Category: کراچی

کراچی:سینئر وزیر سندھ شرجیل انعام میمن نے کہا ہے کہ حکومت سندھ نے مون سون بارشوں کے دوران عوام کے جان و مال کے تحفظ کے لیے تیاریاں مکمل کر لی ہیں اور اس حوالے سے بلدیاتی اداروں کے عملے کی چھٹیاں منسوخ کردی گئی ہیں۔

سینئر صوبائی وزیر شرجیل انعام میمن نے کہا ہے کہ ڈپٹی کمشنرز اور بلدیاتی اداروں کے چیئرمینوں کو ہدایت دی گئی ہے کہ بارش کا پانی فوری طور پر نکالنے کے انتظامات کیے جائیں نشیبی علاقوں میں ڈی واٹرنگ پمپس کی دستیابی ہر صورت یقینی بنانے کے لیے اقدامات کر لئے گئے ہیں بلدیاتی اداروں کے عملے کی چھٹیاں منسوخ کر دی گئی ہیں اور ان کی 24 گھنٹے موجودگی لازمی قرار دی گئی ہے۔

انہوں نے کہا کہ کراچی کے اولڈ سٹی ایریا میں 59 خطرناک عمارتوں کی نشاندہی کی گئی ہے، 10 عمارتیں قومی ورثہ قرار دی گئی ہیں اسٹرکچرل انجینئرز پر مشتمل سندھ بلڈنگ کنٹرول اتھارٹی کی تکنیکی کمیٹی شہر بھر میں مسلسل سروے کر رہی ہےجس کا مقصد ایسی عمارتوں کا پتا لگانا ہے جو شہریوں کے لیے خطرہ بن سکتی ہیں۔

شرجیل میمن کا کہنا تھا کہ انسانی جانوں کا تحفظ یقینی بنانے کے لیے اب تک 41 انتہائی خطرناک عمارتوں کو خالی کرا کے سیل کر دیا گیا ہےمتوقع بارشوں کے پیش نظر ایس بی سی اے میں ایک رین ایمرجنسی سینٹر قائم کر دیا گیا ہے جو 24 گھنٹے فعال ہےحکومت سندھ عوام کی سلامتی کو اولین ترجیح دے رہی ہے، مون سون کے دوران کسی قسم کی کوتاہی برداشت نہیں کی جائے گی شہری خطرناک عمارتیں فوری طور خالی کریں اور حکام کے ساتھ تعاون کریں تاکہ کسی بڑے نقصان سے بچا جا سکے۔

پاکستان نے بھارت کے لیے اپنی فضائی حدود کی بندش میں مزید ایک ماہ کی توسیع کر دی ہے۔ اس سلسلے میں پاکستان ایئر پورٹ اتھارٹی کی جانب سے نیا نوٹم جاری کر دیا گیا ہے۔

نوٹم کے مطابق بھارتی ایئر لائنز کے لیے پاکستان کی فضائی حدود اب 23 اگست 2025 تک بند رہے گی۔ یہ پابندی ابتدائی طور پر 23 اپریل سے نافذ ہے اور اس میں مسلسل توسیع کی جا رہی ہے۔ایئر پورٹ اتھارٹی کے مطابق بھارتی رجسٹرڈ تمام طیاروں کو پاکستان کی فضائی حدود استعمال کرنے کی اجازت نہیں ہوگی، چاہے وہ مسافر بردار ہوں یا مال بردار۔اس کے ساتھ ساتھ بھارتی ملکیت یا لیز پر لیے گئے فوجی اور سول طیارے بھی اس پابندی کے دائرے میں شامل ہوں گے۔

نوٹم کے مطابق یہ پابندی پاکستانی وقت کے مطابق 24 اگست کی صبح 4 بج کر 59 منٹ تک برقرار رہے گی۔یاد رہے کہ دونوں ممالک کے درمیان فضائی پابندیاں بعض سیاسی و سیکیورٹی وجوہات کی بنیاد پر عائد کی جاتی رہی ہیں، تاہم حالیہ بندش کی وجہ سرکاری سطح پر ظاہر نہیں کی گئی۔

حماس کی اسرائیلی یرغمالیوں کی مشروط رہائی کی پیشکش

بھارت: بہار میں آسمانی بجلی گرنے سے 33 افراد ہلاک، درجنوں زخمی

کراچی چیمبر آف کامرس اینڈ انڈسٹری کے صدر جاوید بلوانی نے ہنگامی اجلاس کے بعد پریس کانفرنس میں اعلان کیا ہے کہ شہر بھر میں آج مکمل شٹر ڈاؤن ہڑتال ہوگی، تمام کاروباری مراکز بند رہیں گے۔

جاوید بلوانی نے واضح کیا کہ یہ ہڑتال کسی سیاسی جماعت کا ایجنڈا نہیں بلکہ خالصتاً معاشی مسائل اور کاروباری تحفظات پر مبنی ہے۔ انہوں نے خبردار کیا کہ اگر حکومت آئندہ اجلاس سے قبل تحریری یقین دہانی نہ دے، تو ہڑتال کا دائرہ پورے ملک تک بڑھایا جا سکتا ہے۔کراچی کی بڑی تجارتی انجمنیں بشمول ریسٹورینٹ ایسوسی ایشن، انجمن تاجران بولٹن مارکیٹ، موٹرسائیکل اسپئیر پارٹس ایسوسی ایشن، پاکستان ٹی ایسوسی ایشن اور آئرن اینڈ اسٹیل مرچنٹس نے کراچی چیمبر کے فیصلے کی مکمل حمایت کا اعلان کر دیا ہے۔

صدر کراچی چیمبر نے مزید کہا کہ اگر مسائل حل نہ کیے گئے تو بزنس کمیونٹی بیرونِ ملک، خاص طور پر دبئی، میں اپنے کاروبار منتقل کرنے پر غور کرے گی۔علاوہ ازیں آل پاکستان ریسٹورینٹ ایسوسی ایشن کے صدر وقاص عظیم اور کراچی گڈز کیریئر ایسوسی ایشن کے جنرل سیکرٹری ندیم اختر آرائیں نے بھی ہڑتال کی مکمل حمایت کا اعلان کرتے ہوئے کہا کہ معاشی قتل عام بند کیا جائے اور تاجروں کی آواز سنی جائے۔

دوسری جانب آل سندھ ٹرک ڈمپر ایسوسی ایشن کے چیئرمین میاں جان نے کراچی کی ہڑتال سے لاتعلقی کا اظہار کرتے ہوئے فیڈریشن آف پاکستان چیمبرز آف کامرس (FPCCI) کے ملک گیر ہڑتال مؤخر کرنے کے فیصلے کو سراہا۔ ان کا مؤقف تھا کہ کاروبار کو روکنے کے بجائے آگے بڑھانے کی ضرورت ہے۔

واضح رہے کہ لاہور سمیت ملک کے دیگر شہروں کے کئی تاجر بھی 19 جولائی کو ایف بی آر کے سخت قوانین کے خلاف ہڑتال کی حمایت کا اعلان کر چکے ہیں۔

بھارت،ایک ہی دن 100 کے قریب اسکولوں کو بم کی دھمکی موصول

اسلام آباد ایکسائز کا نئی پالیسی کا نفاذ، ملکیتی نمبر پلیٹس کا اجراء

بلوچستان ، سرکاری ملازمین کے لیے ایڈہاک الاؤنس کی منظوری

اداکارہ حمیرا اصغر کی لاش کے نمونوں کی کیمیکل جانچ رپورٹ آگئی جس میں ان کی موت کو طبعی قرار دیا گیا ہے۔

کراچی ڈیفنس میں فلیٹ سے مردہ پائی جانے والی ماڈل و اداکارہ حمیرا اصغر کے پوسٹ مارٹم کے دوران لاش سے نمونوں حاصل کیے گئے تھےپولیس ذرائع کے مطابق اداکارہ کی لاش کے نمونوں کی کیمیکل رپورٹس موصول ہوگئیں ہیں جن میں اداکارہ کی موت کو طبعی عوامل کا نتیجہ قرار دیا گیا ہے اداکارہ کے پوسٹ مارٹم کے دوران کئی ٹیسٹس کے لیے نمونے حاصل کیے گئے تھے جنہیں جامعہ کراچی کی فرانزک لیبارٹری ارسال کیا گیا تھا، مزید رپورٹس آنا باقی ہیں۔

واضح رہے کہ اداکارہ و ماڈل حمیرا اصغر کی کئی ماہ پرانی لاش 8 جولائی کو کراچی کے علاقے ڈیفنس کے ایک فلیٹ سے برآمد ہوئی تھی مکان مالک کی شکایت پر عدالت نے پولیس کو کرایہ ادا نہ کرنے پر فلیٹ خالی کرانے کا حکم دیا تھا، جس کے دوران اداکارہ کی لاش جو ڈی کمپوزیشن کے آخری مراحل میں تھی برآمد کی گئی،ابتدائی طور پر بتایا جا رہا تھا کہ لاش ایک ماہ پرانی ہے، لیکن بعد ازاں ابتدائی پوسٹ مارٹم رپورٹ میں انکشاف ہوا کہ لاش 8 سے 10 ماہ پرانی ہے۔

ججز سنیارٹی کیس :عمران خان نے سپریم کورٹ میں انٹرا کورٹ اپیل دائر کر دی

دوسری جانب حمیرا اصغر کے بھائی نوید اصغر نے ایک انٹرویو دیتے ہوئے واقعے پر شدید شکوک و شبہات کا اظہار کیا ہے، انہوں نے کہا کہ اُن کی بہن کی موت حادثاتی نہیں بلکہ ایک منصوبہ بندی کے تحت کی گئی واردات ہے ، پولیس افسران نے مجھے بتایا ہے کہ جب فلیٹ کا دروازہ توڑا گیا تو پچھلا دروازہ پہلے سے کھلا ہوا تھا جبکہ چھت کی کھڑکی بھی مسلسل کھلی رہی جس کی وجہ سے بدبو نہیں پھیلی، یہ سب ایک منصوبہ بندی کے تحت کیا گیا قتل لگتا ہے اور ہمیں 90 فیصد یقین ہے کہ یہ قتل ہے، میرے خیال میں اس واقعے کی مکمل اور شفاف تحقیقات ہونی چاہئیں، مکان مالک کا مکمل ڈیٹا، اس کا کال ڈیٹیل ریکارڈ حاصل کیا جائے اور یہ بھی معلوم کیا جائے کہ وہ کتنے عرصے سے کراچی میں رہ رہا ہے اور کہیں اس کا لاہور سے بھی کوئی تعلق تو نہیں۔

اقدامِ قتل کیس: موسیٰ مانیکا 14 روزہ جوڈیشل ریمانڈ پر جیل منتقل

بھائی نے مطالبہ کیا کہ حمیرا کی ٹریول ہسٹری کی بھی مکمل چھان بین کی جائے، یہ دیکھنا ضروری ہے کہ وہ تنہا سفر کرتی تھیں یا کسی کے ساتھ، کیونکہ اس پہلو سے بھی کئی سوالات جنم لیتے ہیں، حمیرا کے آخری پروجیکٹس میں شامل ساتھی فنکار و عملہ بھی مکمل تعاون نہیں کر رہا، مجھے سمجھ نہیں آتی کہ ان کے ساتھی کھل کر بات کیوں نہیں کر رہے؟ کیا وہ کسی سے ڈر رہے ہیں؟ اگر وہ بے گناہ ہیں تو تعاون کریں تاکہ حقیقت سامنے آ سکے

کراچی میں کاؤنٹر ٹیررازم ڈیپارٹمنٹ (سی ٹی ڈی) اور ایک خفیہ ادارے کی مشترکہ کارروائی کے دوران کالعدم تحریک طالبان پاکستان (ٹی ٹی پی) سے تعلق رکھنے والے دو دہشت گرد ہلاک کر دیے گئے، جن کے قبضے سے خودکش جیکٹ اور بھاری اسلحہ برآمد ہوا۔

ترجمان سی ٹی ڈی کے مطابق حب ریور روڈ پر مشترکہ کارروائی کی گئی، جس میں موچکو تھانے کی حدود کے علاقے آسکانی محلہ میں ’فتنہ الخوارج‘ (ٹی ٹی پی ) سے وابستہ دہشت گردوں کی موجودگی کی اطلاع پر کارروائی عمل میں لائی گئی۔مقابلے کے دوران فائرنگ کے تبادلے میں دونوں مبینہ دہشت گرد مارے گئے۔قبضے سے ایک خودکش جیکٹ، ایک کلاشنکوف، ایک پستول اور بارودی مواد برآمد کیا گیا۔

بم ڈسپوزل اسکواڈ نے خودکش جیکٹ کو موقع پر ہی ناکارہ بنا دیا۔لاشوں کو قانونی کارروائی کے لیے سول اسپتال کراچی منتقل کر دیا گیا، جہاں فوری طور پر ان کی شناخت نہ ہو سکی۔ترجمان کے مطابق ہلاک ہونے والے دہشت گرد شہر میں تخریبی کارروائی کی منصوبہ بندی کر رہے تھے، تاہم بروقت کارروائی سے بڑا سانحہ ٹال دیا گیا۔

سی ٹی ڈی کا کہنا ہے کہ دہشت گردوں کے سہولت کاروں کی تلاش جاری ہے اور شہر میں امن و امان کو درہم برہم کرنے والے عناصر کے خلاف کارروائیاں جاری رہیں گی۔

راولپنڈی میں بارش کے بعد صورتحال کنٹرول میں، مرکزی سڑکیں کلیئر

شام پر اسرائیلی حملے خطے کے لیے خطرہ ہیں، ترک صدر اردوان

فاٹا انضمام کا فیصلہ غلط تھا، فاٹا کو الگ صوبہ بنایا جا سکتا ہے: مولانا فضل الرحمان

کوئٹہ اور قلات حملے: سی ٹی ڈی نے دہشت گردی ایکٹ کے تحت مقدمات درج کر لیے