Category: کراچی

مورو میں گاڑیوں کو نذر آتش کیے جانے کے واقعے پر پاکستان گڈز ٹرانسپورٹرز الائنس نے شدید ردعمل دیتے ہوئے ملک بھر میں مال بردار گاڑیاں کھڑی کر کے ٹرانسپورٹ سروس معطل کر دی ہے۔

پاکستان گڈز ٹرانسپورٹرز الائنس کے چیئرمین نثار حسین جعفری کے مطابق مظاہروں کے دوران ٹرانسپورٹروں کی گاڑیوں کو نشانہ بنانا ناقابل برداشت ہے۔ کراچی میں میڈیا سے گفتگو کرتے ہوئے انہوں نے کہا کہ تمام ٹرانسپورٹرز کو ہدایت دی گئی ہے کہ اپنی گاڑیاں جس مقام پر ہیں وہیں روک دی جائیں۔ کینالز کے نام پر جاری مظاہروں نے پرتشدد رخ اختیار کر لیا ہے، جس کے نتیجے میں ہمارے ڈرائیورز، گاڑیاں اور مال غیر محفوظ ہو گیا ہے۔ انہوں نے کہا کہ اس صورت حال میں کاروبار جاری رکھنا ممکن نہیں۔

انہوں نے مزید بتایا کہ آئندہ کے لائحہ عمل کا اعلان کل (منگل کو) کیا جائے گا، اور یہ فیصلہ ٹرانسپورٹرز کے نمائندوں سے مشاورت کے بعد کیا جائے گا۔احتجاجی اقدام کے باعث ملک بھر میں اشیائے خور و نوش اور دیگر ضروری سامان کی ترسیل متاثر ہونے کا خدشہ ہے، جس سے تجارتی سرگرمیوں میں بھی خلل پڑنے کا امکان ہے۔ٹرانسپورٹرز نے حکومت سے فوری تحفظ فراہم کرنے، پرتشدد واقعات کی تحقیقات اور مالی نقصانات کے ازالے کا مطالبہ کیا ہے۔

اوگرا کی گیس نرخوں میں رد و بدل کی منظوری، حتمی فیصلہ وفاقی حکومت کرے گی

جنرل عاصم منیر کی فیلڈ مارشل کے عہدے پر ترقی، نوٹیفکیشن جاری

پاکستان ریلوے کا عیدالاضحیٰ پر 5 خصوصی ٹرینیں چلانے کا اعلان

چینی سفیر کا ایئر ہیڈکوارٹرز اسلام آباد کا دورہ، ایئر چیف سے اہم ملاقات

یورپی یونین اور برطانیہ کی روس پر نئی پابندیاں، شیڈو فلیٹ اور مالیاتی ادارے شامل

وزیراعلیٰ سندھ سید مراد علی شاہ کی زیر صدارت ہونے والے سندھ کابینہ اجلاس میں کئی اہم اور دوررس فیصلے کیے گئے۔

باغی ٹی وی کے مطابق ان فیصلوں کا مقصد ٹریفک نظام کو بہتر بنانا، عدالتی نظام کو مؤثر بنانا، خواتین اور خصوصی افراد کو بااختیار بنانا اور صوبے میں وفاقی حکومت کے تعاون سے ترقیاتی اقدامات کو فروغ دینا ہے۔

1. ٹریفک قوانین میں اصلاحات
کمرشل گاڑیوں کے لیے فٹنس سرٹیفکیٹ لازمی ہوگا۔بھاری گاڑیوں پر 0.5٪ رجسٹریشن فیس اور 1000 روپے سالانہ ٹیکس لاگو کیا گیا۔غیر فٹ گاڑیوں پر 10,000 روپے جرمانہ عائد ہوگا۔20 سال پرانی گاڑیوں پر بین الصوبائی سفر اور 25 سال پرانی گاڑیوں پر بین الاضلاعی سفر پر پابندی لگائی جائے گی۔غیر معیاری رکشوں اور لوڈر گاڑیوں پر مکمل پابندی ہوگی۔گاڑیوں کی غیر قانونی اسمبلنگ پر 10 لاکھ روپے تک جرمانہ، اور اس کے لیے 30 لاکھ سالانہ لائسنس کی شرط عائد کی گئی ہے۔

ہیوی ٹرانسپورٹ ڈرائیوروں کے لیے 30 گھنٹے کی لازمی تربیت اور عمر کی حد 22 سال مقرر کی گئی۔خلاف ورزی پر خودکار جرمانے کا سسٹم متعارف کرایا جائے گا۔ٹنٹڈ شیشے پر بار بار خلاف ورزی کی صورت میں 3 لاکھ روپے تک جرمانہ۔صوبے بھر میں خصوصی ٹریفک عدالتیں قائم کی جائیں گی۔

2. انسدادِ منشیات کے اقدامات
کراچی میں 3 اور دیگر شہروں میں 1 انسداد منشیات عدالت قائم ہوگی۔اب تک 9676 کیسز رپورٹ ہوئے جن میں سے 7769 صرف کراچی میں زیر التوا ہیں۔

3. خواتین کے لیے بااختیاری پروگرام
سندھ کابینہ نے وزیراعظم خواتین بااختیاری پیکج میں شمولیت کی منظوری دی۔ہر سال صنفی برابری کی رپورٹ سندھ اسمبلی میں پیش کی جائے گی۔ویمن ڈیولپمنٹ ڈیپارٹمنٹ کو قوانین میں ترامیم کی ہدایت دی گئی۔

4. تعلیم و ثقافت
اروڑ یونیورسٹی کو فنون، ورثہ، سائنس، انجینئرنگ، اور آرکیٹیکچر کے شعبوں میں ڈگری جاری کرنے کا اختیار دے دیا گیا جبکہ بورڈ میں ورثہ کا ماہر اور چیف اکاؤنٹنٹ (فل ٹائم) شامل کیا جائے گا۔

5. خصوصی افراد کے لیے “انکلوژو سٹی” منصوبہ
کراچیئ کے علاقے کورنگی میں 88.38 ایکڑ زمین پر ایک مکمل جدید شہر تعمیر کیا جائے گا۔یہاں بحالی، تعلیم، روزگار اور سبزہ زار جیسی سہولتیں فراہم کی جائیں گی۔منصوبے کے لیے 2024-25 کے بجٹ میں 5 ارب روپے مختص کیے گئے ہیں۔

6. نادرا بایومیٹرک معاہدہ
نادرا سے بایومیٹرک تصدیق کا معاہدہ منظور کیا گیا جس کے تحت ہر تصدیق پر 10 روپے + ٹیکس فیس مقرر کی گئی۔

7. وفاقی حکومت کے تعاون سے بین الصوبائی ترقیاتی منصوبے
وفاق نے سندھ حکومت کو 9 ارب روپے فراہم کیے جس کے تحت پنجاب (رحیم یار خان، راولپنڈی) میں SIUT اسپتال کی تعمیر کی جائے گی جبکہ بلوچستان (صحبت پور، جعفرآباد، ڈیرہ مراد جمالی) اور خیبرپختونخوا (ڈیرہ اسماعیل خان) میں سیلاب متاثرین کے گھروں کی تعمیر ہوگی.SIUT اسپتالز کے لیے ہر سال 50 کروڑ روپے آپریٹنگ اخراجات رکھے گئے ہیں۔تمام منصوبوں کے لیے تھرڈ پارٹی آڈٹ اور سہ ماہی رپورٹس لازم قرار دی گئی ہیں۔

وزیراعلیٰ مراد علی شاہ نے کہا کہ وفاق نے سندھ حکومت کے اقدامات کو ماڈل قرار دیا ہے۔ سیلاب متاثرین کی بحالی اور SIUT جیسے ادارے قومی یکجہتی اور عوامی خدمت کی اعلیٰ مثال ہیں۔ سندھ حکومت کا ترقیاتی کردار اب دیگر صوبوں تک پھیل رہا ہے۔”

پاکستان کا امارات کے بینکوں سے ایک ارب ڈالر قرض لینے کا فیصلہ

فیلڈ مارشل سید عاصم منیر، کیریئر پر ایک جامع رپورٹ

افغانستان اور بھارت ٹرانزٹ ٹریڈ دوبارہ فعال، واہگہ بارڈر سے درجنوں ٹرک بھارت روانہ

مورو واقعہ: سندھ بھر میں کشیدگی، قومی شاہراہ بند، مظاہرے اور پرتشدد واقعات

مورو میں پیش آنے والے واقعے کے خلاف قوم پرست جماعتوں نے سندھ بھر میں احتجاج کا سلسلہ شروع کر دیا ہے۔

باغی ٹی وی کے مطابق قومی شاہراہ دولت پور بائی پاس اور کنڈیارو میں دھرنوں کے باعث سندھ اور پنجاب کو ملانے والی مرکزی شاہراہ مکمل طور پر بند کر دی گئی ہے، جس کے باعث ٹریفک کی آمد و رفت معطل ہو گئی ہے اور مسافر شدید مشکلات کا شکار ہیں۔مظاہروں کے دوران کنڈیارو اور مورو میں وقفے وقفے سے ہوائی فائرنگ جاری رہی، جس سے شہریوں میں شدید خوف و ہراس پھیل گیا۔ مظاہرین کی جانب سے پولیس کے خلاف سخت نعرے بازی کی گئی۔

کنڈیارو میں کالعدم قوم پرست جماعتوں کے کارکنان نے سڑکیں بلاک کر دیں اور مسافر بسوں سمیت بڑی گاڑیوں کو روک دیا، جس کے باعث گاڑیوں کی لمبی قطاریں لگ گئیں۔مظاہرین کا دعویٰ ہے کہ پولیس نے پرامن دھرنے پر فائرنگ کی، جس کے نتیجے میں ان کا ایک کارکن زاہد لغاری شہید ہو گیا، جب کہ متعدد زخمی ہو گئے جنہیں نوابشاہ کے پیپلز میڈیکل اسپتال منتقل کیا گیا۔ اسپتال کے ایم ایس ڈاکٹر یار علی جمالی کے مطابق، زاہد لغاری زخموں کی تاب نہ لاتے ہوئے دم توڑ گیا، جب کہ دو دیگر زخمیوں کی حالت تشویشناک ہے اور ایک وینٹی لیٹر پر ہے۔ زخمیوں میں دو پولیس اہلکار بھی شامل ہیں۔

صوبائی وزیر داخلہ سندھ ضیاء الحسن لنجار نے مورو واقعے کا نوٹس لیتے ہوئے ایس ایس پی نوشہرو فیروز سے تفصیلات طلب کر لی ہیں۔ ان کا کہنا ہے کہ قانون کو ہاتھ میں لینے والوں کے خلاف سخت کارروائی کی جائے گی اور شہریوں کی املاک کو نقصان پہنچانے والے عناصر کو قانون کے کٹہرے میں لایا جائے گا۔

صورتحال اس وقت مزید کشیدہ ہو گئی جب مشتعل مظاہرین نے صوبائی وزیر داخلہ ضیاء الحسن لنجار کے مورو میں واقع گھر کو آگ لگا دی۔ اس واقعے کے بعد فائرنگ کا سلسلہ دوبارہ شروع ہو گیا۔ اطلاعات کے مطابق پیپلز پارٹی کے کارکن بھی اسلحہ لے کر لنجار ہاؤس کے قریب پہنچ گئے ہیں، جس سے کشیدگی میں مزید اضافہ ہو گیا ہے۔

پولیس کی بھاری نفری مورو پہنچ چکی ہے اور متعدد مظاہرین کو گرفتار بھی کیا جا چکا ہے۔ ضیاء الحسن لنجار کا کہنا ہے کہ امن و امان کی صورتحال پر قابو پا کر شرپسند عناصر کے خلاف سخت کارروائی کی جائے گی۔

اوچ شریف: ڈکیتی پر مزاحمت، فائرنگ سے شہری شدید زخمی

سیالکوٹ: پی پی 52 میں پی ٹی آئی امیدوار کی کامیابی یقینی ہے، ریحانہ امتیاز ڈار

عاصم منیر کی فیلڈ مارشل کے عہدے پر ترقی، مبارکبادوں کا سلسلہ جاری

ایئر چیف کی مدتِ ملازمت میں توسیع، شہداء و غازیوں کو اعزازات دینے کا فیصلہ

سندھ کے سینئر وزیر شرجیل انعام میمن نے کہا ہے کہ سیلاب متاثرہ لاکھوں خاندانوں کے لیے 21 لاکھ گھروں کی تعمیر کا ہدف ایک خواب تھا، جسے سندھ حکومت نے عزم، مسلسل محنت اور عوامی خدمت کے جذبے سے حقیقت کا روپ دیا-

سندھ کے سینئر وزیر شرجیل انعام میمن نے کہا کہ سیلاب متاثرین کے لئے گھروں کی تعمیر کا کام ملکی تاریخ میں سنہری حروف سے لکھا جائے گا، یہ سب کچھ چیئرمین بلاول بھٹو زرداری کے ویژن اور قیادت کا ثمر ہے، چیئرمین بلاول بھٹو واضح طور پر کہا تھا کہ سیلاب متاثرین کو صرف امداد نہیں، بلکہ باعزت زندگی گزارنے کے لیے مکمل گھر دیے جائیں گے۔

انہوں نے کہا کہ چیئرمین بلاول بھٹو کی ہدایات پر حکومت سندھ نے دن رات ایک کر کے متاثرہ علاقوں میں شفاف، پائیدار اور ماحول دوست گھروں کی تعمیر ممکن بنائی، یہ گھر صرف اینٹ اور سیمنٹ کا مجموعہ نہیں، بلکہ ہر خاندان کے لیے نئی زندگی کی امید ہیں، گھروں میں صاف پانی، بیت الخلا، بجلی اور دیگر بنیادی سہولیات کو بھی شامل کیا جا رہا ہے تاکہ لوگ محفوظ اور باوقار زندگی گزار سکیں، سندھ کے دیہی اور پسماندہ علاقوں میں خواتین، بچوں، بزرگوں اور معذور افراد کی ضروریات کو خاص طور پر مدنظر رکھا گیا ہے۔