Category: کراچی

کراچی ٹریفک پولیس کی تاریخ میں پہلی بار خواتین اہلکاروں کو سڑکوںپر تعینات کردیا گیا تاہم انہیں ابھی چالان کا اختیار نہیں دیا گیا ہے۔

ٹریفک پولیس حکام کے مطابق ابتدائی طور پر خواتین اہلکار شارع فیصل اور کلفٹن میں تعینات کی گئی ہیں، شارع فیصل پر تعینات خواتین اہلکار موٹر سائیکل سوار ہیں۔

پولیس حکام کا کہنا ہے کہ ابتدائی طور پر خواتین اہلکاروں کا کام آگاہی دینا اور ٹریفک پر نظر رکھنا ہے، یہ خواتین اہلکار زیادہ تر موٹرسائیکل سوار افراد کی آگاہی کے لیے تعینات کی گئی ہیں۔

ٹریفک پولیس حکام نے بتایا کہ خواتین ٹریفک پولیس اہلکاروں کی ذمےداری میٹروپول چوک سے ایئرپورٹ تک ہے، انہیں ابھی چالان کا اختیار نہیں دیا گیا ہے۔

سرجانی ٹاؤن میں پولیس اور ڈاکوؤں کے درمیان مقابلہ،ایک ڈاکو ہلاک،باقی فرار

ایس ایس پی ویسٹ کی رپورٹ کے مطابق ملزمان ڈکیتی کی واردات کے بعد کمپنی گارڈ سے رائیفل چھین کر فرار ہوئے۔جس پر ایس ایچ او سرجانی کی ٹیم نے اطلاع ملتے ہی ملزمان کا تعاقب کیا اور ملزمان کو گرفتار کرنے کی کوشش کی۔

ملزمان نے پولیس کو دیکھتے ہی پولیس پارٹی پر فائرنگ کرتے ہوئے فرار ہونے کی کوشش کی اور ایک ملزم نے قریبی گھر میں داخل ہو کر خاتون خانہ کو یرغمال بنا کر فرار ہونے کی کوشش کی۔

پولیس نے خاتون کو محفوظ رکھتے ہوئے کاروائی کی جس میں گھر میں موجود ڈکیت ہلاک ہو گیا، جس کی شناخت بشیر خان کے نام سے ہوئی۔

ملزم سے پولیس پر فائرنگ میں استعمال ہونے والا پسٹل سمیت گارڈ سے چھینی گئی رائیفل بھی برآمد کی گئی۔پولیس کی جانب سے ضابطہ کی کاروائی عمل میں لائی جارہی ہیں۔

ہلاک ملزم کو چھیپا ایمبولینس کے ذریعے عباسی شہید اسپتال منتقل کردیا گیا۔ہلاک ملزم کے ساتھیوں کی گرفتاری کو یقینی بنانے کے لئے قانونی کاروائی جاری ہے۔

کراچی میں نگلیریا سے تین روز میں بچے سمیت تین افراد ہلاک ہوگئے۔

کراچی میں آج بھی نگليريا سے ايک شخص جاں بحق ہوگیا۔ محکمہ صحت کے ذرائع کے مطابق جاں بحق ہونےوالے کی شناخت 18 سال کے رانا شکيل کے نام سے ہوئی ہے جو ڈالمیا کا رہائشی ہے۔

جاں بحق نوجوان دوستوں کے ساتھ مليرکےفارم پر نہانے گیا تھا۔ کراچی ميں تین روز میں 8 سال کا زوہیب فہد ، 30 سالہ ڈاکٹر ماجد چانڈیو اور 18 سال کا راناشکيل نگليرياسے زندگی کی بازی ہار گئے ہیں۔

رواں سال مجموعی طور پر نگلیریا سے اموات کی تعداد 5 ہوگئی ہے۔ دوسری جانب محکمہ صحت خاموش تماشائی بنا ہوا ہے اورصوبائی سطح پر بنائی گئی انسداد نگلیریا کمیٹی بھی غیر فعال ہے۔

ٹال پلازہ پر انٹیلی جنس بیس چھاپہ مارتے ہوئے رکشہ اور ٹرک سے کروڑوں روپے کی منشیات برآمد کرلی۔

تفصیلات کے مطابق کراچی میں اسٹیل ٹاون پولیس نے لنک روڈ اولڈ ٹال پلازہ پر انٹیلی جنس بیس پر چھاپہ مارکر انتہائی مطلوب منشیات فروش حاجی نعمت کا مال پکڑ لیا۔

پولیس نے رکشے اور ٹرک سے کروڑوں مالیت منشیات کی اسمگلنگ ناکام بناتے ہوئے اندرون سندھ سے کراچی منشیات لانے والے 5 ملزمان گرفتار کرلئے، گرفتار ملزمان میں خاتون بھی شامل ہیں جبکہ ملزمان کے قبضے سے 2 کروڑ سے زائد کی منشیات برآمدکی گئی۔

ایس ایس پی ملیرعرفان بہادر کا کہنا تھا کہ ملزمان رکشے اور ٹرک میں مال چھپا کر لا رہے تھے، ٹرک اور رکشہ میں بھاری مقدار میں منیشات چھپائی گئی تھی، برآمد منشیات میں 24 کلو 495 گرام چرس، 3 کلو 775 گرام آئس،تین کلو 195 گرام ہیروئن اور 1 کلو 40 گرام کرسٹل شامل ہیں۔

ایس ایس پی ملیر کے مطابق منشیات کراچی کے مختلف علاقوں میں سپلائی کی جانی تھی،ملزمان میں حمیداللہ، فاروق، اختر، بشیر اور شیریں بی بی شامل ہیں، گرفتار ملزمان نے دوران تفتیش ایک اور بڑے منشیات ریکٹ کا بتایا تاہم ملزمان سے مذید تفتیش کی جارہی ہے۔

صوبہ سندھ کے دارالحکومت کراچی میں مختلف وارداتوں اور منشیات فروشی میں ملوث 2 افغان ڈکیت گرفتار کرلیے گئے۔

تفصیلات کے مطابق کراچی کے علاقے سائٹ میٹروول میں رینجرز اور پولیس نے مشترکہ کارروائی کی۔

ترجمان رینجرز کا کہنا ہے کہ کارروائی میں انتہائی مطلوب خیالو ڈکیت گروپ کے 2 کارندے گرفتار کرلیے گئے۔ گرفتار ملزم خلیل احمد اور حیات اللہ کا تعلق افغانستان سے ہے۔

ترجمان کے مطابق ملزمان سے اسلحہ، ایمونیشن اور منشیات برآمد کیے گئے ہیں۔ ملزمان نے مختلف علاقوں میں وارداتوں اور منشیات فروشی کا اعتراف کیا ہے۔

ملزمان نے 5 جون کو میٹروول میں موبائل شاپ پر واردات کی تھی، ملزمان کو سی سی ٹی وی فوٹیج میں ڈکیتی کرتے دیکھا جا سکتا ہے۔

انویسٹیگیشن ونگ ایسٹ پولیس نے محنت اور کاوشوں سے اندھے قتل کا معمہ حل کرلیا ۔

مورخہ 2 جولائی کو سپر ہائی وے مویشی منڈی کی کار پارکنگ سے کار کے اندر سے ایک لاش برآمد ہوئی جس کی شناخت اویس نامی سے ہوئی جو کہ بغدادی کا رہائشی تھا جو کہ صدر سے سونا لے کر نکلا تھا اور اس کے بعد سے وہ لاپتہ تھا جس کی لاش تھانہ سچل کی حدود میں کار میں پائی گئی لاش پر بظایر کوئی گولی یا چوٹ کا نشان نہیں تھا۔
جس پر ایس ایس پی صاحب انویسٹیگیشن ون ایسٹ کی ہدایت و زیر نگرانی ایس آئ او تھانہ سچل اور ان کی ٹیم نے مختلف زاویوں سے تفتیش کا آغاز کیا تو پتہ چلا کہ متوفی اویس مرنے سے ایک روز قبل لی مارکیٹ کے صرافہ بازار سے لاکھوں مالیت کی سونے کی چوڑیاں کڑے بالیاں اور دیگر سونے کے اشیاء لے کر نکلا تھا جس پر تفتیش کو تکنیکی بنیادوں پر سرانجام دیتے ہوئے تین بھائیوں عبد الرشید ۔محبوب اور زین العابدین کو حراست میں لیا گیا تو دوران انٹیرو گیشن ملزمان نے انکشاف کیا کہ متوفی سے ہماری دوستی تھی اور جب وہ سونا لینے کے لیے صدر آیا تھا تو تو اس بات کا ہم کو پہلے ہی علم تھا جس پر ہم لالچ میں آ گئے اور سونا حاصل کرنے کے لئے ایک منصوبہ بنایا مورخہ 2 جولائی کی رات ملزم متوفی کے ہمراہ مویشی منڈی سپر ہائی وے پہنچے کار پارکنگ میں ملزم زین العابدین نے متوفی اویس کو دھوکے سے شراب پلانے کے بہانے گلاس میں زہر ڈال دیا جس سے متوفی کی ہلاکت ہوگئی اور یہ سونا لے کر وہاں سے بس میں بیٹھ کر فرار ہو گیا۔ تینوں ملزمان بھائیوں نے پلاننگ کے تحت کچھ سونا پھگلا دیا نے اور کچھ سونا ملزم سنار عبدالعزیز کو فروخت کردیا۔گرفتار ملزمان کی نشاندہی پر سنار ملزم کو بھی حراست میں لیا گیا اور اس کی نشاندھی پر چوری شدہ سونا بھی برآمد کیا۔

تفتیشی ٹیم تھانہ سچل کی انتھک محنت اور لگن سے یہ اندھے قتل کا معمہ حل ہوا ۔جس پر جناب ایس ایس پی صاحب انویسٹی گیشن ون ایسٹ نے ایس آئی او سچل فیض الحسن اور ان کی ٹیم کو بہترین کارکردگی پر شاباش دی اور تعریفی اسناد سے نوازا۔

قومی احتساب بیورو کراچی چیپٹر نے سابق وزیر خزانہ عبدالحفیظ شیخ ، سابق چیئرمین ایف بی آر عبد اللہ یوسف اور دیگر کے خلاف اختیارات کے مبینہ غلط استعمال سے متعلق کیس میں ریفرنس دائر کرنے کی سفارش کردی۔

تفصیلات کے مطابق کراچی میں ڈی جی نیب نجف قلی مرزا کی زیرصدارت ریجنل بورڈ کا اجلاس ہوا ،جس میں مختلف شکایات، انکوائریز اور تفتیش پر تبادلہ خیال کیا گیا اور ریجنل بورڈ کی 2 ریفرنسز اور2شکایات انکوائریز میں تبدیل کرنے کی سفارش کی۔

ترجمان نیب کا کہنا ہے کہ منظور شدہ مقدمات میں قومی خزانے کوکروڑوں کا نقصان پہنچایاگیا ، ایل یو، بورڈ آف ریوینیو سمیت دیگر کے خلاف ریفرنس کی شکایت کی گئی۔

ترجمان کے مطابق ملزم غلام مصطفی پھل،سابق ممبر ایل یو اختیارات کے ناجائز استعمال میں ملوث ہیں جبکہ ڈی سی آصف میمن ،ای ڈی اواور دیگر بھی ملوث نکلے، ملزمان نے قیمتی سرکاری زمین کی کوڑیوں کے نرخ غیر قانونی الاٹمنٹ کی۔

نیب کے ترجمان نے بتایا کہ بورڈآف ریونیوافسران و عہدیداران اور دیگر کے خلاف ریفرنس کی سفارش کردی ہے ، ملزمان میں سابق وزیرخزانہ عبدالحفیظ شیخ، سابق چیئرمین ایف بی آر عبداللہ یوسف شامل ہیں۔

ترجمان کا کہنا تھا کہ سابق چئیرمین ایف بی آر سلمان صدیق اور دیگر بھی اختیارات کے ناجائز استعمال میں ملوث ہیں، ملزمان نے سرکاری خزانے کو 11 اعشاریہ 125 ملین ڈالر کا نقصان پہنچایا۔

بورڈ نے ڈی سی غربی فیاض سولنگی کے خلاف انکوائری کی اجازت دے دی، ملزم فیاض سولنگی کرپشن اور بدعنوانی میں ملوث ہے۔

ترجمان نیب کے مطابق اجلاس میں بورڈ نے میگا کرپشن کیسز میں کامیاب تفتیش پر مشترکہ کمیٹیوں کو سراہا۔