Category: کراچی

کراچی کے علاقے بلدیہ ٹاؤن میں ایک خوش نصیب جوڑے کے ہاں بیک وقت پانچ بچوں کی پیدائش ہوئی ہے، جن میں تین بیٹیاں اور دو بیٹے شامل ہیں۔ نوزائیدہ بچوں کی ولادت ایک نجی اسپتال میں ایمرجنسی سیزیرین سیکشن کے ذریعے عمل میں آئی۔

اسپتال کے ڈاکٹروں کے مطابق تمام بچے مقررہ وقت سے پہلے پیدا ہوئے، جس کے باعث ان کا وزن کم ہے اور پیدائش کے فوری بعد انہیں سانس لینے میں دشواری کا سامنا کرنا پڑا۔ تاہم فوری طور پر بچوں کو آکسیجن پر منتقل کر کے مکمل طبی امداد فراہم کی گئی ہے۔اسپتال انتظامیہ کا کہنا ہے کہ تمام نوزائیدہ بچے انتہائی نگہداشت میں رکھے گئے ہیں اور ان کی حالت میں بتدریج بہتری آ رہی ہے۔ ابتدائی لیبارٹری ٹیسٹ مکمل ہو چکے ہیں اور ڈاکٹرز کی ٹیم مسلسل بچوں کی صحت کی نگرانی کر رہی ہے۔

نومولود بچوں کے والد عدنان شیخ نے میڈیا سے گفتگو کرتے ہوئے بتایا کہ ان کی شادی کو صرف ایک سال ہوا ہے اور یہ ان کے پہلے بچے ہیں۔ انہوں نے کہا کہ اللہ تعالیٰ نے انہیں تین بیٹیاں اور دو بیٹے عطا کیے ہیں اور ان کی اہلیہ کی صحت بھی تسلی بخش ہے۔عدنان شیخ نے بتایا کہ وہ ایک نجی کمپنی میں ڈرائیور کے طور پر کام کرتے ہیں اور اس نعمت پر اللہ تعالیٰ کا شکر ادا کرتے ہیں۔ ان کا کہنا تھا کہ یہ ان کی زندگی کا سب سے خوشگوار لمحہ ہے اور وہ اس عطا پر بے حد شکر گزار ہیں۔

بنگلادیش کی پاکستان کو 8 رنز سے شکست ، سیریز اپنے نام کرلی

بنگلادیش کی پاکستان کو 8 رنز سے شکست ، سیریز اپنے نام کرلی

کراچی میں قائد آباد کے علاقے میں پیش آنے والے افسوسناک ٹریفک حادثے میں 5 سالہ بچہ جاں بحق جبکہ خواتین اور بچوں سمیت 8 افراد زخمی ہو گئے۔

قائد آباد میں ایک تیز رفتار کار بےقابو ہو کر سڑک کنارے موجود راہگیروں پر چڑھ دوڑی، جس کے نتیجے میں کار سوار افراد سمیت کل 8 افراد زخمی ہو گئے۔ریسکیو ذرائع کا کہنا ہے کہ زخمیوں میں خواتین اور بچے بھی شامل ہیں، جنہیں فوری طور پر طبی امداد کے لیے جناح اسپتال منتقل کیا گیا۔ریسکیو حکام کے مطابق زخمیوں میں شامل 5 سالہ بچہ عقیل دوران علاج زخموں کی تاب نہ لاتے ہوئے جاں بحق ہو گیا۔

عینی شاہدین کے مطابق کار ڈرائیور سڑک عبور کرنے والے ایک شخص کو بچانے کی کوشش کر رہا تھا کہ اسی دوران گاڑی بے قابو ہو کر راہگیروں پر چڑھ گئی۔پولیس نے حادثے کی تحقیقات شروع کر دی ہیں اور ڈرائیور سے واقعے کی تفصیلات حاصل کی جا رہی ہیں۔

ایشیا کپ ہاکی: سیکیورٹی خدشات کے باعث پاکستان کا بھارت نہ جانے کا فیصلہ

خاتون و مرد قتل کیس میں قبائلی سردار دو روزہ ریمانڈ پر پولیس کے حوالے

اسلام آباد میں موسلادھار بارش، گاڑیاں سیلابی ریلے میں بہہ گئیں

ملک میں کاروباری ہفتے کے پہلے روز سونے کی قیمت میں نمایاں اضافہ ریکارڈ کیا گیا، جس کے بعد سونے کی قیمت نئی بلند ترین سطح پر پہنچ گئی۔

آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 3 ہزار 600 روپے کا اضافہ ہوا، جس کے بعد نئی قیمت 3 لاکھ 61 ہزار 600 روپے ہوگئی۔اسی طرح 10 گرام سونے کی قیمت میں بھی 3 ہزار 87 روپے کا اضافہ ہوا، جس کے بعد یہ 3 لاکھ 9 ہزار 671 روپے پر پہنچ گئی۔دوسری جانب عالمی مارکیٹ میں بھی سونے کی قیمت میں 26 ڈالر کا اضافہ ریکارڈ کیا گیا، جس کے بعد فی اونس سونا 3 ہزار 387 ڈالر میں فروخت ہو رہا ہے۔

آٹھ ماہ میں ایئر انڈیا کو حفاظتی خلاف ورزیوں پر 9 شوکاز نوٹسز جاری ہونےکا انکشاف

پاکستان کے سابق سٹار کرکٹر شاہد خان آفریدی نے کہاہے کہ کرکٹ دونوں ٹیموں سے بڑی ہے ، آپ اپنے ملک کے سفارتکار بنیں ، شرمندگی نہ بنیں –

تفصیلات کے مطابق بھارتی کھلاڑیوں کی ہٹ دھرمی کے باعث ورلڈ چیمپئن شپ آف لیجنڈز میں پاکستان اور بھارت کے سابق کرکٹرز کے درمیان شیڈول میچ گزشتہ روز منسوخ کر دیا گیا تھا جس پر اب شاہد آفریدی نے ایک صحافی کو دیئے گئے خصوصی انٹرویو میں بڑے انکشافات کر دیئے ہیں ۔

شاہد خان آفریدی نے کہا کہ میں نے یہ بھی کہہ دیا تھاکہ آپ لوگ چاہتے ہو میں گراؤنڈ میں بھی نہیں آتا، کرکٹ ہونی چاہیے، مجھ سے کرکٹ بڑی ہے ، کرکٹ دونوں ٹیموں سے بڑی ہے ، آپ اپنے ملک کے سفارتکار بنیں ، شرمندگی نہ بنیں ، جو ایک آدھا لڑکا نہیں کھیلنا چاہ رہا تھا اس کی وجہ سے سارا مسئلہ ہواہے ، میرے خیال میں یہ بھارتی ٹیم کیلئے شرمندگی کا باعث ہے –

عوام جان چکے ن لیگ ہی وہ جما عت ہے جو عوام کو ریلیف اور ترقی دینا جانتی ہے،مریم اورنگزیب

سابق کرکٹر نے بتایا کہ بھارتی کپتان یووراج سنگھ ایک بہت ہی شاندار آل راؤنڈر ہے ، وہ یہ میچ کھیلنا چاہتے تھے ، وہ بھارتی کرکٹرز سے ناراض بھی ہیں، ڈبلیو سی ایل میں وہ بطور کپتان کردار ادا کر رہاہے ، وہ کھیلنا چاہتا تھا اس لیے آیا ہے ، بس ایک گندا انڈہ پورے کمرے کا ماحول خراب کر دیتا ہے –

واضح رہے کہ اتوار کو ایک بیان میں منتظمین نے کہا کہ ہم نے بھارت بمقابلہ پاکستان میچ منسوخ کرنے کا فیصلہ کیا ہے یہ میچ دونوں ممالک کے درمیان کھیلوں کے تعلقات میں حالیہ بہتری کو مدنظر رکھتے ہوئے ترتیب دیا گیا تھا، اس تناظر میں بھارت اور پاکستان کے درمیان حالیہ والی بال میچ اور پاکستانی ہاکی ٹیم کے ممکنہ دورۂ بھارت کا حوالہ بھی دیا گیا۔

کسی قاتل کے لیے کوئی ہمدردی نہیں،وزیراعلیٰ بلوچستان

میچ کی منسوخی کا فیصلہ بھارتی سابق اوپنر شیکھر دھون کی جانب سے میچ سے دستبرداری کے بعد سامنے آیا، انہوں نے اپنے ایکس اکاؤنٹ پر ایک ای میل کا سکرین شاٹ شیئر کیا جس میں میچ نہ کھیلنے سے متعلق آگاہ کیا گیا تھا، ان کے بیان میں کہا گیا تھا کہ بھارت و پاکستان کے درمیان موجودہ جغرافیائی سیاسی اور کشیدگی کے باعث وہ یہ میچ نہیں کھیل سکتے بھارتی کھلاڑیوں کی ہٹ دھرمی کے باعث ورلڈ چیمپئن شپ آف لیجنڈز (ڈبلیو سی ایل) میں پاکستان اور بھارت کے سابق کرکٹرز کے درمیان طے شدہ ٹی ٹوئنٹی میچ منسوخ کر دیا گیا ہے۔

کراچی کی انسداد دہشت گردی کی عدالت نے مقدمے کی نقول لینے سے انکار پر ملزم ارمغان پر برہمی کا اظہار کیا۔

مصطفیٰ عامر قتل کیس کے ملزم ارمغان کے خلاف صحافی پر حملے کے مقدمے میں جیل حکام نے گرفتار ملزم کو عدالت میں پیش کیا،دوران سماعت ملزم ارمغان نے مقدمے کی نقول لینے سے انکار کر دیا،عدالت نے ملزم ارمغان سے سوال کیا کہ مقدمے کی نقول کیوں نہیں لینا چاہتے؟

ملزم ارمغان نے عدالت کو بتایا کہ جب تک میرا وکیل موجود نہیں ہو گا میں مقدمے کی نقول نہیں لوں گا عدالت کے بار بار سمجھانے اور تاکید کے باوجود ملزم نے اپنی ضد برقرار رکھی،سماعت کے دوران عدالت اس وقت مزید برہم ہو گئی جب جیل حکام نے عدالتی اجازت کے بغیر ہی ملزم کو واپس لے جانے کی کوشش کی،جس کے بعد عدالت نے کیس کی مزید سماعت ملتوی کرتے ہوئے جیل سپرنٹنڈنٹ اور انتظامیہ سے وضاحت طلب کر لی۔

نجی ائیرلائن اور ایف آئی اے امیگریشن کو نوٹس جاری

واضح رہے کہ 19 نومبر 2024 کو ملزم ارمغان نے اپنی ویگو گاڑی میں سوار ہو کر صحافی ندیم احمد خان کو روکا، اس سے تلخ کلامی کی اور پھر جان سے مارنے کی نیت سے فائرنگ کی، جس سے صحافی شدید زخمی ہوگیا ارمغان موقع سے فرار ہوگیا تھا، تاہم بعد ازاں اسے گرفتار کر لیا گیا دوران تفتیش ملزم نے اپنے جرم کا اعتراف کر لیا ہے اور تسلیم کیا کہ اس نے دانستہ طور پر صحافی پر جان لیوا حملہ کیا۔ پولیس کے مطابق مدعی مقدمہ نے بھی ملزم ارمغان کی شناخت کر لی ہے، جبکہ مصطفیٰ عامر کو 6 جنوری کو ملزم ارمغان نے قتل کر دیا تھا، مصطفیٰ عامر قتل کیس کے ملزم ارمغان اور شیراز گرفتار ہیں۔

ایف آئی اے کو حکومت کے ساتھ عوام کی توقعات پر پورا اترنا ہو گا،محسن نقوی