Category: کراچی

کراچی: تحریک انصاف کی قیادت نے ایم کیوایم پاکستان سے سینیٹ انتخابات میں تعاون کی درخواست کی ہے۔ نیوزکے مطابق سینیٹ انتخابات میں کامیابی کے لئے حکومتی وزرا اپنے اتحادیوں سے ملاقاتیں کررہے ہیں، اسی حوالے سے وفاقی وزیر منصوبہ بندی اسد عمر اور وزیر خزانہ حفیظ شیخ نے ایم کیوایم کی قیادت سے بھی ملاقات کی ہے۔ذرائع کا کہنا ہے کہ دونوں جماعتوں کے رہنماؤں کی ملاقات گزشتہ رات بہادرآباد میں ایم کیو ایم کے عارضی مرکز میں ہوئی، جس میں ایم کیو ایم کی جانب سے خالد مقبول صدیقی اور دیگر رہنما موجود تھے،۔ذرائع کے مطابق ملاقات میں سینٹ انتخابات کے حوالے سے تبادلہ خیال کیا گیا، اور وفاقی وزرا اسد عمر اور حفیظ شیخ نے ایم کیوایم قیادت سے کہا کہ آپ ہمارے اتحادی ہیں آپ سے تعاون کی درخواست ہے۔ ذرائع کا کہنا ہے کہ ایم کیو ایم قیادت نے حکومتی وزار کو یقین دہانی کرائی کہ ہم آپ کے ساتھ ہیں، اور سینٹ انتخابات میں بھی ساتھ دیں گے۔

سینیٹ انتخابات میں پی ٹی آئی ٹکٹ ہولڈر فیصل واوڈا کے کاغذات نامزدگی کو سندھ ہائی کورٹ میں چیلنج کردیا گیا ہے پاکستان پیپلز پارٹی کے رہنما قادر خان مندوخیل کی جانب سے پی ٹی آئی رہنما کے کاغذات نامزدگی چیلنج کیے گئے۔ عدالتِ میں قادر خان مندوخیل نے فیصل واؤڈا کو نااہل قرار دینے کی درخواست دائر کی۔
قادر خان مندوخیل کی جانب سے دائر درخواست میں مؤقف اختیار کیا گیا ہے کہ فیصل واؤڈا نے امریکی شہریت سے متعلق حقائق چھپائے، ریٹرننگ افسرکے سامنے اعتراضات دائر کیے مگر انہوں نے سننے سے ا نکار کر دیا دائر درخواست میں یہ بھی کہا گیا ہے کہ ریٹرنگ افسر کا اقدام غیر قانونی اور غیر آئینی ہے۔ فیصل واوڈا حقائق چھپانے پر عوامی عہدے کیلئے نااہل ہیں۔ ان بنیادوں پر فیصل واوڈا کے کاغذات نامزدگی مسترد کیے جائیں۔ فیصل واوڈا کو سینیٹ الیکشن کے لیے نااہل قرار دیا جائے قادر خان مندوخیل ایڈووکیٹ کی دائر کی گئی اپیل میں صوبائی الیکشن کمیشن، ریٹرنگ آفیسر اور فیصل واؤڈا کو فریق بنایا گیا ہے

پاکستان سپر لیگ کے چھٹے ایڈیشن کے آغاز سے چند گھنٹوں قبل کراچی کنگز کے ایک کھلاڑی کا کورونا ٹیسٹ مثبت آگیا ہے جبکہ ایک اور ٹیم کے ایک کھلاڑی اور ایک آفیشل کو بائیو سیکیور ببل کی خلاف ورزی کرنے پر 3 روز کے لئے آئسولیشن میں بھیج دیا گیا ہے۔میچ شروع ہونے سے پہلے ہی کراچی کنگ ٹیم میں ایک کرکڑر کا کرونا ٹیسٹ مثبت آگیا کوویڈ ٹیسٹ مثبت آنے کے بعد متعلقہ کھلاڑی کو 10 روز آئسولیشن میں رہنا ہوگا اور اسکواڈ واپس جوائن کرنے سے قبل پلیئر کے 2 نیگیٹیو ٹیسٹ لازمی ہوں گے۔ پی سی بی کا کہنا ہے مایوسی ہے کہ کسی ایک فریق کے دو ارکان نے لاپرواہی کا مظاہرہ کیا اور کسی ایسے شخص سے رابطے میں آکر جو محفوظ بلبل پروٹوکول کی خلاف ورزی کی ، جو بلبل کا حصہ نہیں تھا ، "بیان میں مزید کہا گیا۔

کراچی بن قاسم پولیس نے سرکاری زمین پر قبضے کے الزام میں باپ بیٹے سمیت 4 ملزمان کو گرفتار کرلیا ہے۔ پولیس کے مطابق گرفتار ملزمان نے غیر قانونی تعمیرات کے دوران فائرنگ کی جس پر پولیس نے کارروائی کرتے ہوئے ملزمان کو غیر قانونی اسلحہ سمیت گرفتار کرلیا ہے۔ پولیس کا کہنا ہے کہ گرفتار ملزمان اخلاق عباسی، ذیشان عباسی، قاسم گل اور نعمان پر سرکاری زمین سمیت قبضے کے دیگر مقدمات درج ہیں۔

تحریک منہاج القرآن
28فروری تجدید عہد کا بے مثال کانفرنس تحریک منہاج القرآن کی عوامی رابطہ مہم جاری علامہ نعیم انصاری،مرزا جنید علی،شاہد راجپوت،مفتی مکرم قادری،نصرت ڈار و دیگر کا خطابشیخ الاسلام نے دنیا بھر میں تعلیمی نیٹ ورکنگ سے جہالت کے اندھیروں کو علم کی روشنی سے مالا مال کیاکراچی(. )منہاج یوتھ لیگ کراچی کے زیر اہتمام 28فروری عسکری امیوزمنٹ پارک میں ہونے والی کانفرنس کی تیاریوں کے سلسلے میں صدر تحریک منہاج القرآن علامہ نعیم انصاری،ناظم تحریک مرز ا جنید علی،جنرل سیکرٹری منہاج یوتھ لیگ شاہد راجپوت،مفتی مکرم قادری،باجی راعنا نصرت ڈار سمیت دیگر قیادت کی عوامی رابطہ مہم کے دورہ جات نارتھ کراچی،شاہ فیصل،کورنگی،کیماڑی،لانڈھی،لیاقت آباد میں مکمل ہو چکے ہیں باقی علاقوں کے دورہ جات جاری ہیں۔مختلف عوامی اجتماعات سے خطاب کرتے ہوئے علامہ نعیم انصاری،مرزا جنید علی نے کہا شیخ الاسلام ڈاکٹر محمد طاہر القادری جیسی علمی شخصیات انسانیت کیلئے نعمت ہیں۔شیخ الاسلام نے عالمگیر سطح پر عملی،فکری،اخلاقی تربیت کر کے کروڑوں نوجوانوں کو انکا بھولا ہو اصحیح راستہ دکھایا۔شیخ الاسلام نے عالم مغرب پر یہ باور کرایا اسلام امن محبت سلامتی کا دین ہے۔شیخ الاسلام نے دنیا بھر میں تعلیمی نیٹ ورکنگ سے جہالت کے اندھیروں کو علم کی روشنی سے مالا مال کیا۔راؤ اشتیاق احمد سیکرٹری انفارمیشن

کراچی: پولیس نے بغیر اجازت تیسری شادی کی شکایت پر دلہے کو حوالات کی سیرکرا دی
کراچی کے اتحاد ٹاؤن پولیس اسٹیشن میں مصباح نامی خاتون نے بغیر اجازت تیسری شادی رچانے پراپنے شوہر فقیرعباس کے خلاف قانونی کارروائی کرنے کی درخواست دی تھی،مصباح نامی خاتون نے الزام عائد کیا ہے کہ فقیرعباس اسے تشدد کا نشانہ بناتا ہے، فقیر عباس نے مصباح سے شادی سے بھی قبل ایک اور شادی کر رکھی تھی خاتون کی درخواست پر پولیس نے کاروائی کرتے ہوئے دلہا فقیر عباس کو حراست میں لے کر پوچھ گچھ کے لیے تھانے منتقل کردیا ،پولیس کے مطابق ، مصباح فقیر کی دوسری بیوی تھی، دوران تفتیش فقیر عباس نے واضح کیا کہ وہ کچھ عرصہ قبل مصباح کو طلاق دے چکا ہے،:فقیر عباس نے طلاق کے کاغذات پولیس کے سامنے پیش کر دیئے پولیس نے تحقیقات کے بعد دلہے فقیر عباس کو رہا کردیا۔

حلیم عادل کے کمرے سے سانپ نکلنے کا معاملہ: سی آئی اے سینٹر کے تمام اہلکاروں کے بیانات قلمبند سی آئی اے سینٹر کراچی میں پاکستان تحریک انصاف کے رہنما حلیم عادل شیخ کے کمرے سے سانپ ملنے کے معاملے پر سینٹر میں تعینات تمام اہلکاروں کے بیانات لے لیے گئے ہیں۔ذرائع کے مطابق حلیم عادل شیخ کے ملازمین اور مہمان صبح ناشتہ لےکر آئے تھے، مردہ حالت میں سانپ ملنے سے 10 منٹ قبل مہمان کمرے سے نکلے۔ ذرائع نے بتایا کہ دروازے کے باہر تعینات اہلکاروں نے کسی قسم کا شور نہیں سنا تاہم حکام نے سی سی ٹی وی فوٹیج کی بھی جانچ پڑتال شروع کر دی ہے۔