Category: اسلام آباد

مشرق وسطی کی بدلتی صورتحال ، پی آئی اے نے اپنا خلیجی ممالک کا فضائی آپریشن معطل کردیا

پی ائی اے کی متحدہ عرب امارات، بحرین، دوحہ اور کویت کی پروازیں معطل کی گئی ہیں ،پروازیں ابتدائی طور پر کل شام یا فضائی حدود کی بحالی تک اپریٹ نہیں کی جائیں گی ،پی ائی اے کی سعودی عرب کی پروازیں جاری رہیں گی مگر ان کا روٹ تبدیل کردیا گیا ہے ،پروازین بوئنگ 777 طیاروں پر منتقل کردی گئیں ہیں اور طویل راستے سے منزل مقصود پر پہنچیں گی .مسافروں سے درخواست ہے کہ اپنی پروازوں سے متعلق بروقت معلومات یا بکنگ کی تبدیلی کیلئے پی ائی اے کال سینٹر 111 786 786 سے رابطہ کریں

افغان طالبان رجیم کیخلاف پاک افواج کی فیصلہ کن کارروائی کے بعد بھارت اور افغانستان کی پروپیگنڈا مشینز متحرک ہو گئیں

افغان طالبان رجیم کے آفیشل اکاؤنٹس سے پروپیگنڈا اور جھوٹے دعوے نشر کیے جانا ایک شرمناک عمل ہے، افغان وزارتِ دفاع نے من گھڑت دعویٰ کیا کہ افغان فورسز نے ننگرہار میں پاکستانی لڑاکا طیارہ مار گرایا اور پائلٹ کو زندہ گرفتار کر لیا،وزارتِ اطلاعات و نشریات پاکستان نے پاکستانی پائلٹ کی گرفتاری کا افغان اور بھارتی میڈیا کا جھوٹا پروپیگنڈا بے نقاب کر دیا،پاکستانی حکام، عالمی میڈیا اور دفاعی ادارے نے کسی طیارے کے نقصان کی تصدیق نہیں کی ، افغان حکام کا بے بنیاد دعویٰ بھارتی میڈیا اور افغان پروپیگنڈا ذرائع نے بڑے پیمانے پر پھیلایا گیا ، افغانستان کی جانب سے جاری کردہ تصویر 2021 میں ترکی میں روسی جہاز کے حادثے کی ہے، زمینی حقائق نہ ہونے کے باعث بھارت اور افغان مضحکہ خیز دعوؤں کو محض فریب اور ہزیمت قرار دیا جارہا ہے

عالمی ماہرین کے مطابق افغان طالبان رجیم پاکستان مخالف جھوٹی خبریں پھیلا کر اپنی عبرتناک شکست پر پردہ ڈالنے کی ناکام کوشش کر رہی ہے ،افغان طالبان رجیم کے سرکاری ترجمان اور آفیشل اکاؤنٹس سے پاکستان مخالف پروپیگنڈا کر کے ڈلیٹ کرنا شرمناک عمل ہے، پاکستان مخالف منظم منفی پروپیگنڈا مہم بھارتی اور افغانی ذرائع ابلاغ اور سوشل میڈیا کی پہچان بن چکی ہے.

پبلک ایڈوائزری: موجودہ حساس قومی صورتحال کے پیش نظر پاکستان ٹیلی کمیونیکیشن اتھارٹی (پی ٹی اے) تمام شہریوں سے اپیل کرتی ہے کہ وہ سوشل میڈیا اور ڈیجیٹل پلیٹ فارمز کے استعمال میں ذمہ داری کا مظاہرہ کریں۔

تمام شہریوں کو ہدایت کی جاتی ہے کہ وہ کسی بھی غیر مصدقہ، اشتعال انگیز یا گمراہ کن معلومات/مواد کو شیئر، پھیلانے، فارورڈ کرنے یا اپ لوڈ کرنے سے گریز کریں، جو براہِ راست یا بالواسطہ طور پر قومی مفاد، عوامی نظم و نسق یا ریاستی اداروں کو نقصان پہنچا سکتا ہو۔تمام شہریوں کی حوصلہ افزائی کی جاتی ہے کہ وہ صرف مستند اور سرکاری ذرائع پر مبنی معلومات/مواد ہی شیئر، پھیلائیں یا اپ لوڈ کریں اور افواہوں اور جعلی خبروں کے فروغ سے مکمل اجتناب کریں۔جعلی خبروں ، افواہوں یا غلط معلومات کے پھیلانے ، شئیر یا اپ لوڈ کرنے پر متعلقہ قوانین کے تحت قانونی کارروائی عمل میں لائی جا سکتی ہے۔پی ٹی اے کی عوام الناس سے گزارش ہے کہ وہ احتیاط، سنجیدگی اور قومی ذمہ داری کا مظاہرہ کریں تاکہ عوامی اعتماد کو برقرار رکھنے میں مدد مل سکے۔

پاکستان نے اپنے پاکستانی شہریوں کو سکیورٹی خدشات کے پیش نظر ایران کے غیر ضروری سفر سے گریز کی ہدایت کردی۔

دفتر خارجہ نے پاکستانی شہریوں کو ایران کے غیرضروری سفر سے گریز کرنے کی ہدایت کرتے ہوئے ایران میں مقیم پاکستانیوں کو محتاط رہنے، غیرضروری نقل و حرکت محدود رکھنے اورپاکستانی مشنز سے مسلسل رابطے میں رہنے کا مشورہ دیا ہے،دفتر خارجہ نے تہران میں پاکستانی سفارتخانے کے رابطہ نمبرز جاری کرتے ہوئے ہنگامی صورتحال میں شہریوں کو فوری رابطے کی ہدایت کی ہے،دفتر خارجہ کے مطابق زاہدان اور مشہد میں پاکستانی قونصلر رابطہ نمبرز بھی فراہم کردیے ہیں اور ساتھ ہی شہریوں سے صورتحال پر نظر رکھنے کی اپیل بھی کی گئی ہے سفارتی مشنز پاکستانیوں کی معاونت کے لیے ہمہ وقت دستیاب ہیں۔

سیکیورٹی ذرائع کے مطابق پاکستانی فورسز نے کچھ دیر پہلے افغانستان کی متعدد چیک پوسٹوں کو نشانہ بنا کر تباہ کر دیاہے۔ جن میں آریانہ کمپلیکس، دبگئی چیک پوسٹ، پولیس ہیڈکوارٹر اور ذاکرخیل پوسٹ شامل ہیں۔ سیکورٹی ذرائع کا کہنا ہے کہ شدید دباؤ کے باعث افغان طالبان فورسز چیک پوسٹیں چھوڑ کر پسپا ہونے پر مجبور ہو گئیں۔
آپریشن “غضب للحق” تاحال جاری ہے اور اپنے طے شدہ اہداف کے حصول تک جاری رہے گا۔

پاک فوج نے نیوافغان8پوسٹ پر قبضہ کرکے اسے دھماکہ خیز مواد سے اڑا دیا،دشمن فرارہونے پرمجبورہو گیا،قلعہ سیف اللہ کے بادینی سیکٹر میں پاک فوج نے دشمن کی جارحیت کا بھرپور اور مؤثر جواب دیا۔ پاک فوج کے مؤثر جوابی وار کے نتیجے میں ٹی ٹی اے کے اہلکار اپنی پوسٹیں چھوڑ کر فرار ہو گئے

ٹی ٹی پی اور جماعت الاحرار گروپ نے بھی افغان طالبان حکومت کی حمایت کے لیے پاکستان میں دہشت گرد حملے شروع کرنے کا اعلان کیا ہے۔

الگ الگ بیانات میں، ٹی ٹی پی کے سرغنہ نور ولی محسود اور جے یو اے نے اراکین کو پاکستان بھر میں حملے شروع کرنے کی ہدایت کی۔پاکستان کے موقف کی کالعدم دہشت گرد تنظیموں نے خود تائید کر دی ،کالعدم ٹی ٹی پی و کالعدم حافظ گل بہادر گروپ کے بعد جماعت الاحرار نے بھی اپنے دہشت گردوں کو پاکستان میں دہشت گردانہ کارروائیوں میں تیزی لانے کی ہدایت کر دی،اس سلسلے میں جاری ہدایت نامہ میں افغان سرزمین پر پاکستان کی بمباری کو وجہ قرار دیا گیا ہے،گروپ نے پنجاب اور سندھ کے شہری علاقوں کو خصوصی طور پر نشانہ بنانے کا حکم دیا ہے،محولہ بالا ہدایت نامہ پاکستان کے موقف کی تائید و توثیق کے مترادف ہے کہ افغان طالبان اور دہشت گرد ایک ہیں، اور پاکستان میں ہونے والے دہشت گردانہ کارروائیوں کے پیچھے عسکریت پسندوں کے سرپرست افغان طالبان کا ہاتھ ہے

مفتی ابو منصور عاصم تحریک طالبان پاکستان کی جانب سے بھی پاکستان میں دہشتگردانہ حملے تیز کرنے کی ہدایت کی گئی ہے، مسائلین نظامی کمیشنز (شمالی، جنوبی، وسطی، غربی) کے نام خط میں کہا گیا ہے کہ هر نظامی کمیسیون اپنے ماتحت والیان صاحبان، ولسوالان صاحبان، دلگی مشران اور محاذ پر موجود تمام مجاہدین کو خصوصی امر صادر کریں کہ پاکستان پر مسلط اسلام دشمن فوج کی طرف سے افغانستان پر حالیہ بمباری کے ردِ عمل میں پاکستان بھر میں ایسے تابڑ توڑ حملے کریں کہ دشمن کی کمر ٹوٹ جائے، اور پڑوسی اسلامی ملک افغانستان کے ساتھ ہمارے مجاہدین کی عملا ہمدردی کا اظہار ہو۔نیز ! موجودہ صورت حال میں چونکہ میڈیا کی اہمیت بہت زیادہ ہے، اس لیے اپنی عملیات کی ویڈیو بنا کر فوری طور پر سوشل میڈیا پر نشر کریں، اپنی ویڈیوز مرکز بھیجنا ضروری نہیں، تاکہ تاخیر نہ ہو اور عملیات کی تاثیر پر فرق نہ پڑے۔

دستخط