Category: کراچی

کراچی ٹیکس بار ایسوسی ایشن نے ایف بی آر سے درخواست کی ہے کہ ایڈوانس ٹیکس کی ادائیگی کی آخری تاریخ 10 اکتوبر 2025 تک بڑھا دی جائے .

ایف بی آر کے چیئرمین کو لکھے گئے ایک خط میں کہا کہ انفرادی ٹیکس دہندگان پہلی سہ ماہی کے ایڈوانس ٹیکس کے تحت انکم ٹیکس آرڈیننس 2001 کی شق 147 کے مطابق، ٹیکس سال 2026 کے لیے اپنے فرائض پورے نہیں کر سکے کیونکہ آئرس پورٹل درست کام نہیں کررہا . خط میں کہا گیا کہ سسٹم کی جانب سے ٹیکس دہندگان کو 15 ستمبر کی آخری تاریخ کی یاد دہانی کے باوجود زیادہ تر ٹیکس دہندگان پورٹل کی غیر فعال کارکردگی کی وجہ سے وقت پر ٹیکس ادا نہیں کر سکے ایسوسی ایشن نے انتباہ دیا کہ اب ٹیکس دہندگان کو شق 138 کے تحت سسٹم کی جانب سے وصولی نوٹس موصول ہونا شروع ہوگئے ہیں جس کے بعد جبراً وصولی کارروائیاں کی جاسکتی ہیں جن میں جرمانے، ڈیفالٹ سرچارجز اور بینک اکاﺅنٹس کی منسلکی شامل ہیں.

کے ٹی بی اے نے کہا کہ ایف بی آر کے ساتھ اپنی پچھلی ملاقاتوں میں ان اہم مسائل کی بار بار نشاندہی کے باوجود پورٹل کی کارکردگی بہتر نہ ہوسکی کے ٹی بی اے نے زور دیا کہ پورٹل کی خرابی سالانہ ریٹرن فائلنگ کے اہم عرصے کے دوران ہوئی جس کی وجہ سے ریٹرن فائل کرنا اور ٹیکس ادا کرنے کے عمل تقریباً ناممکن ہوگئے ہیں اور پورٹل ابھی تک مکمل فعال نہیں ہوسکا.

پاکستان کے ایئرپورٹس سائبر حملے سے محفوظ، فلائٹ آپریشن معمول کے مطابق جاری

وفاقی وزیر تعلیم اور ایم کیو ایم پاکستان کے رہنما خالد مقبول صدیقی نے کہا ہے کہ کراچی نے کبھی کسی کی بدمعاشی قبول نہیں کی، خوشی ہے کہ جو باتیں ایم کیو ایم کرتی تھی وہ اب سب کر رہے ہیں۔

کراچی چیمبر آف کامرس کی تقریب سے خطاب کرتے ہوئے ان کا کہنا تھا کہ میں صرف اتنا سچ بولوں گا جتنی جمہوریت آزاد ہے، نصف زندگی جلاوطنی میں گزاری لیکن اب گھر پر رہنا چاہتا ہوں۔انہوں نے کہا کہ خوشی ہے کہ جماعت اسلامی نے ہمارے سارے کافرانہ اور ملک دشمن نعرے اپنا لیے ہیں۔ ایم کیو ایم نے ہمیشہ غریب سے غریب آدمی کو اسمبلی کا رکن بنایا، میں خود بھی پانچ بار ایم این اے بنا لیکن ایک روپیہ خرچ نہیں کیا۔

خالد مقبول صدیقی نے کہا کہ ایم کیو ایم سے پہلے کراچی میں ہر طرح کی لسانی تنظیمیں موجود تھیں، ایم کیو ایم تو سب سے آخر میں آئی، ہم سے پہلے بکری اور شیر بھی ایک گھاٹ سے پانی پیتے تھے۔ان کا کہنا تھا کہ کراچی فلاح و بہبود کا دارالحکومت ہے، دنیا کی مدد کرتا ہے مگر کراچی کی مدد کوئی نہیں کرتا، جنہیں ووٹ دیا وہ فنڈز کیوں نہیں لاتے۔ بڑے بڑے بزنس قومیائے گئے اور بعد میں کسی اور کو فروخت کر دیے گئے۔

وفاقی وزیر نے کہا کہ ملک میں تجارتی نہیں بلکہ اعتماد کا خسارہ ہے، پاکستان میں معاشی نہیں بلکہ نیتوں کا بحران ہے۔ مالی دیوالیہ پر رو رہے ہیں لیکن اخلاقی زوال آ چکا ہے۔انہوں نے مزید کہا کہ 2008 میں کراچی دنیا کا ایمرجنگ شہر تھا، آج عالمی ادارے اسے رہنے کے قابل بنانے کی کوشش کر رہے ہیں۔

یورپی ایئرپورٹس پر سائبر حملہ، ماہرین نے روس پر شبہ ظاہر کردیا

پاکستان ایئرپورٹ اتھارٹی نے تصدیق کی ہے کہ ملک کے تمام ہوائی اڈے سائبر حملوں سے محفوظ ہیں اور فلائٹ آپریشن معمول کے مطابق جاری ہیں۔

اتھارٹی کے مطابق تمام سافٹ ویئر اور الیکٹرانک سسٹمز، بشمول امیگریشن، مکمل طور پر فعال ہیں اور کسی قسم کی فنی خرابی یا سیکیورٹی خطرے کی اطلاع موصول نہیں ہوئی۔یاد رہے کہ گزشتہ روز یورپ اور برطانیہ کے بڑے ایئرپورٹس ایک بڑے سائبر حملے کی زد میں آگئے تھے، جس کے نتیجے میں لندن ہیتھرو، برسلز اور برلن جیسے مصروف ہوائی اڈوں پر چیک اِن سمیت دیگر الیکٹرانک سسٹمز ناکارہ ہوگئے۔

اس صورتحال کے باعث مسافروں کو کئی گھنٹوں کی تاخیر کا سامنا کرنا پڑا جبکہ بعض پروازیں منسوخ بھی ہوئیں۔ ذرائع کے مطابق کولنز ایئروسپیس کے الیکٹرانک سسٹمز اس حملے سے متاثر ہوئے اور کمپنی نے تکنیکی مسئلے کی تصدیق کی ہے۔پاکستان ایئرپورٹ اتھارٹی نے واضح کیا ہے کہ بروقت اقدامات کے باعث ملک کے تمام ایئرپورٹس اس سائبر حملے سے مکمل طور پر محفوظ ہیں۔

پھالیہ میں پنجاب وسیب کا احتجاج، سیلاب متاثرین کیلئے امداد کا مطالبہ

کراچی: وفاقی وزیر صحت مصطفیٰ کمال نے اپنی صاحبزادی کو سروائیکل کینسر سے بچاؤ کی ویکسین لگوا کر پاکستان میں اس قومی مہم کا باضابطہ آغاز کردیا۔

تفصیلات کے مطابق کراچی میں سروائیکل کینسر سے آگاہی اور بچاؤ کے حوالے سے ایک خصوصی تقریب منعقد ہوئی جس میں وزیر صحت نے اپنی صاحبزادی کو ویکسین لگوائی اور بعد ازاں بیٹی کی انگلی پر خود مارک بھی لگایا۔ اس موقع پر تقریب میں شریک ماہرینِ صحت، خواتین نمائندگان اور طلبہ نے ویکسینیشن مہم کی اہمیت پر روشنی ڈالی۔تقریب سے خطاب کرتے ہوئے وفاقی وزیر صحت کا کہنا تھا کہ پاکستان دنیا کا 151 واں ملک ہے جہاں سروائیکل کینسر سے بچاؤ کی مہم کا آغاز کیا گیا ہے۔ ان کا کہنا تھا کہ اس بیماری سے ہر سال ہزاروں خواتین متاثر ہوتی ہیں، مگر بروقت ویکسین لگوا کر اس سے محفوظ رہا جاسکتا ہے۔مصطفیٰ کمال نے کہا کہ مہم کے آغاز کے ساتھ ہی کچھ حلقوں کی جانب سے گمراہ کن پروپیگنڈا سامنے آیا ہے، لیکن حکومت عوام کو درست معلومات فراہم کرنے اور غلط فہمیوں کو دور کرنے کے لیے پرعزم ہے۔ ان کا کہنا تھا کہ "میں نے اپنی بیٹی کو ویکسین لگوا کر یہ پیغام دیا ہے کہ یہ حفاظتی اقدام بالکل محفوظ ہے۔ اپنی 30 سالہ سیاسی زندگی میں کبھی اپنی فیملی کو میڈیا کے سامنے نہیں لایا، لیکن آج قوم کی ہر بیٹی کی جان بچانے کے لیے اپنی اکلوتی بیٹی کو سامنے لایا ہوں۔”

وفاقی وزیر صحت نے والدین پر زور دیا کہ وہ اپنی بچیوں کو بروقت یہ ویکسین لگوائیں تاکہ مستقبل میں مہلک بیماریوں سے محفوظ رہ سکیں۔ ان کے مطابق یہ اقدام نہ صرف خواتین کی صحت کے تحفظ کے لیے اہم ہے بلکہ پاکستان کو صحت مند معاشرے کی طرف لے جانے میں سنگ میل ثابت ہوگا۔

پاکستان پیپلز پارٹی کے چیئرمین بلاول بھٹو زرداری نے ایک بار پھر بے نظیر انکم سپورٹ پروگرام کے تحت سیلاب متاثرین تک امداد پہنچانے کا مطالبہ کیا ہے۔

کراچی میں میڈیا سے گفتگو کرتے ہوئے کہا کہ چیئرمین پی پی بلاول بھٹو زرداری نے کہا کہ صدر زرداری کے دورہ چین میں حکام کے ساتھ بات چیت اور کچھ ایم او یوز بھی سائن ہوئے ہیں، صدر زرداری نے طے کیا ہے کہ انہوں نے چین کے دوروں کا اپنا ریکارڈ توڑنا ہے ، سیلاب متاثرین کی امداد کے حوالے سے گفتگو کرتے ہوئے چیئرمین پی پی کا کہنا تھا کہ پنجاب کے عوام کی درخواست پر وزیراعظم سے زرعی ایمرجنسی اور بجلی کے بلوں پر بات کی ، بدقسمتی سے اب تک حکومت نے سیلاب متاثرین کے لیے عالمی امداد کی اپیل نہیں کی ہے، دوران گفتگو بلاول نے ایک بار پھر مطالبہ کیا کہ بے نظیر انکم سپورٹ پروگرام کے تحت سیلاب متاثرین کو امداد پہنچائی جائے ۔

دوسری جانب پاکستان اور سعودی عرب کے دفاعی معاہدہ سے متعلق بلاول کا کہنا تھا کہ معاہدہ دونوں ملکوں کے لیے مثبت پیش رفت ہے۔