Category: اسلام آباد

وفاقی دارالحکومت اسلام آباد میں سائبر سیکیورٹی کا ایک اہم واقعہ سامنے آیا ہے جہاں سابق چیف جسٹس عمر عطا بندیال کا واٹس ایپ اکاؤنٹ ہیک کر لیا گیا۔

ذرائع کے مطابق ہیکرز نے نہ صرف ان کا ذاتی واٹس ایپ اکاؤنٹ غیر قانونی طور پر اپنے قبضے میں لیا بلکہ ان کے موبائل فون میں موجود رابطہ نمبرز کو استعمال کرتے ہوئے مختلف افراد سے رقم طلب کرنا بھی شروع کر دی۔اطلاعات کے مطابق ہیکر کی جانب سے سابق چیف جسٹس کے جاننے والوں اور قریبی حلقوں کو واٹس ایپ پیغامات بھیجے گئے جن میں فوری مالی مدد کی درخواست کی گئی۔ بعض افراد کو مشکوک بینک اکاؤنٹس یا ڈیجیٹل والٹس میں رقم منتقل کرنے کا کہا گیا۔ خوش قسمتی سے بیشتر افراد نے مشکوک پیغامات کی تصدیق کیے بغیر رقم منتقل نہیں کی۔

ذرائع کا کہنا ہے کہ واقعے کے فوری بعد سابق چیف جسٹس نے قومی سائبر کرائم ادارے نیشنل سائبر کرائم انویسٹی گیشن ایجنسی (این سی سی آئی) سے رابطہ کیا اور باقاعدہ شکایت درج کروا دی ہے۔ ادارے نے معاملے کی تحقیقات شروع کر دی ہیں اور واٹس ایپ اکاؤنٹ کی بحالی اور ہیکرز کی شناخت کے لیے تکنیکی معاونت فراہم کی جا رہی ہے۔

‎وزیراعظم شہباز شریف نے کہا ہے کہ آئندہ مالی سال کے بجٹ میں براہِ راست ٹیکسوں میں کمی ناگزیر ہے جبکہ بالواسطہ ٹیکس نظام میں موجود خامیوں کو دور کرنا حکومت کی ترجیح ہوگی۔
‎پاکستان گورننس فورم سے خطاب کرتے ہوئے وزیراعظم نے کہا کہ حکومت ٹیکس وصولی کے نظام کو بہتر بنانے پر کام کر رہی ہے تاکہ ٹیکس چوری کا خاتمہ کیا جا سکے۔ ان کا کہنا تھا کہ بعض کاروباری افراد عوام سے ٹیکس وصول تو کرتے ہیں مگر قومی خزانے میں جمع نہیں کراتے، جس سے معیشت کو شدید نقصان پہنچتا ہے اور ملک قرضوں کے بوجھ تلے دب جاتا ہے۔
‎شہباز شریف نے واضح کیا کہ معاشی مسائل کسی شارٹ کٹ یا جادوئی حل سے ختم نہیں ہوں گے بلکہ مسلسل محنت اور سخت فیصلوں کی ضرورت ہے۔ انہوں نے کہا کہ قومی معیشت کو مستحکم کرنے کیلئے بجلی چوری کے خاتمے پر فوری توجہ دینا ہوگی، کیونکہ سالانہ تقریباً 200 ارب روپے کی بجلی چوری ملکی مالی نظام پر بڑا بوجھ بن چکی ہے۔
‎وزیراعظم کے مطابق ٹیکس اصلاحات اور توانائی کے شعبے میں شفافیت لائے بغیر پائیدار معاشی استحکام ممکن نہیں۔

‎سینیٹ کی قائمہ کمیٹی برائے کابینہ سیکریٹریٹ کے اجلاس میں کرپٹوکرنسی سے متعلق مجوزہ قانون پر شدید اختلافات سامنے آگئے، جہاں ارکان نے حکومتی تیاری اور قانونی وضاحت پر سوالات اٹھا دیے۔ اجلاس کی صدارت سینیٹر رانا محمود الحسن نے کی۔
‎اجلاس کے دوران سیکریٹری اور وزیر قانون کی عدم موجودگی پر کمیٹی ارکان نے برہمی کا اظہار کیا۔ سینیٹر فاروق ایچ نائیک نے کہا کہ پارلیمانی کمیٹی کو محض ربڑ اسٹیمپ کے طور پر استعمال کیا جا رہا ہے، جبکہ اہم قانون سازی پر مناسب بریفنگ نہیں دی جا رہی۔
‎کرپٹو پر سخت تنقید
‎سینیٹر سعدیہ عباسی نے اجلاس میں کہا کہ کرپٹوکرنسی دراصل سٹے بازی ہے اور اس حوالے سے عوام اور پالیسی سازوں دونوں کے ذہنوں میں شدید ابہام موجود ہے۔ ان کے مطابق کرپٹو زیادہ تر امیر طبقے کا مشغلہ بن چکا ہے اور عالمی سطح پر بھی اس کی واضح ریگولیشن سامنے نہیں آ سکی۔
‎انہوں نے مثال دیتے ہوئے کہا کہ بھارت نے کرپٹو کو بڑی حد تک عوام کی چوائس پر چھوڑ رکھا ہے، جس سے ظاہر ہوتا ہے کہ دنیا ابھی اس معاملے پر متفق نہیں۔
‎قانونی وضاحت پر سوالات
‎سینیٹر شیری رحمان نے سوال اٹھایا کہ وزیر قانون کی غیر موجودگی میں بل سے متعلق تکنیکی اور قانونی سوالات کے جوابات کون دے گا۔ ان کا کہنا تھا کہ گرے ایریا میں رہتے ہوئے ٹیکس نظام مؤثر نہیں بنایا جا سکتا۔
‎سعدیہ عباسی نے مزید کہا کہ انہیں مجوزہ بل کی کاپی تک فراہم نہیں کی گئی، اس لیے وہ بغیر مطالعہ کیے قانون سازی کی حمایت نہیں کر سکتیں۔
‎اجلاس کے اختتام پر کمیٹی ارکان نے حکومت پر زور دیا کہ کرپٹوکرنسی کے حوالے سے واضح اور جامع ریگولیٹری فریم ورک تیار کیا جائے تاکہ قانونی، مالی اور ٹیکس سے متعلق ابہام ختم کیا جا سکے۔

‎اسلام آباد: بانی پاکستان تحریک انصاف عمران خان کی اسپتال منتقلی اور علاج کے لیے سپریم کورٹ میں درخواست دائر کر دی گئی ہے۔
‎وکیل لطیف کھوسہ کی جانب سے دائر درخواست میں عدالت سے استدعا کی گئی کہ بانی پی ٹی آئی کو نجی اسپتال منتقل کیا جائے اور ان کا علاج ان کی مرضی کے مطابق کیا جائے۔ درخواست میں درخواست گزار نے عدالت سے کہا کہ منتقلی کے بعد ماہر امراض چشم سے ان کی آنکھ کا معائنہ کرایا جائے اور علاج ذاتی معالجین ڈاکٹر عاصم یوسف اور ڈاکٹر فیصل سلطان کی نگرانی میں، خاندان کی موجودگی میں ہو۔
‎درخواست میں بانی پی ٹی آئی کی میڈیکل رپورٹس کی فراہمی اور وکلاء کو ان تک رسائی دینے کی بھی استدعا کی گئی ہے۔

راولپنڈی مارگلہ اسلام آباد سے کراچی جانیوالی گرین لائن ایکسپریس کے خالی ریک کو حادثہ پیش آیا ہے

گرین لائن مارگلہ اسلام آباد سے پیسنجرلیکر واپس راولپنڈی اور پھر کراچی جاتی ہے ،ریلوے حکام کے مطابق حادثہ بیکری چوک کے قریب اسوقت پیش آیا جب یہ خالی ریک مارگلہ اسٹیشن جا رہا تھا, ٹریک کی خستہ حالی اور تیز رفتاری کے باعث انجن اورتین بوگیاں ٹریک سے زمین میں دھنس گئیں ،​گرین لائن حادثے کے بعد اپ لائن پر ٹریفک عارضی طور پر بند ہے،اپ ٹریک پر آنے والی ٹرینوں کو ڈاؤں لائن سے گذارا جائے گا،حادثے کی اطلاع پرڈی ایس ریلوے نور الدین داوڑ موقع پر پہنچ گئے،ریلوے امدادی کرین اور ہنگامی اسٹاف موقع پر پہنچ گیا امدادی کارروائیاں شروع کر دی گئیں،راولپنڈی سے گرین لائن روانگی میں گاڑی روانگی میں تاخیر کا امکان ہے،راولپنڈی سے کراچی کے لیئے گرین لائن 3 بجکر 40 منٹ پر روانہ ہوتی ہے

6 ڈاون گرین لائن ایکسپریس راولپنڈی میں پٹری سے اتر گئی
ریلوے انتظامیہ کی نااہلی: دعوے آسمان پر، حقیقت زمین پر!
ایک طرف وفاقی وزیرِ ریلوے روزانہ میڈیا پر آ کر ترقی، جدیدیت اور "سب ٹھیک ہے” کی لمبی چوڑی ڈینگیں مارتے تھکتے نہیں، اور دوسری طرف حقیقت یہ ہے کہ مسافروں کی زندگیوں کو داؤ پر لگا دیا گیا ہے۔
بھی کچھ دیر پہلے ہی گرین لائن ایکسپریس جیسی وی آئی پی ٹرین کے پٹری سے اترنے کی افسوسناک خبر سامنے آئی ہے۔ جس ٹرین کو محکمہ ریلوے کا فخر سمجھا جاتا ہے، اگر اس کا یہ حال ہے تو باقی ٹرینوں اور عام مسافر کا اللہ ہی حافظ ہے!
• کھوکھلے دعوے: میڈیا ٹاک میں ریلوے کو منافع بخش اور محفوظ بتایا جاتا ہے، مگر عملی طور پر ٹریکس کی حالت زار انتہائی مخدوش ہے۔
• انتظامی نااہلی: آئے روز کے حادثات ثابت کر رہے ہیں کہ محکمے کی ترجیحات عوامی تحفظ نہیں بلکہ صرف فوٹو سیشنز ہیں۔
• سفر یا موت کا کھیل؟ غریب اور متوسط طبقہ جو سستی سواری کی امید میں ریلوے کا رخ کرتا ہے، اب اسٹیشن جاتے ہوئے بھی ڈرتا ہے۔
وزیرِ موصوف سے سوال: کیا صرف ٹی وی پر بیٹھ کر لمبی چوڑی باتیں کرنے سے ریلوے چلے گی؟ گرین لائن جیسے حادثات پر آپ کی "کارکردگی” کہاں چھپی ہوئی ہے؟
اب وقت آ گیا ہے کہ لفاظی کے بجائے عملی اقدامات کیے جائیں، ورنہ یہ ڈینگیں کسی بڑے سانحے کا پیش خیمہ ثابت ہوں گی۔