Category: کراچی

باغی ٹی وی کی رپورٹ کے مطابق شہر قائد کراچی میں لیاقت نیشنل اسپتال انتظامیہ نے ٹریفک حادثہ میں جاں بحق خاتون کو کورونا پازیٹیو ڈیکلئر لاش ضبط کرلی۔

عوامی نیشنل پارٹی سندھ کے صدر شاہی سید نے اپنے جاری کردہ بیان میں کہا ہے کہ روڈ ایکسڈنٹ میں جابحق ہونے والی مقبول کاکڑ کی اہلیہ کو لیاقت نیشنل اسپتال انتظامیہ کی جانب سے کورونا پازیٹیوں ڈیکلیئر کرنا انکے لواحقین کے زخموں پر نمک چھڑکنے کے مترادف ہے. تحقیقات ہونی چاہیئے کہ آیا کس بنیاد پر لیاقت نیشنل اسپتال کی انتظامیہ روڈ ایکسڈنٹ میں جابحق ہونے والی کو کرونا پازیٹیوں ڈیکلیئر کررہی ہے.

شاہی سید کا کہنا تھا کہ اسپتال انتظامیہ جلد سے جلد مرحومہ کی لاش لواحقین کے حوالے کرے. تاکہ لواحقین میت کی تدفین کے انتظامات کرسکے. بصورت دیگر حالات خراب ہونے کی تمام تر زمہ داری ہسپتال انتظامیہ پر عائد ہوگی. سندھ حکومت سے واقعہ کی شفاف انکوائری کا مطالبہ کرتا ہوں. غیر جانبدار صحت کے ماہرین پر مشتمل کمیٹی تشکیل دی جائے جو انکوائری کرے کہ آیا وہ کیا محرکات ہے جنکی وجہ سے حادثات میں جاں بحق ہونے والوں کو ہسپتال انتظامیہ کرونا مریض ڈیکلیئر کررہے ہیں۔

واضح رہے کہ مقبول کاکڑ جو کہ عوامی نیشنل پارٹی ڈسٹرکٹ ساؤتھ کراچی کے نائب صدر ہے. دو روز قبل فیملی کے ہمراہ کوئٹہ سے کراچی آتے ہوئے انکا روڈ ایکسڈنٹ ہواتھا. ایکسڈنٹ میں انکا بیٹا موقع پر ہی جاںبحق ہوگیا تھا. جبکہ وہ خود اور انکی اہلیہ شدید زخمی تھے. اور علاج کی غرض سے لیاقت نیشنل ہسپتال کراچی میں داخل تھے.

آج صبح انکی اہلیہ زخموں کی تاب نہ لاتے ہوئے انتقال کرگئی،. ہسپتال انتظامیہ نے انکی اہلیہ کو کرونا پازیٹیوں ڈیکلیئر کرکے انکی لاش لواحقین کے حوالے کرنے سے انکار کردیا. جس پر انکے خاندان کے آفراد اور اے این پی کے کارکنان میں شدید غم اور غصہ پایا جاتا ہے

کرونا مریضوں میں اضافہ، کراچی میں آغا خان ہسپتال سمیت دیگر نے مریض لینے سے انکار کر دیا

باغی ٹی وی کی رپورٹ کے مطابق پاکستان میں کرونا کا پھیلاؤ تیزی سے جاری ہے، سندھ میں بھی مریضوں میں بڑی تیزی سے اضافہ ہو رہا ہے ،مریضوں میں اضافے کے بعد ہسپتالوں میں جگہ کم پڑ گئی ہے جس کے بعد ہسپتالوں نے مزید مریض لینے سے انکار کر دیا ہے

کراچی کی معروف ہسپتال آغا خان نے کرونا کے مریضوں کو لینے سے انکار کر دیا ہے اس ضمن میں ہسپتال انتظامیہ نے ایک بورڈ نصب کر دیا ہے جس میں لکھا ہے کہ ہسپتال میں مزید مریضوں کی گنجائش نہیں ہے

نہ صرف آغا خان بلکہ باخبر ذرائع کے مطابق کراچی کے دیگر ہسپتالوں میں بھی یہی صورتحال ہے، مریضوں میں اضافے کی وجہ سے شہر قائد کے ہسپتالوں میں بیڈز کم پڑ گئے ہیں، متعدد سرکاری و پرائیویٹ ہسپتالوں نے مریضوں کو لینے سے انکار کر دیا ہے

ڈاؤ یونیورسٹی اور انڈس ہسپتال نے بھی کرونا کے مزید مریضوں کو لینے سے انکار کر دیا ہے،

دوسری جانب کراچی میں گرینڈ ہیلتھ الائنس کی جانب سے ہڑتال بھی جاری ہے، ڈاکٹرز نے دو گھنٹے کے لئے ہڑتال کی ،اس دوران او پی ڈیز کو مکمل طور پر بند کردیا گیا تھا۔

گرینڈ ہیلتھ الائنس کا مطالبہ تھا کہ کورونا کے باعث ہیلتھ رسک الاؤنس بحال کیا جائے اور کورونا سے بچاؤ کی حفاظتی کٹس کی فراہمی یقینی بنائی جائے۔ ڈاکٹرز نے مطالبہ کیا کہ شعبہ صحت کے ملازمین کے لیے شہدا پیکیج کا اعلان کیا جائے، سندھ کے تمام اسپتالوں میں مریضوں کے لیے آئسولیشن سینٹرز قائم کئے جائیں اور نجی اسپتالوں میں مفت علاج کی سہولت فراہم کی جائے۔

باغی ٹی وی کی رپورٹ کے مطابق پاکستان میں کرونا کا پھیلاؤ تیزی سے جاری ہے، اہم شخصیات بھی کرونا کا شکار ہو رہی ہیں

اب خبر آئی ہے کہ کیبل آپریٹر ایسوسی ایشن کے چیئرمین خالد آرائیں کا بھی کورونا ٹیسٹ مثبت آگیا ہے، دس دن گھر پر قرنطینہ میں رہنے کے باوجود انکی طبیعت ناساز ہے جس کے بعد خالد آرائیں کو کراچی کے آغاخان ہسپتال منتقل کر دیا گیا جہاں انکا علاج جاری ہے

خالد آرائیں کے اہلخانہ نے انکی صحتیابی کے لئے دعاؤں کی اپیل کی ہے

ایم کیو ایم پاکستان کے رہنما فاروق ستار و دیگر نے بھی خالد آرائیں، شہر یار آفریدی سمیت دیگر مریضوں کی صحتیابی کے لئے دعا کی ہے

گزشتہ روز پاکستان میں 11 اراکین اسمبلی کا کرونا ٹیسٹ مثبت آیا تھا جس کے بعد انہوں نے خود کو قرنطینہ کر لیا تھا

پاکستان میں‌ کرونا کا پھیلاؤ جاری ہے، مریضوں اور اموات میں اضافہ ہوا ہے،پانچ جون کو ملک میں 4ہزار734 افراد میں کورونا کی تشخیص ہوئی

کرونا وائرس کے حوالہ سے بنائے گئے نیشنل کمانڈ اینڈ کنٹرول سنٹر کی جانب سے جاری کردہ تازہ ترین اعدادوشمار کے مطابق ملک بھر میں کوروناسےمتاثرہ افرادکی تعداد93ہزار983ہوگئی،پانچ جون کو ملک بھر میں کورونا کے 22ہزار 185 ٹیسٹ کیے گئے

خیبر پختونخوا میں کورونا وائرس کیسز کی تعداد 12ہزار459 ہے،سندھ میں 34ہزار889 کورونا وائرس کیسز رپورٹ ہوئے،ملک بھر میں کورونا کے ایکٹیو کیسز کی تعداد 59ہزار 467 ہے،پنجاب میں سب سے زیادہ کورونا کیسز کی تعداد 35 ہزار 308 ہوگئی ہے،اسلام آباد میں کورونا وائرس سے 4ہزار323 افراد متاثر ہوئے ،آزاد کشمیر میں کورونا وائرس کیسز کی تعداد 331 ہوگئی،بلوچستان میں 5 ہزار 776 ، گلگت بلتستان میں 897 کیسز رپورٹ ہوئے

ملک بھر میں 5جون کو کورونا سے 97 افراد جاں بحق ہوئے ،جس سے جاں بحق افراد کی مجموعی تعداد 1935 ہو گئی،کورونا سے پنجاب میں سب سے زیادہ 659 اموات ہوئیں،سندھ 615،خیبرپختونخوا 541،بلوچستان 54اوراسلام آباد میں 45 افراد جاں بحق ہوئے،گلگت بلتستان میں 13 اور آزادکشمیر میں 8 متاثرہ افراد کورونا سے جان کی بازی ہار گئے،ملک بھر میں اب تک کورونا سے32ہزار582 مریض صحتیاب ہوگئ

سندھ میں‌کرونا سے 40 مریض لقمہ اجل بن گئے

باغی ٹی وی :صوبہ سندھ میں گزشتہ 24 گھنٹوں میں کورونا وائرس کے 1353 نئے کیسز سامنے آئے ہیں، جبکہ آج مزید 40 مریض انتقال کرگئے۔

وزیراعلیٰ سندھ سید مراد علی شاہ نے کورونا وائرس سے متعلق بیان میں بتایا کہ صوبے میں گزشتہ 24 گھنٹوں میں 1353 نئے کیسز سامنے آئے، آج 40 مزید مریض انتقال کرگئے، جو اب تک کی سب سے زیادہ تعداد ہے۔مراد علی شاہ کا کہنا ہے کہ گزشتہ 24 گھنٹوں میں 7377 ٹیسٹ کیے گئے، جو اب تک کی ٹیسٹس کی سب سے زیادہ تعداد ہے۔ ان ٹیسٹ کے بعد کورونا کے 1353 نئے کیسز سامنے آئے۔وزیراعلیٰ سندھ نے کہا کہ اب تک مجموعی طور پر 215860 ٹیسٹ کئے گئے ہیں جس میں 34889 مریض سامنے آئے۔

انہوں نے بتایا کہ آج 40 مزید کورونا وائرس کے مریض انتقال کرگئے، اب تک کورونا کے باعث 615 مریض جان کی بازی ہار چکے ہیں، جبکہ 370 مریض تشویشناک حالت میں ہیں۔ جن میں 62 مریض وینٹیلیٹرز پر ہیں۔وزیراعلیٰ سندھ کا کہنا ہے کہ اس وقت 16487 مریض زیر علاج ہیں، 15156 مریض گھروں میں، 76 آئسولیشن مراکز پر اور 1255 اسپتالوں میں زیر علاج ہیں۔انہوں نے کہا کہ آج 1005 مریض صحتیاب ہوکر گھروں کو چلے گئے، اب تک 17787 مریض صحتیاب ہوچکے ہیں۔

وزیراعلیٰ سندھ کے مطابق کراچی میں نئے 984 کیسز آئے ہیں، ضلع شرقی 282، ضلع وسطی 204، ضلع جنوبی 162، ضلع ملیر 148، ضلع کورنگی 108 اور ضلع غربی80 شامل ہیں۔حیدرآباد 70، گھوٹکی 41، سکھر 26، خیرپور 25، جیکب آباد 17، لاڑکانہ 14، میرپورخاص 6، کشمور 6، نوشہروفیروز 3، بدین 2، دادو 2، قمبر 2، شکارپور 2، سجاول 1 اور ٹھٹھہ میں 1 کیس رپورٹ ہوا،

گزشتہ 24 گھنٹوں میں‌کرونا کے 4896 نئے مریض سامنے آئے ہیں جبکہ 68 اموات ہوئی ہیں جس کے بعد اموات کی مجموعی تعداد 1838 ہو گئی ہے ،مریضوں کی مجموعی تعداد 89 ہزار 249 ہو گئی ہے

کرونا وائرس کے حوالہ سے بنائے گئے نیشنل کمانڈ اینڈ آپریشن سینٹر کی جانب سے جاری کردارہ تازہ ترین اعدادوشمار کے مطابق گذشتہ 24 گھنٹوں کے دوران کرونا کے 4 ہزار 896 نئے مریض سامنے آئے، پنجاب میں 33 ہزار 144، سندھ میں 33 ہزار 536، خیبر پختونخوا میں 11 ہزار 890، بلوچستان میں 5 ہزار 582، گلگت بلتستان میں 852، اسلام آباد میں 3 ہزار 946 جبکہ آزاد کشمیر میں 299 مریض ہیں.

پاکستان میں اب تک 6 لاکھ 38 ہزار 323 افراد کے ٹیسٹ کئے گئے، گذشتہ 24 گھنٹوں کے دوران 22 ہزار 812 نئے ٹیسٹ کئے گئے، اب تک 31 ہزار 198 مریض صحتیاب ہوچکے ہیں .

پاکستان میں کورونا سے ایک دن میں 68 افراد جان کی بازی ہار گئے،جس کے بعد اموات کی مجموعی تعداد ایک ہزار 838 ہوگئی ہے، سندھ میں 575، پنجاب میں 629، خیبر پختونخوا میں 521، گلگت بلتستان میں 12، بلوچستان میں 53 اور اسلام آباد میں 41 مریض جاں بحق ہو چکے ہیں