پاکستان تحریک انصاف پارٹی کے چئیر مین اور وزیر اعظم عمران خان آج کراچی نیوکلیئر پاور پلانٹK-2 کا افتتاح کریں گے۔
باغی ٹی وی : تفصیلات کے مطابق پاکستان ایٹمی توانائی کمیشن کے زیر انتظام 6 نیوکلیئر پاور پلانٹ کام کر رہے ہیں، پاکستان میں ایٹمی ذرائع سے بجلی کی پیداوار تقریباً 1400 میگاواٹ تک ہے۔
K-2 نیوکلیئر پاور پلانٹ جدید ترین نوعیت کا جنریشن تھری کا نیو کلیئر پاور پلانٹ ہے جو کہ حفاظت اور سیفٹی کے جدید ترین انتظامات سے آراستہ ہے۔
کراچی میں میاں بیوی کے قتل میں ملوث ملزمان کی سی سی ٹی وی ویڈیو سے شناخت.
کراچی کے علاقےگلستان جوہر میں میاں بیوی کے قتل میں ملوث ملزمان کی سی سی ٹی وی ویڈیو سے شناخت کرلی گئی ۔
گلستان جوہر بلاک 18 میں گزشتہ روز ہونے والے دہرے قتل کا مقدمہ شارع فیصل تھانے میں درج کرلیا گیا ہے۔ مقتول کے بھائی مدعی کے مطابق عزیز جلبانی اس کے بھائی اور بھابی کے فلیٹ صبح سویرے دو ساتھیوں کے ساتھ پہنچااور فائرنگ کر کے دونوں کو قتل کیا۔پولیس کا کہنا ہے کہ مارچ میں مقابلے میں ہلاک ملزم کا بیٹا قتل کے مقدمے میں نامزد ہے جو کہ ساتھیوں کے ساتھ فرار ہے اور شک ہے کہ مخبری کے شبہے میں جوڑے کا قتل کیا گیا۔
خیال رہےکہ گزشتہ روز صبح ساڑھے 8 بجے گلستان جوہر میں فائرنگ کا واقعہ پیش آیا تھا ، فائرنگ سے جعفر اور اس کی اہلیہ فوزیہ ہلاک ہوگئے تھے۔ پولیس کے مطابق سی سی ٹی وی فوٹیجز کی مدد سے ملزمان کو شناخت کر لیا گیا ہے جنہیں جلد گرفتار کر لیا جائے گا۔
پی ایس 70 ضمنی الیکشن:123 میں سے115 پولنگ اسٹیشنز کا نتیجہ آگیا
سندھ اسمبلی کے حلقہ پی ایس 70 ماتلی میں ضمنی انتخاب کے لیے پولنگ مکمل ہونے کے بعد گنتی کا عمل جاری ہے، مختلف پولنگ اسٹیشنز کے نتائج بھی آنے لگے ہیں۔
پی ایس 70ماتلی ضمنی انتخاب کے 123 میں سے 115 پولنگ اسٹیشنز کا غیر سرکاری اور غیر حتمی نتیجہ آگیا ہے جس کے مطابق پیپلزپارٹی کے امیدوار محمد ہالیپوٹو 41 ہزار 82 وٹ لے کر آگے ہیں، جبکہ جےیوآئی کےامیدوار گل حسن5 ہزار 321 ووٹ لے کردوسرے نمبرپر ہیں۔42 ڈگری سینٹی گریڈ درجہ حرارت میں عوام ووٹ کے لیے باہر نہیں نکلے، ووٹنگ شرح کافی کم رہی ، کہیں کہیں ووٹرز نے ماسک کا اہتمام بھی نہیں کیا۔
یہ نشست پیپلز پارٹی کے رکن اسمبلی بشیر احمد ہالیپوٹو کے انتقال کے باعث خالی ہوئی تھی ، ان کے بھانجے محمد ہالیپوٹو پیپلز پارٹی کے امیدوار ہیں ۔ان کا جے یو آئی کے گل حسن سے سخت مقابلہ متوقع ہے۔
جعفر یہ الائنس پاکستان کی جانب سے نشتر پارک کراچی میں پریس کانفرنس سے خطاب کر تے ہوئے صدر جعفر یہ الائنس علامہ رضی جعفر نقوی کا کہنا تھا جمعہ کو ملک بھر میں جعفر یہ الائنس پاکستان کی جانب سے یوم سیاہ منایا جائے گا ملک بھر کی تمام مساجد کے باہر احتجاجی مظاہرے منعقد کئے جائیں گے اُن کا مذید کہنا تھافلسطین کے مسئلہ پر پوری پاکستانی قوم متحد ہے مسئلہ فلسطین کی حمایت پاکستانی قومی پالیسی کا حصہ ہے اسرائیل کے مقابلہ میں فلسطینی مزاحمت کی حمایت کرتے ہیں اکتالیس ملکی فوجی اتحاد فلسطین کے لئے اقدام کیوں نہیں کرتا اسرائیلی دہشت گردی کے خلاف عملی اقدامات کا وقت آچکا ہے اکتالیس ملکی فوجی اتحاد اسرائیلی دہشت گردی کے خلاف اقدام کرے اسرائیل فلسطینیوں کی منظم نسل کشی کر رہا ہے فلسطینی قوم پورے عالم اسلام کی جنگ لڑ رہے ہیںفلسطین پورا فلسطینیوں کا ہے ہم فلسطین کے ایک انچ سے بھی دستبردار نہیں ہوں گے فلسطین کے منصفانہ حل کے لئے فلسطینیوں کی وطن واپسی کی حمایت کرتے ہیں آج دنیا میں طاقت کا توازن بدل چکا ہے اور فلسطینیوں کی مزاحمت کے سامنے اسرائیل گھٹنے ٹیک رہا ہے فلسطین کا حل فلسطینیوں کی وطن واپسی اور آباد کاروں کی فلسطین سے بے دخلی سے ہی ممکن ہے پر یس کانفر نس سے خطاب کر تے ہوئے دیگر رہنماوں کا کہنا تھاکہ فلسطینی عوام حق اور باطل کی جنگ لڑ رہے ہیںفتح فلسطینیوں کا مقدر ہے فلسطینی عوام کے خلاف اسرائیلی دہشت گردی کو امریکہ کی سرپرستی ہے لیکن وہ وقت بہت جلد آئیگاجب فلسطینی قوم اسرائیل کو دنیا کے نقشہ سے مٹا دیں گے دنیا کے مسلمان اسرائیلی دہشت گردی کے خلاف سراپا احتجاج ہیںفلسطین سے متعلق ہمارا موقف وہی ہے جو قائد اعظم کا تھا۔
پارلیمانی لیڈر سندھ اسمبلی بلال غفار کا فلسطین سے اظہارِ یکجتی کے حوالے سے ویڈیو پیغام
فلسطین میں اسرائیلی فوج کی جانب سے ظلم ڈھایا جارہا ہے، اسی سلسلے میں کل تحریک انصاف کے تمام انصافین کراچی پریس کلب پر جمع ہورہے ہیں،
ہم دنیا کو پیغام دینا چاہتے ہیں کہ ہم فلسطین بہن بھائیوں کے ساتھ ہیں، اسرائیل کیخلاف بھر پور احتجاج کریں گے، کراچی کے شہریوں سے اپیل کرتے ہیں کہ احتجاج کا حصہ بنیں۔فلسطین کا مسئلہ امت مسلمہ کا مسئلہ ہے، ہمیں امید ہے کہ کراچی کے عوام کل فلسطین کی خاطر گھروں سے نکلیں گے۔
سندھ حکومت نے این سی اوسی کے فیصلوں کی مخالفت کردی اور کہا صوبوں کی مخالفت کےباوجود لاک ڈاؤن میں نرمی کا اعلان کیا گیا۔تفصیلات کے مطابق سندھ کورونا ٹاسک فورس اجلاس کی اندرونی کہانی سامنے آگئی ، ذرائع کا کہنا ہے کہ سندھ حکومت کی این سی اوسی کےگزشتہ ہونیوالے فیصلوں کی مخالفت کرتے ہوئے کہا این سی او سی نے صوبوں کی مخالفت کےباوجودلاک ڈاؤن میں نرمی کااعلان کیا۔ٹاسک فورس کا کہنا تھا کہ سندھ میں 4دن کےاندرکوروناکیسزمیں3گنااضافہ ہواہے، ایسی صورتحال میں لاک ڈاؤن میں نرمی ممکن نہیں، باقی صوبوں نےبھی لاک ڈاؤن میں نرمی کی حمایت نہیں کی تھی۔چیف سیکریٹری سندھ نے بتایا کہ صوبوں کےنمائندوں نےکہا جلدی نرمی نہ کریں، حمایت نہیں کی پھربھی اسد عمر نے لاک ڈاؤن میں نرمی کے فیصلے کئے۔
یاد رہے گذشتہ روز وزیر صحت سندھ ڈاکٹر عذرا پیچوہو نے این سی او سی اجلاس میں وڈیولنک پر اپنے بیان میں کہا عید کے بعد لوگوں کی واپسی کے سفر سے کیسز میں اضافے کا خدشہ ہے، پچھلےسال عیدکےبعدکوروناکیسزمیں 3گنا اضافہ دیکھنے میں آیا۔وزیر صحت سندھ کا کہنا تھا کہ ریل گاڑیوں میں70فیصد مسافروں کی اجازت کے فیصلے پر غور کی تجویز دی ، 7سے 10دن کے لیے ریلوے آپریشن کم رکھنے کی بھی تجویزپیش کی۔ڈاکٹر عذرا پیچوہو نے مزید کہا کہ ایئرپورٹ پر 25 مسافروں کا کورونا ٹیسٹ مثبت آیا ہے، محکمہ صحت سندھ پتہ لگائے گی کہ وائرس کا ویرینٹ کیا ہے، بین الاقوامی سفر ،مسافر وائرس کے پھیلاؤ کا زیادہ سبب بن رہےہیں۔
سندھ میں گندم کے شارٹ فال کی اصل زمہ دار صوبائی حکومت ہے، پی ٹی آئی رہنماء خرم شیر زمان کہتے ہیں سندھ کا محکمہ خوراک اپنی خوراک پوری کرنے میں مصروف عمل ہے، سندھ حکومت نے رواں برس گندم کی خریداری کا ہدف مکمل نہیں کیا.
پی ٹی آئی رہنما خرم شیر زمان نے کہا ہدف 14 لاکھ میٹرک ٹن جبکہ گندم 8 لاکھ میٹرک ٹن گندم خریدی گئی، پی یی کیلئے شرم کا مقام ہے سندھ میں گندم 57 فیصد خریدی گئی، نالائقوں کا ٹولا اپنا ہدف مکمل کرنے کی اہلیت نہیں رکھتا، شیطانی سوچ رکھنے والے گندم کا بحران پیدا کرکے وفاق کیخلاف سازش کرتے ہیں، زرداری اینڈ کمپنی کے قول و فعل سمجھ سے بالاتر ہیں، روٹی کپڑا مکان کے دعویدار خود عوام کی روٹی کے دشمن بننے ہوئے ہیں، بلاول نے سندھ حکومت کی کابینہ میں نااہلوں کو بھرتی کیا ہوا ہے، محکمہ خوراک کے آڈٹ کا مطالبہ کرتے ہیں.
شہر قائد میں نجی مال کی غفلت کے نتیجے میں دکان میں نوکری کرنے والا ملازم زندگی بھر کے لیے معذور ہوگیا ہے۔
تفصیلات کے مطابق دو روز قبل کراچی میں اچانک گرد کے طوفان اور طوفانی ہوا کا سلسلہ شروع ہوا، جس کے نتیجے میں پورے شہر نے مٹی کی چادر اوڑھ لی تھی، ایسی صورت حال میں حادثات بھی رونما ہوئے، ایسا ہی ایک حادثہ سید اشعر شاہ نامی شہری کے ساتھ پیش آیا، جس کے باعث وہ زندگی بھر کے لئے معذور ہوگیا ہے۔متاثرہ نوجوان نے نجی مال کے خلاف مقدمہ درج کرادیا ہے،ایف آئی آر کے متن میں مدعی نے موقف اپنایا کہ وہ مال میں بحیثیت سیلزمین ملازمت کرتا ہے، میں کھانا کھانے کے بعد چہل قدمی کررہا تھا، تیز ہوا کے باعث دروازے کے ساتھ دیوار پر لگایا گیا بڑا سائن بورڈ مجھ پر گرگیا۔مدعی اشعر شاہ نے موقف اختیار کیا کہ میں اس کے نیچے دب کر چیخنے چلانے لگا، موقع پر موجود مجھے لوگوں نے نکالا تو میں چلنے پھرنے سے قاصر تھا، مجھے اٹھا کر ایمبولینس کے ذریعے گلشن کے نجی اسپتال پہنچایا۔
واقعے سے متعلق اشعر کے والدین کا بھی موقف سامنے آگیا ہے، والدین نے بتایا کہ ہم نے ابھی مقدمہ درج نہیں کروایا نہ ہی پولیس نے ہمیں بتایا ہے، ابھی ہم نے اسٹیڈیم روڈ پر واقع نجی ہسپتال میں اپنے بچے کو منتقل کیا ہے، ابتدائی رپورٹ کے مطابق اشعر کی ریڑھ کی ہڈی ایل ون میں فریکچر ہے، جس کے باعث وہ معذور ہوگیا ہے.والدین کے مطابق عدالت عظمیٰ نے طوفان آنے سے پہلے تمام بل بورڈز اتارنے کے احکامات دیئے تھے تاہم عدالتی حکم پر عمل نہیں کرایا گیا، والدین کا موقف تھا کہ ہم سفید پوش لوگ ہیں اپنے بچے کو ایک روز سے زیادہ مہنگے ہسپتال میں نہیں رکھ سکتے، کچھ دیر میں اشعر کا ایم آر آئی کیا جائے گا، رپورٹ میں پتا چل سکے گا کہ اب اس کا علاج ہو سکتا ہے یا نہیں۔
وزیراعظم عمران خان کو کے پی میں لیبر کمپلیکس کے افتتاح پر مبارکباد پیش کرتے ہیں، پی ٹی آئی رہنماء خرم شیر زمان
خرم شیر زمان نے اس موقع پر کہا کہ وفاقی حکومت مزدوروں اور محنت کشوں کو زیادہ سے زیادہ سہولیات فراہم کررہی ہے، ملکی ترقی محنت کشوں کی ترقی سے وابستہ ہے۔پشاور میں 5 ارب سے کمپاؤنڈ جبکہ سندھ میں 1 ارب کی صرف چورنگی بنائی جاتی ہے، رقم کا موازنہ کریں تو سندھ کے اسٹیک ہولڈرز کو شرمندہ ہونا چاہیے، پاکستان میں پانچ دہائیوں کے بعد ڈیم کی تعمیر شروع ہوچکی ہے،مہمند ڈیم کی تعمیر سے عوام کیلئے سستی بجلی کی فراہمی یقینی بنائی جائیگی، ماضی کی حکومتوں نے سرکاری وسائل کا بےدردی سے استعمال کیا ہے۔
کرپٹ حکمران منصبوں کے نام پر ایک اینٹ لگاکے ووٹ لینے پہنچ جاتے تھے،وزیراعظم کے کامیاب منصبوں کے آغاز پر تنقید کرنے والے بلوں میں چھپ چکے ہیں، پاکستان میں پسے ہوئے طبقے کیلئے اقدامات قابل ستائش ہیں۔پاکستانی قوم کو یقین ہے کہ عوامی ٹیکس کا پیسہ عوام کی فلاح و بہبود پر خرچ کیا جارہا ہے۔
وزیراعظم عمران خان کی ہدایت پر کل سندھ بھر میں اسرائیل کے خلاف مظاہرے کیے جائیں گے،کراچی سمیت سندھ بھر میں پریس کلبز کے باہر پرامن احتجاج ریکارڈ کرایا جائے گا،اپوزیشن لیڈر سندھ اسمبلی حلیم عادل شیخ دیگر رہنماؤں کے ہمراہ ریلی کی صورت میں حیدرآباد پہنچے گے، حلیم عادل شیخ حیدرآباد میں مرکزی احتجاج کی قیادت کریں گے،حیدرآباد میں احتجاج کے حوالے سے تیاریاں مکمل کرلی گئی. حلیم عادل شیخ کا کہنا ہے کہ تحریک انصاف پورے ملک کی طرح سندھ سے بھی فلسطین سے اظہار یکجہتی کرے گی، تمام ریجنل اور ضلعی ہیڈکوارٹرز میں احتجاج منعقد ہونگے، پی ٹی آئی رہنما حلیم عادل شیخ نے کہا جمعے نماز کے بعد تحریک انصاف کے کارکنان اپنے شہر کی پریس کلب کے باہر جمع ہوں، اور تمام شرکاء کورونا ایس او پیز پر عملدرآمد اور ماسک کا استعمال یقینی بنائیں، حلیم عادل شیخ کہتے ہیں ہم سب مل کر مظلوموں فلسطینیوں سے بھرپور یکجہتی کا اظہار کریں گے۔اور ہمارے کپتان ہمارے وزیراعظم مسئلہ فلسطین پر مسلمہ امہ کو اکٹھا کررہے ہیں، امت مسلمہ ملکر اسرائیل کی بربریت اور غاصبانہ قبضے کو شکست دیں گے.