Category: اسلام آباد

پاک ایران وزرا تجارت کی مشترکہ کمیٹی کا آٹھواں اجلاس ہوا ہے. مشیر تجارت عبد الرزاق داؤد نے کہا ہے کہ پاکستان، ایران کے ساتھ اقتصادی اور تجارتی تعلقات کافروغ چاہتا ہے، باہمی تجارت کے فروغ کے لیے ایران تجارتی روکاٹیں دور کرے،

باغی ٹی وی کی رپورٹ‌ کےمطابق مشترکہ اعلامیہ میں‌ کہا گیا ہے کہ ایران کی پاکستان کو تجارت کے لیے مزید بارڈر پوائنٹ کھولنے کی درخواست کی گئی ہے. ایران نے چاول کی جلد درآمد کے لیے پاکستان سے تجاویز مانگ لیں ہیں. ایران نے پاکستان سے5 لاکھ ٹن چاول درآمد کرنے میں دلچسپی کا اظہار کر دیا ہے.

مشیر تجارت نے کہاکہ زرعی مصنوعات ، فوڈآئٹم، فارماسوٹیکل سے باہمی تجارت کوفروغ دیا جا سکتا ہے، بارٹرٹریڈ میں پاکستان، ایران کو گندم ،چاول ،چینی،پھل برآمد بڑھا سکتا ہے، ایران نے بارٹر ٹریڈ کے لیےکمیٹی بنانےکی تجویز دے دی ہے. پاکستان کا ایران سے روڈ اور لوڈ ٹیکس ختم کرنے کا مطالبہ کیا ہے. تجارتی سامان لے کر ایران جانے والی گاڑیوں پر روڈ اور لوڈ ٹیکس ختم کیا جائے. ایرانی وزیر تجارت رضا رحمانی نے کہا ہے کہ ایران تجارتی روکاٹوں کو دور کرے گا، ہمسایہ ممالک ہونے کے ناطے موجودہ باہمی تجارت کو بڑھانا ہو گا،دو طرفہ تجارت کے فروغ سے دونوں ممالک کے عوام کو فائدہ ہو گا،

مولانا فضل الرحمن کی حکومت مخالف تحریک کے حوالہ سے بلائی گئی آل پارٹیز کانفرنس میں رہبر کمیٹی بنانے کا فیصلہ کیا گیا تھا جس کے متعلق کہا گیا تھا کہ یہ کمیٹی حکومت مخالف تحریک کے حوالہ سے فیصلے کرے گی اور اسے تمام جماعتیں‌قبول کریں‌ گی تاہم اس رہبر کمیٹی کی سربراہی کے حوالہ سے سیاسی جماعتوں‌ میں اختلاف پیدا ہو گیا ہے.

باغی ٹی وی کے ذرائع کے مطابق پیپلزپارٹی نے رہبر کمیٹی کی چیئرمین شپ مانگی تھی اور پیپلزپارٹی کی طرف سے یوسف رضا گیلانی کو چیئرمین بنانے کی تجویز دی گئی تھی تاہم مسلم لیگ ن،جےیوآئی (ف) اوردیگرجماعتوں کی طرف سے پیپلزپارٹی کی اس تجویز پر معذرت کی گئی ہے.

پیپلزپارٹی کی طرف سے رہبر کمیٹی کی سربراہی نہ ملنے پر احتجاجاً یوسف رضا گیلانی کا نام واپس لے لیا گیا ہے جبکہ پیپلزپارٹی نے یوسف رضا گیلانی کی جگہ فرحت اللہ بابر کا نام دے دیا ہے.

وفاقی وزیر مواصلات مراد سعید کی زیر نگرانی احتساب عمل کے دوران ساڑھے 4 سو کروڑ روپے کی ریکوری کی گئی ہے، وزارت مواصلات نے اب تک 7 سو 88 کروڑ روپے کی رقم قومی خزانے میں جمع کروائی ہے۔

باغی ٹی وی کی رپورٹ‌ کے مطابق وزارت مواصلات کی جانب سے تین مزید پروجیکٹس کا آڈٹ کیا جارہا ہے اور اس بات کا قوی امکان ہے کہ کروڑوں‌ روپے کی مزید ریکوری ہو گی. یہ رقم مختلف منصوبوں اور ٹھیکوں میں گھپلوں کی مد میں ریکور کی گئی ہے.

وزارت مواصلات نے جاری کردہ اعلامیہ میں‌ کہا ہے کہ پہلے مرحلے میں 4 سو 23 کروڑ روپے ریکور کیےگئے تھے جبکہ پراجیکٹس کے خصوصی آڈٹ کے ذریعے ساڑھے4 ارب روپے ریکور کیے گئے، پراجیکٹس کے خصوصی آڈٹ کے ذریعے ساڑھے4 ارب روپے ریکور کیے گئے ہیں.

وزیر اعظم پاکستان کی معاون خصوصی فردوس عاشق اعوان نے کہا ہےکہ محنت کشوں کا تحفظ موجودہ حکومت کی اولین ترجیح ہے، احساس پروگرام وزیراعظم کےریاست مدینہ کےوژن کامظہرہے،

باغی ٹی وی کی رپورٹ‌ کے مطابق فردوس عاشق اعوان نے کہاکہ حق دارکواس کاحق دلاناحکومت کی ذمہ داری ہے. محنت کشوں کےحقوق کاتحفظ موجودہ حکومت کی اولین ترجیح ہے، احساس پروگرام کابنیادی مقصد پسے ہوئے طبقے کاسماجی تحفظ ہے،

فردوس عاشق اعوان نے کہاکہ پاکستان بدل چکا ہے. محنت کشوں کے حقوق کا تحفظ کریں گے.

وفاقی وزیر انسانی حقوق شیریں مزاری نے دعویٰ کیا ہے کہ پاکستان چائلڈ پورنوگرافی میں پہلے نمبر پر ہے. بچوں سے زیادتی کے واقعات بڑھ رہے ہیں.

باغی ٹی وی کی رپورٹ کے مطابق شیریں‌ مزاری نے کہاکہ ہم بچوں سے اسکول یا گھر کسی سطح پر بات نہیں کرتے. سرکاری اسکول میں مہم چلائی جائے. بچوں سے زیادتی کے واقعات معاشرے کی تمام طبقات میں ہو رہے ہیں. چائلڈ پورنوگرافی کا عذاب معاشرے کے ہر طبقے میں ہوتا ہے. بچوں سے زیادتی کی جو شکایات آئیں گی اس کا جائزہ لیا جائے گا. افسوس زینب ایکٹ بل پارلیمنٹیرین کمیٹی میں پھنسا ہوا ہے. بچوں کو تشدد سے بچائے بغیر ترقی بےمعنی ہے.

رپورٹ کے مطابق تقریب سے خطاب کرتے ہوئے شیریں‌ مزاری نے کہاکہ کمیٹی کے چیئرمین بلاول بھٹو ہیں ،اس بل میں کوئی سیاسی بات نہیں. امید ہے بل جلد اسمبلی میں واپس آئے گا. تقریب سے خطاب کرتے ہوئے شہزاد رائے نے کہاکہ جنسی زیادتی کے معاملے پر والدین بچوں کے ساتھ بات کریں. نفسیاتی رکاوٹوں کو توڑنے کی ضرورت ہے. پاکستان میں ہر 5 میں سے ایک شخص جنسی زیادتی کانشانہ بنتاہے. بچوں کے ساتھ’’رویہ بدلو‘‘مہم کا آغاز کردیاگیا ہے.

وزیر اعظم پاکستان عمران خان سے گورنر سندھ عمران اسماعیل نے ملاقا ت کی ہے.

باغی ٹی وی کی رپورٹ‌ کے مطابق ملاقات میں صوبائی وزیر خزانہ اور چیئرمین ایف بی آر شبر زیدی بھی موجود تھے. اس موقع پر گفتگو کرتے ہوئے عمران خان کا کہنا تھا کہ مشکل فیصلوں کا مقصد معیشت کی سمت درست کرنا ہے . وزیر اعظم نےگورنرسندھ کی11جولائی کو کراچی کے دورےکی دعوت قبول کرلی. ملاقات کے دوران گورنر سندھ نے وزیراعظم کو سندھ میں جاری ترقیاتی منصوبوں کی تفصیلات دیں.

وزیر اعظم عمران خان دورہ کراچی میں معاشی ٹیم کے ہمراہ کاروباری طبقے سے ملاقات کریں گے. ان کے دورہ کراچی کو بہت زیادہ اہمیت دی جارہی ہے اور کہا جارہا ہے کہ کاروباری طبقہ سے ملاقاتوں‌ میں ان کا اعتماد بحال ہو گا اور ملک کے معاشی حالات میں بھی بہتری آئے گی.

پاکستان کی اقلیتی برادری نے وزیراعظم عمران کان ڈیم فنڈ کے لئے 56 لاکھ کا چیک پیش کر دیا

باغی ٹی وی کی رپورٹ کے مطابق وزیراعظم عمران خان سے رکن قومی اسمبلی جمشید تھامس کی قیادت میں بشپس کے وفد نے ملاقات کی، وزیراعظم ہاوس اسلام‌ آباد میں ہونے والی ملاقات میں پاکستان کیتھولک بشپس کے صدر آرچ بشپ جوزف ارشد، لاہور کے آرچ بشپ آرچ بشپ سباسٹین فرانسس شا، ملتان کے بشپ بینی تراوس، فیصل آباد کے بشپ اینڈریاس رحمت اور جان فلپ موجود تھے.

وزیراعظم عمران خان نے اقلیتی برادری کے رہنماوں سے ملاقات کے دوران گفتگو کرتے ہوئے کہا کہ اقلیتی برادریوں کے مسائل کے حل کے لئے ہر ممکنہ کاوش بروئے کار لائی جائے گی. ملاقات کے دوران مسیحی برادری کے مسائل پر بھی بات چیت ہوئی.

اقلیتی برادری کے وفد نے وزیراعظم عمران کان کو دیامر بھاشا اور مہمند ڈیم فنڈ کے لئے 56 لاکھ 50 ہزار روپے کا چیک پیش کیا۔ یہ رقم اسلام آباد، راولپنڈی، کراچی، لاہور، فیصل آباد، حیدرآباد اور کوئٹہ کے 7 کیتھولک چرچز نے عطیہ کی ہے

الیکشن کمیشن کے ترجمان نے کہا ہے کہ نثار کھوڑو بیان دینے میں احتیاط سے کام لیں، الیکشن کمیشن نے وزیراعظم عمران خان کو شوکاز نوٹس جاری کیا تھا

وزیراعظم حاضر ہو،دورہ گھوٹکی پرالیکشن کمیشن نے دیا نوٹس

باغی ٹی وی کی رپورٹ کے مطابق یپلزپارٹی کے رہنما نثارکھوڑو کے بیان پرترجمان الیکشن کمیشن الطاف خان نے ردعمل دیتے ہوئے کہا کہ الیکشن کمیشن نثارکھوڑوکےالزامات کی سخت الفاظ میں تردید کرتاہے.

وزیراعظم عمران خان کاعلی محمد خان مہر کی وفات پر اہلخانہ سے تعزیت

الیکشن کمیشن کے ترجمان نے مزید کہا کہ الیکشن کمیشن ایک آئینی ادارہ ہے،الیکشن کمیشن انتخابی قوانین کیخلاف ورزی پربلاتفریق کارروائی کرتا ہے ،این اے205 گھوٹکی ضمنی انتخاب میں ضابطہ اخلاق کیخلاف ورزی پروزیراعظم کونوٹس جاری کیا گیا،نثارکھوڑوکو ایسے بیانات دینے میں احتیاط سےکام لینا چاہیے .

واضح رہے کہ نثارکھوڑونے بیان دیا تھا کہ الیکشن کمیشن نےوزیراعظم کے سامنے گھٹنے ٹیک دیے ہیں

واضح رہے کہ الیکشن کمیشن نے وزیراعظم عمران خان کو نوٹس بھیوایا ہے جس میں کہا گیا ہے کہ گھوٹکی میں ضمنی انتخاب کےشیڈول کےاعلان کے بعد وزیراعظم عمران خان کا دورہ قوانین کی خلاف ورزی ہے،نوٹس میں کہا گیا ہے کہ وزیراعظم عمران خان نےکوڈ آف کنڈکٹ پیرا17کی خلاف ورزی کی،وزیراعظم اس پر سات دن کے اندر جواب داخل کریں،ریجنل الیکشن کمشنر عبدالرحمان نے پیپلز پارٹی کے رہنما عبدالباری پتافی کی درخواست پر وزیراعظم کو نوٹس جاری کیا.

پاکستان نے حریت رہنماوں کی گرفتاری پر تشویش کا اظہار کرتے ہوئے عالمی برادری سے مطالبہ کیا ہے مقبوضہ کشمیر میں جاری بھارتی مظالم کا نوٹس لیا جائے.

باغی ٹی وی کی رپورٹ کے مطابق پاکستان کے دفتر خارجہ کے ترجمان نے کہا ہے کہ بھارتی فوج نے مقبوضہ کشمیر میں چالیس کشمیریوں کو شہید کیا، بے گناہ کشمیریوں کو نام نہاد سرچ آپریشنز کے دوران شہید کیا گیا ،دفتر خارجہ کے ترجمان نے کہا کہ حریت رہنماؤں کی گرفتاریوں پر تشویش ہے،مقبوضہ کشمیر میں ماورائے عدالت سزائیں دی جاری ہیں،مقبوضہ کشمیر میں بھارتی مظالم، انسانی حقوق کی خلاف وزری کی مذمت کرتے ہیں، عالمی برادری مقبوضہ کشمیر میں جاری بھارتی مظالم کا نوٹس لے،پاکستان کشمیری مسلمانوں کی سفارتی، سیاسی اور اخلاقی حمایت جاری رکھے گا.

ترجمان دفتر خارجہ نے مزید کہا کہ وزیر اعظم 22جولائی کو امریکی صدرٹرمپ سے ملاقات کریں گے، امریکی صدر سے ملاقات میں پاک امریکا تعلقات پر بات چیت کی جائے گی ،عمران خان کی امریکی صدر سے ملاقات کاایجنڈا سفارتی سطح پرطے کیا جارہا ہے.

دفتر خارجہ کے ترجمان کا مزید کہنا تھا کہ کرتارپور راہداری کے حوالے سے مثبت انداز میں آگے بڑھ رہے ہیں،افغان امن عمل میں پاکستان اپنا کردار ادا کر رہا ہے،پاکستان ایک نتیجہ خیز افغان ڈائیلاگ کا خواہاں ہے،