Category: اسلام آباد

وفاقی وزیر برائے مواصلات و پوسٹل سروسز مراد سعید نے کہا ہے کہ نواز شریف کے جیل جانے میِں عمران خان کا نہیں خود ان کا، ان کی اولاد اور پرویز رشید جیسے مشیروں کا کردار ہے .

باغی ٹی وی کی رپورٹ کے مطابق وفاقی وزیر مراد سعید نے مسلم لیگ ن کے رہنما پرویز رشید کے بیان پر ردعمل دیتے ہوئے کہا کہ ڈان لیکس جیسی مکروہ وارداتوں کے موجد بتائیں عمران خان نے نواز شریف پر کون سا مقدمہ قائم کیا۔ مراد سعید نے مزید کہا کہ نواز شریف اس وقت پکڑے گئے جب وہ وزیر اعظم تھے ،نواز شریف پر مقدمہ تحریک انصاف کی حکومت میں نہیں بلکہ ان کی اپنی حکومت کے دوران بنا ہے. مجرم کو سیاسی رہنما بنا کر پیش کرنے کی جتنی کوشش بھی کر لی جائے، ناکامی ہی ملے گی .

واضح رہے کہ پرویز رشید نے کوٹ لکھپت جیل میں نواز شریف سے ملاقات کے بعد کہا تھا کہ حکومت نے آئی ایم ایف کے سامنے سرنڈر کر لیا اب بھارت کے سامنے سرنڈر کریں گے.

ترجمان دفترخارجہ ڈاکٹر محمد فیصل نے کہا ہے کہ پاکستان کسی بھی بیرونی جارحیت کے خلاف سعودی عرب کےساتھ کھڑا ہے۔

باغی ٹی وی کی رپورٹ کے مطابق ہفتہ وار میڈیا بریفنگ کے دوران ترجمان دفتر خارجہ نے کہا ہے کہ پاکستان سعودی عرب میں آئل پمپس پر ڈرون حملوں کی شدید مزمت کرتا ہے ،انہوں نے مزید کہا کہ پاکستان سعودی عرب کے ساتھ کھڑا رہے گا،اور انسداد دہشت گردی کے لئے سعودی عرب اور اقوام عالم کے ساتھ تعاون کرے گا، ترجمان دفتر خارجہ نے مزید کہا کہ پاکستان دہشت گردوں کی تمام صورتوں کی مزمت کرتا ہے.

واضح رہے کہ سعودی عرب میں تیل کے پمپس پر ڈرون حملے کئے گئے ہیں. سعودی عرب کی تیل کی تنصیبات پر سات ڈرون حملے کئے گئے.

پارلیمنٹ ہاوس اسلام آباد کے سامنے احتجاج کرنے والے سانحہ سمجھوتہ ایکسپریس کے متاثرین کو پارلیمنٹ ہاوس بلا لیا گیا.

باغی ٹی وی کی رپورٹ کے مطابق سانحہ سمجھوتہ ایکسپریس کے متاثرین نے پارلیمنٹ کے باہر احتجاج کیا تو چئیرمین قائمہ کمیٹی برائے داخلہ سینیٹر رحمان ملک نے احتجاجی متاثرین کو پارلیمنٹ ہاوس بلا لیا، پیپلز پارٹی کے سینیٹر رحمان ملک نے سانحہ سمجھوتہ ایکسپریس کے متاثرین سے اظہار ہمدردی کی اور شہداء کے لئے دعائے مغفرت کی .

واضح رہے کہ سمجھوتہ ایکسپریس کے متاثرین نے پارلیمنٹ ہاوس کے سامنے احتجاجی مظاہرہ کیا، مظاہرے میں سانحہ سمجھوتہ ایکسپریس میں شہید ہونے والے افراد کے اہلخانہ نے بڑی تعداد میں شرکت کی، مظاہرین نے مودی سرکار کے خلاف نعرے بازی کی. مظاہرین قاتل قاتل مودی قاتل، سمجھوتہ ایکسپریس کا ذمہ دار مودی و دیگر نعرے لگاتے رہے شرکاء کا کہنا تھا کہ مودی مسلمانوں کا قاتل ہے، سمجوھتہ ایکسپریس میں 76 کےقریب افراد شہید ہوئے تھے، بھارتی عدالت نے مجرموں کو رہا کر دیا ہے ہم بھارتی عدالت کا فیصٌہ قبول نہیں کرتے ،ا نہوں نے کہا کہ 12 سال گزر گئے ہمیں انصاف نہیں ملا، شرکاء نے عالمی برادری سے اپیل کی کہ ویہ اس سلسلے میں مدد کریں اور انصاف دلوائیں، متاثرین نے شہید ہونے والے افراد کی تصاویر بھی اٹھا رکھی تھیں.

سمجھوتہ ایکسپریس کے متاثریں پارلیمنٹ ہائوس پہنچ گئے

باغی ٹی وی کی رپورٹ کے مطابق سمجھوتہ ایکسپریس کے متاثرین نے پارلیمنٹ ہاوس کے سامنے احتجاجی مظاہرہ کیا، مظاہرے میں سانحہ سمجھوتہ ایکسپریس مین شہید ہونے والے افراد کے اہلخانہ نے بڑی تعداد میں شرکت کی، مظاہرین نے مودی سرکار کے خلاف نعرے بازی کی. مظاہرین قاتل قاتل مودی قاتل، سمجھوتہ ایکسپریس کا ذمہ دار مودی و دیگر نعرے لگاتے رہے شرکاء کا کہنا تھا کہ مودی مسلمانوں کا قاتل ہے، سمجوھتہ ایکسپریس میں 76 کےقریب افراد شہید ہوئے تھے، بھارتی عدالت نے مجرموں کو رہا کر دیا ہے ہم بھارتی عدالت کا فیصٌہ قبول نہیں کرتے ،ا نہوں نے کہا کہ 12 سال گزر گئے ہمیں انصاف نہیں ملا، شرکاء نے عالمی برادری سے اپیل کی کہ ویہ اس سلسلے میں مدد کریں اور انصاف دلوائیں، متاثرین نے شہید ہونے والے افراد کی تصاویر بھی اٹھا رکھی تھیں.

سابق صدر آصف علی زرداری کے وکیل فاروق ایچ نائیک نے کہا ہے کہ جعلی اکاؤنٹس سے آصف زرداری کا کوئی تعلق نہیں

باغی ٹی وی کی رپورٹ کے مطابق آصف علی زرداری کے وکیل فاروق ایچ نائیک نے میڈیا سے گفتگو کرتے ہوئے کہا کہ آصف زرداری نیب کے بلانے پر پیش ہوئے ،کسی کیس میں زرداری کا براہ راست کوئی تعلق نہیں بنتا .آصف زرداری نےکسی چیک پردستخط نہیں کیے، انہوں نے مزید کہا کہ بلاول زرداری ملک سے باہر اور پڑھائی میں مصروف تھے ان کو غلط طریقے سے نوٹسز بھجوائے جا رہے ہیں،

پاکستان کے دفتر خارجہ کے ترجمان نے کہا ہے کہ مقبوضہ کشمیر میں آج پانچ کشمیریوں کو شہید کیا گیا، کشمیر میں تعلیمی ادارے بند ہیں، حریت رہنماوں کی گرفتاری کی مذمت کرتے ہیں

باغی ٹی وی کی رپورٹ کے مطابق ترجمان دفتر خارجہ محمد فیصل نے ہفتہ وار میڈیا بریفنگ کےد وران کہا کہ کشمیری آزادی کی داستان اپنے خون سے لکھ رہے ہیں،کشمیریوں کے خون کی قیمت کوئی ادا نہیں کرسکتا۔ انہوں نے مزید کہا کہ خطے میں امریکا ایران کشیدگی پر تشویش ہے ،دونون ممالک تنازعات پرامن طریقے سے حل کریں .ترجمان دفتر خارجہ نے مزید کہا کہ وزیر خارجہ شاہ محمود قریشی 21 مئی کو ایس سی او وزرائے خارجہ اجلاس میں شرکت کریں گے. وزیراعظم سرابرہ اجلاس میں 13 اور14 جون کو شرکت کریں گے ۔

ایئر چیف مجاہد انور خان نے کہا ہے کہ بھارتی طیارے گرانے والے جے ایف 17 تھنڈر بلاک 2 طیارہ مقامی سطح پر تیار کردہ ہے ،جدید ترین لڑاکا طیارے جے ایف 17 تھنڈر بلاک 3 کی تیاری رواں سال شروع ہو گی

باغی ٹی وی کی رپورٹ کے مطابق پاک فضائیہ کے چیف مجاہد انور خان نے ایک غیر ملکی نشریاتی ادارے کو دئیے گئے انٹرویو میں کہا کہ جے ایف 17 تھنڈر بلاک 2 طیارہ مقامی سطح پر تیار کردہ ہے، پاکستان ایروناٹیکل کمپلکس کامرہ کا شاہکار یہ طیارہ جدید ترین آلات سے لیس ہے، انہوں نے کہا کہ جے ایف 17 تھنڈر بلاک 2 جدید ترین کثیر الکردار، مہلک لڑاکا طیارہ ہے، ائیر چیف نے کہا کہ کہ پاک فضائیہ نے 2017ء میں مزید 12 جے ایف 17 تھنڈر طیاروں کا آرڈر دیا تھا، پاک فضائیہ کے سربراہ نے کہا کہ پی اے سی نے 2009ء سے ابتک 10 سال میں 100 جے ایف 17 تھنڈرطیارے بنائے۔ انہوں نے مزید کہا کہ جے ایف 17 تھنڈر بلاک 3 نئے ریڈار کیساتھ مارچ 2020ء تک آپریشنل ہوگا، انہوں نے کہا کہ پاک فضائیہ میں مزید 3 جے ایف 17 تھنڈر بلاک 2 طیارے جون میں شامل ہوںگے، جے ایف 17 تھنڈر کی شمولیت سے بلاک 2 طیاروں کی کھیپ مکمل ہو جائے گی، تربیتی امور کیلئے 2 نشستوں والا جے ایف 17 تھنڈر (بی) بھی شامل کیا جا رہا ہے۔

واضح رہے کہ بھارت کی جانب سے بالا کوٹ ائیر سٹرائیک کے بعد پاکستان نے اگلے روز بھارت کے دو جنگی طیارے تباہ کئے تھے. بھارت نے الزام عائد کیا تھا کہ پاکستان نے ایف 16 استعمال کیا لیکن ڈٰی جی آئی ایس پی آر نے کہا تھا کہ پاکستان نے جے ایف 17 طیارہ اڑائے تھے.

مسلم لیگ ن کے سیکرٹری جنرل احسن اقبال نے کہا ہے کہ جنوبی پنجاب کے نام پر عوام کو بے وقوف بنانا بند کیا جائے

باغی ٹی وی کی رپورٹ کے مطابق احسن اقبال نے وزیر خارجہ شاہ محمود قریشی کی پریس کانفرنس پر ردعمل دیتے ہوئے کہا کہ شاہ محمود قریشی عوام کو بے وقوف بنانا بند کریں جنوبی پنجاب‌ اور بہاولپور صوبہ کا بل ن لیگ نے پہلے قومی اسمبلی میں جمع کروایا جو اسٹینڈنگ کمیٹی کے پاس موجود ہے. انہوں نے کہا کہ مسلم لیگ ن نے جو بل جمع کروایا وزیر خارجہ حکومت میں ہیں وہ اس بل پر کام شروع کریں. احسن اقبال نے مزید کہا کہ تحریک انصاف مسلم لیگ ن کے مںصوبوں کو اپنا بنا کر پیش کر رہی ہے جنوبی پنجاب کا صوبہ بھی شاہ محمود قریشی اپنے نام کرنے پر لگے ہوئے ہیں.

واضح رہے کہ شاہ محمود قریشی نے ملتان میں پریس کانفرنس سے خطاب میں کہا کہ جنوبی پنجاب صوبہ کے لئے آئین میں ترمیم کرنا پڑے گی

چیرمین نیب جسٹس (ر)جاویداقبال کی زیرصدارت اجلاس ہوا جس میں انتہائی اہم فیصلے کیے گئے

باغی ٹی وی کی رپورٹ کے مطابق چیئرمین نیب کی زیر صدارت اجلاس میں فیصلہ کیا گیا کہ سابق وزیرہاؤسنگ اکرم درانی کےخلاف نیب انکوائری کی جائے گئ،سابق صوبائی وزیرشیراعظم کےخلاف انکوائری کافیصلہ کیا گیا ہے، سابق رکن سندھ اسمبلی علی غلام نظامانی، سعیدنظامانی کےخلاف انکوائری بھی انکوائری کا فیصلہ کیا گیا ہے. چیئرمین نیب نے اجلا س سے خطاب کرتے ہوئے کہا کہ نیب “احتساب سب کیلیے ‘‘کی پالیسی پر عمل پیرا ہے،بدعنوانی تمام برائیوں کی جڑ ہے، جس کا خاتمہ نیب سمیت تمام اداروں کی مشترکہ ذمے داری ہے، نیب مقدمات کو منطقی انجام تک پہنچانے کیلیے تمام وسائل بروئے کار لارہا ہے