Category: کراچی

اپنے صارفین کو محفوظ اور قابل بھروسہ بجلی کی فراہمی کی غرض سے کے الیکٹرک کی ، پورے شہر میں، کنڈا اور جنریٹر مافیا کے خلاف مہم جاری ہے۔ الیکٹرک انسپکٹر کراچی کے نمائندے خالد قائم خانی کی مدد سے کے الیکٹرک، میڈیا اور سیکیورٹی کی ٹیموں نے قانون نافذ کرنے والی ایجنسیوں کے ہمراہ لیاقت آباد کے 06 مختلف علاقوں میں نصب 08 جنریٹروں کو منقطع کر دیا۔
لیاقت آباد کے بلاک 3، 4، 10، قوت الاسلام کالونی اور نیرنگ کمرشل زون میں غیر قانونی طور پر نصب75KVA اور 150KVA کے جنریٹروں سے 1,750 سے زائد تجارتی اور رہائشی عمارتوں کو بجلی فراہم کی جارہی تھی۔اسی طرح، ایک اور چھاپے کے دوران، لانڈھی میں ایک انتہائی خطرناک انڈرگراؤنڈکیبل پکڑا گیا جو بجلی کے غیر قانونی حصول کے لیے استعمال ہورہا تھا۔
آئی بی سی لانڈھی کی ٹیموں نے مذکورہ کیبل کو فوری منقطع کیا گیا۔

اسی کے ساتھ وہاں کے باشندوں پر زور دیا گیا کہ وہ ایسے ناجائز اور غیر قانونی طریقوں سے باز رہیں اور میٹر کے ذریعے فراہم کیے گئے قانونی اور محفوظ کنکشنز استعمال کریں۔ آپریشن کے دوران علاقے کے مقامی لوگوں اور جنریٹر مافیا کی جانب سے کے ای ٹیموں کو جارحانہ مزاحمت کا سامنا کرنا پڑا۔ EIK کے عہدیداروں نے جنریٹروں کے مالکان کوباضابطہ انتباہی نوٹس جاری کیے اور ابتدائی رپورٹس بھی قلم بند کی گئیں، جبکہ ای آئی کے نے اس بات کی بھی تصدیق کی کہ آنے والے دنوں میں جنریٹر مافیا کے غیر محفوظ رویے کی حوصلہ شکنی کیلئے کے الیکٹرک کے تعاون سے مزید چھاپے متوقع ہیں۔
بجلی کی فراہمی کے لئے جنریٹر مافیا کے الیکٹرک کے انفرا اسٹرکچر کے استعمال کا مجاز بھی نہیں اور اس سے عوام کی حفاظت کو شدید خطرات لاحق ہیں اور وہ سنگین حادثات کا سبب بنتے ہیں۔ مزید واضح کیا گیا کہ کے الیکٹرک کے علاوہ لائسنس ایریا میں بجلی کی فراہمی نیپرا ایکٹ 1997، سیکشن 21 کی خلاف ورزی ہے اور اس طرح کی غیر قانونی سرگرمیوں کے خلاف کارروائی کرنے کی اشد ضرورت ہے۔

وزیراطلاعات سید ناصر حسین شاہ نے فواد چودھری کے بیان پر ردعمل دیتے ہوئے کہا کہ آئندہ انتخابات میں پی ٹی آئی کو پورے ملک میں امیدوار نہیں ملیں گے ۔ فوادچودھری آرٹیکل140 کی بات کرتے ہیں ، انہیں معلوم ہونا چاہیے کہ سندھ حکومت نے بلدیاتی اداروں کو اپنی میعاد مکمل ہونے دی ۔ انہوں نے کہا کہ پانی کی غیر منصفانہ تقسیم سے وفاقی حکومت نے ارسا کو ناکارہ بنا دیا ہے،فواد چو ھری سندھ میں پانی کی چوری کا الزام لگاکر مسئلے کو کسی اور سمت الجھانا چاہتے ہیں۔
انہوں نے کہا کہ سپریم کورٹ کے بیان کے مطابق نیب سیاسی انجینئرنگ کرتاہے اور اس حساب سے نیازی حکومت کو مستعفی ہوجانا چاہیے۔انہوں نے کہا کہ پی ٹی آئی حکومت نے ملک کو سیاسی ،معاشی اور سماجی طور پر کھوکھلا کردیا ہے ۔
نہوں نے کہا کہ فواد چودھری جب زرداری صاحب کے خلاف بیان دیتا ہے تو میں بہت حیران ہوجاتاہوں کیونکہ فواد چودھری صدر زرداری کے ہائوس کا طوا ف کیا کرتا تھا تا کہ کوئی پوزیشن مل جائے۔

صدر زرداری نے انہیں پارٹی میں عزت دی اور سیاست میں روشناس کرایا ۔انہوں نے کہا کہ زرداری صاحب اور فریال تالپور کے خلاف بیان بازی دیکھ کر فواد کا چھوٹا پن نظر آتا ہے۔ انہوں نے کہاکہ فواد چودھری سندھ آکر وزیراعلی سندھ کے خلاف بیان دے کر اپنی فرسٹریشن نکالتے ہیں۔ فواد چودھری حلفیہ بتائیں کہ پورے ملک میں کونسا وزیراعلی سب سے بہترہے۔
انہوں نے کہا کہ وفاقی وزرا کراچی میں آکر سندھ حکومت کو برا بھلا کہنا اپنا فرض سمجھتے ہیں ۔ پی ٹی آئی نیسندھ میں کرپشن کرنے کے لیے اپنے ایم پی ایز کو ڈائریکٹ فنڈز دیئے ہیں ۔انہوں نے کہا کہ پی ٹی آئی حکومت نے سیاست میں گالم گلوچ ، بدتمیزی اوربداخلاقی کی بنیادڈالی ۔انہوں نے کہا کہ فواد چوہدری آئندہ الیکشن میں سندھ میں پی ٹی آئی کی حکومت کے خواب دیکھ رہا ہے۔
اگلے الیکشن میں ہجرتی پرندوں کی طرح فواد چودھری پھر کسی اور پارٹی میں ہجرت کرے گا۔انہوں نے کہا کہ نئے الیکشن میں پی ٹی آئی کو پورے ملک میں امیدوار نہیں ملیں گے ۔اگلے الیکشن میں پی ٹی آئی اپنا سیاسی وجود کھو بیٹھے گی اور کرائے کے ترجمان بھاگ کر اپنے گھونسلوں میں چلے جائیں گے۔انہوں نے کہاکہ فواد چودھری کو اگر فنڈز کی مانٹرنگ کرنی ہے تو جاکر کے پی کے میں کریں ۔
کے پی کے میں بی آرٹی اور مالم جبہ کی کرپشن فواد کو نظر کیوں نہیں آتی۔پنجاب میں رنگ روڈ ، چینی چوری ، گندم اسکینڈل اور شراب کے پرمٹس کی کرپشن فواد کونظر نہیں آتی۔انہوں نے کہا کہ پی ٹی آئی نیسندھ میں کرپشن کرنے کے لیے اپنے ایم پی ایز کو ڈائریکٹ فنڈز دیئے ہیں ۔سندھ میں پی ٹی آئی کے ایم پی ایز وفاقی فنڈنگ پر چھوٹے چھوٹے منصوبوں میں کرپشن کررہے ہیں۔
انہوں نے کہا کہ فواد چوہدری اس وجہ سے زیادہ زبان درازی کررہے ہیں تاکہ فردوس آپا دوبارہ نہ آجائیں ۔سید ناصر شاہ نے برادرانہ مشورہ دیتے ہوئے فواد چودھری سے کہا کہ تھوڑی شائستگی ، لحاظ اور اخلاقیات کا مظاہرہ کیا کریں۔ انہوں نے کہا کہ فواد چودھری الزام لگاتے ہیں کہ سندھ میں جمہوریت کے نام پر آمریت نافذ ہے،اصل میں فواد نے عمران کی آمریت دیکھی ہے اسی لیے ان کو ہر جگہ آمریت نظر آتی ہے۔

نسلہ ٹاور شاہراہ فیصل سندھی مسلم ہاؤسنگ سوسائٹی کے متاثرہ مکینوں نے چیف جسٹس آ ف پاکستا ن سے بنیادی انسانی حقوق کے نام پر اپیل کی ہے کہ وہ نظر ثانی شدہ اپیل کو سننے تک مذکورہ بلڈنگ کو مسمار کرنے کا حکم معطل کر یں کیونکہ بلڈرز کی سماعت میں عدالت عظمی نے ان کے وکیل کو سنے بغیر اور مؤقف جانے بغیر بینج نے جو حکم صادر کیا ہے اس پر عملدرآمد سے ملک میں بڑا انسانی المیہ پیدا ہونے کا خدشہ لاحق ہو چکا ہے۔
ان خیالات کا اظہار اتوار کی شام نسلہ ٹاور الاٹیز ایکشن کمیٹی کراچی کے کنوینئر پرفیسر امتیاز،ڈاکٹر چتر کمار،ولی موریا،محمد علی،عبدالقادر سمیت دیگر متاثرین کی جانب سے بلڈنگ کے سامنے سڑک پر ہنگامی پریس کانفرنس اور متاثرین کے پر امن احتجاجی سے شرکاء سے خطاب کرتے ہوئے کیا جس میں معمرمعذور مکینوں کے علاوہ خواتین اور معصوم بچوں کی بڑی تعداد رشریک تھی۔
ایکشن کمیٹی کے رہنماؤں نے کہا کہ ہم نے زندگی بھر کی خون پسینے کی حلا ل کمائی سے حکومت اور متعلقہ اداروں کی مصدقہ اجازت ناموں کی دستاویز کی تصدیق کے بعد فلیٹس خریدے ہیں عدالت عظمی کی نظر میں اگر اسکی تعمیراتی میں کوئی بے قاعدگی ہے جرم کرنیوالوں کے بجائے ہمیں بے گھر کے کا حکم نہ صرف بنیادہ انسانی حقوق سے متصادم ہے بلکہ یہ شفاف انصاف پر بھی سوالیہ نشان ہے۔
متاثرین نے چیف جسٹس سمیت صدر پاکستان،وزیر اعظم پاکستان،گورنر سندھ اور وزیر اعلی سندھ سمیت منتخب اراکین اسمبلی،میڈیا،انسانی حقوق پر یقین رکھنے والی تمام طاقتوں سے اپیل کی ہے کہ وہ مشکل کی اس گھڑی میں ان کی آواز بنیں اور ان کی بلاوجہ بربادی کو روکنے میں اپنا کردار ادا کریں۔متاثرین کے مطابق وہ اپنے قانونی مشیروں کے مشورے کی روشنی میں ہنگامی نظر ثانی شدہ عدالت میں لیکر جا رہے ہیں۔انہوں نے کہا کہ نسلہ ٹاور کے متاثرین کی تعداد زیادہ ہے اور اس دکھ کا مداوا ساری زندگی نہیں ہو سکے گا اس لئے 44فلیٹ مالکان سمیت تقریبا پونے 200متاثرین اپنے فلیٹ بچانے کیلئے قانون کے مطابق ہر قدم اٹھائیں گے۔

نسلہ ٹاور کراچی پر سپریم کورٹ کے فیصلے کے بعد اتوار کو گرما گرمی رہی اس سلسلے میں پہلی پریس کانفرس ایسوسی ایشن آف بلڈرز اینڈ ڈیولپرز کے چیئرمین فیاض الیاس نے کی اور نسلہ ٹاور کے حق میں مئوقف پیش کیا اور آباد کے ملازمین کے ذریعے کراچی پریس کلب کے سامنے ایک احتجاجی مظاہرہ بھی کیا گیا اور آباد کے عہدیداروں نے اسے نسلہ ٹاور کے الاٹیز کا مظاہرہ قرار دینے کی کوشش کی لیکن نسلہ ٹاور کے الاٹیز کی ایکشن کمیٹی کی جانب سے اتوار کی شام نسلہ ٹاوربلڈنگ پر ایک علیحدہ ایک ہنگامی پریس کانفرنس فلیٹس کے مکینوں کی جانب سے ولی موریا ،پروفیسر امتیاز اور محمد علی نے کی لیکن جب صحافیوں نے یہ کہہ کر احتجاج کیا کہ سپریم کورٹ کے حکم پر پہلے ان کا رویہ ساتھ عدم تعاون پر مبنی رہا تو فلیٹ کے مکین پھٹ پڑے اور صحافیوں سے معذرت کرتے ہوئے بتایاکہ ہمیں بلڈرز نے میڈیا سے دور رہنے کیلئے اپنے دبائو میں رکھاہوا تھا اورہم بھی سارے معاملے سے خوفزدہ تھے اور یوں نسلہ ٹاور کے مکینوں نے گیگا والابلڈرکی پول کھول دی اس موقع پر بعض متاثرہ مکین فر ط جذبات سے دھاڑیں مار کرروتے رہے ۔

کراچی پولیس نے کار چوری میں ملوث اعلی تعلیم یافتہ نوجوان کو گرفتار کرلیا ہے، گرفتار شخص نے اہم انکشافات کئے ہیں۔
کراچی کی نجی یونیورسٹی کا سافٹ ویئر انجینئر کار چوری میں ملوث نکلا، ملزم کی شناخت نعمان کے نام سے ہوئی ہے، پولیس کے مطابق ملزم قیمتی گاڑیوں سے ٹریکر نکالنے کا ماہر ہے، ملزم نے کراچی سے درجنوں گاڑیاں چوری کرنے کے بعد انہیں دوسرے صوبوں میں منتقل کیا
دوران تفتیش ملزم نعمان نے پولیس کو دئیے گئے بیان میں کہا کہ اس نے ایک سال میں گاڑیوں کے ہیر پھیر میں کروڑوں روپے کمائے۔پولیس کے مطابق ملزم نعمان انڈاموڑکارہائشی ہے جس کے خلاف متعددمتاثرین نے شکایتیں بھی درج کرائیں، ہوشربا انکشاف کے بعد ملزم کے خلاف مبینہ ٹائون تھانے میں مقدمہ درج کرلیا گیا ہے اور مزید تحقیقات کا آغاز کردیا گیا ہے۔

کراچی تاجر الائنس کے چیئرمین ایاز میمن موتی والا نے کہاہے کہ اتوار کے بجائے جمعہ کو ہفتہ وار تعطیل کا اعلان کیا جائے ،حکومت عرب ممالک باالخصوص سعودی عرب اور متحدہ عرب امارات کے ساتھ کا روباری تعلقات کو مضبوط بنانا چاہتی ہے تو اس تجویز پر فوری عمل کرے ،پاکستان اور سعودی عرب کے درمیان اربوں ڈالر کے کاروباری و تجارتی معاہدے دستخط ہوئے ہیں۔
وزیر اعظم عمران خان سے اپیل کرتے ہیں کہ وہ ریاست مدینہ کے تصور کو عملی جامہ پہنانے کیلئے مسلمانوں کے مقدس دن جمعہ کی چھٹی بحال کریں،ان خیالات کااظہار انہوں نے ڈیفنس آفس میں تاجر الائنس کے عہدیداران سے ہونے والی ملاقات میں کیا ان کا کہنا تھ اکہ پاکستان اسلام کے نام پر معرض وجود میں آیا ہے اور اسلامی تعلیمات کی رو سے جمعتہ المبارک کی بڑی اہمیت ہے اس دن کو دوسرے ایام کا سردار کہا گیا ہے،قرآن پاک میں بھی جمعہ کے دن ظہر کی اذان کے ساتھ ہی کاروبار بند کرکے نماز کے لئے مسجد جانے کا حکم دیا گیا ہے، انہوں نے کہاکہ ماضی میں ملک کے اندر جمعہ کے دن ہفتہ وار سرکاری تعطیل ہوا کرتی تھی جس کے بعد اتوار کے دن سرکاری تعطیل کا فیصلہ کیا گیا اور جب سے ملک میں اتوار کے دن ہفتہ وار تعطیل کااعلان ہوا ہے تب سے ملک بھر میں بازاروں ، مارکیٹوں اور نجی اداروں میں کہی پر جمعہ اور کہیں پر اتوار کے دن ہفتہ وار تعطیل ہوتی ہے جبکہ سرکاری دفاتر میں بھی جمعہ کے دن دوپہر 12بجے کے بعد عملاً چھٹی ہوتی ہے جس سے کاروباری طبقہ سمیت ملک کی معیشت پر بھی برے اثرات مرتب ہرہے ہیں اور سرکاری امور بھی سست روی کا شکار ہیں۔
انہوں نے مزید کہاکہ وزیراعظمم اپنی ہر تقریر میں ریاست مدینہ کا زکر کرتے ہیں ایسے میں انہیں چاہیے کہ ریاست مدینہ کے تصور کو اجاگر کرتے ہوئے جمعہ کے دن کو تمام ایام میں اہمیت دیں اور ملک بھر میں جمعہ کی چھٹی کی بحالی کا اصولی فیصلہ کریں۔

ترجمان کے مطابق نیب کراچی کا بورڈ کا اجلاس ہوا،جس میں انکوائری،تحقیقات اور دیگر آپریشنل امور پر تبادلہ خیال اور فیصلے کیے گئے،ریجنل بورڈ نے5 کیسز کے ریفرنس دائرکرنے اور ایک سابق انکوائری کو تفتیش میں تبدیل کرنے کا فیصلہ کیا۔
تجویز کردہ کیسز میں رقوم کا حجم 1400 ملین کے لگ بھگ روپے ہے،بورڈ نے بڑے پیمانے پر دھوکہ دہی اور عوامی شکایات پر گلشنِ دوزان ہاؤسنگ پروجیکٹ سے متعلق میسرز کریم ہاؤسنگ نجی کمپنی کراچی اور دیگر کے خلاف ریفرنس دائرکرنے کا فیصلہ کیا،اس کیس میں شامل کل رقم 308 ملین روپے بنتی ہے جبکہ متاثرہ افراد کی تعداد251 کے لگ بھگ ہے۔
ترجمان نیب کراچی کے مطابق بورڈ نے گلشن الٰہی منصوبے میں کریم ہاؤسنگ پرائیویٹ لمیٹڈ کراچی اور دیگر کے خلاف ریفرنس کا فیصلہ کیا ہے،کیس کے ملزم حاجی آدم جوکھیو اور لال محمد اسکیم33 میں واقع گلشنِ الٰہی کے پلاٹ حوالے نہ کرکے بڑے پیمانے پر دھوکہ دہی میں ملوث ہیں۔
مالی لحاظ سے کل واجبات کا حساب کتاب روپے ہے جبکہ رقم 920.720 ملین جس میں 590 سے زیادہ متاثرین شامل ہیں، لیز یوٹیلائزیشن ڈپارٹ حکومت سندھ دیہہ گونڈ پاس میں400 ایکڑ سرکاری اراضی کے حوالے سے تبادلہ خیال کیا گیا۔
بورڈ نے مجاز اتھارٹی کی منظوری کے لیے ریفرنس دائر کرنے کا فیصلہ کیا ہے، سرکاری ملازمین نے سندھ لینڈ کمیٹی کے ذریعہ دیہہ گوند پاس میں400 ایکڑ رقبے پر مشتمل سرکاری اراضی کو غیر قانونی طور پر باقاعدہ بنایا تھا جوان کے دائرہ کار میں نہیں آتا تھا، سرکاری ملازمین نے اس عمل کے ذریعے حکومت کو لاکھوں روپے نقصان پہنچایاگیا۔
بورڈ نے جعلسازی کے ذریعے بڑے پیمانے پر عوام کو دھوکہ دینے کے الزام پر خالد سولنگی اور دیگر کے خلاف ریفرنس کا فیصلہ کیا ہے،جعلی، فلائنگ انوائسز پر غیر قانونی سیلز ٹیکس کی واپسی کے الزام پر نعمان علی بھٹی اور محمد شفیق کے خلاف ضمنی ریفرنس کا فیصلہ کیا گیا۔
بورڈ نے مجاز اتھارٹی کے ذریعہ تحقیقات میں ہادی بخش بوریرو، سابق سیکریٹری سندھ اسمبلی اور دیگر کے خلاف انویسٹی گیشن کو غیر قانونی تقرریوں اور سندھ اسمبلی میں بدلے جانے والے ترقیوں سے متعلق انکوائری میں تبدیل کرنے کا فیصلہ کیا۔

پاکستان پیپلز پارٹی (پی پی پی) کے چیئرمین بلاول بھٹو زرداری نے اپنے والد آصف علی زرداری کے لیے نیک تمناؤں کا اظہار کیا ہے۔

سوشل میڈیا پر دیے گئے اپنے بیان میں بلاول بھٹو زرداری نے کہا کہ عالمی یومِ والد پر صدر آصف علی زرداری کے لیے نیک تمنائیں کہ جنہوں نے جمہوریت کی بحالی کے لیے بغیر کسی فردِ جرم کے 12 برس جیل میں گزارے۔

بلاول بھٹو زرداری نے کہا کہ میرے والد نے 18ویں ترمیم کے ذریعے 1973 کے آئین کی بحالی میں اہم کردار ادا کیا، پاک چین اقتصادی راہداری کی بنیاد رکھی۔

پی پی چیئرمین نے کہا کہ آصف علی زرداری نے غریبوں کے لیے بینظیر انکم سپورٹ پروگرام سمیت بہت کچھ کیا۔

وزیر اعلیٰ سندھ مراد علی شاہ کی سربراہی میں صوبائی کورونا ٹاسک فورس کا اجلاس ہوا، اجلاس میں دی گئی بریفنگ میں بتایا گیا کہ صوبے بھر میں کیسز میں کمی ہورہی ہے اور مثبت شرح 3.9 فیصد پر آگئی ہے، تاہم کراچی میں کورونا مثبت کیسز کی شرح 8.08 اور حیدرآباد میں 4.3 فیصد ہے، جس پر وزیراعلیٰ سندھ نے کہا کہ کیسز میں کمی عوام کی جانب سے ایس او پیز پر عملدرآمد سے مشروط ہے۔

اجلاس میں بتایا گیا کہ اب تک مختلف اقسام کی کورونا ویکسین کی 32 لاکھ 43 ہزار 988 خوراکیں سندھ کو موصول ہوچکی ہیں جن میں سے 28 لاکھ 73 ہزار 857 خوراکیں استعمال ہوچکی ہیں۔
اجلاس میں کورونا ویکسین کی قلت کے پیش نظر 20 جون کو ایک روز کے لیے صوبے بھر کے ویکسی نیشن سینٹر بند رکھنے کا فیصلہ کیا گیا، مراد علی شاہ نے اجلاس کے شرکا کو بتایا کہ روسی ویکسین ’اسپوتنک وی‘ جون کے آخری ہفتے میں آجائے گی، اس کے علاوہ 21 جون کو سائینو ویک کی 15 لاکھ خوراکیں، 23 جون کو کینسائینو کی 7 لاکھ اور پاک ویک کی 4 لاکھ خوراکیں صوبے کو مل جائیں گی۔

ٹاسک فورس نے صوبے میں کورونا کی صورت حال کو دیکھتے ہوئے 21 جون سے صوبے بھر میں پرائمری اسکول جب کہ 28 جون سے مزارات، امیوزمنٹ پارکس اور انڈور جم کھولنے کا فیصلہ کیا ہے۔

بحریہ ٹائون کراچی حملہ کیس میں قوم پرست رہنما زین شاہ خود انسداد دہشت گردی عدالت میں پیش ہوگئے۔
کراچی سپر ہائی وے پر واقع بحریہ ٹائون پر قوم پرست جماعتوں کے سیکڑوں افراد نے اس وقت حملہ کردیا تھا جب 6 جون کو ہزاروں افراد وہاں احتجاج کیلئے جمع تھے، مشتعل افراد نے بحریہ ٹائون کا مرکزی دروازہ، کئی عمارتیں اور گاڑیاں نذر آتش کردی تھیں جبکہ بینک سمیت دیگر عمارتوں میں توڑ پھوڑ بھی کی تھی۔
انسداد دہشت گردی کی عدالت نے قوم پرست رہنما زین شاہ کو 26 جون تک ریمانڈ پر جیل بھجوادیا۔سندھ یونائیٹڈ پارٹی کے سربراہ جلال محمود شاہ، زین شاہ، سجاد احمد چانڈیو، اسلم خیرپوری اور جان محمد جونیجو نے بحریہ ٹان کیس میں ضمانت کیلئے سندھ ہائیکورٹ سے رجوع کیا تھا، انہیں 10 جون کو 25 ہزار روپے کے مچلکوں کے عوض 10 روز کیلئے حفاظتی ضمانت دی گئی تھی۔