Category: کراچی

XDتحریک انصاف سندھ نے 3ارکان اسمبلی کے اغوا کا الزام لگادیا.پی ٹی آئی کے رکن سندھ اسمبلی خرم شیر زمان نے دیگررہنماﺅں کے ہمراہ پریس کانفرنس کرتے ہوئے کہاکہ ارکان اسمبلی سے ہمارا رابطہ نہیں ہو رہا ہے،ایم پی اے کی آخری لوکیشن الگ الگ علاقوں سے آرہی ہیں ،ایم پی ایز کی فیملی پریشان ہے۔ پی ٹی آئی رہنما نے کہاکہ ہمارے ارکان کو فون کرکے دھمکایا جارہا ہے،ہم نے پولیس کو بھی اس معاملے سے آگاہ کردیا ہے،ہمارے ایک رکن اسمبلی کریم بخش گبول کی ویڈیو منظر عام پر آئی ہے،کریم بخش گبول سے بھی ڈرا کر بیان کرایاگیا ہے،کریم بخش گبول اور دیگرایم پی اے کہاں ہیں معلوم نہیں؟ہمیں کریم بخش گبول پر یقین ہے وہ اپنی وفاداری نہیں بیچ سکتا۔خرم شیر زمان نے کہاکہ اس وقت صوبہ سندھ میں صورتحال بہت خراب ہے، وزیراعظم کو پہلے بھی اس حوالے سے آگاہ کیاگیاہے،انہوں نے کہاکہ ہمارے ایم پی اے راجا اظہراوردیگر کو بھی ہراساں کیا جارہا ہے ،ہمیں خطرہ ہے، اگر کسی کو نقصان پہنچا تو سندھ حکومت ذمہ دار ہوگی۔پی ٹی آئی رہنما نے کہاکہ ہم آج کے فیصلے پر سپریم کورٹ اور عمران خان کو خراج تحسین پیش کرتے ہیں،آج آصف زرداری کو بڑا دھچکا لگا ہے،سینیٹ کے پچھلے الیکشن میں لوگوں کے ضمیر خریدے گئے ،اب جو ضمیر بیچے گا کم سے کم اس کا پتہ چل جائے گا ۔

وزیراعظم عمران خان نے کہا ہے کہ لیاری نےپی ٹی آئی پر اعتماد کیا ہےاس پرپورا اتریں گے ‏کراچی کی ترقی ملک کی ترقی ہے، کراچی پیکج شہر کو تبدیل کر دےگا۔ تفصیلات کے مطابق لیاری سے منتخب پی ٹی آئی ایم این اے شکور شاد نے اسلام آباد میں ‏وزیراعظم سے ملاقات کی جس میں وفاقی وزیرپلاننگ اسدعمربھی شریک ہوئے۔شکورشاد نے وزیراعظم عمران خان کو لیاری کےمسائل سے آگاہ کرتے ہوئے مطالبات سامنے رکھے۔ ‏شکور شاد نے کہا کہ لیاری میں نادرا کا میگا سینٹر قائم کیاجائے اور گیس کی بوسیدہ لائنز کو ‏تبدیل کیا جائے۔ شکورشاد نے مطالبہ کیا کہ آرسی ڈی شاہراہ سنگل ٹریک ہونےسےحادثات کاسبب بن رہی ہے ‏حادثات کی روک تھام کیلئےفوری اقدامات کئےجائیں۔ ‏ وزیراعظم عمران خان نے تمام مطالبات پر عملدر آمد کرانےکی یقین دہانی کرتے ہوئے کہا کہ لیاری ‏نےپی ٹی آئی پر اعتماد کیا ہےاس پرپورا اتریں گے کراچی کی ترقی ملک کی ترقی ہے، کراچی پیکج ‏شہر کو تبدیل کر دےگا۔ وزیراعظم سے پارلیمنٹ ہاؤس میں ممبران قومی اسمبلی گل داد خان، گل ظفر خان، جواد حسین، ‏محمد اقبال آفریدی اور ساجد خان، عُظمی ریاض، ظل ہما، نفیسہ خٹک، شاندانہ گلزار ، فوزیہ ارشد ‏اور محترمہ سائرہ بانو سمیت دیگر کئی ارکان نے الگ الگ ملاقاتیں کیں۔

‏پی ٹی آئی رہنماء خرم شیر زمان کا سپریم کورٹ کےسینٹ انتخابات پرصدارتی آرڈیننس کےفیصلے پر بیان سینٹ انتخابات سے متعلق سپریم کورٹ کے فیصلے پر مکمل اطمینان کا اظہار کرتے ہیں، عادت سے مجبور اپوزیشن نے عدالتی فیصلے کو پڑھے بغیر ہی بیان بازی شروع کردی‏الیکشن کمیشن کورٹ کےفیصلےپرعملدرآمد کرتےہوئےانتخابات کاعمل شفاف بنائےگا، اپوزیشن ڈھول نہ بجائےبلکہ اپنےاراکین کی فکرکرے،‏فیصلے میں واضح ہےانتخابات کی شفافیت کیلئےالیکشن کمیشن ہر ممکن اقدامات کرے، ہمیں یقین ہےاپوزیشن سینٹ میں اپنےسیاسی گھوڑوں کو نہیں دوڑاسکےگی، اپوزیشن کے سیاسی گھوڑے عوام کی نمائندگی کیلئے نہیں بلکہ مال بنانے ایوان میں پہنچے گے، ٹیکنالوجی ہارس ٹریڈنگ کے خاتمہ کا واحد ذریعہ ہے اوپن بیلٹ تجویز پی ٹی آئی کی کرپشن فری آئیڈیالوجی کی عکاسی ہے، ہمیں کپتان کاکھلاڑی و پارٹی کےنظریاتی ہونےپر فخرہے۔

سندھ حکومت نے پولیس سے ٹرانسفر کیے جانے والے پانچوں افسران کو چارج نہ چھوڑنے کا حکم دیاہے۔وفاق اور سندھ حکومت ایک بار پھر آمنے سامنے آگئے ہیں۔ سندھ پولیس سے ٹرانسفر کیے جانے والے 20 گریڈ کے پانچوں افسران کو چارج نہ چھوڑنے کا حکم دے دیا۔ صوبائی حکومت نے ہدایت کی ہے کہ پانچوں افسران اپنے عہدوں پر کام جاری وفاقی حکومت کی جانب سے روٹیشن پالیسی کے تحت پانچوں افسران کا سندھ سے تبادلہ کیا گیا تھا۔ افسران میں ڈی آئی جی عرفان بلوچ، اقبال دارا، منیر شیخ جونیئر، فدا مستوئی اور قمر زمان شامل ہیں۔صوبائی حکومت نے سوال اٹھایا ہے کہ کس میرٹ کے تحت روٹیشن پالیسی میں افسران کی تبدلی کی گئی ہے، اس سلسلے میں چیف سیکرٹری سندھ کی جانب سے وفاق کو خط لکھے جانے کا بھی امکان ہے۔

پاکستان تحریک انصاف کے رہنما اور سندھ اسمبلی میں قائد حزب اختلاف حلیم عادل شیخ کی درخواست ضمانت مسترد کر دی گئی۔کراچی کی انسداد دہشت گردی عدالت نے حلیم عادل شیخ کی دو مقدمات میں درخواست ضمانت پر پہلے سے محفوظ فیصلہ سنا دیا۔عدالت نے دونوں مقدمات میں حلیم عادل شیخ کی درخواست ضمانت مسترد کر دی۔دوسری جانب عدالت نے کیس میں نامزد سمیر شیخ سمیت دیگر 6 ملزمان کی درخواست ضمانت منظور کرتے ہوئے ملزمان کو 50، 50 ہزار روپے کے مچلکے جمع کروانے کا حکم دیا ہے۔خیال رہے کہ حلیم عادل شیخ کے خلاف ملیر میمن گوٹھ تھانے میں مقدمات درج ہیں، حلیم عادل شیخ پر پی ایس 88 کے ضمنی الیکشن کے دوران کار سرکار میں مداخلت اور ہنگامہ آرائی سمیت دیگر الزامات ہیں۔

وفاقی وزیر انفارمیشن ٹیکنالوجی امین الحق نے کہا ہے کہ پیپلزپارٹی کی پیشکش پرایم کیوایم پاکستان کی باہمی مشاورت جاری ہے، ایم کیوایم پاکستان کے دروازے تمام جماعتوں کیلئے کھلے ہیں۔خصوصی گفتگو کرتے ہوئے وفاقی وزیر نے کہا کہ ایم کیوایم میں تمام فیصلے جمہوری طریقے سے ہوتے ہیں، ایم کیوایم سے بہت ساری جماعتیں مل رہی ہیں۔
انہوں نے کہا کہ ایم کیوایم پاکستان تحریک انصاف کی اہم اتحادی ہے تنظیمی مصروفیات کے باعث ایم کیوایم پاکستان کے ارکان مصروف تھے ایم کیوایم پاکستان پی ٹی آئی کے ظہرانے میں مصروفیت کے باعث شریک نہ ہوسکی مصروفیت سے متعلق پی ٹی آئی کوآگاہ کردیاتھا۔امین الحق نے کہا کہ ایم کیو ایم کا پی ٹی آئی سے معاہدہ ہے پی ٹی آئی سے جوبھی نامزدہوگااسے ووٹ دیاجائے گا ایم کیوایم کے نامزدامیدوارکوپی ٹی آئی کی طرف سے بھی ووٹ دیاجائے گا ایم کیوایم کے تمام ارکان پرپورایقین ہے قیادت کے کہنے پرہی ووٹ دیں گے۔

سینیٹ کے انتخابات کے بعد وفاقی کابینہ میں ردوبدل کا امکان ہے کیونکہ وزیراعظم عمران خان کئی وزراء کی کارگردگی سے خوش نہیں ہے۔وزیراعظم عمران خان کی جانب سے ڈیلیور نہ کرنے والے وزراء کو ہٹانے کا فیصلہ کیا گیا ہے۔پارٹی ذرائع کا کہنا ہے کہ ڈیلیور اور کارکردگی ہی وہ چیزیں ہیں جس میں وزیراعظم دلچسپی لیتے ہیں کیونکہ وہ کسی وجہ سے منصوبوں کی تکمیل میں غیر معمولی تاخیر کے بعد بہانے سننے کو اچھا نہیں سمجھتے۔
اہم وفاقی وزیر کے مطابق وزیراعظم کو یہ احساس ہو گیا کہ پارٹی حلقوں میں مایوسی بڑھ رہی ہے۔وزیراعظم پختہ یقین رکھتے ہیں کہ وزراء کو کسی عذر پیش کیے بغیر کارکردگی دکھانا ہو گی ۔وزیر نے انکشاف کیا کہ کابینہ میں وہی لوگ رہیں گے جو کارگردگی دکھائیں گے۔

صوبہ سندھ کے دارالحکومت کراچی کے اولڈ ایریاز کے معروف کاروباری علاقے ’ڈینسو ہال‘ کو بھی عام ٹریفک کے لیے بند کرکے واکنگ اسٹریٹ میں تبدیل کردیا گیا ’ڈینسو ہال‘ کی واکنگ اسٹریٹ کو لینڈ اسکیپ راہ گزر کا نام دیا گیا ہے اور اسے ثقافتی فلاحی تنظیم نے مختلف اداروں کی معاونت سے تیار کیا ڈینسو ہال راہ گزر کو ’ہیریٹیج فاؤنڈیشن آف پاکستان‘ نے کراچی کے اولڈ ایریاز اور قدیم عمارتوں کو محفوظ بنانے کے منصوبے کے تحت واکنگ اسٹریٹ میں تبدیل کیا ڈینسو ہال کے علاقے کو واکنگ اسٹریٹ میں تبدیل کیے جانے کے موقع پر 28 فروری کو وہاں 150 کے قریب درخت بھی لگائے گئے جب کہ راہ گزر میں کراچی کی 12 قدیم عمارتوں کے تیار کیے گئے ماڈل بھی رکھے گئے ہیں تاکہ پیدل چلنے والے افراد کراچی کی قدیم ثقافت سے لطف اندوز ہو سکیں۔ مذکورہ منصوبے کے تحت واکنگ اسٹریٹ کو تیار کرنے کے لیے مکلی میں تیار کی گئی خصوصی ٹائلز لگائی گئی ہیں، جنہیں خواتین نے تیار کیا تھا۔ مکلی میں تیار کی گئی خوبصورت ٹائلز کو تیار کرنے والی خواتین کو بھی پہلے ’ہیریٹیج فاؤنڈیشن آف پاکستان‘ سے ٹائلز کی تیاری کی تربیت دی گئی تھی اس حوالے سے ’ہیریٹیج فاؤنڈیشن آف پاکستان‘ کی سربراہ یاسمین لاری نے بتایا کہ مکلی میں تیار کی گئی ٹائلز کی خاص بات یہ ہے کہ ان میں سیمنٹ کا استعمال نہیں کیا گیا بلکہ مذکورہ ٹائلز مٹی، ریت اور پتھر کے خام مال سے تیار کی گئی ہیں ان کے مطابق مذکورہ ٹائلز جہاں دکھنے میں خوبصورت ہیں، وہیں وہ ثقافت کو بھی پیش کرتی ہیں جب کہ ان ٹائلز کی تیاری سے قبل ان کا ٹیسٹ سوئٹزرلینڈ اور اٹلی کی لیبارٹریز میں بھی کیا گیا۔ ڈینسو ہال کو واکنگ اسٹریٹ میں تبدیل کیے جانے سے قبل وہاں درخت لگائے گئے تھے اور 28 فروری کو بھی روٹری کلب پاکستان اور اسٹار لنکس جیسی تنظیموں کی معاونت سے مزید درخت لگائے گئے ڈینسو ہال کو واکنگ اسٹریٹ میں تبدیل کیے جانے کے حوالے سے یاسمین لاری نے بتایا کہ منصوبہ شروع کرنے سے قبل علاقے سے تمام تاروں اور پولز کو ہٹایا گیا ہے تاکہ وہ درختوں کے پنپنے میں رکاوٹ نہ بن سکیں انہوں نے بتایا کہ واکنگ اسٹریٹ منصوبے کے لیے انہیں کراچی کشمنر کے دفتر سے اچھی مدد ملی ہے جب کہ ڈینسو ہال علاقے کے کاروباری و دکاندار حضرات نے بھی ان کی مدد کی اور مقامی لوگ بھی اس پر بہت خوش ہیں کہ علاقے میں ٹریفک کو آمد و رفت کو بند کرکے اسے واکنگ اسٹریٹ میں تبدیل کیا گیا ہے ڈینسو ہال کو واکنگ اسٹریٹ میں تبدیل کیے جانے کے موقع پر 28 فروری کو مزید 150 درخت لگائے گئے اور اس موقع پر شہری جنگلات کلفٹن منصوبے کے شہزاد قریشی بھی موجود تھے علاقہ مکینوں اور ڈینسو ہال کے دکانداروں و دیگر کاروباری افراد نے بھی علاقے کو واکنگ اسٹریٹ میں تبدیل کیے جانے پر خوشی کا اظہار کیا۔