Category: کراچی

کراچی: سندھ ہائیکورٹ نے ایم کیوایم رہنما رؤف صدیقی کی الیکشن ٹربیونل کےفیصلے کےخلاف اپیل مسترد کردی الیکشن ٹریبونل اور ریٹرننگ افسر نے سینیٹ الیکشن میں حصہ لینے کے لیے رؤف صدیقی کی جانب سے داخل کیے گئے کاغذات نامزدگی کو مستردکردیا تھا۔ ریٹرننگ آفیسر کا اعتراض تھا کہ رؤف صدیقی کی تعلیم 16 برس کی نہیں ہے جبکہ رؤف صدیقی نے ریٹرننگ افسر کے فیصلے کو ہائیکورٹ میں چیلنج کیا تھا تاہم ہائیکورٹ نے بھی الیکشن ٹریبونل اور ریٹرننگ افسر کا فیصلہ برقرار رکھتے ہوئے رؤف صدیقی کی درخواست مسترد کردی عدالت کے باہر میڈیا سے گفتگو کرتے ہوئے رؤف صدیقی نے کہا کہ میرا الیکشن تو گیا بھاڑ میں، تمام شرائط پر پورا اتر رہا ہوں مگر صرف دو سال کا مسئلہ ہے، جن لوگوں نے دو سالہ ڈگری کی ہے اسے ریگولرائزڈ کرانا تھا انہوں نے کہا کہ ایم کیو ایم ہمیشہ ناٹ فار سیل رہی ہے، سینیٹ الیکشن میں ایم کیو ایم کا کوئی رکن نہیں بکے گا اور نہ بکا ہے۔

سندھ ہائی کورٹ نے پاکستان تحریکِ انصاف کے امیدوار سیف اللّٰہ ابڑو کو سینیٹ کا الیکشن لڑنے کی اجازت دے دی عدالتِ عالیہ نے الیکشن ٹربیونل کے فیصلے کے خلاف دائر کی گئی درخواست کی سماعت کرتے ہوئے پی ٹی آئی کے سینیٹ کے لیے امیدوار سیف اللّٰہ ابڑو کے کاغذاتِ نامزدگی بحال کر دیئے۔ پاکستان تحریکِ انصاف کے امیدوار سیف اللّٰہ ابڑو سینیٹ کے انتخابات کے لیے نا اہل قرار دینے کے الیکشن ٹریبونل کے فیصلے کے خلاف درخواست کی سماعت کے سلسلے میں سندھ ہائی کورٹ میں پیش ہوئے تھے سیف اللّٰہ ابڑو کے ہمراہ ان کے وکیل مخدوم علی خان ایڈووکیٹ بھی عدالتِ عالیہ میں پیش ہوئے سیف اللّٰہ ابڑو اور ان کے وکیل مخدوم علی خان ایڈووکیٹ نے عدالت میں دلائل دیتے ہوئے کہا کہ میرے مؤکل تعلیمی معیار پر پورا اترتے ہیں، ان کی قومی سطح پر خدمات ہیں۔ عدالتِ عالیہ نے پاکستان تحریکِ انصاف کے امیدوار سیف اللّٰہ ابڑو کو سینیٹ کا الیکشن لڑنے کی اجازت دے دی واضح رہے کہ سندھ ہائی کورٹ نے سینیٹ انتخابات کے کاغذاتِ نامزدگی مسترد کیئے جانے کے الیکشن ٹریبونل کے فیصلے کے خلاف سیف اللّٰہ ابڑو کی درخواست پر الیکشن کمیشن سمیت دیگر مدعا علہیان کو آج (جمعرات) کے لیے نوٹس جاری کر رکھے تھے۔

کراچی کے علاقے شاہ فیصل سے کالج جانے والی لڑکی لاپتا ہوگی۔ پولیس نے والد کی مدعیت میں مقدمہ درج کرلیا۔پولیس کے مطابق لڑکی کے والد کی جانب سے مورخہ 24 فروری کو درخواست دی گئی تھی کہ ان کی بیٹی دوپہر کو کالج سے گھر واپس نہیں لوٹی ہے، ہم نے اسے جگہ جگہ تلاش کیا ہے، تاہم اس کا کوئی پتا نہیں چلا سکے قبل ازیں پولیس کو دی گئی ہاتھ سے لکھی تحریر میں لڑکی کے والد کا کہنا تھا کہ انہیں شک ہے کہ ان کی بیٹی کی سہیلی کو معلوم ہے کہ ان کی بیٹی کہاں ہے، تاہم وہ کچھ بھی بتانے سے گریزاں ہے لڑکی کے والد کی مدعیت میں مقدمہ شاہ فیصل تھانے میں درج کیا گیا ہے۔ والد نے شہبہ ظاہر کیا ہے کہ لڑکی کو رکشہ ڈرائیور نے اغوا کیا۔ والد نے پولیس سے درخواست کرتے ہوئے جلد بیٹی کو بازیاب کرانے کی اپیل کی ہے۔

پی ایس ایل ٹیم کراچی کنگز کے اوپننگ بیٹسمین شرجیل خان کا کہنا ہے کہ پاکستان سپر لیگ جیسے پلیٹ فارم پر کارکردگی دکھانے کے بعد کسی بھی پلیئر کی صلاحیتوں کے بارے میں قائم تمام شکوک و شبہات دور ہو جاتے ہیں شرجیل اور بابر کی ریکارڈ شراکت رائیگاں، اسلام آباد 5 وکٹوں سے فتحیاب شرجیل خان کا کہنا تھا کہ کسی بھی فارمیٹ میں سنچری بنانے کے بعد پلیئر کا مورال کافی بلند ہو جاتا ہے، اس سال ڈومیسٹک سیزن میں بھی تین سنچریاں اسکور کیں جن میں دو فرسٹ کلاس اور ایک لسٹ اے سنچری تھی تاہم پی ایس ایل کی سنچری سب سے زیادہ اہم اور متاثر کن ہے کیوںکہ پی ایس ایل میں پرفارمنس رائیگاں نہیں جاتی اور اگر کسی پلیئر کی صلاحیتوں اور قابلیت پر کسی کو شبہ ہوتا ہے تو یہاں کی پرفارمنس ان تمام شکوک و شبہات کو بھی دور کر دیتی ہے۔ اسلام آباد یونائٹیڈ کے خلاف میچ میں شاندار سنچری اسکور کرنے کے بعد 31 سالہ بیٹسمین نے کہا کہ وہ اس طرح کی ایک اننگز کے شدت سے منتظر تھے کہ جس سے ان کا اعتماد ایک بار پھر بحال ہو جائے انہوں نے امید ظاہر کی کہ کراچی کے نیشنل اسٹیڈیم میں اسلام آباد یونائٹید کے خلاف میچ میں سنچری سے ان کا اعتماد اور بھی بہتر ہو گا اور وہ کارکردگی کے اس سلسلے کو جاری رکھیں گے بابر اعظم کے ساتھ 176 رنز کی پی ایس ایل کی ریکارڈ پارٹنرشپ کے بارے میں شرجیل خان نے کہا کہ بابر ان کے پرانے بیٹنگ پارٹنر ہیں، ڈومیسٹک سیزن میں بھی ان کے ساتھ بیٹنگ کی ہے، ان کے ساتھ اچھی ہم آہنگی ہے، دونوں ایک دوسرے کے ساتھ بیٹنگ شراکت کو بھرپور انداز میں انجوائے کرتے ہیں شرجیل خان نے کہا کہ کراچی کنگز نے ٹورنامنٹ کا پہلا میچ شاندار انداز میں جیتا تھا، دوسرے میں شکست ضرور ہوئی لیکن ابھی ٹورنامنٹ کی شروعات ہے، ابھی بہت سے میچز ہونے ہیں جس میں بہت ٹیموں کی پوزیشن اوپر نیچے ہو گی، کراچی کنگز کی ٹیم نے جیسا پچھلے سیزن میں کھیلا تھا اس سیزن میں بھی ویسا ہی کھیلے گی اور ٹرافی کے دفاع کی پوری کوشش کرے گی۔

قائد حزب اختلاف سندھ حلیم عادل شیخ سندھ اسمبلی پہنچ گئے سندھ اسمبلی کے اجلاس میں شرکت کریں گے۔قائد حزب اختلاف حلیم عادل شیخ جناح اسپتال سے سندھ اسمبلی جاتے ہوئے میڈیا سے بات چیت کر رہے تھے ۔سندھ کا سب سے بڑا چور مراد علی شاھ آج چوروں کی طرح سندھ اسمبلی میں خطاب کرکے پتلی گلی سے بھاگ گیا، کبھی ایسا نہیں ہوا کہ سندھ اسمبلی کا اجلاس وقت پر شروع ہوا ہو، ایک گرفتار شخص سے ان کو اتنا خوف ہے۔

کراچی عامر یامین نے پی ایس ایل کی تاریخ کا مہنگا ترین اوور کرا دیا۔الیکس ہیلز کے عتاب کا نشانہ بننے والے اوپنر نے 29رنز دیے،پہلی گیند پر چوکا، دوسری پر چھکا لگا، تیسری کے بعد نوبال پر بھی چوکا ہوا، ایک گیند پر 2رنز بننے کے بعد اگلی دونوں پر چوکے ہوئے۔یاد رہے کہ اس سے قبل مہنگا ترین اوور لاہور قلندرز کے عرفان جونیئر نے کراتے ہوئے 28رنز دیے تھے،پشاور زلمی کے کیون پیٹرسن نے ان کی بھرپور پٹائی کردی تھی۔

بحریہ ٹائون کراچی کی خوبصورت لینڈ اسکیپنگ نے اس سال پھر نہ صرف عوام سے داد سمیٹی بلکہ گزشتہ تین سالوں کی طرح اس سال بھی ہورٹی کلچرل سوسائٹی آف پاکستان کی جانب سے منعقد کردہ 70 ویں اکستان اینول فلاور شو 2021ء میں بحریہ ٹائون کراچی کامیابی کے ساتھ مختلف کیٹیگریز میں اکیس (21) پوزیشنز اپنے نام کیں۔ اس موقع پر ہورٹی کلچرل سوسائٹی آف پاکستان کی کاوشوں کو سراہتے ہوئے جی ایم ہورٹی کلچر ڈپارٹمنٹ بحریہ ٹائون کراچی محترمہ عائشہ وقار کا کہنا تھا کہ ’’بحریہ ٹائون کراچی نے ہمیشہ نہ صرف ماحول کی خوبصورتی پر توجہ دی ہے بلکہ وسائل کے بہترین استعمال کے ساتھ ساتھ پاکستان کو درپیش ماحولیاتی آلودگی جیسے مسئلے سے نمٹنے کی بھی کوشش کی ہے۔ پارکس اور باغات کی پانی کی ضرورت کو جدید سیوریج ٹریٹمنٹ پلانٹ کے ذریعے پورا کیاجاتا ہے اور رین ہارویسٹڈ واٹر یعنی بارش کے پانی کو جمع کرکے استعمال میں لایا جاتا ہے۔‘‘ بحریہ ٹائون کراچی گزشتہ تین سالوں میں مختلف کیٹیگریز میں بالترتیب پانچ، تیرہ اور سترہ پوزیشنز حاصل کر چکا ہے۔ جبکہ اس سال مزید اکیس(21) پوزیشنز حاصل کرکے نمایاں رہا۔ پارکس کی کیٹیگریز میں چھوٹے سائز کے پارک میں علی بلاک پارک اور اینشنٹ پارک نے بالترتیب دوسری اور تیسری، درمیانے سائز کے پارک میں ڈی

پارک گالف سٹی نے دوسری، بڑے سائز کے پارکوں میں داخلی پارک نے دوسری جبکہ ایکسٹرا لارج سائز کے پارکس میں ڈینزو، کارنیول اور بحریہ پیراڈائز گیٹ پارک نے بالترتیب پہلی، دوسری اور تیسری پوزیشن حاصل کی۔ دوسری کیٹیگریز جیسے بہترین تھیم گارڈن میں بحریہ ایڈونچر لینڈ تھیم پارک نے دوسری، بہترین ہاسپٹل گارڈن میں بحریہ ٹائون انٹر نیشنل ہاسپٹل نے پہلی، مسجدگارڈن کیٹیگری میں مسجد سرور نے دوسری اور مسجد شہداء نے تیسری پوزیشن حاصل کی۔ بہترین اسمال آفس گارڈن میں کارپوریٹ آفس اور کیمپ آفس نے دوسری اور تیسری پوزیشن جبکہ لارج آفس گارڈن میں بحریہ ٹائون ہیڈ آفس نے پہلی پوزیشن اپنے نام کی۔ گالف گارڈن کی کیٹیگری میں ریحان بلز گالف کلب نے دوسری جبکہ بہترین رائونڈ ابائوٹ کی کیٹیگری میں توحید اسکوئر نے پہلی، ملک اسکوئر نے دوسری اور مین گیٹ نے تیسری پوزیشن حاصل کی۔ 60 فٹ چوڑی سڑکوں کی خوبصورتی میں جناح ایونیو نے پہلی، ایونیو 04-05 نے دوسری اور ایونیو 1 نے تیسری پوزیشن حاصل کی۔