سرسید ایکسپریس کا انجن پہلے ہی سفر پر جواب دے دیا، نئی ٹرین راستے میں جا کر کھڑی ہو گئی،

ریلوے پر سفر کرنیوالوں کیلئے خوشخبری، کرایوں میں 50فیصد رعایت کا اعلان ہو گیا

باغی ٹی وی کی رپورٹ کے مطابق وزیراعظم عمران خان نے دو روز قبل سرسید ایکسپریس کا پنڈی میں افتتاح کیا تھا، نئی ٹرین سرسید ایکسپریس کاانجن پہلےسفر پر ہی جواب دےگیا ،کراچی تاراولپنڈی آنے والی سرسیدایکسپریس کا انجن روہڑی اسٹیشن کے قریب فیل ہوا،انجن فیل ہونے پراپنے پہلےہی سفر پرسرسید ایکسپریس تقریباً2گھنٹے لیٹ ہوگئی ،سرسید ایکسپریس راولپنڈی سے براستہ وزیر آباد ۔فیصل آباد۔خانیوال۔روہڑی اور حیدرآباد سے ہوتی ہوئی کراچی کینٹ کے درمیان چلا کرے گی ۔

شیخ رشید کے دعوے صرف ہوا میں،ریلوے کا خسارہ کم ہوا یا زیادہ، اہم خبر

شیخ رشید نے دیا قوم کو مہنگائی کا جھٹکا، ریلوے کرایوں میں اضافہ

ن لیگ میں ایک اور پارٹی جنم لے رہی ہے، شیخ رشید احمد

پہلی ہی سفر میں ٹرین کا انجن خراب ہونے پر مسافروں نے وزیر ریلوے کے خلاف شدید احتجاج کیا ہے اور کہا کہ شیخ رشید نئی ٹرینیں چلانے کی بجائے پرانی ٹرینوں کو وقت پر چلا کر وقت پر پہنچانے کا کام کریں تو یہ ان کا قوم پر بہت بڑا احسان ہو گا،

15 دنوں میں مزید جھاڑوپھر سکتا ہے، مجھے کریڈٹ دے دیا کریں، شیخ رشید

کونسی ٹرین کا افتتاح کرنے جا رہے وزیراعظم، شیخ رشید نے بتادیا

وزیراعظم کی مشیر برائے اطلاعات فردوس عاشق اعوان نے وزیر خارجہ شاہ محمود قریشی سے ملاقات کی ہے.

باغی ٹی وی کی رپورٹ کے مطابق فردوس عاشق اعوان نے شاہ محمود قریشی سے وزارت خارجہ میں ملاقات کی ہے. دونوں رہنماوں کے مابین ملاقات میں پاکستان کی مجموعی سیاسی صورتحال پر بات چیت کی گئی.

وزیر خارجہ شاہ محمود قریشی کا کہنا تھا کہ پاکستان کے مثبت امیج کو اجاگر کرنے کے لیے میڈیا کا کردار نہایت اہم ہے، ہم نے معاشی سفارتکاری کا آغاز کیا ہے جس کے مثبت نتائج سامنے آ رہے ہیں۔شاہ محمود قریشی نے مزید کہا کہ پاکستان ایک کثیرالثقافتی ملک ہے۔ پاکستان میں سیاحت کے بہترین مواقع موجود ہیں۔

قبل ازیں وزیر اعظم کی مشیر برائے اطلاعات ڈاکٹر فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ قانون سے کوئی بھی بالاتر نہیں، قانون کو اپنے تابع بنانے والوں کو پہلی بار آزاد قانون کا سامنا ہے اس لئے چیخ و پکار تو سنائی دے گی۔

فردوس عاشق اعوان کا مزید کہنا تھا کہ مسلم لیگ )ن (کی قیادت جب بھی فسطائی ذہنیت کی بات کرتی ہے تو سانحہ ماڈل ٹاون میں قتل ہونے والے معصوم لوگوں پر برستی گولیاں یاد آجاتی ہیں۔خواتین اور ضعیف افراد پر بیہمانہ تشدد فسطائی رویہ تھا۔ سیاست کے گلو بٹ اب کس منہ لیکچر دے رہے ہیں

وزیراعظم عمران خان نے کہا ہے کہ تحریک انصاف پہلی جماعت ہے جس نے بلین ٹری سونامی کے منصوبے کا آغاز کیا

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر ٹویٹ کرتے ہوئے وزیراعظم عمران خان نے کہا کہ پاکستان تحریک انصاف پہلی جماعت اور حکومت ہے جس نے پاکستان میں اس عمل کو سمجھا اور "بلین ٹری سونامی” منصوبے کا آغاز کیا۔

پاکستان تحریک انصاف پہلی جماعت اور حکومت ہے جس نے پاکستان میں اس عمل کو سمجھا اور "بلین ٹری سونامی" منصوبے کا آغاز کیا۔ اپنی آئندہ نسلوں کیلئے اب ہم سب کو ملکر "ٹین بلین ٹری سونامی" مہم کی کامیابی کیلئے پوری محنت کرنی ہے۔ https://t.co/HS0DhpBbMY

— Imran Khan (@ImranKhanPTI) July 5, 2019

وزیراعظم عمران خان کا مزید کہنا تھا کہ اپنی آئندہ نسلوں کیلئے اب ہم سب کو ملکر "ٹین بلین ٹری سونامی” مہم کی کامیابی کیلئے پوری محنت کرنی ہے۔

واضح رہے کہ برطانوی اخبار دی گارڈین نے تحریک انصاف کے شجر کاری مںصوبے پر ایک آرٹیکل شائع کیا ہے جس کا عنوان شجر کاری فضائی آلودگی کو دور کرنے کے لئے بہت ہی زبردست کام ہے. ،ہے وزیراعظم عمران خان نے اس آرٹیکل کو بھی ٹویٹر پر شئیر کیا ہے

وفاقی وزیر سائنس وٹیکنالوجی فوادچودھری کی جانب سے سوشل میڈیا پر ہتک آمیز مواد پھیلانے کے کیس کی سماعت 11 جولائی کو ہو گی.

سمیع ابراہیم کو تھپڑ، ملک بھر کی صحافی برادری سراپا احتجاج، فواد چوہدری کو وزارت سے ہٹانے کا مطالبہ

سمیع ابراہیم کو تھپڑپڑا تو فردوس عاشق نے کی معذرت،صحافیوں کی مذمت

تبدیلی سرکار یا تھپڑوں والی سرکار،فواد چودھری کا سمیع ابراہیم کو تھپڑ مارنے کی اطلاعات

باغی ٹی وی کی رپورٹ کے مطابق فواد چودھری کے خلاف کیس کی سماعت 11 جولائی کو ہو گی. ڈسٹرکٹ اینڈ سیشن کورٹ اسلام آباد میں کیس کی سماعت ہو گی، جوڈیشل مجسٹریٹ سکندر خان نے درخواست سما عت کے لیئے مقرر کی ہے.

وزیراعظم نے ترجمانوں کا اجلاس بلا لیا، ایجنڈہ سمیع ابراہیم کو تھپڑ یا کچھ اور؟

واضح رہے کہ سینئر صحافی و اینکر پرسن سمیع ابراہیم کی جانب سے عدالت میں درخواست دائر کی گئی گئی جس میں موقف اپنایاگیا تھا کہ فواد چوہدری سوشل میڈیا پر ہتک آمیز مواد پھیلا رہا ہے، سمیع ابراہیم کی جانب سے فواد چوہدری کے خلاف 25 جون کو درخواست دائر کی گئی تھی۔

فواد چودھری نے تھپڑ مارا اور گالیاں دیں،سمیع ابراہیم نے مقدمہ کیلئے درخواست دائر کر دی

فواد چودھری کے تھپڑ پر وزیراعظم کا سمیع ابراہیم کو فون، کیا بات ہوئی جان کر فواد چودھری پریشان ہو جائے

واضح رہے کہ سمیع ابراہیم نے فواد چوھدری کے خلاف فیصل آباد کے تھانے میں تھپڑ مارنے کے حوالہ سے اندراج مقدمہ کی بھی درخواست دی ہوئی ہے. فیصل آباد کے تھانہ منصور آباد میں دی جانے والی درخواست میں لکھا ہے کہ گزارش ہے کہ سائل سمیع اللہ ابراہیم ولد نعمت اللہ حصارمی سکنہ اسلام آباد بول نیوز کا صدر اور اینکر پرسن ہے. 14 جون کو رات ساڑھے نو بجے تقریبا فیصل آباد کے نجی ہوٹل میں 92 نیوز کے مالک کی بیٹی کی شادی کی تقریب میں آیا تھا، سائل اپنے ساتھی صحافی ارشد شریف، روف کلاسرا، ڈی جی ایف آئی اے بشیر میمن اور تحریک انصاف کے رکن اسمبلی فرخ حبیب کے ہمراہ موجو دتھا کہ وفاقی وزیر سائنس و ٹیکنالوجی فواد چودھری نے اپنے ساتھیوں کے ہمراہ بلا اشتعال مجھ پر حملہ کیا. مجھے تھپڑمارا اور غلیظ گالیاں دیں. اور پھر خطر ناک نتائج کی دھمکیاں دیں اور وہاں سے چلا گیا، گزارش ہے کہ فواد چوھدری کے خلاف اپنے ساتھیوں کے ہمراہ گالیاں نکالنے اور خطرناک نتائج کی دھمکیاں دینے پر قانونی تقاضے پورے کر مقدمہ درج کیا جائے اور سائل کو انصاف فراہم کیا جائے

جمہوری وطن پارٹی کے سربراہ شاہ زین بگٹی نے الیکشن میں کامیابی کا نوٹفکیشن معطل ہونے اور 29 پولینگ سٹیشن پر دوبارہ پولنگ کے خلاف عدالت سے رجوع کر لیا، عدالت نے پولنگ روکنے کا حکم دے دیا

باغی ٹی وی کی رپورٹ کے مطابق شاہ زین بگٹی کی درخواست پرکیس کی سماعت جسٹس گلزار احمد کی سربراہی میں 2رکنی بینچ نے کی ،جسٹس گلزار احمد نے کہا کہ کیا یہ کیس دو رکنی بینچ سن سکتا ہے؟سپریم کورٹ کے فیصلے کے بعد الیکشن معاملات 3رکنی بینچ ہی سن سکتا ہے،

شاہ زین بگٹی کے وکیل حامد خان نے کہا کہ عدالت شاہ زین بگٹی کی کامیابی کا نوٹیفکیشن بحال کرے،بحالی نہ ہوئی تو حلقہ نمایندگی کے بغیر رہ جائے گا ،شاہ زین بگٹی کی 1221 ووٹوں کی لیڈ ہے،مخالف کی بات مان بھی لی جائے توبھی 100ووٹوں کی لیڈ رہ جاتی ہے،

عدالت نے ریمارکیس دئیے کہ درخواست گزار نے انتخابات پر بہت الزامات لگائے ہیں ،کیا سپریم کورٹ کے فیصلے کے بعد ری پولنگ ہو سکتی ہے؟ شاہ زین بگٹی کو بحال کیا تو پھر یہ کیس چل نہیں پائے گا،

وکیل عامر رانا نے عدالت کو بتایا کہ 29 پولنگ اسٹیشنز پر دوبارہ پولنگ کیلیےشیڈول جاری ہوچکا ہے، جس پر عدالت نے نے این اے259 ڈیرہ بگٹی میں 29 پولنگ اسٹیشنزپردوبارہ پولنگ روک دی ،جسٹس گلزار احمد نے کہا کہ شاہ زین بگٹی کو بحال کیا تو پھر یہ کیس چل نہیں پائے گا، گرمیوں کی چھٹیوں کے فوری بعد کیس کی سماعت کر کے فیصلہ کردیں گے.

واضح رہے کہ جمہوری وطن پارٹی کے سربراہ بلوچ رہنما شاہ زین بگٹی کی این اے 259 سے کامیابی کا نوٹفکیشن واپس لے لیا. شاہ زین بگٹی کے خلاف آزاد امیدوار طارق محمود نے درخواست دی تھی، الیکشن ٹربیونل نے طارق محمود کے حق میں فیصلہ دے دیا اور شاہ زین بگٹی کی کامیابی کا نوٹفکیشن واپس لے لیا.

اپوزیشن جماعتوں کی جانب سے حکومت کے خلاف احتجاجی تحریک کے سلسلے میں بنائی گئی رہبر کمیٹی کا اجلاس آج ہو گا
رہبر کمیٹی کا سربراہ ہو گا کون؟ حکومت مخالف تحریک سے قبل ہی سیاسی جماعتیں اختلافات کا شکار

مریم نواز کے جلسوں میں جاوں گا یا نہیں، شہباز شریف بول پڑے

باغی ٹی وی کی رپورٹ کے مطابق اپوزیشن کی 9 سیاسی جماعتوں کے گیارہ ممبران پر مشتمل رہبر کمیٹی کا پہلا اجلاس آج ہو گا ،اجلاس میں رہبر کمیٹی کی صدارت سمیت دیگر اہم معاملات پر فیصلے ہوں گے ،کمیٹی میں ن لیگ اور پیپلز پارٹی کے دو،دوباقی جماعتوں کا ایک ایک نمایندہ شامل ہے

شہباز شریف فیملی کے فرنٹ مین مشتاق چینی کو عدالت سے ملی بڑی خوشخبری

آج کے بعد کوئی یہ نہ کہے کہ شہباز شریف کی کمر میں درد ہے، مبشر لقمان نے ایسا کیوں کہا؟

اپوزیشن جماعتوں کی رہبر کمیٹی میں پیپلز پارٹی سے یوسف رضا گیلانی اورنیئر بخاری ممبر ہیں ،ن لیگ سے شاہد خاقان عباسی اور احسن اقبال ،جے یو آئی سے اکرم خان درانی،نیشنل پارٹی سے میر حاصل بزنجو،پشتونخواہ ملی پارٹی سے عثمان کاکڑاورقومی وطن پارٹی سے ہاشم بابر ،اے این پی سے میاں افتخار،مرکزی جمعیت اہلحدیث سےشفیق پسروری،جمعیت علماپاکستان سے اویس نورانی رہبر کمیٹی کے ممبر ہیں.

اجتماعی استعفوں کی تجویز پرخاموشی ،اے پی سی میں کیا طے ہو گا؟ اہم خبر

غیرمنتخب نمائندے کی سربراہی میں ہونیوالی اے پی سی میں غیر منتخب نمائندوں کی بھرمار

اے پی سی کا آغاز،بلاول پہنچے عدالت، مریم نواز کو کہاں بٹھایا گیا؟ اہم خبر

واضح رہے کہ حکومت کے خلاف اپوزیشن جماعتوں کی اے پی سی جو مولانا فضل الرحمان کی زیر صدارت ہوئی تھی، اس میں حکومت کے خلاف احتجاج کے لئے رہبر کمیٹی تشکیل دی گئی تھی

مریم نواز کا ایک اور یوٹرن، مولانا فضل الرحمان کا رابطہ، مریم نواز نے کیا کہا؟

غیرمنتخب نمائندے کی سربراہی میں ہونیوالی اے پی سی میں غیر منتخب نمائندوں کی بھرمار

وفاقی ترقیاتی ادارے سی ڈی اے اور میٹرو پولیٹین کارپوریشن ( ایم سی آئی ) انتظامیہ کے درمیان 1 ارب 25 کروڑ روپے مالیت کے پراپرٹی ٹیکس کی وصولی پر تنازعہ پیدا ہو گیا ہے دونوں اداروں کے درمیان ٹیکس وصولی پر اختیار رسہ کشی کے باعث ریونیو ڈیپارٹمنٹ نے لوگوں کو جائیداد کی ٹرانسفرز کے لیے درکار این او سی جاری کرنے معذرت کرلی ہے جس پر لوگوں کو سخت مشکلات کا سامنا کرنا پڑرہا ہے،

باغی ٹی وی کے ذرائع کے مطابق سی ڈی اے اور ایم سی آئی انتظامیہ کے درمیان پراپرٹی ٹیکس کی وصولی اور رقم کی اپنے اپنے اکاونٹ میں منتقلی کے معاملے پر تنازعہ پیدا ہو گیا ہے، یہ تنازعہ اس وقت پیدا ہوا ہے جب میئر اسلام آباد شیخ انصر عزیز نے ریونیو ڈیپارٹمنٹ کو مراسلہ بھجوایا جس میں ہدایات جاری کی گئیں‌ کہ لوکل گورنمنٹ ایکٹ 2015 کے تحت اسلام آباد کی شہری حدود میں واقع ہاوسنگ یونٹ سے پراپرٹی ٹیکس کی مد میں محصولات کی وصولی کا اختیار میٹرو پولیٹین کارپوریشن کو حاصل ہے قبل ازیں سی ڈی اے آرڈیننس 1960 کی سیکشن 5A کے تحت یہ ٹیکس سی ڈی اے وصول کرتا آیا ہے جو اب لوکل باڈیز ایکٹ کے بعد ختم ہو گیا ہے،

سی ڈی اے انتظامیہ نے موقف اختیار کیا ہے کہ لوکل باڈیزایکٹ کے تحت اسلام آباد کے شہری علاقے سے حاصل ہونے والے پراپرٹی ٹیکس ایم سی آئی اور سی ڈی اے میں ایک مخصوص شرح کے اعتبار سے تقسیم ہونے ہیں تاہم اب میئر اسلام آباد نے ریونیو ڈیپارٹمنٹ کو چھٹی لکھ کر ہدایت کی ہے کہ وہ پراپرٹی ٹیکس کی مد میں جمع ہونے والے پے آرڈر ز ایم سی آئی کے اکاونٹ میں جمع کروائیں تاہم سی ڈی اے اس معاملے پر اپنے موقف رکھتا ہے،

میئر کے مراسلے کے بعد ریونیو ڈیپارٹمنٹ نے اسلام آباد کی پراپرٹی کی ٹرانسفر کے لیے درکار این او سی جاری کرنے بند کردئیے ہیں جس کے باعث لوگوں کو اس معاملے میں سخت مشکلات کا سامنا ہے واضح رہے کہ گزشتہ سال ریونیو ڈیپارٹمنٹ نے اسلام آباد کے مکینوں سے پراپر ٹی ٹیکس کی مد میں 90کرو ڑ 25لاکھ روپے کا محاصل جمع کیا ہے جبکہ دوسری طرف ریونیو ڈیپارٹمنٹ 30کروڑ 30لاکھ روپے پانی کے چارجز کی مد میں وصو ل کیے ہیں جوگزشتہ سالوں کے مقابلے میں 28کروڑ روپے زائد ہے.

واضح‌ رہے کہ سی ڈی اے اور میٹروپولیٹن کارپوریشن میں باہم ہونے والے اختلافات کی وجہ سے لوگوں‌ کو مشکل صورتحال کا سامنا ہے اور دونوں اداروں‌ کے باہمی اختلافات کا نقصان لوگوں‌ کو پہنچ رہا ہے.

وزیراعظم پاکستان عمران خان کی معاون خصوصی ڈاکٹرفردوس عاشق اعوان نے کہا ہے کہ جاتی امرا سے مال مسروقہ برآمد ہونا شروع ہو گیا ہے.

جاتی عمرہ سے مال مسروقہ برآمد ہونا شروع ہو گیا ہے۔قوم غربت کی چکی میں پس رہی تھی اور یہ لگژری گاڑیوں کے مزے اٹھا رہے تھے۔میاں صاحب قوم کے پیسے پر مہنگی گاڑیوں کے مزے لوٹتے رہے ، آج جیل میں بیٹھ کر عوام کی باتیں محض دھوکہ ہے۔ pic.twitter.com/z5mEW3asSV

— Dr. Firdous Ashiq Awan (@Dr_FirdousAwan) July 4, 2019

باغی ٹی وی کی رپورٹ‌ کےمطابق کیبینٹ ڈویژن کی طرف سے جاتی امرا سے بطور وزیر اعظم نواز شریف کو دی جانے والی سرکاری گاڑی تحویل میں لئے جانے کے بعد فردوس عاشق اعوان کا یہ ٹویٹ سامنے آیا ہے. انہوں نے سوشل میڈیا سائٹ ٹویٹر پر اپنے پیغام میں‌ لکھا ہے کہ قوم غربت کی چکی میں پس رہی تھی یہ لگژری گاڑیوں کےمزےاُٹھارہےتھے.

فردوس عاشق اعوان نے کہاکہ میاں صاحب قوم کے پیسے پرمہنگی گاڑیوں کے مزے لوٹتے رہے، آج جیل میں بیٹھ کرعوام کی باتیں محض دھوکاہے،

سی ڈی اے نے پارک انکلیوI- کے باقی ماندہ ترقیاتی کاموں کے لیے لاگت کے تخمینے سے 32 فی صد کم لاگت پر کنٹریکٹ ایوارڈ کر دیا ہے اور رواں ہفتے ہی میں ان ترقیاتی کاموں کا آغاز کر دیا جائے گا۔

باغی ٹی وی کی رپورٹ‌ کے مطابق پچھلے چار سالوں سے مختلف وجوہات کی بناء پر پارک انکلیو کے باقیماندہ ترقیاتی کام تعطل کا شکار تھے اور پارک انکلیو I- میں اربوں روپے لگانے والے الاٹی اپنے پلاٹوں پر گھر کی تعمیر سے قاصر تھے اور ماضی میں دیگر کئی منصوبوں کی طرح پارک انکلیوI- کے ترقیاتی کاموں کو ترجیح نہیں دی گئی جس کے باعث یہ منصوبہ بھی سی ڈی اے کے دیگر منصوبوں کی طرح تعطل کا شکار تھا تاہم حکومت کی طرف سے دی گئی ہدایات اور سی ڈی اے کی موجودہ انتظامیہ کی طرف سے ماضی میں نظر انداز کئے جانے والے تعطل کے شکار سیکٹروں کو ترجیحات میں شامل کر کے ان میں ترقیاتی کاموں کا آغاز کیا ہے۔

پارک انکلیوI-کے ترقیاتی کاموں کے آغاز کے لیے تمام مطلوبہ اور ضروری قواعد و ضوابط، تکنیکی اور انتظامی امور اور منصوبے میں حائل رکاوٹوں کو دور کرنے کے بعد پچھلے ماہ اس کا باقاعدہ ٹینڈر جاری کیا گیا۔ ٹینڈر میں شفافیت اور صحت مندانہ مقابلے کو یقینی بنانے سے پارک انکلیوI- کی انفراسٹرکچر ڈیویلپمنٹ کے لیے لاگت کے لائے جانے والے تخمینے سے 32فی صد کم پر یہ کام ایوارڈ کر دیا گیا۔ سی ڈی اے انتظامیہ نے کنٹریکٹر کو ہدایت کی ہے کہ وہ اپنی مشینری کو فوری موبلائز کرے تاکہ بغیر تاخیر کے ترقیاتی کاموں کا آغاز ممکن ہو سکے۔

سی ڈی اے کے ممبر انجینئرنگ نے واضح کیا ہے کہ پارک انکلیوI- کے باقی ماندہ ترقیاتی کاموں کو نہ صرف اعلیٰ اور معیاری ہونا چاہیے بلکہ متعلقہ افسران کو ان کاموں کی باقاعدہ اور موثر مانیٹرنگ کی بھی ہدایت کی۔ اس طرح پارک انکلیوI- کے پراجیکٹ ڈائریکٹر کو بھی ہدایت کی گئی ہے کہ وہ ترقیاتی کاموں کو مقررہ مدت ہی میں مکمل ہونے کو یقینی بنائیں تاکہ اس سکیم کے الاٹی اپنے پلاٹوں پر گھروں کی تعمیر کر سکیں۔

رپورٹ کے مطابق ترقیاتی کاموں‌ میں تعطل پیدا ہونے کی وجہ سے لوگوں‌ کو پریشانی کا سامنا تھا تاہم اب سی ڈی اے کی جانب سے پارک انکلیو میں ترقیاتی کاموں‌ کا آغاز کئے جانے کی خبروں‌ پر لوگوں‌ نے خوشی کا اظہا رکیا ہے اور سی ڈی اے کے اس فیصلہ کی تحسین کی ہے. واضح‌ رہے کہ سی ڈی اے نے پارک انکلیوI- کے باقی ماندہ ترقیاتی کاموں کے لیے لاگت کے تخمینے سے 32 فی صد کم لاگت پر ٹھیکہ دیا ہے جبکہ رواں ہفتے میں ہی ان ترقیاتی کاموں کا آغاز کر دیا جائے گا جو کہ خوش آئند امر ہے۔