Category: کراچی

اسٹیٹ بینک آف پاکستان نے ملکی زرمبادلہ کے ذخائر کی تازہ ترین تفصیلات جاری کر دی ہیں، جن کے مطابق 11 جولائی کو ختم ہونے والے کاروباری ہفتے کے دوران مجموعی ذخائر میں 7 کروڑ 16 لاکھ ڈالر کی کمی ریکارڈ کی گئی۔

اسٹیٹ بینک کے اعلامیے کے مطابق ملکی مجموعی زرِ مبادلہ کے ذخائر 11 جولائی تک کم ہو کر 19.95 ارب ڈالر رہ گئے۔اسٹیٹ بینک کے ذخائر میں 2 کروڑ 34 لاکھ ڈالر کا اضافہ ہوا، جس کے بعد مرکزی بینک کے پاس ذخائر 14.52 ارب ڈالر ہو گئے۔دوسری جانب کمرشل بینکوں کے ذخائر میں 9 کروڑ 50 لاکھ ڈالر کی نمایاں کمی ہوئی، جس کے بعد یہ ذخائر 5.43 ارب ڈالر کی سطح پر آ گئے۔

یاد رہے کہ اس سے قبل بھی ملکی زرمبادلہ کے ذخائر میں 2 ارب 65 کروڑ ڈالر کی بڑی کمی ریکارڈ کی جا چکی ہے، جس پر ماہرین معیشت نے تشویش کا اظہار کیا تھا۔

تجزیہ کاروں کے مطابق زرمبادلہ کے ذخائر میں اتار چڑھاؤ کا براہِ راست تعلق درآمدات، قرضوں کی ادائیگی، اور بیرونی سرمایہ کاری سے ہوتا ہے، اور یہ صورتحال ملکی معاشی استحکام کے لیے اہم اشارہ سمجھی جاتی ہے۔

پنجاب اسمبلی: اپوزیشن کے 26 ارکان کی معطلی پر حکومت و اپوزیشن میں اتفاق

غزہ پر اسرائیلی حملے جاری، مزید 25 فلسطینی شہید

پاکستان کے خلاف ٹی ٹوئنٹی سیریز کے لیے بنگلادیش اسکواڈ کا اعلان

کراچی میں جعلی عملیات کے نام پر بچوں کو اغوا کرنے والے میاں بیوی اور ان کی والدہ کو گرفتار کر لیا گیا۔ پولیس نے کارروائی کے دوران گزشتہ سال اغوا ہونے والا چار سالہ بچہ بازیاب کروا لیا۔

ایس ایس پی اسپیشلائزڈ انویسٹی گیشن یونٹ (ایس آئی یو) شعیب میمن کے مطابق بچہ گزشتہ سال یکم دسمبر کو رحمت جان کالونی سعیدآباد سے اغوا ہوا تھا۔ اسپیشل انویسٹی گیشن یونٹ کو ملزمان کی موجودگی کی اطلاع ملی جس پر فوری کارروائی کی گئی۔شعیب میمن کے مطابق ملزمان جعلی آستانہ اور عملیات کا ڈھونگ رچا کر لوگوں کو دھوکا دیتے تھے۔ جو لوگ روحانی علاج یا عملیات کے لیے ان کے پاس آتے، وہ ان کے بچوں کو اغوا کر لیتے تھے۔

پولیس کے مطابق ملزمان مغوی بچوں کے اہل خانہ کو آستانے پر بلاتے اور دو لاکھ روپے تاوان لے کر یہ ظاہر کرتے کہ وہ روحانی علم سے بچوں کا پتا چلا رہے ہیں اور پھر مقام بتا دیتے جہاں سے بچے "مل” جاتے۔ایس آئی یو نے ملزم، اس کی بیوی اور ماں کو گرفتار کر کے مزید تفتیش شروع کر دی ہے، جبکہ دیگر ممکنہ مغوی بچوں اور متاثرہ خاندانوں کا بھی سراغ لگایا جا رہا ہے۔

سعودی عرب کے مشرقی و ریاض ریجن میں شدید گرمی، ریڈ الرٹ جاری

یورپی یونین اور پاکستان کے درمیان سیکیورٹی و انسداد دہشتگردی سمیت تعاون بڑھانے پر اتفاق

کراچی: لیاری میں عمارت کی چھت گرنے سے 2 خواتین جاں بحق ہوگئیں جبکہ 3 افراد زخمی ہو گئے-

پولیس کے مطابق واقعہ لیاری کے علاقے کھڈا مارکیٹ میں پیش آیا جہاں عمارت کے چھٹے فلور کی چھت نیچے آگری،واقعے کی اطلاع ملتے ہی امدادی کارروائیاں شروع کردی گئیں اور زخمیوں کو اسپتال منتقل کردیا گیا ہے۔

ڈی آئی جی ساؤتھ نے بتایا کہ پولیس نے جائے حادثہ پر امدادی سرگرمیوں کا آغاز کیا جہاں سے 2 خواتین کی لاشوں سمیت 3 زخمیوں کو سول اسپتال منتقل کیا گیا جاں بحق ہونے والی دونوں خواتین بہنیں ہیں اور واقعے میں زخمی ہونے والی ان خواتین کی بیٹیاں ہیں۔

دوسری جانب اسپتال حکام نے بھی ٹراما سینٹر میں 2 لاشیں اور 3 زخمیوں کو لانے کی تصدیق کی ہے۔

علاقے کے مکینوں نے متعلقہ حکام سے مطالبہ کیا ہے کہ شہر میں خطرناک عمارتوں کا سروے کیا جائے تاکہ مستقبل میں ایسے افسوسناک حادثات سے بچا جا سکے وزیر بلدیات سعید غنی نے واقعے کا فوری نوٹس لیتے ہوئے ڈپٹی کمشنر ساؤتھ اور متعلقہ اداروں کو موقع پر پہنچ کر ریسکیو آپریشن تیز کرنے کی ہدایت جاری کر دی،سعید غنی نے ڈی جی ایس بی سی اے (سندھ بلڈنگ کنٹرول اتھارٹی) اور ڈپٹی کمشنر ساؤتھ سے واقعے کی تفصیلی رپورٹ طلب کر لی۔

شہر قائد کے مختلف علاقوں میں زلزلے کے ہلکے جھٹکے محسوس کیے گئے، جن سے شہریوں میں خوف و ہراس پھیل گیا، تاہم کسی جانی یا مالی نقصان کی اطلاع نہیں ملی۔

محکمہ موسمیات کے مطابق شام 5 بجکر 52 منٹ پر ملیر میں 3.4 شدت کا زلزلہ ریکارڈ کیا گیا، جس کا مرکز ملیر سے شمال مغرب کی جانب 14 کلومیٹر دور تھا۔اس کے صرف ایک منٹ بعد، 5 بجکر 53 منٹ پر ڈی ایچ اے سٹی کے قریب دوسرا زلزلہ آیا، جس کی شدت 2.7 ریکارڈ کی گئی۔ محکمہ موسمیات کے مطابق اس زلزلے کا مرکز ڈی ایچ اے سٹی سے 10 کلومیٹر مشرق کی جانب تھا۔

مزید برآں، رات سوا 8 بجے ایک اور جھٹکا محسوس کیا گیا جس کی شدت 3.3 ریکارڈ ہوئی۔ زلزلے کے جھٹکوں سے شہری گھروں سے باہر نکل آئے، تاہم حکام کا کہنا ہے کہ اب تک کسی قسم کے نقصان کی کوئی اطلاع موصول نہیں ہوئی۔محکمہ موسمیات اور ڈیزاسٹر مینجمنٹ حکام نے شہریوں کو محتاط رہنے اور کسی بھی ہنگامی صورت حال میں متعلقہ اداروں سے فوری رابطے کی ہدایت کی ہے۔

شام: سویدا میں جنگ بندی کا معاہدہ، ریاستی کنٹرول بحال

ڈیفنس کراچی سے جیل میں ایوارڈ لے چکی کروڑ پتی ماسی گرفتار

ایران مذاکرات چاہتا ہے، ہمیں کوئی جلدی نہیں: امریکی صدر

کراچی ،چنگچی رکشوں پر پابندی کے خلاف درخواست، پیش رفت رپورٹ طلب

کراچی شہر کے پوش علاقے ڈیفنس سے ایک اور کروڑ پتی ماسی کو پولیس نے گرفتار کر لیا، جس پر مختلف شہروں میں چوری کے درجنوں مقدمات درج ہیں۔ ملزمہ مہرین کے حوالے سے تحقیقات میں سنسنی خیز انکشافات سامنے آئے ہیں۔

تفتیشی حکام کے مطابق مہرین کا تعلق فیصل آباد سے ہے اور وہ ماضی میں اسلام آباد کی ایک جیل میں تین سال قید کاٹ چکی ہے۔ حیران کن طور پر قید کے دوران جیل میں سلائی کا کام کرنے پر اسے سابق وزیرِ اعظم کی جانب سے ایوارڈ بھی دیا گیا تھا۔پولیس ذرائع کے مطابق مہرین کے خلاف دسمبر 2024 میں کراچی کے ڈیفنس تھانے میں مقدمہ درج کیا گیا تھا، جس میں مدعی شوکت محمود نے الزام عائد کیا تھا کہ ماسی نے چائے میں نشہ آور دوا پلا کر اہلِ خانہ کو بیہوش کیا اور پھر گھر سے زیورات، نقدی اور دیگر قیمتی سامان لے کر فرار ہو گئی۔

حکام کا کہنا ہے کہ مہرین نے اس واردات میں تقریباً 65 لاکھ روپے کا نقصان پہنچایا۔ ملزمہ بعد ازاں فیروزآباد تھانے کی حدود سے گرفتار ہوئی، جہاں چوری کے 3 مقدمات میں پہلے سے مطلوب تھی۔ مدعی کی جانب سے شناخت کے بعد ڈیفنس پولیس نے بھی اپنی ایف آئی آر میں گرفتاری شامل کر لی ہے۔تفتیشی افسران کے مطابق مہرین ماضی میں کلفٹن، گذری اور دیگر پوش علاقوں کے گھروں میں بھی چوری کی بڑی وارداتیں کر چکی ہے۔ ملزمہ سے مزید تفتیش جاری ہے، اور پولیس کو توقع ہے کہ دیگر چوریوں سے متعلق مزید حقائق بھی سامنے آئیں گے۔

ایشیا کپ 2025: بھارت کو پاکستان کے خلاف کھیلنے کی اجازت

ایران مذاکرات چاہتا ہے، ہمیں کوئی جلدی نہیں: امریکی صدر

کراچی ،چنگچی رکشوں پر پابندی کے خلاف درخواست، پیش رفت رپورٹ طلب

پنجاب، بارشوں سے24 گھنٹوں میں 28 اموات، دریائے جہلم میں سیلاب کا خدشہ

سندھ ہائی کورٹ نے کراچی کی مرکزی شاہراہوں پر چنگچی رکشوں پر عائد پابندی کے خلاف دائر درخواست کی سماعت کے دوران صوبائی حکومت سے آئندہ سماعت پر پیش رفت رپورٹ طلب کر لی ہے۔

دوران سماعت سرکاری وکیل نے عدالت کو بتایا کہ چنگچی رکشوں سے ٹریفک نظام میں مسائل پیدا ہو رہے ہیں، تاہم مکمل پابندی نہیں لگائی گئی بلکہ مخصوص مقامات پر پابندی عائد کی گئی ہے۔ اس کے ساتھ ہی اعتراضات کے جائزے کے لیے ایک کمیٹی بھی تشکیل دی جا چکی ہے۔درخواست گزار کے وکیل نے دلائل دیتے ہوئے مؤقف اپنایا کہ سندھ حکومت نے پہلے 11 اور پھر 20 روٹس پر چنگچی رکشے بند کر دیے، جبکہ متاثرہ فریق سے کوئی مشاورت نہیں کی گئی۔ ان کے مطابق شہر بھر میں 60 ہزار کے قریب چنگچی رکشے چلتے ہیں اور اس پابندی سے ہزاروں افراد کا روزگار متاثر ہو رہا ہے۔

وکیل نے عدالت سے استدعا کی کہ رکشوں پر پابندی کا نوٹیفکیشن منسوخ کیا جائے تاکہ چنگچی رکشہ ڈرائیورز کا معاشی بوجھ کم ہو سکے۔عدالت نے تمام دلائل سننے کے بعد حکام کو ہدایت دی کہ آئندہ سماعت پر پابندی سے متعلق مکمل پیش رفت رپورٹ پیش کی جائے، جبکہ کیس کی سماعت 20 اگست تک ملتوی کر دی گئی۔

پنجاب، بارشوں سے24 گھنٹوں میں 28 اموات، دریائے جہلم میں سیلاب کا خدشہ

تربیلا ڈیم کے اسپل وے دوبارہ کھلیں گے،الرٹ جاری

خیبرپختونخوا اسمبلی اجلاس 20 جولائی کو طلب، 21 جولائی کو سینیٹ انتخابات ہوں گے