Category: اسلام آباد

وفاقی وزیر سائنس وٹیکنالوجی فواد چودھری نے عیدالفطر 5 جون بدھ کے دن ہونے کا دعویٰ کیا اور کہا ہے کہ قمری کیلنڈر کے مطابق یکم شوال کا چاند 4 جون کو نظر آ جائے گا۔

باغی ٹی وی کے مطابق فواد چوہدری نے نجی ٹی وی سے گفتگو کرتے ہوئے کہاکہ ہم نے قمری کیلنڈر تیار کرنے کیلئے جدید ٹیکنالوجی سے استفادہ کیا ہے.

انہوں نے کہاکہ اگر پرانی دوربین سے چاند دیکھنا حلال اور نئی دوربین سے دیکھنا حرام سمجھا جائے تو اس طریقے سے تو پاکستان میں کسی طور ایک عید نہیں ہو سکتی۔ قمری کیلنڈر پر سوشل میڈیا پر بہت پذیرائی مل رہی ہے. یہ کیلنڈر اسی ہفتے کابینہ اور اسلامی نظریاتی کونسل کے پاس منظوری کے لئے بھیجا جائے گا.

فواد چوہدری نے کہاکہ اس سال قمری کیلنڈر کے مطابق 29 روزے ہوں‌گے اور یکم شوال کا چاند 4 جون کو نظر آجائے گا.

یاد رہے کہ علماکرام کی کثیر تعداد نے قمری کیلنڈر قبل از وقت تیار کرنے کی مخالفت کی ہے اور کہا ہے کہ اسلامی طریقہ چاند دیکھ کر شہادتوں‌ کی بنیاد پر عید الفطراور قمری مہینہ کے آغاز کا فیصلہ کرنا ہے.

بھارتی خفیہ ایجنسی را نے گلگت بلتستان کی قوم پرست تنظیم بی این پی (حمید گروپ) کو گلگت بلتستان میں دہشت گردانہ سرگرمیوں‌ کیلئے ایک ارب روپے کی خطیر رقم دی. مذکورہ تنظیم کے سرپرست عبدالحمید خان نے عالمی مالیاتی اداروں کو مجوزہ 6 ڈیمز کی مدد روکنے کیلیے خطوط لکھے.

باغی ٹی وی کی رپورٹ‌ کے مطابق انٹیلی جنس ایجنسیوں‌ نے بھارتی خفیہ ایجنسی راکے پاکستان میں ایک بڑے نیٹ ورک کو بے نقاب کیا ہے اور سنسنی خیز حقائق منظر عام پر آئے ہیں. رپورٹ‌میں بتایا گیا ہے کہ بھارت میں را کے ایجنٹ کرنل ارجن اور جوشی نے عبدالحمید خان کو ہینڈل کیا. بی این ایف کا اسٹوڈنٹ ونگ چیئرمین شیر نادر شاہی کی قیادت میں ملوث تھا. آپریشن میں بی این ایف کے 14 متحرک کارکن حراست میں لےلیے گئے ہیں. را کی گلگت بلتستان میں انتشار پھیلانے کی سازش ناکام ہوئی ہے.

را نے گلگت بلتستان کی ذیلی قوم پرست تنظیم بلورستان نیشنل فرنٹ حمید گروپ کی آبیاری کی. عبدالحمید خان نے عالمی مالیاتی اداروں کو مجوزہ 6 ڈیمز کی مدد روکنے کیلیے خطوط لکھے. چیئرمین بی این ایف حمید گروپ عبدالحمید خان کو 1999 میں نیپال پھر بھارت لے جایا گیا.
یاد رہے کہ بھارتی خفیہ ایجنسی را پاکستان میں دہشت گردی کا کوئی موقع ہاتھ سے نہیں‌جانے دیتی اور ملک بھر میں‌ہونے والی دہشت گردانہ سرگرمیوں‌میں ہندوستانی خفیہ ایجنسی را کے ایجنٹ‌ ملوث پائے گئے ہیں.

پاکستان کے نامور صحافی، سینئر اینکر پرسن اور تجزیہ نگار مبشر لقمان کا پاکستان میں کاروں کے بڑھتے حادثات سے متعلق تہلکہ خیز پروگرام "کھرا سچ مبشر لقمان کے ساتھ” آج 24نیوز پر آج رات دس بج کر پانچ منٹ پر نشر ہو گا.

باغی ٹی وی کی رپورٹ‌ کے مطابق پروگرام میں ” پاکستانی کاریں‌یا چلتی پھرتی موت؟” لاکھوں کی گاڑیاں لیکن سیفٹی فیچرز صفر اور آٹو انڈسٹری پر مافیا قابض‌ جیسے اہم مسائل پر گفتگو ہو گی.

مبشر لقمان نے سوال اٹھایا ہے کہ آخر عوام کو ان مسائل سے کیسے نجات ملے گی.

یاد رہے کہ سینئر صحافی اور اینکر پرسن اس سے قبل اپنے پروگرام میں اس انتہائی اہمیت کے حامل مسئلہ کو اٹھاتے رہے ہیں‌ جس کی وجہ سے آئے دن اموات ہو رہی ہیں .

پارلیمنٹ‌ ہاؤس اسلام آباد میں‌ چیئرمین پاکستان پیپلز پارٹی بلاول بھٹو زرداری کی زیر صدارت ہونے والے اجلاس میں‌ راؤ انوار کا بھی بار بار تذکرہ ہوتا رہا.

باغی ٹی وی کی رپورٹ‌کے مطابق رکن کمیٹی سیف الرحمن نے کہاکہ راؤ انوار نے اتنے قتل کیے ہیں ان سے تو پوچھیں؟ جس پر بلاول بھٹو زرداری نے کہاکہ راؤ انوار کا اس معاملے سے کیا تعلق ہے؟

بلاول بھٹو نے گفتگو کرتے ہوئے کہاکہ اگر آپ چاہتے ہیں کہ سب کو بلاکر یہاں پوچھا جائے تو سب کو بلا لیتے ہیں.

اجلاس کے دوران چیئرمین قائمہ کمیٹی نے ڈی جی ایف آئی اے کو بھی طلب کرنے کا فیصلہ کیا. یاد رہے کہ اسی اجلاس میں‌ بلاول بھٹو نے بی این پی کو تجویز دی کہ وہ لاپتا افراد کے معاملے پر تحفظات دور ہونے تک بجٹ میں حکومت کو ووٹ نہ دیں.

چیئرمین بلاول بھٹو کی زیر صدارت قائمہ کمیٹی انسانی حقوق کا پارلیمنٹ ہاؤس اسلام آباد میں اجلاس ہوا ہے جس میں پی ٹی آئی اور پیپلز پارٹی کے ممبران کے مابین میں بحث‌ مباحثہ دیکھنے میں آیا.

باغی ٹی وی کی رپورٹ‌ کے مطابق بلاول بھٹو زرداری نےحکومت کی دو اہم اتحادی جماعتوں کو بجٹ میں ووٹ نہ دینے کا مشورہ دے دیاہے۔ چیرمین پیپلزپارٹی نے یہ مشورہ بلوچستان نیشنل پارٹی (بی این پی) مینگل اورمتحدہ قومی موومنٹ ( ایم کیو ایم )پاکستان کو دیا ہے.

فرحت اللہ بابر کی قائمہ کمیٹی اجلاس میں شرکت پر تحریک انصاف کے ارکان نے اعتراض اٹھایا جس پر بلاول بھٹو زرداری نے کہاکہ لگتا ہےتحریک انصاف نےاپنا ذہن تبدیل کرلیا ہے. فرحت اللہ بابر کی شرکت پر کسی رکن کو اعتراض نہیں تھا.

اجلاس میں نیشنل کمیشن آن اسٹیٹس آف ویمن ترمیمی بل،خواتین کوہراساں کرنےکا بل ایجنڈے میں شامل کیا گیا. پی ٹی آئی اراکین نے کہا کہ فرحت اللہ بابراجلاس میں شرکت کر رہےہیں توبابراعوان کوبھی بلایاجائے جس پر قائمہ کمیٹی میں بابراعوان کوبھی کمیٹی میں خصوصی دعوت پر بلانے کا فیصلہ کیا گیا.

بلاول بھٹو نے گفتگو کرتے ہوئے کہاکہ اگر آپ چاہتے ہیں کہ سب کو بلاکر یہاں پوچھا جائے تو سب کو بلا لیتے ہیں. رکن کمیٹی سیف الرحمن نے کہاکہ راؤ انوار نے اتنے قتل کیے ہیں ان سے تو پوچھیں؟ جس پر بلاول بھٹو زرداری نے کہاکہ راؤ انوار کا اس معاملے سے کیا تعلق ہے؟

اجلاس کے دوران چیئرمین قائمہ کمیٹی نے ڈی جی ایف آئی اے کو بھی طلب کرنے کا فیصلہ کیا. بلاول بھٹو نے بی این پی کو تجویز دی کہ
لاپتا افراد کے معاملے پر تحفظات دور ہونے تک بجٹ میں ووٹ نہ دیں.

سابق وزیر اعظم شاہد خاقان عباسی نے کہا ہے کہ آئی ایم ایف کی شرائط عوام کے سامنے رکھی جائیں،شرح سود میں ڈیڑھ فیصد اضافے سے عوام کی مشکلات میں اضافہ ہوگا

باغی ٹی وی کی رپورٹ‌ کے مطابق انہوں نے کہا کہ آج اگر میاں نواز شریف جیل میں ہیں تو اپنے بیانیے کی وجہ سے ہیں. آج نیب کی حقیقت عوام کے سامنے آ گئی ہے. آل پارٹیز کانفرنس فیصلہ کرے گی کہ سڑکوں پر آنا ہے یا نہیں. ہمارا ہدف حکومت توڑنے اور اقتدار کا نہیں ہے. ہمارا ہدف عوام کے مسائل کا حل ہے.

شاہد خاقان عباسی نے کہاکہ ووٹ کو عزت دو کا بیانیہ ہمارا کل بھی تھا اور آج بھی ہے. حکومت اگر سچ نہیں بول سکتی تو جھوٹ بھی مت بولے. آج ہر شخص کہتا ہے کہ نیب کا عمل انتقامی ہے احتساب کا نہیں. حکمران اگر منہ بند رکھتے تو معیشت کا یہ حال نہ ہوتا،آج بھی یہی مشورہ دیتا ہوں. حکومت گری ہوئی ہے اس کو گرانا مقصود نہیں،اصل مسئلہ عوام کے مسائل کا ہے.

انہوں نے کہاکہ عوام کے مسائل کا حل حکومت کو گرانے میں ہے تو فیصلہ اے پی سی کرے گی.

مسلم لیگ ن کے اجلاس میں فیصلہ کیا گیا ہے کہ ملک بھر میں احتجاج کیا جائے گا،

باغی ٹی وی کی رپورٹ کے مطابق مسلم لیگ ن کے پارٹی اجلاس میں فیصلہ کیا گیا ہے کہ ملک بھر میں مرحلہ وار احتجاج کیا جائے گا .اس سلسلہ میں پہلا پروگرام 28 مئی کو یوم تکبیر کے موقع پر اسلام آباد میں ہو گا، تما م جلسوں و احتجاجی پروگراموں سے مریم نواز، حمزہ شہباز و دیگر رہنما خطاب کریں گے.

واضح رہے کہ مسلم لیگ ن کا پارٹی اجلاس آج پارلیمنٹ ہاوس میں ہوا تھا جس کی صدارت شاہد خاقان عباسی نے کی تھی.

وزیراعظم کے معاون برائے انسداد پولیو بابر بن عطاء نے کہا ہے کہ پولیو مہم کیخلاف پروپیگنڈا کرنے والوں کے خلاف کریک ڈائون جاری ہے.

باغی ٹی وی کی رپورٹ کے مطابق وزیر اعظم کے معاون خصوصی بابر بن عطا نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ انسداد پولیو مہم کی جانب سے سوشل میڈیا پر 495 اکاونٹ بند کرنے کی درخواست کی گئی تھی جن میں سے 257 اکاونٹ بند کر دئیے گئے. فیس بک پر 263 اکائونٹس بلاک کرنے کی درخواست پر 209 اکائونٹس بلاک کئیگئے۔ ٹویٹر پر 134 اکائونٹس بلاک کرنے کی درخواست پر 15 اکائونٹس بلاک کئے گئے ہیں. یو ٹیوب پر 88 بلاک کرنے کی درخواست پر اب تک 33 اکائونٹس بلاک کئے جا چکے ہیں۔ بابر بن عطا نے مزید کہا کہ جن اکائونٹس کو بند نہیں کیا گیا ان کے خلاف کارروائی کے لیے دوبارہ رابطہ کیا جائے گا۔

واضح رہے کہ پاکستان میں پولیو ٹیموں پر ایک طرف حملے ہو رہے ہیں تو دوسری جانب سوشل میڈیا پر پولیو کے خلاف منظم مہم چلائی جا رہی تھی جس پر حکومت کو یہ قدم اٹھانا پڑا.

سابق وزیر اعظم نواز شریف کی طبی بنیادوں پر ضمانت کی درخواست پر سماعت کل منگل کو ہو گی

باغی ٹی وی کی رپورٹ کے مطابق اسلام آباد ہائیکورٹ نے نواز شریف کی درخواست ضمانت سماعت کے لئے مقرر کر دی ہے. جسٹس عامر فاروق اور جسٹس محسن کیانی پر مشتمل ڈویژنل بینچ کل سماعت کرے گا۔

واضح رہے کہ سابق وزیر اعظم نواز شریف کی جانب سے اسلام آباد ہائیکورٹ میں درخواست دائر کی گئی ہے جس میں عدالت سے استدعا کی گئی ہے کہ طبی بنیادوں پر ضمانت کی جائے ،دائر درخواست میں کہا گیا کہ ڈاکٹرز کی رپورٹ کے مطابق نواز شریف کی جان کو خطرہ ہے. درخواست میں مزید کہا گیا ہے کہ ضمانت پر رہائی سے نیب کا کیس متاثر نہیں ہو گا. درخواست میں چیئرمین نیب، سپرنٹنڈنٹ جیل کوٹ لکھپت اوراحتساب عدالت کو فریق بنایا گیا ہے۔

واضح رہے کہ سپریم کورٹ نے نواز شریف کو چھ ہفتوں کے لئے طبی بنیادون پر ضمانت دی تھی تا ہم بعد میں ضمانت میں توسیع کی درخواست مسترد کر دی تھی جس کےبعد نواز شریف جیل میں منتقل ہو گئے. اب وہ کوٹ لکھپت جیل لاہو رمیں قید ہیں.