Category: کراچی

ترکی کی حکومت نے پاکستانی اداکار عمران عباس کو پاکستان سے خیرسگالی سفیر منتخب کیا ہے تاکہ وہ مشہور و معروف ترک اداکاروں کے ساتھ افریقی ممالک کا دورہ کریں اور وہاں کے عوام کو زندگی کی بنیادی ضروریات فراہم کرسکیں۔ ’نور بانو‘ کے اداکار نے اس کی تصدیق اپنے انسٹاگرام پر کی ہے۔ انھوں نے کہا کہ یہ ان کے لیے اعزاز کی بات ہے کہ ترکی کی حکومت نے انھیں اس مقصد کے لیے چنا ہے۔ انھوں نے مزید تحریر کیا کہ وہاں کی وزارت مذہبی امور نے انھیں تنزانیہ سمیت دیگر افریقی ملکوں کے اس ہفتے ہونے والے دورے کے لیے بطور خیرسگالی سفیر پاکستان سے چنا ہے، تاکہ وہاں ترک فنکاروں کے ساتھ جاکر وہاں کے عوام کو پانی، خوراک، تعلیم اور دیگر بنیادی ضروریات فراہم کی جاسکیں۔

عالمی وبا قرار دیے جانے والے کورونا وائرس سے متاثرہ 349 مریضوں کی حالت تشویشناک ہے۔ یہ بات وزیراعلیٰ سندھ سید مراد علی شاہ نے بتائی ہے۔ وزیراعلیٰ سندھ سید مراد علی شاہ نے بتایا ہے کہ صوبے میں کورونا وائرس کے مزید 532 کیسز رپورٹ ہوئے ہیں۔سندھ میں نئے کیسز کے بعد کورونا وائرس سے متاثرہ مریضوں کی تعداد دو لاکھ 72 ہزار 728 ہو گئی ہے۔وزیراعلیٰ سندھ سید مراد علی شاہ کے مطابق صوبے میں کورونا سے متاثرہ دو مریضوں کی موت ہو ئی ہے جس کے بعد صوبے میں کورونا سے ہونے والی کل اموات کی تعداد چار ہزار 553 ہو گئی ہے۔ وزیراعلیٰ سندھ سید مراد علی شاہ نے کہا ہے کہ صوبے میں کورونا سے متاثرہ 349 مریضوں کی حالت تشویشناک ہے.انہوں نے بتایا ہے کہ سندھ میں کورونا سے متاثرہ 45 ایسے مریض ہیں جنہیں طبی امداد وینٹی لیٹرز پردی جا رہی ہیں۔سید مرادعلی شاہ کے مطابق کراچی میں کورونا کے مزید 250 کیسز رپورٹ ہوئے ہیں جس کے بعد شہر قائد میں کورونا کیسز کی تعداد ایک لاکھ 91 ہزار 819 ہو گئی ہے

پاکستان پیپلز پارٹی یوسی 29 شاہ فیصل ورڈ سے تمام سیاسی پارٹیوں کا صفایا۔

سینئر رہنما راجہ حق نواز صاحب، اسد آفریدی، عامر آفریدی، فرحان اعوان اور احمد زیب کی کوششوں سے یوسی 29 وراڈ 4 ، شاہ فیصل کالونی سے بڑی تعداد میں مسلم لیگ کے کارکنان کی پاکستان پیپلز پارٹی میں شمولیت ۔ تمام نئے آنے والے ساتھیوں نے مل کر پیپلز پارٹی کے لئے کام کرنے کا عزم کیا اور الیکشن کمپئین میں بھرپور حصہ لینے اور قادر خان مندوخیل کو جتوانے کا عزم کیا۔ نئے شامل ہونے والے ساتھیوں نے پاکستان پیپلز پارٹی ڈسٹرکٹ ویسٹ کے صدر و ایم پی اے لیاقت آسکانی سے ملاقات کی۔ لیاقت علی آسکانی نے نئے شامل ہونے والے ساتھیوں کے لئے نیک خواہشات کا اظہار کیا۔

نارتھ کراچی سیکٹر الیون کی پانی کی لائنوں میں گٹر کا پانی واٹر بورڈ کی ہٹ دھرمی کا منہ بولتا ثبوت ہے۔ علاقہ مکین ماہ رمضان میں بدبودار پانی استعمال کرنے پر مجبور ہیں۔ ماہ صیام میں واٹر بورڈ انتظامیہ مافیا بنی ہوئی ہے۔ انتظامیہ خود منرل اور عوام کو کالا پانی پلارہی ہے۔ سندھ کے تمام بلدیاتی ادارے کرپشن کا گڑھ بن چکے ہیں۔ ایم ڈی واٹر بورڈ ترجیحی بنیادوں پر نارتھ ناظم کی تمام پانی کی لائنیں تبدیل کریں۔

کراچی: سندھ میں21 اپریل سے آٹھویں جماعت تک کلاسز مزید 10روز تک معطل رکھنے کا فیصلہ کرلیا گیا۔ تفصیلات کے مطابق وزیرتعلیم سندھ سعید غنی نے سماجی رابطے کی ویب سائٹ ٹوئٹر پر لکھا کہ کورنا وائرس کے پیش نظر محکمہ تعلمیم نے 8ویں جماعت تک کلاسز 21 اپریل سے مزید 10 روز تک معطل رکھنے کا فیصلہ کیا ہے۔ انہوں نے کہا کہ تعلیم آن لائن، ہوم ورک اور دیگر ذرائع سے جاری رکھی جاسکتی ہے۔ سعیدغن کا مزید کہنا تھا کہ نویں دسویں اور کالجز میں کلاسز50فیصد حاضری کے ساتھ جاری رہیں گی، تعلیمی ادارے کورونا ایس اوپیز پر سختی سے عمل کے پابند ہوں گے۔ دوسری جانب وفاقی وزارت تعلیم نے نویں سے 12 ویں جماعت کے بورڈ امتحانات کی تیاری کے لیے تدریسی عمل شروع کرنے اور امتحانات کے حوالے سے فیصلہ کیا ہے۔ نویں سے 12 ویں تک کلاسز کی تدریس اور امتحانات کے حوالے سے فیصلہ ہو گیا۔ وزیر تعلیم شفقت محمود نے تمام صوبوں کے صحت اور تعلیم کے وزرا کے خصوصی اجلاس کے بعد میڈیا سے گفتگو کرتے ہوئے کہا نویں سے 12 ویں جماعت تک متاثر اضلاع میں تدریس شروع کرنے کا فیصلہ کیا گیا ہے۔ شفقت محمود نے بتایا کہ اجلاس میں نویں سے بارہویں جماعت تک بورڈ امتحانات کی تیاری کے لیے تدریسی عمل شروع کرنے کا فیصلہ کیاگیا ہے، نویں سے 12 ویں جماعت کے امتحانات بورڈ کی نئی تاریخوں کے مطابق ہوں گے، اور امتحانات مئی کے آخری ہفتے سے پہلے شروع نہیں ہوں گے۔

مہنگائی کے اس دور میں جب سیب 200 روپے کلو ،خربوزہ 60 روپے کلو اور کیلے 150 روپے درجن مل رہے ہوں تو وہاں 10 روپے کلو پھل کی بات ہی مذاق تصور ہوتی ہے۔ تاہم آج بھی کچھ ایسے سخی اور انسانیت کا درد رکھنے والے لوگ موجود ہیں جو عام آدمی کی پہنچ سے دور پھلوں کو ان کی پہنچ تک لانے کے لیے کوشاں ہیں۔ سوشل میڈیا پر یوٹیوبر اور پاکستانی ارطغرل غازی مصطفیٰ حنیف کی ایک ویڈیو وائرل ہو رہی ہے جس میں وہ بتا رہے ہیں کہ انھوں نے کراچی میں جیل چورنگی کے پل کے نزدیک ایک گزرگاہ پر اسٹال لگایا ہے جہاں غریب افراد کے لیے اچھا اور معیاری پھل صرف 10 روپے کلو میں فروخت کیا جارہا ہے ۔مصطفیٰ حنیف نے ایک پھل پیکج بھی بنایا ہے جس میں کیلا، سیب اور خربوزہ شامل ہے اور اس پیکج کا وزن دو کلو جب کہ قیمت 20 روپے مقرر کی گئی ہے۔ مصطفیٰ حنیف کے مطابق وہ روزانہ شام 5 بجے اپنا فروٹ اسٹال لگاتے ہیں اور ان کی کوشش ہے کہ روزانہ کم ازکم 100خاندانوں کو 10 روپے کلو پھل فروخت کیا جا سکے۔کراچی کے ان نوجوانوں کی اس کوشش کو عوام کی جانب سے زبردست پزیرائی مل رہی ہے۔

پی ٹی آئی رہنماء خرم شير زمان کا موہن جو دڑو میں کنگ پریسٹ کے مجسمے کی بے حرمتی کے واقعے کی مذمت،کنگ پریسٹ کا مجسمہ سندھ کی ہزاروں سالہ پرانی تہذیب کی پہچان ہے، سندھ حکومت سندھ اور سندھ کی ثقافت کی حفاظت میں مکمل ناکام ہوچکی ہے، شرمناک عمل سے سندھ کی تہذیب کو نقصان پہچانے کی سازش کی گئی ہے۔انھوں نےمزید کہا کہ ہم واقعے پر وزیر ثقافت سندھ سے استعفیٰ کا مطالبہ کرتے ہیں۔یاد رہے کہ موہن جو دڑو کی تہذیب سندھ کی ہزاروں سال پرانی تہذیب ہے۔جو کے سندھ کی قدیم تہذیب وثقافت کی ایک اہم نشانی ہے لہذا اس کی حفاظت کی ذمےداری محکمہ ثقافت سندھ کی ہے۔

‏چیئرمین پی پی پی بلاول بھٹو زرداری کا شہید محترمہ بینظیر بھٹو کے سیکریٹری بریگیڈئیر ریٹائرڈ امان اللہ کے انتقال پر اظہارافسوس کیا۔چیئرمین بلاول بھٹو زرداری کی شہید محترمہ بینظیر بھٹو کے سیکریٹری بریگیڈئیر ریٹائرڈ امان اللہ کے جنت میں بلندی درجات کے لئے فاتحہ خوانی پڑھی۔چیئرمین بلاول بھٹو زرداری کی شہید محترمہ بینظیر بھٹو کے سیکریٹری بریگیڈئیر ریٹائرڈ امان اللہ کے لواحقین کے لئے دعائے صبر کی۔شہید محترمہ بینظیر بھٹو کے سیکریٹری بریگیڈئیر ریٹائرڈ امان اللہ مرحوم نے ڈکٹیٹرشپ کے مشکل دور میں پارٹی میں اہم ذمہ داریاں ادا کیں، چیئرمین بلاول بھٹو زرداری نے کہا کہ ‏شہید محترمہ بینظیربھٹو کے سیکریٹری بریگیڈئیرریٹائرڈ امان اللہ مرحوم کی خدمات کوکبھی فراموش نہیں کیا جاسکے گا، شہید محترمہ بینظیربھٹو کے سیکریٹری بریگیڈ ئیر ریٹائرڈ امان اللہ مرحوم کی انتظامی صلاحیتیں اور نظریاتی وفاداری مثالی تھی۔

کراچی میں آفس لباس میں اسٹریٹ کرمنل گھومنے لگے ہیں۔تفصیلات کی مطابق کراچی کے علاقے عزیز اباد میں اسٹریٹ کرائم کی ایک اور واردات سامنے آئی شہری اپنی 125 نہ بچا سکا۔ تین ملزمان شہری کا پیچھا کر کے لوٹنے کی کوشش کر رہے تھے مگر شہری ہاتھ نہ آیا تو اسکی نئی 125 لےکر فرار ہوگئے،واردات کی فوٹیج منظرعام پر آگئی۔ فوٹیج میں تین ملزمان کو گھر کےباہر سے شہری کی موٹر سائیکل لےجاتے دیکھا گیا۔شہری نے بتایا کہ ملزمان میرا پیچھا کررہے تھے،مجھے اندازہ ہوگیا تھا میں بھاگنے لگا لیکن میرے بھاگنے پر میرےگھر تک آئے میں جلدی میں موٹر سائیکل سے چابی نہیں نکال سکا تو وہ میری 125 لے کر فرار ہو گئے۔

پاکستانی گلوکارہ کومل رضوی نے انکشاف کیا ہے کہ وہ شادی کے بعد جب عمان میں موجود تھیں تو انہیں شوہر کے سلوک کی وجہ سے کئی مرتبہ بھوکا سونا پڑا۔
گلوکارہ حال ہی میں ایک نجی ٹی وی چینل کے شو میں شریک ہوئیں جس میں انہوں نے اپنی ناکام ازوداجی زندگی سے متعلق گفتگو کی۔ اور کہا کہ اگر ایک لڑکی ازدواجی زندگی میں خود کو بے یارومددگار سمجھے تواس کا پڑھا لکھا ، مضبوط اور خود مختار ہونا معنی نہیں رکھتا۔ کومل رضوی نے بتایا کہ میں نے اپنے شوہر کو 6 سال برداشت کیا، وہ ذہنی طور پر بیمار تھا اور مجھ پر ہاتھ اٹھاتا تھا۔ انہوں نے بتایا کہ شادی شدہ زندگی کے دوران کئی ماہ بھوکی سوئی کیوں کہ شوہر پیسے نہیں دیتا تھا، اس وقت عمان میں رہتی تھی اور کوئی کام بھی نہیں کرتی تھی۔
گلوکارہ نے مزید بتایا کہ میں 4 سال قید رہی اس دوران کبھی ٹیوشن پڑھا کر کچھ پیسے کمائے لیکن پھر میں نے ٹھان لی کہ کچھ کرنا ہے جس کے بعد کورس کیا اور کھانا پکانا سیکھا، بعد ازاں میں عمان کے اسٹورز میں کھانا سپلائی کیا کرتی تھی۔ انہوں نے کہا کہ جب شوہر نے مجھ پر تشدد کرکے زخمی کیا تو والدین کو شک ہوگیا اور انہوں نے مجھے واپس آنے کے لیے کہنا شروع کردیا، پھر ایک دن والد آئے اور مجھے پاکستان واپس لے آئے۔
کومل رضوی نے آج کی خواتین کے لیے پیغام دیتے ہوئے کہا کہ وہ شاید پہلی لڑکی ہوں جو یہ کہہ رہی ہوں کہ لڑکیوں کے پاس تعلیم ہو یا نہ ہولیکن ہنر کاہونا بہت ضروری ہے۔