Category: کراچی

*مال لائو۔۔۔
*ٹھیکہ لے جائو۔۔
KMC کا اوپن آکشن
کلوز آکشن بن گیا
بلدیہ عظمی کراچی چارجڈ پارکنگ کے ٹھیکوں میں بڑی بدعنوانیاں منظر عام پر آنے لگیں۔۔
8 فروری سے شروع ہونے والی 70 چارجڈ پاکنگ سائٹس کے ٹھیکوں کا آغاز ہی چہیتوں کو نوازنے سے کیا گیا
سیریل نمبر 1 پر موجود کلفٹن بیچ پارک کی چارجڈ پارکنگ سائٹ کا آکشن اچانک ایک فون کالز پر روکے جانے کا انکشاف۔۔۔
فیضی رحمین آرٹ گیلری کی پارکنگ سائٹ بھی نیلامی سے روکنے کی تیاریاں۔۔
منافع بخش چارجڈ پارکنگ سائٹس چہیتے ٹھیکیداروں میں تقسیم کرنے کا مشن کامیاب کرنے کیلئے کرپٹ مافیا متحرک ہوگئی۔۔
چارجڈ پارکنگ کی 70 سائٹس کی نیلامی سے 8 روز قبل ڈائریکٹر کی اچانک تبدیلی اور من پسند ڈائریکٹر کی تعیناتی کے ثمرات نظر آنے لگے۔۔۔
کے ایم سی کے ریونیو کو بڑا ٹیکہ لگنے کا خطرہ پیدا ہوگیا۔۔۔
سیریل کے پہلے نمبر پر موجود اہم پارکنگ سائٹس کا نیلام نہ کئے جانے پر ٹھیکیداروں میں سخت بے چینی پھیل گئی۔۔۔
ڈائریکٹر چارجڈ پارکنگ ارشاد لودھی کی ہدایت پر سیکنڈ نمبر پر موجود طارق روڈ کی سائٹ سے آکشن شروع کیا گیا۔
نیلامی کے پہلے روز صرف 6 سائٹس کا ہی نیلام ہوسکا۔۔بقیہ سائٹس کا نیلام آج سے کیا جائے گا۔۔پارکنگ ٹھیکیداروں نے کلفٹن بیچ پارک کے ٹھیکے کی نیلامی نہ کئے جانے پر اعلی تحقیقاتی اداروں سے فوری نوٹس لینے کی اپیل کردی۔۔

کراچی میں ماڑی پور روڈ گلبائی چوک سے ہاکس بے سائیکل چورنگی تک بند تریفک پولیس کی جانب سے انھے روکا جارہا ہے لیکن زبردستی لوگ فوٹ پاتھ کے ذریے سے ماڑی پور روڈ جانے کی کوشش کر رہے ہیں شہریوں کو شدید مشکل کا سامنا کرنا پڑ رہا ہے لیکن طرقیاتی کام جو کہ شروع ہو چکا ہے 45 روز کے لیے ماڑی پور کی سڑک کو بند کیا جایگا جسکی وجہ سے مزید مشکل پیش اسكتی ہے لیکن متبادل کے طور پر پراچہ چوک سے مواچ گوٹھ کے راستے سے ہاکس بے جایا جاسکتا ہے روڈ کی بہتری کیلئے کچھ وقت شہریوں کو برداش کرنا ضروری ہوگا.

ڈسڑک سینڑل ڈی سی آفس کے سامنے ضلع میں بچت بازاروں کی بندش کے حوالے سے احتجاج کیا گیا جس کی قیادت جماعت اسلامی کی ضلعی قیادت کر نے کی، متاثریں کا کہنا تھا کہ ہمارے چولہے ٹھنڈے ہوگئے ہیں اور اب نوبت فاقوں تک پہنچ چکی ہے جبکہ اس کے برعکس دوسرے ضلعوں میں مسلسل بنیادوں پر بازاروں کا انعقاد کیا جارہا ہے صرف ضلع سینڑل میں ڈی سی صاحب کیوں بازار نھیں لگنے دے رہے، اس عمل سے ڈی سی صاحب کی منفی سوچ یا پھر اس کے کیا مقاصد ہیں ان کا اندازہ لگانا مشکل ہورہا ہے دوسری طرف حکومت کی جانب سے کرونا ایس او پی کے ساتھ کاروبار جاری رکھنے کی پالیسی واضع ہے امیر جماعتی اسلامی کا کہنا ہے کے چھوٹے کاروباری لوگ ڈی سی صاحب کے اس عمل سے بہت متاثر ہورہے ہیں اگر ڈی سی صاحب نے بچت بازار بحال نا کئے تو اس احتجاج کو جاری رکھیں گے تب تک جب تک ڈی سی صاحب بازار لگانے کی اجازت نا دے دیں اس سلسلے میں متاثریں نے اعلیٰ حکام سے بھی درخواست کی ہے کے ہمارے روزگار کو فوری بحال کروایا جائے.

کراچی: پی ڈی پی گلشن غازی بلدیہ ٹاؤن،یوسی 33 کے زیر اہتمام گیس کی لوڈ شیڈنگ کے خلاف مظاہرہ کیا گیا جس میں عوامی نمائندگان کا کہنا تھا کہ بلدیہ ٹاؤن سمیت کراچی کے بیشتر علاقےگیس کی بدترین لوڈ شیدنگ کا شکار ہیں اسکا فوری نوٹس لیا جائے، سوئی سدرن گیس کمپنی نے گیس کے نرخوں میں من مانے اضافے کر دیئے ہیں، عوام کو بھاری بلز بھیجے جا رہے ہیں، اس کے باوجودتمام دن گیس فراہم نہیں کی جاتی، سندھ حکومت آرام طلبی اور بے حسی چھوڑ کر عوام کو ریلیف دینے کے لئے جلد از جلد اقدامات اٹھائے.

کراچی کے علاقے بلدیہ ٹاؤن یوسی 33 کے زیراہتمام ہونے والے مظاہرے میں ایگزیکٹو کونسل کے رکن غلام سرور غازی نے کہا کہ بلدیہ ٹاؤن میں جاری گیس کی بدترین لوڈ شیدنگ کا فوری نوٹس لیا جائے۔ سوئی سدرن گیس کمپنی نے لاک ڈاؤن کے بعد سے گیس کے نرخوں میں من مانے اضافے کر دیئے ہیں، مختلف ہتھکنڈے استعمال کرتے ہوئے عوام کو بھاری بلز بھیجے جا رہے ہیں۔ اس کے باوجودتمام دن گیس فراہم نہیں کی جاتی۔ عوام معاشی ابتری کے اس دور میں پیٹ بھریں یا بلز؟ گیس کی عدم فراہمی کی وجہ سے عوام تینوں وقت کا کھانا ہوٹلوں سے خرید کر کھانے پر مجبور ہیں جو کہ ایک غریب آدمی کی استطاعت سے باہر ہے۔ جبکہ سلنڈرز کی قیمتیں بھی آسمان سے باتیں کر رہی ہیں۔ اس صورتحال نے غریب آدمی کا جینا دشوار کر دیا ہے۔ سندھ حکومت آرام طلبی اور بے حسی چھوڑ کر عوام کو ریلیف دینے کے لئے جلد از جلد اقدامات اٹھائے بصورت دیگر عوام سوئی سدرن گیس کمپنی کا گھیراؤ کرنے پر مجبور ہو جائیں گے۔ عوام کو مسائل سے چھٹکارہ دلانے کے لئے اداروں کو کرپٹ افسران اور کالی بھیڑوں سے پاک کیا جائے۔ وہ پاسبان ڈیموکریٹک پارٹی،گلشن غازی بلدیہ ٹاؤن،یوسی 33 کے زیر اہتمام، گیس کی بدترین لوڈ شیڈنگ اور چند دن پہلے پانچ افرادکے قتل کے خلاف ہونے والے مظاہرہ سے خطاب کر رہے تھے۔ مظاہرہ کا انعقاد یو سی 33کے صدر متین خان کی جانب سے کیا گیا تھا جس میں ایگزیکٹو کونسل کے رکن زمان خان انقلابی،ذمہ دار تنویر حسین، بلدیہ ٹاؤن کے آرگنائزر عمر عباسی، منیر احمد، نثار خان، آدم خان، اختر خان اور نعمان خان سمیت بڑی تعداد میں پاسبان کارکنان اور علاقہ مکینوں نے شرکت کی۔پاسبان ذمہ داران نے کہا کہ گیس کی قلت کے باعث شہری مہنگے داموں گیس سلنڈرز خریدنے پر مجبور ہیں جب کے سلنڈر پھٹنے کے واقعات بھی عام ہوتے جا رہے ہیں۔ شہر میں متعدد مقامات پر گیس سلنڈر پھٹنے کے واقعات میں کئی افراد شدید زخمی اور کئی جان بھی گنوا چکے ہیں جس کی ذمہ دار صوبائی حکومت اور متعلقہ گیس کمپنی کا ادارہ ہے.

کراچی: بن قاسم سے پولیس پر فائرنگ سمیت سنگین جرائم میں ملوث ملزم گرفتار کر لیا گیا، تفصیلات کے مطابق پولیس نے اسٹیل مل برج کے قریب مشکوک موٹرسائیکل سوار کو روکا اور تلاشی کے دوران ملزم کے بیگ سے اسلحہ بمعہ ایمونیشن، چھینے گئے سات موبائل فونز اور دستی بم برآمد برآمد کر لئے.
ملزم کا نام عبدالقادر عرف مزاری بتایا گیا ہے ملزم گیارہ سے زائد سنگین نوعیت کے مقدمات میں پولیس کو مطلوب تھا۔ گرفتار ملزم نے دوران انٹیروگیشن ڈکیتی اور راہزنی کی درجنوں وارداتوں کا اعتراف کرلیا ہے، ملزم سے برآمد موبائل فونز کی جانچ کا عمل جاری ہے۔

ملزم کیخلاف تھانہ سکھن، ناظم آباد، الفلاح، عزیز بھٹی، لانڈھی، شرافی گوٹھ اور اسپیشل انویسٹیگیشن یونٹ کراچی میں مقدمات درج ہیں۔ ملزم ضلع ملیر سمیت شہر بھر میں شہریوں سے لوٹ مار کی وارداتوں میں ملوث تھا، ملزم کیخلاف مقدمہ درج کر لیا گیا ہے، گرفتار ملزم کی گرفتاری کے متعلق شہر کے دیگر تھانہ جات میں مراسلہ بھیج دیا گیا ہے اور ملزم کو مزید پوچھ گچھ کیلئے تفتیشی حکام کے حوالے کر دیا گیا۔ ملزم سے برآمد اسلحہ فارنزک معائنے کیلئے روانہ کر دیا گیا۔

محکمہ ایکسائز اینڈ ٹیکسیشن و انسداد منشیات سندھ کی ٹیکس وصولی کی صورتحال

ماہ جولائی 2020 سے جنوری 2021 تک مجموعی طور پر 52916.823 ملین روپے ٹیکس وصول کیا گیا جبکہ گذشتہ مالی سال کے دوران اسی مدت میں 47493.427 ملین روپے ٹیکس وصول کیا گیا تھا۔

موٹر وہیکل ٹیکس کی مد میں 5292.507 ملین روپے اور انفراسٹرکچر سیس کی مد میں 42870.543 ملین روپے ٹیکس وصول کیا گیا۔

جائیداد ٹیکس کی مد میں 1304.151 ملین روپے اور پروفیشنل ٹیکس کی مد میں 374.100 ملین روپے ٹیکس وصول کیا گیا۔

کاٹن فیس کی مد میں 77.148 ملین روپے، انٹرٹینمنٹ ڈیوٹی کی مد میں 17.091 ملین روپے اور باقی رقم دیگر ٹیسکز مد میں وصول کی گئی۔

صوبائی وزیر برائے ایکسائز اینڈ ٹیکسیشن و انسداد منشیات اور پارلیمانی امور مکیش کمار چاؤلہ کا کہنا تھا کہ ٹیکسز کی وصولی کی مجموعی صورتحال بہتر ہے اور امید ہے کہ رواں مالی سال کے اختتام سے قبل ہی ٹیکس وصولی کے اہداف حاصل کرلیں گے۔ ٹیکس نادہندہ گان محکمہ ایکسائز کی ویب سائٹ www.excise.gos.pk پر جاکر بھی اپنے ٹیکسز جمع کروا سکتے ہیں۔ ٹیکس نادہندہ گان آن لائن ٹیکس جمع کروانے کی سہولت سے فائدہ اٹھائیں اور افسران بھی ٹیکس وصولی کے لئے اپنی کاوشیں تیز کریں۔