Category: کراچی

کراچی میں اسٹریٹ کرائم نے ایک اور قیمتی جان لے لی جس میں گزشتہ روز شریف آباد میں گاڑی پر فائرنگ سے زخمی ہونے والی گورنمنٹ گرلز کالج سعود آباد کی سابقہ پرنسپل دوران علاج دم توڑ گئیں۔
پولیس کے مطابق شریف آباد میں گزشتہ شام میاں بیوی کی کار پر فائرنگ کا واقعہ پیش آیا، دونوں میاں بیوی لیاقت آباد سپر مارکیٹ میں شاپنگ کے لیے آئے تھے، دونوں شاپنگ کے بعد گلستان جوہر جارہے تھے کہ اتنےمیں وہ ایک جگہ رکے جہاں موٹرسائیکل سوار نے لوٹ مار کی غرض سے گاڑی کا شیشہ بجایا تو مقتولہ کے شوہر عرفان نے گاڑی بھگانا چاہی جس پر ملزم نے گاڑی پر فائرنگ کردی۔
پولیس کے مطابق ملزم کی فائرنگ سے دونوں میاں بیوی زخمی ہوگئے تھے جنہیں پہلےبیت المکرم کے قریب واقع نجی اسپتال منتقل کیا گیا تھا۔ جہاں پر ابتدائی طبی امداد کے بعد انہیں اسٹیڈیم روڈ پر واقع نجی اسپتال لے جایا گیا لیکن خون زیادہ بہہ جانے کی وجہ سے 62 سالہ نگہت نسرین دوران علاج جاں بحق ہوگئیں جب کہ ان کے شوہر عرفان زخمی ہیں۔پولیس کا کہنا ہےکہ نگہت نسرین ریٹائرڈپروفیسر تھیں وہ گورنمنٹ گرلز کالج سعودآباد کی سابقہ پرنسپل بھی رہ چکی ہیں اورمقتولہ فیڈرل بی ایریا بلاک 16 کی رہائشی تھیں۔

پاکستان مسلم لیگ ن کیماڑی سے تعلق رکھنے والے سینئر نائب صدر و سابق پارلیمانی لیڈر ڈی ایم سی ویسٹ ایاز آفریدی پاکستان پیپلز پارٹی میں شامل۔ایاز آفریدی کے ہمراہ رہنما مسلم لیگ ن ڈاکٹر عزیز بھی پاکستان پیپلزپارٹی میں شامل ہو گئے۔

دونوں رہنماؤں نے پاکستان پیپلز پارٹی میں شمولیت کا اعلان صدر پاکستان پیپلز پارٹی کراچی ڈویژن و صوبائی وزیر سعید غنی اور پاکستان پیپلز پارٹی کیماڑی کے رہنما آصف خان کے ہمراہ جاری کردہ ویڈیو پیغام میں کیا ۔ اس موقع پر سعید غنی کا کہنا تھا کہ پاکستان پیپلز پارٹی میں مختلف سیاسی جماعتوں سے لوگ جوک در جوک شامل ہورہیں ہیں ہم سب کو خوش آمدید کہتے ہیں۔
شہر کراچی کے کونے کونے میں چیرمین پاکستان پیپلزپارٹی جناب بلاول بھٹو زرداری کا پیغام عام ہورہا ہے اور لوگ پاکستان پیپلز پارٹی پر اعتماد کررہے ہیں۔
پاکستان پیپلز پارٹی بلا رنگ و نسل کی تفریق کے ہر علاقے میں ریکارڈ ترقیاتی کام کروارہی ہے ۔انھوں نے مزید کہا کہ کچھ دنوں میں مزید اہم سیاسی شخصیات پاکستان پیپلز پارٹی میں شمولیت اختیار کریں گی ۔

کراچی میں ضلع وسطی کے تین ٹاؤنز کی مختلف گلیوں میں مائیکرو اسمارٹ لاک ڈاون لگادیا گیا ہے،جو 5 مئی تک نافذ رہے گا۔

اس حوالے سے جاری نوٹیفکیشن کے مطابق مائیکرو اسمارٹ لاک ڈاؤن گلبرک، نارتھ کراچی اور نارتھ ناظم آباد کے علاقوں میں لگایا گیا ہے جس کا اطلاق 21 اپریل سے 5 مئی تک ہوگا۔نوٹیفکیشن میں کہا گیا ہےکہ تینوں ٹاؤنز کے متاثرہ علاقوں میں 13کورونا کے مریض موجود ہیں، متاثرہ علاقوں میں آنے اور جانے والے تمام افراد کے لیے ماسک پہننا لازمی قرار دیا گیا ہے جب کہ متاثرہ علاقوں کے لوگوں کی غیر ضروری نقل و حرکت پر پابندی ہوگی۔
نوٹیفکیشن کے مطابق متاثرہ علاقوں میں تمام کاروباری و صنعتی سرگرمیاں معطل رہیں گی اور ڈبل سواری پر پابندی ہوگی جب کہ فیملی اجتماع کا انعقاد بھی ممنوع قرار دیا گیا ہے۔اس کے علاوہ متاثرہ علاقوں کے کورونا مثبت افراد اپنے گھروں میں قرنطینہ رہیں گے، حکومت متاثرہ علاقوں میں رہنے والے مستحق افراد میں راشن تقسیم کرنے کے اقدامات کرے گی۔

ماہ رمضان ڈکیتوں رہزنوں کے لئے سیزن بن گیا گھر میں تراویح کے اختتام کے بعد گھر کے باہر چہل قدمی شہریوں کو مہنگی پڑ گئی

باغی ٹیوی کی رپورٹ کے مطابق گلشن اقبال کراچی بلاک 4 میں گھر کے باہر کھڑے دو افراد اسٹریٹ کرائم کا نشانہ بن گئے ۔
ایک موٹر سائیکل پر سوار دو افراد نے فلمی انداز میں اسلحہ لہراتے ھوۓ شہریوں کو لوٹا اور با آسانی فرار ہوگئے ۔ واقعے پر علاقہ مکینوں نے اپنی حفاظت کےلئےپولیس گشت میں اضافے کی اپیل کردی ہے۔واضع رہےکہ رمضان المبارک کےآ تے ہی اسٹریٹ کرائم میں اضافہ ہوا ہے جس کی وجہ سے شہری مشکلات کا شکار ہیں۔ایک طرف مہنگائی نے عوام کی کمر توڑ رکھی ہے تو دوسری جانب یہ لوٹ مار،عوام جائے تو کہاں جائے۔

محکمہ موسمیات نے کراچی میں گرمی کی شدت میں اضافے کی وارننگ جاری کردی۔

محکمہ موسمیات کے مطابق 23 سے 25 اپریل کے دوران کراچی میں گرمی کی شدت میں اضافے کا امکان ہے۔
محکمہ موسمیات نے بتایا کہ دن میں درجہ حرارت 38 سے 40 ڈگری کے درمیان رہ سکتا ہے جبکہ دن کے اوقات میں شمال مغرب سے گرم اور خشک ہوائیں چل سکتی ہیں۔محکمہ موسمیات کے مطابق شام میں سمندری ہوائیں بحال ہونے کا امکان رہے گا۔واضع رہے کہ ماہ صیام کے آغاز میں کراچی کا موسم خشگوار ہو گیا تھا مگر اب ایک بار پھر کراچی میں گرمی کا زور بڑھ گیا ہے۔

چئیرمین بنی پاکیزہ ملک ضمیر الرکن نے انیس قائمخانی کے داماد کے انتقال پر فاتحہ خوانی کی اور مغفرت کی دعا کی ۔ علاوہ ازیں مرحوم کے انتقال پر تعزیت کیلئے صوبائی وزیر سندھ سعید غنی اور وزیر اعلیٰ کے مشیر وقار مہدی و دیگر نے بھی ان کی رہائش گاہ پر مرحوم کی ایصال ثواب کیلئے دعا کی ۔
تفصیلات کے مطابق انیس قائمخانی کے داماد محمد آصف قائمخانی برضائے الہی وفات پا گئے تھے ان کے ایصال ثواب کے لئے ان کی رہائشگاہ پر افسوس اور تعزیت کے لئے آنے والوں کا سلسلہ جاری ہے اس موقع پر مرحوم کی مغفرت کے لئے قرآن خوانی بھی منعقد کی گئی ۔

پاک سر زمین پارٹی کے چیئرمین سید مصطفی کمال کا سرینا ہوٹل کی پارکنگ میں دھماکے پر افسوس اور مذمت کا اظہار۔
ان کا کہنا ہےکہ دہشتگردوں کے بیہیمانہ حملے کیخلاف قوم متحد ہے۔ انھوں نےدھماکہ میں شہید و زخمی افراد کے اہلخانہ سے تعزیت وہمدری کا اظہار کرتے ہوئے حکومت سے درخواست کی کہ دھماکے کے نتیجے میں شہید اور زخمی افراد کے اہل خانہ کی مالی معاونت کی جائے۔انھوں نے مزید کہا کہ سرینا ہوٹل کی پارکنگ میں دھماکے میں ملوث عناصر کو فی الفور گرفتار کیا جائے۔

واضع رہے کہ جس جگہ دھماکہ ہوا ہے وہ کوئٹہ کا ایک محفوظ ترین علاقہ ہے ، ایک گاڑی کسی طرح ہوٹل کی پارکنگ میں داخل ہوئی۔انہوں نے کہا کہ ملک دشمن عناصر ملک کا امن تباہ کرنا چاہتے ہیں، دہشتگرد اپنے انجام کو پہنچیں گے،بھارت پاکستان میں امن نہیں چاہتا، دھماکے میں پولیس اہلکار بھی زخمی ہوئے ہیں۔

پاکستان تحریک انصاف شعبہ خواتین کراچی کی جوائنٹ سیکریٹری زہرا بٹ اور صوبائی سیکرٹری ممبر شپ اینڈ ریکارڈ کمیٹی صوبہ سندھ شمائلہ بٹ نے پارٹی چئیر مین پاک سر زمین پارٹی سید مصطفیٰ کمال اور صدر انیس قائم خانی سے پی ایس پی کے مرکزی الیکشن آفس این اے 249 میں ملاقات کی۔ملاقات کے بعد انھوں نے پاک سر زمین پارٹی میں شمولیت اختیار کرلی۔ اس موقع پر مرکزی وائس چیئرمین حفیظ الدین، مرکزی سیکرٹری اطلاعات آسیہ اسحاق، مرکزی سینئیر جوائنٹ سیکرٹری بلقیس مختار، جوائنٹ سیکریٹری نائلہ منیر بھی موجود تھیں۔واضع رہے ان دنوں پی ایس پی کا این اے249 میں مختلف سیاسی و سماجی شخصیات کے ساتھ گڈجوڑ جاری ہے۔

کنری میں فکس اٹ کے صوبائی رہنما و محمد عمر پر جھوٹی ایف آئی آر درج کرنے پر قائد حزب اختلاف سندھ اسمبلی حلیم عادل شیخ کا وڈیو بیان. عمرکوٹ کی انتظامیہ کی کرپشن بے نقاب کرنے پر ایک بار پھر ہمارے کارکن پر جھوٹا کیس بنایا گیا ہے۔ وفاقی حکومت کی جانب سے احساس پروگرام کے تحت مستحقین میں رقم تقسیم کی جارہی ہے آج ہمارے ساتھی محمد عمر نے ان کی کرپشن بے نقاب کی تو گرفتار کر کے جھوٹا پرچا کاٹ دیا ہے عمرکوٹ انتظامیہ اور پولیس احساس پروگرام کے سینٹرس سے رقم کی کٹوتی میں ملوث ہے۔اسسٹنٹ کمشنر کنری سینٹر سے دو لاکھ روزانہ بھتہ وصول کرتا ہے۔جن کی کرپشن کو محمد عمر نے بے نقاب کیا جس کی سزا ان کو دی گئی ہے۔ اس سے قبل اویس خان، بھارو مل کولہی، محبتی مولا بخش پر بھی کنری میں جھوٹے مقدمات بنائے گئے تھے کراچی کے نوگو ایریا اور بدمعاشی بھی ختم ہوچکی ہیں زیادتیاں زیادہ دیر نہیں چلتی ہیں۔عمرکوٹ میں لگتا ہے جنگل کا قانون بنا کر رکھا گیا ہے۔جھوٹے کیس اور گرفتاری کی شدید مزمت کرتے ہیں محمد عمر کو فوری رہا کیا جائے کارکنوں کو اکیلا نہیں چھوڑیں ایک ایک زیادتی کا حساب لیں گے۔