Category: کراچی

کراچی میں 11 مقامات پر مذہبی جماعت کے دھرنے جاری رہے جس کے باعث ٹریفک معطل رہی۔

باغی ٹی وی کے مطابق ایم اے جناح روڈ، نمائش چورنگی، شارع فیصل، ناتھاخان پر دھرنے دیئے گئے ہیں، شارع فیصل ناتھاخان پل اورملیر15پراحتجاج کے باعث ٹریفک کا نظام درہم برہم ہوگیا، نارتھ کراچی پاورہاؤس چورنگی، سرجانی کے ڈی اے فلیٹس کے قریب احتجاج کیا گیا۔رضویہ گولیماراورنارتھ ناظم آباد فائیو سٹار چورنگی پراحتجاج کے باعث ٹریفک جام رہی، ابوالحسن اصفہانی روڈ عباس ٹاؤن اور شارع پاکستان انچولی، عائشہ منزل پر احتجاج کیا گیا جس کے باعث سڑک بند رہی، یونیورسٹی روڈپرسفاری پارک کے قریب بھی احتجاج کیا گیا جس سے گاڑیوں کی قطاریں لگ گئیں۔گلستان جوہر کامران چورنگی پر بھی دھرنے کے باعث ٹریفک جام رہی، کورنگی نمبر ڈھائی پر احتجاج کے باعث ٹریفک جام ہونے پر شہری پریشان رہے، سڑکیں بند ہونے سے ٹریفک کی روانی شدید متاثر ہوئی، شہریوں کو مشکلات کا سامنا کرنا پڑاٹریفک پولیس کے مطابق پولیس کی بھاری نفری سڑکوں پرموجود رہی، ٹریفک کور متبادل راستوں گزارا گیا۔

کراچی: پاکستان پیپلز پارٹی کے چیئرمین بلاول بھٹو زرداری نے کراچی پریس کلب کے نومنتخب عہدیداروں کو ان کی کامیابی پر تہنیتی پیغام جاری کیا ہے-

باغی ٹی وی : میڈیا سیل بلاول ہاؤس سے جاری بیان کے مطابق پی پی پی چیئرمین نے اپنے تہنیتی پیغام میں نومنتخب صدر فاضل جمیلی، جنرل سیکریٹری محمد سہیل افضل، جوائنٹ سیکریٹری محمد منصف، خزانچی عمران ایوب سمیت گورننگ باڈی کے تمام کامیاب ارکان کیلئے اپنی نیک تمناوَں کا اظہار کیا ہے اور کراچی پریس کلب کے سالانہ انتخابات میں ڈیموکریٹس پینل کی شاندار کامیابی پر پینل کے ذمہ دارن کو بھی مبارکباد دی-

بلاول بھٹو زرداری نے کراچی پریس کلب کی شاندار جمہوری روایات کو سراہتے ہوئے کہا کہ یہ ہم سب کے لیے باعث فخر ہیں کرا چی پریس کلب ملک میں آزادی اظہار اور خودمختار صحافت کا ایک مضبوط قلعہ رہا ہے انہوں نے اس امید کا اظہار کیا کہ کراچی پریس کلب کی نئی قیادت صحافتی برادری کو درپیش چیلنجز کا جرات اور عزم کےساتھ سامنا کرتے ہوئے آزادی صحافت کے تحفظ کی میراث کو آگے بڑھائے گی۔

وزیراعظم شہباز شریف کا جنوبی کوریا میں طیارہ حادثے پر اظہارِ افسوس

انہوں نے اعادہ کیا کہ پاکستان پیپلز پارٹی غیر متزلزل عزم کے ساتھ صحافی برادری کے جائز حقوق و موقف کی حمایت کرتی رہے گی، ملک میں آزاد اور ذمہ دار صحافت کا فروغ قومی ترقی اور خوشحالی کے لیے ضروری ہے۔

اسرائیلی وزیراعظم کی طبیعت ناساز ، اسپتال منتقل

کراچی:ترکیہ میں رینکنگ فائٹ میں پاکستانی باکسر شہیر آفریدی نے اپنے حریف باکسر کو شکست دے کر فتح اپنے نام کر لی-

باغی ٹی وی :بین الاقوامی سطح پر پروفیشنل باکسنگ میں پاکستان کا نام بلند کرنے والے ایشین چیمپئن سندھ پولیس کے جوان شہیر آفریدی نے ایک اور کامیابی حاصل کر لی، ترکیہ کے دارالحکومت انقرہ میں ہونیوالی رینکنگ فائٹ میں شہیر آفریدی نے تنزانیہ سے تعلق رکھنے والے باکسر کو شکست دے کر فتح اپنے نام کی۔

شہیر آفریدی میں 8 راؤنڈز پر مشتمل فائٹ کے چوتھے ہی راؤنڈ میں اپنے حریف عجمی امانی کو ٹیکنیکل ناک آؤٹ کر ڈالا،حریف باکسر شہیر آفریدی کے تابڑ توڑ مکوں کا سامنا نہ کر سکا اور شکست پر مجبور ہو گیا، اس کامیابی کے بعد شہیر آفریدی مڈل ویٹ کی عالمی درجے بندی کے ٹاپ 60 باکسرز میں شامل ہو گئے، پروفیشنل باکسنگ مقابلوں میں 15 ویں کامیابی پانے والے شہیرآفریدی نے اپنی جیت کو پاک افواج کے شہدا کے نام کیا۔

گرینڈ امن جرگہ ضلع کُرم میں قبائل کے درمیان امن معاہدہ کرانے میں ناکام

واضح رہے کہ رواں سال جولائی میں تھائی لینڈ میں منعقدہ انٹرنیشنل فائٹ میں شہیر آفریدی نے بھارتی باکسر رونت سولنکی کو تیسرے راؤنڈ میں ہی ناک آؤٹ کرکے ایشین چیمپئین بننے کا اعزاز حاصل کیا تھا۔

جنوبی کوریا، لینڈنگ کے دوران مسافر طیارہ حادثے کا شکار، 85 افراد ہلاک

میئر کراچی بیرسٹر مرتضیٰ وہاب نے کہا ہے کہ احتجاج کی آڑ میں کسی کو پریشان کرنے کی اجازت نہیں دیں گے، پارہ چنار میں حکومت خیبر پختونخوا کی ہے اور ازالہ کراچی کی عوام اور سندھ حکومت بھگت رہی ہے.

باغی ٹی وی کے مطابق گلشن اقبال میں نو تزئین شدہ عزیز بھٹی پارک کا افتتاح کرنے کے بعد میڈیا کے نمائندوں سے گفتگو کرتے ہوئے بیرسٹر مرتضیٰ وہاب نے کہا کہ پانی ضائع کرنے والوں کے خلاف ایف آئی آر کٹوائی ہے، جلد ان کے نام بھی دوں گا جو شہر کو نقصان پہنچا رہیں، واٹر بورڈ کے حوالے سے ایک سے دو روز میں جامع پریس کانفرنس کروں گا،ٹرانس کراچی کی انتظامیہ نے یقین دہانی کروائی ہے کہ ریڈ لائن کا کام جلد مکمل ہوگا، مرتضیٰ وہاب نے 2024 میں لوگوں کو امید کی کرن دی ہے،ہم نے کے ایم سی کو معاشی طور پر مستحکم کیا،گورنر سندھ کامران ٹیسوری صاحب سے ایک پرانا رشتہ ہے مگر میں سمجھتا ہوں مولا جٹ اسٹائل میں مسائل حل نہیں ہوتے، عزیز بھٹی پارک میں شہر کا پہلا فروٹس فارم بنایا گیا ہے،بدلتا ہوا کراچی دیکھا جا سکتا ہے،کل 27 دسمبر کو شہید محترمہ بے نظیر بھٹو کی برسی تھی، آج عزیز بھٹی پارک کے اندر ہم نے درخت لگائے، فیصلہ کیا تھا شہداء کے لیے پودے لگائیں گے، اس موقع پر ڈپٹی میئر کراچی سلمان عبداللہ مراد اور کے ایم سی کے متعلقہ افسران بھی موجود تھے، میئر کراچی بیرسٹر مرتضیٰ وہاب نے کہا کہ پیپلزپارٹی کے تمام کارکنان کو خراج تحسین پیش کرتا ہوں،کل گڑھی خدا بخش میں برسی کا اتنا بڑا اجتماع دیکھا،میں نے پہلے وہاں اتنا بڑا اجتماع نہیں دیکھا تھا،سخت سردی کے باوجود لوگ وہاں آئے اور چیئرمین پاکستان پیپلزپارٹی بلاول بھٹو زرداری اور صدر پاکستان آصف علی زرداری کے خطاب کو سنا،انہوں نے کہا کہ عزیز بھٹی پارک میں سبزیوں کے درخت لگا کر ویجی ٹیبل گارڈن بنایا گیا ہے، پانچ ہزار ماحول دوست درخت لگائے گئے ہیں، یہ پارک طویل عرصے سے خستہ حالی کا شکار تھا،کے ایم سی کی موجودہ انتظامیہ نے پارک کو درست کرنے کا فیصلہ کیا، عزیز بھٹی پارک میں ہم نے تین جنگل بنانے کا پلان ہے،یہاں اربن فاریسٹ، فوڈ فاریسٹ اور سبزیوں کے گارڈن بنائیں گے، پیپلزپارٹی کا یہی نظریہ ہے کہ پبلک کی جگہ پبلک کے پاس ہونی چاہیے، چند روز میں ملیر ایکسپریس وے کو، شاہ فیصل کالونی سے قیوم آباد تک عوام کے لئے کھول دیں گے، بلوچ کالونی ایکسپریس وے کا ایک پورشن جو رہ جائے گا اسے بھی جلد مکمل کریں گے، کورنگی کازوے کے برج پر کام ہو رہا ہے، انہوں نے کہا کہ جو کام ہوئے ان سے متعلق تفصیلی طور پر آگاہ کروں گا،کے ایم سی کے مالی وسائل سے متعلق آگاہ کروں گا، شہرمیں پرسوں اخبارات میں ٹینڈر ہوئے اور بھی کام ہوں گے،کراچی والا اب پیچھے نہیں ہٹے گا، آگے آئے گا،اگر ہم اسپورٹس کمپلیکس کی جگہ اسکول بنائیں گے تو نیب سوال کرے گا،ہمارا یہ موقف ہے کہ ہمیں عوام کو کس طرح ریلیف دینا، شہر میں چائنا کٹنگ اور شادی ہال بنانے سے بہتر ہے کچھ چیزیں بنیں، انہوں نے کہا کہ جماعت اسلامی کے فنڈز کا آڈٹ ہونا چاہئے،چندے پر چلنے والی جماعتوں کے پاس اتنے پیسے کہاں سے آ جاتے ہیں،گلشن ٹاؤن یا جناح ٹاؤن کے چیئرمین کو واٹر کارپوریشن کا چیئرمین بنا دیں گے تو پانی صرف وہیں آئے گا،جماعت اسلامی کے پیسوں سے صرف پوسٹر بن رہے ہیں، وہ کہتے ہیں ہمیں فنڈز نہیں مل رہے پھر کہتے ہیں ٹاؤن میں مثالی کام ہو رہے ہیں،جماعت اسلامی کے پاس نو ٹاؤن کی بھی ذمہ داری ہے،ہم نے ابھی نیو کراچی میں روڈ بنایا کل وہاں روڈ کٹنگ ہو رہی تھی،کس نے روڈ کٹنگ کی اجازت دی، میئر کراچی نے کہا کہ میں جماعت اسلامی والا نہیں جو ہوا میں بات کروں گا،کسی سروس لین پر ٹراما سینٹر بنے گا تو اس کی کیا افادیت ہوگی سیف الدین ایڈوکیٹ بھائی کہتے ہیں شہر میں کوئی کام نہیں ہو رہا،پانی کی لائنیں بھی پیپلز پارٹی والے ڈلوا رہے ہیں کنکشن بھی ہم ہی دیں گے،انہوں نے کہا کہ دھرنا دینے والوں سے اس وقت مذاکرات جاری ہیں کل بھی صوبائی وزیر ناصر حسین شاہ کی اس حوالے سے بات ہوئی ہے،میئر کراچی نے کہا کہ ٹرانس کراچی کے 26 دسمبر کے اجلاس میں موجود تھا،ٹرانس کراچی کی کمپنی میں اسٹاف کی کمی کی شکایات تھی جو دور ہوگئی ہے،کریم آباد کی گلیوں میں روڈ کٹنگ اور شاہراہ نور جہاں پر روڈ کٹنگ جماعت اسلامی کروا رہی ہے،انہوں نے کہا کہ کامران ٹیسوری صاحب کو مشورہ دوں گا کہ ایم کیو ایم کے دوستوں کو سمجھائیں لیاری ایکسپریس وے پر ہیوی ٹریفک چلنے کی مخالفت نہ کریں، ملیر ایکسپریس وے اور لیاری ایکسپریس وے پر ہیوی ٹریفک چلے گا تو ٹریفک کے مسائل حل ہونگے،میں چاہتا ہوں ہمارا ٹریفک ڈپارٹمنٹ ڈمپرز کو ریگولیٹ کرے،بہت سے لوگوں کی اموات ڈمپرز حادثات میں ہوئی ہیں۔

نئی دہلی میں بارش کا 101سال کا ریکارڈ ٹوٹ گیا

صائم ایوب آئی سی سی ایمرجنگ کرکٹر آف دی ایئر کیلئے نامزد

مذاکرات کو حکومت کی کمزوری نہ سمجھا جائے، احسن اقبال

ایکسچینج کمپنیوں کیلئے نئے ریگولیٹری فریم ورک کا اعلان

اسٹیٹ بینک نے تمام ایکسچینج کمپنیز کیلئے نئے ریگولیٹری فریم ورک کااعلان کردیا۔

اسٹیٹ بینک کے مطابق ایکسچینج کمپنیز کا پیڈ اپ کیپٹل بڑھا کر ایک ارب روپے کردیا گیا ہے۔ اسٹیٹ بینک کی منظوری کے 3ماہ کے اندر ایکسچینج کمپنیز کو کاروبار کا آغاز کرنا ہوگا۔ ایکسچینج کمپنیاں لائسنس یا آٹ لیٹس اب کسی اور ادارے کو منتقل نہیں کرسکیں گی۔ایکسچینج کمپنی کی معطلی یا منسوخی کے بعد 60 روز میں فارن کرنسی اسٹیٹ بینک میں جمع ہوگی۔اسٹیٹ بینک کے مطابق ایکسچینج کمپنی کو لازمی نقد کی صورت میں پیڈ اپ کیپٹل رکھنا ہوگا۔ پیڈ اپ کیپٹل قوانین پر مکمل عملدرآمد 2027 تک کرنا ہوگا۔ ملک بھر کی تمام ایکسچینج کمپنیز کا پیڈ اپ کیپٹل مرحلہ وار بڑھے گا۔ ایکسچینج کمپنیز کو دسمبر 2025 تک 60کروڑ اور دسمبر2026 تک 80 کروڑ روپے پیڈ اپ کیپٹل برقرار رکھنا ہوگا۔

کراچی کیلئے بجلی سستی ہونے کا امکان

کراچی کیلئے بجلی سستی ہونے کا امکان

کے الیکٹرک صارفین کیلئے بجلی 4 روپے 98 پیسے تک سستی ہونے کا امکان ہے۔

کے الیکٹرک نے قیمت میں کمی کی درخواست نیپرا میں جمع کروا دی ہے، کے الیکٹرک نے درخواست ماہ نومبر کے فیول چارج ایڈجسٹمنٹ کی مد میں دائر کی ہے۔نیپرا کی جانب سے منظوری پر کراچی کے صارفین کو 7 ارب 17 کروڑ روپے سے زائد کا ریلیف ملنے کا امکان ہے۔ کے الیکٹرک کی درخواست پر 15 جنوری کو سماعت ہوگی۔دوسری طرف پٹرولیم مصنوعات کی قیمتیں 4 روپے فی لٹر سے زائد بڑھنے کی توقع ہے، ڈیزل کی قیمت میں چار روپے سے زائد اضافہ ہو سکتا ہے۔ذرائع کے مطابق پیٹرول کی قیمتوں میں ردوبدل نہ کرنے کا امکان ہے جبکہ مٹی کے تیل کی قیت میں ایک روپے فی لٹر تک اضافہ ممکن ہے۔پٹرولیم مصنوعات کی قیمتوں میں تبدیلی بارے اعلان 31 دسمبر کو ہو گا، وزیراعظم سے مشاورت کے بعد وزیر خزانہ نئی قیمتوں بارے اعلان کریں گے۔

کراچی میں آج بھی احتجاج، شہریوں کو شدید مشکلات

ڈیرہ غازیخان: ریسکیو1122نے 24گھنٹوں میں 279 زندگیاں بچائیں

خیبرپختونخوا کے علاقے پاراچنار میں اموات کے خلاف شہر قائد میں احتجاج پانچویں روز میں داخل ہوگیا، جس کے نتیجے میں کراچی کے شہریوں کو ٹریفک کے مسائل کا سامنا ہے۔

باغی ٹی وی کے مطابق کراچی میں ایم اے جناح روڈ پر نمائش چورنگی، ابوالحسن اصفہانی روڈ نزد عباس ٹاؤن، نارتھ ناظم آباد میں فائیو سٹار چورنگی، یونیورسٹی روڈ پر سمامہ شاپنگ سینٹر کے قریب، شاہراہ فیصل پر اسٹار گیٹ کے قریب، کورنگی، مین نیشنل ہائی وے پر ملیر 15 کے قریب، سرجانی ٹاؤن میں شمس الدین عظیمی روڈ، شاہراہ پاکستان پر انچولی پر، گلستان جوہر میں کامران چورنگی پر احتجاج کیا جارہا ہے۔اسی طرح ناظم آباد نمبر 1 کے قریب نواب صدیق علی خان روڈ، اسٹیل ٹاؤن کے قریب اور نارتھ کراچی میں پاور ہاؤس پر بھی مظاہرے کیے جا رہے ہیں۔کراچی ٹریفک پولیس نے سماجی رابطے کی ویب سائٹ ’ایکس‘ پر جاری اپ ڈیٹ میں بتایا کہ مین شاہراہ فیصل کالا چھپرا روڈ کی جانب ٹریفک کو کھول دیا گیا ہے تاہم دوسرا روڈ بند ہے۔اس کے علاوہ مجلس وحدت المسلمین (ایم ڈبلیو ایم) لاہور ونگ بھی گزشتہ ہفتے سے لاہور پریس کلب کے باہر احتجاج کر رہے ہیں، جس میں جماعت کے وائس چیئرمین علامہ احمد اقبال رضوی، پنجاب کے صدر علامہ اکبر علی کاظمی اور لاہور کے صدر نجم خان شامل ہیں۔واضح رہے کہ آج خیبرپختونخوا کے ضلع کرم میں راستوں کی بندش کے خلاف دھرنا 9ویں روز میں داخل ہوگیا ہے، شہریوں کی بڑی تعداد پارا چنار پریس کلب کے باہر احتجاج میں شریک ہیں۔

ڈیرہ غازیخان: ریسکیو1122نے 24گھنٹوں میں 279 زندگیاں بچائیں

طیارہ حادثہ، روس نے آذربائیجان سے معافی مانگ لی

کراچی: حافظ نعیم الرحمان نے کہا کہ اللہ نے چاہا تو کل کا غزہ ملین مارچ ہماری طرف سے بین الاقوامی دنیا پر ایک مثبت اثر ڈالے گا۔

باغی ٹی وی: جماعت اسلامی کی جانب سے غزہ ملین مارچ کے حوالے سے پریس کانفرنس میں امیر جماعت اسلامی حافظ نعیم نے کہا کہ پاکستان کا وجود کلمے کی بنیاد پر ہوا ہے اور پاکستان کے لئے لوگوں نے بہت قربانیاں دی ہیں لیکن پاکستان کے نظام میں وہ تمام چیزیں حاصل نا ہو سکی جس کے لئے یہ ملک بنا تھا،پاکستان کے عوام ہر مسئلے پو لوگوں کے ساتھ کھڑے ہوتے ہیں پاکستان نے ہمیشہ فلسطین کے مسئلے کو اپنا مسئلہ سمجھا ہے پاکستان کے بننے سے پہلے ایک قرارداد پاکستان کے لئے اور دوسری فلسطین کے لئے پیش کی جاتی تھی۔

ڈاکٹرعاصم کے خاندان کی صحت کے شعبے میں شاندار خدمات ہیں، آصف زرداری

حافظ نعیم الرحمان نے کہا کہ قائد اعظم نے اسی لئے اسرائیل کو مغرب کی ناجائز پیداوار قرار دیا،42400 لوگ وہ ہیں جو شہید ہوئے اور رپورٹ کیا گیا، کل بھی اسرائیل کی جانب سے اسپتال پر حملہ کیا گیا، یہ نسل کشی اور دہشتگردی ہے جس کو امریکا لیڈ کر رہا ہےفلسطین کی نسل کشی سے امریکا کو فرق نہیں پڑتا یہ وہی امریکا ہے جس نے جاپان پر ایٹم بم پھینکا تھا آج فلسطین میں بچےاور عورتیں شہید ہو رہی ہیں جتنی سردی یہاں ہے اس سے کئی گنا زیادہ سردی فلسطین میں ہے ہمیں اپنے حصے کا کام کرنا ہے۔

ناسا کے خلائی جہاز کی سورج کے انتہائی قریب پرواز

دوسری جانب میئر کراچی مرتضیٰ وہاب نے کہا کہ سڑکیں بندکرنےوالےمزارقائد کےساتھ خالی میدان میں پرامن احتجاج کرلیں،مذہبی جماعتوں کے دھرنے کے حوالے سے مذاکرات چل رہے ہیں مظاہرین نے ناصر شاہ کو بتایا کہ ہم پرامن احتجاج کر رہے ہیں۔ میں پرامن احتجاج کے حق میں ہوں لیکن احتجاج کی آڑ میں عوام کو تکلیف دینا درست نہیں ایمبولینسوں اور پولیس کی گاڑیوں کا راستہ بھی رک رہا ہے۔

چاہتے ہیں اگلے چار سال میں توانائی کا شعبہ بحران سے نکل آئے،اویس لغاری