بانی پاکستان تحریک انصاف عمران خان کے خلاف ممنوعہ فنڈنگ کیس میں اہم پیشرفت سامنے آئی ہے، جس میں ان سمیت دیگر ملزمان کے خلاف چالان عدالت میں جمع کروا دیا گیا ہے۔ ذرائع کے مطابق اس کیس میں عمران خان کو مرکزی ملزم قرار دیا گیا ہے، جس سے قانونی کارروائی مزید تیز ہونے کا امکان ہے۔
رجسٹرار آفس کی جانب سے چالان کی جانچ پڑتال کا عمل شروع کر دیا گیا ہے، جس کے بعد کیس باقاعدہ سماعت کے مراحل میں داخل ہوگا۔ اطلاعات کے مطابق اسلام آباد کی بینکنگ کورٹ میں ممنوعہ فنڈنگ کیس کی سماعت کل مقرر کی گئی ہے، جہاں اس اہم مقدمے پر پیش رفت متوقع ہے۔
یہ کیس کافی عرصے سے زیر بحث ہے اور اس میں پارٹی فنڈنگ کے ذرائع اور مالی معاملات کا تفصیلی جائزہ لیا جا رہا ہے۔ قانونی ماہرین کے مطابق چالان جمع ہونے کے بعد کیس مزید اہم مرحلے میں داخل ہو گیا ہے اور آئندہ سماعتوں میں اہم فیصلے سامنے آ سکتے ہیں۔
دوسری جانب 190 ملین پاؤنڈ نیب کیس میں بھی پیشرفت ہوئی ہے، جہاں عمران خان اور ان کی اہلیہ بشریٰ بی بی کی سزا کے خلاف اپیل سماعت کے لیے مقرر کر دی گئی ہے۔ یہ کیس اسلام آباد ہائیکورٹ میں زیر سماعت آئے گا، جہاں چیف جسٹس سرفراز ڈوگر اور جسٹس محمد آصف اس معاملے کی سماعت کریں گے۔
Category: اسلام آباد
-
ممنوعہ فنڈنگ کیس میں پیشرفت، عمران خان مرکزی ملزم قرار
-
امریکا ایران جنگ سے پاکستان کی معیشت متاثر ہوئی: وزیراعظم
وزیراعظم شہباز شریف نے کہا ہے کہ امریکا اور ایران کے درمیان جاری کشیدگی اور جنگ نے پاکستان کی گزشتہ دو سالہ مشترکہ معاشی اور سفارتی کوششوں کو شدید نقصان پہنچایا ہے۔ انہوں نے وفاقی کابینہ کے اجلاس سے خطاب کرتے ہوئے واضح کیا کہ پاکستان نے خطے میں امن کے قیام کے لیے مخلصانہ کردار ادا کیا اور دونوں ممالک کے درمیان سیز فائر کے لیے بھی مثبت اقدامات کیے، تاہم جنگ کے اثرات سے ملکی معیشت متاثر ہوئی ہے۔
وزیراعظم کا کہنا تھا کہ پاکستان نے ہمیشہ خطے میں استحکام اور امن کو ترجیح دی، اور اسی مقصد کے تحت سفارتی سطح پر بھرپور کوششیں کی گئیں۔ انہوں نے کہا کہ اگرچہ ایران اور امریکا کے درمیان اس وقت سیز فائر موجود ہے، لیکن جنگ کے نتیجے میں پیدا ہونے والی غیر یقینی صورتحال اب بھی عالمی سطح پر اثر انداز ہو رہی ہے۔
انہوں نے مزید بتایا کہ عالمی منڈی میں تیل کی قیمتوں میں غیر معمولی اضافہ دیکھنے میں آیا ہے، جس کا براہ راست اثر پاکستان کی معیشت پر پڑ رہا ہے۔ وزیراعظم کے مطابق جنگ سے قبل پاکستان کا ہفتہ وار تیل درآمدی بل تقریباً 30 کروڑ ڈالر تھا، جو اب بڑھ کر 80 کروڑ ڈالر تک جا پہنچا ہے۔ اس بڑے اضافے نے ملک کی معاشی منصوبہ بندی کو متاثر کیا ہے اور مالی دباؤ میں اضافہ کیا ہے۔
شہباز شریف نے کہا کہ حکومت معاشی استحکام کے لیے مسلسل اقدامات کر رہی ہے، لیکن عالمی سطح پر بڑھتی ہوئی قیمتیں اور جغرافیائی کشیدگی پاکستان جیسے ترقی پذیر ممالک کے لیے بڑے چیلنجز پیدا کر رہی ہیں۔ انہوں نے اس عزم کا اظہار کیا کہ حکومت تمام تر مشکلات کے باوجود معیشت کو مستحکم بنانے کے لیے اپنی کوششیں جاری رکھے گی۔ -
آپریشن غضب للحق: پاک فوج نے چمن سیکٹر میں افغان طالبان کی چوکیوں کو تباہ کردیا
پاک افغان سرحد پر افغان طالبان اور فتنہ الخوارج کی بلااشتعال جارحیت پر پاک فوج نے بھرپور جواب دیا ۔
سکیورٹی ذرائع کے مطابق پاک فوج نے چمن سیکٹر میں افغان طالبان کی چوکیوں اور گاڑیوں کو تباہ کردیا پاک فوج کی کارروائیوں نے افغان طالبان اورفتنہ الخوارج کو پسپائی پر مجبور کردیا سکیورٹی فورسز کا دفاع وطن کے لیےغیرمتزلزل عزم ملک کی سالمیت یقینی بنارہا ہے، پاک فوج کا آپریشن غضب للحق تمام مقررہ اہداف کے حصول تک جاری رہے گا۔
-
فائیو جی سے ملک میں انٹرنیٹ کی اسپیڈ میں بہتری آئے گی،شزا فاطمہ خواجہ
وفاقی وزیرِ انفارمیشن ٹیکنالوجی شزا فاطمہ خواجہ نے کہا ہے کہ انٹرنیٹ کا کردار ہر شعبے میں اہم ہے، فائیو جی سے ملک میں انٹرنیٹ کی اسپیڈ میں بہتری آئے گی-
ای یو پاکستان بزنس فورم سے خطاب میں شزا فاطمہ خواجہ نے کہا کہ 2016ء میں 3 اور 4 جی انٹرنیٹ لانچ کیا گیا، ملک میں موبائل فون استعمال کرنے والوں کی تعداد میں اضافہ ہو رہا ہےکیش لیس معیشت میں کسی قسم کا دھوکا نہیں ہوتا، ڈیجیٹل پاکستان وزیرِاعظم شہباز شریف کا ویژن ہے، وزیرِ اعظم کے مشن کے مطابق پاکستان ڈیجیٹل کی طرف گامزن ہے انٹرنیٹ کا کردار ہر شعبے میں اہم ہے، فائیو جی سے ملک میں انٹرنیٹ کی اسپیڈ میں بہتری آئے گی، انٹرنیٹ کے کاروبار میں بھی اضافہ ہو گا،معیاری انٹرنیٹ سروس سے تعلیم اور صحت کے شعبے میں آسانی ہو گی فاصلے مٹ جائیں گے۔
-
خطے میں کشیدگی جلد ختم ہوگی اور پائیدار امن قائم ہوگا، وزیراعظم
وزیراعظم شہباز شریف نے کہا ہے کہ حالیہ ہفتوں میں پیش آنے والے اہم واقعات پر کابینہ کو اعتماد میں لیا جا رہا ہے، اور پاکستان نے خطے میں امن کے قیام کے لیے بھرپور سفارتی کوششیں کی ہیں-
وزیراعظم شہباز شریف نے وفاقی کابینہ کے اجلاس سے خطاب کرتے ہوئے کہا کہ 11 اپریل کو ایران اور امریکا کے درمیان اسلام آباد میں مذاکراتی عمل کا آغاز ہوا،جس کے دوران فریقین کے درمیان 21 گھنٹے طویل نشست ہوئی، ان کوششوں کے نتیجے میں سیزفائر ممکن ہوا اور اس میں توسیع بھی کی گئی جو تاحال برقرار ہے۔
وزیراعظم نے کہا کہ نائب وزیراعظم اسحاق ڈار، چیف آف ڈیفنس فورسز سید عاصم منیر اور ان کی ٹیم نے خلوص نیت سے کردار ادا کیا، جبکہ محسن نقوی کی کوششیں بھی قابلِ ستائش ہیں ایرانی وزیر خارجہ عباس عراقچی نے پاکستان کا دورہ کیا، جہاں تفصیلی مذاکرات ہوئے، بعد ازاں وہ عمان اور روس بھی گئے اور یقین دلایا کہ اپنی قیادت سے مشاورت کے بعد جواب دیا جائے گا۔
وزیراعظم کے مطابق اس صورتحال کے باعث عالمی منڈی میں خام تیل کی قیمتوں میں نمایاں اضافہ ہوا، جس کے نتیجے میں پاکستان کا ایک ہفتے کا درآمدی بل 30 کروڑ ڈالر سے بڑھ کر 80 کروڑ ڈالر تک پہنچ گیا بڑھتی ہوئی قیمتوں نے معاشی استحکام کی کوششوں پر اثر ڈالا ہے، تاہم حکومت نے اجتماعی کاوشوں کے ذریعے صورتحال سے نمٹنے کے لیے اقدامات کیے ہیں۔
انہوں نے علی پرویز ملک کی کوششوں کو سراہتے ہوئے کہا کہ روزانہ کی بنیاد پر ٹاسک فورس صورتحال کی نگرانی کر رہی ہے، جبکہ پبلک ٹرانسپورٹ اور دیگر شعبوں میں سبسڈی برقرار رکھنے کے لیے صوبوں سے مشاورت جاری ہے۔
وزیراعظم نے مزید بتایا کہ پاکستان نے حالیہ عرصے میں ساڑھے 3 ارب ڈالر کے بیرونی قرضے واپس کیے ہیں اور معاشی چیلنجز سے نمٹنے کے لیے سعودی عرب کی قیادت کے تعاون پر شکریہ ادا کیا انہوں نے کہا کہ دن رات محنت کرکے مسائل کا حل نکالنا ہوگا اور قوم کو ہمت، محنت اور یکسوئی کے ساتھ آگے بڑھنا ہے وزیراعظم نے اس امید کا اظہار کیا کہ خطے میں کشیدگی جلد ختم ہوگی اور پائیدار امن قائم ہوگا، جبکہ پاکستان کی امن کے لیے کوششیں مسلسل جاری رہیں گی۔
اجلاس میں پاکستان انٹرنیشنل ایئرلائنز (پی آئی اے) کی نجکاری سے متعلق امور کا بھی جائزہ لیا گیا۔
-
حلقہ این اے 251 میں انتخابی عذرداری کیس کا تفصیلی فیصلہ جاری
سپریم کورٹ نے حلقہ این اے 251 کی انتخابی عذرداری کیس میں خوشحال خان کاکڑ کو کامیاب امیدوار قرار دینے کا تفصیلی فیصلہ جاری کر دیا ہے-
یہ فیصلہ تین رکنی بینچ نے سنایا جس میں جسٹس شاہد وحید، جسٹس نعیم اختر افغان اور جسٹس شکیل احمد شامل تھے، جبکہ تفصیلی فیصلہ جسٹس شکیل احمد نے تحریر کیا عدالت عظمیٰ نے اپنے مختصر فیصلے میں بلوچستان الیکشن ٹربیونل کی جانب سے 22 پولنگ اسٹیشنز پر دوبارہ پولنگ کرانے کا حکم پہلے ہی کالعدم قرار دے دیا تھا، جبکہ سید سمیع اللہ کی کامیابی کا 18 فروری 2024 کا نوٹیفکیشن بھی غیر قانونی قرار دے کر منسوخ کر دیا گیا تھا۔
تفصیلی فیصلے میں سپریم کورٹ نے قرار دیا کہ ریٹرننگ افسر نے فارم 48 تیار کرتے وقت فارم 45 کے نتائج میں دانستہ اور غیر قانونی تبدیلیاں کیں، عدا لت کے مطابق ریکارڈ سے ثابت ہوا کہ خوشحال خان کاکڑ کے ہر پولنگ اسٹیشن سے 100 ووٹ کم کر کے مخالف امیدوار کے کھاتے میں ڈالے گئے پو لنگ اسٹیشن نمبر 343 پر خوشحال خان کاکڑ کے 100 ووٹ کم کیے گئے جبکہ مخالف امیدوار کے ووٹوں میں 200 ووٹوں کا اضافہ کیا گیا۔عدالت نے قرار دیا کہ اگر فارم 45 کے نتائج تبدیل نہ کیے جاتے تو خوشحال خان کاکڑ 1863 ووٹوں کی واضح برتری سے کامیاب ہوتے۔
سپریم کورٹ نے آبزرویشن دی کہ نتائج میں تبدیلی انتخابی مینڈیٹ تبدیل کرنے کی سوچی سمجھی کوشش تھی اور ریٹرننگ افسر کے پاس فارم 45 کے نتائج تبدیل کرنے کا کوئی قانونی اختیار نہیں تھا، الیکشن کمیشن آئین کے تحت شفاف اور منصفانہ انتخابات کرانے کا پابند ہے، جبکہ ووٹوں میں ردوبدل عوامی را ئے پر شب خون مارنے کے مترادف ہےانتخابی عملے کیجانب سے نتائج میں ردوبدل انتخابی قوانین کے تحت مجرمانہ کارروائی کے زمرے میں آتا ہے۔
-
سینیٹ قائمہ کمیٹی کا سوشل میڈیا پلیٹ فارمز کی جانب سے تعاون نہ کرنے کا نوٹس
سینیٹ قائمہ کمیٹی نے سوشل میڈیا پلیٹ فارمز کی جانب سے پاکستانی اداروں سے تعاون نہ کرنے کا نوٹس لے لیا، وزارت داخلہ اور پی ٹی اے سے فوری بریفنگ طلب کرتے ہوئے کل اجلاس بھی بلالیا۔
وزیر دفاع خواجہ آصف کی ایکس پر اسرائیل مخالف پوسٹ کا معاملہ بھی ایجنڈے میں شامل ہے،اجلاس میں سیکریٹری داخلہ اور چیئرمین پی ٹی اے حکمت عملی پر بریفنگ دیں گے، خواجہ آصف کی پوسٹ ایکس سے ہٹائے جانے پر بھی قائمہ کمیٹی کو بریفنگ دی جائے گی۔
دوسری جانب سینیٹ کی قائمہ کمیٹی میں ایف بی آر کی کارکردگی پر سوالات اٹھ گئے، سینیٹ کی قائمہ کمیٹی کابینہ سیکرٹریٹ کے اجلاس میں سینیٹر عبدالقادر نے کہا افسران کو بھاری تنخواہیں اسمگلنگ روکنے اور ٹیکس زیادہ اکٹھا کرنے کیلئے دی گئیں مگر پھر بھی ٹارگٹ پورا نہیں ہورہا۔انہوں نے کہا کہ مشرق وسطیٰ جنگ سے پہلے ایف بی آر کا ٹیکس جمع کرنے کا ٹارگٹ 500 ارب روپے کم تھا اب تو پہلے سے کہیں زیادہ ہوگیا ہوگا۔ سینیٹر عبدالقادر کا کہنا ہے کہ افسران کو بھاری تنخواہ ضرور دیں مگر وہ ٹارگٹ بھی تو پورا کریں۔
-
سائبر فراڈ پر کمبوڈیا میں گرفتار 54 پاکستانی شہریوں کی وطن واپسی
پاکستان نے کمبوڈیا میں سائبر فراڈ کے ایک بڑے کریک ڈاؤن کے دوران گرفتار کیے گئے 54 پاکستانی شہریوں کا معاملہ نمٹا لیا-
دفتر خارجہ کے مطابق یہ کارروائی پاکستان کے سفارتخانے کی مسلسل سفارتی کوششوں کے نتیجے میں ممکن ہوئی، جس نے کمبوڈین حکام کے ساتھ معاملہ اٹھایا اور زیر حراست شہریوں کی فلاح و بہبود پر توجہ دی،یہ افراد آن لائن اسکام کمپاؤنڈ پر چھاپے کے بعد حراست میں لیے گئے تھے۔
پاکستانی دفتر خارجہ کے مطابق کمبوڈین حکومت نے خیرسگالی کے طور پر فیصلہ کیا ہے کہ گرفتار 54 پاکستانی شہریوں کو کسی قانونی کارروائی کے بغیر واپس بھیجا جائے گا، یہ فیصلہ حال ہی میں نافذ ہونے والے ‘آن لائن اسکیمز کے خلاف قانون’ کے تحت ممکن ہوا ہے، جس میں سخت سزائیں اور جرمانے شامل ہیں،پاکستان کا سفارتخانہ مسلسل ان افراد سے رابطے میں ہے اور ان کی وطن واپسی کے لیے فلائٹ انتظامات کیے جا رہے ہیں، یہ افراد جلد پاکستان روانہ کر دیے جائیں گے۔
رپورٹس کے مطابق کمبوڈیا میں اس نوعیت کے نیٹ ورکس کے خلاف حالیہ مہینوں میں بڑے پیمانے پر کارروائیاں جاری ہیں، جبکہ اندازہ ہے کہ 200 سے زائد پاکستانی شہری مختلف کیسز میں وہاں موجود ہو سکتے ہیں،کمبوڈیا کے شہر سیئمریپ میں ہونے والی اس کارروائی میں ایسے مراکز کو نشانہ بنایا گیا جو مبینہ طور پر منظم آن لائن فراڈ سرگرمیوں کے لیے استعمال ہوتے ہیں ان مراکز میں غیر ملکی شہریوں کو ملازمت کے جھوٹے وعدوں کے ذریعے لایا جاتا ہے اور بعض اوقات انہیں دھوکے یا دباؤ کے ذریعے آن لائن دھوکہ دہی میں شامل کیا جاتا ہے۔
-
سی ڈی اے کا تمام ریکارڈ ڈیجیٹلائز کرنے کا فیصلہ
وفاقی ترقیاتی ادارے ( سی ڈی اے ) کا تمام ریکارڈ ڈیجیٹلائز کرنے کا فیصلہ کر لیا گیا۔
وزیر داخلہ محسن نقوی کی زیر صدارت اجلاس ہوا جس میں اسلام آباد میں جاری اور نئے منصوبوں میں پیشرفت کا جائزہ لیا گیاوزیر داخلہ نے کہا کہ سی ڈی اے ریکارڈ کی ڈیجیٹلائزیشن 120 دن میں کی جائے گی ، شہری درخواستوں کا اپ ڈیٹ اسٹیٹس معلوم کر سکیں گے، اسلام آباد میں غیر قانونی ہاؤسنگ سوسائٹی کی اجازت نہیں ہو گی۔
وزیر داخلہ نے نئے کنونشن سینٹر ، ایکسپو سینٹر اور اسلام آبار ارینا کی تعمیر کیلئے 3 بین الاقوامی کمپنیوں کی پری کوالیفکیشن مکمل کرنے کی ہدایت کی انہوں نے کہا کہ نئے کنونشن سینٹر ، ایکسپو سینٹر اور اسلام آبار ارینا کی تعمیر ایس سی او سمٹ سے قبل مکمل کی جائے۔
اجلاس میں اسلام آباد کے سیکٹر ایف 6 میں خدمت مرکز کیلئے اراضی مختص کرنے کا فیصلہ کیا گیا ، وزیر داخلہ نے ٹاپ گالف، ہاٹ ایئر بیلون، زپ لائن، واٹر پارک اور امیوزمنٹ پارک پر کام جلد شروع کرنے کی ہدایت کی، کہا کہ کھیلوں کی سرگرمیوں کے فروغ کیلئے جدید اسپورٹس کمپلیکس بنائے جائیں گے،وزیرداخلہ نے شاہدرہ ڈیم کے ساتھ تفریحی سہولیات کا جامع پلان بھی طلب کر لیا۔
-
صدر مملکت کی ہانگژو جن جیانگ گروپ کے سی ای او وانگ جیان سے ملاقات
صدر مملکت آصف علی زرداری کی ہانگژو جن جیانگ گروپ کے سی ای او وانگ جیان سے ملاقات ہوئی ہے
صدر مملکت آصف زرداری نے چینی کمپنی کو پاکستان میں توانائی، صنعت اور زراعت میں سرمایہ کاری بڑھانے کی دعوت کی، ملاقات میں متبادل توانائی، واٹر ٹریٹمنٹ اور الیکٹرک وہیکل بیٹری سسٹم میں چینی سرمایہ کاری کی ضرورت پر زور دیا گیا،ہانگژو جن جیانگ گروپ کو پاکستان میں اپنے قدم جمانے اور کاروبار کو وسعت دینے کی ترغیب دی گئی، صدر مملکت آصف علی زرداری کا کہنا تھا کہ پاکستان مختلف شعبوں، بالخصوص جدید ٹیکنالوجی میں غیر ملکی سرمایہ کاری کی بھرپور حوصلہ افزائی کر رہا ہے،پاک چین شراکت داری سے پائیدار ترقی اور صنعتی استحکام ممکن ہو گا،حکومتِ غیر ملکی سرمایہ کاروں کو ہر ممکن سہولیات فراہم کرے گی،