Category: کراچی

کراچی میں رینجرز نے سی آئی اے پولیس جامشورو کے 6 اہلکاروں کو گرفتار کرکے ان سے منشیات برآمد کرلی۔

منشیات کہاں سے آئی تھی اور کہاں جا رہی تھی اندرونی کہانی سامنے آگئی۔ 5 روز پہلے سی آئی اے جامشورو نےمزدہ ٹرک کے اضافی ڈیزل ٹینک سے منشیات کی بھاری مقدار برآمد کی تھی۔ اس کارروائی میں منشیات کے دو اسمگلر گرفتار کیے گئے اور مقدمہ بھی درج ہوا۔

ذرائع کے مطابق پکڑے جانے والے اسمگلروں کے بعض ساتھیوں نے پولیس کو پکڑی گئی منشیات بیچنے کی پیشکش کی، سی آئی اے جامشورو نے کچھ منشیات فروخت کرنے پر رضامندی ضاہر کر دی، تو اسمگلروں نے 76 کلو منشیات کراچی پہنچانے کا کہا۔

جامشورو کی پولیس پارٹی اپنے ایک افسر کے ہمراہ منشیات پہنچانے کراچی آئی ، تو اسمگلرز نے منشیات سے بھری پولیس موبائل کو کلفٹن کی سیر کروائی، اسی دوران رینجرز وہاں پہنچ گئی اور پولیس اہلکار دھر لیئے گئے۔

پیپلز پارٹی کے رکن سندھ اسمبلی شرجیل میمن نے ملک سے باہر جانے کی اجازت کیلئےسندھ ہائیکورٹ سے رجوع کرلیا.

عدالت نے نیب پراسیکیوٹر کو نوٹس جاری کرتے ہوئے 10 اگست کو نیب سے جواب طلب کرلیا۔سندھ ہائیکورٹ نے شرجیل میمن کے وکیل کو درخواست کی کاپی نیب پراسیکیوٹر کو فراہم کرنے کی ہدایت کی۔

وکیل شرجیل میمن کا عدالت میں دائر دارخواست میں کہنا ہے کہ صاحبزادی کا امریکا کی یونیورسٹی میں داخلہ ہوگیا ہے، باپ کی حیثیت سے بیٹی کو یونیورسٹی کے پہلے دن چھوڑنے کی خواہش ہے۔

شرجیل میمن کا درخواست میں کہنا ہے کہ ملک سے باہر جانے کی اجازت کیلئے شرائط تسلیم کرنے کیلئے تیار ہوں، 15 اگست کو ایک بار ملک سے باہر جانے کی اجازت دی جائے۔

واضح رہے کہ شرجیل میمن کے خلاف آمدن سے اثاثے بنانے، غیر قانونی بھرتیوں سے متعلق ریفرنس دائرہیں، انہوں نے سندھ ہائیکورٹ اور اسلام آباد ہائیکورٹ سے ضمانتیں حاصل کر رکھی ہیں جبکہ شرجیل میمن کے خلاف جعلی اکاؤنٹس کی انکوائری بھی جاری ہے۔

قومی احتساب بیورو(نیب) نے پاکستان مسلم لیگ (ن)سندھ کے سیکرٹری جنرل اور سابق وزیر خزانہ ڈاکٹر مفتاح اسماعیل احمد کے خلاف مشکوک ٹرانزیکشنز کا نیا کیس کھول دیا۔
مفتاح اسماعیل کے اکائونٹ میں چار ارب روپے کی مشکوک ٹرانز ایکشن پر انکوائری شروع کردی گئی ۔ نیب ذرائع نے نجی ٹی وی کو بتایا کہ مفتاح اسماعیل کی وزارت کے دوران چار ارب روپے کی آمدنی ہوئی۔ نیب کو مفتاح اسماعیل کے خلاف شکایت موصول ہوئی تھی جس پر انکوائری کا آغاز کیا گیا تو ان کے اکائونٹ میں چار ارب روپے کی مشکوک ٹرانزیکشن کی رپورٹ ہوئی۔ نیب نے مفتاح اسماعیل کے خلاف باقاعدہ انکوائری کی منظوری دے دی ہےاور مفتاح اسماعیل کوسوالنامہ بھجوایا جائے گا۔اسٹیٹ بینک آف پاکستان کی جانب سے چار ارب روپے کی مشکوک ٹرانزایکشن کے حوالہ سے رپورٹ نیب کو بھجوائی گئی تھی۔

پاکستان میڈیکل ایسوسی ایشن کے سیکریٹری ڈاکٹر قیصر سجاد نے متنبہ کرتے ہوئے کہا ہے کہ کراچی میں بھارتی کرونا وائرس تیزی سے پھیل رہا ہے، شہر والوں کو خدا کا واسطہ ہے کہ ایس او پیز پر عمل کریں۔

تفصیلات کے مطابق پاکستان میڈیکل ایسوسی ایشن کے سیکریٹری ڈاکٹر قیصر سجاد کا کہنا ہے کہ کراچی میں بھارتی کرونا وائرس تیزی سے پھیل رہا ہے، کراچی کے بعد لاہور میں بھی کیسز رپورٹ ہو رہے ہیں۔

ڈاکٹر قیصر سجاد کا کہنا ہے کہ شہر والوں کو خدا کا واسطہ ہے کہ ایس او پیز پر عمل کریں، دوران عید اور منڈی جاتے ہوئے ماسک کا استعمال لازمی کریں۔

عید کے بعد جب لوگ گھر واپس جائیں گے تو وائرس پھیل سکتا ہے۔انہوں نے کہا کہ لوگ عید گھروں پر منائیں اور گھر پر بھی ہجوم جمع کرنے سے گریز کریں۔

ڈاکٹر قیصر کا کہنا تھا کہ بہت افسوس سے کہنا پڑ رہا ہے کہ ہم خطرناک صورتحال میں آچکے ہیں، لوگ چھٹیوں کے بعد کراچی سے گھروں کو جائیں گے تو وائرس پھیل سکتا ہے۔

انہوں نے مزید کہا کہ اپنی عید اچھی منانے کے لیے ایس او پیز پر لازمی عمل کریں۔

اسٹیل ٹاؤن پولیس کی بڑی کارروائی، تحریک طالبان پاکستان سجناں گروپ کے دو دہشتگرد گرفتار۔

دونوں ملزمان نے 2013 میں ٹی ٹی پی سجناں گروپ میں شمولیت اختیار کی۔دونوں دہشتگرد افغانستان سے تربیت یافتہ ہیں۔ پولیس نے دہشت گردوں کے قبضے سے شارٹ مشین گن، دستی بم، ایمونیشن اور دیگر سامان تحویل میں لے لیا۔

گرفتار دہشتگرد کراچی کے علاقے منگھوپیر سےٹی ٹی پی کے نام پر بھتہ لیکر سجناں گروپ کے کمانڈر فخرالدین عرف ملنگ کے حوالے کرنے کا انکشاف کیا۔

گرفتار دہشتگرد سیف اللہ عرف محسن عرف صدام حسین نے 2013 میں نادرن بائی پاس پر نیٹو کا سامان لیکر جانے والے کنٹینر کو خراب ہونے پر سکیورٹی خدشات کی بناء پر تھانہ منگھوپیر میں لے جایا گیا جہاں ملزم سیف اللہ عرف محسن عرف صدام حسین نے ساتھیوں کیساتھ ملکر کنٹینر کو آگ لگانے کا اعتراف کیا۔

واردات کے بعد ملزم کراچی سے فرار ہو کر شوال کے علاقے میں چلا گیا تھا جہاں ساتھیوں کیساتھ ملکر پاکستان آرمی کے جوانوں پر مختلف اوقات میں حملہ کرنے کا بھی انکشاف کیا۔

گرفتار ملزمان ویسٹ کے علاقے منگھوپیر میں نوجوانوں کو ٹی ٹی پی میں شامل ہونے کیلئے ذہن سازی کرنے کا بھی انکشاف کیا۔گرفتار ملزمان کراچی میں بھتہ خوری سمیت ڈکیتیوں کی درجوں واداتوں میں ملوث تھے۔دونوں دہشتگردوں کیخلاف ضابطے کی کارروائی کی جا رہی ہے۔

گرفتار ملزمان میں سیف اللہ عرف محسن عرف صدام حسین اور حضرت بلال عرف بلال شامل ہیں۔ملزمان سے پوچھ گچھ جاری، مزید انکشافات اور گرفتاریاں متوقع ہیں۔

صوبہ سندھ کے دارالحکومت کراچی میں پولیس نے کالعدم تحریک طالبان پاکستان سجناں گروپ کے 2 دہشت گرد گرفتار کر لیے.

افغانستان سے تربیت یافتہ دہشت گردوں نے سنہ 2013 میں نیٹو کنیٹنر کو آگ لگائی جبکہ سیکیورٹی فورسز پر بھی حملے کیے۔

تفصیلات کے مطابق کراچی کے علاقے اسٹیل ٹاؤن پولیس نے کالعدم تحریک طالبان پاکستان سجناں گروپ کے 2 دہشت گرد گرفتار کر لیے۔

گرفتار ملزمان میں سیف اللہ عرف محسن عرف صدام اور حضرت بلال عرف بلال شامل ہیں۔

پولیس کا کہنا ہے کہ دونوں ملزمان نے سنہ 2013 میں ٹی ٹی پی سجناں گروپ میں شمولیت اختیار کی، دونوں دہشت گرد افغانستان سے تربیت یافتہ ہیں، ملزمان سے شارٹ مشین گن، دستی بم، ایمونیشن اور دیگر سامان برآمد ہوا۔

پولیس کے مطابق ملزمان نے منگھو پیر سے بھتہ لے کر کمانڈر فخرالدین عرف ملنگ کے حوالے کرنے کا اعتراف کیا ہے.

گرفتار دہشت گرد سیف اللہ نے سنہ 2013 میں نیٹو کنیٹنر کو بھی آگ لگانے کا اعتراف کیا ہے، واردات کے بعد سیف اللہ شوال کے علاقے میں چلا گیا تھا۔

پولیس کا مزید کہنا ہے کہ ملزم نے ساتھیوں کے ساتھ سیکیورٹی فورسز پر بھی حملے کیے، گرفتارملزمان بھتہ خوری سمیت ڈکیتی کی وارداتوں میں بھی ملوث ہیں۔

‏عیدالاضحیٰ کی آمد سے قبل کراچی کے مختلف علاقے پانی کی فراہمی سے محروم ہیں۔

صدر پی ٹی آئی کراچی خرم شیر زمان نے اپنے بیان میں کہا پانی کی عدم فراہمی نے شہریوں کو نو نوآنسورلا دیا ہے۔

سندھ حکومت نے بلدیاتی اداروں میں ایک سے بڑھ کر ایک کام چور بیٹھایا ہواہے.‏پی پی پورے صوبے میں وفاقی وزیروں کے پتلے نذر آتش کررہی ہے۔

پی پی اپنے نالائق وزیروں کی کارکردگی پر بھی احتجاج اور پتلے جلائے۔سندھ حکومت کی غفلت سے ٹینکر مافیا پریشان شہریوں کی مجبوری سے فائدہ اُٹھا رہاہے.

‏بے لگام ٹینکر مافیا شہریوں سےمنہ مانگے دام وصول کررہا ہے، شہری سنت ابراہیمی ادا کرنے سے پہلے پانی کے حوالے سے شدید اذیت سے دوچار ہیں۔

کشمیر میں دن رات بھٹو کےقصیدے پڑھنے والے پلٹ کر اپنے صوبے کی طرف دیکھیں.‏پانی کے سنگین بحران کی وجہ سے مساجد میں اعلانات ہورہے ہیں کہ عوام گھروں سے ہی وضو بنا کر آئیں۔

پی پی نے عوام کو بھٹو کے نام پر ٹرک کی بتی کے پیچھے لگایا ہوا ہے۔کراچی کے عوام کا کوئی پرسان حال نہیں ہے.

‏سندھ حکومت کراچی کے عوام کو سڑکوں پر نکلنےاور احتجاج کیلئے اکسا رہی ہے،نظام کی بہتری پی پی کی ترجیحات میں شامل نہیں ہے.