Category: کراچی

شہر قائد کے شہریوں کے لیے بجلی کے نرخوں میں ممکنہ کمی کی صورت میں ریلیف کی نوید سامنے آئی ہے۔

باغی ٹی وی کے مطابق کے الیکٹرک نے مارچ کی ماہانہ فیول ایڈجسٹمنٹ کے تحت بجلی کی قیمت میں 5 روپے 02 پیسے فی یونٹ کمی کی درخواست جمع کرا دی ہے۔نیشنل الیکٹرک پاور ریگولیٹری اتھارٹی (نیپرا) میں ہونے والی سماعت کے دوران کے الیکٹرک حکام نے بتایا کہ اگر درخواست منظور ہو جاتی ہے تو صارفین کو 6 ارب 79 کروڑ روپے کا ریلیف مل سکتا ہے۔

نیپرا نے کے الیکٹرک کی درخواست پر سماعت مکمل کر لی ہے۔ حتمی فیصلہ اعداد و شمار کا تفصیلی جائزہ لینے کے بعد جاری کیا جائے گا۔یہ ممکنہ کمی مارچ 2025ء کے فیول ایڈجسٹمنٹ چارجز کے تحت تجویز کی گئی ہے، اور اس کا اطلاق ان صارفین پر ہوگا جو نیپرا کے مقرر کردہ معیار کے مطابق کے الیکٹرک سے بجلی حاصل کرتے ہیں۔

واضح رہے کہ اگر یہ کمی منظور ہو جاتی ہے تو کراچی کے لاکھوں صارفین کو بجلی کے بلوں میں خاطر خواہ ریلیف ملے گا، جو حالیہ مہنگائی کے دور میں ایک خوش آئند خبر ہے۔

ملک بھر میں سونے کی قیمت میں کمی، فی تولہ 1,900 روپے سستا

عازمین حج کے لیے اردو سمیت 8 زبانوں میں صحت آگاہی کٹ متعارف

مورو ہنگامہ آرائی، ایس ایس پی نوشہرو فیروز عہدے سے ہٹا دیے گئے

مقبوضہ کشمیر: بھارتی فوج کی جارحیت میں مزید 2 کشمیری نوجوان شہید

سندھ کے ضلع نوشہرو فیروز کے علاقے مورو میں پرتشدد مظاہروں کے دوران ایک شہری جاں بحق ہو گیا، جب کہ وزیر داخلہ سندھ ضیا الحسن لنجار کا گھر مشتعل مظاہرین نے نذر آتش کر دیا۔ ان واقعات کے بعد حکومت نے ایس ایس پی نوشہرو فیروز سنگھار ملک کو ان کے عہدے سے ہٹا دیا ہے۔

باغی ٹی وی کے مطابق دریائے سندھ پر متنازع نئی نہروں کی تعمیر کے خلاف ہونے والا احتجاج اُس وقت پرتشدد صورت اختیار کر گیا جب پولیس نے مظاہرین کو منتشر کرنے کی کوشش کی۔ جھڑپوں کے دوران ایک شخص جاں بحق اور ڈی ایس پی سمیت 6 پولیس اہلکاروں اور متعدد مظاہرین زخمی ہوئے۔احتجاج میں شدت اس وقت آئی جب مظاہرین نے مورو بائی پاس روڈ کو بند کر کے دھرنا دیا اور پولیس کی جانب سے طاقت کے استعمال کے بعد مشتعل ہو گئے۔ مظاہرین نے وزیر داخلہ سندھ ضیا الحسن لنجار کے گھر پر حملہ کیا اور گھر کو آگ لگا دی۔

واقعے کے بعد پولیس نے دو مقدمات درج کیے جن میں گرینڈ ڈیموکریٹک الائنس (GDA) کے رہنما غلام مرتضیٰ جتوئی، مسرور جتوئی سمیت 14 نامزد اور 30 نامعلوم افراد کو شامل کیا گیا ہے۔سندھ پولیس کی جانب سے جاری نوٹیفکیشن کے مطابق، ایس ایس پی سنگھار ملک کو عہدے سے ہٹا کر سینٹرل پولیس آفس (CPO) رپورٹ کرنے کی ہدایت دی گئی ہے، جب کہ بشیر احمد بروہی کو نیا ایس ایس پی نوشہرو فیروز تعینات کر دیا گیا ہے۔

واضح رہے کہ اس واقعے نے سندھ میں امن و امان کی صورتحال پر سنگین سوالات کھڑے کر دیے ہیں، جبکہ حکومت پر بڑھتے ہوئے عوامی دباؤ کے باعث مزید اقدامات متوقع ہیں۔

مقبوضہ کشمیر: بھارتی فوج کی جارحیت میں مزید 2 کشمیری نوجوان شہید

ڈہرکی: گلاب شاہ کالونی میں زہریلا پانی,شہریوں کی زندگیاں خطرے سے دوچار

بلاول بھٹو سے امریکی ناظم الامور کی ملاقات، دو طرفہ تعلقات پر تبادلہ خیال

امریکا کا کردار تھا، مگر جنگ بندی براہ راست طے پائی: بھارتی وزیر خارجہ

پاک بحریہ نے کمبائنڈ میری ٹائم فورسز کے زیر اہتمام سالانہ میری ٹائم سیکیورٹی کانفرنس 2025 میں شرکت کی۔

کانفرنس کا اہتمام 12 سے 14 مئی تک بحرین میں کیا گیا جبکہ کانفرنس میں 46 CMF پارٹنر ممالک کے نمائندوں نے شرکت کی،سالانہ کانفرنس میں پاک بحریہ کی نمائندگی کمانڈر کمبائنڈ ٹاسک فورس 151 کموڈورسہیل احمد عظمی نے کی۔

چیف آف سٹاف CTF-151، کیپٹن اشفاق علی نے نے CMF کی حکمت عملی کو سپورٹ کرنے کے لیے CTF-151 کا پلان پیش کیا، کانفرنس میں پاک بحریہ کی شرکت خطے میں میری ٹائم سیکیورٹی اور استحکام کو برقرار رکھنے کے لیے مشترکہ کوششوں کی عکاس ہے۔

مودی سرکار پاکستان پر دوبارہ حملہ آور ہونے کیلئے سو بار سوچے گی،وزیراعظم

کانفرنس میں پاک بحریہ کی شمولیت اس بات کی غمازی کرتی ہے کہ پاکستان سمندری سلامتی اور خطے میں استحکام کے لیے مشترکہ بین الاقوامی کوششوں میں نہ صرف دلچسپی رکھتا ہے بلکہ ایک سرگرم کردار بھی ادا کر رہا ہے۔

مرکزی مسلم لیگ کی جانب سے لاہور پریس کلب کو کمپیوٹر فراہم

پاکستان اسٹاک ایکسچینج مارکیٹ میں آج تیزی کا رجحان ہے۔

جمعرات کے روز مارکیٹ میں ایک بار پھر تیزی کا رجحان غالب رہا اور کے ایس ای 100 انڈیکس میں 717 پوائنٹس کا اضافہ ہوا ہے، آج مارکیٹ میں 623 پوائنٹس کے اضافے سے کاروبار کا آغاز ہوا، جس سے انڈیکس بڑھ کر ایک لاکھ 20 ہزار 555 پوائنٹس کی سطح کو چھو گیا،بعد ازاں تیزی کا رجحان جاری رہا اور ایک موقع پر 717 پوائنٹس کی تیزی کے ساتھ کے ایس ای 100 انڈیکس ایک لاکھ 20 ہزار 649 پوائنٹس کی سطح پر پہنچ گیا۔

آج مسلسل دوسرے روز مارکیٹ میں مثبت رجحان کے باعث تجزیہ کاروں کا کہنا ہے کہ سرمایہ کاروں کا رجحان بحالی کی جانب ہے اور ملکی معیشت پر اعتماد میں اضافہ ہو رہا ہے گزشتہ روز بھی مارکیٹ میں زبردست تیزی دیکھی گئی تھی اور انڈیکس 960 پوائنٹس کے اضافے سے 1 لاکھ 19 ہزار 931 پوائنٹس پر بند ہوا تھا۔

محکمہ تعلیم سندھ نے صوبے بھر میں موسم گرما کی تعطیلات کا باضابطہ اعلان کر دیا۔

محکمہ تعلیم کے جاری کردہ اعلامیے کے مطابق تمام سرکاری و نجی اسکولز اور کالجز یکم جون سے 31 جولائی 2025 تک بند رہیں گے تعطیلات کا اطلاق سندھ بھر کے تمام تعلیمی اداروں پر یکساں طور پر ہوگاا س فیصلے کا مقصد شدید گرمی کے موسم میں طلبا، اساتذہ اور عملے کی صحت و سلامتی کو یقینی بنانا ہے،محکمہ تعلیم کی جانب سے تمام اداروں کو ہدایت جاری کر دی گئی ہے کہ وہ یکم جون سے تدریسی سرگرمیاں معطل کر دیں، جبکہ کلاسز کا دوبارہ آغاز یکم اگست 2025 سے ہوگا۔

بلوچستان میں بھارتی دہشتگردی پر گرپتونت سنگھ پنوں کا بڑا بیان

دوسری طرف محکمہ موسمیات کے مطابق سندھ ،جنوبی پنجاب، بلوچستان میں درجہ حرارت 4 سے 6 ڈگری زیادہ رہے گا، جنکہ بالائی علاقوں میں درجہ حرارت 5 سے 7 ڈگری سینٹی گریڈ زیادہ رہنے کی توقع ہے آج سب سے زیادہ گرمی سبی،دادو،ڈیرہ غازی خان،بہا ولپور میں پڑنے کا امکان ہے، سبی میں درجہ حرارب 52، دادو، ڈیرہ غازی خان میں 51، بہاول 50، سکھر49 ،ملتان، سرگودھا میں 48، نواب شاہ ،پشاور، ڈیرہ اسماعیل خان میں پارہ 48 ڈگری تک جا سکتا ہے علاہ ازیں بنوں ،ساہیوال،نوکنڈی میں 47، تربت میں 46، فیصل آباد، لاہور 45، حیدرآباد 44، راولپنڈی 43، اسلام آباد 42، کوئٹہ 41 اور کراچی میں درجہ حرارت 36 ڈگری رہے گا۔

رافیل طیاروں کی تباہی کا دکھ، ائیر فرانس کا پاکستانی حدود کے استعمال سےمسلسل گریز

کراچی کے علاقے لیاری میں قانون نافذ کرنے والے اداروں نے بڑی کارروائی کرتے ہوئے کالعدم تنظیم بی ایل اے کے کارندے درویش عرف ساگر کو گرفتار کر لیا۔ عدالت نے ملزم کو 3 روزہ جسمانی ریمانڈ پر پولیس کے حوالے کر دیا ہے۔

باغی ٹی وی کے مطابق، ملزم درویش عرف ساگر کو انسدادِ دہشت گردی کی عدالت میں پیش کیا گیا، جہاں تفتیشی افسر نے عدالت کو بتایا کہ ملزم سے اس کے دیگر ساتھیوں کے بارے میں تفتیش کرنی ہے۔ پولیس نے عدالت سے 14 روزہ جسمانی ریمانڈ کی استدعا کی، تاہم عدالت نے 23 مئی تک 3 روزہ جسمانی ریمانڈ منظور کیا۔

پولیس کا کہنا ہے کہ ملزم کو 19 اور 20 مئی کی درمیانی شب رینجرز نے حساس اطلاع پر گرفتار کیا تھا۔ گرفتاری کے وقت ملزم کے قبضے سے ہینڈ گرنیڈ اور جدید اسلحہ بھی برآمد ہوا۔ذرائع کا کہنا ہے کہ گرفتار دہشت گرد کراچی میں تخریب کاری کی منصوبہ بندی میں ملوث تھا، اور اس کے دیگر ساتھیوں کی گرفتاری کے لیے چھاپے مارے جا رہے ہیں۔

پی ایس ایل 10: کوئٹہ گلیڈی ایٹرز کا اسلام آباد کو 210 رنز کا پہاڑ جیسا ہدف

سپریم کورٹ کی بڑی پیش رفت: سزائے موت کی تمام اپیلیں نمٹا دی گئیں

کراچی ایئرپورٹ پر بڑی کارروائی، 37 کروڑ روپے کی ممنوعہ ادویات ضبط