کراچی: مقامی عدالت نے لڑکی سے زیادتی، اغو اور دھمکیاں دینے والے ملزم کو سزا سنادی۔
کراچی کے ایڈیشنل ڈسٹرکٹ اینڈ سیشن شرقی نے لڑکی سے زیادتی، اغوا اور دھمکیاں دینے والے ملزم کو مجموعی طورپر50 سال قید کی سزا سنائی،استغاثہ کے مطابق جون 2021 میں 2 ملزمان نے 15 سال کی لڑکی کو اغوا کرکے اس سےزیادتی کی تھی، ملزمان نے متاثرہ لڑکی کے والد کو نازیبا ویڈیوز کا کہہ کر دھمکیاں بھی دی تھیں،عدالت نے کیس کا ٹرائل مکمل ہونے پر ملزم کو سزا سنائی اور کہا کہ استغاثہ ملزم پر جرم ثابت کرنے میں کامیاب رہی ہے۔
کراچی کے علاقے محمود آباد اعظم بستی میں خاندانی دشمنی کے باعث فائرنگ سے باپ بیٹا جاں بحق اور بچوں سمیت 5 افراد زخمی ہو گئے۔
واقعے کی اطلاع ملتے ہی پولیس اور ریسکیو ٹیمیں موقع پر پہنچ گئیں اور زخمیوں کو جناح اسپتال منتقل کیا گیا۔پولیس کے مطابق جاں بحق ہونے والوں میں محمد ربانی اور اس کا بیٹا جلال ربانی شامل ہیں، جبکہ زخمیوں میں 9 اور 12 سال کے بچے بھی شامل ہیں۔ ایک زخمی کی حالت تشویش ناک بتائی جاتی ہے۔
حکام کا کہنا ہے کہ مقتولین اور ملزمان کا تعلق ایک ہی خاندان سے ہے، اور واقعہ پرانی دشمنی کا نتیجہ ہے۔ پولیس نے فوری کارروائی کرتے ہوئے واقعے میں ملوث تین ملزمان ملک فتح اور اس کے بیٹے ملک عاصم و ملک وقاص کو گرفتار کر کے اسلحہ برآمد کر لیا۔
شمالی غزہ میں اسرائیلی بمباری، 90 سے زائد فلسطینی شہید
کراچی اور بلوچستان کے مختلف مقامات پر ڈوبنے کے الگ الگ واقعات میں 5 افراد لاپتہ ہوگئے۔
ریسکیو ذرائع کے مطابق کراچی میں منوڑہ پوائنٹ کے قریب نہاتے ہوئے 2 افراد سمندر میں ڈوب گئے، واقعے کی اطلاع ملتے ہی ریسکیو ٹیموں نے سرچ آپریشن شروع کر دیا۔اسی طرح حب ڈیم میں نہاتے ہوئے 2 نوجوان ڈوب گئے، جبکہ حب ندی میں پانی میں کھیلتے ہوئے ایک بچہ ڈوب گیا۔ریسکیو حکام کا کہنا ہے کہ تمام مقامات پر لاپتہ افراد کی تلاش کے لیے امدادی کارروائیاں جاری ہیں اور غوطہ خور مسلسل آپریشن میں مصروف ہیں۔
راولپنڈی میں چہلم شہدائے کربلا کے لیے سیکیورٹی پلان جاری
ایمل ولی خان کی وزیراعظم سے ملاقات، آل پارٹیز کانفرنس میں شرکت کی دعوت
چیئرمین سینیٹ یوسف رضا گیلانی، وزرائے اعلیٰ سندھ و بلوچستان اور دیگر رہنماؤں نے چیئرمین پیپلز پارٹی بلاول بھٹو زرداری کو نشانِ امتیاز ملنے پر مبارکباد پیش کی۔
یوسف رضا گیلانی نے بلاول بھٹو کو جمہوریت کا علمبردار اور نوجوان قیادت کی روشن علامت قرار دیتے ہوئے کہا کہ انہوں نے عالمی سطح پر پاکستان کے مؤقف کی جرات مندانہ ترجمانی کی اور دہشت گردی کے خلاف پاکستان کی قربانیوں کو دنیا کے سامنے اجاگر کیا۔ انہوں نے کہا کہ یہ اعزاز پارٹی اور قوم دونوں کے لیے فخر کا باعث ہے۔
وزیرِ اعلیٰ سندھ مراد علی شاہ نے کہا کہ بلاول بھٹو کو پاکستان کا مؤقف پیش کرنے اور سفارتی کامیابیوں پر نشانِ امتیاز دیا گیا، جو ملکی و عالمی خدمات کا اعلیٰ ترین اعتراف ہے۔وزیرِ اعلیٰ بلوچستان سرفراز بگٹی نے بلاول بھٹو سمیت تمام اعلیٰ سول و عسکری اعزازات پانے والوں کو مبارکباد دی اور کہا کہ یہ اعزازات شاندار خدمات اور بے لوث محنت کا اعتراف ہیں۔
سابق وزیرِ اعلیٰ سندھ قائم علی شاہ اور وزیرِ بلدیات سعید غنی نے بھی بلاول بھٹو کو نشانِ امتیاز پر مبارکباد دیتے ہوئے کہا کہ یہ اعزاز بلاول بھٹو کی سیاسی جدوجہد اور پاکستان کا وقار بلند کرنے کا ثبوت ہے۔
پاکستان، چین اور افغانستان کے سہ فریقی مذاکرات 20 اگست کو ہوں گے
چہلم شہدائے کربلا،کوئٹہ میں موبائل فون سروس معطل رکھنے کا فیصلہ
نئی دہلی اور بیروت میں پاکستان کی 78 ویں یومِ آزادی کی تقاریب
چیئرمین پیپلز پارٹی بلاول بھٹو زرداری نے کہا ہے کہ آج کا دن ہمارے عوام کی ثابت قدمی، اتحاد اور ناقابلِ تسخیر جذبے کی یاد دہانی کراتا ہے قائداعظم کی زیرِ قیادت ہمارے آباؤ اجداد نے وہ کارنامہ سرانجام دیا جو بہت سے لوگوں کو ناممکن لگتا تھا۔
جشن یوم آزادی کے موقع پر اپنے پیغام میں بلاول بھٹو زرداری نے قوم کو یوم آزادی اور معرکہ حق کی مبارک باد دیتے ہوئے بے روزگاری، مہنگائی، غربت اور امتیاز کے خاتمے کی جدوجہد کو مزید تیز کرنے کا اعادہ کیا انہوں نے کہا کہ جمہوری استحکام، 1973ء کے آئین اور پاکستان کے ناقابلِ تسخیر دفاع و خودمختاری پر کبھی سمجھوتا نہیں کریں گے۔
بلاول بھٹو زرداری کا کہنا تھا کہ آج کا دن ہمارے عوام کی ثابت قدمی، اتحاد اور ناقابلِ تسخیر جذبے کی یاد دہانی کراتا ہے قائداعظم کی زیرِ قیادت ہمارے آباؤ اجداد نے وہ کارنامہ سرانجام دیا جو بہت سے لوگوں کو ناممکن لگتا تھا 14 اگست 1947ء سے قبل بہت لوگوں کو ایک آزاد اور خودمختار پاکستان کا قیام ناممکن لگتا تھابانی پاکستان کا خواب تھا کہ ہر شہری کو مذہب، ذات، جنس یا عقیدے سے بالاتر ہو کر عزت، مساوات اور انصاف سے زندگی گزارنے کا حق حاصل ہو۔
اسلام آباد:وزیر اعظم کا زیر تعمیر ٹیکنالوجی پارک کا دورہ،جلد از جلد مکمل کرنے کی ہدایت
انہوں نے کہا کہ پیپلز پارٹی ہمیشہ پاکستان کے بانیان کے اُس وژن کی محافظ رہی ہے پیپلز پارٹی جمہوریت کے تحفظ اور آئین کے دفاع کے لیے جدوجہد کرتی آئی ہے، پیپلز پارٹی ارض وطن کو ایک ایسا ملک بنانے کے لیے سرگرم عمل جہاں مواقع چند افراد کا استحقاق نہیں بلکہ سب کا حق ہوں، قائدِ عوام بھٹو شہید اور شہید بینظیر بھٹو نے اپنی زندگیاں ملک و قوم کے لیے وقف کردیں، قائدِ عوام اور بی بی شہید کی زندگیاں جمہوریت، پاکستان کی خودمختاری کے تحفظ اور عوام کی فلاح و بہبود کے لیے وقف تھیں شہید ذوالفقار علی بھٹو اور شہید بینظیر بھٹو کی قربانیاں آج بھی مشعلِ راہ ہیں، جو ہمیں ایک روشن اور منصفانہ مستقبل کی طرف رہنمائی کرتی ہیں۔
بلاول بھٹو کا کہنا تھا کہ آج یومِ آزادی کے موقع پر میں ہر پاکستانی، خصوصاً اپنی نوجوان نسل سے ایک اپیل کرتا ہوں کہ آپ تقسیم سے بالاتر ہوکر نفرت اور عدم برداشت کو مسترد کریں، آپ ایک پُرامن، خوشحال اور ترقی پسند پاکستان کی تعمیر کے لیے مل کر کام کریں آئیں عہد کریں کہ ہم اپنی جمہوریت کا تحفظ کریں گے اور اپنے عوام کو بااختیار بنائیں گے۔
اٹلی کے قریب تارکین وطن کی کشتی الٹنے سے 26 افراد ہلاک
بلاول بھٹو نے کہا کہ آئیے عہد کریں کہ ہم یہ یقینی بنائیں گے کہ کوئی بچہ بھوکا نہ سوئے، کوئی گھر تاریکی میں نہ رہے اور کسی آواز کو دبایا نہ جائے۔ آزادی کوئی ایسا تحفہ نہیں جو محض تاریخ میں محفوظ ہو، بلکہ یہ ایک ذمے داری ہے جس سے ہر روز تجدید کرنا ضروری ہے آئیں اپنے ماضی کو اس طرح خراجِ تحسین پیش کریں کہ ہم اپنا ایک روشن مستقبل تعمیر کریں،ایک ایسا متقبل جو ہمارے اُن اجداد کی قربانیوں کے شایانِ شان ہو جنہوں نے ہمیں یہ وطن عطا کیا دعاگو ہوں کہ پاکستان ہمیشہ مضبوط قومی اتحاد و ہم آہنگی سے مالامال اقوامِ عالم میں سربلند رہے
کراچی میں یومِ آزادی کی شب ہوائی فائرنگ کے واقعات میں،بچی سمیت 3 افراد جاں بحق اور 100 سے زائد زخمی ہوگئے۔
یومِ آزادی اور نئے سال کی تقریبات کے موقع پر ماضی میں پابندیوں کے باوجود ہوائی فائرنگ کے واقعات معمول بن چکے ہیں، جن میں اکثر درجنوں لوگ زخمی ہو جاتے ہیں،پولیس سرجن ڈاکٹر سمیہ سید کے مطابق شہر کے مختلف علاقوں سے ہوائی فائرنگ میں گولی لگنے سے زخمی 109 افراد کو 3 بڑے ہسپتالوں میں لایا گیا، جن میں سے 3 کی حالت تشویشناک بتائی گئی۔
عزیز آباد بلاک 8 میں 7 سالہ بچی اپنے گھر کی دوسری منزل کی گیلری سے یومِ آزادی کی آتش بازی دیکھ رہی تھی کہ ایک گولی اس کے سر میں جا لگی، اس کے ماموں نے اسے قریبی نجی اسپتال پہنچایا جہاں ڈاکٹروں نے اسے مردہ قرار دے دیا، بعد ازاں لاش عباسی شہید اسپتال منتقل کی گئی جہاں اس کے سر سے گولی نکالی گئی، پولیس نے ہوائی فائرنگ میں ملوث 4 ملزمان کو گرفتار کر کے ان سے دو 9 ایم ایم پستول برآمد کر لی ہیں، جنہیں فرانزک ٹیسٹ کے لیے بھیجا جائے گا تاکہ پتہ چل سکے کہ آیا یہ ہتھیار قتل میں استعمال ہوئے تھے یا نہیں۔
دوسری جانب، عوامی کالونی پولیس کے بیان میں کہا گیا کہ کورنگی نمبر 3 کے ماڈل فیملی پارک میں ایک 35 سالہ شخص کو اندھی گولی لگی جس سے وہ ہلاک ہو گیا، لاش قانونی کارروائی کے لیے جناح پوسٹ گریجویٹ میڈیکل سینٹر منتقل کر دی گئی، جبکہ مزید تحقیقات جاری ہیں۔
تیسرا واقعہ کلری کے علاقے میں ابراہیم مسجد کے قریب آگرہ تاج کالونی میں پیش آیا، جہاں ضلع جنوبی کے ڈپٹی انسپکٹر جنرل (ڈی آئی جی) سید اسد رضا کے مطابق 70 سالہ شخص اپنے گھر کے باہر بیٹھا تھا کہ اسے اندھی گولی لگ گئی، انہوں نے بتایا کہ زخمی کو سول اسپتال کراچی منتقل کیا گیا، مگر وہ دورانِ علاج دم توڑ گیا۔
چیئرمین پیپلز پارٹی بلاول بھٹو زرداری نےکہا ہےکہ وزیراعظم صاحب پنجاب میں شہباز اسپیڈ بن جاتے ہیں لیکن کراچی میں شہباز سلوبن جاتے ہیں-
نیو حب کنال کی افتتاحی تقریب سے خطاب کرتے ہوئے چیئرمین پیپلز پارٹی بلاول بھٹو زرداری نے کہا ہے کہ کراچی کو 100 ملین گیلن (ایم جی ڈی) پانی دینے کے قابل ہو چکے ہیں، جس کا براہ راست فائدہ ڈسٹرک سنٹرل، ایسٹ اور کیماڑی کو پہنچے گا، منصوبے سے لیاری والوں کو بھی مستفید کرنےکے لیے پی سی ون تیار کر لیا ہے۔
انہوں نے وزیراعظم سے درخواست کرتے ہوئے کہا کہ اگر شہباز شریف حب کنال منصوبے میں 100 ایم جی ڈی پانی کے اضافے کی منظوری دلاتے ہیں تو اگلے سال تک ہم کراچی کو مزید 100 ایم جی ڈی پانی دینے کے منصوبے کو بھی مکمل کر نے کے قابل ہو جائیں گے، انہوں نے وزیراعظم شہباز شریف سے کے 4 منصوبے پر کیے گئے وعدوں کو جلد پورا کرنے کا مطالبہ بھی کیا۔
اقتصادی رابطہ کمیٹی اجلاس،میں اہم اقتصادی فیصلوں کی منظوری
بلاول بھٹو زرداری نے کہا کہ،کے فور منصوبے پر وزیر اعظم شہباز شریف سے امیدیں وابستہ کی تھیں، وزیراعظم صاحب پنچاب میں شہباز اسپیڈ بن جاتے ہیں لیکن کراچی میں شہباز سلو، ایسا تو نہیں سکتا ہے کہ آپ لاہو رکے لیے شہباز اسپیڈ اور کراچی کیلیے شہباز سلو بن جائیں،پانی کراچی والوں کا ایک دیرینہ مسئلہ رہا ہے جسے حل کرنا ضروری ہے، پرانی حب کنال کی تزئین و آرائش جاری ہے،سندھ اور بلدیاتی حکومت کے ایک ساتھ مل کر کام کرنے سے عوام کو فائدہ ہو رہا ہے، پبلک پرائیوٹ پارٹنر شپ کے تحت سمندر کے کھارے پانی کو میٹھا بنانے کا منصوبہ بنا رہے ہیں۔
یوٹیلیٹی اسٹورز کی بندش :آصفہ بھٹو نے معاملہ قومی اسمبلی میں اٹھا دیا
کراچی:جشن آزادی اور معرکہ حق کی خوشی میں نیشنل اسٹیڈیم کراچی میں میوزیکل کانسرٹ کی تقریب کے انعقاد کے پیش نظر ٹریفک پولیس نے خصوصی ٹریفک پلان جاری کر دیا۔
تفصیلات کے مطابق 78 ویں جشن آزادی اور معرکہ حق کی خوشی میں نیشنل اسٹیڈیم کراچی میں میوزیکل نائٹ کی تقریب کا انعقاد کیا جا رہا ہےتقریب کے پیش نظر ٹریفک پولیس کراچی کی جانب سے خصوصی ٹریفک پلان و پارکنگ کے انتظامات کیے گئے ہیں، جن گاڑیوں کو اسٹیکر جاری ہوئے ہیں وہ نیشنل اسٹیڈیم میں گیٹ نمبر1 اور گیٹ نمبر11 سے داخل ہوں گی، تقریب میں آنے والے شرکاء کے لیے ایکسپو سینٹر اور چائنا گراؤنڈ میں پارکنگ کے انتطامات کیے گئے ہیں۔
ضلع وسطی حسن اسکوائر پل سے اتر کر ایکسپو سینٹر گیٹ نمبر 1 سے اندر داخل ہوکر شہری اپنی گاڑی یا موٹر سائیکل پارک کریں گے اور بذریعہ شٹل بس سروس انہیں نیشنل اسٹیڈیم پہنچایا جائے گاضلع جنوبی، ضلع شرقی اور ملیر کے رہائشی براستہ کارساز، نیوٹاؤن اور راشد منہاس روڈ، ملینئیم مال سے جانب اسٹیڈیم روڈ سے چائنا گراؤنڈ نزد نیشنل اسٹیڈیم میں اپنی گاڑی و موٹر سائیکل کھڑی کرکے تقریب میں شرکت کر سکتے ہیں۔ سر شاہ سلیمان روڈ، نیشنل اسٹیڈیم روڈ، حبیب ابراہیم رحمت اللہ روڈ اور کارساز روڈ پر ٹریفک کا شدید دباؤ ہوگا،پروگرام میں شرکت کے علاوہ حضرات سے گزارش ہے کہ وہ زحمت و پریشانی سے بچنے کے لیے متبادل راستوں کا انتخاب کریں۔
ٹریفک پولیس کے مطابق لیاقت آباد سے براستہ حسن اسکوائر فلائی اوور سے شارع فیصل جانے والے شہری حسن اسکوائر فلائی اوور سے یونیورسٹی روڈ سے شہید ملت روڈ کا راستہ اختیار کریں،کارساز سے لیاقت آباد جانے والے شہری راشد منہاس روڈ اور نیپا کا ر استہ اختیار کریں یونیورسٹی روڈ ایکسپو سینٹر ٹرننگ سے جانب کارساز سے شارع فیصل جانے کے لیے شہید ملت روڈ کا راستہ اختیار کریں،ضلع وسطی، شرقی، ملیر، جنوبی اور غربی والے شہری لیاری ایکسپریس وے مرزا آدم خان چوک، ماڑی پور سے سہراب گوٹھ دونوں جانب استعمال کر سکتے ہیں بس، منی بس اور دیگر کمرشل گاڑیوں کو کارساز، ڈرگ روڈ، ملینئیم مال، ایکسپو سینٹر ٹرننگ اور نیو ٹاؤن سے ٹریفک کو متبادل راستوں کی جانب بھیجا جائے گا۔
پی ٹی آئی پارلیمانی پارٹی اجلاس:اراکین کے درمیان سخت بحث و تکرار
سہراب گوٹھ سے جانب نیپا، لیاقت آباد نمبر 10 سے حسن اسکوائر، پی پی چورنگی سے یونیورسٹی روڈ ہر قسم کی ہیوی ٹریفک کا داخلہ ممنوع ہوگاٹریفک پولیس نے عوام الناس سے گزارش کی ہے کہ زحمت و پریشانی سے بچنے کے لیے قانون نافذ کرنے والے اداروں اور ٹریفک پولیس سے تعاون کریں، دی جانے والی ہدایات پر عمل کریں اپنی گاڑیوں و موٹر سائیکلوں کو کسی سروس روڈ یا مین روڈ پر کھڑی نہ کریں بلکہ دیے گئے پارکنگ مقامات پر ہی پارک کریں،کسی بھی پریشانی کی صورت میں رہنمائی کے لیے ٹریفک پولیس رہنما 1915 ملائیں جہاں ہمارے نمائندے آپ کی رہنمائی کے لیے موجود ہیں۔
پاکستان اسٹاک ایکسچینج نے یوم آزادی کے موقع پر عام تعطیل کا اعلان کر دیا ہے۔
اس حوالے سے اعلامیہ جاری کیا گیا ہے جس کے مطابق پاکستان اسٹاک ایکسچینج 14 اگست جمعرات کو کاروباری سرگرمیوں کیلئے بند رہے گی،انتظامیہ کی جانب سے تمام سرٹیفکیٹ ہولڈرز، بروکرز اور متعلقہ فریقین کو باضابطہ اطلاع دے دی گئی ہے۔
دوسری،جانب،پاکستان سٹاک ایکسچینج نے ایک اور سنگ میل عبور کر لیا ، انڈیکس نئی بلند ترین سطح پر پہنچ گیا کاروباری ہفتے کے تیسرے روز بھی سٹاک مارکیٹ میں زبردست تیزی کا رجحان رہا ، کاروبار کے آغاز پر 100 انڈیکس میں 821 پوائنٹس کا اضافہ ریکارڈ کیا گیا جس سے انڈیکس ایک لاکھ 47 ہزار 826 پر ٹریڈ کرتے دیکھا گیاجو بلند ترین سطح ہے۔
واضح رہے کہ پاکستان بھر میں یومِ آزادی کے موقع پر تمام سرکاری اور بعض نجی اداروں میں تعطیل ہوتی ہے، جس کے پیشِ نظر پاکستان اسٹاک مارکیٹ بھی بند رہے گی،اس سے قبل، پیر کو اسٹیٹ بینک آف پاکستان نے بھی اعلان کیا تھا کہ جمعرات، 14 اگست 2025 کو یوم آزادی کے موقع پر بینک بند رہے گااسٹیٹ بینک کے بیان میں کہا گیا کہ حکومتِ پاکستان کی جانب سے اعلان کردہ عوامی تعطیل کے تحت، اسٹیٹ بینک آف پاکستان جمعرات، 14 اگست 2025 کو یوم آزادی کے موقع پر بند رہے گا۔
سینئر اداکارہ بشریٰ انصاری نے کہاہے کہ وہ محبت کی ڈسی ہوئی ہیں، یہ ایک ایسی بیماری ہے جو انہیں بہت جلدی لگی تھی، جو کہ انسان کو مضبوط اور کمزور دونوں کرتی ہے-
بشریٰ انصاری نے حال ہی میں مارننگ شو میں شرکت کی، جہاں انہوں نے بتایاکہ وہ محبت کی ڈسی ہوئی ہیں، یہ ایک ایسی بیماری ہے جو انہیں بہت جلدی لگی تھی، جو کہ انسان کو مضبوط اور کمزور دونوں کرتی ہے اور انہیں زیادہ تر یہ کمزور کرتی ہے، چاہے سامنے والا کوئی بھی ہو، اگر اس سے انہیں محبت ہے تو انہیں اس انسان کی فکر ہوتی ہے۔
انہوں نے بتایا کہ پہلی شادی ختم ہونے میں تاخیر کی وجہ مالی مجبوری نہیں تھی، کیونکہ وہ خود بھی اچھی خاصی کماتی تھیں، بلکہ اس وقت حالات ہی کچھ ایسے تھے کہ انہیں رشتہ ختم کرنے میں دیر ہوگئی، بیٹیاں بڑی ہو رہی تھیں، اس لیے انہیں یہ فیصلہ مناسب نہ لگا اور اسی وجہ سے تاخیر ہوئی۔، اس دوران انہیں گھروالوں اور دوستوں کی بھی مکمل سپورٹ تھی لیکن انہوں نے خود ہی فیصلہ کرنے میں دیر کی،انہیں ایسا بھی لگتا ہے کہ اگر وہ جلدبازی میں فیصلہ کرلیتیں تو شاید ان سے کوئی غلط فیصلہ ہوجاتا۔
محبت کی ڈسی ہوئی ہوں، یہ ایک ایسی بیماری ہے جو بہت جلدی لگی تھی،بشریٰ انصاری
بشریٰ انصاری نے کہا کہ اگر وہ کم عمری میں طلاق لے لیتیں تو ہوسکتا ہے کہ اس کے بعد ان سے غلط فیصلہ ہوجاتا اور کسی غلط انسان سے ان کا واسطہ پڑجاتا، تو پھر وہ فیصلہ بھی انہیں بھگتنا پڑتا میاں بیوی کو شادی کے دو تین سال تک ایک دوسرے کو اچھے سے سمجھنا چاہیے، پھر فیملی کو آگے بڑھانے کا فیصلہ کرنا چاہیے اور زبردستی کسی بھی رشتے کو چلانے کی کوشش نہیں کرنی چاہیے، لیکن وہ یہ بھی نہیں کہہ رہیں کہ فوراً طلاق لے لیں، تاہم ایک دوسرے کو سمجھنے کے لیے تھوڑا وقت دینا چاہیے۔
ایس بی سی اے افسران کیلئے جہنم میں بھی خاص جگہ ہوگی۔سندھ ہائیکورٹ
واضح رہے کہ بشریٰ انصاری کی پہلی شادی معروف پروڈیوسر اقبال انصاری سے ہوئی تھی، جو 36 سال بعد طلاق پر ختم ہوئی، اس شادی سے ان کی دو بیٹیاں ہیں،انہوں نے ڈراما نگار اقبال حسین سے دوسری شادی کا اعتراف مئی 2023 میں کیا تھا، لیکن انہوں نے واضح وقت نہیں بتایا تھا کہ ان کی شادی کب ہوئی تھی۔