Category: کراچی

سندھ ہائیکورٹ سکھر بینچ نے لاکالجز کے طلبا کے مرحلہ وار امتحان کرانے کا حکم دیتے ہوئے 2گھنٹے میں شیڈول طلب کرلیا اور کہا سال میں 2 یا3مرتبہ امتحان کراکر طلباکی ڈگری 5 سال میں مکمل کی جائے۔

تفصیلات کے مطابق سندھ ہائیکورٹ سکھر میں لاکالجز میں امتحانات نہ ہونے کے معاملے پر طلبا کی جانب سے دائر پٹیشن پر سماعت کی ، سماعت میں شاہ عبد اللطیف یونیورسٹی خیرپور کے رجسٹرار کو پیش کیا گیا۔

جسٹس آفتاب احمد گورڑ نے کہا 3سال سےطلباکے امتحانات کیوں نہیں کرائے، جس پر رجسٹرار نے بتایا کورونا کی وجہ سے امتحانات تاخیر کا شکار ہوئے تو وکیل نے کہا کورونا کی صورتحال ایک سال سے ہے،3سال سے امتحان نہیں کرائے۔

جسٹس آفتاب احمد گورڑ کا کہنا تھا آپ نےجن سے پیسے لیے ، ان کے ایک سال میں 2امتحان کرائے، آپ نے سیکڑوں طلباکامستقبل داؤ پر لگا دیا ہے۔

سندھ ہائیکورٹ سکھر بینچ نے طلبا سےمرحلہ وارامتحان کرانےکاحکم دیتے ہوئے کہا سال میں 2 یا3مرتبہ امتحان کراکر طلباکی ڈگری 5 سال میں مکمل کی جائے۔

عدالت نے 2 گھنٹے میں امتحانات کا شیڈول بناکر پیش کرنے کا حکم دیتے ہوئے کہا احکامات پرعمل نہ ہونے کی صورت میں سخت کارروائی کی جائے گی۔

جسٹس آفتاب احمدگورڑ نے ریمارکس میں کہا یونیورسٹی سےمنسلک کالج بندبھی کرنےکاحکم دےسکتےہیں، پھرآپ لوگ مکھیاں مارتےرہیں گے۔

خیال رہے گزشتہ سماعت پرپیش نہ ہونے پریونیورسٹی رجسٹرارکوگرفتارکرکےپیش کرنے کاحکم دیا گیا تھا۔

کرونا ایس او پیز کیخلاف ورزی پر ضلعی انتظامیہ کی کارروائیاں جاری ہیں، اسسٹنٹ کمشنر آرام باغ نے ہدایات پر عمل نہ کرنے پر کوثر میڈیکو اور صابری نہاری کوسیل کردیا۔کراچی میں کرونا وائرس کی بھارتی قسم کے 4 کیسز رپورٹ ہوئے ہیں جبکہ ضلع وسطی کے مختلف علاقوں میں کرونا کیسز بڑھنے پر 13 جون تک مائیکرو اسمارٹ لاک ڈائون نافذ کردیا گیا گیا ہے۔
انتظامیہ کی جانب سے کرونا وائرس سے متعلق ہدایات پر عمل نہ کرنے والوں کیخلاف کارروائی جاری ہیں۔ اسسٹنٹ کمشنر آرام باغ مشعل نعیم نے ایس او پیز کی خلاف ورزی کرنے پر ایم اے جناح روڈ پر کوثر میڈیکو اور صابری نہاری کو سیل کردیا۔کرونا وائرس سے بچائو کیلئے انتظامیہ کی جانب سے کئی پابندیاں عائد کی گئی ہیں، جس میں ریسٹورنٹس کے اندر بیٹھ کر کھانے پر پابندی بھی شامل ہے، دکانوں میں گنجائش سے زائد افراد کی موجودگی کی بھی اجازت نہیں ہے۔

وزیر زراعت اسماعیل راہو کے بیان پر پی ٹی آئی رہنماء سمیر میر شیخ کا ردعمل

اسماعیل راہو نے محکمہ زراعت کو سب سے زیادہ نقصان پہنچایا ہے، اسماعیل راہو کی سرپرستی میں سندھ کے سو سے زائد ٹیوپ ویلز غیر فعال ہیں، پی پی نے ڈاکوؤں کے معاملے سے عوام کا دہیان بھٹکانے کیلئے پانی پر ڈرامہ شروع کیا ہے ،
وفاقی حکومت کیخلاف غلط تاثر دینا پی پی کا وطیرہ ہے۔

کراچی: پاکستان تحریک انصاف کے رہنماء سمیر میر شیخ نے صوبائی وزیر زراعت اسماعیل راہو کے بیان پراپنے ردعمل میں کہا ہے کہ اسماعیل راہو نے محکمہ زراعت کو سب سے زیادہ نقصان پہنچایا ہے اسماعیل راہو کی نالائقی کے باعث این ڈی ایم اے نے فصلوں کو تحفظ فراہم کرنے کیلئے ٹڈی دل کا خاتمہ کیا اسماعیل راہو کی سرپرستی میں سندھ کے سو سے زائد ٹیوپ ویلز غیر فعال ہیں ٹیوب ویلیز کی مشنری یا تو چوری ہوگئی یا خراب پڑی ہیں عملہ آج بھی گھر بیٹھے تنخواہیں لے رہا ہے انہوں نے اپنے جاری کردہ بیان میں کہا کہ وزیر موصوف کی صبح جھوٹ سے شروع ہوکر رات بھی جھوٹ پر ختم ہوتی ہے، اسماعیل راہو جیسے جعلی جیالوں کی وجہ سے پی پی نے اپنی اصل پہچان کھودی ہےسندھ کے کسانوں کا اصل دشمن اسماعیل راہو ہے، وزیر زراعت کی وجہ سے سندھ میں کھیتی کا عمل سب سے زیادہ متاثر ہوتا ہے، سندھ کے کسانوں پر پی پی کے شیطان سوار رہتے ہیں ۔پی پی نے ڈاکوؤں کے معاملے سے عوام کا دہیان بھٹکانے کیلئے پانی پر ڈرامہ شروع کیا ہے ۔جلد سندھ کو پی پی کے شیطانوں سے آزاد کروائیں گے وفاقی حکومت کیخلاف غلط تاثر دینا پی پی کا وطیرہ ہے 14 سال سے پی پی نے سندھ کے عوام کا استحصال کیا عمران خان نے ان تمام کرپٹ حکمرانوں کی منفی سیاست کے دروازے بند کردیئے ہیں۔

پیپلزپارٹی کے احتجاج اور پانی معاملے پر اپوزیشن لیڈر سندھ اسمبلی حلیم عادل شیخ کا رد عمل

‏پی پی سندھ میں احتجاج کی بجاء سندھ کے پانی پر ڈاکہ بند کرے، ڈرامے صرف زمینیں بیچنے اور ڈاکوؤں کو فری ہینڈ دینے کی سازش ہے، پنجاب کا وفد گڈو بئراج دورے پر پہنچا تو ایکسین نے ملنے سے انکار کردیا، سندھ حکومت اپنا وفد پنجاب بھیج کر صورتحال دیکھ سکتا ہے.

‏پانی کے معاملے پر سندھ حکومت کا موقف مسترد کرتے ہیں،پانی کی کمی گلیشئر کی وجہ سے جو عارضی تھی۔پی پی کو چاہیے کہ وہ گلیشئر کےخلاف احتجاج کرے، سندھ کے آبادگاروں کسانوں کے ساتھ ملکر سندھ حکومت کے پانی چوری کو بے نقاب کریں گے، سندھ اور عوام کا کیس ہر فورم پر لڑیں گے،

قائد حزب اختلاف حلیم عادل شیخ نےٹوئٹ
کرتے ھوئے مزید کہا کہ13 سال سے کراچی کو کربلا بنانے والی سندھ حکومت کس منہ سے پانی پر بات کررہی ہے،کےفورمیں اربوں کی کرپشن کی گئی،کراچی کو ہائیڈرینٹ مافیا کے رحم و کرم پر چھوڑ دیا گیا، 13 سال میں ایک بوند بھی اضافی شہر کو فراہم نہیں کی گئی، لوگ روزگار کی بجاء کین لیکر پانی کی تلاش میں پھر رہے ہیں،

سندھ میں کورونا کی بھارتی قسم کے چار کیسز کی تصدیق ہوگئی۔

سیکریٹری صحت کاظم جتوئی کا کہنا ہے کہ سندھ میں کورونا انڈین ویرینٹ داخل ہوگیا، کراچی ایئرپورٹ پر 4 افراد میں بھارتی قسم کے وائرس کی تصدیق ہوئی ہے۔

کاظم جتوئی کے مطابق کراچی ایئرپورٹ پر جن 4 متاثرہ افراد کی تصدیق کی گئی ہے ان میں سے 3 کراچی کے اور ایک گھوٹکی کا رہائشی ہے۔

سیکریٹری صحت نے مزید بتایا کہ 3 افراد عراق سے اور ایک مسقط سے پاکستان آیا ہے۔حکام نے تمام افراد کو قرنطینہ کر دیا ہے اور اہل خانہ کے بھی ٹیسٹ کیے جارہے ہیں۔

وزیر تعلیم و محنت سندھ سعید غنی کی نیشنل پریس کلب اسلام آباد میں میڈیا ٹاک

بلاول بھٹو زرداری کی ہدایت پر سندھ میں صحافیوں کے تحفظ کا بل پاس کیا ۔ناصر حسین شاہ کو صحافیوں کے تحفظ کے بل کی زمہ داری سونپی گئی ۔ صحافیوں کے جو حالات پیدا کردیے گئے اس سے زیادہ کام کرنے کی ضرورت ہے۔ جن ایشو پر بات نہیں کرسکتے اُس کے باوجود بات کرتے ہیں بڑی دلیری کی بات ہے ۔ یہ طریقہ اچھا نہیں صحافیوں کو گھر میں گھس کے ماریں۔ قوانین پر عملدر آمد کرانا بہت ضروری ہے۔ موجودہ سو کالڈ حکومت میں وہ کام ہورہے جو فوجی مارشل لا دور میں نہیں ہوتے۔

ایک سوال کا جواب دیتے ہوئے انہوں نے کہا پاکستان پیپلز پارٹی کے صدر ملک میں موجود ہیں ۔میری اطلاع کے مطابق وہ ملک چھوڑ کہیں باہر نہیں جارہے۔شدید علالت میں انہوں نے باہر جانے کی درخواست نہیں کی۔ نیب عدالتوں سے عجیب عجیب فیصلے آتے ہیں تو کوئی توجہ نہیں دیتا۔مریم مواز کے فیصلے میں کہا گیا گرفتاری سے دس روز قبل اطلاع دینی ہے مگر پیپلز پارٹی پر فوری طور پر ڈیل کا الزام لگا دیا جاتا ہے۔

مولانا فضل الرحمن کی علالت کے دوران چند جماعتوں کے اکٹھے ہونے کو ہم نہیں مانتے۔ بلاول بھٹو زرداری متعدد بار کہہ چکے ہیں پی ڈی ایم میں اختلاف کا فائدہ حکومت کو ہوگا۔ وہ کونسی سی قوتیں ہیں جو حکومت کے ہاتھ مضبوط کر رہی ہے۔ کس نے انٹر ویو میں اعتراف کیا ہم حکومت کو پانچ سال چلانا چاھتے ہیں۔

اے وی ایل سی پولیس نےبڑی کارروائی کرتے ہوئے شہریوں سے موٹرسائیکلیں چھیننے کی وارداتوں کی سنچری کرنے والے گروہ کو گرفتار کرلیا۔

تفصیلات کے مطابق اے وی ایل سی پولیس نے موٹرسائیکل اسنیچنگ کے خلاف بڑی کارروائی کرتے ہوئے شہریوں سےموٹرسائیکلیں چھیننےکی وارداتوں کی سنچری کرنے والے گروہ کو گرفتار کرلیا۔

ایس ایس پی اےوی ایل سی عارف اسلم راؤ نے بتایا کہ ملزمان میں منیربنگالی، بابرعلی، حسن عرف بوائے اورمظفر چانڈیوشامل ہیں ، ملزمان نے 100سے زائد موٹر سائیکل چھیننے کا انکشاف کیا۔

ملزمان سے گلستان جوہر،گلبرگ سے شہریوں سے چھینی گئی موٹرسائیکلیں برآمد ہوئی ہے، ملزمان کامنظم گروہ زیادہ تر70ccیا 125cc موٹر سائیکلوں کا شکار کرتا ہے اور چھینی ہوئی موٹرسائیکلز ملزمان کے 2ساتھی بلوچستان میں فروخت کرتے ہیں۔

ایس ایس پی اےوی ایل سی کا کہنا تھا کہ ہر ملزم کو5 سے10ہزارفی موٹر سائیکل حصےمیں آتاہے، گروہ کی موٹرسائیکل چھیننےکی واردات کی سی سی ٹی وی ماضی میں وائرل بھی ہوچکی ہے جبکہ ملزمان کے3 دیگرمفرورساتھیوں کی تلاش میں چھاپےمارےجارہےہیں۔

یاد رہے ایک رپورٹ میں شہر قائد میں موٹر سائیکلیں چھینی جانے سے زیادہ چرائی جانے کا انکشاف سامنے آیا تھا اور کہا گیا تھا کہ بلوچستان کےمخصوص گروہ چوری شدہ موٹر سائیکلوں کے بڑے خریدارہے، جنوری سے 15 مئی تک 8 ہزار 545 موٹرسائیکلیں چوری کی گئی جبکہ سوا 5ماہ میں 845 موٹر سائیکلیں چھینی گئی،مجموعی طور پر 9 ہزار 390 موٹرسائیکل چوری یا چھینی گئی۔