Category: کراچی

‏قائد حزب اختلاف سندھ حلیم عادل شیخ کا وڈیو بیان.

حلیم عادل شیخ نے بیان میں کہا ایک وقت تھا جب کراچی میں بارشیں آتی تھیں عوام خوشیاں مناتی تھی۔

سندھ حکومت کی نااہلی کی وجہ سے آج
عوام پریشان ہوجاتی ہے۔ کراچی کے کئی علاقے نالوں کے الٹنے سے ڈوب جاتے ہیں.

‏کراچی کے نالوں کو ٹھیک کرنا سندھ حکومت کی زمہ داری تھی۔3 سالوں تک سندھ حکومت نے کراچی کی عوام کے لئے کچھ نہیں کیا۔

لیکن گزشتہ برس وزیر اعظم نے این ڈٰی ایم اے کی ذمہ داری لگائی۔کراچی ٹرانسمشن پلان کے تحت وفاقی حکومت کے ذمہ گجر نالہ، محمود آباد نالہ کورنگی نالے آئے.

‏سندھ حکومت نے کراچی کے 41 نالے صاف کرنے کا زمہ لیا تھا 500 سے زائد نالے ڈٰی ایم سی کے سندھ حکومت نے صاف کرانے تھے۔

این ڈٰی ایم اے کے زمے جو نالے آئے ان کا کام مکمل ہوچکا ہے ۔نالوں کی انکروچنٹ متاثرین کو دو سال کا کرایا وفاق نے ادا کیا.

ترجمان سول ایوی ایشن اتھارٹی (سی اے اے) کا کہنا ہے کہ شہر میں جاری ہلکی اور تیز بارش کے باوجود کراچی ایئرپورٹ پر فلائٹ آپریشن معمول کے مطابق جاری ہے.

جبکہ تمام ایوی ایشن کمپنیز کو کھڑے طیاروں کو باندھنے کا کہا گیا ہے۔سی اے اے ترجمان نے بتایا کہ کراچی ایئرپورٹ کے اطراف بارش معتدل ہے اس میں پروازوں کو کوئی دشواری نہیں ہے۔

کراچی میں سب سے زیادہ بارش کہاں ہوئی؟
ان کا کہنا ہے کہ کراچی ایئرپورٹ پر کھڑے چھوٹے طیاروں کو حادثے سے محفوظ رکھنے کیلئے باندھا گیا ہے.

جبکہ بارش کےباعث تمام ایوی ایشن کمپنیز کو کھڑے طیاروں کو باندھنے کا کہا گیا ہے۔ترجمان سی اے اے نے مزید بتایا کہ طوفانی بارش میں تیزہوائوں سے کھڑے طیاروں کے آپس میں ٹکرانے کا خدشہ ہوتا ہے،اس لیے پیشگی حفاظتی اقدامات کیے گئے ہیں۔

واضح رہے کہ محکمہ موسمیات کے مطابق کراچی میں مون سون کی پہلی ہلکی اور تیز بارش کا سلسلہ وقفے وقفے سے 2 گھنٹے تک جاری رہ سکتا ہے۔

شہر قائد میں بارش کے باعث 600 فیڈرز ٹرپ ہونے سے مختلف علاقوں کو بجلی کی فراہمی معطل ہوگئی۔

تفصیلات کے مبانق کراچی کے مختلف علاقوں میں ہلکی اور تیزبارش کاسلسلہ جاری ہے، جس کے سبب بجلی کے 600 سے زائد فیڈرز ٹرپ کرگئے۔

فیڈرزٹرپ کرنے سے مختلف علاقوں میں بجلی کی فراہمی معطل ہوگئی، متاثرہ علاقوں میں نارتھ کراچی، شادمان، ملیر ، سر جانی ، گڈاپ، کاٹھور ، گلشن معمار،گلشن ، اقبال، لانڈھی ،کورنگی،سعودآباد،پاپوش ، کلفٹن،لیاقت آباد،ناظم آباد ، سائٹ،نارتھ ناظم آباد،ایف بی ایریا،کیماڑی ،بلدیہ شامل ہیں۔

دوسری جانب ترجمان کےالیکٹرک کا کہنا ہے کہ شہرمیں بجلی کی فراہمی برقرار ہے، بلدیہ ،سرجانی،کلفٹن اورڈی ایچ اے کے کچھ حصےمتاثرہیں جبکہ گڈاپ سب سے زیادہ متاثر ہوا ہے۔

ترجمان کا کہنا تھا کہ لگ بھگ 500 فیڈرزکی فراہمی متاثر ہے اور 1400فیڈرز آپریشنل ہیں ، بجلی کی بحالی کیلئے ٹیموں کو متحرک کردیاگیاہے اور دھابیجی میں بجلی کی فراہمی کو ترجیحی بنیاد پر بحال کیا گیا ہے۔

شہر قائد میں نگلیریا وائرس سے 8 سالہ بچے کی موت ہوئی ہے۔

کراچی میں نگلیریا وائرس سے ایک اور موت کی تصدیق ہوئی، شہر قائد کے علاقے شادمان ٹاؤن سے تعلق رکھنے والے 8 سالہ ذوہیب کا 3 روز قبل انتقال ہوا۔

ڈاکٹرز کے مطابق متوفی کو شدید بخارکی حالت میں اسپتال منتقل کیا گیا، جہاں وہ ایک روز زیر علاج رہا اور پھر جمعے کو انتقال کرگیا۔

میڈیکل رپورٹ میں یہ بات سامنے آئی کہ زوہیب نگلیریا سے متاثر ہوا اور اس کی موت بھی اسی وجہ سے ہوئی۔

حالیہ موت کے بعد کراچی میں نگلیریا سے مرنے والے افراد کی تعداد چار تک پہنچ گئی۔

نگلیریا وائرس کیا ہے؟

نگلیریا ایک ایسا امیبا ہے، جو اگر ناک کے ذریعے جسم میں داخل ہوجائے تو دماغ کو پوری طرح چاٹ جاتا ہے، جس سے انسان کی موت واقع ہوجاتی ہے، یہ عموماً گرم پانی میں تیزی سے پرورش پاتا ہے۔

یہ وائرس عموماً سوئمنگ پولز، تالاب سمیت ٹینکوں میں موجود ایسے پانی میں پیدا ہوتا ہے، جس میں کلورین کی مقدار کم ہوتی ہے، شدید گرمی بھی نگلیریا کی افزائش کا سبب بنتی ہے۔

طبی ماہرین ’نگلیریا‘ کو خاموش قاتل قرار دیتے ہیں کیونکہ اس نے اب تک دنیا میں ہزاروں افراد کو ابدی نیند سلادیا ہے، اس موذی بیماری کا ماہرین ابھی تک کوئی علاج دریافت نہیں کرسکے۔

علامات

یہ ایک خطرناک وائرس ہے، جو ناک کے ذریعے دماغ میں داخل ہوجاتا ہے اور دماغ متاثر کرنا شروع کردیتا ہے، اس کی علاماتیں سات دن میں ظاہر ہوتی ہے، جو گردن توڑ بخار سے ملتی جلتی ہیں، سرمیں تیز درد ہونا، الٹیاں یا متلی آنا ، گردن اکڑ جانا اور جسم میں جھٹکے لگنا اس کی واضح علامات ہیں۔

بچاؤ کیسے ممکن

ماہرین طب کا کہنا ہے کہ گھروں میں موجود ٹینکوں اور پانی کی ٹنکیوں کو سال میں کم سے کم دو بار صاف کیا جائے، کلورین کی گولیوں کا استعمال کیا جائے، پینے اور وضو کیلئے پانی کو 100 ڈگری سینٹی گریڈ پر ابالنا نگلیریا کے خاتمے کا باعث بنتا ہے۔

ماہرین صحت کا کہنا ہے کہ اس سے بچاو کا واحد حل یہ ہے کہ طے شدہ بین الاقوامی معیار کے مطابق پانی میں کلورین کا استعمال کیا جائے تو نگلیریا وائرس کو پیدا ہو نے سے روکا جاسکتا ہے.

قومی (پی آئی اے) اور نجی ایئرلائنز نے پرازوں کے کرایوں میں اضافہ کردیا ہے۔

ذرایع کے مطابق پی آئی اے اور نجی ایئرلائنزز کے ٹکٹوں کی قیمتیں بڑھ گئیں۔ کراچی سے اسلام آباد اور لاہور کا کرایہ7 ہزار روپے سے زائد تھا تاہم اب اندرون ملک فضائی کرایوں میں 114فیصد تک اضافہ کردیا گیا۔

کراچی سے لاہور کا یک طرفہ کرایہ 13ہزارروپے تک پہنچ گیا۔

اس حوالے سے ذرایع نے یہ بھی کہا ہے کہ کراچی لاہور اور اسلام آباد کراچی رٹرن ٹکٹ پر25ہزار سے زائد وصول کیے جارہے ہیں۔

دوسری جانب قومی ایئرلائن نے بیرون ملک پھنسے پاکستانیوں کو وطن واپس لانے کے لیے آپریشن کا اعلان کردیا ہے، سی ای او ارشد ملک کی ہدایت پر ہم وطنوں کو عید سے قبل وطن لایا جائے گا۔

اطلاعات کے مطابق پی آئی اے کابل کیلئےبارہ اور سولہ جولائی کو خصوصی پروازیں آپریٹ کررہی ہے، جس کا مقصد وہاں پھنسے پاکستانیوں کو محفوظ وطن واپسی ہے، اس ضمن میں پی آئی اے کابل میں پھنسے ہم وطنوں کو لانےکیلئے بوئنگ777طیارے استعمال کرےگی۔

کراچی میں رینجرز نے اسٹریٹ کرائم کی ڈھائی ہزار وارداتوں میں ملوث ملزم کو پکڑ لیا۔

رینجرز حکام کے مطابق کورنگی ڈھائی نمبر میں رینجرز اور پولیس نے مشترکہ کارروائی کرتے ہوئے ‏ڈکیت سیدحسن کو گرفتار کیا ہے جس نے دوران تفتیش ڈھائی ہزار وارداتیں کرنے کا اعتراف کیا ‏ہے۔

رینجرزحکام کا کہنا ہے کہ ملزم نے وارداتوں کے دوران شہریوں کوفائرنگ کر کے زخمی کرنے کا ‏بھی اعتراف کیا ہے، ملزم نے 2018 میں چھینے گئے زیورات کی تقسیم پر اپنے ہی ساتھی کو قتل ‏بھی کیا۔

رینجرزحکام کے مطابق گرفتار ملزم 2012 سے سے ڈکیتی اور چوری کی وارداتیں کر رہا تھا جب کہ ‏ملزم کئی بار جیل بھی جا چکا ہے لیکن باہرنکلتےہی وارداتیں شروع کردیتا۔

حکام نے بتایا کہ ملزم گرفتاری سے بچنے کے لیےہر بار نیا ڈکیت گروہ بناتا اور گھر تبدیل کر لیا ‏کرتا تھا

سیکیورٹی اداروں نے کراچی میں منشیات فروشوں کے خلاف گرینڈ آپریشن کا فیصلہ کیا ہے، شہر بھر میں قائم اڈوں کی نشاندہی کرلی گئی، شہر میں 250 کے قریب اڈے موجود ہیں جن میں سب سے زیادہ ضلع غربی میں 137 اڈے ہیں۔

کراچی میں منشیات نہ صرف مخصوص جگہوں پر فروخت کی جاتی ہے بلکہ ڈرگ سپلائی میں کوریئر سروسز اور حتیٰ کہ ہوم ڈلیوری تک کی سہولتیں فراہم ہیں اور مختلف گینگ میں خواتین بھی شامل ہیں۔

پولیس، رینجرز اور قانون نافذ کرنے والے دیگر اداروں کی جانب سے اب بڑے جرائم ٹارگٹ کلنگ، بم دھماکوں اور اغوا برائے تاوان کے بعد اب منشیات فروشوں کے خلاف کارروائی کا فیصلہ کیا گیا ہے اور اس حوالے سے شہر بھر میں قائم چھوٹے و بڑے اڈوں کی نشاندہی کرلی گئی ساتھ ہی اڈوں کی سرپرستی کرنے والوں کے خلاف بھی گھیرا تنگ کیا جارہا ہے۔

کراچی کے ضلع جنوبی میں منشیات فروشی کے 6 بڑے اڈے ہیں جبکہ 36 چھوٹے اڈے قائم ہیں، ضلع شرقی میں 6 بڑے اڈے ہیں جبکہ 45 چھوٹے اڈے موجود ہیں، شہر بھر میں سب سے زیادہ منشیات فروشی کے اڈے ضلع غربی میں قائم ہیں جہاں 4 بڑے اڈے جبکہ 137 چھوٹے اڈے قائم ہیں۔ چنیسر گوٹھ ، قائد آباد، ملیر سٹی، منگھوپیر اور حب کے قریبی علاقوں میں زیادہ بڑی تعداد میں اڈے قائم ہیں۔

ذرائع نے بتایا کہ ان اڈوں پر سپلائی دینے والے گروپس کی بھی نشاندہی کرلی گئی ہے اور جلد ہی ان کی سرپرستی کرنے والوں کو بھی پابند سلاسل کیا جائے گا۔

ان اڈوں پر ملنے والی منشیات کو بھی تین کیٹگری میں تقسیم کیا گیا ہے جس میں پہلی کیٹگری سینتھیٹک ہے جس میں کوکین اور آئس کو رکھا گیا ہے جبکہ دوسری قسم آرگینک ہے جس میں چرس، گردا اور اسی قسم کی دیگر منشیات شامل ہیں، تیسری قسم وائن میں تمام اقسام کی شراب شامل ہے۔ گزشہ تین ماہ کے دوران مختلف کارروائیوں کے دوران صرف چرس کی برآمدگی 600 کلو گرام ہے جب کہ دیگر اقسام کا نشہ علیحدہ ہے۔

منشیات کی سپلائی میں خواتین کو بھی استعمال کیا جاتا ہے تاکہ وہ قانون نافذ کرنے والے اداروں کی نظر میں نہ آسکیں اور شہر سے باہر سے آنے والی گاڑیوں میں خصوصاً اسی طرح سے سپلائی کی جاتی ہے کہ جس سے یہ تاثر ملتا ہے کہ شاید کوئی فیملی سفر کررہی ہے جبکہ درحقیقت وہ منشیات کی سپلائی کی جارہی ہوتی ہے۔

علاوہ ازیں مختلف کوریئر کمپنیوں کے ذریعے پارسل بک کرائے جاتے ہیں جن میں منشیات ہوتی ہے تاہم کوریئر کمپنیاں لاعلمی میں ان کا حصہ بن جاتی ہیں۔ تیسرا طریقہ انتہائی ماڈرن ہے اس میں اب منشیات کی ہوم ڈلیوری بھی کی جارہی ہے اور منشیات استعمال کرنے والوں کو ان کی پسند کا نشہ ان کے گھر کی دہلیز پر مل جاتا ہے۔

ذرائع کا کہنا ہے کہ ان تمام منشیات فروشی کے اڈوں اور سپلائی کرنے والے گروپس کی نشاندہی کرلی گئی ہے اور جلد ہی ان کے خلاف ایک بڑی کارروائی کا آغاز کیا جائے گا۔