Category: کراچی

وفاقی وزیر ریلوے اعظم سواتی کہتے ہیں کہ کراچی ایکسپریس کو پیش آنے والے حادثے میں کسی کی غفلت ہوئی تو برداشت نہیں کروں گا وزیر ریلویز نے اپنے ایک بیان میں کہا کہ اگر حادثے میں ٹرین ڈرائیور کی غلطی ہوئی تو کارروائی ہوگی، ابتدائی تحقیقاتی رپورٹ 4 سے 5 روز میں مل جائےگی ٹرین حادثے کے حوالے سے اعظم سواتی کا کہنا تھا کہ حادثہ بہت شدید تھا لیکن اللہ کا شکر ہے کہ جانی نقصان کم ہوا۔ وفاقی وزیر کا کہنا تھا کہ ریلوے کا نظام مکمل طور پر اپ گریڈ کرنے کی ضرورت ہے اور اس کے لیے کام بھی کر رہے ہیں دوسری جانب جاں بحق خاتون کے لواحقین سےاظہار ہمدردی کرتے ہوئے وزیر ریلوے نے کہا کہ انہوں نے ریسکیو آپریشن براہ راست مانیٹر کیا، ریلوے حکام اور پولیس وقت پر حادثے کے مقام پر پہنچی، ڈی سی سکھر نے بھی بہت تعاون کیا۔

روہڑی اور پنوں عاقل کے درمیان کراچی ایکسپریس حادثے کا شکار ہو گئی جس کے نتیجے میں خاتون جاں بحق اور خواتین و بچوں سمیت 40 افراد زخمی ہو گئے۔کراچی سے لاہور جانے والی کراچی ایکسپریس روہڑی اور پنوں عاقل کے درمیان حادثے کا شکار ہو گئی، حادثے میں ٹرین کی 9 بوگیاں پٹری سے اتر گئیں جس میں سے 4 کھائی میں جا گریں حادثہ سکھر سے 25 کلو میٹر دور پیش آیا جب کہ عینی شاہدین کا بتانا ہے کہ حادثے کے وقت ٹرین کے زیادہ تر مسافر سو رہے تھے۔ریلوے حکام کے مطابق حادثے میں ایک خاتون جاں بحق اور خواتین اور بچوں سمیت 40 افراد زخمی ہوئے، 30 افراد کو ابتدائی طبی امداد کے بعد اسپتال سے فارغ کر دیا گیا ہے جب کہ دیگر زخمیوں کو اسپتالوں میں طبی امداد فراہم کی جا رہی ہے۔اہل علاقہ، ریسکیو ٹیموں کے ساتھ ساتھ پاک فوج، رینجرز اور پولیس نے بھی امدادی کارروائیوں میں حصہ لیا، ٹرینوں کی آمدورفت کئی گھنٹے معطل رہنے کے بعد بحال کر دی گئی ہے۔حکام کے مطابق ریسکیو آپریشن مکمل کر لیا گیا ہے اور ڈاؤن ٹریک مرمت کے بعد کلیئر کر دیا گیا جب کہ کراچی سے پنجاب جانے والے ٹریک کی بحالی کا کام شروع کر دیا گیا ہے، فی الحال سنگل ٹریک سے ٹرینوں کی آمد و رفت جاری ہے۔ریلوے حکام کی جانب سےہیلپ ڈیسک قائم کر دی گئی ہے جب کہ متاثرہ مقام پر ریلیف ٹرین بھی پہنچ گئی ہے۔وزیر ریلوے اعظم سواتی نے کراچی ایکسپریس میں پیش آنے والے حادثے پر انتہائی دکھ اور افسوس کا اظہار کرتے ہوئے کہا کہ ریلوے کو مکمل طور پر اپ گریڈ کرنے کی ضرورت ہے، اگر حادثے میں ریلوے ملازمین کی غلطی ہوئی تو ان کے خلاف سخت کارروائی عمل میں لائی جائے گی۔

کراچی: سی ٹی ڈی سندھ اور حساس ادارے کی ٹیم کا باغ کورنگی میں مبینہ مقابلہ
فائرنگ کے تبادلے میں خطر ناک ٹارگٹ کلر مارا گیا ایک ساتھی فرار مارے گئے دہشت گرد اعظم عرف گنجا کا تعلق ایم کیو ایم لندن سے تھا
اعظم گنجا کورنگی سیکٹرٹارگٹ کلرز ٹیم کا اہم کارکن تھا مارا گیا دہشت گرد بدنام زمانہ ٹارگٹ کلر جنید بلڈوگ کا قریبی ساتھی بھی تھا اعظم گنجا نے 2012 میں یونٹ اور سیکٹر کی ہدایت پر قتل و غارت گری کا عمل شروع کیا اعظم گنجا نے یونٹ کی ہدایت پر کورنگی تصویر محل کے قریب ساتھیوں کے ساتھ مل کر ایک شخص کو قتل کیا 2013 میں سیکٹر کی ہدایت پر کورنگی چنیوٹ اسپتال کے قریب ساتھیوں کے ساتھ مل کر کے ڈی اے افسر جبار منگی کو قتل کیا ان لانڈھی میں ایم کیو ایم حقیقیکے کارکن فاروق کو قتل کیا سیکٹر کی ہدایت پر پکڑ کر بٹھائے ہوئے اپنے ہی ساتھی کارکن کو زمان آباد لے جا کر قتل کیا مارا گیا دہشت گرد اعظم گنجا سی ٹی ڈی سندھ کو کئی مقدمات میں مطلوب تھا

پاکستان سپر لیگ (پی ایس ایل) کے دوران بائیوسیکیور ببل کی ناکامی اور لیگ کے ملتوی ہونے پر سوالات اٹھائے جانے کے بعد پاکستان کرکٹ بورڈ (پی سی بی) کے ڈائریکٹر اسپورٹس سائنس اور میڈیکل نے استعفیٰ دے دیا ترجمان پی سی بی نے تصدیق کی کہ ڈائریکٹر اسپورٹس سائنس اور میڈیکل ڈاکٹر سہیل سلیم نے اپنا استعفیٰ بورڈ کو بھجوا دیا ہے انہوں نے کہا کہ چیئرمین پی سی بی احسان مانی اور سی ای او وسیم خان ڈاکٹر سہیل سلیم کے استعفے کے متعلق فیصلہ کریں گے میڈیا رپورٹس کے مطابق پاکستان سپر لیگ میں بائیوسیکیور ببل کی ناکامی پر ڈاکٹر سہیل سلیم پر شدید تنقید کی جارہی تھی۔ رپورٹس میں کہا گیا کہ کرکٹ بورڈ میں اندرونی سطح پر بھی ڈاکٹر سہیل کو تنقید کا سامنا تھا یاد رہے کہ پی سی بی نے دو روز قبل پی ایس ایل میں شامل مزید 7 کھلاڑیوں میں کورونا وائرس کی نشان دہی پر لیگ کے بقیہ میچز غیر معینہ مدت تک ملتوی کرنے کا اعلان کیا تھا۔پی سی بی نے کہا تھا کہ پی سی بی اور ٹیموں کے مالکان کے درمیان منعقدہ ایک ورچوئل اجلاس کے بعد بورڈ نے پی ایس ایل 6 کو فوری طور پر ملتوی کردیا ہے۔ اعلامیے میں بتایا گیا تھا کہ پی سی بی اب فوری طور پر تمام 6 ٹیموں کے شرکا کی پی سی آر ٹیسٹنگ، کورونا ویکسین اور آئسولیشن سہولیات کے لیے اقدامات کرے گا۔ بعد ازاں پی سی بی کے چیف ایگزیکٹو وسیم خان نے کہا تھا کہ پی ایس ایل 6 کو مناسب تاریخ پر گزشتہ سیزن کی طرح مکمل کیا جائے گا کراچی میں پریس کانفرنس کرتے ہوئے وسیم خان نے کہا تھا کہ پی ایس ایل کے چھٹے سیزن کے التوا کی تصدیق کرتا ہوں کہ پی ایس ایل 6، نئی تاریخوں کے سامنے آنے تک ملتوی کردی گئی ہے اور یہ دن ہمارے لیے بڑا سخت ہے۔ ان کا کہنا تھا کہ ہمارے ساتھ ساتھ کرکٹ کے شائقین، اسٹیک ہولڈرز، پاکستان کرکٹ کے عالمی سطح پر مداح، تمام کھلاڑی اور آفیشلز جو پی ایس ایل سے منسلک تھے سب کے لیے یہ مشکل دن ہے۔

پی ٹی آئی رکن سندھ اسمبلی راجہ اظہر کا پارلیمنٹ ہاؤس کے باہر ن لیگی رہنماؤں کی جانب سے بدمزگی پر ویڈیو بیان ن لیگی رہنماء جانتے تھے آج پارلیمنٹ ہاؤس میں ووٹ آف کانفڈنس کا اجلاس ہے، نون لیگی رہنماء جانتے تھے کہ تحریک انصاف کے کارکنان بھی جمع ہورہے ہیں، اپوزیشن کے بائکاٹ کے اعلان کے باوجود نون لیگی رہنماء کیوں پارلیمنٹ ہاؤس کے باہر موجود تھے،
شاہد خاقان کا پی ٹی آئی کارکنان کے ساتھ روئیہ قابل مزمت ہے،
شاہد خاقان سینئر سیاستدان اور سابق وزیراعظم ہیں، شاہد خاقان کا غیر اخلاقی سلوک انہیں زیب نہیں دیتا، شاہد خاقان کے بیان نے احترام کے پردے ہٹا دیے، شاہد خاقان کے چیلنج کو قبول کرتا ہوں میں بھی پہاڑی علاقے سے تعلق رکھتا ہوں،
شاہد خاقان یا ان کی قیادت ہمارے کارکنان کیلئے نازیبا الفاظ ادا کریں یہ ہمیں قبول نہیں،
تحریک انصاف کے ورکرز چور نہیں ہیں دلیر ہیں، راجہ اظہر

ٓایم کیو ایم پاکستان کے ایک وفد نے سینئر ڈپٹی کنوینر عامر خان کی قیادت میں کنگری ہاوس میں پیر پگارا سے ملاقات کی اس ملاقات میں ڈپٹی کنونیر کنور نوید جمیل،وسیم اختر نو منتخب سینیٹر ورکن رابطہ کمیٹی فیصل سبزواری اور رکن رابطہ کمیٹی ظفر کمالی شامل تھے۔ ملاقات میں ملک کی مجموعی سیاسی صورتحال پر تبادلہ خیال ہوا۔ عامر خان نے سینیٹ کے انتخاب میں ا یم کیو ایم پاکستان سے تعاون کرنے پرجی ڈی اے کاشکریہ ادا کیا دونوں وفود نے اس امر پر اتفاق کیا کہ مستقبل میں مل جل کر کام ا ور بات چیت جار ی رکھنے پر بھی اتفاق کیا گیا۔ پیر پگارا نے ایم کیو ایم کے وفد کا استقبال کر تے ہوئے انکی آمد کا شکریہ ادا کیا اور کہا کہ جمہوریت کی مضبوطی اور سندھ کے استحکام کیلے مل جل کر کام کرینگے اس موقع پر پیر پگارا کے ہمراہ پیر صدر الدین شاہ راشدی اور رکن سندھ اسمبلی نند کمار شامل تھے۔

سندھ لائیو اسٹاک ایکسپو 2021 کا سافٹ لانچ کر دیا گیا. محکمہ لائیو اسٹاک زیر انتظام 13 سے 15 مارچ تک حیدرآباد میں ملک کی سب سے بڑی لائیو اسٹاک ایکسپو منعقد کی جا رہی ہے.
تقريب میں صوبائی وزیر اطلاعات و بلدیات سندہ سید ناصر حسین شاہ بطور مہمان خصوصی شریک .تقریب میں صوبائی وزیر لائیو اسٹاک و فشریز عبدالباری پتافی، وزیر زراعت محمد اسماعيل راهو , سیکریٹری لائیو اسٹاک اعجاز احمد مھیسر ، ڈی جی ٹورزم علیم لاشاری و دیگر شریک تقریب میں تھائی کونسل جنرل، پاکستان چیمبر آف کامرس اینڈ انڈسٹری، کراچی ڈیری ایسوسی ایشن اور لیڈنگ بزنس گروپ کے نمائندے بھی شریک ہیں

کراچی کے ساتھ ظلم اور ناروا سلوک بند ہونا چاہیے،سربراہ پاکستان سنی تحریک محمد ثروت اعجاز قادری سندھ کا سب سے بڑا شہر کراچی محرمیوں اودم ترقی کا شکار ہے،ثروت اعجاز قادری ترقی یافتہ دور میں کراچی ترقی میں رکاوٹ اوربوسیدہ صورتحال پر گہری تشویش ہے،ثروت اعجاز قادری کراچی پر ہر دور میں سیاست کی گئی مگر کراچی اور یہاں کی عوام کو مکمل حقوق فراہم نہیں کئے گئے کراچی کو اس کی حیثیت کے مطابق ترقی اور عوام کو حقوق نہیں دیئے گئے تو پھر عوام سرکوں پر نکلیں گے
کراچی کی ترقی اور عوام کے حقوق کیلئے 13مارچ کونشترپارک میں آواز اٹھائینگے،ثروت اعجاز قادری کراچی سربراہ پاکستان سنی تحریک محمد ثروت اعجاز قادری نے کہا ہے کہ کراچی کے ساتھ ظلم اور ناروا سلوک بند ہونا چاہیے،سندھ کا سب سے بڑا شہرکراچی محرمیوں اور مایوسیوں اور عدم ترقی کا شکار ہے،سندھ کا سب سے بڑا شہرکراچی محرمیوں اور مایوسیوں اور عدم ترقی کا شکار ہے،ترقی یافتہ دور میں کراچی ترقی میں رکاوٹ اوربوسیدہ صورتحال پر گہری تشویش ہے،کراچی پر ہر دور میں سیاست کی گئی مگر کراچی اور یہاں کی عوام کو مکمل حقوق فراہم نہیں کئے گئے،کراچی سندھ ہی نہیں ملک کی معیشت کا حب اوردنیا میں بڑے شہروں میں جانا چاہتا ہے،لاہور،فیصل آباد کی پوزیشن کراچی سے کئی درجے بہتر ہے،ٹریفک سیوریج کا نظام درھم برھم، صاف پانی میسر نہیں،بجلی وگیس کی عدم فراہمی سڑکوں کی ناقص صوتحال کوئی پوچھنے والا نہیں ہے،کراچی کو اس کی حیثیت کے مطابق ترقی اور عوام کو حقوق نہیں دیئے گئے تو پھر عوام سرکوں پر نکلیں گے،کراچی کی ترقی اور عوام کے حقوق کیلئے 13مارچ کونشترپارک میں آواز اٹھائینگے،ان خیالات کا اظہار انہوں نے مرکز اہلسنت پر مرکزی رابطہ کمیٹی وکراچی ڈویژن کے عہدیدارن کے مشترکہ اجلاس سے خطاب کرتے ہوئے کیا،ثروت اعجاز قادری نے کہا کہ نشتر پارک میں ہونیوالی جانثاران مصطفی کانفرنس میں عوام کی بھرپور شرکت کیلئے کارکنان رابطے تیز کردیں،شہداء پاکستان شہداء پاک فوج،رینجرز وپولیس اور اہلسنت کے شہداء کو زبردت خراج عقیدت پیش کرینگے، انہوں کا کہنا تھا کہ عقائد اہلنت ونظریات کے تحفظ کی جدوجہد سے ایک انچ پیچھے نہیں ہٹ سکتے،بانیان پاکستان کی اولاد ہیں اسلام کی سربلندی اور ملک کی سلامتی کیلئے کام آخری سانس تک کرینگے۔

نیب کراچی نے سٹیٹ بنک آف پاکستان سے سندھ پولیس افسروں کے بینک اکاؤنٹس کی تفصیلات طلب کرلیں،نیب نے 150 ایس ایچ اوز اور دیگر پولیس افسروں کی تفصیلات مانگی ہیں۔نیب ذرائع کاکہنا ہے کہ تمام بینکوں میں مذکورہ افسروںکے شناختی کارڈ نمبر بھیجے جائیں، شناختی کارڈ کے ذریعے تمام بینکوں سے ڈیٹا حاصل کیا جائے ،اکاؤنٹ کب سے چلایا جارہا ہے، لاکر اور ڈپازٹ کی تفصیلات دی جائیں۔نیب ذرائع کامزید کہناہے کہ 1985 سے لے کر موجودہ تاریخ تک کا ریکارڈ فراہم کیا جائے، بینک کے ذریعے ایکسچینج کمپنیوں سے غیرملکی کرنسی خریدوفروخت کی ترسیلات کی تفصیلات بھی دی جائیں، تمام تر تفصیلات باقاعدہ طریقہ کار کے تحت فراہم کی جائیں ،اگر کسی تیسرے شخص کے ذریعے بھی اکاؤنٹ کھولا گیا ہو تو تفصیلات فراہم کی جائیں ۔لسٹ کے مطابق دھنی بخش مری، راو ٔزاکر،، رانا لطیف کا نام شامل ہے اس کے علاوہ ارشد لغاری ،سجاد حیدر، جاوید سکندر اور جعفر بلوچ ،مٹھل شر، پیرناصر، فتح محمد شیخ، فاروق ستی اور امجد کیانی کا نام بھی لسٹ میں شامل ہے۔پولیس افسروں میں فیصل خان، میر محمد لاشاری، نواز گوندل، اقبال تنیو، معراج انور ،خالد محمود، صائمہ سعید، گلزار تنیو، احسان اللہ مروت، راؤ دلشاد ،فراست شاہ، اے ڈی چودھری، راؤ زاکر اور ملک فیصل لطیف کا نام بھی شامل ہے۔

فی تولہ سونے کی قیمت میں کمی کا سلسلہ جاری ہے۔سندھ صرافہ بازار ایسوسی ایشن کے مطابق سونے کی فی تولہ قیمت میں مزید 200 روپے کی کمی ہوئی ہے جس کے بعد سونے کی فی تولہ قیمت 102550 روپے ہوگئی۔10 گرام سونے کی قیمت 172 روپے کمی کے بعد 87920 روپے ہوگئی جبکہ عالمی صرافہ بازار میں سونے کی قدر 4 ڈالر اضافے کے بعد 1700 ڈالر فی اونس ہوگئی۔