Baaghi TV

Category: کراچی

  • عید الاضحی پر زائد کرایہ وصولی کے خلاف سندھ حکومت کی کریک ڈاؤن مہم

    عید الاضحی پر زائد کرایہ وصولی کے خلاف سندھ حکومت کی کریک ڈاؤن مہم

    عید الاضحی کے موقع پر مسافروں سے ناجائز کرایے کی وصولی روکنے کے لیے محکمہ ٹرانسپورٹ سندھ نے مہم کا آغاز کر دیا ہے۔

    باغی ٹی وی کے مطابق سینئر وزیر اور وزیر ٹرانسپورٹ سندھ شرجیل انعام میمن نے کہا ہے کہ عید کے موقع پر عوام سے زائد کرایہ لینے والے ٹرانسپورٹرز کے خلاف سخت اور فوری کارروائی کی جائے گی۔انہوں نے متعلقہ حکام کو ہدایت جاری کی کہ جو ٹرانسپورٹرز مقررہ کرایوں سے زیادہ وصول کر رہے ہیں، ان کے خلاف فوری اقدامات کیے جائیں۔شرجیل انعام میمن نے کہا کہ کسی کو یہ حق حاصل نہیں کہ وہ عوام کی مجبوری سے فائدہ اٹھائے۔

    انہوں نے کہا کہ کچھ ٹرانسپورٹرز کرایوں میں من مانا اضافہ کر کے شہریوں پر بوجھ ڈال رہے ہیں، جو ہرگز قابل قبول نہیں۔انہوں نے مزید کہا کہ زائد کرایہ وصول کرنے والوں کے خلاف جرمانے، لائسنس کی معطلی اور روٹ پرمٹ کی منسوخی جیسے سخت اقدامات کیے جائیں گے تاکہ عوام کو ریلیف فراہم کیا جا سکے۔

    عالمی اور مقامی منڈیوں میں سونے کی قیمتوں میں نمایاں کمی

    چیئرمین پی ٹی اے میجر جنرل (ر) حفیظ الرحمان اور ایمل ولی خان میں صلح

  • عالمی اور مقامی منڈیوں میں سونے کی قیمتوں میں نمایاں کمی

    عالمی اور مقامی منڈیوں میں سونے کی قیمتوں میں نمایاں کمی

    عالمی اور مقامی منڈیوں میں آج سونے کی قیمت میں کمی دیکھی گئی، جس کے نتیجے میں ملک میں فی تولہ سونا 2600 روپے اور 10 گرام سونا 2228 روپے سستا ہوگیا۔

    باغی ٹی وی کے مطابق عالمی و ملکی مارکیٹ میں سونے کی قیمتوں میں اضافے کا رجحان تھم گیا، اور ملک میں فی تولہ سونے کی قیمت میں کمی واقع ہوئی۔آل پاکستان جیمز اینڈ جیولرز ایسوسی ایشن کے مطابق آج ملک میں فی تولہ سونا 2600 روپے کم ہوکر 3 لاکھ 51 ہزار 500 روپے پر پہنچ گیا۔

    اسی طرح 10 گرام سونے کی قیمت میں بھی 2228 روپے کی کمی آئی، جس کے بعد نئی قیمت 3 لاکھ 1 ہزار 354 روپے ہوگئی۔فی تولہ چاندی کی قیمت 3 ہزار 508 روپے اور 10 گرام چاندی کی قیمت 3 ہزار 007 روپے پر بغیر کسی تبدیلی کے برقرار رہی۔ادھر عالمی صرافہ بازار میں سونے کی قیمت 26 ڈالر کم ہوکر 3 ہزار 331 ڈالر فی اونس پر آ گئی۔

    سیالکوٹ: ڈپٹی کمشنر کا انسداد پولیو مہم کا جائزہ، والدین سے تعاون کی اپیل

  • سینئر سیاستدان کمال الدین اظفر انتقال کر گئے

    سینئر سیاستدان کمال الدین اظفر انتقال کر گئے

    سابق وزیر خزانہ و گورنر سندھ کمال الدین اظفر رضائے الہیٰ سے کراچی میں انتقال کر گئے۔

    کمال الدین اظفر طویل عرصے سے ملکی سیاست اور قانون کے شعبے میں فعال کردار ادا کرتے رہے مرحوم کمال الدین اظفر نے 1970 میں پاکستان پیپلزپارٹی میں شمولیت اختیار کی اور پارٹی کےوفادار کارکن کے طور پر پہچانے گئے وہ دو بار سینیٹ کے رکن منتخب ہوئے اور سندھ کے وزیر خزانہ اور بعد ازاں گورنر سندھ کے اہم عہدوں پر فائز رہے۔

    کمال الدین اظفرکے انتقال پر سیاسی و سماجی شخصیات نے گہرے دکھ اور افسوس کا اظہار کیا ہے-

  • پاکستان اسٹاک ایکسچینج میں کاروبار کا ملا جلا رجحان

    پاکستان اسٹاک ایکسچینج میں کاروبار کا ملا جلا رجحان

    پاکستان اسٹاک ایکسچینج میں کاروبار کا ملا جلا رجحان ہے-

    کاروباری ہفتے کے پہلے روز اسٹاک مارکیٹ میں کاروبار کے آغاز پر منفی رجحان دیکھا گیا ،100 انڈیکس میں 411 پوائنٹس کی کمی ریکارڈ کی گئی تاہم تھوڑی دیر بعد انڈیکس میں 93 پوائنٹس کا اضافہ ہوا جس سے انڈیکس ایک لاکھ 19 ہزار 195 پوائنٹس کی سطح پر پہنچ گیا، گزشتہ کارو باری ہفتے کے آخری روز کاروبار کے اختتام پر ہنڈریڈ انڈیکس ایک لاکھ ، 19 ہزار 102 پوائنٹس کی سطح پر بند ہوا تھا۔

    دوسری جانب انٹر بینک میں ڈالر 7 پیسے سستا ہو گیا ، ایکسچینج کمپنیزایسوسی ایشن کے مطابق انٹر بینک میں ڈالر 281 روپے 90 پیسے پر ٹریڈ کر رہا ہے۔

  • کراچی میں پانی اور بجلی کی بندش پر شہریوں کا شدید احتجاج، اہم سڑکیں بند

    کراچی میں پانی اور بجلی کی بندش پر شہریوں کا شدید احتجاج، اہم سڑکیں بند

    کراچی کے مختلف علاقوں میں پانی اور بجلی کی طویل بندش کے خلاف شہری سڑکوں پر نکل آئے۔

    باغی ٹی وی کے مطابق سخی حسن، کالا پل اور گھارو پمپنگ اسٹیشن جیسے اہم مقامات پر مظاہروں کے باعث مرکزی شاہراہوں پر ٹریفک معطل ہو گیا۔سخی حسن پمپنگ اسٹیشن پر مکینوں نے پانی اور بجلی کی طویل بندش سے تنگ آ کر احتجاج کیا۔ مظاہرین نے مرکزی سڑک کو بند کر کے حکام کے خلاف نعرے بازی کی۔

    احتجاج کرنے والوں کا کہنا تھا کہ ان کے گھروں میں پانی نہیں آ رہا جبکہ واٹر ٹینکرز کو باقاعدگی سے پانی دیا جا رہا ہے، جو کہ کھلی ناانصافی ہے۔ادھر کالا پل پر بھی شہریوں نے بجلی اور پانی کی بندش کے خلاف سڑک بلاک کر دی، جس سے ڈیفنس اور کورنگی جانے والی اہم سڑک پر ٹریفک بری طرح متاثر ہوا۔

    گھارو پمپنگ اسٹیشن پر بجلی کی معطلی کی تصدیق کے الیکٹرک کے ترجمان نے کی ہے۔ ترجمان کے مطابق تکنیکی خرابی کی وجہ سے بجلی کی فراہمی معطل ہوئی، اور کمپنی کا عملہ فالٹ دور کرنے میں مصروف ہے۔ بجلی فالٹ کی مرمت کے فوراً بعد بحال کر دی جائے گی۔

    شہریوں نے شدید گرمی میں پانی اور بجلی کی عدم دستیابی کو ناقابل برداشت قرار دیتے ہوئے متعلقہ اداروں کو تنقید کا نشانہ بنایا اور کہا کہ مسائل کے حل میں حکام مکمل ناکام دکھائی دے رہے ہیں۔

    پی ایس ایل 10، کوئٹہ گلیڈی ایٹرز کا ٹاس جیت کر بیٹنگ کا فیصلہ

    وزیراعظم شہباز شریف 2 روزہ دورے پر ترکیہ پہنچ گئے

    خیبر پختونخوا میں فورسز کی کارروائیاں،9 بھارتی حمایت یافتہ دہشت گرد مارے گئے

  • فی تولہ سونا 3 لاکھ 54 ہزار روپے سے تجاوز کرگیا

    فی تولہ سونا 3 لاکھ 54 ہزار روپے سے تجاوز کرگیا

    عالمی اور مقامی سطح پر سونے کی قیمتوں میں تیزی سے اضافہ جاری ہے، جس کے باعث سونا تاریخ کی نئی بلند ترین سطح پر پہنچ گیا ہے۔

    مقامی صرافہ مارکیٹ کے مطابق 24 قیراط فی تولہ سونا 3100 روپے اضافے کے بعد 3 لاکھ 54 ہزار 100 روپے،10 گرام سونا 2658 روپے اضافے سے 3 لاکھ 3 ہزار 583 روپے ہوگیا جبکہبین الاقوامی مارکیٹ میں بھی سونے کی قیمت میں نمایاں اضافہ دیکھنے میں آیا ہے، جہاں فی اونس سونا: 31 ڈالر بڑھ کر 3357 ڈالر تک پہنچ گیا.

    یہ اضافہ ایسے وقت میں سامنے آیا ہے جب گزشتہ روز بھی فی تولہ سونا 3500 روپے بڑھ کر 3 لاکھ 51 ہزار روپے اور 10 گرام سونا: 3000 روپے اضافے سے 3 لاکھ 925 روپے پر پہنچ گیا تھا جبکہ عالمی مارکیٹ میں فی اونس سونا 35 ڈالر بڑھ کر 3326 ڈالر ہوگیا تھا

    تاجروں کے مطابق، موجودہ صورتحال میں سرمایہ کاروں کا رجحان سونے کی جانب بڑھ رہا ہے، جس کی وجہ عالمی سطح پر معاشی غیر یقینی صورتحال اور کرنسی کی قدر میں اتار چڑھاؤ ہے۔یہ تاریخی اضافہ زیورات خریدنے والوں کے لیے مزید مشکلات پیدا کر رہا ہے، جبکہ سونے میں سرمایہ کاری کرنے والے افراد کو فائدہ ہو رہا ہے۔

    امیر مقام نے بھائی کو نیشنل کوآرڈینیٹر بنانے کی سفارش کر دی

    میرپورخاص: پبلک سکول کی بہتری کے لیے بورڈ آف گورنرز کا اجلاس، اہم فیصلے

  • ملک بھر میں سونے کی قیمتوں میں بڑا اضافہ

    ملک بھر میں سونے کی قیمتوں میں بڑا اضافہ

    ملک بھر میں آج سونے کی قیمتوں میں نمایاں اضافہ ریکارڈ کیا گیا ہے۔

    آل پاکستان صرافہ جیمز اینڈ جیولرز ایسوسی ایشن کے مطابق 24 قیراط خالص سونے کی فی تولہ قیمت 3 ہزار 500 روپے اضافے کے ساتھ 3 لاکھ 51 ہزار روپے ہو گئی ہے۔اسی طرح 24 قیراط 10 گرام سونا 3 ہزار روپے مہنگا ہو کر 2 لاکھ 97 ہزار 925 روپے میں فروخت ہوا، جبکہ 22 قیراط 10 گرام سونے کی قیمت 2 ہزار 750 روپے اضافے کے بعد 2 لاکھ 75 ہزار 857 روپے تک جا پہنچی۔

    چاندی کی قیمتوں میں بھی اضافہ دیکھا گیا۔ فی تولہ چاندی 38 روپے بڑھ کر 3 ہزار 466 روپے کی ہو گئی، جبکہ 10 گرام چاندی 33 روپے اضافے سے 2 ہزار 971 روپے میں فروخت ہوئی۔رپورٹ کے مطابق عالمی منڈی میں سونے کی قیمت میں بھی اضافہ ہوا ہے، جہاں فی اونس سونا 35 ڈالر کے اضافے کے ساتھ 3 ہزار 326 ڈالر پر جا پہنچا۔

    یاد رہے کہ گزشتہ روز سونے کی قیمتوں میں کمی دیکھنے میں آئی تھی، جب 24 قیراط سونے کی فی تولہ قیمت 1 ہزار 900 روپے کم ہو کر 3 لاکھ 47 ہزار 500 روپے پر آ گئی تھی۔دوسری جانب ماہرین کا کہنا ہے کہ عالمی مالیاتی غیر یقینی صورتحال، مہنگائی میں اضافہ اور کرنسی کی قدر میں اتار چڑھاؤ سونے کی قیمتوں میں حالیہ اضافے کی بڑی وجوہات ہیں۔ عوام اور سرمایہ کاروں کی نظریں اب اگلے چند دنوں میں ممکنہ رجحانات پر مرکوز ہیں۔

    گوجرانوالہ: ریجنل پولیس آفیسر طیب حفیظ چیمہ کی جامع مسجد عمر فاروق میں کھلی کچہری

    کولکتہ ،مودی کے جنگی جنون کے خلاف ہزاروں افراد کا احتجاج، بی جے پی کا مظاہرین پر حملہ

  • شرجیل میمن کااگلے ماہ خواتین کیلیےای وی اسکوٹیز کی قرعہ اندازی کا اعلان

    شرجیل میمن کااگلے ماہ خواتین کیلیےای وی اسکوٹیز کی قرعہ اندازی کا اعلان

    حکومت سندھ کی جانب سے خواتین کو ای وی اسکوٹیز کی فراہمی کے لئے اگلے ماہ قرعہ اندازی کا فیصلہ کیاگیا ہے

    پہلے مرحلے میں 1000 خواتین کو ای وی اسکوٹیز کی فراہمی کے لئے تیاریاں مکمل کر لی گئی ہیں، سندھ کے سینئر صوبائی وزیر شرجیل انعام میمن کا کہنا ہے کہ ای وی ٹیکسی اور ای وی اسکوٹی نوجوانوں کے لیے روزگار، خواتین کی نقل و حرکت اور ماحولیات کے لیے انتہائی اہم ہیں،ہماری کوشش ہے کہ جون 2025 میں ای وی اسکوٹی کے ساتھ ساتھ ای وی ٹیکسی پر بھی کام شروع کیا جائے،

    سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن کی زیر صدارت آج کراچی میں ایک اعلیٰ سطحی اجلاس ہوا،اجلاس میں بڑے ٹرانسپورٹ منصوبوں کی پیش رفت کا تفصیل سے جائزہ لیا گیا ،اجلاس میں سیکریٹری ٹرانسپورٹ اسد ضامن، ایم ڈی ایس ایم ٹی اے کمال دایو، سی ای او ٹرانس کراچی فواد غفار سومرو، ڈائریکٹر یلو لائن ضمیر عباسی اور دیگر متعلقہ افسران شریک ہوئے،پروجیکٹ ڈائریکٹر یلو لائن نے اجلاس کو یلو لائن بی آر ٹی منصوبے سے متعلق بریفنگ دی، پروجیکٹ ڈائریکٹر یلو لائن نے بتایا کہ جام صادق پل، جو اس منصوبے کا اہم حصہ ہے، اپنی مقررہ مدت سے قبل جون 2025 میں مکمل کر لیا جائے گا، جب کہ اس کی اصل تکمیل کی تاریخ ستمبر 2025 تھی،ڈیپو 1 اور ڈیپو 2 کی تعمیر بھی تیزی سے جاری ہے اور ہماری کوشش ہے کہ دونوں منصوبے مقررہ وقت سے پہلے مکمل ہو جائیں،سی ای او ٹرانس کراچی فواد غفار سومرو نے ریڈ لائن بی آر ٹی کی پیش رفت پر بریفنگ دی اور بتایا کہ ڈیپوز، اسٹیشنز اور بائیو گیس پلانٹ کی تعمیر کے حوالے سے کام بھرپور انداز میں جاری ہے،

    شرجیل میمن کا کہنا تھا کہ تمام متعلقہ ادارے ڈیپو اور بائیو گیس پلانٹ کو جلد از جلد مکمل کریں، کراچی کے عوام جدید، محفوظ اور قابل اعتماد ٹرانسپورٹ کے منتظر ہیں۔ ہمیں ان منصوبوں کو نہ صرف وقت پر مکمل کرنا ہے بلکہ ان میں اعلیٰ معیار اور شفافیت بھی یقینی بنانی ہے،جام صادق پل کی قبل از وقت تکمیل ایک خوش آئند پیش رفت ہے، مگر ہمیں اس تسلسل کو برقرار رکھنا ہوگا، ہمیں فوری طور پر سندھ کے مختلف اضلاع میں کم از کم 500 نئی بسوں کی اشد ضرورت ہے تاکہ دیہی اور شہری علاقوں میں ٹرانسپورٹ کے مسائل کا خاتمہ کیا جا سکے، حکومت سندھ عوام کو باوقار اور آسان سفری سہولیات کی فراہمی کے لیے سنجیدہ اقدامات کر رہی ہے،

    اجلاس میں ای وی ٹیکسی اور ای وی اسکوٹی منصوبوں پر بھی تفصیلی غور کیا گیا ،شرجیل میمن کاکہنا تھا کہ گرین لائن بی آر ٹی منصوبے کا انتظام حکومت سندھ کے سنبھالنے کے بعد اس کی کارکردگی میں نمایاں بہتری دیکھنے میں آئی ہے،گرین لائن کی یومیہ رائڈرشپ 50,000 سے بڑھ کر 61,000 تک پہنچ گئی ہے، جو عوام کے اعتماد اور ہماری پالیسیوں کی کامیابی کا منہ بولتا ثبوت ہے، شہری اب پبلک ٹرانسپورٹ کو ترجیح دے رہے ہیں، جو کہ ہمارے لیے حوصلہ افزا ہے،سینئر وزیر شرجیل انعام میمن نے تمام اداروں کو باہمی ہم آہنگی، شفافیت اور مستقل نگرانی کے ساتھ منصوبوں کو مکمل کرنے کی ہدایت کی

  • کراچی کے لیے بجلی 5 روپے فی یونٹ سستی ہونے کا امکان

    کراچی کے لیے بجلی 5 روپے فی یونٹ سستی ہونے کا امکان

    شہر قائد کے شہریوں کے لیے بجلی کے نرخوں میں ممکنہ کمی کی صورت میں ریلیف کی نوید سامنے آئی ہے۔

    باغی ٹی وی کے مطابق کے الیکٹرک نے مارچ کی ماہانہ فیول ایڈجسٹمنٹ کے تحت بجلی کی قیمت میں 5 روپے 02 پیسے فی یونٹ کمی کی درخواست جمع کرا دی ہے۔نیشنل الیکٹرک پاور ریگولیٹری اتھارٹی (نیپرا) میں ہونے والی سماعت کے دوران کے الیکٹرک حکام نے بتایا کہ اگر درخواست منظور ہو جاتی ہے تو صارفین کو 6 ارب 79 کروڑ روپے کا ریلیف مل سکتا ہے۔

    نیپرا نے کے الیکٹرک کی درخواست پر سماعت مکمل کر لی ہے۔ حتمی فیصلہ اعداد و شمار کا تفصیلی جائزہ لینے کے بعد جاری کیا جائے گا۔یہ ممکنہ کمی مارچ 2025ء کے فیول ایڈجسٹمنٹ چارجز کے تحت تجویز کی گئی ہے، اور اس کا اطلاق ان صارفین پر ہوگا جو نیپرا کے مقرر کردہ معیار کے مطابق کے الیکٹرک سے بجلی حاصل کرتے ہیں۔

    واضح رہے کہ اگر یہ کمی منظور ہو جاتی ہے تو کراچی کے لاکھوں صارفین کو بجلی کے بلوں میں خاطر خواہ ریلیف ملے گا، جو حالیہ مہنگائی کے دور میں ایک خوش آئند خبر ہے۔

    ملک بھر میں سونے کی قیمت میں کمی، فی تولہ 1,900 روپے سستا

    عازمین حج کے لیے اردو سمیت 8 زبانوں میں صحت آگاہی کٹ متعارف

    مورو ہنگامہ آرائی، ایس ایس پی نوشہرو فیروز عہدے سے ہٹا دیے گئے

    مقبوضہ کشمیر: بھارتی فوج کی جارحیت میں مزید 2 کشمیری نوجوان شہید

  • ملک بھر میں سونے کی قیمت میں کمی، فی تولہ 1,900 روپے سستا

    ملک بھر میں سونے کی قیمت میں کمی، فی تولہ 1,900 روپے سستا

    پاکستان بھر میں سونے کی قیمت میں نمایاں کمی ریکارڈ کی گئی ہے۔ آج فی تولہ سونا 1,900 روپے کمی کے بعد 3 لاکھ 47 ہزار 500 روپے پر آ گیا ہے۔

    باغی ٹی وی کے مطابق آل پاکستان جیمز اینڈ جیولرز ایسوسی ایشن کے جاری کردہ اعداد و شمار کے مطابق:24 قیراط فی تولہ سونا 1,900 روپے کمی کے بعد 3,47,500 روپے، 24 قیراط 10 گرام سونا 💰 1,629 روپے کمی سے 2,97,925 روپے، 22 قیراط 10 گرام سونا 2,73,107 روپے قیمت مقرر ہوئی .دوسری جانب چاندی کی قیمت میں بھی کمی ہوئی جہاں فی تولہ چاندی 38 روپے کمی سے 3,428 روپے جبکہ 10 گرام چاندی 33 روپے کمی کے بعد 2,938 روپے پر آگئی.بین الاقوامی مارکیٹ میں بھی سونے کی قیمت میں کمی ریکارڈ کی گئی، جہاں سونا 19 ڈالر کمی کے بعد 3,291 ڈالر فی اونس کی سطح پر آ گیا۔

    واضح رہے کہ یہ بات قابل ذکر ہے کہ گزشتہ روز پاکستان میں فی تولہ سونے کی قیمت میں 6,600 روپے جبکہ 10 گرام کی قیمت میں 5,659 روپے کا بڑا اضافہ ہوا تھا۔ تاہم آج کی کمی نے سونے کے نرخوں میں قدرے توازن پیدا کیا ہے۔سونے کی قیمتوں میں اتار چڑھاؤ کے باعث زیورات خریداروں اور سرمایہ کاروں کو محتاط رویہ اپنانے کا مشورہ دیا جا رہا ہے، خاص طور پر ایسے وقت میں جب عالمی مالیاتی حالات بھی غیر یقینی کا شکار ہیں۔

    عازمین حج کے لیے اردو سمیت 8 زبانوں میں صحت آگاہی کٹ متعارف

    مورو ہنگامہ آرائی، ایس ایس پی نوشہرو فیروز عہدے سے ہٹا دیے گئے

    مقبوضہ کشمیر: بھارتی فوج کی جارحیت میں مزید 2 کشمیری نوجوان شہید