Category: کراچی

کراچی: ایم کیو ایم کے رہنما خالد مقبول صدیقی نے کہا ہے کہ ہم چاہتے ہیں کہ مدارس کے حوالے سے نوٹیفکیشن جاری کیا جائے-

باغی ٹی وی : سربراہ جے یو آئی (ف) مولانا فضل الرحمان سے ایم کیوایم وفد کی ملاقات کی، ملاقات میں مدارس رجسٹریشن سے متعلق سوسائٹیز رجسٹریشن ترمیمی بل پر گفتگو متوقع تھی، ایم کیو ایم کی قیادت کی آمد پر مولانا فضل الرحمان نے خوشی کا اظہار کیاخالد مقبول صدیقی نے کہا کہ مولانا صاحب سے ہر دور میں ملاقات ہوتی رہی ہے، 26ویں ترمیم کے موقع پر بھی سب کے اپنے اپنے مؤقف تھے۔

جے یو آئی کی طرف سے سینیٹر کامران مرتضٰی، مولانا عبدالغفورحیدری، سنیٹرعطاء الرحمان، مولانا اسعد محمود اوراسلم غوری موجود تھے۔

ملاقات کے بعد میڈیا سے گفتگو کرتے ہوئے مولانا فضل الرحمان نے کہا آج متحدہ قومی موومنٹ کی قیادت ہمارے پاس آئی، ان کا آنا ہمارے لیے خوشی کی بات ہے، ہمارا یہی مطالبہ ہے حکومت دینی مدارس کاگزٹ نوٹیفکیشن جاری کرے، چاہتے ہیں سیاسی تنازعہ کے بغیرمعاملات خوش اصلوبی سے حل ہوں۔

ملاقات کے بعد میڈیا سے بات کرتے ہوئے خالد مقبول نے کہا کہ آج ہم نے مولانا کے مؤقف پر کھل کر بات کی ہے اس موقع پر مولانا فضل الرحمان نے قانون سازی کے عمل کو تسلیم کرتے ہوئے کہا کہ قانون سازی کا عمل مکمل ہو چکا ہےایوان صدر نے مدارس سے متعلق قانون سازی کو الجھادیا اور اس بات پر زور دیا کہ مدارس سے متعلق بل میں کوئی رکاوٹ نہیں ہونی چاہیےدینی مدارس کے حوالے سے گزٹ نوٹیفکیشن جاری کیا جائے۔

خالد مقبول نے بھی اس بات کی حمایت کی اور کہا کہ ہم چاہتے ہیں کہ مدارس کے حوالے سے نوٹیفکیشن جاری کیا جائے، ہم ہر دور میں مولانا فضل الرحمن کے پاس آتے رہے ہیں، ہم نے آج مولانا کے موقف کو سمجھنے کی کوشش کی ہے، مذاکرات سے ہی تناز عا ت کا حل سیاسی جماعتوں کا حسن ہے-

اس موقع پر گورنر نے کہا کہ آپ کہتے ہیں کہ مدارس کو وزارت تعلیم کے ماتحت درج کیا جائے کامران ٹیسوری نے بھی وضاحت کی کہ ہم تو وزیر تعلیم ہی مولانا صاحب کے پاس لے آئے۔

متحدہ قومی موومنٹ کے وفد کی قیادت ڈاکٹر خالد مقبول صدیقی نے کی۔

کراچی:پاکستان پیپلزپارٹی کے چیئرمین بلاول بھٹو زرداری سے سندھ میں پبلک پرائیوٹ پارٹنرشپ کے حوالے سے وزیراعلی سندھ کے معاون خصوصی قاسم نوید قمر کی بلاول ہاؤس میں ملاقات ہوئی-

باغی ٹی وی: چیئرمین بلاول بھٹو زرداری کو وزیراعلی سندھ کے معاون خصوصی قاسم نوید قمر نے سندھ میں پبلک پرائیوٹ پارٹنرشپ کے منصوبوں پر بریفنگ دی جس میں کہا گیا کہ سندھ میں ساڑھے چھ ارب روپے سے زائد کے پبلک پرائیوٹ پارٹنرشپ کے منصو بے مکمل ہوچکے ہیں، نیشنل انسٹی ٹیوٹ آف چائلڈ ہیلتھ، ملا کٹیار پُل، حیدرآباد میرپورخاص کیرج وے اور سندھ نیشنل پاور کمپنی پبلک پرائیوٹ پارٹنر شپ کے بڑے منصوبے ہیں-

بلاول بھٹو زرداری نے کہا کہ جرمنی کے سرمایہ کار سندھ میں زراعت اور پانی کے منصوبوں میں سرمایہ کاری کرنا چاہتے ہیں، جرمنی کے سرمایہ کار سندھ میں الیکٹرانک گاڑیوں کے چارجنگ کے انفراسٹرکچر پر بھی سرمایہ کاری کرنا چاہتے ہیں، پبلک پرائیوٹ پارٹنرشپ کے ذریعے ملک کی ترقی شہید محترمہ بینظیر بھٹو کا وژن تھا، سندھ میں پبلک پرائیوٹ پارٹنرشپ کے منصوبوں کی کامیابی سے تکمیل پاکستان کی کامیابی ہے، سندھ میں پبلک پرائیوٹ پارٹنرشپ کے منصوبوں پر تیزی سے عملدآمد ایک امیدافزا پیشرفت ہے-

ملاقات میں وزیراعلی سندھ کے معاون خصوصی قاسم نوید قمر کے ہمراہ پبلک پرائیوٹ پارٹنرشپ کے ڈائریکٹر جنرل اسد ضامن اور محکمے کے دیگر نمائندے بھی موجود تھے-

کراچی:پاکستان کرکٹ ٹیم کے سابق کپتان شاہد خان آفریدی ایک بار پھر نانا بن گئے ان کی بڑی بیٹی اقصیٰ کے ہاں پہلے بچے کی پیدائش ہوئی ہے۔

باغی ٹی وی: شاہد آفریدی نے منگل کو اپنے سوشل میڈیا اکاؤنٹ پر ایک بار پھر نانا بننے کی خوشخبری سنائی کہا کہ”الحمدللہ 16 دسمبر کو اللہ نے اقصیٰ اور نصیر کو خوبصورت بیٹی ‘آئرا ‘سے نوازا ہے’،انہوں نے لکھا کہ بیٹیاں اللہ کی رحمت اور سب سے قیمتی نعمت ہیں، ہمیں اپنی دعاؤں میں یاد رکھیں،ساتھ ہی ایک تصویر بھی پوسٹ کی جس میں والدین بچی کو اپنے ہاتھوں میں لیے ہوئے ہیں۔

شاہد آفریدی کی اس پوسٹ پر مداحوں اور معروف شخصیات کی جانب سے مبارکباد وں کا سلسلہ جاری ہے-

واضح رہے کہ شاہد خان آفریدی کی بڑی بیٹی اقصیٰ اور نصیر ناصر خان کا نکاح دسمبر 2022 میں ہوا تھا جبکہ رخصتی جولائی 2023 میں ہوئی تھی،اس سے قبل رواں سال اگست میں شاہد آفریدی کی بیٹی انشا اور فاسٹ بولر شاہین آفریدی کے ہاں بیٹے کی پیدائش ہوئی تھی جس کے بعد سابق آل راؤنڈر نانا بنے تھے-

سکھر: وزیر اعلیٰ سندھ سید مراد علی شاہ نے اپنے سکھر کے دورے کا آغاز پولیو کے خاتمے کی ڈور-ٹو-ڈور مہم سے کیا۔ اس مہم کے دوران وزیر اعلیٰ نے یونین کائونسل نیو سکھر میں گھروں کے دروازے کھٹکھٹائے اور والدین سے درخواست کی کہ وہ اپنے بچوں کو پولیو کے قطرے ضرور پلائیں۔

وزیر اعلیٰ سندھ سید مراد علی شاہ نے والدین سے بات کرتے ہوئے کہا، "پولیو کے قطرے آپ کے بچوں کو اپاہج ہونے سے بچا کر صحتمند مستقبل کو یقینی بناتے ہیں۔” انہوں نے والدین کی ہچکچاہٹ کی وجہ سے انہیں مزید سمجھایا اور کہا، "والدین کی ہچکچاہٹ کی وجہ سے میں نے آپ کے دروازے پر دستک دی ہے، تاکہ آپ کے بچوں کا مستقبل محفوظ ہو۔”انہوں نے والدین کو ہدایت دیتے ہوئے کہا، "آپ اپنے بچوں کو پولیو کے قطرے ضرور پلائیں، یہ نہ صرف آپ کے بچوں کے لیے فائدہ مند ہیں بلکہ پورے ملک کے لیے ضروری ہیں۔” وزیر اعلیٰ نے اپنی باتوں کا اختتام کرتے ہوئے کہا، "ہم ایک عظیم قوم ہیں اور ہم نے پولیو کا خاتمہ کر کے دنیا کے شانہ بشانہ چلنے کا عہد کیا ہے۔”وزیر اعلیٰ سندھ سید مراد علی شاہ نے اس موقع پر اپنی ٹیم کے ساتھ فیلڈ میں شامل ہو کر ڈور ٹو ڈور مہم میں حصہ لیا اور اپنی ٹیم کی محنت کو سراہا۔ انہوں نے کہا، "آج میں اپنی پولیو ٹیمز کے ساتھ فیلڈ میں ڈور ٹو ڈور مہم میں شامل ہوکر اپنی ٹیم کی محنت کو سلام پیش کرتا ہوں۔”

اس موقع پر صوبائی وزرا سید ناصر شاہ، مکیش چاولہ، ایم پی اے فرخ شاہ، سید جاوید شاہ اور دیگر حکام بھی وزیر اعلیٰ سندھ کے ہمراہ موجود تھے۔ اس مہم کا مقصد سکھر اور اس کے گرد و نواح میں پولیو کے خاتمے کے لیے عوامی آگاہی کو فروغ دینا اور والدین کو اپنے بچوں کو پولیو سے بچاؤ کے قطرے پلانے کی ترغیب دینا ہے۔وزیر اعلیٰ سندھ کی قیادت میں اس مہم کا آغاز ایک اہم قدم ہے جس سے نہ صرف سکھر بلکہ سندھ کے دیگر حصوں میں بھی پولیو کے خاتمے کی کوششیں تیز ہوں گی۔

آصفہ بھٹو زرداری اور فریال تالپور کا نواب شاہ میں انسداد پولیو مہم کا افتتاح

پولیوٹیموں پر حملے نہ صرف بزدلانہ بلکہ قومی جدوجہد پر حملہ ہیں،خالد مسعود سندھو

خیبر پختونخوا میں پولیو ٹیموں پر حملے،پولیس اہلکار سمیت دو کی موت

سندھ کے سینئر وزیر،وزیر اطلاعات شرجیل میمن کا کہنا ہے کہ چینی وفد نے شعبہ ٹرانسپورٹ میں سرمایہ کاری میں دلچسپی ظاہر کی ہے،

پریس کانفرنس کرتے ہوئے شرجیل میمن کا کہنا تھا کہ چینی سرمایہ کاروں نے پاکستان میں سرمایہ کاری کے حوالے سے صدر آصف علی زرداری، وزیرِ اعلیٰ سندھ مراد علی شاہ اور دیگر حکام سے ملاقاتیں کی ہیں۔ ان ملاقاتوں میں چینی سرمایہ کاروں نے ای وی (الیکٹرک گاڑیوں) ٹیکسیوں اور ای وی بسوں کے پاکستان میں متعارف کرانے کا ارادہ ظاہر کیا ہے۔ محکمۂ ٹرانسپورٹ میں انقلابی اقدامات کیے گئے ہیں، جس کے ذریعے ہر شہری کو سستی اور معیاری سفری سہولت فراہم کی جائے گی۔ دھابیجی اکنامک زون میں دس سال ٹیکس ہالیڈے، مشنیری کی ٹیکس فری درآمد ہوگی، ہماری پہلی ترجیح لوگوں کو روزگار فراہم کرنا ہے،پبلک پرائیویٹ پارٹنرشپ کی گلوبل رینکنگ میں پاکستان چھٹے نمبر پر سندھ کی وجہ سے ہے، سندھ کے محکمہ ٹرانسپورٹ نےموٹر گاڑیوں کی فٹنس کےلیےنئے ایس او پیز نافذ کیئےہیں جو 1 دسمبر 2024 سے لاگو ہونگے اس اقدام کا مقصد سڑک کی حفاظت کو بہتر بنانا ماحولیاتی حالات کو بہتر بنانا اور قیمتی انسانی جانوں کےضیاع کو روکنا ہے،وفاقی حکومت ان عناصر کیخلاف کارروائی کرے جو انسانی اسمگلنگ میں ملوث ہیں، موٹر وہیکل فٹنس کے حوالے سے نئے ایس او پیز یکم دسمبر سے نافذ کر دیے گئے ہیں۔ اس اقدام کا مقصد عوام کو بہتر اور محفوظ سفری سہولت فراہم کرنا ہے۔ پرانے فٹنس کارڈز کو مسترد کیا جا رہا ہے اور نئے فٹنس کارڈز کے اجراء کے عمل کو شروع کیا جا چکا ہے۔

شرجیل میمن کا مزید کہنا تھا کہ پی ٹی آئی والے وفاقی اداروں سے لڑنے کے بجائے دہشت گردوں سے لڑیں اور اپنے صوبے کے لوگوں کے جان و مال کی حفاظت کریں جس کہ ذمہ داری آپ کی حکومت کے کندھوں پر ہے، پی ٹی آئی والے مذاکرات بھی گن پوائنٹ پر کرنا چاہتے ہیں۔ سیاسی عمل میں مسلسل مداخلت اور دھمکیوں کا سلسلہ جاری ہے، جو کہ جمہوریت کے لیے نقصان دہ ہے۔ خیبرپختونخوا بہادر لوگوں کا صوبہ ہے، لیکن وہاں کے حکمران نااہل ہیں۔ کے پی کے وزیرِ اعلیٰ عمران خان کی قیادت میں دہشت گردوں کے خلاف کوئی مؤثر حکمت عملی نہیں اپنائی جا رہی، حالانکہ صوبے کا سب سے بڑا چیلنج دہشت گردی ہے۔ کے پی کی حکومت کا سربراہ دھمکیوں کو پسند کرتا ہے، اور یہ وہی شخص ہے جس نے پہلے بل جلائے تھے، جو ایک قسم کی سول نافرمانی تھی، وزیرِ اعلیٰ کو چاہیے کہ دہشت گردوں کے خلاف ایک حکمت عملی تیار کرے تاکہ عوام کی جان و مال کی حفاظت کی جا سکے۔

شرجیل میمن کا مزید کہنا تھا کہ پیپلز پارٹی دسمبر کے مہینے میں مختلف تقاریب کا انعقاد کر رہی ہے، جن میں اہم ترین تقریب شہید بے نظیر بھٹو کی برسی کی ہوگی جو کہ گڑھی خدا بخش میں منائی جائے گی۔ یہ تقریب پارٹی کے کارکنوں کے لیے انتہائی اہمیت کی حامل ہے اور اس موقع پر پیپلز پارٹی کے عزم و حوصلے کو دوبارہ اجاگر کیا جائے گا،پیپلز پارٹی ہمیشہ عوام کے حقوق کی جنگ لڑے گی اور وہ کسی بھی قسم کی دھمکیوں یا سیاسی چالوں کے سامنے نہیں جھکے گی۔ پی ٹی آئی والے ہمیشہ اپنے مفادات کے لیے جمہوریت کو خطرے میں ڈالنے کی کوشش کرتے ہیں، لیکن پیپلز پارٹی کا عزم اور جرات انہیں شکست دے گی۔

وزیراعلیٰ پنجاب کا دورہ چین،13 ارب کی سرمایہ کاری کا وعدہ

سیاسی انتقام کا نشانہ بنانے کی روایت بانی چیئرمین پی ٹی آئی نے رکھی،عطا تارڑ

خواجہ آصف کا بہت احترام لیکن ان کی زبان آگ اگلتی ہے،شیر افضل مروت

سندھ حکومت نے صوبے میں قائم تمام دارالامان کو اپ گریڈ کرنے کا فیصلہ کرلیا ہے۔

باغی ٹی وی کے مطابق سندھ حکومت نے صوبے میں ورکنگ ویمن کی سہولت کے لیے 115 ڈے کیئر سینٹر بنانے کا فیصلہ کیا ہے۔ چیف سیکریٹری سندھ آصف حیدر شاہ کی زیرصدارت محکمہ ترقی نسواں کا اجلاس ہوا جس میں صوبائی وزیر برائے ترقی نسواں شاہینہ شیرعلی سمیت محکمہ کے افسران نے شرکت کی اجلاس میں محکمہ ترقی نسواں کے ترقیاتی منصوبوں پرآگاہی دی گئی۔صوبائی وزیرنے کہا کہ عورتوں کو تحفظ کے ساتھ روزگار کے مواقع فراہم کرنے پربھی کام کررہے ہیں، محکمہ ترقی نسواں کے 954 ملین روپے کے 8 منصوبے زیر تعمیر ہیں۔چیف سیکرٹری سندھ نے یقین دہانی کروائی کہ ہنرمند خواتین کی مدد کے لیے محکمے کو فنڈز فراہم کیے جائیں گے۔انہوں نے کہا کہ صوبے کے دارالامان میں بچوں کے لیے پلے ایریا، ٹیوٹر فراہم کیے جائیں گے، پہلے مرحلے میں سرکاری اداروں اور جامعات میں ڈے کیئر سینٹر بنائے جائیں گے۔چیف سیکریٹری نے کہا کہ محکمہ ترقی نسواں کے ترقیاتی منصوبوں میں تاخیر برداشت نہیں کی جائے گی۔

جرمن چانسلر کیخلاف تحریک عدم اعتماد کامیاب ہو گئی

مدارس بل ایکٹ ، فوری گزٹ نوٹیفکیشن جاری کیا جائے، اتحاد تنظیمات مدارس

شام میں تمام مسلح دھڑے ختم کرنے کا اعلان

آئندہ 24 گھنٹوں کے دوران موسم سرد اور خشک رہے گا