Category: کراچی

وفاق المدارس العربیہ پاکستان کے صدر معروف عالم دین ڈاکڑ عبدالرزاق اسکندر انتقال کرگئے، ڈاکڑ عبدالرزاق اسکندر عالمی مجلس تحفظ ختم نبوت کے مرکزی امیر بھی تھے۔ تفصیلات کے مطابق ڈاکڑ عبدالرزاق اسکندر طویل عرصے سے علیل تھے جب کہ ان دنوں کورونا وائرس کے باعث کراچی کے ایک ہسپتال میں زیر علاج تھے ، جہاں وہ جانبر نہ ہوسکے اور خالق حقیقی سے جاملے۔
بتایا گیا ہے کہ مولانا ڈاکٹر عبدالرزاق اسکندر 1935ء میں ضلع ایبٹ آباد کے گاؤں کاکول کے ایک دینی گھرانے میں پیدا ہوئے ، وہ وفاق المدارس العربیہ پاکستان کے صدر ، مرکزی امیر عالمی مجلس تحفظ ختم نبوت پاکستان اور جامعہ العلوم الاسلامیہ بنوری ٹاؤن کراچی کے رئیس تھے۔ گورنر سندھ عمران اسماعیل نے وفاق المدارس العربیہ پاکستان کے صدر ڈاکڑ عبدالرزاق اسکندر انتقال پر گہرے دکھ اور صدمے کا اظہار کیا ، انہوں نے کہا ہے کہ جید عالم دین اور جامعتہُ العلوم السلامیہ بنوریہ ٹاؤن کے مہتم اعلی مولانا عبدالرزاق اسکندر کے انتقال پر ذاتی طور پر رنجیدہ اور مغموم ہوں، اللہ تعالیٰ مرحوم کی کامل مغفرت فرمائے اور دین کے لیے ان کی تمام خدمات کو قبول فرمائے، اللہ رب العزت پسماندگان کو صبر جمیل عطا فرمائے .
یاد رہے کہ وفاق المدارس العربیہ پاکستان ملک کے اکثر دیوبندی مکتب فکر کے دینی مدارس کی نمائندہ تنظیم ہے، اس کی بنیادی ذمہ داریوں میں دینی مدارس کی حفاظت، رجسٹریشن، ترقی ، نصاب سازی، امتحانات اور ڈگری سے منسلک معاملات ہیں، تنظیم کے سیکٹری جرنل قاری محمد حنیف جا لندھری ہیں ، اس ادارے کی ذمہ داریوں میں مدارس کی رجسڑیشن، نصاب سازی اور تعلیمی نگرانی کے ساتھ ساتھ طلبہ و طالبات کے لیے امتحانات کا انعقاد اور اسناد جاری کرنے کی زمہ داری ہے۔

پاکستان تحریک انصاف کے حکومت میں آنے کے بعد سے ہی حکومت کی اتحادی جماعتوں کی جانب سے ٹف ٹائم دیا گیا۔ تاہم اب ایک مرتبہ پھر سے پاکستان تحریک انصاف اور ایم کیو ایم میں اختلافات پیدا ہوئے، جس کے بعد پی ٹی آئی نے ایم کیو ایم رہنماؤں کو منانے کی کوشش تو کی لیکن ناکام ہو گئی۔ تفصیلات کے مطابق پاکستان تحریک انصاف اور ایم کیو ایم پاکستان کے رہنماؤں کے درمیان مکالمے کی ویڈیو سامنے آئی۔
جس میں دیکھا گیا کہ پاکستان تحریک انصاف کے اراکین سندھ اسمبلی علی عزیز اور ارسلان تاج ایم کیوایم پاکستان کے رہنما کنور نوید جمیل کو منانے کی کوشش کر رہے ہیں۔ ایم کیو ایم کے کنور نوید جمیل نے اعتراض اُٹھاتے ہوئے کہا کہ پی ٹی آئی نے کوئی مشورہ کیا نہ ہمیں کچھ بتایا، جو احتجاج ہو رہا ہے اس میں بھی عوام کے مسائل پر کوئی بات نہیں ہو رہی۔
تحریک انصاف کے علی عزیز کا کنور نوید جمیل سے کہنا تھا کہ آپ ہمارے ساتھ اپوزیشن چیمبر میں چلیں جس پر ایم کیو ایم رہنما نے کہا کہ ہم نہیں جا رہے پھر بات کریں گے۔ دوسری جانب اپوزیشن میں بھی دراڑ پڑ گئی، اپوزیشن اتحاد کو ایک اور دھچکا آج اُس وقت لگا جب پاکستان پیپلز پارٹی نے اپوزیشن کے مشترکہ اجلاس کا بائیکاٹ کیا۔ ذرائع کے مطابق پیپلزپارٹی نے اپوزیشن کے مشترکہ اجلاس کے بائیکاٹ کا فیصلہ کیا ، اہم ترین اجلاس کے بائیکاٹ کی وجہ ن لیگ کا قومی اسمبلی میں رویہ قرار دیا گیا۔
پی پی پی ذرائع کے مطابق بجٹ سیشن میں ن لیگ کا رویہ انتہائی غیر سنجیدہ رہا،

پاکستان کی معروف ٹک ٹاکر حریم شاہ نے پیپلز پارٹی کے رکن سندھ اسمبلی سے شادی کا دعویٰ کیا لیکن تاحال ان کے شوہر کا نام سامنے نہیں آ سکا، حریم شاہ کے اعلان کے بعد اراکین سندھ اسمبلی میں بھی کھلبلی مچ گئی جبکہ اراکین سندھ اسمبلی کی بیگمات بھی چوکنا ہو گئیں۔ تاہم اب اس معاملے پر صوبائی وزیر اطلاعات ناصر حسین شاہ نے بھی رد عمل دے دیا ہے۔
مائیکروبلاگنگ ویب سائٹ ٹویٹر پر اپنے پیغام میں وزیر اطلاعات سندھ سید ناصر حسین شاہ نے کہا کہ ہمارے معاشرے میں ماں بیوی بہن بیٹی کا بہت احترام ہے یہ ہمارے سرکا تاج ہوتی ہیں۔ انہوں نے کہا کہ ہم دشمنوں کے خلاف یا اپنی شہرت کے لیے انہیں استعمال نہیں کرتے۔ حریم شاہ بھی دوسری بیٹیوں کی طرح ہماری بیٹی ہے جو لوگ بھی اس کے پیچھے ہیں اُن کو ایک عورت کو اپنے مقاصد کے لیے استعمال کرتے ہوئے شرم آنی چاہئیے۔
قبل ازیں وزیر تعلیم سندھ سعید غنی نے بھی اس معاملے پر رد عمل دیا تھا۔ انہوں نے بھی اپنے ٹویٹر پیغام میں کہا تھا کہ میں نہ محترمہ کو جانتا ہوں نہ کبھی ملا ہوں اور نہ ہی کبھی میں نے انہیں دیکھا ہے۔ الحمداللہ میں اپنی واحد بیوی اور بچوں کے ساتھ خوشگوار زندگی گذار رہا ہوں۔انہوں نے مزید کہا کہ برائے مہربانی بغیر تصدیق کے اس طرح کی خبریں پھیلانے سے گریز کریں۔
اگر محترمہ نے واقعی شادی کرلی ہے تو میں مبارکباد پیش کرتا ہوں۔

معروف ٹک ٹاکر حریم شاہ رکن اسمبلی سے شادی کے دعوے کے بعد بڑی مشکل میں پھنس گئیں، وزیراعلیٰ کی جانب سے کرائی گئی تحقیقات کے بعد اراکین اسمبلی نے حریم شاہ کے خلاف قانونی چارہ جوئی کا مطالبہ کر دیا۔تفصیلات کے مطابق سندھ حکومت نے معروف ٹک ٹاکر حریم شاہ کے شادی کے دعوے کو ڈرامہ قرار دے دیا جب کہ ارکان سندھ اسمبلی نے حریم شاہ کے خلاف قانونی چارہ جوئی کا مطالبہ بھی کر دیا ہے۔
وزیراعلیٰ سندھ کی ہدایات پر معاملے کی فرانزک بنیادوں پر تحقیقات کرائی گئی۔تحقیقات میں 17 وزیروں، تین مشیروں اور معاوین خاص کو بھی شامل کیا گیا۔ وزیر یا رکن اسمبلی کے پاس نہ حریم شاہ کا فون نمبر تھا اور نہ کوئی میسج ریکارڈ میں تھا۔تحقیقات سامنے آنے کے بعد کسی ارکان سندھ اسمبلی نے ٹک ٹاکر کے خلاف قانونی چارہ جوئی کا مطالبہ کیا ہے۔
گذشتہ روز بھی اراکین اسمبلی کی جانب سے حریم شاہ کے شادی کے دعوے کو جھوٹا اور من گھڑت قرار دیا گیا تھا۔صوبائی وزیر اطلاعات ناصر حسین شاہ حریم شاہ کی شادی کا دعویٰ مسترد کر چکے ہیں۔پاکستان پیپلز پارٹی نے ٹک ٹاکر حریم شاہ کی شادی کو ڈرامہ قرار دے دیا ہے۔ناصر حسین شاہ کا کہنا ہے کہ حریم شاہ سے کسی وزیر نے شادی نہیں کی ہے۔رکن سندھ اسمبلی امداد علی پتافی بولے شادی کرنا سنت ہے لیکن حریم شاہ کا یہ سب ڈرامہ ہے۔
کسی وزیر نے ٹک ٹاک اسٹار سے شادی نہیں کی۔ شمیم ممتاز کا کہنا ہے کہ حریم شاہ نام بتا دیں تاکہ ہم بھی مٹھائی کھا لیں، ٹک ٹاک پر شہرت کے لیے یہ شوشہ چھوڑا گیا۔ شاہینہ شیر علی نے کہا کہ حریم شاہ کی شادی کا ایشو شہرت کے لیے ہے اور کچھ نہیں۔ایم پی اے لال چندا کرانی کا کہنا تھا کہ کل سے اسمبلی میں ایک دوسرے کے ہاتھ دیکھے جا رہے ہیں،کسی نے شادی نہیں کی ہم ایک دوسرے سے واقع ہیں .

کراچی کے علاقے کورنگی میں مسافر بس کو پیش آنے والے حادثے میں 4 افراد زخمی ہو گئے۔ریسکیو ذرائع کے مطابق کورنگی کی ویٹا چورنگی پر بلال کالونی میں خٹک پیٹرول پمپ کے قریب مسافر بس الٹنے سے 2 خواتین اور بچیوں سمیت 4 افراد زخمی ہو گئے۔
زخمیوں کو ایدھی ایمبولینسوں کے ذریعے جناح اسپتال منتقل کر دیا گیا ہے جہاں انہیں طبی امداد دی جا رہی ہے۔بس الٹنے کا حادثہ تیز رفتاری کی وجہ سے پیش آیا، جس میں ڈرائیور بس کی رفتار پر قابو نہیں رکھ سکا۔

خوبرو اداکارہ سائرہ یوسف اداکاری کی دنیا سے طویل وقفے کے بعد ایک بار پھر ڈرامہ سیریل ’صنفِ آہن‘ میں اداکاری کے جوہر دکھاتی نظر آئیں گی۔سائرہ یوسف نے سوشل میڈیا سائٹ انسٹاگرام پر ایک پوسٹ شیئر کی ہے جس میں ان کے ہمراہ ساتھی اداکارائیں سجل علی، رمشا خان، یمنیٰ زیدی و دیگر موجود ہیں۔
یمنیٰ زیدی کی جانب سے جاری پوسٹ کے مطابق وہ جلد نجی ٹی وی چینل پر نشر کیے جانے والے ڈرامہ سیریل ’صنفِ آہن‘ میں دکھائی دیں گی۔میڈیا رپورٹس میں بتایا جارہا ہے کہ ’صنفِ آہن‘ کو پاک فوج کے شعبہ? تعلقاتِ عامہ اور سِکس سگما پلس کے اشتراک سے خواتین کے حقوق کے موضوع پر بنایا گیا ہے۔’صنفِ آہن‘ کی کہانی ڈرامہ و ناول نگار عمیرہ احمد نے لکھی ہے جبکہ ڈرامے کی ہدایات کاری ندیم بیگ نے دی ہے۔
ماڈل، فلم و ٹی وی انڈسٹری کی اداکارہ اور سابقہ وی جے سائرہ یوسف 20 اپریل 1988 کو کراچی میں پیدا ہوئیں، انہوں نے 2012 میں شہروز سبزواری سے شادی کی تھی۔شوبز انڈسٹری کی مقبول جوڑی شہروز سبزواری اور سائرہ یوسف نے شادی کے 8 برس بعد نامعلوم وجوہات پر ایک دوسرے سے راہیں جدا کرلی تھیں، سائرہ یوسف کی شہروز سبزواری سے بیٹی ’نورے‘ بھی ہے۔سائرہ یوسف نے فلموں چلے تھے ساتھ ، پراجیکٹ غازی سمیت بیشمار ٹی وی ڈراموں میں اپنی اداکاری کے جوہر دکھائے۔گزشتہ کچھ عرصے سے انہوں نے اداکاری سے بریک لی ہوئی تھی تاہم اب ان کی واپسی ہوئی ہے جس سے ان کے مداح خوش ہیں۔

سندھ حکومت کاانسداد تجاوزات آپریشن سے متاثرہ خاندانوں کو متبادل پلاٹ دینے کا فیصلہ کیاہے،متاثرین کو اب متبادل پلاٹس دیئے جائیں گے۔
تفصیلات کے مطابق کراچی میں انسداد تجاوزات آپریشن کے متاثرین کو متبادل پلاٹ دینے کے لیے حکومت سندھ نے سپریم کورٹ کے ریٹائرڈ جج کی سربراہی میں کمیشن بنانے کا فیصلہ کرلیا۔