Category: کراچی

کراچی سندھ حکومت نے وبائی امراض کے ضابطے کے لئے اہم فیصلہ کرتے ہوئے کہا ہے کہ اسکول میں داخلہ لینے پر بچے کا ٹی بی اور ہیپاٹائٹس و دیگر ٹیسٹ کیے جائیں گے۔تفصیلات کے مطابق وزیرصحت سندھ عذراپیچوہو کی سربراہی میں کمیونیکیبل ڈزیززکنٹرول پراہم اجلاس ہوا ، جس میں وبائی امراض کے ضابطے کے لئے اہم فیصلہ کرتے ہوئے کہا گیا کہ اسکول میں داخلہ لینے پر بچے کا ٹی بی اور ہیپاٹائٹس ودیگرٹیسٹ کیے جائیں گے۔وزیرصحت سندھ کا کہنا تھا کہ اسکریننگ سے ہم32مختلف امراض کی تشخیص کرسکتےہیں، اس سےبیماریوں کوسمجھنےاورعلاج میں مددمل سکے گی، فیصلہ ہواٹی بی کےعلاج میں استعمال دواؤں کی کھلےعام فروخت کنٹرول کی جائے گی۔
حکومت ٹی بی کنٹرول پروگرام کےتحت علاج، دواؤں مفت دےرہی ہے، رتوڈیرومیں حاملہ خواتین کی ایچ آئی وی ایڈز کی اسکریننگ کی جائے گی۔اجلاس میں آگاہی مہم،ایچ آئی وی متاثرہ افرادکی رہنمائی کیلئےبھی اقدامات اٹھانے کا فیصلہ کیا گیا۔

کراچی جناح اسپتال میں زیر علاج پی ٹی آئی رہنما و سندھ اسمبلی میں قائد حزب اختلاف حلیم عادل شیخ کی سالگرہ منائی گئی۔پی ٹی آئی رہنما شہزاد قریشی، آفتاب صدیقی دیگر رہنماؤں کے ہمراہ سالگرہ کا کیک اور گلدستہ لے کر جناح اسپتال آرتھوپیڈک وارڈ پہنچ گئے، جہاں حلیم عادل شیخ نے اپنی سالگرہ کا کیک کاٹا اور پی ٹی آئی رہنماؤں نے انہیں سالگرہ کی مبارکباد دی اور صحتیابی کے لئے دعا بھی کی۔ حلیم عادل شیخ کو منگل کے روز ہی قومی ادارہ برائے امراض قلب سے جناح اسپتال آرتھوپیڈک وارڈ منتقل کیا گیا تھا۔سالگرہ کی تقریب اور ملاقاتوں کے سلسلے پر حکومت سندھ نے تشویش کا اظہار کرتے ہوئے جیل حکام سے جواب طلب کرلیا ہے۔ سندھ حکومت کے ذرائع کا کہنا ہے کہ محکمہ داخلہ کی اجازت کے بغیر ہسپتال کے کمرے میں کسی قیدی سے نہ ملاقاتیں کی جاسکتی ہیں اور نہ ہی کسی قسم کی تقریب منعقد کی جاسکتی ہے۔ حکومت سندھ نے اس معاملے کا سختی سے نوٹس لیا ہے۔

حکومت سندھ نے وبائی امراض کو قابو پانے کے لئے اہم فیصلہ کیا ہے اس سلسلے میں صوبائی وزیر صحت سندھ ڈاکٹر عذرافضل پیچوہو کی سربراہی میں کمیونیکیبل ڈیزیز کنٹرول پر اہم اجلاس ہوا جس میں سیکریٹری صحت ڈاکٹر کاظم حسین جتوئی، ڈائریکٹر جنرل ڈاکٹر ارشاد میمن، ڈپٹی ڈائریکٹر جنرل ڈاکٹر تیرتداس، گلوبل فنڈ پروگرام کے نمائندوں نے شرکت کی،اس موقع پر ڈاکٹر عذرا فضل پیچوہو کا کہنا تھا کہ سندھ میں اسکول میں داخلہ لینے والے ہر بچے کا ٹی بی، ہپیٹاٹس اور دیگر ضروری ٹیسٹ کیے جائیں گے،اسکریننگ سے ہم 32 مختلف امراض کی تشخیص کر سکتے ہیں جس سے بیماریوں کو سمجھنے اور اعلاج میں مدد مل سکے گی،اجلاس میں اس بات کا بھی فیصلہ کیا گیا کہ ٹی بی کے علاج میں استعمال ہونے والی ادویہ کھلے عام فرو خت پرکنٹرول کیا جاےگاحکومت ٹی بی کنٹرول پروگرام کے تحت علاج اور ادویہ کی فراہمی مفت کر رھی ھے۔

کراچی الیکشن ٹربیونل نے فیصل واوڈا کے کاغذات نامزدگی کی منظوری کے خلاف اعتراض مسترد کرتے ہوئے انھیں سینیٹ الیکشن لڑنے کے لیے اہل قرار دے دیا۔تفصیلات کے مطابق سندھ ہائیکورٹ میں قائم الیکشن ٹربیونل نے میں فیصل واوڈا کے کاغذات نامزدگی کی منظوری کے خلاف اپیل پرسماعت ہوئی، سماعت میں وفاقی وزیر کے وکیل نے کہا کہ فیصل واوڈ نے کسی قسم کے حقائق نہیں چھپائے انہوں نے امریکی شہریت چھوڑ دی تھی، کاغذات پر اعتراضات خلاف قانون ہیں۔ وکیل رشید اے رضوی نے موقف اپنایا کہ فیصل واوڈا نے انتخابات کے بعد امریکی شہریت ترک کی وہ سینیٹ الیکشن کیلئے اہل نہیں، 2018 کے انتخابات میں فیصل واٶڈا نے امریکی شہریت کا ذکر نہیں کیا، یہ کہنا غلط ہے کہ فیصل واوڈا نے حقائق نہیں چھپائے۔ الیکشن ٹربیونل نے پیپلز پارٹی کے قادر خان مندوخیل کی جانب سے فیصل واوڈا کےکاغذات نامزدگی کی منظوری کے خلاف اعتراض مسترد کرتے ہوئے فیصل واوڈا کو سینیٹ الیکشن لڑنے کے لیے اہل قرار دے دیا۔

پی ٹی آئی رہنما اور پوزیشن لیڈرحلیم عادل شیخ پرکوئی تشدد نہیں ہوا ، انھیں کسی نے ہاتھ تک نہیں لگایا، جیل انتظامیہ نے سی سی ٹی وی فوٹیج جاری کردیں، جیل سپر نٹنڈنٹ حسن سہتوکا کہناہے کہ حلیم عادل شیخ کو ہفتے کی شام 4 بجے محمد علی بی کلاس وارڈ منقتل کیا جا رہا تھا، جہاں کچھ قیدوں نے نعرے لگائے ،جس پرحلیم عادل شیخ کو فوری واپس سپریٹینڈینٹ آفس منتقل کردیا گیا،اورکچھ لمحوں بعد حلیم عادل شیخ کو سیکیورٹی وارڈ منتقل کردیا گیا جہاں انہیں بی کلاس کی تمام سہولتیں فراہم کی گئیں،حلیم عادل شیخ نے جیل سپریٹینڈیٹ کو تحریری درخواست دی کہ میں بلڈ پریشر اور انجائنا کا مریض رہا ہوں ، کچھ عرصہ پہلے ڈاکٹرز نے اینجو گرافی کا کہا تھا، کچھ دیر پہلے جیل ڈاکٹر نے بھی مجھے چیک گیا ہے میری طبعیت بگڑ رہی ہے مجھے فوری این آئی وی سی ڈی بھیجا جائے تاکہ میرا علاج ہو سکے، جس پر جیل انتظامیہ نے حلیم عادل شیخ کو این آئی وی سی ڈی منتقل کردیا ، جیل انتظامیہ نے سی سی ٹی وی کیمرےکی تصاویر بھی جاری کرد ی ہیں۔

کراچی (اسٹاف رپورٹر)اورنگی ٹاؤن میں واقع مکان میں زور دار دھماکے نتیجےمیں مالک مکان 4 بچوں اور خاتون سمیت 8 افراد زخمی ہوگئے جبکہ مکان اور دکان ملبے کا ڈھیر بن گئی،اطلاع ملنے پر پولیس اور ریسکیو عملہ موقع پر پہنچ گیا،پولیس نے بم ڈسپول اسکواڈ کو طلب کرلیا، پولیس کے مطابق ابتدائی معلومات پر پتہ چلا ہے کہ دھماکا شارٹ سرکٹ اور ٹینکی میں بننے والی گیس کے نتیجے میں ہوا۔ بم ڈسپوزل اسکواڈ کے مطابق گھر کا مالک مجید جھلس کر جبکہ پڑوسی مکان گرنے سے شدید زخمی ھو گیازخمیوں کو ھسپتال منتقل کر دیاگیا۔

کراچی میں نارتھ ناظم آباد کے علاقے سے پولیس نے جعلی میجر کو ساتھی سمیت گرفتار کر لیا، ملزم اغواء برائے تاوان، جعل سازی اور دیگر وارداتوں میں ملوث ہے۔ تفصیلات کے مطابق نارتھ ناظم آباد کے بلاک ایچ میں خفیہ اطلاع پر کارروائی کر کے جعلی میجر کو ساتھی سمیت گرفتار کر لیا گیا۔ ملزموں سے اسلحہ، جعلی دستاویزات ،پولیس اور قانون نافذ کرنے والے اداروں کی وردیاں اور جعلی کارڈ بھی برآمد کئے گئے۔ گرفتار جعلی میجر فخر عباس لیاقت آباد کا رہائشی ہے جس کا آبائی تعلق اٹک سے ہے، ملزم کا ساتھی وقاص بھی غیر قانونی کاموں میں ملوث رہا ہے۔ملزم جعلسازی کے ذریعے شہریوں سے رقم وصول کرتا تھا، ملزموں کا کریمنل ریکارڈ چیک کیا جا رہا ہے۔

کراچی: محکمہ صحت سندھ نے کورونا ویکسین کا دائرہ کار مزید بڑھاتے ہوئے ویکسین لگوانے سے انکار کرنے والے ہیلتھ ورکرز کے خلاف کارروائی شروع کردی کورونا ویکسین کا دائرہ کار اب فرنٹ لائن ہیلتھ ورکرز سے بڑھاکرنجی شعبے کے بھی تمام ڈاکٹرز اور ہیلتھ ورکرز تک پھیلادیا گیا ہےچین سے درآمد کی گئی ویکسین دو خوراکوں پر مشتمل ہے جو 21 روز کے وقفے سے لگے گی محکمہ صحت کے حکام نے توقع ظاہر کی ہے کہ آئندہ چند ہفتوں کے دوران کورونا ویکسین دیگر سرکاری اداروں کے ملازمین سمیت عام افراد کے لیے بھی دستیاب ہوگی۔ ڈویژنل سطح پر قائم کورونا ویکسین مرکز میں میرپورخاص، عمرکوٹ اور تھرپارکر اضلاع کے فرنٹ لائن ہیلتھ ورکرز کو ویکسین لگانے کا سلسلہ جاری ہے تاہم بعض ہیلتھ ورکرز کی جانب سے لازمی ویکسین سے انکار کا بھی انکشاف ہوا ہے جس کے بعد ان کے خلاف محکمانہ کارروائی شروع کردی گئی ہے محکمے کی پالیسی یہ ہے کہ ویکسینیشن سےکوئی منع نہیں کرسکتا اور اگر منع کرے گا تو اس کو جو بینیفٹ الاؤنسز ملے ہیں وہ روک دیے جائیں گے بلکہ ری ایمبرز بھی ہوں گے۔