کراچی: وزیر اعلیٰ سندھ سید مراد علی شاہ عوام الناس سے ملنے کے لیے کراچی کے دورے پر نکلے تو ان کو ماضی کی یادیں بھی ستانے لگی،، اچانک بوٹ بیسن کے علاقے پہنچے تو پسند کا ناشتہ بھی کیا۔

مراد علی شاہ بوٹ بیسن کلفٹن کے مقام پر رکے اور چلے گئے ہوٹل کے اندر،ناشتے کی فرمائش کی اور بغیر پروٹوکول کے عام شہریوں کے طرح بن گئے گاہک،وزیراعلیٰ سندھ فرمائشی حلوہ پوری،، چنے بھجیا قیمے والا پراٹھا کھایا اور دودھ پتی چائے کی بھی چسکی لگا لی ۔

اپنے دورے کے دوران جب مراد علی شاہ کورنگی ڈھائی نمبر کے علاقے میں ترقیاتی منصوبوں کا جائزہ لینے پہنچے تو موٹر سائیکل حادثے کی شکار فیملی کو دیکھ کر رک گئے انہوں نےفوری طور پر موٹرسائیکل حادثے میں زخمی ہونے والے شوہر اور بیوی کوطبی امداد کیلئے ٹیکسی کراکر دی اور ہسپتال منتقل کردیا

اس سے قبل وزیراعلیٰ سندھ گارڈن چڑیا گھر پہنچے تو چھٹی کے روز سیروتفریح کیلئے آئے بچوں سے گھل مل گئے ،وزیراعلیٰ سندھ کا عوامی انداز دیکھ کر کراچی کے شہریوں نے بھی خوشی کا اظہار کیا کئی مقامات پر شہریوں نے جئے بھٹو کے نعرے بھی لگائے۔

وزیر اعلیٰ سندھ سید مراد علی شاھ چھٹی کے روز بھی ایکشن میں آئے تو وزیر بلدیات سعید غنی مشیر اطلاعات بیریسٹر مرتضی وہاب کے ہمراہ چانک شہر قائد کے دورے پر نکل پڑے،مراد علی شاہ نے گارڈن چڑیا گھر، شہید ملت انڈر پاس سمیت شہر کے مختلف علاقوں میں جاری ترقیاتی منصوبوں کا جائزہ لیا اور شہر میں صفائی ستھرائی کی صورتحال دیکھی۔

وزیر اعلیٰ سندھ نے شہر کے مختلف علاقوں میں دیکھا کچرا تو ہوگئے انتظامیہ پر برہم ،مراد علی شاہہ نے وزیر بلدیات سعید غنی کی بھی لے لی کلاس اور کہا میونسپل کمشنر کی سرزنش کریں مجھے شہر صاف دکھائی دے ،انہوں نے شہید ملت انڈر پاس کے مقام پر میڈیا سے بات چیت کرتے ہوئے کہا کے کے کراچی میں ترقی کا عمل سست دیکھ کر معائنہ کرنے آیا ہوں ۔

وزیر اعلی سندھ کے اچانک دورے کی اطلاع ملتے ہی افسران کی دوڑیں لگ گئی ،،،سید مراد علی شاہ شہر کا دورہ کرتے رہے جبکہ افسران سندھ کے کپتان کی تلاش کرتے رہے ۔

کراچی : ایم کیوایم رہنما بازی لے گئے،اطلاعات کے مطابق فیصل سبزواری نے معروف اینکر مدیحہ نقوی سے شادی کرکے سب کو حیران کردیا . ساتھیوں کو دعوت ولیمہ بلا کر اپنی شادی کی خوشی میں شامل کیا.مدیحہ نقوی ایک نجی ٹی وی میں‌ بطور اینکر کام کرتی ہیں.

باغی ٹی وی ذرائع کے مطابق رات کراچی میں‌بہت بڑے ولیمہ کا اہتمام کیا گیا تھا .جس میں گورنر سندھ عمران اسمعٰیل اور وزیر اعلیٰ سندھ مراد علی شاہ کے علاوہ ایم کیو ایم اور دیگر جماعتوں کے رہنماوں کو دعوت گئی تھی .یاد رہے کہ پاکستان مٰیں اس وقت سیاستدانوں کی شادیوں پر سوشل میڈیا پر بڑی بحث ہورہی ہے اور یہ بحث ان شادیوں کے متعلق ہوتی ہے جو خفیہ کی جاتی ہیں لیکن فیصل سبزواری نے اعلانیہ شادی کرکے سب کو حیران کردیا

کراچی:شہر قائد میں شرپسندوں نے پھر سر اٹھا لیا ،وارداتوں میں‌ اضا فہ ہونا شروع ہوگیا.اطلاعات کے مطابق شہر قائد کے علاقے سائٹ سپر ہائی وے پر نامعلوم افراد نے فائرنگ کرتے ہوئے سب انسپکٹر کو شہید کردیا ہے۔

ایس ایس پی ملیر کے مطابق وزیر گوٹھ کے قریب نامعلوم ملزمان کی جانب سے فائرنگ کی گئی، جس کے نتیجے میں سب انسپکٹر غلام قادر شر شہید ہوگیا ہے۔ایس ایس پی ملیر کا کہنا ہے کہ شہید کو گھر سے تھانے کی طرف جاتے ہوئے نشانہ بنایا گیا واردارت کے وقت شہید سپاہی اکیلا تھا،

کراچی :کراچی میں‌بڑھتی ہوئی ڈکیتی اور چوری کی وارداتوں کے بعد سیکورٹی اداروں نے جرائم پشہ افراد کےخلاف پھر کارروائی شروع کردی . رینجرز نے شہر قائد کے مختلف علاقوں میں کاررروائیاں کرکے5ملزمان کو گرفتار کرکے بھاری تعداد میں غیرقانونی اسلحہ، مسروقہ سامان اور منشیات برآمد کرلی ہے۔

رینجرز نے کراچی کے علاقے بغدادی میں کارروائی کرکے لیاری گینگ وار کے ملزم ساحل کو گرفتار کرلیا، ملزم کا تعلق لیاری گینگ وار کے زاہد لاڈلاگروپ سے ہے۔ترجمان رینجرز کا کہنا ہے کہ سعیدآباد سے دو ملزمان محمد نعمان اورطاہرحسن کو گرفتار کیا گیا ہے،گرفتار ملزمان ڈکیتی اور اسٹریٹ کرائم کی متعدد وارداتوں میں ملوث ہیں۔

پولیس حکام کے مطابق ماڈل کالونی میں کارروائی کرکے دو ملزمان یاسر خان اور خلیل احمد کو حراست میں لیا گیا ہے، مذکورہ ملزمان منشیات فروشی کے کاروبار میں ملوث ہیں۔ترجمان رینجرز کے مطابق ملزمان سے غیرقانونی اسلحہ، ایمونیشن، مسروقہ سامان اور منشیات برآمد کرلی گئیں ہیں، ملزمان کو قانونی کارروائی کیلئے علاقہ پولیس کے حوالے کردیا گیا ہے

کراچی: حکومت سندھ کے پاس شہریوں کو آوارہ کتوں سے محفوظ رکھنے کے لیے کوئی پروگرام نہیں اور نہ ہی حکومت آوارہ کتوں کے خاتمے کیلئے اقدامات کر رہی ہے، اب علاج کی ویکسین بھی ختم ہوگئی،یہی وجہ ہے کہ مریض کہتے ہیں کہ وہ علاج کیلئے کہاں جائیں

سندھ کے سب سے بڑے سرکاری اسپتال، سول اسپتال کراچی میں کتے کے کاٹے کے علاج کی ویکسین ختم ہو گئی ہے جس کے باعث مریضوں کو شدید دشواری کا سامنا کرنا پڑ رہا ہے۔سول اسپتال کراچی میں جمعے کو کتے کے کاٹے سے متاثرہ درجنوں مریضوں کی حالت اس وقت غیر ہوگئی جب انہیں بتایا گیا کہ اسپتال میں ویکسین ختم ہو گئی ہے۔

اس موقع پر مریضوں اور اہلخانہ نے اسپتال کے اے ایم ایس او پی ڈی ڈاکٹر ظہور احمد شیخ کے دفتر کے باہر احتجاج کیا۔مریضوں کے مطابق ایک طرف حکومت آوارہ کتوں کے خاتمے کیلئے اقدامات نہیں کر رہی تو دوسری طرف اب علاج کی ویکسین بھی ختم ہوگئی ہے، وہ علاج کیلئے کہاں جائیں؟

سول اسپتال کراچی کےمیڈیکل سپرنٹنڈنٹ ڈاکٹر خادم حسین قریشی کا کہنا ہے کہ ویکسین ختم ہو گئی ہے جس کا انہیں علم ہوا تھا اور انہوں نے اپنے فنڈز میں سے پیسے دے دیئے ہیں جس کے بعد اگلے ہفتے ویکسین دستیاب ہوگی۔

ماہرین صحت کے مطابق اگر کسی کو عام کتا بھی کاٹ لے تو اسے چاہیے کہ زخم کو جلد از جلد صابن اور پانی کے ساتھ 8 سے 10 منٹ تک دھوئے اور پھر اسی وقت اینٹی ٹیٹنس انجیکشن لگوایا جائے اور مکمل علاج کرایا جائے۔

ڈاکٹروں کا کہنا ہےکہ پاکستان میں کتے کے کاٹنے پر علاج کیلئے جدید اور مؤثر ویکسین استعمال کی جارہی ہے، یہ 4 انجیکشن کا کورس ہے جوکہ کتے کے کاٹنے کے پہلے دن، تیسرے دن، 7 ویں دن اور 28 ویں دن لگایا جاتا ہے، اگر یہ انجیکشن نہ لگوائے جائیں اور مرض سرائیت کر جائے تو اس سے 100 فیصد موت واقع ہوجاتی ہے۔

واضح رہے کہ رواں سال صوبے میں اب تک کتے کے کاٹے سے 12افراد ہلاک ہو چکے ہیں جبکہ ہزاروں کیسز رپورٹ ہو چکے ہیں۔دو روز قبل بھی جناح اسپتال میں سانگھڑ کی رہائشی 50 سالہ خاتون کتے کے کاٹنے کے باعث انتقال کر گئی تھیں۔