Category: کراچی

سرجانی ٹاؤن سمیت دیگر بیشتر علاقوں میں سرکاری زمینوں پر چائنا کٹنگ کے ساتھ ڈبل فائل تیار کر کے پلاٹوں پر قبضہ کرکے فروخت کرنے کا سلسلہ بھی جاری ہے۔
انٹیلی جینس ادارے کے افسر نے ایکسپریس سے بات چیت کرتے ہوئے بتایا کہ زیادہ تر بیواؤں ، یتیموںاور اثرورسوخ نہ رکھنے والے افراد کے پلاٹوں پر قبضہ کرکے کم داموں میں فروخت کردیا جاتا ہے،اس کام میں جرائم پیشہ افراد ملوث ہیں۔انھوں نے بتایا کہ سرجانی ٹاؤن سیکٹر 7-A ، 7-B ، سائرہ بی بی گوٹھ ،خدا کی بستی ، نارتھ کراچی اور منگھوپیر سمیت بیشتر علاقوں میں مرتضیٰ عرف سرائیکی اور فرقان نامی شخص اپنے دیگر ساتھیوں کے ہمراہ پلاٹوں کی ڈبل ( جعلی ) فائل تیار کرا کر کم داموں میں فروخت کرنے میں ملوث ہیں۔ان جرائم پیشہ افراد کے گروپ میں خواتین بھی شامل ہیں جو پلاٹوں کی ڈبل فائل بننے کے خالی پلاٹ اور چار دیواری والوں پلاٹوں پر قبضہ کرنے کے بعد وہاں بیٹھ جاتی ہیں،چند ہی دنوں میں کسی معصوم شہری کو گھیر کر نقلی فائل دکھا کر پلاٹ فروخت کر کے دوسرے شکار کے لیے نکل جاتے ہیں، انھوں نے بتایا کہ کچھ عرصہ قبل تک فرقانی نارتھ کراچی میں رہائش پذیر تھا تاہم پولیس کے ہاتھوں پکڑے جانے کے خوف سے وہ کسی نامعلوم مقام پر منتقل ہوگیا۔
لینڈ گریبر فرقان کے بارے میں ان کا کہنا تھا کہ2012 سے 2016 تک ایک سیاسی جماعت کی ٹارگٹ کلنگ ٹیم کا انچارج بھی رہ چکا ، فرقان اکثر اپنے کسی ساتھی کے ہمراہ سرجانی ٹاؤن میں125 موٹرسائیکل پر گھومتے ہوئے دیکھا گیا ہے بھتہ خوری سمیت دیگر جرائم میں بھی ملوث رہا ہے ، انھوں نے بتایا کہ مرتضیٰ کا آبائی تعلق بہاولپور سے ہے۔فرقان اور مرتضیٰ اکثر جعلی فائلوں والے پلاٹ فروخت کرنے کے بعد پکڑے جانے کے خوف سے بہاولپور جا کر روپوش ہوجاتے ہیں،کچھ عرصہ وہاں روپوشی کاٹ کر جب ان کے پرانے معاملات ٹھنڈے پڑ جاتے ہیں واپس آکر اپنے وہ کاروبار دوبارہ شروع کر دیتے ہیں ،ان کو علاقہ پولیس کو اپنے ساتھ ملانے کا گر بھی اچھی طرح آتا ہے،انھوں نے بتایا کہ ان کی گرفتاری کے حوالے سے پولیس کی عدم دلچسپی کے بارے میں رپورٹ 15 دن قبل بھیج دی ہے۔

پی پی پی شعبہ خواتین کی مرکزی صدر و ایم پی اے فریال تالپور کا پی ایس-70 بدین پر پارٹی امیدوار کی کامیابی پر پیغام

پی ایس-70 پر ضمنی انتخابات میں ضلع بدین کی عوام جیت گئی، جمہوریت سرخرو ہوئی ہے۔
پی پی پی امیدوار کی کامیابی چیئرمین بلاول بھٹو زرداری اور سابق صدر مملکت آصف علی زرداری کی قیادت پر عوام کے اعتماد کا مظہر ہے۔
ضلع بدین کی عوام کو سلام اور پارٹی عہدیداران و کارکنان کو خراج تحسین پیش کرتی ہوں۔

دادا محمد ہالیپوتہ کو تاریخی کامیابی حاصل کرنے پر مبارک باد پیش کرتے ہیں۔پیپلز پارٹی ایک عوامی تحریک ہے، جو جوش و جذبے کے ساتھ آگی بڑھتی رہے گی۔ عوام اور پیپلز پارٹی کے دشمنوں کا مقدر ناکامی کے سوا کچھ نہیں.

وزیرخوراک سندھ ہری رام کشوری لال کو دل کا دورہ پڑا ہے، طبی امداد کے لئے انہیں فوری طور پر اسپتال منتقل کردیا گیا ہے۔
تفصیلات کے مطابق ہری رام کشوری کو دل کا دورہ سندھ سیکریٹریٹ میں اپنے دفتر میں پڑا جس کے باعث وہ بے ہوش ہوگئے، دفتر میں موجود اسٹاف نے فوری طور پر ریسکیو عملے کو اطلاع دی ، جنہوں نے ایمبولینس کےذریعے صوبائی وزیر خوراک کو اسپتال منتقل کردیا ہے۔

قائد حزب اختلاف سندھ اسمبلی حلیم عادل شیخ کراچی سے حیدرآباد کے لیے روانہ،

اپوزیشن لیڈر دیگر قائدین کے ہمراہ مٹیاری سے ریلی کی قیادت کرتے ہوئے حیدرآباد پہنچیں گے جہاں وہ اسرائیل کے خلاف مظاہرے میں شرکت کریں گے،
اس موقع پر حلیم عادل شیخ نے اپنے بیان میں
کہا کہ وزیراعظم عمران خان کی ہدایت پر پورے ملک میں آج احتجاج ہورہے ہیں۔ہمارے وزیراعظم، وزیر خارجہ اور امت مسلمہ نے بھرپور آوازاٹھائی،
اسرائیل کو امت مسلمہ کے جواب پر مجبوراً حملے بند کرنا پڑے،وزیراعظم عمران خان نے امت مسلمہ کی ایک بار پھر کپتانی کی ہے، اسرائیل کے خلاف ہمارے احتجاج جاری رہیں گے، 6 کروڑ سندھی بھی اپنے فلسطینی بھائیوں کے ساتھ کھڑے ہیں،

فلسطین کے شہریوں کو ان کے مرضی کے مطابق زندگی بسر کرنے دی جائے، بہترین سفارتکاری پر وزیراعظم، وزیرخارجہ، حکومت پاکستان مبارکباد کی مستحق ہے، آج پورے پاکستان سے آواز جائے گی کہ ہم فلسطین ہیں اور ہم اسرائیل کے خلاف ہیں، اہل فلسطین سے اظہار یکجہتی کے لیے سندھ میں ریلیوں کا آغاز ہو گیا ہے،اپوزیشن لیڈر سندھ اسمبلی حلیم عادل شیخ مٹیاری پہنچے تو ان کے ساتھ عبدالرزاق میمن بھی تھے۔انکی قیادت میں مٹیاری میں فلسطین یکجہتی ریلی ریلی میں پی ٹی آئی کارکنان اور شہریوں کی بڑی تعداد شریک ہے۔ریلی کے شرکاء کی فلسطین کے حق میں نعرے بازی، انھوں نے کہا ہم اسرائیلی جارحیت کی بھر پور مذمت کرتے ہیں، وزیراعظم اور وزیرخارجہ نے دنیا بھر کو مضبوط پیغام دیاہے۔اسرائیلی کا غاصبانہ قبضہ مزید زیادہ دیر تک نہیں رہ سکتا۔

چیئرمین بلاول بھٹو زرداری کا پی ایس-70 بدین کے ضمنی انتخابات میں پی پی پی امیدوار کی تاریخی کامیابی پر پیغام . پی پی چیئرمین کہتے ہیں پی پی پی امیدوار کی کامیابی ضلع بدین کی عوام کی فتح ہے ماتلی کی عوام نے دھاندھلی کو ناکام بنایا ہے، سلیکٹڈ اور نام نہاد انقلابی کو بھی مسترد کردیا پی ٹی آئی ایم ایف کو ضمنی انتخابات میں مسلسل شکست مِل رہی ہے ضمنی انتخابات میں پی ٹی آئی اور اس کے حواری ضمانتیں ضبط کروا چکے یہ صورتحال سلیکٹڈ حکمرانوں کے لیئے آئینہ ہے، جو سمجھتے ہیں ان کا کام فقط تقریریں کرنا ہے پی پی چیئرمین بلاول بھٹو زرداری نے کہا خان صاحب! نوشتہ دیوار پڑھو اور گھر جاوَ ماتلی کی عوام نے دادا محمد ہالیپوتہ کے بڑی اکثریت سے جتوا کر اس کے کندھوں پر بھاری ذمیداری ڈال دی ہے پاکستان پیپلز پارٹی عوام کے حقوق کی لڑائی لڑ رہی ہے، عوام کی خدمت ہماری سیاست کی روح ہے عوامی مسائل کے حل لیئے دن رات کام کر رہے ہیں، ہر ممکن اقدام اٹھائیں گے عزم و حوصلے کے ساتھ عوام دشمنوں کا مقابلا کرنے پر ضلع بدین کے پارٹی عہدیداروں اور کارکنوں کو شاباش دیتا ہوں۔

کراچی اور حیدرآباد پاکستان کا حصہ نہیں رہے؟وفاقی ملازمتوں کے کوٹے سے خارج

کراچی کے سمندر کی وجہ سے قائم کراچی پورٹ ٹرسٹ کے بعد پاکستان نیشنل شپنگ کارپوریشن کی ملازمتیں بھی شہری سندھ کیلیے ممنوع، کشمیر فاٹا سمیت پورا ملک حقدار

سندھ حکومت نے کراچی حیدراباد کے کوٹے پر جعلی ڈومیسائل کے ذریعہ بھرتیوں پر نیب تحقیقات دباو ڈال کر رکوا دی،وفاقی اداروں میں بھی جعلی ڈومسائل پر دیہی علاقوں سے بھرتیاں ،وزیراعظم،چیف جسٹس ،آرمی چیف سے نوٹس لینے کی اپیل

کراچی:شہر قائد کی نشستوں کے باعث وفاقی حکومت بنانے والی تحریک انصاف نے کراچی حیدراباد سمیت شہری سندھ پر وفاقی ملازمتوں کے دروازے بند کرکے عملاً یہ اعلان کردیا ہے کہ شہری سندھ پاکستان کاحصہ نہیں ہیں،اسی لیے انکا ملکی اداروں کی نوکریوں پر حق نہیں رہا،شہری حلقوں کا کہنا ہےشہری سندھ سے زیادتیوں پر پی ٹی آئی اور پی پی کی پالیسیاں یکساں نظر آتی ہیں,وفاقی حکومت کی یہ پالیسی پاکستان نیشنل شپنگ کارپوریشن کے ملازمت کے اشتہار میں نظر آئی, حالیہ اشتہار میں منیجر (این وی او سی سی/ایس ایل او ٹی)کی نوکری کےلیےدرخواستیں طلب کی گئی ہیں اور وفاقی حکومت کے اسٹبلشمینٹ ڈویژن کے طے کردہ کوٹے کے تحت پنجاب،سندھ(دیہی)خیبر پختونخوا ،سابق فاٹا،بلوچستان،ازاد کشمیر کے لوگوں کے لیےمختص کی گئی ہے اور کراچی حیدر آباد سمیت شہری سندھ کے لیے ممنوع قرار دی گئی ہے.

اس سے قبل کراچی کے سمندر کے باعث قائم ادارےکراچی پورٹ ٹرسٹ کی ملازمتوں کے لیے بھی کراچی حیدرآباد سکھر سمیت شہری سندھ کو خارج کردیا گیا تھا ،شہری حلقوں کا کہنا ہے کہ وفاقی حکومت کے اس رویہ سے واضح ہوتا ہے کہ کراچی حیدر آباد سمیت شہری سندھ پاکستان کاحصہ نہیں رہے ہیں،وفاقی اداروں کے کراچی میں واقع دفاتر اور اسلام اباد سیکرٹریٹ میں بھی صرف دیہی سندھ سے بھرتیاں نظر اتی ہیں،کہا جاتا ہے کہ وفاقی اداروں میں بھی سندھ کی طرح کراچی سمیت شہری سندھ کے جعلی ڈومیسائلوں پر دیہی سندھ سے غیر قانونی بھرتیاں کی گئی ہیں,حیران کن اور افسوس ناک طورپر شہری سندھ کی نمائندگی کی دعوے دار اور وفاقی حکومت میں پی ٹی آئی کی اتحادی متحدہ قومی موومنٹ نے پر اسرار خاموشی اختیار کی ہوئی ہے اور کراچی حیدرآباد، میر پور خاص کے عوام کے ساتھ زیادتیوںپر پارلیمینٹ میں آواز بلند نہیں کر رہی،واضح رہے کہ سندھ حکومت نے غیر قانونی طور پر جعلی ڈومیسائل پر شہری علاقوں میں بھرتیاں کیں اور جب قومی احتساب بیورو (نیب) نے اس کا نوٹس لے کر تحقیقات شروع کی اور سندھ حکومت سے بھرتیوں کی تفصیلات مانگیں تو پی پی حکومت نے سخت دباؤ ڈال کر نیب کو نوٹس لینے پر مجبور کردیا ،شہری عوام نے وفاقی و سندھ حکومتوں کے رویہ کو متعصبانہ قرار دے کر احتجاج کیا ہے,نیب سے تحقیقات شروع کرنے اور ملازمتوں میں شہری کوٹہ بحال کرنے کا مطالبہ کیا ہے،عوامی حلقوں نےچیف جسٹس پاکستان آرمی چیف اور وزیر اعظم سے معاملے کا نوٹس لینے اور شہری سندھ کے ساتھ زیادتیاں ختم کرانے کی اپیل کی ہے ۔

پی ایچ ڈی ہولڈرز سرکاری افسران کے لیے بڑی خوشخبری، سندھ ہائیکورٹ نے اب ہر پی ایچ ڈی ہولڈر کو ماہانہ 25 ہزار روپے پی ایچ ڈی الاؤنس دینے کا حکم دیدیا۔جسٹس عرفان سعادت خان اور جسٹس عدنان الکریم میمن نے ڈاکٹر لیاقت علی ابڑو کی درخواست پر بڑا فیصلہ سنا دیا۔ تحریری فیصلے کے مطابق عدالت نے پی ایچ ڈی ہولڈر سرکاری افسران کو 25 ہزار روپے پی ایچ ڈی الاؤنس دینے کا حکم دیتے ہوئے چیف سیکریٹری سندھ کو 15 دن میں سمری وزیراعلی سندھ کو ارسال کرنے کی ہدایت کردی۔
عدالت نے تحریری فیصلے میں کہا ہے کہ تمام سرکاری پی ایچ ڈی افسران کو ماہانہ 25 ہزار روپے دیئے جائیں۔ کسی بھی محکمے کے پی ایچ ڈی ہولڈر کے ساتھ امتیازی سلوک نہ کیا جائے۔ تمام محکموں کے پی ایچ ڈی افسران کو یکساں الاؤنس دیا جائے۔ڈاکٹر لیاقت علی ابڑو نے دائر درخواست میں موقف اپنایا تھا کہ کسی پی ایچ ڈی ہولڈر کو 25 تو کسی کو 10 ہزار دیئے جارہے ہیں۔ عدالت نے استفسار کیا تھا کہ ایسا امتیازی سلوک کیوں کیا جا رہا ہے؟ جس پر سندھ حکومت نے جواب میں کہا تھا کہ صرف یونیورسٹیز میں پی ایچ ڈی ہولڈر کو 25 ہزار روپے الاؤنس دے رہے ہیں۔ دیگر سرکاری پی ایچ ڈی ہولڈرز کو 10 ہزار روپے ماہانہ دیا جارہا ہے۔

نادرا کراچی کے 4 افسران کو غیرقانونی طورپر قومی شناختی کارڈز کے اجرا کے معاملے پر حراست میں لے لیا گیا۔
ذرائع کے مطابق نادرا کراچی میں مختلف عہدوں پر تعینات 4 افسران کو غیرملکیوں کو قومی شناختی کارڈز جاری کرنے کے الزام میں حراست میں لیا گیا ہے، مذکورہ افسران کے موبائل فونز گذشتہ کئی روز سے بند جارہے تھے، کراچی، سرگودھا اور راولپنڈی میں مجموعی طور پر نادرا کے 10 افسران و ملازمین کو حراست میں لیا گیا ہے۔ترجمان نادرا کے مطابق عوامی شکایات پر نادرا اور تحقیقاتی اداروں کا غیر ملکیوں کو اور غیر قانونی کارڈز کے اجرا میں ملوث عناصر کے خلاف ملک کے مختلف شہروں میں بڑے پیمانے پر کاروائیوں کا آغاز کر دیا گیا ہے، اس سلسلے میں سرگودھا، راولپنڈی، کراچی میں چھاپوں کے دوران غیر قانونی اور غیر ملکی کارڈ پراسیس کرنے والے نادرا ملازمین کو حراست میں لے کر تفتیش شروع کر دی گئی ہے۔

پاکستان رینجرز (سندھ) اور پولیس نے انٹیلی جنس معلومات کی بنیاد پر کراچی کے علاقے اورنگی ٹاؤن میں مشترکہ کارروائی کرتے ہوئے ڈکیتی کی 25 سے زائد وارداتوں میں ملوث ملزم محمد نعمان عرف ڈاڈاکو گرفتار کرلیا۔
تفصیلات کے مطابق مورخہ 4 مارچ کو ملزم اپنے ساتھی کے ہمراہ سیکٹر ساڑھے گیارہ کے علاقے میں گھر کے باہر تین لڑکوں سے موبائل فون اور نقدی چھیننے کی واردات کی۔ جس کی سی سی ٹی وی فویٹج سوشل میڈیا پر وائرل ہوئی۔ ملزم کے ساتھی نعیم عرف چریا کے پاس 30بور پسٹل بھی تھا۔ سی سی ٹی وی فوٹیج میں ملزم کو باآسانی پہچانا جا سکتا ہے۔ ملزم کی گر فتاری سی سی ٹی وی فو ٹیج کی مدد سے عمل میں لائی گئی۔ دوران تفتیش ملزم محمد نعمان عرف ڈاڈا نے اعتراف کیا کہ وہ اپریل 2021 کے دوران اپنے ساتھی نعیم عرف چریا کے ساتھ مل کر گن پوائنٹ پر مختلف علاقوں (رئیس امروئی، ڈسکو موڑ، اسلام چوک، نشان حیدر چوک اور گردونواح) میں چھینا جھپٹی،خواتین سے پرس اور راہ گیروں سے موبائل فو ن چھیننے کی مختلف واردتوں میں ملوث رہا ہے۔ گرفتار ملزم کوقانونی کارروائی کے لیے پولیس کے حوالے کر دیا گیا ہے۔ ملزم کے دیگر ساتھیوں کی گرفتار ی کے لیے چھاپے مارے جا رہے ہیں۔عوام سے اپیل ہے کہ ایسے عناصر کے بارے میں اطلاع فوری طور پر قریبی چیک پوسٹ،رینجرز ہیلپ لائن 1101 یا رینجرز مددگار واٹس ایپ نمبر9001111-0347 پر کال یا ایس ایم ایس کے ذریعے دیں۔آپ کا نام صیغہ راز میں رکھا جائے گا۔