Category: کراچی

پاک بحریہ نے ملک کی بڑی بندرگاہوں پر کسی بھی ممکنہ خطرے سے نمٹنے کے لیے دو روزہ مشقوں کا انعقاد کیا، جن کا مقصد اہم بحری تنصیبات کے تحفظ کو مزید مؤثر بنانا تھا۔

باغی ٹی وی کے مطابق یہ حفاظتی مشقیں پاک بحریہ کی کوسٹل کمانڈ کے زیر اہتمام کی گئیں، جن میں پاک میرینز، ایس ایس جی (این)، بحری اور فضائی اثاثوں نے شرکت کی۔مشقوں کا بنیادی ہدف بحری تنصیبات کے تحفظ کے لیے موجودہ طریقہ کار اور حربی حکمت عملی کا جائزہ لینا اور انہیں مزید بہتر بنانا تھا۔ مختلف یونٹس نے مربوط کارروائیوں میں حصہ لیتے ہوئے آپس میں تعاون اور ہم آہنگی کا مظاہرہ کیا۔

ان مشقوں کے دوران غیر روایتی خطرات اور حملوں کی صورت میں ردعمل کی صلاحیت کو بہتر بنانے اور فورسز کے درمیان رابطے کو مضبوط کرنے پر خصوصی توجہ دی گئی۔کمانڈر کوسٹ، رئیر ایڈمرل فیصل امین نے مشق کے مختلف مراحل کا معائنہ کیا اور بندرگاہوں کا دورہ کرتے ہوئے حصہ لینے والی یونٹس کی پیشہ ورانہ مہارت اور ہم آہنگی کو سراہا۔

انہوں نے اس بات پر زور دیا کہ بحری تنصیبات اور بندرگاہوں کا تحفظ نہ صرف قومی سلامتی بلکہ معیشت کے استحکام کے لیے بھی کلیدی حیثیت رکھتا ہے۔واضح رہے کہ یہ مشقیں اس عزم کا اظہار ہیں کہ پاک بحریہ ہر طرح کے خطرات سے نمٹنے کے لیے مکمل طور پر تیار ہے اور سمندری سرحدوں کے دفاع کے لیے اپنی صلاحیتوں کو جدید خطوط پر استوار کر رہی ہے۔

تونسہ: پولیس اور دہشت گردوں کے درمیان مقابلہ، 4 دہشت گرد ہلاک

پی پی 52 سیالکوٹ: ضمنی انتخاب کے ووٹوں کی گنتی جاری

کراچی کے علاقے ڈیفنس ہاؤسنگ اتھارٹی (ڈی ایچ اے) کے خیابانِ جہانزیب میں ہفتے کے روز ترقیاتی کام کے دوران زیرِ زمین گیس لائن پھٹنے سے زور دار دھماکہ ہوا، تاہم خوش قسمتی سے کوئی جانی نقصان نہیں ہوا۔

ذرائع کے مطابق دھماکہ اس وقت پیش آیا جب کھدائی کے دوران گیس لائن کو نقصان پہنچا۔ واقعے کے فوری بعد پولیس موقع پر پہنچ گئی، علاقے کو گھیرے میں لے لیا گیا اور گیس کمپنی کو مطلع کر دیا گیا۔گیس لیکیج کے باعث علاقے میں خوف و ہراس پھیل گیا جبکہ گیس کی فراہمی عارضی طور پر معطل کر دی گئی ہے۔ پولیس کا کہنا ہے کہ احتیاطی تدابیر کے تحت گیس کمپنی کی مرمتی ٹیم کو طلب کیا گیا ہے جو جلد لائن کی مرمت کرے گی۔

ایف آئی اے کارروائی، کروڑوں کا فراڈ کرنے والے باپ بیٹا گرفتار

وفاقی حکومت کا انرجی سیور پنکھے اقساط پر دینے کا فیصلہ

اسحاق ڈار کے سفارتی روابط: آذربائیجان اور ازبکستان کے وزرائے خارجہ سے گفتگو

وزیراعظم کا بلوچستان کے لیے 250 ارب روپے مختص کرنے کا اعلان

غیرقانونی کال سینٹر چلانے کے مقدمے میں ملزم ارمغان کے خلاف چالان جمع نہ کروانے پر عدالت نے تفتیشی افسر پر سخت برہمی کا اظہار کیا۔

تفصیلات کے مطابق ملزم ارمغان پر غیرقانونی طریقے سے کال سینٹر چلانے کے درج مقدمے کے کیس کی سماعت کے دوران تفتیشی افسر جوڈیشل مجسٹریٹ جنوبی کی عدالت میں پیش ہوا، تاہم چالان جمع نہ ہونے پر عدالت نے ناراضی کا اظہار کیا۔

عدالت نے استفسار کیا کہ ابھی تک چالان کیوں پیش نہیں کیا جا سکا؟ جس پر تفتیشی افسر نے جواب دیا کہ کچھ وقت درکار ہے، جلد چالان عدالت میں پیش کر دیا جائے گا، عدالت نے کہا کہ اتنا عرصہ گزر چکا ہے، ابھی تک تفتیش مکمل کیوں نہیں ہو سکی؟ تفتیشی افسر نے مؤقف اختیار کیا کہ کیس سے متعلق کچھ مطلوبہ ریکارڈ اب تک موصول نہیں ہوا، جس کی وجہ سے چالان تاخیر کا شکار ہوا۔

عدالت نے تفتیشی افسر کو تنبیہ کرتے ہوئے حکم دیا کہ آئندہ سماعت پر ہر صورت چالان پیش کیا جائے کیس کی مزید سماعت ملتوی کر دی گئی۔

پاکستان نے بھارتی طیارے گرائے،بھارتی جنرل انیل چوہان کا اعتراف

غزہ میں نسل کشی پر فرانس اور جرمنی نے بھی اسرائیل کو خبردار کردیا

پلاٹ خریدنے والے عام آدمی کو ملی بھگت کی سزا ملتی ہے،وزیر اعلیٰ پنجاب

کراچی :وفاقی وزیر پیٹرولیم علی پرویز ملک نے کہا ہے کہ حکومت نے پیٹرولیم ڈیولپمنٹ لیوی میں اضافے کا کوئی فیصلہ تاحال نہیں کیا۔

کراچی میں سوئی سدرن گیس کمپنی (ایس ایس جی سی) کے صدر دفتر کے دورے پر میڈیا سے گفتگو میں وزیر پیٹرولیم نے بتایا کہ ملک میں اس وقت بجلی کے شعبے میں بہتری کے باعث مسائل کا بوجھ پیٹرولیم سیکٹر پر منتقل ہو گیا ہے بجلی کا شعبہ وعدے کے باوجود گیس نہیں خرید رہا، جب کہ حکومت کو مہنگی درآمدی گیس مقامی مارکیٹ میں سستے داموں فروخت کرنا پڑ رہی ہے جو ایک بڑا چیلنج ہے۔

عازمین حج کو سخت گرمی سے محفوظ رکھنے کیلئے سعودی حکومت کے خصوصی انتظامات

علی پرویز ملک نے کہا کہ ڈیزل کی اسمگلنگ روکنے کے لیے پیٹرول پمپس کی رجسٹریشن کا عمل شروع کیا جا چکا ہے۔ اس کے ساتھ ساتھ ڈیجیٹل نوزل لگانے کا منصوبہ بھی زیر عمل ہے تاکہ فیول کی درست نگرانی کی جا سکے آئندہ دو سے تین ماہ میں اوگرا مکمل طور پر ڈیجیٹل نظام پر منتقل ہو جائے گی، جس سے نگرانی، شفافیت اور کارکردگی میں بہتری آئے گی۔

سینیٹر مشتاق احمد کوپولیس نےحراست میں لے لیا

انہوں نے بتایا کہ مشاورت جاری ہے اور کوشش کی جا رہی ہے کہ گھریلو صارفین کو سہولت اور شفافیت کے ساتھ نئے گیس کنکشن دیئے جائیں انہوں نے ایس ایس جی سی کو ہدایت کی کہ گیس کے بلوں میں سلو چارجز کے مسئلے کو جلد حل کریں اور عوام کو دفاتر کے چکر لگانے سے بچانے کے لیے جدید اور موثر نظام متعارف کرایا جائے۔

پاکستان نے بھارتی فضائیہ کے 5 طیارے مار گرائے، بی جے پی رہنما کا اعتراف

کراچی: محکمہ موسمیات نےمون سون کے پہلے حصے میں شدید بارشوں کی پیشگوئی کرتے ہوئے سندھ، پنجاب، آزاد کشمیر اور خیبرپختونخوا (کے پی ) کے میدانی اور پہاڑی علاقوں میں سیلاب کاخدشہ ظاہرکیا ہے۔

محکمہ موسمیات نے مون سون سیزن 2025 کے لیے موسمی آؤٹ لک جاری کردیا جس کے تحت ملک کے وسطی اور جنوبی حصوں میں معمول یا معمول سے کچھ زیادہ بارشوں کا امکان ہے۔

محکمہ موسمیات کے مطابق مون سون کے پہلے حصے میں شدید بارشوں کا امکان ہے جبکہ سندھ، پنجاب، آزاد کشمیر،خیبرپختونخوا میں میدانی اور پہاڑی علاقوں میں سیلاب کاخدشہ ہے، پنجاب کے شمال مشرقی علاقوں اور کشمیر میں زائد بارشیں، شمالی خیبرپختونخوا،گلگت بلتستان میں معمول کے مطابق یا معمول سے کچھ کم بارشوں کاامکان ہے، موسلادھاربارشیں بڑے دریاؤں میں سیلاب کا باعث بن سکتی ہیں جب کہ درجہ حرارت میں تغیرات کی وجہ سے تیز ہوائیں، گرد آلود طوفان اور ژالہ باری ممکن ہے۔

سندھ طاس معاہدے کی معطلی انتہائی تشویشناک اور غیر ذمے دارانہ قدم ہے،جنرل ساحر شمشاد مرزا

محکمہ موسمیات کے مطابق خیبرپختونخوااور گلگت بلتستان میں زیادہ درجہ حرارت سے برف پگھلنے کی رفتاربڑھ سکتی ہے، برف پگھلنے سے دریاؤں میں پانی کی سطح بلند ہوسکتی ہے تاہم زائد بارشوں کے باعث آبپاشی اور توانائی کے شعبوں کیلئے وافر پانی دستیاب ہوگا، بارشیں آبی ذخائر اور زیرِ زمین پانی کے وسائل کی بحالی میں بھی مددگار ثابت ہوں گی۔

محکمہ موسمیات کے مطابق شمالی پنجاب،آزادجموں و کشمیراور خیبرپختونخوا میں سیلاب کا خطرہ ہے لہٰذا صوبائی اور ضلعی سطح پر ایمرجنسی آپریشن سینٹرز کو فعال کیا جائے، مون سون کے دوران ریسکیو اور امدادی ٹیموں کی تعیناتی کو یقینی بنایا جائے، مقامی انتظامیہ کے ساتھ مل کر انخلا اور بروقت پیشگی انتباہ کے لیے رابطہ ممکن بنایا جائے جبکہ شہری شدید بارشوں کے دوران غیر ضروری سفر سے گریز کریں۔

بی سی بی صدر فاروق احمد کو عہدے سے ہٹادیا گیا

اس کے علاوہ جولائی سے ستمبر تک ملک میں اوسط درجہ حرارت معمول سے زیادہ رہنے کا امکان ہے، اس دوران کشمیر، گلگت، بلتستان اور خیبرپختونخوا کے علاقوں میں درجہ حرارت میں اضافہ متوقع ہے۔

اینٹی اسٹریٹ کرائم سیل نے کامیاب کارروائی کرتے ہوئے کالعدم تنظیم کے لیے کراچی میں بھتہ خوری میں ملوث ایک ملزم کو گرفتار کرلیا۔

پولیس کے مطابق ملزم آزاد خان خیبر پختونخوا کا مفرور ہے اور واٹر ٹینکر ڈرائیور کے بھیس میں فیکٹری مالکان کو نشانہ بناتا رہا۔ایس ایس پی فیضان علی کے مطابق گرفتار ملزم نے ایک فیکٹری مالک سے دو کروڑ روپے بھتہ طلب کیا تھا۔ بھتے کے ساتھ ملزم نے گولیاں اور دھمکی آمیز پرچیاں بھی بھیجی تھیں، جو اس کے سنگین عزائم اور شدت پسندی کی عکاسی کرتے ہیں۔

پولیس کا کہنا ہے کہ آزاد خان مختلف صنعتی علاقوں میں واٹر ٹینکر چلاتے ہوئے فیکٹریوں سے متعلق اہم معلومات حاصل کرتا تھا، جسے وہ بھتہ خوری کے لیے استعمال کرتا رہا۔ اس کے دو سہولت کار پہلے ہی قانون کی گرفت میں آ چکے ہیں۔گرفتار ملزم کے خلاف مقدمہ درج کرلیا گیا ہے اور مزید تفتیش جاری ہے تاکہ گروہ کے دیگر ارکان کو بھی قانون کے دائرے میں لایا جا سکے۔

اساتذہ کے لیے ٹیکس چھوٹ بحال، انکم ٹیکس ترمیمی بل 2025 کی منظوری

بلوچستان میں سیکیورٹی فورسز کی کارروائیاں، فتنہ الہندوستان کے 5 دہشت گرد ہلاک

کشمیر پر کوئی سمجھوتہ نہیں ہوگا، کبھی دستبردار نہیں ہونگے، فیلڈ مارشل عاصم منیر