Baaghi TV

Category: گوجرانوالہ

  • گوجرانوالا برساتی نالوں کی کیا صورتحال ہے ڈپٹی کمشنر نے بتا دیا

    ڈپٹی کمشنر گوجرانوالہ نائلہ باقر کے مطابق برساتی نالوں میں بھی پانی کی صورتحال نارمل ہے۔ فلڈ کنٹرول حکام نے بتایا ہے کہ ہیڈ خانکی میں پانی کی آمد 93 ہزار 9 سو کیوسک اور اخراج 86 ہزار 3 سو کیوسک ریکارڈ کیا گیا ہے۔

    ہیڈ مرالہ میں پانی کی آمد 98 ہزار 7 سو کیوسک اور اخراج 81 ہزار کیوسک ہے۔فلڈ کنٹرول حکام نے مزید بتایا کہ نالہ ڈیک میں پانی کی آمد 892.0 کیوسک ریکارڈ کی گئی ہے۔ نالہ ایک میں پانی کی آمد 816.20کیوسک ریکارڈ کی گئی ہے۔ نالہ پلکھو میں پانی کی آمد 748.10 کیوسک ریکارڈ کی گئی ہے۔

    فلڈ کنٹرول حکام نے خبردار کیا ہے کہ آج دریائے چناب اور نالوں میں مزید پانی بڑھے گا۔

  • کمشنر اور ڈپٹی کمشنرگوجرانوالا کا یکجہتی کشمیر ریلی میں بڑا بیان

    کمشنر گوجرانوالہ ڈویژن وقاص علی محمود اور ڈپٹی کمشنر گوجرانوالہ نائلہ باقر انتظامیہ کے زیر اہتمام نکالی جانے والی یکجہتی کشمیر ریلی سے خطاب کرتے ہوئے کہا کہ کشمیر پاکستان کی شہہ رگ ہے اور کشمیر بھارت کے تسلط سے آزاد ہو کر رہے گا۔ بھارتی ظلم و بربریت کشمیریوں کی جدو جہد آزادی کی آواز اب مزید نہیں دبا سکتے،کشمیر کی قانونی حیثیت میں تبدیلی کا بھارتی اقدام نا قابل قبول اورعالمی قوانین کی کھلم کھلا خلاف ورزی ہے جسے کشمیری عوام اور پاکستان یکسر مسترد کرتاہے۔ عالمی طاقتیں اور اقوام متحدہ اس غییر آئینی بھارتی اقدام کا نوٹس لے اور کشمیریوں کے حق خود ارادیت دلانے میں اپنا کردار ادا کرے۔

    ریلی میں سرکاری محکموں کے ہزاروں ملازمین و افسران، تاجر برادی، سول سوسائٹی اور عوامی نمائندوں نے شرکت کی۔ ریلی جی ٹی روڈ سے لاری اڈا خیبر چوک تک نکالی گئی جس میں بھارتی مظالم کے خلاف بھرپور احتجاج کیا گیا اور کشمیر کی آزادی کے حق میں نعرے لگائے گئے۔کشمیریوں بھائیوں کی قربانیاں رائیگاں نہیں جائیں جلد بھارتی تسلط آزادی کشمیر کا آزاد ہو گا۔

  • محکمہ اینٹی کرپشن کا گوجرانولہ شہر کی تاریخ میں کرپشن کے سب سے بڑے ، میگا کرپشن سکینڈل میں بڑی کاروائی

    محکمہ اینٹی کرپشن گوجرانوالہ کا گوجرانولہ شہر کی تاریخ میں کرپشن کے سب سے بڑے ، میگا کرپشن سکینڈل میں بڑی کاروائی!

    میونسپل کارپوریشن گوجرانوالہ میں ہونے والی غضب کرپشن اور بڑے پیمانے پر ہونے والی بے ضابطگیوں کی عجب داستانیں رقم کرنے اور سرکاری خزانے کو اربوں کا نقصان پہنچانے پر
    1۔ سابقہ میئر گوجرانوالہ، ثروت اکرام ،میونسپل کارپوریشن گوجرانوالہ
    2۔ سرفراز خان شاہد ، سابقہ ٹی ۔ایم۔او، قلعہ دیدار سنگھ ٹاؤن
    3۔ شہزاد احمد کھوکھر ، سپر اینٹینڈ ینٹ (ریگولیشن) میونسپل کارپوریشن گوجرانوالہ سمیت سینکڑوں لینڈ قبضہ مافیا ڈان کے خلاف مقدمہ درج! دیگرملوث سینئر افسران و اہلکاران وکرپٹ عناصر کے کردار کا تعین دوران تفتیش کیا جائے گا۔

    میونسپل کارپوریشن گوجرانوالہ میں اربوں روپے مالیت کی سرکاری دوکانوں کی لیز کی مد میں میگا کرپشن کی گئی۔ جلد اہم گرفتاریا ں متوقع!

    سابقہ میئر گوجرانوالہ، ثروت اکرام کی زیر پرستی ،بلد یہ گوجرانوالہ کے کرپٹ افسران و اہلکاران اور لینڈ ریگولیشن ڈیپارٹمنٹ کے سپرنٹنڈنٹ کی ملی بھگت سے بیش قیمت اراضی پر تعمیر شدہ ، قیمتی کمرشل ایریا میں موجود اربوں روپے مالیت کی دوکانوں کوکوڑیوں کے بھاؤ پر، بغیر مارکیٹ اسسمنٹ و نیلامی کئے ،پرانے لیز ریٹ پر دے دیا گیا۔

    گوجرانوالہ شہر میں کرپٹ مافیا کا راج !گوجرانوالہ شہرمیں میں جی ٹی روڈ پر واقع مہنگی ترین کمرشل جگہوں پر واقع ، سینکڑوں کمرشل دوکانوں کا سرکاری مارکیٹ کرایہ لاکھوں روپے ماہانہ ، جن کو کوڑیوں کے بھاؤ ، انتہائی کم کرایہ پر اونے پونے داموں(سینکڑوں کے حساب سے) لیز پر دے دیا گیا۔

    سابقہ میئر گوجرانوالہ، ثروت اکرام نے قیمتی کمرشل مارکیٹوں و دوکانوں کی نہ ہی مارکیٹ اسسمنٹ کروائی، نہ کی نیلامی کروائی گئی ، جس سے ایک طر ف تو سرکاری خزانے کو اربوں کا نقصان پہنچایا گیا دو سر ی جانب ، بلدیہ گوجرانوالہ کے کرپٹ افسران و اہلکاران ، خصوصی طور پر لینڈ سپرنٹنڈنٹ کی ملی بھگت سے دوکانیں لیز پر دینے کے بعد دوکانداروں کو بلیک میل کر کے، کرایہ کی وصولی کمرشل مارکیٹ ریٹ پر کی جاتی ۔ جس سے ساری رقم کرپٹ ڈان مافیا کے جیبوں میں چلی جاتی اور بلدیہ کے کرپٹ افسران و اہلکاران ماہانہ لاکھوں روپے کماتے۔

    بلدیہ گوجرانوالہ کی انتظامہ کی جانب سے تمام تر قانونی تقاضوں کو پش پست ڈال دیا گیا ۔ان کی غفلت سے شہر کی اربوں روپے کی پراپر ٹی کی اہم دستاویزات کا ریکارڈ نہ رکھا گیا اور بیش قیمت کمرشل دوکانوں کو دوکاندار خودساختہ قیمت پر آگے فروخت کرتے رہے۔

    میگا کرپشن سکینڈل ، کاروائی عوامی حلقوں ،صحافی و سماجی تنظیموں اور شہریوں کی کثیر تعداد کی جانب سے شکایات اور اینٹی کرپشن کی خفیہ سورس رپورٹ پر عمل میں لائی گئ

    اس موقع پر ریجنل ڈائریکٹر اینٹی کرپشن گوجرانوالہ ، زوہیب مشتاق نے میڈیا کو بتایا کہ وزیراعظم پاکستان کے کرپشن فری پاکستان کے وژن کے عین مطابق اور ڈائریکٹر جنرل اینٹی کرپشن پنجاب کی ہدایات کے مطابق ،کرپٹ مافیا کے ساتھ آہنی ہاتھوں سے نمٹا جائے گا۔ ان سے لوٹی ہوئی رقم، ریکور کر کے سرکاری خزانے میں جمع کروائی جائے گی۔ سرکاری خزانے کو لوٹنے والوں کو جلد قانون کے کٹہر ے میں لا کر کیفر کردار تک پہنچایا جائے گا۔

  • گوجرانوالا تاجر تنظیموں کا کشمیر سے اظہار یکجہتی کا اظہار

    گوجرانوالہ : گوجرانوالا تاجروں کا کشمیر سےاظہار یکجہتی کا مظاہرہ ۔ مظاہرے میں شہر کی تمام نمائیندہ تاجر تنظیموں کے صدور نے اور ڈھیروں ممبران نے اپنے کشمیری بھائیوں کے ساتھ اظہار یکجہتی کا اظہار سڑکوں پہ نکل کے کیا ۔

    مرکزی انجمن تاجران گوجرانوالا کے چئیرمن میاں فضل الرحمان کا کہنا تھا کہ جب سے عمران خان اور ٹرمپ کی ملاقات ہوئی ہے اس کے بعد مودی سرکار دیوانی ھو گئی ھے ۔ مگر انڈیا یہ جان لے ۔ کہ کشمیر ہماری شہ رگ ہے ۔
    انہوں نے کہا کہ ہم اپنے کشمیری بھائیوں کو یقین دلاتے ھیں حالات کیسے بھی کیوں نہ ہوں ۔ ہم تمہارے ساتھ تمہاری آزادی تک کھڑے ھیں ۔
    انشاءاللہ کشمیر بنے گا پاکستان۔

  • گوجرانوالا کے تمام تعلیمی اداروں میں کشمیر سے یکجہتی کے حوالے سے تقاریب کا انعقاد

    گوجرانوالہ نجی و سرکاری کالجز یونیورسٹیز میں طلبہ وطالبات نے کشمیریوں سے بھرپور یکجہتی کا اظہار کیا کشمیر سے یکجہتی کے لئے تمام تعلیمی اداروں میں ایک منٹ کی خاموش بھی اختیارکی گئی ۔طلبہ وطالبات نے ہاتھوں میں پلے کارڈز اٹھائے کشمیر کے حق میں ریلیاں نکالی

    کشمیر سے یکجہتی کے لیے ایک ریلی ماڈل ٹاؤن جامعہ ہائی سکول میں *یوم یکجہتی کشمیر* کے عنوان ریلی کا انعقاد کیا گیا
    جس میں تمام سکول ٹیچر اور طلبہ نے شرکت کی شرکاء کی تعداد کم و بیش 400 تھی

    ریلی جامعہ ہائی سکول سے شروع ہو کر ماڈل ٹاون گول چکر پر اختتام پزیر ہو گئی ۔

    ریلی کے شرکاء سے اساتذہ نے خطابات کیے جس میں انہوں نے مقبوضہ کشمیر میں بھارتی دہشت گردی کی پرزور مذمت کی اور کشمیریوں سے بھرپور یکجہتی کا اظہار کیا ۔ مقررین کا کہنا تھا کہ ہمارا بچہ بچہ کشمیریوں کے ساتھ ہیں کشمیر میں ہونے والا ظلم ہمیں برداشت نہیں ہم ہر حال میں اپنی کشمیری بھائیوں کی مدد جاری رکھیں گے۔ انہوں نے عالمی برادری کو مخاطب ہو کر کہا کہ کشمیر کا مسئلے کا فوری حل ہونا چاہیے ۔ کشمیریوں کی خواہش کے مطابق انہیں بھارتی ظلم و جبر سے آزادی دلوائی جائے۔

    تمام تقاریب اور ریلیوں میں طلباء نے ہاتھوں میں پلے کارڈ اٹھا رکھے تھے۔ پلے کارڈز پر کشمیر بنے گا پاکستان کے نعرے درج ۔

    اور طلبہ وطالبات نے بھارتی۔مظالم کے خلاف بھرپور نعرے بازی بھی کی ۔ طلباء و طالبات نے اقوام متحدہ سے مطالبہ کیا کہ اقوام متحدہ بھارتی مظالم کا۔نوٹس لیں کشمیر کو آزاد کیا جائے

  • گوجرانوالہ، گرفتار بھارتی شہری کا عدالت نے دیا ریمانڈ

    گوجرانوالہ، گرفتار بھارتی شہری کا عدالت نے دیا ریمانڈ

    گوجرانوالہ میں بھارتی شہری پنچم تیواری کو ایف آئی اے نے عدالت میں پیش کر دیا

    باغی ٹی وی کی رپورٹ کے مطابق گرفتاربھارتی شہری پنچم تیواری کوایف آئی اے نےعدالت میں پیش کردیا ،ایف آئی اے نے ملزم کوعلاقہ مجسٹریٹ سائرہ ارشدچیمہ کی عدالت میں پیش کیا ،تفتیشی افسرکی طرف سے 9روزہ ریمانڈ کی استدعا کی گئی تھی ،عدالت نے ملزم کومزید5روزہ ریمانڈ پرایف آئی اے کےحوالے کردیا

    نادرا کا ایک اور کارنامہ، غیر قانونی طور پر پاکستان آنے والے بھارتی شہری کو شناختی کارڈ بنا دیا

    واضح رہے کہ پاکستان کے قومی تحقیقاتی ادارے ایف آئی اے نے پنجاب کے شہر گوجرانوالہ سے ایک بھارتی شہری کو گرفتار کیا ہے جس کے بارے میں انکشاف ہوا ہے کہ نادرا نے اسے پاکستان کا قومی شناختی کارڈ جاری کیا ہوا ہے.

    ایف آئی اے نے گوجرانوالہ سے ملزم پنجم تیواری کو گرفتار کیا جس نے ایف آئی اے کو بیان دیتے ہوئے کہا کہ 2009 میں پاکستانی شہری کامران کے ساتھ دبئی میں کاروبار کیا،کامران کے پھوپھا مسعودنے اپنا بیٹاظاہرکرکے شناختی کارڈ دلوایا ،اورنیانام بلال رکھ دیا،

     

    بھارتی شہری نے پاکستانی شہری کامران کی بہن سے شادی بھی رچا لی، ملزم غیر قانونی طریقے سے پاکستان آیا اور گوجرانوالہ میں دوست کے گھر رہا، ایف آئی اے نے ملزم کے خلاف تحقیقات شروع کر دی ہیں اور مقدمہ درج کر لیا ہے، ایف آئی اے نے مقدمہ میں ملزم کی مدد کرنے والے افراد کے خلاف بھی مقدمہ درج کیا ہے، ایف آئی نے بھارتی شہری کو قومی شناختی کارڈ جاری کرنے پر نادرا ملازمین سے بھی تحقیقات کرنے کا فیصلہ کیا ہے.

    واضح رہے کہ دو ماہ قبل قومی اسمبلی کے سیشن کے دوران وقفہ سوالات میں وزیر داخلہ اعجاز شاہ نے ایوان کو بتایا تھا کہ غیرملکیوں کو قومی شناختی کارڈ جاری کرنے پر نادرا سے 120 ملازمین برطرف کئے گئے جبکہ جعل سازی پر 9554 قومی شناختی کارڈز منسوخ کیے جاچکے ہیں۔ ایک لاکھ سے زائد مشکوک آئی ڈی کارڈ بلاک کیے جاچکے ہیں۔

    ایک رپورٹ کے مطابق نادرا کی جانب سے 603 غیر ملکیوں کو بھی قومی شناختی کارڈز جاری کیے گئے۔

  • گوجرانوالہ میں خطرناک ٹریفک حادثہ تین افراد کی جان لے گیا

    گوجرانوالہ:کنگنی والا کے قریب کنٹینر نے کار سواروں کو کچل ڈالا:
    ریسکیو ذرائع کے مطابق گوجرانوالا کنگنی والا کے قریب جی ٹی روڈ پر ایک کار کے یوٹرن لینے کے باعث ایک بڑا کنٹینر الٹ گیا کار کنٹینر کے نیچے دب کر تباہ ہو گئی ۔ حادثہ کے باعث کار میں موجود سوار تین مسافر جاں بحق ہو گئے۔

    یہ افسوس ناکہ واقع رات گئے کنگنی والا جی ٹی روڈ جناح پارک کے قریب پیش آیا ۔ حادثہ کے فوری بعد مقامی لوگوں کی بڑی تعداد موقع پر پہنچ گئی ۔ ساتھ ہی ریسکیو کی ٹیم اور انتظامیہ کی ٹیم بھی پہنچ گئی ۔ ریسکیو ذرائع کے مطابق جاں بحق ہونے والوں کی شناخت کی جا رہی ہے۔

  • ایف آئی اے نے گوجرانوالا سے بھارتی شہری کو گرفتارکر لیا

    گوجرانوالہ سے ایک بھارتی شہری گرفتار تفصیلات کے مطابق ایف آئی اے نے گوجرانوالہ سے ایک بھارتی شہری کو گرفتار کر لیا ، گرفتار ملزم پنجم تیواری دس سال پہلے غیر قانونی طور پر پاکستان آیا اور پاکستانی دوست کی مدد سے ادھر بلال نام سے پاکستانی شناختی کارڈ بنوایا اور پاکستانی لڑکی سے شادی بھی کرلی ،ڈپٹی ڈائریکٹر ایف آئی اے عامر نواز کے مطابق گرفتار ملزم پنجم تیواری نے 2009 میں دبئی گیا وہاں پنجاب کے شہر گوجرانوالہ سے تعلق رکھنے والے شہری کامران سے ملاقات ہوئی اور دونوں کی آپس میں کاروباری دوستی بن گئی۔ کامران اسے جعلی پاسپورٹ پر پاکستان لے آیا اور پاکستان آ کر گرفتار بھارتی ملزم نے کامران کی مدد سے بلال کے نام سے پاکستانی شناختی کارڈ بنوا لیا۔ بعد میں دوست کامران کی بہن رخسانہ سے شادی بھی کر لی، شادی کر کے جعلی نکاح نامہ بھی بنوا لیا ۔
    ملزم کے خلاف مقدمہ درج کر کے تحقیقات کی جارہی ہیں ،مقدمہ میں کامران سمیت اسکی معاونت کرنیوالے پانچ افراد کو بھی نامزد کیا گیا ہے ۔ نادرا ملازمین کو بھی شامل تفتیش کرنے کا فیصلہ کیا گیا ہے ۔

  • نادرا کا ایک اور کارنامہ، غیر قانونی طور پر پاکستان آنے والے بھارتی شہری کو شناختی کارڈ بنا دیا

    نادرا کا ایک اور کارنامہ، غیر قانونی طور پر پاکستان آنے والے بھارتی شہری کو شناختی کارڈ بنا دیا

    نادرا کا ایک اور کارنامہ سامنے آ گیا، بھارتی شہری کو شناختی کارڈ جاری کر دیا، ایف آئی اے نے بھارتی شہری کو گرفتار کر لیا

    باغی ٹی وی کی رپورٹ کے مطابق پاکستان کے قومی تحقیقاتی ادارے ایف آئی اے نے پنجاب کے شہر گوجرانوالہ سے ایک بھارتی شہری کو گرفتار کیا ہے جس کے بارے میں انکشاف ہوا ہے کہ نادرا نے اسے پاکستان کا قومی شناختی کارڈ جاری کیا ہوا ہے.

    ایف آئی اے نے گوجرانوالہ سے ملزم پنجم تیواری کو گرفتار کیا جس نے ایف آئی اے کو بیان دیتے ہوئے کہا کہ 2009 میں پاکستانی شہری کامران کے ساتھ دبئی میں کاروبار کیا،کامران کے پھوپھا مسعودنے اپنا بیٹاظاہرکرکے شناختی کارڈدلوایا،اورنیانام بلال رکھ دیا،

    بھارتی شہری نے پاکستانی شہری کامران کی بہن سے شادی بھی رچا لی، ملزم غیر قانونی طریقے سے پاکستان آیا اور گوجرانوالہ میں دوست کے گھر رہا، ایف آئی اے نے ملزم کے خلاف تحقیقات شروع کر دی ہیں اور مقدمہ درج کر لیا ہے، ایف آئی اے نے مقدمہ میں ملزم کی مدد کرنے والے افراد کے خلاف بھی مقدمہ درج کیا ہے، ایف آئی نے بھارتی شہری کو قومی شناختی کارڈ جاری کرنے پر نادرا ملازمین سے بھی تحقیقات کرنے کا فیصلہ کیا ہے.

    واضح رہے کہ دو ماہ قبل قومی اسمبلی کے سیشن کے دوران وقفہ سوالات میں وزیر داخلہ اعجاز شاہ نے ایوان کو بتایا تھا کہ غیرملکیوں کو قومی شناختی کارڈ جاری کرنے پر نادرا سے 120 ملازمین برطرف کئے گئے جبکہ جعل سازی پر 9554 قومی شناختی کارڈز منسوخ کیے جاچکے ہیں۔ ایک لاکھ سے زائد مشکوک آئی ڈی کارڈ بلاک کیے جاچکے ہیں۔

    ایک رپورٹ کے مطابق نادرا کی جانب سے 603 غیر ملکیوں کو بھی قومی شناختی کارڈز جاری کیے گئے۔

  • ایف آئی اے نے گوجرانوالا سے ایک بھارتی شہری کو گرفتار کر لیا

    گوجرانوالہ سے ایک بھارتی شہری گرفتار تفصیلات کے مطابق ایف آئی اے نے گوجرانوالہ سے ایک بھارتی شہری کو گرفتار کر لیا ، گرفتار ملزم پنجم تیواری دس سال پہلے غیر قانونی طور پر پاکستان آیا اور پاکستانی دوست کی مدد سے ادھر بلال نام سے پاکستانی شناختی کارڈ بنوایا اور پاکستانی لڑکی سے شادی بھی کرلی ،ڈپٹی ڈائریکٹر ایف آئی اے عامر نواز کے مطابق گرفتار ملزم پنجم تیواری نے 2009 میں گوجرانوالہ کے رہائشی کامران سے دوستی لگائی اور یہ دس سال پہلے غیر قانونی طریقے سے پاکستان آیا اور پاکستان آ کر کامران کی مدد سے بلال کے نام سے نہ صرف پاکستانی شناختی کارڈ بنوا لیا بلکہ گرفتار بھارتی ملزم نے دوست کامران کی بہن سے شادی بھی کر لی، ملزم کے خلاف مقدمہ درج کر کے تحقیقات کی جارہی ہیں ،مقدمہ میں کامران سمیت اسکی معاونت کرنیوالے پانچ افراد کو بھی نامزد کیا گیا ہے ۔ نادرا ملازمین کو بھی شامل تفتیش کرنے کا فیصلہ کیا گیا ہے ۔