Category: کراچی

کراچی: حکومت سندھ کے ترجمانوں کا ایک اہم اجلاس سینئر وزیر اطلاعات و نشریات شرجیل انعام میمن کی زیر صدارت منعقد ہوا جس میں صوبے کے مختلف ترجمانوں اور اہم شخصیات نے شرکت کی۔

اجلاس میں پیپلز پارٹی کے رہنماؤں بشمول ہیر سوہو، نادر نبیل گبول، سمعتا افضال سید، سعدیہ جاوید، بلند خان جونیجو، سکھدیو آسارداس ہمنانی، مخدوم فخر زمان، عبدالواحد ہالیپوٹو اور تحسین عابدی نے بھی شرکت کی۔ اس موقع پر سیکریٹری اطلاعات ندیم الرحمان میمن، ڈائریکٹر اطلاعات محمد یوسف کابورو اور سارنگ لطیف چانڈیو بھی موجود تھے۔اجلاس میں سندھ حکومت کے مختلف اہم منصوبوں کی تشہیر پر تفصیل سے گفتگو کی گئی۔ ان منصوبوں میں پیپلز ہاؤسنگ اسکیم، این آئی وی وی ڈی، ایس آئی یو ٹی، پیپلز بس سروس، پنک بس سروس، شاہراہ بھٹو، آٹزم سینٹرز اور دیگر حکومت سندھ کے فلاحی منصوبے شامل ہیں۔

اجلاس کے دوران سینئر وزیر شرجیل انعام میمن نے کہا کہ سندھ پاکستان کا واحد صوبہ ہے جہاں عوام کی صحت اور بنیادی سہولیات پر سب سے زیادہ کام کیا جا رہا ہے۔ انہوں نے مزید کہا کہ حکومت سندھ کی جانب سے اس وقت 21 لاکھ لوگوں کو گھر بنا کر دیئے جا رہے ہیں، جو ایک بڑا فلاحی اقدام ہے۔شرجیل انعام میمن نے یہ بھی بتایا کہ بجلی کا بل ادا کرنے کی سکت نہ رکھنے والوں کو حکومت سندھ کی جانب سے سولر سسٹم فراہم کیے جا رہے ہیں تاکہ عوام کو توانائی کے بحران سے بچایا جا سکے۔سینئر وزیر نے اس بات پر زور دیا کہ حکومت سندھ چاہتی ہے کہ ہر محکمہ کی کارکردگی اور فلاحی منصوبوں کی تفصیل عوام کے سامنے لائی جائے تاکہ عوام کو حکومت کی طرف سے فراہم کی جانے والی خدمات اور سہولتوں کا بہتر انداز میں علم ہو۔انہوں نے تمام ترجمانوں کو ہدایت دی کہ وہ اپنے متعلقہ محکموں کے منصوبوں کی بھرپور تشہیر کریں تاکہ عوام کو ان کی اہمیت اور فوائد کا پتا چل سکے۔

اجلاس کے اختتام پر شرجیل انعام میمن نے تمام شرکاء کا شکریہ ادا کیا اور کہا کہ حکومت سندھ اپنی عوام کی فلاح کے لیے ہمیشہ کام کر رہی ہے اور ترجمانوں کی مدد سے ان منصوبوں کی کامیابی کے امکانات مزید بڑھ سکتے ہیں۔

کراچی کی انسداد دہشت گردی عدالت نے مصطفی عامر قتل کیس میں گرفتار ملزم ارمغان کے جسمانی ریمانڈ میں 6 دن کی توسیع کردی جبکہ ملزم شیراز کو جوڈیشل ریمانڈ پر جیل بھیج دیا۔

کراچی کے علاقے ڈیفنس میں اغوا کے بعد قتل ہونے والے مصطفیٰ عامر کیس میں گرفتار ملزمان ارمغان اور شیراز کے جسمانی ریمانڈ کی مدت ختم ہونے کے بعد دونوں کو انسداد دہشت گردی میں پیش کیا گیا،ملزم ارمغان نے کہا کہ 15 دن سے یہی کپڑے پہنے ہوئے ہیں۔عدالت نے استفسار کیا کہ میڈیکل کروایا ہے۔میڈیکل آئی اونے کہا کہ جی کروایا ہے۔وکیل ملزمان نے کہا کہ پہلے دن تشدد کیا تھا،15 دن ہوچکے تفتیش مکمل ہو گئی ہے،اب ان کے پاس ریمارنڈ کا کوئی جواز نہیں۔ملزم ارمغان نے کہا کہ مجھ سے زبردستی انگوٹھا لگوایا ہے۔

سرکاری وکیل نے کہا کہ ملزم نے آلہ قتل سے دیگر کو بھی زخمی کیا ریکور کروانا ہے،آلہ قتل بر آمد کرواکر کراچی سے باہر گیا اس کے شواہد لینا ہے،جدید اسلحہ برآمد ہوا ہے۔ پورے ملک میں لنک پھیل گیا ہے۔جو چیزیں رہ گئی وہ مکمل کرنا چاہیے ہیں۔عدالت نے ریمارکس دیئے کہ کتنی ایف آئی آر ہیں۔سرکاری وکیل نے کہا کہ ہمارے پاس 4 ہیں دیگر اداروں کی بھی ہیں۔وکیل ملزم نے کہا کہ ملزم کے خلاف کوئی اور ایف آئی تو نہیں ہیں ۔17 دن سے ان کے پاس ہے۔ جیل بھیج دیا جائے اور میڈیکل کروایا جائے۔15 دن میں چالان پیش کرنا چاہیے 17 دن تو ان کے پاس ہوگئے۔عدالت نے استفسار کیا کہ چالان کب دیں گے؟،سرکاری وکیل نے کہا کہ سر تفتیش مکمل تو ہوجائے 13 دن سے ہمارے پاس ہے۔وکیل ملزم نے کہا کہ ہمیں میڈیکل کرانے دیا جائے یہ تو آئی او نے کیا ہے۔

تفتیشی افسر کی جانب سے ملزم کے جسمانی ریمانڈ میں 6 روز کی توسیع کی استدعا کی گئی۔بعد ازاں عدالت نے ملزم کو 6 روزہ جسمانی ریمانڈ پر پولیس کو تحویل میں دے دیا۔عدالت نے ملزم شیراز کو عدالتی ریمانڈ پر جیل بھیج دیا

دوسری جانب عدالت نے استفسار کیا کہ شیراز آپ کا وکیل کون ہے؟ملزم شیراز کے وکیل نے کہا کہ گواہ کو ملزم بنادیا ہے۔شیراز کو ڈرا دھمکایا جارہا ہے۔ عدالت نے آئی او سے استفسار کیا کہ یہ کیس کس کے دائرہ اختیار میں ہے؟۔جس پر آئی او نے بتایا کہ اسپیشل کیس ہے کورٹ آرڈر کے تحت آپ کے پاس ہے۔تفتیشی افسر نے کہا کہ ملزم شیراز کو اعترافی بیان کے جوڈیشل مجسٹریٹ کے سامنے پیش کیا تھا۔عدالت نے ریمارکس دیئے کہ اعترافی بیان کے بعد ملزم کو جیل بھیجنا چاہیے تھا اعتراف کرنے یا نا کرے ۔سرکاری وکیل نے کہا کہ ملزم شیراز کے بیان کی کیا اہمیت ہے ہمیں ابھی تک سمجھ نہیں آیا ہے۔ بعدازاں عدالت نے ملزم شیراز کو عدالتی تحویل میں جیل بھیج دیا جبکہ ملزم ارمغان کے جسمانی ریمانڈ میں 6 دن کی توسیع کردی۔

مصطفیٰ عامر قتل کیس،نیو ایئر نائٹ پارٹی کا عینی شاہد سامنے آ گیا

صطفیٰ عامر کے قتل کیس میں ایک نیا موڑ آ گیا ہے، جب نیو ایئر نائٹ پارٹی کا ایک عینی شاہد سامنے آیا۔ عینی شاہد نے (نام ظاہر نہ کرنے کی شرط پر) انکشاف کیا کہ وہ ارمغان کو 2016 سے جانتا ہے اور وہ دونوں اچھے دوست تھے۔ عینی شاہد کے مطابق ارمغان اکثر اپنے پیسوں سے دوستوں کو نشہ فراہم کرتا تھا۔عینی شاہد کا کہنا تھا کہ نیو ایئر پارٹی کے دوران مصطفیٰ عامر کو بہت بلایا گیا، لیکن وہ پارٹی میں نہیں آیا۔ مصطفیٰ نے خود نیو ایئر کی پارٹی ہاکس بے پر کی تھی۔ عینی شاہد نے مزید بتایا کہ نیو ایئر پارٹی میں شیراز بھی موجود تھا، جس پر مصطفیٰ نے یہ بات کہی تھی کہ ارمغان اسے گھر بلاتا ہے، لیکن وہ وہاں نہیں جائے گا۔عینی شاہد کے مطابق مصطفیٰ اور ارمغان کے درمیان لڑائی 2.5 لاکھ روپے کی وجہ سے ہوئی تھی۔ مصطفیٰ نے ارمغان سے وہ چیزیں واپس لینی تھیں جو ارمغان استعمال کرتا تھا، لیکن ارمغان نے پیسے دینے سے انکار کر دیا تھا، جس پر مصطفیٰ نے پیسے ایک بہانے سے لے لیے تھے۔عینی شاہد نے مزید کہا کہ اسے یہ معلوم نہیں کہ مصطفیٰ ارمغان کے گھر کیوں گیا، مگر یہ بات یقینی ہے کہ دونوں "جنگل بوائے” نامی ویڈ استعمال کرتے تھے، اور مصطفیٰ نے کہا تھا کہ وہ یہ ویڈ کہاں سے منگواتا ہے، اسے اس کا علم نہیں تھا۔

عینی شاہد کے مطابق ویڈ کی پیکنگ پر اگر اسکریچ کیا جائے تو پن لوکیشن معلوم کی جا سکتی ہے، جس سے یہ پتہ چلتا تھا کہ وہ پیکٹ کہاں کھولا گیا تھا۔ عینی شاہد نے یہ بھی بتایا کہ مصطفیٰ، جو ارمغان کو مال بیچتا تھا، خود بھی وہیں بیٹھ کر ویڈ استعمال کرتا تھا۔

دوسری جانب ملزم شیراز نے مصطفیٰ عامر کے قتل کیس میں مزید بیان دیتے ہوئے کہا کہ وہ مصطفیٰ کا واحد گواہ تھا اور اب اسے قتل کے کیس میں ملوث ہونے کی دھمکیاں دی جا رہی ہیں۔ شیراز نے اعتراف کیا کہ اس پر اعترافی بیان دینے کے لیے دباؤ ڈالا جا رہا ہے۔ اس کے مطابق، مصطفیٰ کی قتل کے پیچھے جو بھی عوامل تھے، اس پر ایک گہری سازش کا حصہ بننے کا الزام عائد کیا جا رہا ہے۔