Category: کراچی

مسلسل بارش اور اسٹاف کی کمی کے باعث کراچی ایئرپورٹ پر مسافروں کو امیگریشن کے لیے طویل قطاریں لگنے اور غیر ملکی پروازوں میں تاخیر کا سامنا ہے۔

ایئرپورٹ ذرائع کے مطابق 12 گھنٹوں میں 40 سے زائد غیرملکی پروازیں آپریٹ ہوتی ہیں، تاہم سڑکوں پر برساتی پانی کی وجہ سے امیگریشن عملہ بروقت پہنچنے میں ناکام رہا۔امیگریشن ذرائع نے بتایا کہ پہلے سے موجود عملے نے 18 گھنٹے تک ڈیوٹیاں سرانجام دیں، جبکہ 20 ڈپارچر کاؤنٹرز میں سے صرف 12 فعال ہیں۔

ایئرپورٹ حکام کا کہنا ہے کہ صورتحال پر قابو پانے کی کوششیں جاری ہیں، تاہم مسلسل بارش اور محدود عملے کے باعث مسافروں کی مشکلات برقرار ہیں۔

برطانیہ میں پناہ گزینوں کی رہائش کا بحران برقرار، افراد کی تعداد میں اضافہ

برطانیہ میں پناہ گزینوں کی رہائش کا بحران برقرار، افراد کی تعداد میں اضافہ

محمد عامر نے ٹی 20 کرکٹ میں 400 وکٹیں مکمل کر لیں

پاکستان اسٹیل ملز سے فارغ کیے گئے ملازمین کے بقایا جات کی ادائیگی کے لیے 2 ارب 87 کروڑ روپے جاری کرنے کا فیصلہ کرلیا گیا ہے۔

یہ رقم نیشنل بینک آف پاکستان سے قرض کی صورت میں فراہم کی جائے گی، جس کی 20 سالہ مدت کے لیے 2 ارب 87 کروڑ 13 لاکھ روپے کی منظوری دی گئی ہے۔ صدر پاکستان آصف علی زرداری نے نیشنل بینک سے قرض لینے کی باضابطہ منظوری دے دی ہے۔حکومت نے 2020 میں جبری گولڈن شیک کے تحت 4 ہزار 544 ملازمین کو فارغ کیا تھا، تاہم انہیں گریجویٹی اور دیگر مد میں بقایا جات کی ادائیگی تاحال نہیں کی گئی تھی۔

سرکاری دستاویز کے مطابق سندھ ہائی کورٹ اس حوالے سے فیصلہ دے چکی ہے جبکہ نیشنل بینک کو بھی اس پر عملدرآمد کے احکامات ملے ہیں۔خیال رہے کہ پاکستان اسٹیل ملز جون 2015 سے بند ہے اور اس کی نجکاری کے مختلف منصوبے بھی کئی بار تجویز کیے جا چکے ہیں۔

پاکستان اور بنگلہ دیش میں صنعتی تعاون بڑھانے پر اتفاق

امریکی عوام کی اکثریت فلسطین کو ریاست تسلیم کرنے کے حق میں، سروے

برطانوی وزیر اعظم کا شہباز شریف کے نام خط، سیلاب متاثرین سے اظہارِ ہمدردی

علیمہ خان کے بیٹے کی گرفتاری کی تردید، رانا ثناء اللّٰہ کا ردعمل

کراچی شہر میں مون سون کے حالیہ اسپیل کے دوران مسلسل تیسرے روز بارش کا سلسلہ جاری رہا، کہیں تیز اور کہیں ہلکی بارش نے موسم خوشگوار کردیا، تاہم نشیبی علاقوں میں پانی جمع ہونے سے شہریوں کی مشکلات بڑھ گئیں۔

شام کے وقت شروع ہونے والی بارش نارتھ کراچی، احسن آباد، سرجانی ٹاؤن، نیوکراچی، گلشن معمار اور اسکیم 33 سمیت مختلف علاقوں میں ریکارڈ کی گئی۔ منگل کی موسلادھار بارش کے بعد زیرِ آب سڑکوں سے نکاسی نہ ہونے کے باعث مزید بارش نے صورتحال کو مزید خراب کردیا۔طارق روڈ انڈر پاس میں پانی بھر جانے سے دونوں ٹریک بند ہوگئے اور ٹریفک کو متبادل راستوں پر موڑ دیا گیا، جبکہ قیوم آباد کراسنگ ندی نالے کا منظر پیش کر رہا ہے۔ ڈرگ روڈ انڈر پاس بھی پانی بھرنے کے باعث بند کردیا گیا جس سے اطراف کی سڑکوں پر ٹریفک جام ہوگیا۔

سڑکوں پر جمع پانی سے گڑھے بننے لگے ہیں، اردو بازار میں بارش کے بعد کیچڑ اور کچرے کے ڈھیر جمع ہوگئے، جبکہ سندھ ہائی کورٹ اور سندھ سیکریٹریٹ کے باہر بھی پانی کھڑا ہونے سے ٹریفک کی روانی متاثر رہی۔ترجمان محکمہ موسمیات انجم نذیر ضیغم کے مطابق آج شہر بھر میں کل کے مقابلے میں زیادہ تیز بارش کا امکان ہے، جس سے اربن فلڈنگ کا خطرہ موجود ہے۔ انہوں نے بتایا کہ 27 اگست کو ایک اور مون سون سلسلہ کراچی اور اندرونِ سندھ کو متاثر کرے گا، تاہم موجودہ نظام کل سے بتدریج کمزور ہونا شروع ہو جائے گا۔

صدر زرداری سے چینی وزیر خارجہ کی ملاقات، تعلقات مزید مستحکم بنانے پر اتفاق

ننکانہ: شاہکوٹ میں ڈکیتی کی واردات،پولیس مقابلہ، 2 ڈاکو ہلاک

میڈیکل بورڈ نے صحافی خاورحسین کی موت کو خودکشی قرار دے دیا۔

سانگھڑ میں صحافی خاور حسین کی گاڑی سے لاش ملنے کے واقعے میں اہم پیشرفت سامنے آئی ہے، میڈیکل بورڈ نے ابتدائی تحقیقات کے بعد ان کی موت کو خودکشی قرار دے دیا ہےذرائع کے مطابق، خاور حسین کو انتہائی قریب سے گولی ماری گئی، جس سے خودکشی کا تاثر ملتا ہے،خاور حسین کی گاڑی اور جسم سے کسی دوسرے فرد کی موجودگی یا مداخلت کے کوئی شواہد نہیں ملے، خاور حسین کے خون کے نمونوں کی رپورٹس تاحال موصول نہیں ہوئیں، جن کا انتظار کیا جا رہا ہے تاکہ کیس کی مکمل تصویر سامنے آ سکے،خاور حسین کے اہل خانہ نے فی الحال مقدمہ درج کرانے سے انکار کیا ہے۔

لاہور ہائیکورٹ نے قیام پاکستان سے پہلے کا جائیداد کا تنازعہ حل کردیا

قبل،ازیں،فیکٹ فائنڈنگ کمیٹی نے ابتدائی رپورٹ یں،کہاگیاتھا کہ،صحافی خاور حسین کے موبائل میں سم موجود نہیں تھی، آخری کال واٹر ٹینکر والے کو حیدرآباد کے قریب سے کی گئی، خاور نے اپنے موبائل کا تمام ریکارڈ خود ختم کیا، خاور حسین نے خودکشی سے قبل اپنے موبائل فون کو فیکٹری سیٹنگ پر ڈال دیا تھا،خاور حسین نے رات سوا 8 بجے ہوٹل کی پارکنگ پہنچے، ہوٹل کے سامنے ٹائر شاپ پر جاکر پن لی اور موبائل سے سم نکالی، خاور نے خود کشی تقریباً 10 بجکر 5 منٹ سے 10 بجکر 15 منٹ کے دوران کی،فیکٹ فائنڈنگ کمیٹی نے اپنی تحقیقاتی رپورٹ فارنزک، میڈیکل اور سی سی ٹی وی شواہد کی بنیاد پر تیار کی ہے۔

حنا بیات کی کراچی میں بارش کے بعد پیدا ہونے والی بدترین صورتحال پر حکومت پر تنقید

کراچی پٹاخوں کے گودام میں دھماکے سے آگ لگ گئی، 10 افراد زخمی

پاکستان کی سینئر اداکارہ حنا بیات نے کراچی میں بارش کے بعد پیدا ہونے والی بدترین صورتحال پر حکومت کو تنقید کا نشانہ بنایا کہاکہ،بےحس اور نااہل لوگ کئی دہائیوں سے کراچی شہر پر حکمرانی کررہے ہیں وہ بھول گئے ہیں ان کا منصب خدمت کا ہے۔

سینئر اداکارہ نے سوشل میڈیا اکاؤنٹ انسٹاگرام پر اپنی ایک ویڈیو شیئر کی جس میں اداکارہ نے کراچی کی صورتحال پر برہمی کا اظہار کرتے ہوئے کہا کہ ایک بارش نے ثابت کردیا عذاب صرف آسمان سے نہیں برستا کچھ لوگ اس کا ذریعہ بھی بن جاتے ہیں، وہ بےحس اور نااہل لوگ کئی دہائیوں سے کراچی شہر پر حکمرانی کررہے ہیں وہ بھول گئے ہیں ان کا منصب خدمت کا ہے۔

انہوں نے کہا کہ پورے ملک کو سب سے زیادہ ٹیکس دینے والے شہر میں سڑکیں نہیں بنائیں اور نہ ہی پانی کی نکاسی کا کوئی نظام بنایا ہے، شہر میں ہر جگہ پانی ہے لیکن وہ پینے کا نہیں ہےکیونکہ اس کیلئے ٹینکر مافیا نے اپنی کمائی کرنی ہے، یہ کرپٹ سسٹم ایسا ہے یہاں آپ کسی کے ٹھیلے تو ہٹا دیتے ہیں لیکن اس کی جگہ غیر قانونی عمارتیں بنادیتے ہیں، نالے اور گٹر بند کرتے ہیں اور پھر بارش ختم ہونے کے بعد ہمدردی کرنے نکل جاتے ہیں، میئر صاحب اس کا کوئی فائدہ نہیں ہے۔

اداکارہ نے گورنر سندھ کامران ٹیسوری کو بھی کہا کہ گورنر صاحب آپ گوچی کی ٹوپی پہن کر باہر آئے تھے یہ ہمارے زخموں پر نمک چھڑک رہا تھا، آپ کو بارش سے پہلے کام کرنا چاہیے تھا، ہمدردیاں نہیں جتائیں، بارش کی وجہ سے آپ کا کسی قسم کا نقصان نہیں ہوا اس لیے آپ سکون سے بیٹھے ہیں،ہمیں حکومت سے جواب چاہیے ، کراچی شہر کو سندھ کی طرح بنا دیا ہے، بھوک، غربت، تکلیف اور پریشانی میں رہو لیکن آواز نہیں اٹھا سکو، احتساب کا وقت آگیا ہے، بس اب بہت ہوگیا ہے-

کراچیی میں موسلا دھار بارشوں کے سبب ہونے والی سیلابی صورتحال کے پیشِ نظر سندھ کے وزیر بلدیات سعید غنی کے حالیہ بیان نے شہریوں کو حیرانی میں مبتلا کردیا۔

سوشل میڈیا پر زیر گردش ویڈیو میں میڈیا سے گفتگو کے دوران سعید غنی کو یہ کہتے ہوئے سنا جا سکتا ہے کہ اگر چاند کی 14 تاریخ ہو تو بارش کا سارا پانی سمندر میں نہیں جاتا، جب بارش آئی گی تو آپ کیا توقع کرتے ہیں؟ میں کوئی سْپرمین تو نہیں ہوں اس پانی کو نیچے آکر روک لوں۔

https://x.com/JavedMonis/status/1957519363168469084

کراچی میں موسلا دھار بارشوں کے سبب ہونے والی سیلابی صورتحال کے پیشِ نظر وزیر بلدیات نے کراچی کی سڑکوں پر جمع پانی سے متعلق
بیان،میں،کہاکہ.کراچی سے بارش کا سارا پانی سمندر میں جاتا ہے، ہماری پوری کوشش ہوتی ہے کسی طرح ہم جلد سے جلد پانی کو نکالیں،لیکن اگر چاند کی 14 تاریخ ہو اور ان دنوں آپ توقع کریں کہ سمندر میں سارا پانی چلا جائے گا تو وہ نہیں جاتا ہے-

وزیراعظم شہبازشریف کے دورہ چین کے منتظرہیں،چینی وزیرخارجہ

سعید غنی کے اس بیان پر سوشل میڈیا صارفین نے مذاق کا نشانہ بناتے ہوئے ڑے ہاتھوں لے لیا ایک صارف نے کہا کہ سعید غنی کو کوئی بتائے کہ بھائی اب تو 25 سفر ہے 14 تو چاند کی پتہ نہیں کب کی بیت گئی لیکن پانی جو ہے نا ابھی بھی کراچی میں کھڑا ہے اب یہ کہہ دیں گے زیادہ بارش ہوتی ہے تو زیادہ پانی اتا ہے بس عوام کا مقدر جو ہے نا وہ ذلیل و خوار ہونا ہی رہ جائیں حکمرانوں کے ہاتھوں-

ایک اور صارف نے کہا کہ،ویسے ان موصوف کو یہ معلوم نہیں کہ یہ وزیر بلدیات ہیں انکو تو پھلجھڑیاں چھوڑنے کیلئے رکھا ہوا ہے،لیکن چاند کی تاریخ بتانے پہ جلد نئی وزارت رویت ہلال کا وزیر بنائے جانے کا امکان ہے-

اسلام آباد میں پاکستان کے پہلے ون ونڈو کاروبار سہولت مرکز کا افتتاح