Category: کراچی

کچرے سے بجلی کا ٹیرف، آلٹرنیٹ انرجی پالیسی کے تحت تشکیل دیا جائے۔
سندھ کے وزراء سید ناصر حسین شاہ اور وزیر توانائی امتیاز احمد شیخ کی زیر صدارت اجلاس میں ہدایات۔
کچرے سے بجلی بنانے کے منصوبے پر محکمہ توانائی اور محکمہ بلدیات سندھ مشترکہ طور پر تیز تر حکمت عملی ترتیب دیں۔
کراچی میں روزانہ 8 ہزار ٹن ٹھوس کچرا پیدا ہوتا ہے جس سے 200 میگا واٹ تک بجلی حاصل کی جاسکتی ہے ۔
کچرے سے بجلی بنانے کا منصوبہ ماحول دوست ہونے کی وجہ سے وقت کی ضرورت ہے ۔اسطرح کچرے کو جدید اور ماحول دوست طریقے سے ٹھکانے لگایا جاسکتا ہے۔ امتیاز احمد شیخ
کراچی میں کچرے سے بجلی بنانے کے منصوبے کو جلد از جلد قابلِ عمل بنانے کے لیے سندھ کے وزیر بلدیات،اطلاعات،مذہبی امور اور جنگلات سید ناصر حسین شاہ اور وزیر توانائی سندھ امتیاز احمد شیخ کی مشترکہ صدارت میں ایک اجلاس آج محکمہ توانائی سندھ کے دفتر میں منعقد ہوا۔
اجلاس میں سیکریٹری بلدیات سندھ نجم شاہ، سیکریٹری توانائی سندھ طارق علی شاہ، محکمہ خزانہ سندھ کے پبلک پرائیویٹ پارٹنر شپ یونٹ کے سربراہ خالد شیخ، سندھ سالڈ ویسٹ مینجمنٹ بورڈ کے مینیجنگ ڈائریکٹر زبیر چنہ اور محکمہ بلدیات سندھ اور محکمہ توانائی سندھ کے دیگر افسران نے شرکت کی۔
اجلاس میں بتایا گیا کہ کراچی میں روزانہ تقریباً 8 ہزار ٹن سالڈ ویسٹ پیدا ہوتا ہے جس سے 200 میگا واٹ تک بجلی پیدا کی جا سکتی ہے۔
اجلاس میں وزیر بلدیات سید ناصر حسین شاہ اور وزیر توانائی امتیاز احمد شیخ نے کہا کہ کچرے سے بجلی بنانے کا منصوبہ اس لئے ضروری ہے کہ اس منصوبے کےزریعے کراچی شہر کے کچرے کو ماحول دوست طریقے سے ٹھکانے لگایا جا سکتا ہے اور بجلی بھی حاصل کی جاسکتی ہے۔ انہوں نے کہا کہ کراچی میں کچرے سے بجلی بنانے کے منصوبے پر کام کو تیز رفتاری سے آگے بڑھایا جائے اور کچرے سے بننے والی بجلی کا ٹیرف آلٹرنیٹ انرجی پالیسی کے تحت تشکیل دیا جائے۔
اس موقع پر وزیر توانائی سندھ امتیاز احمد شیخ نے کہا کہ کچرے سے بجلی بنانے کے منصوبے کو جلد از جلد قابلِ عمل کرنےکے لیے کام کیا جائے تاکہ سندھ اس ماحول دوست منصوبے پر عمل کرنے والا پہلا صوبہ ہوسکے اور دیگر صوبے بھی سندھ کے تجربے سے استفادہ کرسکیں۔
اجلاس میں یہ بھی ہدایات دی گئیں کہ کچرے سے بجلی بنانے کے منصوبے میں کراچی کے بعد صوبے کے دیگر شہروں تک بھی اس منصوبے کو پھیلانے کی گنجائش رکھی جائے تاکہ کراچی میں منصوبے کی کامیابی کی روشنی میں دیگر شہروں کے کچرے کو بھی ماحول دوست طریقے سے ٹھکانے لگایا جا سکے اور بجلی بھی حاصل کی جاسکے۔
اجلاس میں بتایا گیا کہ کچرے سے بجلی بنانے کے منصوبے کے لئے لینڈ فل سائٹ سب سے معقول جگہ ہے اور کچھ کمپنیاں کچرے سے بجلی بنانے کے منصوبے میں گہری دلچسپی کا اظہار بھی کرچکی ہیں۔

بجلی کے بعد گیس بھی مہنگی، قیمت میں اضافہ کر دیا گیا
اوگرا نے سوئی ناردرن صارفین کیلئے گیس 13.42 روپےفی ایم ایم بی ٹی یو اضافے کی منظوری دے دی ذرائع کا کہنا ہے کہ قیمت میں اضافہ مالی سال 21-2020 کیلئےکیا گیا ہے۔ ایس این جی پی ایل نے 123 فیصد اضافہ ‏طلب کیا تھا۔ اضافے کے بعد ایس این جی پی ایل کی قیمت بڑھ کر 644.84 روپے فی ایم ایم بی ٹی یو ہو گئی قیمتوں کا اطلاق وفاقی حکومت کی جانب سے نوٹیفکیشن کے بعد ہو گا۔

نیپرا نے ماہانہ فیول چارجز ایڈجسٹمنٹ کی مد میں بجلی 1 روپے 53 پیسے مہنگی کرنے کی منظوری دے دی۔ بجلی کی قیمت میں اضافے سے صارفین پر 10 ارب روپے کا بوجھ پڑے گا تفصیلات کے مطابق نیپرا نے دسمبر 2020 کے لیے ماہانہ فیول چارجز ایڈجسٹمنٹ کی مد میں 1 روپے 53 پیسے فی یونٹ اضافے کی منظوری کا نوٹیفیکیشن جاری کردیا سنٹرل پاور پرچیزنگ ایجنسی (سی پی پی اے) نے بجلی کی قیمت میں 1 روپے 80 پیسے فی یونٹ اضافے کی درخواست کی تھی جس پر نیپرا اتھارٹی نے 27 جنوری 2021 کو ایف سی اے پر عوامی سماعت کی تھی جس کے بعد 1.53 روپے اضافے کا فیصلہ کیا گیا یہ اضافہ فروری کے مہینے کے بلوں میں ہوگا اور اس نوٹیفیکیشن کا اطلاق ڈسکوز کے تمام صارفین پر ہوگا تاہم لائف لائن اور کے الیکٹرک صارفین پر اس کا اطلاق نہیں ہوگا۔ بجلی کی قیمت میں اضافے سے صارفین پر 10 ارب روپے کا بوجھ پڑے گا۔

کراچی: راشد منہاس روڈ نیپا فلائی اوور اترتے ہی سڑک پر بڑا گڑھا پڑا ہوا ہے جو خصوصاً رات میں حادثات کا سبب بن سکتا ہے، یہاں روزانہ ٹریفک کی روانی متاثر ہوتی ہے کئی دفعہ انتظامیہ کی توجہ مبذول کروانے کے باوجود تا حال سڑک کی مرمت نا ہوسکی۔ لہٰذا اسے پیشہ نظر رکھتے ہوئے شہریوں کی اپیل ہے کہ جلد از جلد اس سلسلے پر غور کیا جائے تاکہ شہریوں کو کسی بھی مشکلات کا سامنا نہ کرنا پڑے تاکہ کسی بھی حادثہ پیش آنے سے قبل یہ کام مکمل ہوجائے

لیاقت آباد میں پولیس اور منشیات فروشوں کے درمیان فائرنگ کا تبادلہ۔ پولیس کی جوابی فائرنگ سے ایک منشیات فروش ہلاک، ساتھی فرار فائرنگ کے تبادلہ میں ہلاک ملزم حسن عرف پٹاخہ کا نام انتہائی مطلوب منشیات فروشوں کی فہرست میں شامل تھا ملزمان کی فائرنگ سے ایک منشیات کا عادی سگا ولد کانیہ زخمی۔
ہلاک منشیات فروش کی لاش اور زخمی شخص کو اسپتال منتقل کر دیا گیا پولیس نے موقع سے ملزمان کے زیر استعمال اسلحہ بمعہ ایمونیشن اور گولیوں کے خول تحویل میں لے لیا پولیس کیجانب سے ہلاک ملزم کے فرار ساتھی کی تلاش جاری ہے ہلاک ملزم کیخلاف تھانہ رضویہ اور سپر مارکیٹ میں متعدد مقدمات درج ہیں۔
پولیس موقع سے شواہد اور شاہدین کے بیانات قلمبند کر رہی ہے مزید ضابطے کی کارروائی جاری۔
*ترجمان ضلع سینٹرل پولیس*

کراچی: سائٹ ایریا میں 5 لاکھ سے زائد رقم نکلوانے والوں کو پولیس سیکیورٹی ملے گی
کراچی سائٹ صنعتی زون میں اسٹریٹ کرائم کی روک تھام کے لیے نیا اقدام کراچی سائٹ میں کسی بھی بینک سے 5 لاکھ سے زائد نکلوانے والے علاقہ پولیس سے رابطہ کریں آگاہی کے لیے بینکس کے باہر پوسٹر لگا دئیے گئے سی سی ٹی وی کیمرے بھی مختلف مقامات پر بینکس کے قریب نصب کئے جارہے ہیں، پولیس حکام

جماعت اسلامی کراچی کے امیر حافظ نعیم صاحب نے باغی ٹی وی ٹویٹر اکاؤنٹ کے حوالے سے غیر مناسب رویے کی شدید الفاظ میں مزمت کی اور مزید کہا کہ جہاں انڈیا کشمیر اور کسان تنظیم کے اوپر اپنے کالے قانون لاگو کر چکا تو اسکی یہ بھول ہوگی کے یہی کالا قانون آزادی صحافت پر بھی مسلط کردے گا اور ٹویٹر انتظامیہ کو سمجھنا چاہیے کے آزادی رائے پر ہر شخص کا حق ہے کہی ایسا نہ ہو کے پاکستان میں ٹویٹر کے غیر مناسب رویے پر ٹویٹر کا بائیکاٹ شروع ہوجائے۔