Category: کراچی

کراچی میں گزشتہ 24 گھنٹوں کے دوران ٹریفک کے مختلف حادثات میں 6 افراد اپنی جانوں سے ہاتھ دھو بیٹھے ہیں، جبکہ متعدد افراد زخمی بھی ہوئے ہیں۔ یہ حادثات شہر کے مختلف علاقوں میں پیش آئے، جن میں ٹرک اور ٹینکر کی ٹکر سے کئی افراد کی ہلاکتیں ہوئی ہیں۔

شہید ملت روڈ پر بلوچ کالونی جانے والی ٹریک پر ٹینکر کی زد میں آ کر دو افراد جاں بحق ہوگئے۔ پولیس کے مطابق حادثے کے بعد ایک شخص زخمی بھی ہوا، جسے فوری طور پر قریبی ہسپتال منتقل کیا گیا۔ ٹینکر ڈرائیور موقع سے فرار ہوگیا، جس کے بعد مشتعل شہریوں نے ٹینکر کو آگ لگا دی۔ پولیس نے واقعہ کی تحقیقات شروع کر دی ہیں۔
جاں بحق و شدید زخمی ہونے والے بائیک سواروں کی شناخت
1- سید نعمان ولد سید مرغوب علی عمر 57سال (جاں بحق)
2- محمد اسرار ولد محمد یاسین عمر 49سال (جاں بحق)
3- شناخت تاحال نہ ہوسکی عمر 30سال(زخمی)

بلدیہ ٹاؤن کے قریب حب ریور روڈ پر بھی ایک واٹر ٹینکر کی ٹکر سے دو موٹر سائیکل سوار جاں بحق ہوگئے۔ اس حادثے میں بھی ٹینکر ڈرائیور فرار ہونے میں کامیاب ہوگیا۔ پولیس کے مطابق حادثہ اس وقت پیش آیا جب ٹینکر نے موٹر سائیکلوں کو ٹکر مار کر انہیں کچل دیا، جس کے نتیجے میں دونوں افراد موقع پر ہی دم توڑ گئے۔

کاٹھور کے علاقے میں ایک اور ٹریفک حادثے کی اطلاع ملی ہے، جہاں ایک کار سوار نے کوسٹ گارڈ کے اہلکار کو ٹکر مار کر شدید زخمی کر دیا۔ پولیس کے مطابق زخمی اہلکار بعد ازاں چل بسا۔ کار سوار نے کچھ دور جانے کے بعد اپنی گاڑی چھوڑ کر فرار ہو گیا۔ پولیس نے مقدمہ درج کرکے ملزم کی تلاش شروع کر دی ہے۔

کورنگی کے علاقے میں چمڑا چورنگی کے قریب ایک کار نے موٹر سائیکل سوار کو ٹکر مار کر اسے نالے میں پھینک دیا، جس سے ایک شخص جاں بحق ہوگیا۔ اس حادثے میں بھی کار سوار موقع سے فرار ہوگیا۔

پولیس حکام کے مطابق رواں سال کے ابتدائی دس دنوں میں کراچی میں مختلف ٹریفک حادثات میں 22 افراد جاں بحق ہو چکے ہیں جبکہ 261 افراد زخمی ہوئے ہیں۔ پولیس حکام کا کہنا ہے کہ وہ ان حادثات کی تحقیقات کر رہے ہیں اور ٹریفک قوانین کی خلاف ورزی کرنے والوں کے خلاف کارروائی کی جائے گی۔کراچی میں بڑھتے ہوئے ٹریفک حادثات شہریوں کے لیے ایک بڑا چیلنج بن گئے ہیں، جس پر قابو پانے کے لیے پولیس اور متعلقہ اداروں کو مزید سخت اقدامات اٹھانے کی ضرورت ہے۔

گورنر سندھ کامران خان ٹیسوری نے کہا ہے کہ معاشی حب کراچی میں ٹینکرز موت بانٹتے پھر رہے ہیں جو لمحہ فکریہ ہے۔گورنر سندھ نے کراچی کے علاقے شہید ملت روڈ پر ٹینکر سے 2 افراد کے جاں بحق ہونے پر اظہارِ تشویش کیا اور آئی جی سندھ سے واقعے کی رپورٹ طلب کرلی،کامران ٹیسوری نے کہا ہے کہ غم کی اس گھڑی میں لواحقین کے ساتھ ہوں۔

فہیم حیدر پر کروڑوں کی بارش، مبشر لقمان کو خاموش رہنے کی اپیل

بھارتی سپریم کورٹ کا ہم جنس پرستوں کی شادی فیصلے پرنظر ثانی سے انکار

کراچی( سید ۔مظہر عبّاس چیف ایڈیٹر فیکٹس فاانڈر ڈیجیٹل) جامعہ این ای ڈی کے داخلہ ٹیسٹ کے نتائج نے اندرونِ سندھ کے تعلیمی بورڈز کی کارکردگی کی قلعی کھول دی ہے۔
جامعہ این ای ڈی کے پرووائس چانسلر ڈاکٹر طفیل کے مطابق انٹر سال اول میں 70 اور 80 فیصد سے زائد نمبر لانے والے اندرونِ سندھ کے طلبہ کی اکثریت داخلہ ٹیسٹ میں اچھے نمبر تو دور کی بات، ہونے میں بھی ناکام ہوگئی۔
داخلہ ٹیسٹ میں آغا خان تعلیمی بورڈ کے نتائج سب سے بہتر رہے۔ آغا خان تعلیمی بورڈ کے طلبہ کے نتائج کی کامیابی کا تناسب 84.71 فیصد رہا۔ فیڈرل بورڈ کا 73 فیصد رہا جب کہ کراچی بورڈ کے نتائج 67.64 فیصد رہا۔
تاہم اندرون سندھ کے تعلیمی بورڈز کی صورتحال انتہائی خراب رہی۔
این ای ڈی کے داخلہ ٹیسٹ میں لاڑکانہ بورڈ کے طلبہ کی کامیابی کا تناسب 21.08 فیصد رہا، نوابشاہ بورڈ کا 26.60 فیصد رہا۔میرپورخاص کا 26.69 فیصد، سکھر کا 31.61 فیصد اور حیدرآباد بورڈ کا 34.41 فیصد رہا۔
ڈاکٹر طفیل نے جنگ کو بتایا کہ اے لیول کے طلبہ کے داخلہ ٹیسٹ کے نتائج اس میں شامل نہیں کیئے گئے کیونکہ ان کے ابھی امتحانات چل رہے ہیں۔ امتحانات کے بعد اے لیول کے طلبہ کا داخلہ ٹیسٹ ہوگا۔ یاد رہے کہ سندھ کے تمام تعلیمی بورڈ گزشتہ کئی برس سے ایڈھاک ازم کا شکار ہیں، کسی بھی بورڈ میں چیرمین، ناظم امتحانات، سکریٹری اور آڈٹ افسر مستقل نہیں صرف حیدرآباد بورڈ کے قائم مقام ناظم امتحانات گزشتہ 12 برس سے تعینات ہیں انھیں جب بھی ھٹا یا جاتا ہے، اسٹے لے لیتے ہیں۔ یہی صورتحال اور بورڈ کے اور عہدوں کی بھی ہے بیشتر چیرمین بورڈ اسٹے پر کام کررہے جسکی وجہ سے تعلیمی بورڈز کی کارکردگی مسلسل زوال پزیر ہے۔

اب ملاحظہ کیجئے بورڈ آف انٹرمیڈیٹ کراچی اور بورڈ آف انٹرمیڈیٹ لاڑکانہ کے 2024 کے نتائج کا ایک تقابلی جائزہ کہ کس مضمون میں کتنے فیصد بچے پاس ھوئے۔

لاڑکانہ بورڈ رزلٹس
کمپیوٹر سائینس۔ 74.81 فیصد
پری میڈیکل 76.71 فیصد
پری انجینئرنگ۔ 76.3 فیصد
کامرس۔ 82 فیصد
ھیومینٹیز۔ 80 فیصد

کراچی بورڈ رزلٹس
کمپیوٹر سائینس 35.51 فیصد
پری میڈیکل 35 فیصد
پری انجینئرنگ۔ 28.53 فیصد
کامرس پرائیویٹ 29.67 فیصد
ھیومینٹیز پرائیویٹ 24.33 فیصد

کراچی بورڈ کے جن طلبہ کو پاس بھی کیا گیا، ان کو انتہائی کم مارکس دیئے گئے۔ زیادہ تر طلبہ کو B اور C گریڈ دیئے گئے۔ اس کے بر خلاف اندرونِ سندھ کے بورڈز کو انتہائی فراغ دلی سے مارکس دیئے گئے۔ زیادہ تر طلبہ کو A اور A-1 گریڈ دیئے گئے۔

اندرونِ سندھ کے A اور A-1 طلبہ، این ای ڈی کا داخلہ ٹیسٹ محض پاس کرنے میں بھی ناکام ہو گئے۔
جبکہ کراچی کے B اور C گریڈ لانے والے طلبہ، این ای ڈی کے داخلہ ٹیسٹ میں اچھے نمبروں سے پاس ہوئے۔

سندھ میں 2024 میں MDCAT میں جس طرح ظالمانہ دھاندلی ہوئی ہے اس سے آپ سب واقف ہیں۔ ایسی دھندلی دنیا میں اور کہیں نہیں ہوتی۔ اب اطلاعات یہ ہیں کہ اندرونِ سندھ کے جن طلبہ کو دو نمبری سے A-1 گریڈ دلوایا گیا ہے، ان طلبہ کے کراچی کے جعلی ڈومیسائل بنوا کر ان کے کراچی کے انجینئرنگ اور میڈیکل یونیورسٹیوں میں داخلہ کروائے جائیں گے۔

صدرایف پی سی سی آئی عاطف اکرام شیخ نے آگاہ کیا ہے کہ ایف پی سی سی آئی رواں ہفتے پاکستان اور بنگلہ دیش کے مابین اقتصادی، تجارتی اور کمرشل تعلقات میں ٹھوس پیش رفت کے لیے ایک ممتاز ملٹی سیکٹرایکسپورٹرز کا وفد بنگلہ دیش لے جا رہی ہے۔

میڈیا رپورٹس کے مطابق عاطف اکرام شیخ نے مزید کہا کہ ایف پی سی سی آئی کے وفد کی بنگلہ دیش کی عبوری حکومت کے چیف ایڈوائزر ڈاکٹر محمد یونس اور کامرس ایڈوائزر شیخ بشیر الدین سے ملاقاتوں کی بھی امید ہے۔صدر ایف پی سی سی آئی نے زور دیا کہ پاکستان کی کاروباری، صنعتی اور تاجر برادری اقتصادی سفارتکاری کے ذریعے پاکستان کے لیے وہ اہم سنگ میل حاصل کر سکتی ہے کہ جو سیاسی ڈپلومیسی کے میدان میں مشکل معلوم ہوتے ہیں۔ اسی طرح آج کی دنیا میں ممالک اور خطے ایک دوسرے پر انحصار کرتے ہوئے قریب آتے ہیں؛ جس کے نتیجے میں ان ممالک میں معاشی ترقی اور خوشحالی پیدا ہوتی ہے۔انہوں نے آگا ہ کیا کہ ایف پی سی س آئی کا وفد مختلف صنعتوں سے تعلق رکھنے والے 35 سے زائد تاجروں پر مشتمل ہوگا۔ واضح رہے کہ کراچی میں بنگلہ دیش کے ڈپٹی ہائی کمشنر محبوب العالم نے ایف پی سی سی آئی کے وفد کے دورہ بنگلہ دیش کی سرگرمیوں اور دائرہ کار پر غور و خوض کرنے کے لیے فیڈریشن ہاؤس کا دورہ کیا۔ انہوں نے ویزوں کے فوری اجراء اور جینوائن پاکستانی تاجروں کو تجارتی فروغ کی سرگرمیوں کے لیے سہولت فراہم کرنے میں اپنا بھرپور تعاون پیش کیا۔ایف پی سی سی آئی کے ریجنل چیئرمین اورنائب صدر ذکی اعجاز اورایف پی سی سی آئی کے نائب صدر آصف سخی بھی وفد کا حصہ ہوں گے۔صدر ایف پی سی سی آئی عاطف اکرام شیخ نے واضح کیا کہ بنگلہ دیش ایک ایسا ملک ہے جس کے ساتھ ہماری معیشتوں کی تکمیلی نوعیت اور بڑی برآمدی صنعتوں میںمماثلت کی وجہ سے مختصر مدت میں دو طرفہ تجارت کو بڑھایا جا سکتا ہے اور مشترکہ منصوبوں؛ ٹیکنالوجی کی منتقلی اور صنعتی تعاون کے لیے بہت گنجائش موجود ہے۔انہوں نے مزید کہا کہ B2B اور چیمبر ٹو چیمبر روابط اور اجتماعی تجارتی فروغ کی سرگرمیاں بھی شروع کی جانی چائیں۔سنیئر نائب صدر ایف پی سی سی آئی ثاقب فیاض مگوںنے بتایا کہ ایف پی سی سی آئی کا وفد باہمی تعاون کی راہیں تلاش کرنے اور مختلف موجودہ اور ابھرتی ہوئی صنعتوں میں بین الاقوامی رجحانات کا مطالعہ کرنے کے لیے ڈھاکہ انٹرنیشنل ٹریڈ فیئر (DITF) کا بھی دورہ کرے گا۔
مزید برآں، وفد اگلے ہفتے ڈھاکہ میں فیڈریشن آف بنگلہ دیش چیمبرز آف کامرس اینڈ انڈسٹریز کے زیر اہتمام 13 جنوری 2025 کو ہونے والے پاکستان ط بنگلہ دیش بزنس فورم میں بھی شرکت کرے گا۔سنیئر نائب صدر ایف پی سی سی آئی ثاقب فیاض مگوںنے مزید کہا کہ الیکٹرانکس، کاریں، صنعتی مشینری، قالین، کھلونے، سیرامکس و سینیٹری مصنوعات، دستکاری، ٹیکسٹائل، تیار ملبوسات، چمڑے کی مصنوعات، ہوم اپلائنسز، پراسیسڈ فوڈز، فرنیچر، پلاسٹک کا سامان، جوٹ کی مصنوعات، کاسمیٹکس، کھیلوں کا سامان اور زیورات کچھ بڑے اور اہم شعبے ہیں کہ جو ڈھاکہ بین الاقوامی تجارتی میلے میں اپنی مصنوعات کی نمائش کرتے ہیں۔کراچی میں بنگلہ دیش کے ڈپٹی ہائی کمشنر محبوب العالم نے کہا کہ دونوں ممالک کے درمیان دو طرفہ تجارت محض 800 ملین ڈالر ہے اور اسے چند ہی سالوں میں آسانی سے 2سے 3 ارب ڈالر تک بڑھایا جا سکتا ہی؛ اگر ہم دونوںممالک میں ایک دوسرے کے لیے غیر استعمال شدہ ایکسپورٹ پو ٹنیشل کو تلاش کر سکیں اور اس سے فائدہ اٹھا سکیں۔نائب صدر ایف پی سی سی آئی امان پراچہ نے وضاحت کی کہ سماجی، اقتصادی اور مذہبی مماثلت کی بنیاد پر پاکستان اور بنگلہ دیش کے درمیان دو طرفہ تعلقات بڑھیں گے اورپاکستان کو کاٹیج انڈسٹریز اور ایس ایم ایز کے لیے سازگار ماحول پیدا کرنے کے سلسلے میں بنگلہ دیش کے مائیکرو فنانس ماڈل سے سیکھنے کے لیے بہت کچھ ہے ؛تا کہ ، غربت کا خاتمہ ہو؛ روزگار پیدا ہو اور خواتین کو معاشی نظام کا حصہ بنایا جا سکے۔

ڈیرہ اسماعیل خان میں دہشت گردی کا منصوبہ ناکام

بلاول بھٹو نےپھر وفاقی کابینہ میں شامل ہونے سے انکار کر دیا

بلاول بھٹو نےپھر وفاقی کابینہ میں شامل ہونے سے انکار کر دیا