Category: گوجرانوالہ

نوشہرہ ورکاں۔ (اے پی پی) علاقہ تھانہ تتلے عالی موضع مرالی والا میں 25 سالہ جوان محمد آصف کی پرسرار ہلاکت۔ محمد آصف کے کزن خالد حسین گجر کے مطابق آصف کا دوست محمد سجاد رات اسے گھر سے بلا کر فیکٹری لے گیا اور کچھ دیر بعد محمد آصف کی موت کی اطلاع مل گئی۔ ورثاء کی جانب سے زہر خورانی کا شبہ ظاہر کیا گیا ہے۔ ملزم سجاد اور دو نامعلوم افراد کے خلاف دفعہ 302/34 کے تحت مقدمہ درج کرلیا گیا۔جبکہ مقتول کی نعش نوشہرہ ورکاں تحصیل ہیڈ کواٹر ہسپتال ڈیڈ ہاؤس میں پوسٹ مارٹم کے لیے جمع کرا دی گئی ہے۔ تتلے عالی پولیس مصروف تفتیش ہے۔

گوجرانوالہ : پلاسٹک و پولی تھین بیگز کے خلاف ضلعی انتظامیہ کی طرف سے عائد پابندی میں نرمی یا توسیع نہیں کی گئی ہے،انسداد پلاسٹک بیگزمہم کوپوری قوت اور استعداد سے جاری رکھا جائے گا،افسران چھاپہ مار کاروائیاں مزید تیز کریں ڈپٹی کمشنر گوجرانوالہ نائلہ باقر

پلاسٹک و پولی تھین بیگز کے پر عائد پابندی سے متعلق شہر میں پھیلائی جانے والی افواہوں اور 2ماہ کی توسیع دیئے جانے کی سختی سے تردید کرتے ہوئے ڈپٹی کمشنر گوجرانوالہ نائلہ باقر نے کہا ہے کہ یہ ایک عوام دوست اور ماحول دوست فیصلہ ہے جسے تمام حلقوں نے سراہا ہے اور وہ اس فیصلے کے نفاذ کے لیے ضلعی انتظامیہ کے ہم آواز ہیں۔ انہوں نے مزید کہا ہے کہ منگل کے روز تما م سٹیک ہولڈر ز سے اس سلسلہ میں میٹنگ کی جارہی ہے اور پلاسٹک بیگز پر عائد پابندی کے نفاذ سمیت دیگر امور پر تفصیلی تبادلہ خیال کیا جائے گا۔انتظامیہ کی طرف سے پابندی سے قبل بھرپور آگاہی مہم بھی چلائی گئی۔
شہری و سماجی حلقوں کی طرف سے اس اقدام کو سراہا جانا خوش آئندہے اور اس اقدام سے ماحولیاتی آلودگی، سیوریج مسائل، گندگی میں آضافے کا باعث بننے والے اسباب کی روک تھام ممکن ہوسکے گی۔

کامونکی،پولیس حراست میں صلاح الدین کی ہلاکت ، دوبارہ پوسٹ مارٹم کے لئے قبر کشائی جاری ہے

باغی ٹی وی کی رپورٹ کے مطابق صلاح الدین کی نعش کے دوبارہ پوسٹ مارٹم کے لئے قبر کشائی جاری ہے، قبر کشائی کا حکم جوڈیشل مجسٹریٹ رحیم یارخان نے دیا تھا، قبر کشائی جوڈیشل مجسٹریٹ کامونکی محمد عارف کی نگرانی میں جاری ہے

صلاح الدین کے والد کی جانب سے  ڈیوٹی جج راشد افضل صاحب کی عدالت میں دوبارہ پوسٹ مارٹم کیلئے صوبائی میڈیکل بورڈ بنانے کیلئے درخواست کی گئی تھی.

صلاح الدین کے والد کا دوبارہ پوسٹ مارٹم کا مطالبہ، وزیراعلیٰ نے کروائی انصاف کی یقین دہانی

پولیس تشدد سے صلاح الدین قتل، وزیراعلیٰ کا جوڈیشل کمیشن کے لئے ہائیکوٹ کو خط

اب یہ میرا کیس، ذمہ دار سزا سے نہیں بچ پائے گا، وزیراعلیٰ پنجاب کی صلاح الدین کے اہلخانہ سے گفتگو

صلاح الدین تشدد کیس کی تفتیش اب ڈی آئی انفارمیشن اینڈ ٹیکنالوجی ڈی آئی کریں گے ،صلاح الدین کے والد محمد افضال نے تفتیش کی تبدیلی کے لیے گورنر پنجاب سے مطالبہ کیا تھا ،ایڈیشنل انویسٹی گیشن پنجاب نے تفتیش تبدیل کرنے کا مراسلہ جاری کردیا ،ڈسٹرکٹ اسٹینڈنگ بورڈ رحیم یار خان کی منظوری کے بعد تفتیش تبدیل کی گئی ،آر پی او بہاولپور نے بھی کیس کی تفتیش تبدیل کرنے کی منظوری دے دی

صلاح الدین کی ہلاکت کیسے ہوئی؟ پوسٹ مارٹم فرانزک لیب رپورٹ جاری

واضح رہے کہ صلاح الدین کو پولیس حراست میں تشدد کے ذریعے قتل کر دیا گیا ہے، وزیراعلی پنجاب نے تحقیقات کے لئے جوڈیشل کمیشن بنانے کا اعلان کیا ہے اور اس ضمن میں ہائیکورٹ کو خط لکھ کر سفارش کی ہے.

پولیس تشدد سے صلاح الدین قتل، وزیراعلیٰ کا جوڈیشل کمیشن کے لئے ہائیکوٹ کو خط

صلاح الدین بچپن سے ہی ذہنی معذور تھا وہ گزشتہ دنوں فیصل آباد سے اے ٹی ایم مشین سے کارڈ چوری کی جس کی وڈیو پورے میڈیا پر وائرل ہو گئی اس کے چند دن بعد وہ رحیم یار خان میں اے ٹی ایم سے کارڈ چوری کرتے ہوئے پکڑا گیا ،پولیس پکڑ کر اسے تھانے لے گئی اور تھانے میں تفتیش کے دوران صلاح الدین پر مبینہ طور پر تشدد کیا گیا جس وہ جان کی بازی ہار گیا۔

..

حکومت پنجاب نے شہریوں کو صاف پانی کی فراہمی کے لیے آب پاک اتھارٹی قائم کر دی ہے،ضلعی سطح پر صاف پانی کے منصوبوں کی نشاندہی اور جامع حکمت عملی کی تشکیل کے سلسلہ میں ایڈیشنل ڈپٹی کمشنر (جنرل)انجم ریاض سیٹھی کی زیر صدارت ضلعی آب پاک کمیٹی کا پہلا اجلاس منعقد ہوا جس میں حکومتی ہدایات کی روشنی میں آب پاک اتھارٹی کے اغراض و مقاصد اور مستقبل کے لائحہ عمل پر تفصیلی تبادلہ خیال کیا گیا۔

اجلاس میں حکومتی جماعت کے نمائندوں (رانا نذیر احمد خاں،رضوان اسلم بٹ، ظفر اللہ چیمہ،خالد پرویز ورک)،ڈپٹی ڈائریکٹر لوکل گورنمنٹ سجاد منیر،ایکسیئن پبلک ہیلتھ انجینئرنگ ڈیپارٹمنٹ ناصر اقبال اور دیگر شریک تھے۔
اجلاس کے شرکاء نے آب پاک اتھارٹی کے حکومتی اقدام کو سراہتے ہوئے کہا کہ شہریوں کو صاف پانی کی فراہمی کا اقدام قابل ستائش ہے جس سے شہری اور دیہی علاقوں کے عوام کو صاف پانی میسر آ سکے گا۔انہوں نے مزید کہا کہ پہلے سے چلنے والے واٹر فلٹریشن پلانٹس کو بھی مکمل طور پر آپریشنل کیا جائے اور جہاں فلٹر تبدیل کرنے کی ضرورت ہے وہاں فلٹر تبدیل کیا جائے اور جہاں بجلی کے بلز کی عدم ادائیگی اور دیگر وجوہات کے باعث فلٹریشن پلانٹس بند ہیں انہیں بھی مکمل طور پر آپریشنل کیا جائے۔انہوں نے مزید کہا کہ تمام علاقوں میں یکساں طور پراس منصوبے کے تحت واٹر فلٹریشن اور آر او پلانٹس لگائے جائیں تا کہ مضر صحت پانی سے پھیلنے والی بیماریوں کی روک تھام ممکن بنائی جا سکے۔اجلاس میں مشترکہ طور پر فیصلہ کیا گیا کہ ایکسیئن پبلک ہیلتھ 10روز میں صاف پانی کے منصوبوں کے لیے تمام تحصیلوں،یونین کونسلز اور دیہاتوں میں مناسب جگہوں کی نشاندہی کرتے ہوئے ڈپٹی کمشنر دفتر کو رپورٹ ارسال کریں گے جس کے بعد دوبارہ اجلاس طلب کیا جائے گا تا کہ حکومتی ہدایات اور پالیسی کے تناظر میں سکیمیں منظور کرتے ہوئے حکومت پنجاب کو بھجوائی جا سکیں۔

وزیراعظم پاکستان اور وزیر اعلیٰ پنجاب کے ویژن صاف اور سرسبز پاکستان مہم کے تحت ڈپٹی کمشنر گوجرانوالہ نائلہ باقر کی ہدایات پر پلاسٹک شاپنگ بیگ کی پاپندی پر عملدرآمد کروانے کے سلسلہ میں جنرل انجمن تاجران نوشہرہ ورکاں کے وفد سے اسسٹنٹ کمشنر نوشہرہ ورکاں حیدرخان کی ملاقات،

اس موقع پر چیف آفیسر کنور عثمان سعید بھی موجود تھے۔ اسسٹنٹ کمشنر نے شرکاء کو بتایا کہ شاپر بیگ پر پابندی پر عملدرآمد ہر صورت میں کروایاجائے گا۔ انجمن تاجران کو اس مہم میں شامل کرنے کا مقصد مہم کو احسن طریقہ سے کامیاب بنانا ہے۔ ہم گورنمنٹ کے ملازم ہیں آج یہاں کل کہی اور علاقہ کے مکینوں کے لئے بہتری لائی جارہی ہے۔
صفائی ستھرائی کاکام صرف میونسپل کمیٹی کے عملہ سے کامیاب نہیں ہوسکتا بلکہ کامیابی کےلئے عوامی شراکت ضروری ہے۔انجمن تاجران دکانداروں اور شہریوں میں آفاہی پیدا کریں تاکہ شہر کو خوبصورت بنایاجاسکے یہ شہر انکا ہے شہری جتناتعاون کریں گے شہر اتناہی خوبصورت ہوگا ہمارا کام انہیں سہولتیں فراہم کرنا ہے دکاندار حضرات دکانوں کی صفائی کرکے کوڑا وغیرہ نالہ میں پھینکنے کے بجائے دکان کے ایک طرف رکھ دیں اس طرح نالے بھی بند نہیں ہونگے۔

وزیراعظم پاکستان اوروزیراعلیٰ پنجاب کے ویژن صاف,سرسبز پاکستان مہم کے تحت ڈپٹی کمشنر گوجرانوالہ نائلہ باقر کی ہدایات پرجاری انسداد پلاسٹک بیگ مہم کے خلاف تاجرنمائندوں,پلاسٹک بیگزاسوسی ایشن کے وفد کی ایڈیشنل ڈپٹی کمشنرجنرل انجم ریاض اوراے سی سٹی عثمان سے ملاقات،تحفظات سے آگاہ کیا-

پلاسٹک اور پولی تھین بیگزاربن فلڈنگ، ماحولیاتی آلودگی میں آضافے کا سبب بن رہے، ماحول دوست ٹیکنالوجی پر منتقل ہو کر ملک و معاشرے کی خدمت کریں ڈپٹی کمشنر گوجرانوالہ کی تاجر نمائندوں سے اپیل، شہریوں کو شاپر بیگز کو ترک کرنے اور انتظامیہ سے تعاون کرنے کی بھی درخواست

گوجرانوالہ : پلاسٹک بیگ استعمال کرنے والے دکانداروں کے خلاف کریک ڈاؤن ہزاروں روپے جرمانہ!

تفصیلات کے مطابق ڈپٹی کمشنر گوجرانوالہ نائلہ باقر نے ضلع بھر میں پولی تھین بیگ پر پابندی لگا دی ہے جس پر عملدرآمد کے لئے اسپیشل مجسٹریٹ جہانزیب احمد خان ترین نے متعدد مارکیٹوں کا دورہ کیا اور پلاسٹک بیگ میں اشیاء فروخت کرنے پر گورمے بیکرز اور متعدد دکانداروں کو جرمانے کئے اس موقع پر انہوں نے میڈیا سے گفتگو کرتے ہوئے کہا کہ پلاسٹک انسانی زندگی اور زمین کی زرخیزی کو تباہ کر رہا ہے شاپر بیگوں سے گٹر بند ہو رہے ہیں نالیاں شاپر بیگوں سے اٹی پڑی ہیں کوڑے کیساتھ انہیں جلانے سے بیماریاں پھیل رہی ہیں کھانے پینے کی اشیاء میں پلاسٹک بیگز کا بڑھتا ہوا استعمال کینسر سمیت دیگر موذی امراض کا باعث بن رہا ہے اس حقیقت کے پیش نظر ضلعی انتظامیہ نے ماحول کو آلودگی سے پاک رکھنے کے لئے پولیتھین بیگز کے استعمال پر پابندی لگا دی ہے-