Category: کراچی

ممتاز تاجر HMRگروپ کے چیئرمین حاجی محمد رفیق پردیسی کی جانب سے پی ایس پی کے قائد مصطفی کمال کی حمایت کا اعلان کردیا گیا اس بات کا اعلان انہوں نے گزشتہ روز اپنی رہائش گاہ پر مصطفی کمال کے اعزاز میں دیئے گئے ایک پر تکلف عشائیہ میں کیا پی ایس پی کے چیئرمین مصطفی کمال نے رفیق پردیسی کی حمایت کرنے پر ان کا شکریہ ادا کیا اور کہا کہ سیاست ہمارا بزنس نہیں ہے ہم سیاست میں خدمت خلق کرنے آئے ہیں ہم نے غریب مظلوم عوام کی آواز حکومتی ایوانوں تک پہنچانی ہے اس لیے NA-249کے الیکشن میں حصہ لینے کا فیصلہ کیا ہے انہوں نے کہا کہ پیپلز پارٹی نے اپنے تیرہ سال دور میں اس شہر کراچی کے ساتھ بہت ظلم کیا لاکھوں لوگوں کو سرکاری نوکریاں مگر ان میں ایک آدمی کا بھی تعلق کراچی سے نہیں ہے 40فیصد کوٹہ ہونے کے باوجود کسی شہری کو نوکری نہیں دی گئی مصطفی کمال نے کہا کہ اس شہر کے لوگوں میں اتنا دم ہے کہ وہ لیڈر شپ دے سکتا ہے حکومت سازی کرسکتا ہے ۔ ہمیں اپنے اعمال درست کرنے ہوں گے ہمارا رب ہم سے ناراض ہے اپنے رب کو راضی کرنا ہوگا مجھے ایم پی اے ، ایم این اے بننے کی کوئی خواہش نہیں ہے ، کیونکہ الحمد اللہ ایم پی اے ، سٹی ناظم سینیٹر بن چکا ہوں۔ہمارے لیے عہدے کوئی حیثیت نہیں رکھتے ہم نے ایم کیو ایم اپنے عروج پر چھوڑی تھی ۔ میری ساڑھے پانچ سال کی سینیٹر شپ باقی تھی مگر جب روزانہ 22/22افراد مارے جائیں گے میرے شہر میں تو سب وزارتیں بادشاہت بیکار ہیں ہم کو اس شہر میں امن ، روزگار ، تعلیم ، صحت دینی ہے۔ ہم کو اپنے اللہ تعالیٰ کو مرنے کے بعد جواب دینا ہے سٹی ناظم تھا 300ارب روپے ملے ایک روپیہ بھی حرام نہیں کھایا۔میرا کوئی شادی ہال نہیں ہے کوئی پیٹرول پمپ نہیں ہے آج اگر لوگ مجھے میرے ترقیاتی کاموں کی وجہ سے یاد کرتے ہیں تو یہ سب بھی اللہ تعالیٰ کا کرم ہے جس طرح پیپلز پارٹی اس شہر کے ساتھ ظلم برپا کیے ہوئے ہے اگر میں چاہتا تو ہر گلی کوچہ میں جاکر مہاجر نعرہ لگا کر آگ لگا سکتا تھا۔ مگر میں نے ایسا نہیں کیا ہم نے تمام قوموں کو یکجا کرنا ہے ۔ الحمد اللہ سہراب گوٹھ پر کامیاب جلسہ کرنے کے بعد ہم نے کوئٹہ میں عظیم الشان جلسہ کیا پختون بلوچ بھائیوں نے ہم کو خوش آمد ید کہا ۔ مصطفی کمال نے کہا کہ مجھے مہاجر ہونے پر فخر ہے۔مگر میرے لیے لیاری ، بنارس ، سہراب گوٹھ ، ملیر گوٹھ کے لوگ بھی اہمیت رکھتے ہیں ۔ہم تمام زبان بولنے والوں کے درمیان کشیدگی ختم کرنا چاہتے ہیں آپ لوگوں کا ساتھ ہمیں چاہئے آپ لوگ ہمارے اس مشن میں آگے بڑھیں۔آج حاجی محمد رفیق پردیسی جیسے لوگوں کی اہمیت ہمارے لیے اللہ تعالیٰ کی نعمت ہے، ہمارے لیے انعام ہے ۔HMRگروپ کے چیئرمین حاجی رفیق پردیسی نے کہا کہ مصطفی کمال اس شہر کی گلی گلی کوچہ کوچہ سے واقف ہیں، یہ یہاں کے مسائل کو بخوبی جانتے ہیں اور ان تمام
مسائل کو حل کرنے کی بھرپور صلاحیت بھی رکھتے ہیں. ہم کو مصطفی کمال کی بھرپور انداز سے سپورٹ کرنی چاہئے اور ان کے مشن میں ان کا ساتھ دینا چاہئے NA-249کے الیکشن میں ان کی حمایت کا اعلان کرتے ہیں اور بلدیہ ٹاﺅن کی عوام سے میری اپیل ہے کہ وہ مصطفی کمال کو کامیاب کرائیں اور ان کو قومی اسمبلی میں پہنچائیں ، مصطفی کمال کا ایوان میں ہونا اس شہر کراچی کے لیے مددگار ثابت ہوگا یہ یہاں کے مسائل پر اچھی طرح آواز بلند کرینگے ۔ حاجی محمد رفیق پردیسی کی جانب سے دیئے گئے عشائیہ کے موقع پر معروف بزنس مین رفیق سلیمان ، آصف سم سم نے بھی اپنے خیالات کا اظہار کیا اور مصطفی کمال کے لیے نیک خواہشات کا اظہار کیا .اختر فاروقی نے بھی مصطفی کمال کی صلاحیتوں کا برملا اعتراف کیا اس موقع پر پی ایس پی کی جانب سے صدر انیس قائم خانی ،نیشنل کونسل ممبر سید حفیظ الدین ، ڈپٹی سیکرٹری انفارمیشن شمشاد علی صدیقی ، دلاور حسین ، رﺅف اختر فاروقی ،شاکر احمد ، معروف بینکار ، محمود راشد ، حاجی عبدالصمد پردیسی ، حاجی انیس پردیسی ، عمیر پردیسی ، رزاق پردیسی ، انجینئر نعیم خانانی ،ندیم مغاربی ، شیخ راشد عالم ، محمد حنیف خان ، حسن جہانگیر ، دلاور خان ، حفیظ الدین ، عثمان ملک ، وسیم خان ، علیم نواب خان ، ارشد خان اور دیگر شخصیات بھی موجود تھیں ۔

حلیم عادل شیخ میڈیا سے گفتگو کرتے ہوئے کہا آج انصاف کی فتح ہوئی ہے پورا پاکستان جانتا ہے ہمیں جھوٹے دہشت گردی کے مقدمات میں پھنسا یا گیا تھا میرے چار ساتھی ابھی میں جیل میں ہیں ایسے دہشت گردی مقدمات بنائے تھے جو جھوٹے تھے ہم نے کسی تھانے یا سی آئی اے سینٹر پر حملہ نہیں کیا پیپلز پارٹی اس لیے لیٹ گئی تھی کہ شاید سوئس کیس پر نظر نہ ڈلے۔جب سوئس کیس کے ڈبے کھولنے لگے تو یہ دوبارہ پی ڈی ایم میں گھس رہی ہے وہ مفرور اعظم کی صاحبزادی ہیں اس لیے جرت کیسے کرلی نیب نے بلانے کی اس لیے سب کچھ ہورہا ہے مولانا بھی میدان میں اگئے یہ مولانا رینٹل ہیں کسی کی چوری بچانے کے لیے مولانا آئے ہیں مدارس کے طلباء کو لیکر آئیں گے یہ سب نیب زدہ ہیں۔

یہ این آر او لینا چاہتے ہیں کبھی مارچ اور کبھی ایف اے ٹی ایف کے نام پربلیک میل کرتے ہیں عمران خان آپ کی دھمکیوں میں نہیں آئے گا۔قوم آپ کے مکرو چہرے دیکھ رہی ہے۔جب بھی اسمبلی میں تقریر کرو اگلے روز اینٹی کرپشن کا نوٹس آجا تا یے گھوٹکی اور کراچی الیکشن میں بھی ایف آئی آر کاٹی گئی۔الیکشن کمیشن کو یہ اپنے اشاروں پر چلانا چاہتے ہیں پولیس کے ایسے چہرے سامنے آئے .جو آئی جی بننا چاہے تھے انہوں نے میرے خلاف ایف آئی آر کاٹی۔پولیس منشیات فروشی کررہی ہے ۔کیا پولیس منشیات فروشی کےلیے ہے ؟جنہوں نے پوسٹنگ کے خاطر سندھ حکومت کی غلامی کی اس یے ایماندار پولیس افسر کو سلام ہے اگر کسی کے حلقے میں کتے نے کسی کو کاٹا تو ایم پی اے اس کا ذمہ دار ہے انہوں نے کہا جج نہ کھپے انہیں وہ جج چاہیے جو ان کے حق میں فیصلہ دے جناب چیف سیکرٹری ہمیں بتائیں کیسے کتوں کو مارا جائے۔ڈی سی کو اگر کتا مارا گا تو کون کتنے آگے سے پکڑے گا کون کتےکو پیچھے سے پکڑے گا۔ہمیں بتائیں تو صیحیح سندھ حکومت بتائے کتوں کو کس طرح مارنا ہے۔کتوں کو نیوٹرل کرنے کے لیے 92 کروڑ کہاں گئے۔سندھ میں ویکسین نہیں ملتی ہے جب آپ کسی کے گھر میں گھستے ہو تو سوچ لیں آپ بھی شیشے کے گھر میں بیٹھے ہوں میں نے اب سندھ کے عوام کا کیس لڑنا ہے۔

کراچی : جعلی صحافی خاتون ثانیہ شاہ رخ اعوان کی جانب سے بھتہ طلبی کے معاملے پر اہم پیشرفت ہوئی ہے سرسید تھانے میں جعلی صحافی خاتون کیخلاف مقدمہ درج کرلیا گیا۔اس حوالے سے پولیس افسران کا کہنا ہے کہ پولیس اہلکار شیخ تیمور کی مدعیت میں دہشت گردی، بھتہ خوری، ٹیلی گراف ایکٹ کے تحت مقدمہ درج کیا گیا۔پولیس حکام نے مقدمے کی تفصیلات بیان کرتے ہوئے بتایا کہ پولیس اہلکار شیخ تیمور کے مطابق مذکورہ خاتون نے فون کرکے10ہزار روپے بھتہ طلب کیا۔بھتہ نہ دینے پر تصویریں اخباروں اور سوشل میڈیا پر ڈالنے کی دھمکیاں دیں، ملزمہ کا کہنا تھا کہ اگر مجھے بھتہ نہ دیا تو نوکری سے برطرف کروا دوں گی۔مدعی اہلکار کے مطابق ثانیہ نے کہا کہ میں نے پہلے بھی بہت اہلکاروں کو برطرف کروایا ہے، ثانیہ نے کہا کہ آپس میں مل کرتم لوگ بھتے کی رقم کا بندوبست کرو۔پولیس اہلکار کا کہنا ہے کہ جعلی صحافی خاتون ثانیہ شاہ رخ اعوان نے دھمکی دی کہ اگر رقم فراہم نہ کی تو تم لوگوں کیخلاف پروپیگنڈہ کرتی رہوں گی۔ پولیس حکام کے مطابق ایف آئی آر کے بعد پولیس کا ثانیہ اعوان کے گھرچھاپہ مارا گیا تاہم ملزمہ ثانیہ اپنے شوہر شاہ رخ کے ہمراہ گھر سے فرارہوگئی، پولیس کی جانب سےملزمہ کے ٹھکانوں پر چھاپوں کا سلسلہ جاری ہے۔

پروفیسر اشتیاق ابڑو کا کے بی فیڈر سے لاش ملنے کا معاملہ، پی ٹی آئی رہنماء خرم شير زمان کا واقعے پر افسوس و مذمت کا اظہار، پروفیسر اشتیاق ابڑو کا بیہمانہ قتل افسوسناک ہے، خرم شیر زمان سندھ میں انسانی جانیں محفوظ نہیں، خرم شیرزمان پولیس مکمل طور پی پی کا ونگ بن چکی ہے، خرم شیر زمان پولیس عوام کے بجاء وزراء کی حفاظت پر معمور ہے، خرم شیر زمان صوبے بھر میں بدامنی عروج پر پہنچ چکی ہے، خرم شیر زمان پروفیسر اشیاق کے قتل کے حقائق سامنے لائے جائیں، خرم شیر زمان ملزمان کی جلد گرفتاری یقینی بنائی جائے، خرم شیر زمان *

پی پی پی شعبہ خواتین کی مرکزی صدر و ایم پی اے فریال تالپور سے ضلع بدین کی مختلف سیاسی شخصیات کی ملاقات . پی ایس- 72 اور این اے – 230 سے تعلق رکھنے والی شخصیات نے پیپلز پارٹی میں شمولیت کا اعلان کیا شمولیت کرنے والوں میں سابق یوسی چیئرمین محمد یعقوب سومرو اور سابق یو سی چیئرمین چوہدری اسلم کمبوہ شامل علاقے کے معززین پٹیل عثمان سومرو، چودہری محمد اسلم، پگارہ عثمان پنھور اور اکبر پنہور نے بھی پیپلز پارٹی میں شمولیت کا اعلان کیا انہوں نے چیئرمین بلاول بھٹو زرداری اور سابق صدر آصف علی زرداری کی قیادت پر مکمل اعتماد کا اظہار کیا اس موقعے پر ایم این ایز میر منور تالپور اور میر غلام علی تالپور، ایم پی اے تاج محمد ملاح اور میر وقار تالپور بھی موجود تھے فریال تالپور نے شمولیت کرنے والی شخصیات کو پارٹی میں خوش آمدید کہا پیپلز پارٹی عوام کی واحد نمائندہ جماعت ہے، جو ملک میں حقیقی جمہوریت اور خوشحالی کے لیئے جدوجہد کر رہی ہے: فریال تالپور ملک کو درپیش بحرانوں سے فقط پی پی پی نکال سکتی ہے، آئندہ الیکشن کے بعد وفاق سمیت چاروں صوبوں میں پیپلز پارٹی کی حکومت ہوگی.

پی ٹی آئی رہنماء خرم شير زمان نے ٹیوٹر بیان دیتے ہوے کیا کہ سلطنت رائیونڈ کی جعلی راجکماری کا اداروں میں بارات لیکر جانا کوئی نئی روایت نہیں، سپریم کورٹ پر حملہ ہو یا کالا کوٹ پہننے کا موقع باؤجی کمان سنبھالتے نظر آئے، انھوں نے مذید تنقید کرتےہوےکہا کہ مولانا نے طئے کرلیا ہے کہ ہر کرپٹ شخص کے لیے وہ کرائے پر موجود ہیں، پی ڈی ایم سے پی نکلنے کے بعد اب صرف اتحاد میں دغاباز مولانا ہی بچے ہیں۔

سپریم کورٹ کے حکم پر کراچی کے اورنگی اور گجر نالے پر تجاوزات کے خلاف بڑا آپریشن جاری ہے، گجر نالے کا 9 کلومیٹر جبکہ اورنگی نالہ کا 7 کلومیٹر کا علاقہ تجاوزات سے خالی کرالیا گیا ہے۔گجر نالے پر تین مقامات پر تجاوزات کے خلاف آپریشن جاری ہے، ضلع وسطی میں لیاقت آباد، لنڈی کوتل اور شفیق موڑ پر پکی تعمیرات گرائی جارہی ہیں، 26 کلومیٹر رقبے سے گجر نالے کا 9 کلومیٹر کا علاقہ کلیئر کرالیا گیا۔اورنگی نالہ پر بھی تین مقامات پر آپریشن جاری ہے، آپریشن اسماعیل گوٹھ، وحید آباد اور چمن سنیما کے علاقوں میں کیا جارہا ہے، 23 کلومیٹر رقبے سے اورنگی نالہ کا 7 کلومیٹر کا علاقہ کلیئر کرالیا گیا۔سینئر ڈائریکٹر محکمہ انسداد تجاوزات بشیر صدیقی کے مطابق آپریشن میں لاجسٹک سپورٹ کو بڑھا دیا گیا، مزید مشینری اور افرادی قوت کو طلب کیا گیا ہے۔آپریشن کے دوران اسسٹنٹ کمشنر، رینجرز، ڈسٹرکٹ پولیس، اینٹی اینکروچمنٹ پولیس موجود ہے، کے الیکٹرک، سوئی گیس، واٹر بورڈ اور دیگر اداروں کی ٹیمیں بھی موجود ہیں۔سینئر ڈائریکٹر بشیر صدیقی کے مطابق بہت جلد نالوں سے تجاوزات ختم کر دی جائیں گی۔

کراچی صوبائی مشیر قانون بیرسٹر مرتضیٰ وہاب نے لانڈھی صنعتی ایریا میں صنعتی و طبی فضلہ جلانے والے ایس این ویسٹ انسنریشن پلانٹ کا افتتاح کردیا۔
صوبائی مشیر قانون بیرسٹر مرتضیٰ وہاب نے لانڈھی صنعتی ایریا میں ایس این ویسٹ انسنریشن پلانٹ کا افتتاح کیا، ایس این ویسٹ شہر میں اپنی نوعیت کا پہلا آٹو میٹک پلانٹ ہے۔پلانٹ میں یومیہ 12 ہزار کلو صنعتی و طبی فضلہ جلانے کی صلاحیت ہے۔اس موقع پر صوبائی مشیر مرتضیٰ وہاب کا کہنا تھا کہ ایس این ویسٹ فضلے کو ٹھکانے لگانے کا جدید پلانٹ ہے، صوبے میں صنعتوں کا جال بچھایا جا رہا ہے۔ ماحولیاتی آلودگی کی کمی کے اقدامات ہماری ترجیحات ہیں۔ عمران خان نے 162 ارب کا اعلان کیا تھا، ابھی تک ایک روپیہ خرچ نہیں کیا، سندھ حکومت کو این ایف سی کی مد میں 80 ارب روپے کم دیے گئے۔صوبائی مشیر کا کہنا تھا کہ وفاقی حکومت نے سندھ کو ایک منصوبہ نہیں دیا، یہ کوئی وعدے پورے نہیں کرتے، سندھ حکومت تمام سازشوں کے باوجود ترقیاتی کام جاری رکھے گی۔ شہریار وزیر اعظم کو باتوں میں نہیں کام میں احساس دکھانے کی ضرورت ہے۔

کراچی لوکل گورنمنٹ بورڈ سندھ نے کراچی سمیت سندھ بھرکے99یو سی سیکریٹریز کو عہدوں سے ہٹا دیا، ان یوسی سیکریٹریز کو 13-2012 میں بھرتی کیا گیا تھا۔انکوائری کمیٹی کی سفارشات پر لوکل گورنمنٹ بورڈ سندھ نے ایکشن لیتے ہوئے کراچی سمیت سندھ بھرکے99یو سی سیکر یٹریز کو عہدوں سے ہٹادیا اور انکوائری مکمل ہونے تک سندھ لوکل گورنمنٹ بورڈ رپورٹ کرنے کی ہدایت کی۔کمیٹی سربراہ نے سندھ لوکل گورنمنٹ بورڈ سیکریٹری کومراسلہ لکھا تھا، جس میں کہا تھا کہ 99یوسی سیکریٹریز نےدستاویزات جمع نہیں کرائیں، ان یوسی سیکریٹریز کو 13-2012 میں بھرتی کیا گیا تھا مراسلے میں کہا گیا کہ اس عرصےمیں ڈپارٹمنٹ نےبھرتیوں کا اعلان نہیں کیا تھا اور نہ اشتہار جاری ہواتھا، یوسی سیکریٹریز کی بھرتیاں بوگس ہیں، بھرتیوں میں نادر خان، جاوید،عمران،جھامن داس ودیگرافسران ملوث ہیں۔یاد رہے گذشتہ ماہ محکمہ بلدیات سندھ نے ساٹھ سے زائد ملازمین کو نوکریوں سے ہٹانے کا حکم نامہ جاری کیا تھا ، جن میں گریڈ ایک سے 18 تک کے افسران و ملازمین شامل تھے۔ ملازمت سے ہٹائے گئے ملازمین مختلف اضلاع کی یوسیز میں تعینات تھے، اور ان کو مختلف الزامات کا سامنا تھا۔حکم نامے میں کہا گیا تھا کہ مذکورہ افسران و ملازمین محکمہ بلدیات کی جانچ پڑتال کے لیے بلانے پر حاضر نہیں ہوئے، جب تک ان افسران و ملازمین کی اہلیت ثابت نہیں ہوتی، یہ ملازمت سے فارغ رہیں گے۔ یہ ملازمین تقرری کی تحقیقات مکمل ہونے اور بھرتی درست ثابت ہونے تک فارغ رہیں گے