی کیمپ لگایا گیا ۔ مسلم لیگ ن کے ایم پی اے نے مولانا فضل الرحمان کے لیے سپیشل حلوہ تیار کروایا گیا ، حلوے کا یہ واحد ڈبہ چوری ہو گیا اور لیگی ایم پی اے منہ تکتے رہ گیا۔

گوجرانوالہ: آزادی مارچ آج شام کو گوجرانوالہ پہنچے گا، ٹریفک پلان جاری

گوجرانوالہ: آج شام کو اندرون شہر جی ٹی روڈ پر گاڑیوں کا داخلہ بند، صرف آزادی مارچ کی گاڑیاں شہر میں داخل ہوسکیں گیں، راولپنڈی سے آنے والی ٹریفک کا شہر میں داخلہ بندہوگا۔ٹریفک کو جناح انٹرچینج سے سیالکوٹ روڈ اور دیوان روڈ بھجوایا جائیگا، آزادی مارچ کا قافلہ چناب ٹال پلازہ کراس کر جانے کے بعد ٹریفک کو جی ٹی روڈ پر آنے کی اجازت ہوگی
لاہور سے آنے والی ٹریفک کو گوناعور، واہنڈو اور تتلے عالی اور کامونکی ٹال پلازہ سے دیوان روڈ کی جانب موڑ دیا جائیگا۔

سیالکوٹ، حافظ آباد، نارووال سے بھی ٹریفک اہلکاران کو گوجرانوالہ طلب کرلیا گیا۔