Category: کراچی

شہر قائد میں محرم الحرام کے موقع پر سیکیورٹی خدشات کے پیش نظر بی آر ٹی گرین لائن سروس کو 8، 9 اور 10 محرم کو معطل کر دیا گیا ہے۔

بس ریپیڈ ٹرانزٹ (بی آر ٹی) کے ترجمان کے مطابق یہ اقدام سیکیورٹی وجوہات کی بنیاد پر کیا جا رہا ہے تاکہ عاشورہ کے دوران جلوسوں اور مجالس کے راستوں میں ٹریفک کی روانی متاثر نہ ہو۔ترجمان نے مزید بتایا کہ پیپلز بس سروس کے 10 میں سے 7 روٹس کو بھی 9 اور 10 محرم کے دنوں میں بند رکھا جائے گا، جبکہ 8 محرم کو 5 روٹس جزوی طور پر متاثر ہوں گے۔

حکام نے شہریوں سے اپیل کی ہے کہ وہ ان دنوں سفر سے قبل متبادل انتظامات کریں اور مقامی ٹریفک پولیس اور سرکاری اطلاعات پر نظر رکھیں۔

آیت اللہ خامنہ ای 22 دن سے منظر عام سے غائب

حنیف عباسی کی خواجہ آصف پر تنقید، "ہائبرڈ نظام” کا بیانیہ مسترد

بلوچستان اور آزاد کشمیر ،دانش اسکولز کے لیے 19 ارب 25 کروڑ روپے منظور

پنجاب میں غیر قانونی فلنگ اسٹیشنز کے خلاف کریک ڈاؤن کا آغاز

کراچی میں ٹرک کی زد میں آکر 3 سالہ بچہ جاں بحق، ڈرائیور فرار

شہر قائد میں ٹرک اور ٹینکرز سے ہونے والی ہلاکتوں کا سلسلہ نہ رک سکا، رزاق آباد عبداللہ گوٹھ میں گاربیج ٹرک کی زد میں آ کر 3 سالہ کمسن بچہ جان کی بازی ہار گیا، جبکہ ڈرائیور موقع سے فرار ہو گیا۔

واقعہ جمعرات کی صبح پیش آیا جب شاہ لطیف ٹاؤن تھانے کی حدود میں ایک گاربیج ٹرک نے ریورس لیتے ہوئے گلی میں کھیلتے ہوئے بچے کو کچل دیا۔ متوفی بچے کی شناخت 3 سالہ عادل شاہ ولد عابد علی شاہ کے طور پر ہوئی، جس کی لاش ایدھی ایمبولینس کے ذریعے قریبی اسپتال منتقل کی گئی۔

ایس ایچ او شاہ لطیف ٹاؤن صدرالدین میرانی کے مطابق ٹرک کے ڈرائیور نے بچے کو کچلنے کے بعد موقع سے فرار اختیار کر لیا۔ پولیس نے ٹرک کو قبضے میں لے لیا ہے جبکہ ڈرائیور کی تلاش جاری ہے۔

قانونی کارروائی کے بعد بچے کی لاش ورثا کے حوالے کر دی گئی ہے۔ واقعے نے علاقے میں غم و غصے کی فضا پیدا کر دی ہے جبکہ شہری حلقوں نے حفاظتی اقدامات اور ڈرائیوروں کی سخت جانچ کا مطالبہ کیا ہے۔

جاسوسی کے الزامات، ایران سے ایک ماہ میں 2 لاکھ 30 ہزار افغان ملک بدر

جاسوسی کے الزامات، ایران سے ایک ماہ میں 2 لاکھ 30 ہزار افغان ملک بدر

شکاگو میں نائٹ کلب کے باہر فائرنگ، 4 افراد ہلاک، 14 زخمی

پٹرولیم قیمتوں میں اضافہ عوام کے ساتھ ظلم ہے، میری پہچان کمیٹی

میری پہچان پاکستان کی مرکزی کمیٹی نے پٹرولیم مصنوعات کی قیمتوں میں اضافے کو عوام کے ساتھ ظلم قرار دیتے ہوئے کہا ہے کہ یہ اقدام ریلیف کے بجائے مہنگائی کے سیلاب کی طرف دھکیلنے کے مترادف ہے۔

کمیٹی کے بیان کے مطابق ایک ماہ میں دو بار پٹرول اور ڈیزل کی قیمتوں میں مجموعی طور پر 15 روپے فی لیٹر اضافہ عوام کی کمر توڑ چکا ہے۔ اس اضافے کے بعد ٹرانسپورٹ، گروسری اور دیگر ضروری اشیاء کی قیمتوں میں بھی نمایاں اضافہ دیکھنے میں آیا ہے، جس سے عوام شدید مشکلات کا شکار ہیں۔

بیان میں کہا گیا ہے کہ ایران، امریکہ اور اسرائیل کے درمیان جنگ بندی کے بعد عالمی مارکیٹ میں تیل کی قیمتیں معمول پر آ چکی ہیں، اس کے باوجود مقامی سطح پر قیمتیں بڑھانا قابل افسوس ہے۔کمیٹی نے سابق گورنر سندھ ڈاکٹر عشرت العباد خان کے حالیہ بیان کا حوالہ دیتے ہوئے کہا کہ انہوں نے بھی حکومت سے عوام کو ریلیف دینے اور گڈ گورننس کا مطالبہ کیا تھا۔

ان کا کہنا تھا کہ فیلڈ مارشل کی کوششوں اور بھارت کے ساتھ سفارتی کامیابیوں کے بعد عوام کو بھی ان ثمرات میں شامل کیا جانا چاہیے۔میری پہچان کمیٹی نے وفاقی حکومت سے مطالبہ کیا ہے کہ وہ فوری طور پر عوامی ریلیف دے اور آئندہ پندرہ دنوں میں کم از کم 25 روپے فی لیٹر پٹرولیم مصنوعات کی قیمتوں میں کمی کرے۔

وفاقی حکومت کا 5 اور 6 جولائی کو عام تعطیل کا اعلان

کراچی میں گیس لیکیج دھماکا: دو خواتین دم توڑ گئیں

پاکستانی کمپنی نے غزہ جنگ سے متاثرہ بچی سدرہ کو مصنوعی بازو فراہم کر دیا

باجوڑ دھماکے میں شہید اسسٹنٹ کمشنر نے 30 سالہ قبائلی دشمنی کا خاتمہ کرایا تھا

کراچی کے علاقے بلدیہ رئیس گوٹھ میں گھر میں گیس لیکیج کے باعث ہونے والے دھماکے میں زخمی ہونے والی دو خواتین دم توڑ گئیں۔

پولیس کے مطابق دونوں خواتین سول اسپتال کے برنس وارڈ میں زیر علاج تھیں۔پولیس حکام نے بتایا کہ گزشتہ روز پیش آنے والے واقعے میں دو خواتین اور چار بچوں سمیت سات افراد زخمی ہوئے تھے۔ تحقیقات کے مطابق، دھماکا گھر کے اے سی میں گیس لیکیج کے باعث ہوا، جس کے نتیجے میں اس کمرے کی دیوار بھی منہدم ہو گئی تھی۔

پولیس نے واقعے کی مزید تفتیش شروع کر دی ہے جبکہ علاقے میں گیس لیکیج سے متعلق احتیاطی تدابیر اختیار کرنے کی اپیل بھی کی گئی ہے۔

پاکستانی کمپنی نے غزہ جنگ سے متاثرہ بچی سدرہ کو مصنوعی بازو فراہم کر دیا

حماس کا امریکی امدادی ادارے سے تعاون نہ کرنے کا انتباہ

باجوڑ دھماکے میں شہید اسسٹنٹ کمشنر نے 30 سالہ قبائلی دشمنی کا خاتمہ کرایا تھا

مصنوعی ہاتھ بنانے والی معروف پاکستانی کمپنی بایونکس نے غزہ میں جنگ سے متاثرہ کم سن بچی سدرہ کو مصنوعی بازو لگا دیا، جو اس انسان دوست مشن کی پہلی کامیابی ہے۔

کمپنی نے اپنے سوشل میڈیا بیان میں بتایا کہ یہ اقدام اردن میں موجود ان کے سرکاری شراکت دار "مفاز” کے تعاون سے ممکن ہوا۔ بایونکس کا کہنا ہے کہ یہ صرف ایک آغاز ہے، جس کا مقصد غزہ میں معذور ہونے والے افراد کی بحالی اور مدد فراہم کرنا ہے۔بیان کے مطابق، سدرہ جنگ کے دوران اپنے بازو سے محروم ہوگئی تھی، اور اب وہ بایونکس کی غزہ میں شروع کی گئی اس مہم کی پہلی مستفید بن چکی ہے۔

کمپنی کا کہنا ہے کہ سدرہ کی کہانی غزہ کے ہزاروں متاثرین کے حوصلے اور مزاحمت کی علامت ہے۔بایونکس نے امید ظاہر کی کہ ان کا یہ اقدام غزہ میں جنگ زدہ افراد کو تحرک، اعتماد، امید، خودمختاری اور عزت نفس واپس دلانے میں معاون ثابت ہوگا۔ کمپنی نے عزم کیا کہ وہ جنگ سے متاثرہ علاقے میں زیادہ سے زیادہ معذور افراد تک پہنچنے کی کوشش جاری رکھے گی۔

باجوڑ دھماکے میں شہید اسسٹنٹ کمشنر نے 30 سالہ قبائلی دشمنی کا خاتمہ کرایا تھا

بھارتی اداکارہ شیفالی کی اچانک موت پر معروف مذہبی اسکالر مفتی طارق مسعود کا بیان سوشل میڈیا پر وائرل ہوگیا۔

شیفالی جریوالا گزشتہ ہفتے 42 برس کی عمر میں انتقال کرگئیں، 27 جون کو شیفالی کو ممبئی میں ان کی رہائش گاہ سے اسپتال منتقل کیا گیا جہاں ڈاکٹرز نے انہیں مردہ قرار دیا 2 روز قبل شیفالی کی ابتدائی پوسٹ مارٹم رپورٹ میں بلڈپریشر میں تیزی سے کمی اور ہارٹ اٹیک کو ان کی موت کی وجہ قرار دیا گیا تھا جس کے بعد شیفالی کی گہری دوست اداکارہ پوجا گھئی نے بتایا تھا کہ ’مرنے سے قبل شیفالی نے دوپہر کے وقت وٹامن سی آئی وی ڈرپ لگائی تھیں-

اپنے بیان میں مفتی طارق مسعود نے کہا کہ ایک مشہور اداکارہ، جس نے دنیا میں شہرت کمائی، ایک لمحے میں مٹی میں مل گئی چونکہ وہ ہندو تھیں، اس لئے ان کی لاش کو جلایا گیا ہوگا، جو انسان کی حقیقت کو عیاں کرتا ہے اور لوگوں کو خاص کر ہندوؤں کو اس سے عبرت حاصل کرنی چاہیے۔

تاہم انہوں نے افسوس کا اظہار کیا کہ لوگوں نے اس واقعے سے عبرت حاصل کرنے کے بجائے مرحومہ کے گانے اور فلمیں چلانا شروع کر دیں، جو ان کے بقول بے سود عمل ہے فنکار اپنی ظاہری خوبصورتی پر کروڑوں روپے خرچ کرتے ہیں، لیکن موت کے بعد سب کچھ ختم ہوجاتا ہے، اور شہرت راکھ میں تبدیل ہو جاتی ہے تب لوگ کیوں نہیں بنواتے اس میت کے ساتھ سیلفی اور کیوں اس کے ساتھ دفن ہونا نہیں چاہتے غیر مسلموں کے مرنے پر دعائے مغفرت کرنا اسلامی تعلیمات کے خلاف ہے، اور مسلمانوں کو چاہیے کہ وہ اسلامی اصولوں کے مطابق ہی ردِ عمل ظاہر کریں۔