Category: کراچی

کروڑوں روپے کی منی لانڈرنگ اور جعلی اکائونٹ کے ذریعے رقم منتقلی مقدمے میں ایف آئی اے نے فریال تالپور سمیت 14 ملزمان کو بے گناہ قرار دے دیا۔

باغی ٹی وی کے مطابق بے گناہ قرار دئیے جانے والوں میں اشرف جتوئی، شہزاد جتوئی، بلال شیخ مرحوم، اسلم مسعود، نورین سلطان، کرن آمنہ، محمد مغیری، سید حسین، حسن شاہ، نصیر عبداللہ، محمد اقبال نور اور دیگر شامل ہیں۔ایف آئی اے کے مطابق ملزمان کے خلاف کوئی ٹھوس ثبوت نہیں ملے۔مقدمے میں صدر مملکت آصف زرداری، حسین لوائی اور انور مجید سمیت بیس ملزمان کے نام بھی شامل ہیں، اس حوالے سے ایف آئی اے کا چالان منظور ہوگیا ہے جس میں سے عدالت نے بے گناہ قرار پانے والوں کے نام نکال دیئے ہیں۔

واضح رہے کہ صدر آصف علی زرداری، فریال تالپور اور دیگر کے خلاف مبینہ طور پر جعلی بینک اکاؤنٹس کھولنے اور انہیں اربوں روپے کی غیر قانونی ٹرانزیکشنز کے لیے استعمال کرنے سے متعلق مقدمات درج کیے گئے تھے۔2018 میں سپریم کورٹ کی جانب سے تشکیل دی گئی مشترکہ تحقیقاتی ٹیم (جے آئی ٹی) نے کم از کم 29 بینک اکاؤنٹس کو جعلی قرار دیا تھا، اور اپنی رپورٹ میں دعویٰ کیا تھا کہ ان اکاؤنٹس کو 42 ارب روپے کی منی لانڈرنگ کے لیے استعمال کیا گیا تھا۔

سپریم کورٹ نے جنوری 2019 میں جے آئی ٹی رپورٹ اور قومی احتساب بیورو (نیب) کی جانب سے جمع کیے گئے شواہد کو مزید تحقیقات کے لیے بھیج دیا تھا، تاہم بعد ازاں یہ مقدمات مزید کارروائی کے لیے کراچی کی بینکنگ کورٹ منتقل کر دیے گئے۔ایف آئی اے کے تفتیشی افسر اور ریاستی پراسیکیوٹر کو سننے کے بعد خصوصی عدالت کے جج جاوید احمد کیور نے حتمی چارج شیٹ منظور کرلی، جس میں فریال تالپور سمیت 14 افراد کو عدم ثبوت کی بنا پر کالم ٹو میں رکھا گیا اور ان کی رہائی کا حکم دیا گیا ہے۔

بھارتی یوم جمہوریہ کیخلاف کشمیریوں کا یوم سیاہ اور احتجاج

واٹس ایپ نےآئی او ایس ڈیوائسز میں نیا فیچر متعارف کرادیا

عام انتخابات، پی ٹی آئی خواتین میں مقبول جماعت رہی

کراچی کے تاجر رہنماؤں نے وزیراعلیٰ پنجاب مریم نواز کی کارکردگی سے متاثر ہو کر دلچسپ مطالبہ پیش کر دیا۔

باغی ٹی وی : یہ مطالبہ وفاقی وزیر احسن اقبال کے ساتھ ایک میٹنگ میں کیا گیا، جہاں کراچی کے تاجروں نے مریم نواز کو وزیراعلیٰ سندھ بنانے کی حمایت کی،سوشل میڈیا پر وائرل ویڈیو میں تاجروں نے احسن اقبال سے کہا کہ کچھ عرصے کے لیے مریم نواز ہمیں دے دیں اور مراد علی شاہ آپ رکھ لیں، مریم نواز کی کارکردگی نے ہمیں بے حد متاثر کیا ہے،تاجروں کے اس دلچسپ مطالبے پر وفاقی وزیر احسن اقبال بے ساختہ مسکرا دیئے۔

دوسری جانب اجلاس میں وزیر اعلیٰ پنجاب مریم نواز نے اپنی چھت اپنا گھر پروگرام کی کامیابی کا ذکر کرتے ہوئے کہا کہ پروگرام کے تحت 9 ہزار سے زیادہ افراد کو ساڑھے 8 ارب روپے کے بلاسود قرضے جاری کیے گئے ہیں اور اپنی چھت اپنا گھر کے پورٹل پر 4 لاکھ سے زائد ریکارڈ درخواستیں موصول ہوئیں۔

سیف علی خان کیس : ممبئی پولیس کی تحقیقات ایک نئے موڑ میں داخل

بریفنگ میں بتایا گیا کہ اپنی چھت، اپنا گھر پروگرام کے فیز ون میں 5 ہزار افراد کو قرضے جاری کیے گئے۔ اور فیز 2 میں ملنے والے 3 ہزار قرض سے بھی گھروں کی تعمیر کا آغاز ہو سکتا ہے،مریم نواز نے اپنی چھت اپنا گھر پراجیکٹ کے اہداف حاصل کرنے کی ضرورت پر زور دیتے ہوئے کہا کہ ریاست ماں کے جیسی ہے اور ماں کو بے گھر بچوں کا زیادہ احساس ہوتا ہے۔

مسلم لیگ ق کے مرکزی سیکرٹری اطلاعات کو حکومت میں اہم ذمہ داریاں مل گئیں

انہوں نے کہا کہ اپنی چھت اپنا گھر پاکستان کا سب سے بہترین ہاؤسنگ پراجیکٹ ثابت ہو گا۔ دل چاہتا ہے کہ پنجاب میں کوئی بھی بے گھر نہ رہے اور میں چاہتی ہوں سب کے پاس اپنی چھت کا سکھ ہو، اپنی چھت اپنا گھر میں سفارش نہیں میرٹ پر قرض ملے گا-

کورونا وبا کے پھیلاؤ سے متعلق امریکی سینٹرل انٹیلی جنس نے موقف بدل لیا

کراچی:آئی پی پیز کے معاملے پر جماعت اسلامی کے امیر حافظ نعیم الرحمان نے 29جنوری کو ملک گیر احتجاج کا اعلان کردیا۔

باغی ٹی وی : کراچی میں نیوز کانفرنس کرتے ہوئے امیر جماعت اسلامی پاکستان حافظ نعیم الرحمان نے کہا کہ 31 جنوری کو پورے پاکستان میں بیک وقت احتجاجی مظاہرہ کریں گے,اگر فائدہ ہوا ہے تو عوام کو ریلیف کیوں نہیں مل سکا حکومت کہتی ہے 17 آئی پی پیز سے بات ہوگئی ہے، آئی پی پیز پر جماعت اسلامی نے عوام کی ترجمانی کی، اراکینِ اسمبلی کی تنخواہوں میں اضافہ مسترد کرتے ہیں، پارلیمنٹیرینز کی تنخواہوں میں 140 فیصد اضافہ کردیا گیا-

بہاولپور:شیر باغ میں 7 سالہ بیمار بنگال ٹائیگر دم توڑ گیا

امیر جماعت اسلامی پاکستان حافظ نعیم الرحمان نے کہا کہ ملک میں فیک نیوز نہیں ہونی چاہیےاور ہم آزادی صحافت پر حملہ نہیں ہونے دینا چاہتے پیکا ایکٹ پر حکومت کی جانب سے کوئی مشاورت نہیں کی گئی جبکہ حکومت کو متنازعہ پیکا ایکٹ پر مشاورت کرنی چاہیے تھی پیکا ایکٹ میں ترمیم کو مسترد کرتے ہیں۔

انہوں نے کہا کہ جماعت اسلامی فلسطینیوں کے لئے کام کررہی ہے، غزہ کی بحالی پر پاکستان کو بطور ریاست کردار ادا کرنا ہوگا دباؤ سے نکلنے کے لئے لازمی ہے کہ تیزی سے مہم چلائی جائی، پاکستان کو موجودہ حالات میں جلد کردار ادا کرنا چاہیے، اب عرب ممالک سمیت دیگر پر دباؤ آئے گا کہ اسرائیل کو تسلیم کریں۔

مسلم لیگ ق کے مرکزی سیکرٹری اطلاعات کو حکومت میں اہم ذمہ داریاں مل گئیں

حافظ نعیم الرحمان نے کہا کہ اسرائیل غزہ میں شکست کھا چکا ہے اور پورا غزہ ملبے کا ڈھیر بن چکا ہے لیکن فلسطینی جھکے نہیں فلسطینوں کی حمایت کے لیے حکمراں اپنا بھر پور کردار ادا کریں، پوری دنیا کے مسلمان حماس کی پشت پر کھڑے ہیں ۔ اور حماس نے مزاحمت کر کے دنیا کو ایک سبق دیا، امریکہ کے آگے جھکنے والے رسوا ہوتے ہیں امریکی عوام بھی حماس کے حق میں ہیں اور اس معاملے میں امریکہ اپنے شہریوں کو بھی مطمئن نہیں کر سکا۔

خضدار: مسافر بس پرنامعلوم دہشتگردوں کا بم حملہ،ایک شخص جاں بحق اور متعدد مسافر زخمی

جامشورو: چیئرمین پیپلز پارٹی بلاول بھٹو زرداری کا کہنا ہے کہ موسمیاتی تبدیلی، ڈیٹا پروٹیکشن اور معاشی عدم مساوات اس دور کے چیلنج ہیں۔

باغی ٹی وی : مہران انجینئرنگ یونیورسٹی جامشورو میں کانووکیشن میں وزیراعلی سندھ مراد علی شاہ اور وزیر اطلاعات سندھ شرجیل انعام میمن بھی بلاول بھٹو زرداری کے ہمراہ تھے،کانووکیشن کی تقریب میں صوبائی وزرا اور اراکین صوبائی و قومی اسمبلی نے بھی شرکت کی، کانووکیشن میں 19 پی ایچ ڈی، 58 ماسٹرز اور سافٹ ویئر انجینئرنگ شعبے 80 طالب علموں کو ڈگری سے نوازا گیا۔

چیئرمین پیپلز پارٹی نے تقریب سے خطاب کرتے ہوئے کہا کہ ملک کے نوجوان تعلیمی میدان میں آگے بڑھ رہے ہیں، نوجوانوں کے راستوں سےرکاوٹیں ہٹانا ہوں گی نوجوان آگےبڑھ کر ملک کی تقدیر بدل سکتے ہیں فارغ التحصیل طلبہ کو مبارکباد پیش کرتا ہوں، کامیاب ہونے والے طلبہ کے لیے آج خوشی کا دن ہے، سندھ خوبصورت ثقافت کی حامل دھرتی ہے-

لاس اینجلس کے جنگلات میں لگی آگ بجھنے کی امید

طلباسے خطاب کرتے ہوئے کہنا تھا ہم ایسے عہد میں زندگی گزار رہے ہیں جس کا چہرہ ٹیکنالوجی بنا رہی ہے موسمیاتی تبدیلی، ڈیٹا پروٹیکشن اور معاشی عدم مساوات اس دور کے چیلنج ہیں ڈیجیٹل ڈس انفارمیشن، فیک نیوز اور سائبر کرائمز بھی اس عہد کے بڑے چیلنج ہیں۔

چیئرمین پیپلز پارٹی نے کہا کہ ترقی کے لیے جدید ٹیکنالوجی کو اپنانا ہوگا، نوجوانوں کے راستے سے رکاوٹیں ہٹائیں، مدد کریں اور ہاتھ تھامیں، وادی سندھ کی تہذیب ہزاروں سال پہلے بھی بہت ترقی یافتہ تھی، موئن جو دڑو میں جدید ترین شہری انفرا اسٹرکچر موجود تھا۔

سابق ٹی وی میزبان اور تجزیہ کار نے امریکی وزیر دفاع کا عہدہ سنبھال لیا

انہوں نے کہا کہ انفرااسٹرکچر کی ترقی میں انجینئرز کا اہم کردار ہے، دنیا میں ٹیکنالوجی تیزی سے ترقی کررہی ہے، ہمیں بھی ترقی کے لیے جدید ٹیکنالوجی کو اپنانا ہوگا لیکن افسوس ہمیں جدید ٹیکنالوجی کے دور میں فیک نیوز کے چیلنج کاسامناہے، جدید ٹیکنالوجی کو صرف انسانیت کی خدمت کیلئے استعمال کیاجاناچاہیے۔

پاکستان میں سائبر حملوں کے خدشے، نئی ایڈوائزری جاری