Category: اسلام آباد

وزیراعظم کی معاون خصوصی برائے اطلاعات و نشریات ڈاکٹرفردوس عاشق اعوان نے کہا ہے کہ روایتی جماعتوں کے قائدین صرف اپنے بچوں اور اپنے مستقبل کے لئے فکر مند ہیں

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر فردوس عاشق اعوان نے کہا کہ روایتی جماعتوں کے قائدین صرف اپنے بچوں اور اپنے مستقبل کے لئے فکر مند ہیں جبکہ عمران خان کو قوم کے بچوں کا مستقبل سنوارنے کی فکر ہے۔ جماعتوں کو کمپنیاں سمجھ کر چلانے والوں کی خواہش ہے کہ پہلے انہوں نے لوٹا، اب اگلی نسل کو قوم پر مسلط کرجائیں

روایتی جماعتوں کے قائدین صرف اپنے بچوں اور اپنے مستقبل کے لئے فکر مند ہیں جبکہ عمران خان کو قوم کے بچوں کا مستقبل سنوارنے کی فکر ہے۔ جماعتوں کو کمپنیاں سمجھ کر چلانے والوں کی خواہش ہے کہ پہلے انہوں نے لوٹا، اب اگلی نسل کو قوم پر مسلط کرجائیں۔

— Dr. Firdous Ashiq Awan (@Dr_FirdousAwan) May 21, 2019

ایک اور ٹویٹ کرتے ہوئے فردوس عاشق اعوان کا مزید کہنا تھا کہ عمران خان نے جراتمندانہ فیصلے کئے ہیں جن کے ثمرات جلد قوم کو ملیں گے اور پاکستان معاشی وسماجی لحاظ سے طاقتور ملک بن کر ابھرے گا۔ حیرت ان پر ہے جو جمہوریت کی بات تو کرتے ہیں لیکن عمل سے موروثی غلامی کا درس دے رہے ہیں۔

عمران خان نے جراتمندانہ فیصلے کئے ہیں جن کے ثمرات جلد قوم کو ملیں گے اور پاکستان معاشی وسماجی لحاظ سے طاقتور ملک بن کر ابھرے گا۔ حیرت ان پر ہے جو جمہوریت کی بات تو کرتے ہیں لیکن عمل سے موروثی غلامی کا درس دے رہے ہیں۔

— Dr. Firdous Ashiq Awan (@Dr_FirdousAwan) May 21, 2019

واضح رہے کہ بلاول زرداری نے اپوزیشن جماعتوں کے قائدین کو افطار پارٹی دی تھی جس میں حکومت کے خلاف تحریک چلانے کا فیصلہ کیا گیا .آج آصف زرداری نے اعلان کیا ہے کہ تحریک کی قیادت بلاول اور مریم کریں گے

پیپلز پارٹی کے رہنما سید خورشید شاہ نے کہا ہے کہ افطار پارٹی سے حکومت پریشان ہو گئی ہے

باغی ٹی وی کی رپورٹ کے مطابق خورشید شاہ نے میڈیا سے گفتگو کرتے ہوئے کہا کہ اپوزیشن جماعتوں کی افطار پارٹی میں آئندہ کے لئے لائحہ عمل طے کیا گیا ہے. خورشید شاہ نے مزید کہا کہ پہلے بجٹ بنانے میں ہمیں آئی ایم ایف تجاویزدیتی تھی اب آئی ایم ایف بجٹ بنارہی ہے،آئی ایم ایف کے پاس کیا گروی رکھا گیا ہے،پارلیمنٹ کوبتایا جائے ، خورشید شاہ کا مزید کہنا تھا کہ ڈالرکی قیمت بڑھ گئی ہے ، جس سےمہنگائی کا طوفان آگیا ہے .ایک سوال کے جواب میں انہوں نے کہا کہ دکھاوے کے لیے عبدالعلیم خان کی قربانی دی گئی تحریک انصاف کوانصاف نہیں ملے گا تو اور کس کوملے گا انہوں نے دعویٰ کیا کہ جتنے الزامات عبدالعلیم خان پرہیں اس سے آدھے بھی شرجیل میمن پرنہیں ہونگے.

سابق صدر آصف زرداری نے کہا ہے کہ اپوزیشن کی حکومت کے خلاف تحریک کو نئی جنریشن لیڈ کرے گی

باغی ٹی وی کی رپورٹ کے مطابق اسلام آباد میں‌صحافیوں کے سوال کے جواب میں آصف زرداری نے کہ حکومت کے خلاف تحریک نئی جنریشن لیڈ کرے گی. اس میں مولانا فضل الرحمان کا بیٹا، میرا بیٹا اور مریم بی بی تمام تحریک کی قیادت کریں گے.آصف زرداری کا یہ بھی کہنا تھا کہ میری نظر میں تودوبارہ الیکشن کی طرف جائیں گے. آصف زرداری نے نواز شریف سے ملاقات کے حوالہ سے پوچھے گئے سوال کے جواب میں کہا کہ نواز شریف کی طبیعت ٹھیک نہیں ،موقع ہو گا تو ملاقات کرلیں گے اس میں کوئی مسئلہ نہیں.

واضح رہے کہ دو روز قبل اسلام آباد میں بلاول زرداری نے اپوزیشن جماعتوں کے قائدین کو افطار پارٹی دی تھی جس میں مریم نواز نے بھی شرکت کی تھی، افطار پارٹی کے بعد مشترکہ پریس کانفرنس کرتے ہوئے اپوزیشن رہنماوں نے حکومت کے خلاف عید کے بعد تحریک چلانے کا فیصلہ کیا تھا

وزیراعظم یوتھ پروگرام کے چیئرمین عثمان ڈار نے کہا ہے کہ وفاقی کابینہ نے کامیاب جوان پروگرام کی منظوری دے دی ہے

باغی ٹی وی کی رپورٹ کے مطابق عثمان ڈار نے کہا کہ ملک بھر کے نوجوانوں کے لیے اچھی اور بڑی خبر ہے،وزیراعظم عمران خان کےبعد وفاقی کابینہ نے بھی کامیاب جوان پروگرام کی توثیق کر دی ہے. انہوں نے کہا کہ مشکل معاشی حالات کےباوجود "کامیاب جوان” پروگرام کیلیے حکومت نے 100 ارب روپے مختص کیے ہیں. کابینہ سے خطیررقم کی منظوری نوجوانوں کی بڑی کامیابی ہے. انہوں نے کہا کہ گزشتہ 8 ماہ کی انتھک محنت کے بعد جامع پروگرام تشکیل دیا گیا ہے،10 لاکھ نوجوان براہ راست اس پروگرام سے مستفید ہو سکیں گے .

اقوام متحدہ بھی ‘کامیاب جوان’ پروگرام کیلئے تعاون کرنے کو تیارہے، اقوام متحدہ نے نوجوانوں کیلئے 30 ملین ڈالرز فنڈ فراہم کرنے کا اعلان فروری میں کیا تھا۔ منصوبے کے تحت 2 لاکھ نوجوانوں کو با اختیار بنایا جائے گا۔

سابق صدر آصف زرداری کی جعلی بینک اکاونٹ کیس میں عدالت نے ایک بار پھر ضمانت منظور کر لی

باغی ٹی وی کی رپورٹ کے مطابق اسلام آباد ہائیکورٹ میں کیس کی سماعت ہوئی، جسٹس عامر فاروق اور جسٹس محسن اختر کیانی نے درخواست پر سماعت کی ،آصف زرداری نے عدالت سے استدعا کی تھی کی نیب نے نیب نےایک اور انکوائری میں 23 مئی کو طلب کیا ہے،گرفتاری کا خدشہ ہے،اس لئے عبوری ضمانت دی جائے ،عدالت نے آصف زرداری کی 2 لاکھ روپے کے مچلکوں کے عوض 13 جون تک عبوری ضمانت منظور کر لی

واضح رہے کہ نیب نے جعلی اکاونٹس کیس میں آصف زرداری کو ایک بار پھرطلب کیا گیا ہے. نیب کی جانب سے آصف زرداری کو بھجوائے گئے نوٹس میں کہا گیا ہے کہ غیر قانونی ٹھیکوں سے نوڈیرو ہاؤس کے انچارج ندیم بھٹو کے اکاؤنٹ میں رقوم منتقل ہوئیں، ایک کروڑ 70 لاکھ روپے سے نوڈیرو ہاؤس کےمعاملات چلائے گئے، نوٹس میں مزید کہا گیا کہ آپ کے اور اہلخانہ کے فضائی اخراجات بھی اسی رقم سے منتقل ہوئے، آپ اہم معلومات رکھتے ہیں، پیش ہو کر جواب دیں۔ نیب نے 23 مئ کو آصف زرداری کو طلب کیا ہے ، اس سے قبل نیب آصف زرداری کو 7 انکوائریز میں پہلے طلب کر چکا ہے۔

نیب کی جعلی اکاونٹس کیس میں طلبی کے بعد آصف زرداری نے اسلام آباد ہائیکورٹ میں‌ضمانت قبل از گرفتاری کی درخواست دائر کی ہے. جس میں چیئرمین نیب کو فریق بنیا گیا ہے. اور عدالت سے استدعا کی گئ ہے کہ عبوری ضمانت منظور کی جائے. واضح رہے کہ آصف زرداری سات مختلف مقدمات میں پہلے سے عبوری ضمانت پر ہیں

سابق وزیر اعظم نواز شریف کی طبی بنیادوں پر ضمانت کے حوالہ سے درخواست پر سماعت دو ہفتوں کے لئے ملتوی کر دی گئی

باغی ٹی وی کی رپورٹ کے مطابق اسلام آباد ہائیکورٹ میں نواز شریف کی درخواست ضمانت پرسماعت ہوئی ،جسٹس عامر فاروق اور جسٹس محسن کیانی پر مشتمل ڈویژنل بینچ نے درخواست پر سماعت کی .نواز شریف کے وکیل خواجہ حارث نے دلائل دئیے اور کہا کہ نوازشریف مختلف بیماریوں میں مبتلا ہیں، انہیں طبی بنیادوں پر ضمانت دی جائے تا کہ وہ علاج کوا سکیں، عدالت نے نیب کو نوٹس جاری کرتے ہوئے جواب طلب کر لیا، عدالت نے کوٹ لکھپت جیل کے سپریڈنٹ کو بھی نوٹس جاری کرتے ہوئے کیس کی سماعت دو ہفتوں کے لئے ملتوی کر دی.

واضح رہے کہ سابق وزیر اعظم نواز شریف کی جانب سے اسلام آباد ہائیکورٹ میں درخواست دائر کی گئی ہے جس میں عدالت سے استدعا کی گئی ہے کہ طبی بنیادوں پر ضمانت کی جائے ،دائر درخواست میں کہا گیا کہ ڈاکٹرز کی رپورٹ کے مطابق نواز شریف کی جان کو خطرہ ہے. درخواست میں مزید کہا گیا ہے کہ ضمانت پر رہائی سے نیب کا کیس متاثر نہیں ہو گا. درخواست میں چیئرمین نیب، سپرنٹنڈنٹ جیل کوٹ لکھپت اوراحتساب عدالت کو فریق بنایا گیا ہے۔

واضح رہے کہ سپریم کورٹ نے نواز شریف کو چھ ہفتوں کے لئے طبی بنیادون پر ضمانت دی تھی تا ہم بعد میں ضمانت میں توسیع کی درخواست مسترد کر دی تھی جس کےبعد نواز شریف جیل میں منتقل ہو گئے. اب وہ کوٹ لکھپت جیل لاہو رمیں قید ہیں

سابق صدر آصف زرداری کو نیب نے ایک بار پھر طلب کر لیا تو گرفتاری کے ڈ ر سے اسلام آباد ہائیکورٹ میں درخواست ضمانت جمع کروا دی.

باغی ٹی وی کی رپورٹ کے مطابق نیب نے جعلی اکاونٹس کیس میں آصف زرداری کو ایک بار پھرطلب کیا گیا ہے. نیب کی جانب سے آصف زرداری کو بھجوائے گئے نوٹس میں کہا گیا ہے کہ غیر قانونی ٹھیکوں سے نوڈیرو ہاؤس کے انچارج ندیم بھٹو کے اکاؤنٹ میں رقوم منتقل ہوئیں، ایک کروڑ 70 لاکھ روپے سے نوڈیرو ہاؤس کےمعاملات چلائے گئے، نوٹس میں مزید کہا گیا کہ آپ کے اور اہلخانہ کے فضائی اخراجات بھی اسی رقم سے منتقل ہوئے، آپ اہم معلومات رکھتے ہیں، پیش ہو کر جواب دیں۔ نیب نے 23 مئ کو آصف زرداری کو طلب کیا ہے ، اس سے قبل نیب آصف زرداری کو 7 انکوائریز میں پہلے طلب کر چکا ہے۔

نیب کی جعلی اکاونٹس کیس میں طلبی کے بعد آصف زرداری نے اسلام آباد ہائیکورٹ میں‌ضمانت قبل از گرفتاری کی درخواست دے دی. جس میں چیئرمین نیب کو فریق بنیا گیا ہے. اور عدالت سے استدعا کی گئ ہے کہ عبوری ضمانت منظور کی جائے. واضح رہے کہ آصف زرداری سات مختلف مقدمات میں پہلے سے عبوری ضمانت پر ہیں ۔

پیپلز پارٹی کے شریک چیئرمین آصف زرداری نے چیئرمین نیب کیخلاف کارروائی کا مطالبہ کر دیا۔

باغی ٹی وی کی رپورٹ کے مطابق اسلام آباد کی احتساب عدالت میں جعلی اکاونٹس کیس میں سابق صدر آصف زرداری اور فریال تالپور کو ریفرنس کی نقول نہیں دی جا سکیں جس پراحتساب عدالت نے کیس کی سماعت 30 مئی تک ملتوی کر دی. احتساب عدالت کے باہر میڈیا سے گفتگو کرتے ہوئے آصف زرداری نے کہا کہ چیئرمین نیب نے انٹرویو دے کر قانون کی خلاف ورزی کی ہے ، ان کے خلاف کاروائی کی جائے، آصف زرداری کا مزید کہنا تھا کہ بزرگوں‌کو ہتھکڑیاں لگانے اور جیلوں میں ڈالنے کے بعد معیشت نہیں چل سکتی.

وفاقی وزیر علی محمد خان مہر دل کا دورہ پڑنے کے باعث وفات پا گئے

باغی ٹی وی کی رپورٹ کے مطابق وفاقی وزیر برائے اینٹی نارکو ٹکس علی محمد مہر کی طبیعت خراب ہونے پر انہیں ہسپتال منتقل کیا گیا لیکن انہوں نے دم توڑ دیا، وفاقی وزیر علی محمد خان کی موت دل کا دورہ پڑنے کی وجہ سے ہوئی ہے. وفاقی وزیر کی وفات پر وزیر اعظم عمران خان سمیت تحریک انصاف کے دیگر رہنمائوں نے گہرے رنج وغم کا اظہار کیا ہے. صدر مملکت ڈاکٹر عارف علوی نے بھی وفاقی وزیر علی محمد مہر کی وفات پر گہرے دکھ کا اظہار کیا۔ صدر مملکت نے مرحوم کی مغفرت اور بلندی درجات کے لیے دعا کی۔ صدر مملکت نے غمزدہ خاندان سے اظہار تعزیت کی.

واضح رہے کہ وفاقی وزیر علی محمد خان مہر نے این اے 205 گھوٹکی سے الیکشن لڑا تھا اور جیتے تھے ، تحریک انصاف کی حکومت نے انہیں وفاقی وزیر بنایا تھا، سردار علی محمد خان پرویز مشرف دور میں 2002 سے 2004 تک سندھ کے وزیر اعلیٰ بھی رہ چکے ہیں.2018 کا الیکشن علی محمد خان مہر آزادانہ طور پر جیتے تھے بعد ازاں انہوں نے تحریک انصاف میں شمولیت اختیار کی تھی.