وزیراعظم شہباز شریف نے خطے کی کشیدہ صورتحال اور عالمی منڈی میں تیل کی بڑھتی ہوئی قیمتوں کے تناظر میں قوم سے خطاب کرتے ہوئے کفایت شعاری اقدامات کا اعلان کیا ہے۔
اپنے خطاب میں وزیراعظم نے کہا کہ ایران کے سپریم لیڈر سید علی خامنہ ای اور ان کے اہل خانہ کی شہادت پر پاکستان گہرے دکھ اور افسوس کا اظہار کرتا ہے اور ایران پر ہونے والے اسرائیلی حملوں کی بھرپور مذمت کرتا ہے۔ انہوں نے سعودی عرب، کویت، قطر، بحرین اور دیگر خلیجی ممالک پر حملوں کی بھی شدید مذمت کی۔
وزیراعظم نے کہا کہ خلیجی ممالک پر حملوں سے خطے کے امن کو شدید خطرات لاحق ہو گئے ہیں اور پاکستان مشکل وقت میں ان ممالک کے ساتھ کھڑا ہے۔ ان کا کہنا تھا کہ پاکستان ان ممالک کی سلامتی کو اپنی سلامتی کا حصہ سمجھتا ہے۔
شہباز شریف نے کہا کہ عالمی منڈی میں خام تیل کی قیمت 60 ڈالر سے بڑھ کر 100 ڈالر سے تجاوز کر چکی ہے جبکہ پاکستان کی معیشت کا بڑا انحصار خلیجی ممالک سے آنے والے تیل اور گیس پر ہے۔ ان کے مطابق عالمی قیمتوں کا تعین پاکستان کے اختیار میں نہیں، اسی لیے حکومت کو توانائی بحران سے نمٹنے کے لیے مشکل فیصلے کرنا پڑے۔
وزیراعظم نے بتایا کہ آئندہ دو ماہ کے لیے سرکاری محکموں کی گاڑیوں کے ایندھن میں 50 فیصد کمی کی جائے گی جبکہ ایمبولینسز اور عوامی بسوں کو اس سے مستثنیٰ رکھا جائے گا۔ اس کے علاوہ 60 فیصد سرکاری گاڑیاں عارضی طور پر گراؤنڈ کر دی جائیں گی۔
انہوں نے اعلان کیا کہ کابینہ کے ارکان، وزرا، مشیر اور معاونین دو ماہ کی تنخواہ رضاکارانہ طور پر نہیں لیں گے جبکہ ارکان پارلیمنٹ کی تنخواہوں میں 25 فیصد کمی کی جائے گی۔ گریڈ 20 اور اس سے اوپر کے افسران کی تنخواہوں سے بھی دو دن کی کٹوتی کر کے اسے عوامی ریلیف کے لیے استعمال کیا جائے گا۔
وزیراعظم کے مطابق سرکاری محکموں کے تنخواہوں کے علاوہ اخراجات میں 20 فیصد کمی کی جائے گی اور غیر ضروری اشیا کی خریداری پر پابندی ہوگی۔ سرکاری افسران، وزرا اور گورنرز کے بیرون ملک دوروں پر بھی پابندی عائد کر دی گئی ہے۔
انہوں نے کہا کہ سرکاری امور کے لیے ٹیلی کانفرنس اور آن لائن اجلاس کو ترجیح دی جائے گی جبکہ سرکاری عشائیوں اور افطار پارٹیوں پر مکمل پابندی ہوگی۔ اسی طرح سیمینار اور کانفرنسز ہوٹلوں کے بجائے سرکاری مقامات پر منعقد کی جائیں گی۔
توانائی کی بچت کے لیے سرکاری اور نجی شعبے میں ضروری خدمات کے علاوہ 50 فیصد عملہ گھر سے کام کرے گا جبکہ دفاتر ہفتے میں چار دن کھلیں گے اور ایک دن اضافی تعطیل ہوگی۔ تاہم یہ فیصلہ بینکوں، صنعت اور زراعت کے شعبے پر لاگو نہیں ہوگا۔
وزیراعظم نے مزید اعلان کیا کہ رواں ہفتے کے آخر سے ملک بھر کے اسکولوں کو دو ہفتوں کی چھٹیاں دی جائیں گی جبکہ اعلیٰ تعلیمی اداروں میں آن لائن کلاسز شروع کی جائیں گی۔
Category: اسلام آباد
-
معاشی دباؤ کے پیش نظر حکومت کے کفایت شعاری اقدامات، سرکاری اخراجات اور تنخواہوں میں کٹوتی کا اعلان
-
سینٹ، قومی و صوبائی اسمبلیوں کے اراکین کو تھریٹ لیٹرپر ترجمان جے یو آئی کا ردعمل
سینٹ، قومی و صوبائی اسمبلیوں کے اراکین کو تھریٹ لیٹرپر ترجمان جے یو آئی اسلم غوری کا کہنا ہے کہ پارلیمانی اراکین کو تھریٹ الرٹ جاری کرکے بلوچستان حکومت نے امن وامان کے قیام میں ناکامی کا اعتراف کیا ہے۔
ترجمان جےیوآئی کا کہناتھا کہ پورے بلوچستان میں صرف جےیوآئی اراکین کی جان کو خطرہ ہے۔بلوچستان کے نااہل اور جعلی وزیر اعلی سے صوبے کو خطرہ ہے ۔اس لیٹر نے 2024 کے جعلی انتخابات کے زخم کو تازہ کر دیا ہے۔ایسے لیٹر حکومت کے منہ پر طمانچہ ہیں ۔یہ لیٹر خضدار اور قلات کے ضمنی الیکشن سے جے یوآئی کو دور رکھنے کا بہانہ ہے۔جعلی حکومت اور اسکا وزیر اعلی قوم کے سامنے عیاں ہو گیا ہے ۔اس لیٹر کو قبل از انتخابات دھاندلی تصور کرتے ہیں ۔اراکین اسمبلی اور قومی قیادت محفوظ نہیں تو عوام کا کیا حال ہوگا ۔خضدار اور قلات ضمنی انتخاب میں بھی پرانے طریقے سے دھاندلی کا منصوبہ نظر آ رہا ہے ۔ایسے حربوں کا مقابلہ کیا ہے اور کریں گے ۔قیادت کا تحفظ کرنا جانتے ہیں ۔
-
پاکستان نے افغانستان میں کسی شہری علاقے کو نشانہ نہیں بنایا۔عطا تارڑ
وفاقی وزیر اطلاعات عطاء تارڑ کا کہنا ہے کہ پاکستان نے افغانستان میں کسی شہری علاقے کو نشانہ نہیں بنایا۔
وفاقی وزیر اطلاعات عطاء تارڑ نے غیر ملکی جریدوں کے نمائندوں سے گفتگو کرتے ہوئے کہا کہ پاکستان درست انٹیلی جنس معلومات کی بنیاد پر افغانستان میں کارروائیاں کررہا ہے، افغانستان کے اندر عسکریت پسندوں کے ٹھکانوں کو نشانہ بنایا جارہا ہے۔ان کا کہنا ہے کہ پاکستان صرف دہشت گردوں کے بنیادی ڈھانچے اور معاون نظام کو ہدف بنارہا ہے، افغان طالبان حکومت کے خیالی اعداد و شمار کسی سنجیدہ تبصرے کے قابل نہیں، افغان وزارت دفاع کا پاکستان کیخلاف میدان جنگ میں کامیابی کا دعویٰ پروپیگنڈا ہے۔
عطاء تارڑ نے افغانستان کی جانب سے افغان شہریوں کی ہلاکتوں کی خبر کی بھی تردید کردی، انہوں نے کہا کہ افغان طالبان رجیم کے تمام حملوں کا فوری اور مؤثر جواب دیا گیا، پاکستان نے دہشتگردوں، افغان طالبان کے فوجی اڈوں کو درست طریقے سے نشانہ بنایا۔ان کا کہنا ہے کہ افغان طالبان اور فتنہ الخوارج کے دہشت گرد مل کر حملے کرتے ہیں، افغان طالبان حکومت اور متعدد دہشتگرد تنظیموں کے درمیان گٹھ جوڑ موجود ہے۔
-
ایران میں تیل کی تنصیبات پر حملوں کے بعد پاکستان کا فضائی معیار متاثر ہونے کا خدشہ
پاکستان کے محکمہ موسمیات نے خبردار کیا ہے کہ ایران میں تیل کی تنصیبات پر حالیہ امریکی اور اسرائیلی حملوں کے نتیجے میں پیدا ہونے والی آلودگی ہوا کے ذریعے پاکستان کے مغربی علاقوں تک پہنچ سکتی ہے جس سے فضائی معیار متاثر ہونے کا خدشہ ہے۔
محکمہ موسمیات کی جانب سے پیر کو جاری بیان میں کہا گیا ہے کہ ایران کی موجودہ صورتحال کے باعث ہوائیں آلودہ ذرات کو پاکستان کے مغربی حصوں کی طرف لے جا سکتی ہیں جس سے وہاں کی فضا مزید خراب ہو سکتی ہے ایک مغربی سلسلہ پیر کی شام ملک کے بالائی علاقوں میں داخل ہوگا جو 12 مارچ تک برقرار رہ سکتا ہے، جس کے باعث مختلف علاقوں میں بارش اور گرج چمک کا امکان ہے خیبر پختونخوا کے اضلاع دیر، کوہستان، چترال، سوا ت، شانگلہ، بٹگرام، بونیر، مالاکنڈ، مانسہرہ، ایبٹ آباد اور ہری پور میں وقفے وقفے سے بارش اور تیز ہواؤں کے ساتھ گرج چمک کا امکان ہے جبکہ بعض مقامات پر موسلا دھار بارش بھی ہو سکتی ہے۔
مجتبیٰ خامنہ ای کا بطور سپریم لیڈر انتخاب ایران کا داخلی معاملہ ہے، چین
ایران پاکستان کا مغربی ہمسایہ ملک ہے، 28 فروری کو ہونے والے حملوں کے بعد امریکا اور اسرائیل کے ساتھ جنگ کی صورتحال میں ہے ان حملوں میں ایران کے سپریم لیڈر آیت اللہ علی خامنہ ای کو شہید کر دیا گیا تھا،7 مارچ کو تہران میں آئل ریفائنریوں اور ایندھن کے ڈپو پر بڑے فضائی حملوں کے بعد شہر پر زہریلا دھواں چھا گیا جبکہ اتوار کو سیاہ اور تیل آلود بارش بھی رپورٹ ہوئی، تیل کی تنصیبات سے اٹھنے والے گھنے سیاہ دھوئیں نے کئی علاقوں میں سورج کی روشنی کو بھی مدھم کر دیا۔
افغان طالبان کا ٹی ٹی پی کے اہم کمانڈروں کو کابل کے ڈپلومیٹک انکلیو میں پناہ دینے کا انکشاف
امریکی نشریاتی ادارے کے نمائندے فریڈرک پلیٹگن نے تہران کے شہرن آئل ڈپو کی صورتحال کو ‘قیامت خیز منظر’ قرار دیتے ہوئے کہا کہ وہاں کی فضا میں سانس لینا انتہائی زہریلا محسوس ہو رہا ہے،جبکہ ایرانی ریڈ کریسنٹ سوسائٹی نے بھی شہریوں کو صحت کے شدید خطرات سے خبردار کیا ہے اور کہا ہے کہ فضا میں خارج ہونے والی زہریلی گیسیں، سلفر اور نائٹروجن آکسائیڈ جلد اور پھیپھڑوں کو شدید نقصان پہنچا سکتی ہیں۔
ایران کیخلاف امریکا واسرائیل جنگ:چین کا خصوصی ایلچی ثالثی کے لیے سعودی عرب پہنچ گیا
-
فائیو جی سپیکٹرم کی نیلامی کل ہو گی
وفاقی وزرا کا کہنا ہے کہ فائیو جی سروسز پہلے مرحلے میں اسلام آباد، لاہور، کراچی، پشاور اور کوئٹہ میں دستیاب ہوں گی، جبکہ ملک بھر میں انفراسٹرکچر کی تکمیل کے بعد مکمل طور پر فراہم کی جائیں گی۔
اسلام آباد میں وفاقی وزیر آئی ٹی شزا فاطمہ، وفاقی وزیر اطلاعات عطا تارڑ اور چیئرمین پی ٹی اے کی زیر صدارت فائیو جی سپیکٹرم کی نیلامی پر بریفنگ دی گئی جس میں ڈی جی لائسنسنگ پی ٹی اے عامر شہزاد نے بتایا کہ کل 10 مارچ کو صبح 10 بجے فائیو جی اسپیکٹرم کی آکشن ہوگی، جو الیکٹرونک آکشن سسٹم کے ذریعے پی ٹی وی ہیڈکوارٹرز میں ہوگی پہلے مرحلے میں یوفون، زونگ اور جیز کے لیے 6 بینڈز کی نیلامی ہوگی، جبکہ شام 4 بجے تک مزید 5 بینڈز پر بڈنگ ہوگی۔
چیئرمین پی ٹی اے میجر جنرل (ر) حفیظ الرحمٰن نے بتایا کہ نیلامی کے دوران موک ٹرائل کرایا جا چکا ہے اور تینوں موبائل نیٹ ورک کمپنیز کو بڈنگ کے طریقہ کار سے ہم آہنگ کیا گیا ہے آکشن میں اوپن بڈنگ نہیں ہوگی کیونکہ ہر بینڈ کی الگ نیلامی ہوگی فائیو جی کے آغاز سے ڈیٹا کی قیمتیں نہیں بڑھیں گی اور صارفین پر اضافی بوجھ نہیں آئے گا۔
مجتبیٰ خامنہ ای کی بطور ایرانی سپریم لیڈر نامزدگی پر ٹرمپ کا براہِ راست تبصرہ کرنے سے گریز
چیئرمین پی ٹی اے نے کہا کہ پاکستان میں دنیا کا سب سے سستا موبائل ڈیٹا دستیاب ہے اگر کسی صارف کے موبائل ڈیٹا کی آٹومیٹک ایکٹیویشن ہو جائے یا کمپنی ناجائز پیسے کاٹے، تو پی ٹی اے فوری کارروائی کرے گا صارفین کی شکایات کے حل کے لیے چیئرمین کے دروازے 24/7 کھلے ہیں، پچھلے چند ماہ میں 5 لاکھ فائیو جی موبائلز تیار کیے جا چکے ہیں اور 5 موبائل مینوفیکچرنگ کمپنیز نے فائیو جی موبائلز کی پیداوار شروع کر دی ہے۔
ٹرمپ نے تیل کی بڑھتی ہوئی قیمتوں کو عالمی امن اور سلامتی کی معمولی قیمت قرار دیا
وفاقی وزیر آئی ٹی شزا فاطمہ نے کہا کہ ہماری کوشش ہے کہ زیادہ سے زیادہ لوگ فائیو جی موبائلز استعمال کریں۔ پاکستان میں 95 فیصد موبائل فون لوکل مینوفیکچرڈ ہیں اور صرف آئی فون اور گوگل پکسل درآمد ہوتے ہیں،فائیو جی سروسز پہلے مرحلے میں اسلام آباد، لاہور، کراچی، پشاور اور کوئٹہ میں دستیاب ہوں گی، جبکہ ملک بھر میں انفراسٹرکچر کی تکمیل کے بعد مکمل طور پر فراہم کی جائیں گی پاکستان میں 1987 سے 274 میگا ہرٹس اسپیکٹرم استعمال ہو رہا ہے، اور کل 600 میگا ہرٹس سپیکٹرم نیلام ہوگی، آکشن سافٹ ویئر کے ذریعے لائیو ہوگی تاکہ شفافیت کو یقینی بنایا جا سکے۔
قطر میں سوشل میڈیا پر جھوٹی خبریں پھیلانے کے الزامات پر سینکڑوں افراد گرفتار
ڈی جی لائسنسنگ نے بتایا کہ پاکستان ریجن میں سب سے کم اسپیکٹرم رکھنے والا ملک ہے، اور فائیو جی رول آؤٹ کے لیے 9 سالہ پلان دیا گیا ہےہر سال 3 ہزار سائٹس ٹیلی کام آپریٹرز بڑھائیں گے اور فائیو جی کی آغاز کی سپیڈ 50 ایم بی پی ایس ہوگی۔
-
وزیراعظم کا قومی ہاکی ٹیم کے ہر کھلاڑی کے لیے 15 لاکھ روپے انعام کا اعلان
وزیراعظم شہباز شریف نے قومی ہاکی ٹیم کے ہر کھلاڑی کے لیے 15 لاکھ روپے انعام کا اعلان کیا ہے-
وزیراعظم کے دفتر کی میڈیا ونگ کی جانب سے جاری بیان میں کہا گیا ہے کہ وزیراعظم محمد شہباز شریف نے ورلڈ کپ کوالیفائر میں شرکت کرنے والی قومی ہاکی کھلاڑیوں کی شاندار کارکردگی کے اعتراف میں ٹیم کے ہر کھلاڑی کے لیے 15 لاکھ روپے انعام کا اعلان کیا ہے یہ اقدام نہ صرف ٹیم کی محنت اور کھیل کے لیے لگن کا اعتراف ہے بلکہ پاکستان میں ہاکی کے فروغ کے لیے بھی ایک اہم قدم ہے۔
قومی ہاکی ٹیم کی ورلڈ کپ کوالیفائرز میں شرکت نے شائقین کے درمیان جوش و خروش پیدا کر دیا ہے اور یہ انعام ان کی ثابت قدمی اور محنت کا واضح اعتر اف ہے۔
6 مارچ کو اسماعلیہ، مصر میں ایف آئی ایچ ہاکی ورلڈ کپ 2026 کوالیفائرز کے سنسنی خیز سیمی فائنل میں پاکستان نے جاپان کو 3-4 سے شکست دی،جس کے نتیجے میں نہ صرف ٹیم فائنل میں پہنچ گئی بلکہ ہاکی ورلڈ کپ 2026 کے لیے کوالیفائی بھی کر گئی میچ میں پاکستان نے شاندار واپسی کا مظاہرہ کیاپاکستان نے پہلے کوارٹر میں برتری حاصل کی، تاہم جاپان نے دوسرے کوارٹر میں اس کا مقابلہ کرتے ہوئے اسکور برابر کر دیا۔
تیسرے کوارٹر میں جاپان نے دو گول کر کے 1-3 کی برتری حاصل کر لی، جس سے پاکستانی ٹیم پر شدید دباؤ پڑا، لیکن آخری کوارٹر میں گرین شرٹس نے زبرد ست مزاحمت دکھاتے ہوئے 3 گول کر کے میچ 3-4 سے جیت لیا،پاکستان کے لیے محمد عماد، ابو بکر محمود، سفیان خان اور افراز نے ایک ایک گول کیا۔ محمد عماد کو جاپان کے خلاف شاندار کارکردگی پر میچ کا بہترین کھلاڑی قرار دیا گیا۔
میچ کے اعداد و شمار کے مطابق پاکستان نے جارحانہ کھیل میں برتری حاصل کرتے ہوئے سرکل میں 28 حملے کیے جبکہ جاپان نے صرف 17، جس سے ٹیم کے جارحانہ رویے کی عکاسی ہوتی ہےاس فتح کے ساتھ پاکستان نہ صرف کوالیفائرز کے فائنل میں پہنچ گیا بلکہ ہاکی ورلڈ کپ 2026 میں حصہ لینے کی بھی ضمانت حاصل کر لی۔
-
ریاست کی رٹ پر کسی قسم کا سمجھوتہ نہیں کیا جائے،شفیع اللہ جان
خیبر پختونخوا کے وزیر اطلاعات، شفیع اللہ جان نے کہا ہے کہ مذاکرات کی آڑ میں دہشتگردی کا کھیل ، اب اور نہیں، ریاست کی رٹ پر کسی قسم کا سمجھوتہ نہیں کیا جائے
خیبر پختونخوا کے وزیر اطلاعات، شفیع اللہ جان نے 8 مارچ کو اپنے بیان میں کہا کہ پاکستان اور افغانستان کے درمیان بڑھتی ہوئی کشیدگی کا بہترین حل بات چیت کرنا اور قبائلی جرگے ہیں اگرچہ ماضی میں استنبول اور اسلام آباد میں ہونے والی ملاقاتیں نتیجہ خیز ثابت نہیں ہوئیں، لیکن جنگ کسی مسئلے کا حل نہیں ہے۔
لیکن اگر ہم تاریخ اٹھا کر دیکھے تو 2021 سے پاکستان نے افغانستان سے بار بار بات چیت کر کے تعلقات بہتر بنانے کی کوشش کی لیکن ہر بار افغانستان کی زمین پاکستان کے خلاف دہشتگردی کے لیے استعمال ہوتی رہی مذاکرات کی یہ ناکام تاریخ گواہ ہے کہ 6 جنوری 2021 کو دوحہ میں انٹرا افغان مذاکرات کے دوسرے دور سے لے کر 8 نومبر 2021 میں "گڈ ول جیسچر” کے نام پر صوبائی جیلوں سے 100 سے زائد خطرناک دہشت گردوں کی رہائی تک، ریاست کی رٹ پر سمجھوتہ کیا گیا۔
ایران جنگ میں امریکا کو شکست ہوگی، چینی نوسترادامس کی پیشگوئی
انہوں نے کہا کہ مذاکرات کا یہ سلسلہ 2022 میں مزید وسعت اختیار کر گیا جب اپریل 2022 میں عید کے موقع پر 11 دن کی جنگ بندی ہوئی اور مئی 2022 میں اس وقت کے کور کمانڈر پشاور لیفٹیننٹ جنرل فیض حمید کی قیادت میں وفد نے کابل کے سرینا ہوٹل میں ٹی ٹی پی قیادت سے ملاقاتیں کیں۔
اسی دوران محسود قبائل کے 32 رکنی اور ملاکنڈ ڈویژن کے 19 رکنی جرگوں نے مئی 2022 میں کابل میں مذاکرات کیے، جس کے نتیجے میں ٹی ٹی پی نے غیر معینہ مدت کے لیے جنگ بندی کا اعلان کیا جون 2022 میں مریم اورنگزیب نے ان مذاکرات کی حکومتی سطح پر تصدیق بھی کی، لیکن ٹی ٹی پی نے فاٹا انضمام کے خاتمے جیسے غیر آئینی مطالبات رکھ کر ریاست کو بلیک میل کرنے کی کوشش کی۔
واٹر سپلائی کے پانی سے سانپ کے بچے نکلنے پر تشویش
حالیہ برسوں میں بھی یہ سلسلہ جاری رہا، جنوری 2024 میں مولانا فضل الرحمٰن کا دورہ کابل اور جولائی 2024 میں مفتی تقی عثمانی صاحب کی قیادت میں جید علماء کے وفود کابل گئے تاکہ مذہبی اور قبائلی بنیادوں پر حل نکالا جا سکے فروری 2025 میں خوست میں عارضی سیز فائر اور 18 اکتوبر 2025 کو دوحہ و استنبو ل کے مذاکراتی راؤنڈز نے بھی یہی ثابت کیا کہ یہ گروہ مذاکرات کو صرف اپنی طاقت بڑھانے کے لیے استعمال کرتے ہیں۔
پاکستان کا مطالبہ اب دوٹوک ہے کہ افغان سرزمین پر فتنہ الخوارج کی پناہ گاہیں اور ان کو ملنے والی سہولت کاری کا مکمل خاتمہ کیا جائے کیونکہ مذاکرات کی آڑ میں معصوم شہریوں کا مزید قتل عام برداشت نہیں کیا جائے گا پاکستان نے تمام سیاسی و سفارتی کوششیں اور آبادکاری کی پالیسیاں ناکام ہونے کے بعد ہی بین الاقوامی قوانین کے تحت اپنے دفاع کا حق استعمال کیا اور سرحد پار ان ٹھکانوں پر کاری ضرب لگائی جہاں سے پاکستان میں دہشتگرد حملوں کی منصوبہ بندی ہو رہی تھی اب ریاست پاکستان سیاست دانوں کی نااہلی کا بوجھ نہیں اٹھائے گی، اور ریاست کی رٹ پر کسی قسم کا سمجھوتہ نہیں کیا جائے-
-
فتنہ الخوارج کو نہیں چھوڑیں گے، خطرہ ختم ہونے تک آپریشن جاری رہے گا: خواجہ آصف
وزیر دفاع خواجہ آصف نے کہا ہے کہ فتنہ الخوارج کے خلاف کارروائیاں جاری رہیں گی اور انہیں کسی صورت نہیں چھوڑا جائے گا۔
اپنے بیان میں انہوں نے کہا کہ جب تک دہشت گردی کا خطرہ مکمل طور پر ختم نہیں ہوجاتا تب تک آپریشن جاری رہنا چاہیے۔
خواجہ آصف کا کہنا تھا کہ افغانستان کی سرزمین سے پاکستان میں حملے کیے جاتے ہیں اور اس مسئلے پر افغان حکام سے دوبار ملاقات بھی کی جا چکی ہے۔
انہوں نے مزید کہا کہ بھارت ہر ایسی صورتحال سے فائدہ اٹھانے کی کوشش کرتا ہے جس سے پاکستان کو نقصان پہنچے۔ ان کا کہنا تھا کہ بھارت پہلے بھی پاکستان کے ساتھ براہ راست جنگ آزما چکا ہے۔
وزیر دفاع کے مطابق پاکستان دہشت گردی کے خاتمے کے لیے اپنی کارروائیاں جاری رکھے گا اور ملکی سلامتی پر کوئی سمجھوتہ نہیں کیا جائے گا۔ -
اسلام آباد :عورت مارچ پر پولیس کارروائی، متعدد خواتین،مرد اور منتظمین گرفتار
انٹرنیشنل ویمنز ڈے کے موقع پر اسلام آباد میں عورت مارچ کے منتظمین اور شرکاء پر پولیس نے سخت کارروائی کی، جس کے دوران متعدد خواتین اور کارکنان کو حراست میں لے لیا گیا،اسلام آباد پولیس نےسیکٹرایف 6 سےعورت مارچ میں شریک 11 خواتین،اور 3 مرد گرفتارکرلیے-
عورت مارچ آرگنائزیشن کی رکن نشاط مریم کے مطابق گرفتار ہونے والوں میں معروف ویمن رائٹس ایکٹیویسٹ ڈاکٹر فرزانہ باری بھی شامل ہیں مارچ کے لیے این او سی کی درخواست ایک ماہ قبل جمع کروائی گئی تھی، لیکن انتظامیہ کی جانب سے این او سی جاری نہیں کیا گیا، جس کی بنیاد پر پرامن اجتماع کے حق سے شرکا کو محروم کیا گیا،پولیس نے منتظمین کو گاڑی سے باہر نکلتے ہی زبردستی حراست میں لیا،قریباً 8 خواتین کو گرفتار کرکے جی-7 تھانے منتقل کیا گیا اور بعد میں مزید منتظمین اور بعض اہل خانہ کو بھی حراست میں لیا گیا۔
آپریشن ’غضب للحق‘:583 افغان طالبان ہلاک، 242 چیک پوسٹیں تباہ اور 38 پر قبضہ
دوسری جانب ترجمان اسلام آباد پولیس نے بتایا کہ شہر میں دفعہ 144 نافذ ہے، جس کے تحت ہر قسم کے احتجاج اور اجتماعات پر پابندی ہے، اور عورت مارچ کے لیے این او سی جاری نہ ہونے کی وجہ سے کارروائی کی گئی،جبکہ عورت مارچ کے منتظمین اور انسانی حقوق کے کارکنان نے اس کارروائی کو پرامن احتجاج پر ریاستی جبر قرار دیا اور کہا کہ شہریوں کو آئین کے تحت پرامن اجتماع کا حق حاصل ہے، جسے بلا وجہ روکا جا رہا ہے۔
افغان کرکٹر راشد خان کا خاندان کے ہمراہ پشاور میں قیام ،خواجہ آصف کا شدید ردعمل
-
آپریشن ’غضب للحق‘:583 افغان طالبان ہلاک، 242 چیک پوسٹیں تباہ اور 38 پر قبضہ
افغانستان سے دہشت گردی اور بلا اشتعال جارحیت کا منہ توڑ جواب دینے کے لیے آپریشن غضب للحق کامیابی کے ساتھ جاری ہے،وفاقی وزیر اطلاعات عطا اللہ تارڑ نے آپریشن ’غضب للحق‘ سے متعلق تازہ صورتحال جاری کی ہے-
سوشل میڈیا پر جاری بیان میں عطا تارڑ نے بتایا کہ اب تک 583 افغان طالبان ہلاک جبکہ 795 سے زائد زخمی ہوئے ہیں، 242 چیک پوسٹیں تباہ اور 38 چیک پوسٹوں پر قبضہ کرکے انہیں بھی تباہ کیا گیا،اب تک افغان طالبان رجیم کے 213 ٹینکس، بکتر بند گاڑیاں اور آرٹلری گنز (توپیں) تباہ کی جاچکی ہیں، افغانستان بھر میں 64 مقامات کو فضائی کارروائی میں مؤثر طور پر نشانہ بنایا گیا ہے۔
افغان کرکٹر راشد خان کا خاندان کے ہمراہ پشاور میں قیام ،خواجہ آصف کا شدید ردعمل
خیال رہے کہ جمعرات 26 فروری کی رات پاک افغان سرحد پر افغان طالبان کی جانب سے بلا اشتعال جارحیت کے جواب میں پاکستان کی مسلح افواج کا آپریشن غضب للحق جاری ہے،پاک فوج نے افغانستان کی حدود کے اندر مختلف مقامات پر جوابی کارروائیاں کیں اور کابل، قندھار اور پکتیا سمیت دیگر مقاما ت پر موجود عسکری تنصیبات کو نشانہ بنایا اور کئی چیک پوسٹیں تباہ کیں۔
خیبرپختونخوا میں سکیورٹی فورسز کے ساتھ مختلف جھڑپوں میں 13 خوارج ہلاک